గంజాయి సాగు కలకలం

గంజాయి సాగు కలకలం

కౌతాళం: మండల పరిధిలోని రౌడూరు గ్రామ పొలాల్లో గంజాయి సాగు కలకలం రేపింది. కర్ణాటక సరిహద్దులో గంజాయి సాగు చేసినట్లు తెలుసుకున్న పోలీసులు ఆదివారం రాత్రి అక్కడికి పరుగులు తీశారు. 183 గంజాయి మొక్కలు గుర్తించి పీకేశారు. వాటి విలువ ఎంతనేది పోలీసులు వెల్లడించలేదు. గంజాయి మొక్కల సమాచారాన్ని బయటకు పొక్కనీయకుండా సోమవారం గోప్యంగా దగ్ధం చేశారు. ఇదే విషయమై సీఐ అశోక్‌కుమార్‌ మాట్లాడుతూ గంజాయి సాగైన విషయం తెలుసుకుని సిబ్బందితో పాటు రెవెన్యూ, వ్యవసాయ, ఎక్స్‌జ్‌శాఖల సమక్షంలో 183 మొక్కల్ని స్వాధీనం చేసుకుని 182 మొక్కల్ని దగ్ధం చేశామన్నారు. ఒక మొక్కను శాంపిల్‌కు పంపామన్నారు. సాగు చేసినట్లు అనుమానిస్తున్న రౌడూరు గ్రామానికి చెందిన బోయ గిడ్డయ్య, రఘవర్ధన్‌రెడ్డి, మాలవీరేష్‌లను అరెస్టు చేసి రిమాండుకు తరలించామన్నారు.