జుడోలో విద్యార్థినికి బంగారు పతకం

జుడోలో విద్యార్థినికి బంగారు పతకం

తుని రూరల్‌: ఆదికవి నన్నయ ఇంటర్‌ కాలేజీస్‌ యూనివర్సిటీ జుడో సెలక్షన్‌ కం టోర్నమెంట్‌ 78 కిలోల ప్లస్‌ విభాగంలో తుని ప్రభుత్వ డిగ్రీ, పీజీ అటానమస్‌ కళాశాల విద్యార్థిని జి.వెంకటలక్ష్మి బంగారు పతకం సాధించింది. ఈ నెల 10, 11 తేదీల్లో తాడేపల్లిగూడెంలో జరిగిన జుడో సెలక్షన్‌ కం టోర్నీలో గెలుపొందిన విద్యార్థినిని మంగళవారం కళాశాలలో జరిగిన ప్రత్యేక కార్యక్రమంలో ప్రిన్సిపాల్‌ డాక్టర్‌ సీహెచ్‌ లలిత, అధ్యాపకులు అభినందించారు. ఈ సందర్భంగా లలిత మాట్లాడుతూ ఆదికవి నన్నయ యూనివర్సిటీ తరఫున ఆల్‌ ఇండియా ఇంటర్‌ యూనివర్సిటీ జుడో మెన్‌ అండ్‌ ఉమెన్‌ టోర్నమెంట్‌కు ప్రాతినిధ్యం వహించే అవకాశం వెంకటలక్ష్మికి దక్కడం సంతోషంగా ఉందన్నారు. మధ్యప్రదేశ్‌ భోపాల్‌లో ఆల్‌ ఇండియా టోర్నమెంట్‌ డిసెంబర్‌లో జరుగుతుందని ఆమె తెలిపారు. వైస్‌ ప్రిన్సిపాల్‌ ఎం.శ్రీనివాసరావు, ఇన్‌చార్జ్‌ హెచ్‌ఓడీ బి.నాగరాజు, ఫిజికల్‌ డైరెక్టర్‌ సానా రాజేష్‌ కుమార్‌, అధ్యాపకులు పాల్గొన్నారు.