మీసేవ కేంద్రాలకు దరఖాస్తులు ఆహ్వానం

జగిత్యాల: జిల్లాలో నూతన మీసేవ కేంద్రాల కోసం దరఖాస్తులు ఆహ్వానిస్తున్నట్లు కలెక్టర్‌ సత్యప్రసాద్‌ తెలిపారు. భీమారంలో 1, జగిత్యాల రూరల్‌ మండలం మోరపల్లిలో 1, సారంగాపూర్‌ మండలం రంగపేటలో 1, మెట్‌పల్లిలోని జగ్గసాగర్‌లో 1 చొప్పున ఏర్పాటు చేయనున్నట్లు తెలిపారు. ఈనెల 26 నుంచి వచ్చేనెల 4 తేదీలోపు దరఖాస్తులను కార్యాలయంలో సమర్పించాలని సూచించారు. దరఖాస్తుదారుడు నిరుద్యోగి అయి ఉండాలని, దరఖాస్తుతోపాటు, రూ.500 డీడీని జిల్లా కలెక్టర్‌ పేరున తీయాలని, గ్రాడ్యుయేట్‌ అయి ఉండాలని, కంప్యూటర్‌ ట్రైనింగ్‌ సర్టిఫికెట్‌ తప్పనిసరి అని పేర్కొన్నారు. ఐటీ నైపుణ్య అంచనా కోసం రాతపరీక్ష నిర్వహిస్తామని పేర్కొన్నారు.