అందమైన ప్రేమ కథ | Dasara director Srikanth Odela maiden production grabs attention | Sakshi
Sakshi News home page

అందమైన ప్రేమ కథ

Published Tue, Mar 11 2025 3:01 AM | Last Updated on Tue, Mar 11 2025 3:01 AM

Dasara director Srikanth Odela maiden production grabs attention

నాని హీరోగా ‘దసరా’ వంటి బ్లాక్‌బస్టర్‌ మూవీ తెరకెక్కించిన డైరెక్టర్‌ శ్రీకాంత్‌ ఓదెల నిర్మాతగా మారారు. సమ్మక్క సారక్క క్రియేషన్స్ ని స్థాపించిన ఆయన ‘ఏఐ అమీనా జరియా రుక్సానా–గులాబీ’ అనే మూవీని ప్రకటించారు. ఈ మూవీ ద్వారా చేతన్‌ బండి దర్శకుడిగా పరిచయమవుతున్నారు.

ఈ చిత్రానికి కథను అందించడంతో పాటు చాయ్‌ బిస్కెట్‌ ఫిల్మ్స్‌పై అనురాగ్‌ రెడ్డి, శరత్‌ చంద్రలతో కలిసి శ్రీకాంత్‌ ఓదెల నిర్మిస్తున్నారు. ఈ సినిమాని ప్రకటించి, పోస్టర్‌ రిలీజ్‌ చేశారు మేకర్స్‌. ‘‘2009లో గోదావరిఖని ప్రాంతంలో జరిగిన వాస్తవ ఘటనల ఆధారంగా రూపొందనున్న అందమైన ప్రేమకథ ‘ఏఐ అమీనా జరియా రుక్సానా–గులాబీ’.

ఒక అబ్బాయిని గాఢంగా ప్రేమించే ఓ అమ్మాయి లోతైన భావోద్వేగాలను ఈ మూవీ చూపిస్తుంది. ఈ చిత్రం ప్రీప్రోడక్షన్‌ పనులు ఇప్పటికే ప్రారంభమయ్యాయి. త్వరలోనే రెగ్యులర్‌ షూటింగ్‌ ఆరంభిస్తాం. నటీనటులు, సాంకేతిక నిపుణుల వివరాలను     త్వరలో వెల్లడిస్తాం’’ అని చిత్రయూనిట్‌ పేర్కొంది.

No comments yet. Be the first to comment!
Add a comment
Advertisement

Related News By Category

Related News By Tags

Advertisement
 
Advertisement

పోల్

 
Advertisement