ఏఎన్‌ఎంలకు డ్రెస్‌కోడ్‌, ఐడీ కార్డులు

ఏఎన్‌ఎంలకు డ్రెస్‌కోడ్‌, ఐడీ కార్డులు

ఏటూరునాగారం: ములుగు, భూపాలపల్లి జిల్లాలోని గిరిజన సంక్షేమశాఖ (ఐటీడీఏ) పరిధిలోని ఆశ్రమ పాఠశాలలో పనిచేసే ఏఎన్‌ఎంలకు ఐటీడీఏ ద్వారా ప్రత్యేక డ్రెస్‌కోడ్‌ను అందించనుంది. అంతేకాకుండా వారికి గుర్తింపు కార్డులను అందించేలా తగిన ఏర్పాట్లు చేశారు.

ములుగు జిల్లాలో 41, భూపాలపల్లి జిల్లాలో 13 ఆశ్రమ పాఠశాలలు ఉన్నాయి. వీటిలో విద్యార్థులకు ఏదైనా అనారోగ్య సమస్యలు వస్తే వెంటనే ప్రథమ చికిత్సలు అందించడానికి ఐటీడీఏ ద్వారా 54 మంది ఏఎన్‌ఎంలను గతంలోనే నియమించారు. వారికి సాధారణమైన సివిల్‌ దుస్తులు ఉండేది. దీంతో వారి ప్రాముఖ్యతను గుర్తించడం సక్రమంగా లేకపోవడంతో వారికి ప్రత్యేకమైన డ్రెస్‌ కోడ్‌(ఆఫ్రాన్‌)తో పాటు ఐడీ కార్డులను అందించడానికి పీఓ చిత్రామిశ్రా ప్రత్యేక చొరవ చూపుతున్నారు. పాఠశాలలో విధులు నిర్వర్తించే క్రమంలో ఉందాతనం ఉట్టిపడేలా తయారు చేయించారు. వీటిని రెండు, మూడు రోజుల్లో సంబంధిత ఏఎన్‌ఎంలకు అందించనునునట్లు ఐటీడీఏ పీఓ తెలిపారు.

సంతోషంగా ఉంది

మాకు గుర్తింపు ఇచ్చే విధంగా ప్రత్యేక డ్రెస్‌కోడ్‌, ఐడీ కార్డులను ఇవ్వడం చాలా సంతోషంగా ఉంది. ఐడీ కార్డులకు కావాల్సిన ఫొటోలు, వివరాలను అందజేశాం. మా సేవలను గుర్తించి మాకు ప్రత్యేకతను కల్పించిన పీఓకు ధన్యవాదాలు.

– జ్యోతి, ప్రశాంతి, ఆదిలక్ష్మి ఏఎన్‌ఎంలు

ప్రత్యేక దృష్టి సారించిన

ఐటీడీఏ పీఓ చిత్రామిశ్రా