ప్యాట చెరువును అభివృద్ధి చేస్తాం

ప్యాట చెరువును అభివృద్ధి చేస్తాం

బుగ్గారం(ధర్మపురి): ధర్మపురి, బుగ్గారం, గొల్లపల్లి మండలాల్లోని పలు గ్రామాలకు సాగు, తాగునీరు అందించేందుకు యశ్వంతరావుపేట ప్యాట చెరువును అభివృద్ధి చేస్తామని ప్రభుత్వ విప్‌ అడ్లూరి లక్ష్మణ్‌కుమార్‌ పేర్కొన్నారు. సోమవారం మండలంలోని వెల్గొండ, యశ్వంతరావుపేట గ్రామాల్లో ధాన్యం కొనుగోలు కేంద్రాలను ప్రారంభించారు. అనంతరం యశ్వంతరావుపేటలోని ప్యాట చెరువును పరిశీలించి, చెరువు అభివృద్ధికి చర్యలు చేపట్టాలని నీటిపారుదల శాఖ అధికారులను ఆదేశించారు. వివిధ శాఖల అధికారులు, స్థానిక నాయకులు పాల్గొన్నారు.

పుస్తకావిష్కరణ

గొల్లపల్లి(ధర్మపురి): రాష్ట్ర విద్యారంగంలో వాస్తవ పరిస్థితులు, సమస్యలు, పరిష్కారాలు, జాతీయ విద్యావిధానం– 2020 అమలు సాధ్యాసాధ్యాలపై గొల్లపల్లి ప్రభుత్వ కళాశాల ప్రిన్సిపాల్‌ ఏనుగుల మల్లయ్య రూపొందించిన పుస్తకాన్ని విప్‌ అడ్లూరి లక్ష్మణ్‌కుమార్‌ ఆవిష్కరించారు. ఈ పుస్తకం విద్యా కమిషన్‌కు నివేదించనున్నట్లు పేర్కొన్నారు.

ప్రభుత్వ విప్‌ అడ్లూరి లక్ష్మణ్‌కుమార్‌