అన్నయ్య చేతిలో తమ్ముడు హతం

అన్నయ్య చేతిలో తమ్ముడు హతం

మల్కన్‌గిరి : జిల్లాలోని కలిమెల సమితి తాటిగూడ గ్రామంలో అన్నయ్య చేతిలో తమ్ముడు హతమయ్యాడు. మాఢ సోడి(48), భీమా సోడి అన్నదమ్ములు. తండ్రి ఇర్మా సోడి కొద్దినెలల కిందటే మృతిచెందాడు. అప్పటి నుంచి ఆస్తి కోసం అన్నదమ్ముల మధ్య గొడవలు జరుగుతున్నాయి. ఈ క్రమంలో మంగళవారం రాత్రి మాడ సోడి పంట పొలంలో కాపలాగా నిద్రపోతుండగా అన్నయ్య భీమా వెళ్లి కత్తితో గొంతు కోసం హత్య చేశాడు. ఏమీ జరగనట్లు తిరిగి ఇంటికి వెళ్లిపోయాడు. బుధవారం ఉదయం భర్త ఇంటికి తిరిగి రాకపోవడంతో భార్య వెళ్లగా రక్తపు మడుగులో పడి వున్న మాఢను చూసి కేకలు వేసింది. గ్రామస్తులు వెంటనే పోలీసులకు సమాచారం ఇవ్వడంతో ఐఐసీ చంద్రకాంత్‌ తండి సిబ్బందితో ఘటనా స్థలానికి చేరుకుని విచారణ జరిపారు. భీమాను అదుపులోకి తీసుకుని విచారించడంతో నేరం అంగీకరించాడు. హత్యకు వాడిన కత్తిని పోలీసులు స్వాధీనం చేసుకుని నిందితుడిపై కేసు నమోదు చేశారు.