విద్యార్థుల ఆరోగ్యంపై ప్రత్యేక దృష్టి

విద్యార్థుల ఆరోగ్యంపై ప్రత్యేక దృష్టి

మందమర్రిరూరల్‌: ప్రభుత్వ పాఠశాలలు, సంక్షేమ వసతిగృహాల్లోని విద్యార్థుల ఆరోగ్యంపై ప్రత్యేక దృష్టి సారించాలని జిల్లా కలెక్టర్‌ కుమార్‌దీపక్‌ అన్నారు. సోమవారం మందమర్రి మండల కేంద్రంలోని కస్తూరిభా గాంధీ బాలికల పాఠశాలను సందర్శించి తరగతి గదులు, మూత్రశాలలు, వంటశాల, రికార్డులు, ఆహార సామగ్రి నిల్వల రికార్డులు పరిశీలించారు. విద్యార్థులకు నాణ్యమైన భోజనం అందించాలని సిబ్బందికి సూచించారు. కాసేపు విద్యార్థులతో మాట్లాడి విద్యాబోధనపై తెలుసుకున్నారు. వార్షిక పరీక్షల్లో మంచి మార్కులతో ఉత్తీర్ణులు కావాలని తెలిపారు. అనంతరం తహసీల్దార్‌ కార్యాలయంలో పలు రికార్డులు పరిశీలించారు. ధరణి పోర్టల్‌లో వచ్చిన దరఖాస్తులను త్వరితగతిన పరిశీలించి పరిష్కరించాలని తహసీల్దార్‌ సతీష్‌కుమార్‌కు సూచించారు.