మాజీ ఎమ్మెల్యే అబ్బయ్యకు నివాళి

మాజీ ఎమ్మెల్యే అబ్బయ్యకు నివాళి

ఇల్లెందురూరల్‌: అనారోగ్యంతో మృతి చెందిన మాజీ ఎమ్మెల్యే ఊకే అబ్బయ్యకు అభిమానులు, వివిధ రాజకీయ పార్టీల నాయకులు సోమవారం అశ్రునయనాలతో వీడ్కోలు పలికారు. ఆదివారం మృతి చెందగా భౌతికకాయాన్ని స్వగ్రామమైన హనుమంతులపహాడ్‌లో ఉంచారు. రాష్ట్ర వ్యవసాయశాఖ మంత్రి తుమ్మల నాగేశ్వరరావు సందర్శించి పూలమాలవేసి నివాళులర్పించారు. ఇల్లెందు నియోజకవర్గం అభివృద్ధిలో క్రియాశీలక పాత్ర పోషించారని గుర్తుచేశారు. మాజీ ఎమ్మెల్యే బానోత్‌ హరిప్రియ, కోనేరు చిన్ని, కాంగ్రెస్‌ నేతలు తుళ్లూరి బ్రహ్మయ్య, పులిగళ్ళ మాధవరావు, దొడ్డ డానియ ల్‌, ముక్తి కృష్ణ, పూనెం సురేందర్‌, సూర్నపాక సత్యనారాయణ, ఎట్టి హరికృష్ణ, మోకాళ్ళ వెంకటమ్మ, కల్తి పద్మ, సీపీఎం నాయకులు అబ్ధుల్‌ నబి, కిరణ్‌, సీపీఐ నేతలు సారయ్య, దేవరకొండ శంకర్‌, కాయం పాపయ్య తదితరులు నివాళులర్పించారు. కాగా అబ్బయ్య అంత్రిమయాత్రకు పలువురు రాజకీయ నాయకులు, గ్రామస్తులు తరలివచ్చారు.

మృతదేహాన్ని సందర్శించిన రాష్ట్ర వ్యవసాయశాఖ మంత్రి తుమ్మల