వాహనాల చోరీల కేసులో ఇద్దరి అరెస్ట్‌

వాహనాల చోరీల కేసులో ఇద్దరి అరెస్ట్‌

పాలకోడేరు: ద్విచక్ర వాహనాలు, ఆటోలను చోరీ చేస్తున్న ఇద్దరు యువకులను పాలకోడేరు పోలీసులు సోమవారం అరెస్ట్‌ చేశారు. భీమవరం రూరల్‌ సీఐ బి.శ్రీనివాసరావు, పాలకోడేరు ఎస్సై మంతెన రవి వర్మ వివరాలు వెల్లడించారు. మోగల్లు గ్రామానికి చెందిన రెడ్డి శివ (20), గొల్లలకోడేరు గ్రామానికి చెందిన ఈధా ప్రకాష్‌ (19) ఇటీవల విస్సాకోడేరులో రెండు మోటార్‌ సైకిళ్లు, మోగల్లులో ఒక మోటార్‌ సైకిల్‌, భీమవరం రూరల్‌ మండలం డేగాపురంలో ఆటో, తెలంగాణ రాష్ట్రంలోని హైదరాబాద్‌లో పల్సర్‌ మోటార్‌ సైకిల్‌ చోరీ చేశారు. వీటి విలువ సుమారు రూ.5,19,000. నిందితులు మోగల్లు గ్రామ శివారులోని ఓఎన్జీసీ సైట్‌ వద్ద చెట్ల పొదల్లో దాచిపెట్టిన నాలుగు మోటార్‌ సైకిళ్లను ఆటోలో తరలిస్తుండగా పోలీసులు పట్టుకున్నారు.