కొరాపుట్‌: రోడ్డు ప్రమాద బాధితులను నబరంగ్‌పూర్‌ ఎమ్మెల్యే గౌరీ శంకర్‌ మజ్జి ఆదుకుని మానవత్వం చాటుకున్నారు. గురువారం నబరంగ్‌పూర్‌ జిల్లా నందాహండి సమితి వైపు ఎమ్మెల్యే వెళ్తున్నారు. అదే సమయంలో కుంటియా జంక్షన్‌ వద్ద బైక్‌ యాక్సిడెంట్‌ జరిగి ఇద్దరు క్షతగాత్రులు రోడ్డు పక్కన తోటలో పడి ఉన్నారు. ఇది గమనించిన ఎమ్మెల్యే తన వాహనం నిలిపి వారి వద్దకు వెళ్లి మంచినీరు తాగించారు. వెంటనే పోలీసులకు, జిల్లా కేంద్ర ఆస్పత్రికి సమాచారం ఇచ్చారు. అత్యవసర వాహనం 112లో వారిని ఆస్పత్రికి పంపించారు.

కొరాపుట్‌: కొరాపుట్‌–సునాబెడా పట్టణాల మధ్య గురువారం వేకువజామున కురిసిన భారీ వర్షానికి జాతీయ రహదారి స్తంభించిపోయింది. ఆ ప్రాంతంలో ప్రస్తుతం నిర్మితమవుతున్న మార్గం బురదమయం కావడంతో ఈ దుస్థితి నెలకొంది. రాయ్‌పూర్‌–విశాఖపట్నం జాతీయ రహదారి–26 కావడంతో దాని ప్రభావం మూడు రాష్ట్రాలపై పడింది. రాత్రిపూట సుదూర ప్రాంతాల నుంచి వచ్చి, వెళ్లే అంతర్రాష్ట్ర బస్సులు పదుల సంఖ్యలో నిలిచిపోయాయి. సుమారు 7 గంటల పాటు ట్రాఫిక్‌ నిలిచిపోవడం ప్రయాణికులు తీవ్ర ఇబ్బందులు ఎదుర్కొన్నారు. నిలిచిపోయిన వాహనాల్లో అంబులెన్సులు కూడా ఉండడంతో రోగులకు అవస్థలు తప్పలేదు.

రాష్ట్ర శాసన సభ భువనేశ్వర్‌: శాసన సభ చరిత్రలో కొత్త రికార్డు నెలకొంది. దాదాపు రెండు దశాబ్దాల తర్వాత రాత్రి అంతా సభ నిరవధికంగా కొనసాగింది. బుధవారం ఉదయం నుంచి గురువారం ఉదయం వరకు శాసన సభ రాత్రంతా కొనసాగింది. విశ్వవిద్యాలయ సవరణ బిల్లు–2024 గురువారం ఉదయం 4.29 గంటలకు ఆమోదించారు. ఆ వెంబడి రాష్ట్ర రహదారుల అథారిటీ బిల్లు 2024ను సహాయ మంత్రి పృథ్వి రాజ్‌ హరిచందన్‌ ప్రవేశ పెట్టారు. విశ్వవిద్యాలయ సవరణ బిల్లుపై ప్రతిపక్షం, అధికార పక్షం మధ్య సుదీర్ఘంగా వాడీవేడీ చర్చ జరిగింది. ప్రతిపక్ష పార్టీ తరఫున సీనియర్‌ ఎమ్మెల్యేలు రణేంద్ర ప్రతాప్‌ స్వంయి, డాక్టర్‌ అరుణ్‌ కుమార్‌ సాహు, గణేశ్వర్‌ బెహరా, ధ్రువ్‌ చరణ్‌ సాహు బిల్లుకు వ్యతిరేకంగా బలమైన వాదనలు లేవనెత్తారు. ఉన్నత విద్యా విభాగం మంత్రి సూర్య వంశీ సూరజ్‌ కూడా ప్రతిపక్షాలకు ధీటుగా స్పందించారు. అధికార పార్టీకి చెందిన దాదాపు అందరు మంత్రులు, ఎమ్మెల్యేలు హాజరయ్యారు. ఓటింగ్‌ జరుగుతున్నప్పుడు హాజరు కాని ఎమ్మెల్యేలు ఎందుకు రాలేదని ముఖ్యమంత్రి నిలదీశారు. గైర్హాజరైన ఎమ్మెల్యేలకు ముఖ్యమంత్రి ఫోన్‌ చేసి ఎందుకు హాజరు కాలేదని అడిగారు. బుధవారం సాయంత్రం 4 గంటలకు విశ్వవిద్యాలయ సవరణ బిల్లు–2024పై చర్చ ప్రారంభమైంది. ఈ సందర్భంగా ప్రతిపక్షం, అధికార పక్షం మధ్య తీవ్ర వాగ్యుద్ధం చోటు చేసుకుంది. విపక్ష బిజూ జనతా దళ్‌ ఎమ్మెల్యే డాక్టర్‌ అరుణ్‌ కుమార్‌ సాహు 3 గంటల 10 నిమిషాలకు పైగా, రణేంద్ర ప్రతాప్‌ స్వంయి ఒకటిన్నర గంటలకు పైగా, గణేశ్వర్‌ బెహెరా 1 గంటకు పైగా తమ వాదనలను వినిపించారు. ఉన్నత విద్యా విభాగం మంత్రి సూర్యవంశీ సూరజ్‌ కూడా గంటకు పైగా ఎదురుదాడి చేశారు. అధికార పక్షం భారతీయ జనతా పార్టీ ఎమ్మెల్యేలు కూడా చర్చలో పాల్గొని ప్రతిపక్షాలను తీవ్రంగా ప్రతిఘటించారు. సుదీర్ఘంగా పన్నెండున్నర గంటల పాటు చర్చ కొనసాగింది. చర్చల తర్వాత విశ్వవిద్యాలయాల సవరణ బిల్లు 2024 అసెంబ్లీలో ఆమోదించారు. ఒడిశాలో విద్యా వ్యవస్థ ఉషోదయం అవుతుందని ఉన్నత విద్యా శాఖ మంత్రి అన్నారు. బిల్లును ఆమోదించినందుకు సభ్యులందరికీ మంత్రి కృతజ్ఞతలు తెలిపారు. ఆ తర్వాత రాష్ట్ర రహదారుల అథారిటీ బిల్లు ఆమోదంపై చర్చలు ప్రారంభం అయ్యాయి. విశ్వ విద్యాలయాల సవరణ బిల్లు 2024 ఆమోదం పొందిన తర్వాత బీజేపీ ప్రభుత్వం ఒక సాహసోపేతమైన బిల్లును తీసుకువచ్చిందని బీజేడీ ఎమ్మెల్యే అరుణ్‌ సాహు అన్నారు. 2024లో ప్రవేశపెట్టిన బిల్లు 1989 బిల్లుకు సవరణగా వ్యాఖ్యానించారు. బిల్లు చట్టబద్ధతపై తర్వాత సుప్రీంకోర్టులో చర్చిస్తామని ఆయన అన్నారు. ఇదిలా ఉండగా, శాసన సభలో ప్రజాస్వామ్యం పునరుద్ధరించబడిందని బీజేపీ ఎమ్మెల్యే ఇరాషిస్‌ ఆచార్య అన్నారు. పన్నెండున్నర గంటల చర్చ తర్వాత విశ్వవిద్యాలయ సవరణ బిల్లు ఆమోదించారు. క్లాజుల వారీగా జరిగిన చర్చలో విపక్షాల సభ్యుల అన్ని సందేహాలకు ఉన్నత విద్యా శాఖ మంత్రి నివృత్తి పరిచారు. ఈ బిల్లు విద్యా రంగంలో విప్లవాత్మక మార్పులను తీసుకువస్తుందని ఆశాభావం వ్యక్తం చేశారు. గత ప్రభుత్వం విశ్వవిద్యాలయం అధికారాలను పరిమితం చేసింది. తాజా సవరణతో విశ్వ విద్యాలయాలకు స్వయంప్రతిపత్తి కల్పించారు. కొత్త బిల్లు ప్రభుత్వ నియంత్రణను తగ్గిస్తుందని మంద్రి వివరించారు. రాత్రంతా కొనసాగిన సభా సమావేశఽంలో నిరవధికంగా హాజరై ఉండడంతో విశ్వవిద్యాలయ సవరణ బిల్లులో సంస్కరణల్ని అర్థం చేసుకునే అవకాశం లభించిందని కొత్త ఎమ్మెల్యేలు ఆనందం వ్యక్తం చేశారు. ఉదయం 4.29 గంటలకు విశ్వవిద్యాలయాల సవరణ బిల్లు – 2024కు ఆమోదం శాసన సభ చరిత్రలో రికార్డు

