చేగుంటకు చేరిన పాదయాత్ర

చేగుంటకు చేరిన పాదయాత్ర

చేగుంట(తూప్రాన్‌): మాల మహానాడు రాష్ట్ర అధ్యక్షుడు పిల్లి సుధాకర్‌ చేపట్టిన పా దయాత్ర సోమవారం చేగుంటకు చేరుకుంది. ఈసందర్భంగా ఆయన మాట్లాడుతూ.. ఎస్సీ వర్గీకరణకు అనుకూలంగా వచ్చిన కోర్టు తీర్పుకు వ్యతిరేకంగా పాదయాత్ర చేస్తున్నట్లు చెప్పారు. కోర్టు తీర్పు మాలలు, మాదిగలను విడదీస్తున్నట్లు ఉందన్నారు. రాష్ట్రవ్యాప్తంగా పాదయాత్ర కొనసాగుతుందన్నారు. కార్యక్రమంలో పోలిట్‌బ్యూరో సభ్యు డు శ్రీరాములు, జిల్లా అధ్యక్షుడు సంజీవులు, నాయకులు శేఖర్‌, నర్సి ంలు, బాబు, సంజీవ్‌తో పాటు పలు గ్రామాల యువకులు పాల్గొన్నారు.

29న కార్తీక దీపారాధన

నారాయణఖేడ్‌: కార్తీకమాస దీపోత్సవాన్ని పురస్కరించుకుని ఈనెల 29న మనూరు మండలం బోరంచలో భోగేశ్వరస్వామికి రుద్రాభిషేకం, రుద్రహోమం నిర్వహించనున్నట్లు సేవాదళ్‌ బాధ్యులు సోమవారం ఒక ప్రకటనలో పేర్కొన్నారు. భక్తులు అధిక సంఖ్యలో పాల్గొని విజయవంతం చేయాలని కోరారు.