TV
సమ్మర్‌ యాక్షన్‌ ప్లాన్‌ పూర్తి చేయాలి
నల్లగొండ : సమ్మర్‌ యాక్షన్‌ ప్లాన్‌ వెంటనే పూర్తి చేయాలని విద్యుత్‌ శాఖ ఎస్‌ఈ వెంకటేశ్వర్లు అన్నారు. గురువారం నల్లగొండలో ఏఈలు, డీఈలు, ఏడీఈలతో నిర్వహించిన సమావేశంలో సమ్మర్‌ యాక్షన్‌ ప్లాన్‌పై సమీక్షించారు. ఏ ప్రాంతాల్లో విద్యుత్‌ సమస్య ఉందో అక్కడ వెంటనే పనులు పూర్తిచేసి విద్యుత్‌ అంతరాయం లేకుండా చర్యలు తీసుకోవాలని ఆదేశించారు.
నగదు రహిత టికెటింగ్‌పై అవగాహన ఉండాలి
మిర్యాలగూడ అర్బన్‌ : నగదు రహిత టికెట్‌ తీసుకునే విధానంపై రైల్వే ప్రయాణికులు అవగాహన పెంచుకోవాలని రైల్వే గుంటూరు డివిజనల్‌ కమర్షియల్‌ మేనేజర్‌ కమలాకర్‌ బాబు అన్నారు. యూటీఎస్‌ మొబైల్‌ అప్లికేషన్‌ ద్వారా రైల్వే టికెట్‌ తీసుకునే విధానంపై గురువారం మిర్యాలగూడ రైల్వేస్టేషన్‌లో ప్రయాణికులకు ఆయన అవగాహన కల్పించారు. ఈ సందర్భంగా ఆయన మాట్లాడుతూ యూటీఎస్‌ మొబైల్‌ అప్లికేషన్‌ ద్వారా త్వరితగతిన రైల్వే టికెట్‌ బుక్‌ చేసుకోవచ్చన్నారు. నగదు రహిత టికెటింగ్‌ విధానంపై ప్రయాణికుల సందేహాలను నివృత్తి చేశారు. కార్యక్రమంలో నల్లగొండ కమర్షియల్‌ ఇన్‌స్పెక్టర్‌ సతీష్‌, మిర్యాలగూడ కమర్షియల్‌ సూపర్‌వైజర్‌ గిరిబాబు తదితరులు పాల్గొన్నారు.
నృసింహుడికి సంప్రదాయ పూజలు
యాదగిరిగుట్ట : యాదగిరిగుట్ట శ్రీలక్ష్మీనరసింహస్వామి ఆలయంలో గురువారం సంప్రదాయ పూజలు సంప్రదాయరీతిలో కొనసాగాయి. వేకువజామున సుప్రభాత సేవతో స్వామివారిని మేల్కొలిపిన అర్చకులు.. గర్భాలయంలోని స్వయంభూలు, ప్రతిష్ఠా అలంకారమూర్తులను పంచామృతాలతో అభిషేకించి, తులసీదళ అర్చనతో కొలిచారు. అదే విధంగా ప్రథమ ప్రాకార మండపంలో శ్రీసుదర్శన నారసింహహోమం, గజవాహన సేవ, నిత్యకల్యాణం, బ్రహ్మోత్సవం తదితర పూజలు నిర్వహించారు. ముఖ మండపంలో సువర్ణ పుష్పార్చన మూర్తులకు అష్టోత్తర పూజలు చేశారు. సాయంత్రం ఉత్సవమూర్తుల జోడు సేవలను ఆలయ మాడవీధిలో ఊరేగించారు. ఆయా వేడుకల్లో భక్తులు పాల్గొని మొక్కులు తీర్చుకున్నారు.
సమ్మర్‌ యాక్షన్‌ ప్లాన్‌ పూర్తి చేయాలి
Comments
Please login to add a commentAdd a comment