మైసూర్‌లో జగదభిరాముడి కల్యాణం

మైసూర్‌లో జగదభిరాముడి కల్యాణం

భద్రాచలం: కర్ణాటక రాష్ట్రంలోని మైసూర్‌లో భద్రాచలం శ్రీ సీతారాముడి కల్యాణ మహోత్సవం ఆదివా రం వైభవంగా జరిగింది. శ్రీరామ ప్రచార రథం ద్వారా చేరుకున్న స్వామివారికి అక్కడి భక్తులు ఘన స్వాగతం పలికారు. అనంతరం ప్రత్యేకంగా అలంకరించిన వేదికపై సీతాలక్ష్మణ సమేతుడైన రామయ్యను కొలువుదీర్చారు. కల్యాణతంతును కమనీయంగా నిర్వహించారు. మైసూర్‌కు తరలివచ్చిన సీతారాములను భక్తులు దర్శించుకుని పరమానందభరితులయ్యారు. ఆలయ ఈవో ఎల్‌.రమాదేవి, అర్చకులు, పండితులు పాల్గొన్నారు. కాగా దేవస్థానం అంతరాలయంలో మూలమూర్తులకు ఆదివారం అభిషేకం, సువర్ణ పుష్పార్చన జరిపారు. నిత్యకల్యాణ ఘట్టాన్ని శాస్త్రోక్తంగా జరిపారు.