TV
బైక్‌ను ఢీకొన్న చెట్టు
● ఇద్దరు మృతి.. ఒకరికి గాయాలు
జయపురం: జయపురం సబ్‌ డివిజన్‌ బొయిపరిగుడ సమితి బసనిగుడ సమీపంలో మంగళవారం రాత్రి జరిగిన రోడ్డు ప్రమాదంలో ఇద్దరు దుర్మరణం చెందగా మరొకరు తీవ్రంగా గాయపడ్డారు. కఠపొడ పంచాయితీ అంతియగుడ గ్రామానికి చెందిన పవిత్ర అంతియ, కొలార్‌ పంచాయతీ గనిపుట్‌ గ్రామానికి చెందిన కృష్ణకుమార్‌, బలిగాం పంచాయతీ అటలగుడ గ్రామానికి చెందిన అభీర్‌ మఝిలు కలిసి బైక్‌పై వస్తుండగా బాసునిగుడ సమీపంలోమలుపు తిరుగుతుండగగా అదుపు తప్పి చెట్టును ఢీకొట్టారు. ఈ ఘటనలో ముగ్గురూ కిందపడ్డారు. స్థానికులు స్పందించి క్షతగాత్రులను బొయిపరిగుడ కమ్యూనిటీ హాస్పిటల్‌కు తరలించారు. పరిస్థితి విషమించడంతో కొరాపుట్‌ సాహిద్‌ లక్ష్మణ నాయిక్‌ వైద్య కళాశాల ఆస్పత్రికి తరలించగా కృష్ణకుమార్‌, పవిత్ర అంతియ మృతిచెందారు. మృతదేహాలకు పోస్టుమార్టం నిర్వహించి బంధువులకు అప్పగించారు. బొయిపరిగుడ పోలీసులు కేసు నమోదు చేసి దర్యాప్తు చేస్తున్నారు.
కుంభమేళాలో కొరాపుట్‌ వాసులు క్షేమం
కొరాపుట్‌: మహా కుంభమేళాకు వెళ్లిన కొరాపుట్‌ జిల్లా వాసులు సురక్షితంగా ఉన్నారు. బుధవారం మౌని అమావాస్య సందర్భంగా దాదాపు 10 కోట్ల మంది కుంభమేళాలో స్నానమాచరించడానికి వెళ్లారు. అక్కడ జరిగిన తొక్కిసలాటలో సుమారు 20 మంది మృత్యువాత పడ్డారు. కొరాపుట్‌ నుంచి కూడా ఈ నెల 26న ప్రభుత్వం ప్రత్యేక ఓఎస్‌ఆర్‌టీసీ బస్సును పంపించింది. జిల్లా కలెక్టర్‌ వీ.కీర్తివాసన్‌ స్వయంగా జెండా ఊపి ప్రయాణికులకు వీడ్కోలు పలికారు. అందులో కొరాపుట్‌, జయపూర్‌లకు చెందిన తెలుగు ప్రజలు ఎక్కువ మంది ఉన్నారు. వీరందరూ సురక్షితంగా ఉన్నట్లు స్థానికులకు సమాచారం అందింది.
బైక్‌ను ఢీకొన్న చెట్టు
Comments
Please login to add a commentAdd a comment