● సభ నిరవధికంగా వాయిదా: స్పీకర్‌ భువనేశ్వర్‌: 17వ శాసన సభ మూడో విడతలో బడ్జెట్‌ సమావేశాలు గురువారంతో ముగిశాయి. మూడు పని దినాలు ఉంటుండగా శాసన సభలో సమావేశాలకు ముందస్తుగా తెర దించేశారు. సభా కార్యక్రమాలను నిరవధికంగా వాయిదా వేసినట్లు స్పీకరు సురమా పాఢి ప్రకటించారు. 28 పని దినాల్లో 25 పని దినాలు పూర్తయ్యాయి. సభలో తదుపరి చర్చకు ప్రముఖమైన అంశాలు లేనందున అధికార పక్షం చీఫ్‌ విప్‌ సభను నిరవధికంగా వాయిదా వేయాలని ప్రతిపాదించారు. దీనికి అనేక మంది ఎమ్మెల్యేలు మద్దతు ప్రకటించారు. అనంతరం స్పీకర్‌ సభను నిరవధికంగా వాయిదా వేశారు. అన్నీ తొలి అనుభవాలే 17వ శాసన సభ మూడవ సమావేశం అత్యంత ఆకర్షణీయంగా జరిగింది. ఈ సమావేశాల్లో పలు ఆసక్తికరమైన సంఘటనలు చోటు చేసుకున్నాయి. ప్రధానంగా అధికార, విపక్షాల మధ్య వాగ్యుద్ధం అనునిత్యం కొత్త మలుపులు తిరుగుతు ఉత్కంఠ రేపింది. ఈ నేపథ్యంలో శాసన సభ చరిత్రలో తొలి సారిగా గందరగోళం సృష్టించిన సభ్యుల్ని స్పీకరు సస్పెండ్‌ చేసినట్లు ఉత్తర్వులు జారీ చేసి సంచలనం రేపారు. స్పీకర్‌ ఆగ్రహానికి కాంగ్రెస్‌ పార్టీ సభ్యులు బలి అయ్యారు. ఆ పార్టీకి చెందిన మొత్తం 14 మంది ఎమ్మెల్యేల్ని స్పీకరు సభ నుంచి సస్పెండ్‌ చేశారు. దీనిపై తీవ్ర అసంతృప్తికి గురైన కాంగ్రెసు ఎమ్మెల్యేలు సభ బయట నిరవధికంగా నిరసన ప్రదర్శించారు. ఈసారి వీరంతా ఘంటానాదం, తాళాల వాయింపు, వేణు గానం, డోలక్‌ బజాయింపు వంటి విన్యాసాలతో సభలో గందరగోళ పరిస్థితిని ఆవిష్కరించారు. మరో వైపు ప్రధాన విపక్షం బిజూ జనతా దళ్‌ శాసన సభ ప్రాంగణం శుద్ధి చేసింది. ప్రజా సమస్యలపై ఉద్యమించిన కాంగ్రెస్‌ ఎమ్మెల్యేలను ఏకపక్ష నిర్ణయంతో సస్పెండు చేయడాన్ని బీజేడీ వ్యతిరేకించింది. ఈ క్రమంలో స్పీకరు భారత రాజ్యాంగం వ్యతిరేక చర్యకు పాల్పడ్డారు. ఈ చర్యతో పవిత్ర సభా స్థలం అపవిత్రమైంది. ఈ అపవిత్రత తొలగించేందుకు విపక్ష బీజేడీ సభ్యులు ఇత్తడి