TV
నాట్కో ట్రస్టుకు కలెక్టర్‌ ప్రశంసాపత్రం
గుంటూరు మెడికల్‌: గుంటూరు జీజీహెచ్‌లో రూ.50 కోట్లతో నన్నపనేని లోకాదిత్యుడు, సీతారావమ్మ స్మారక నాట్కో క్యాన్సర్‌ నిర్మాణం చేసి కార్పొరేట్‌ క్యాన్సర్‌ వైద్యసేవలు ఉచితంగా అందిస్తున్న నాట్కో ట్రస్ట్‌కు అవార్డు లభించింది. ఆదివారం గుంటూరులో జరిగిన గణతంత్ర దినోత్సవ వేడుకల్లో కలెక్టర్‌ నాగలక్ష్మి చేతుల మీదుగా నాట్కో ట్రస్ట్‌ వైస్‌ చైర్మన్‌ నన్నపనేని సదాశివరావు, నాట్కో క్యాన్సర్‌ సెంటర్‌ కో–ఆర్డినేటర్‌ యడ్లపాటి అశోక్‌కుమార్‌ ప్రశంసా పత్రాన్ని అందుకున్నారు. ఈ సందర్భంగా సదాశివరావు, అశోక్‌కుమార్‌లకు పలువురు వైద్యులు, వైద్య సిబ్బంది, వైద్యాధికారులు, నాట్కో క్యాన్సర్‌ సెంటర్‌ సిబ్బంది, నాట్కో ట్రస్ట్‌ సభ్యులు అభినందనలు తెలిపారు.
వివా వీవీఐటీలో గణతంత్ర వేడుక
పెదకాకాని: వివా ది స్కూల్‌, వీవీఐటీలో ఆదివారం గణతంత్ర వేడుకలను నిర్వహించారు. 25 ఆంధ్ర బెటాలియన్‌ అడ్మినిస్ట్రేటివ్‌ ఆఫీసర్‌ లెఫ్టినెంట్‌ కల్నల్‌ దీపక్‌ శర్మ ముఖ్య అతిథిగా పాల్గొని జాతీయ పతాకాన్ని ఆవిష్కరించారు. అనంతరం పాఠశాలలోని వీవీఐటీ, వివా ఎన్‌సీసీ విద్యార్థుల నుంచి గౌరవ వందనం స్వీకరించారు. లెఫ్టినెంట్‌ కల్నల్‌ దీపక్‌ శర్మ మాట్లాడుతూ జాతీయ భావం గురించి వివరించారు. కార్యక్రమములో వివా వీవీఐటీ చైర్మన్‌ వాసిరెడ్డి విద్యాసాగర్‌, వీవీఐటీ ప్రిన్సిపాల్‌ డాక్టర్‌ వై.మల్లికార్జునరెడ్డి, వివా డైరెక్టర్‌ లెఫ్టినెంట్‌ కమాండర్‌ కేఎస్‌ రావు, ప్రిన్సిపల్‌ చదలవాడ సరళ, ఎన్‌ఎస్‌ఎస్‌ ఆఫీసర్స్‌ సయ్యద్‌ బిబన్‌ బాషా, డాక్టర్‌ ఎ.శ్రీవాణి పాల్గొన్నారు.
నాట్కో ట్రస్టుకు కలెక్టర్‌ ప్రశంసాపత్రం
Comments
Please login to add a commentAdd a comment