TV
షార్ట్‌ సర్క్యూట్‌తో ఇల్లు దగ్ధం
ఆర్మూర్‌టౌన్‌: పట్టణంలోని చిన్నాబజార్‌లో షార్ట్‌సర్క్యూట్‌లో ఓ ఇల్లు దగ్ధమైంది. వివరాలిలా ఉన్నాయి. చిన్నాబజార్‌లో ఉన్న దొండి స్వామి ఇంట్లో అద్దెకు ఉంటున్న రాజు ఇల్లు కాలిపోయింది. ఇంటి నుంచి పొగలు రావడంతో స్థానికులు చూసి అగ్నిమాపక శాఖ సిబ్బందికి సమాచారం అందించారు. వారు ఘటన స్థలానికి చేరుకొని మంటలను ఆర్పివేశారు. సుమారు రూ. 3లక్షల వరకు ఆస్తి నష్టం జరిగినట్లు అగ్నిమాపక శాఖ అధికారి మధుసూదన్‌రెడ్డి పేర్కొన్నారు. ఘటన స్థలాన్ని ఆర్మూర్‌ ఏసీపీ వెంకటేశ్వరరెడ్డి, ఎస్సై ఇంద్రకరణ్‌రెడ్డి పరిశీలించారు.
సిర్పూర్‌లో గుడిసె ..
డొంకేశ్వర్‌: మండలంలోని సిర్పూర్‌లో అగ్ని ప్రమాదం చోటు చేసుకుంది. మాడవేడి సాయమ్మకు చెందిన నివాసపు గుడిసె దగ్ధమైంది. గుడిసెలో దేవుడి ఫొటో వద్ద దీపం వెలిగించగా ప్రమామదం చోటు చేసుకుంది. కాలిపోయిన సమయంలో ఇంట్లో ఎవరూ లేకపోవడంతో ప్రాణనష్టం తప్పింది. రూ.30వేల వరకు నగదు, చేపలు పట్టే వలలు, ఇతర సామాగ్రి కాలిపోయాయి. దీంతో చేపలు పట్టుకుంటూ జీవిస్తున్న కుటుంబం రోడ్డున పడింది. తమను ప్రభుత్వం ఆదుకోవాలని బాధిత కుటుంబ సభ్యులు కోరుతున్నారు.
షార్ట్‌ సర్క్యూట్‌తో ఇల్లు దగ్ధం
Comments
Please login to add a commentAdd a comment