కలశాల్లో గంగా జలం సభా ప్రాంగణానికి తీసుకుని వచ్చి సభ ప్రాంగణం నలు మూలలా శుద్ధి చేసి శాంతియుతంగా నిరసన ప్రదర్శించారు. బిజూ జనతా దళ్‌ ఈ విడత సమావేశాల్లో సుమారు నిత్యం నిరసన ప్రదర్శనకు ముందంజ వేయడం గమనార్హం. రాత్రంతా సభలో సందడే రాష్ట్ర విశ్వవిద్యాలయ సవరణ బిల్లు, రాష్ట్ర రహదారుల అథారిటీ బిల్లుపై చర్చలు పురస్కరించుకుని శాసన సభ రాత్రంతా కొనసాగింది. బుధవారం ఉదయం 10.30 గంటలకు ప్రారంభమైన ఈ సభ గురు వారం ఉదయం 7.05 గంటల వరకు నిరవధికంగా కొనసాగింది. స్పీకర్‌ ఆదేశాల మేరకు సభా కార్యకలాపాల నుంచి సస్పెన్షన్‌కు గురైన కాంగ్రెస్‌ సభ్యులు రాత్రి అంతా సభ ప్రధాన ప్రాంగణంలో నిరవధికంగా నిరసన ప్రదర్శించారు. రాత్రి పూట అవాంఛనీయ సంఘటనలకు అవకాశం లేకుండా అర్ధరాత్రి 2.15 గంటల ప్రాంతంలో శాసన సభ లోపలి నుంచి కాంగ్రెసు సభ్యుల్ని బలవంతంగా బయటకు తొలగించారు. దీంతో మరింత నిరుత్సాహానికి గురైన కాంగ్రెస్‌ సభ్యులు సభ బయట ఆందోళన ఉధృతపరిచారు. కాంగ్రెసు భవన్‌ సమీపం మాస్టరు క్యాంటీన్‌ కూడలి ప్రాంతంలో వీరంతా నడి రోడ్డు మీద రాత్రంతా బైఠాయించి తీవ్ర అలజడి రేపారు. ఈ ఆందోళన ప్రభావంతో పలువురు ఎమ్మెల్యేలు అస్వస్థతకు గురయ్యారు.

కొరాపుట్‌: కొరాపుట్‌ జిల్లా సిమిలిగుడ పోలీసులు 30 కేజీల గంజాయి స్వాధీనం చేసుకున్నారు. గురువారం సిమిలిగుడ – పొట్టంగిల మధ్య జాతీయ రహదారి–26పై విడా ఆఫీస్‌ సమీపంలో లైట్‌హౌస్‌ చర్చి వద్ద అనుమానాస్పదంగా ఒక వ్యక్తి సంచరించడం పెట్రోలింగ్‌ పోలీసులు గమనించారు. దీంతో అతడిని అదుపులోకి తీసుకొని సోదాలు చేయగా, అతని బ్యాగులో 30 కేజీల గంజాయి పట్టుబడింది. నిందితుడు గంజాం జిల్లా బైద్యనాథ్‌పూర్‌ పోలీస్‌స్టేషన్‌ పరిధిలోని జయదుర్గానగర్‌కి చెందిన రాహుల్‌ కుమార్‌ బుయ్యాన్‌గా గుర్తించారు. నిందితుడిని అరెస్ట్‌ చేసి జైలుకి తరలించారు. ఈ కేసుని ఎస్‌ఐ బాబాజీ చరణ్‌ కన్వర్‌ దర్యాప్తు చేస్తున్నారు.

భువనేశ్వర్‌: కటక్‌లోని రెవెన్షా విశ్వ విద్యాలయం ప్రాంగణంలో ఉద్రిక్తత నెలకొంది. హాస్టల్‌కు బయట వారు వస్తుండడంతో ఈ పరిస్థితి నెలకొంది. బయటి వ్యక్తుల ప్రవేశం, దాడులను వ్యతిరేకిస్తూ విద్యార్థులు నిరసన చేస్తున్నారు. వైస్‌ చాన్స్‌లర్‌ కార్యాలయం ముంగిట విద్యార్థులు ఆందోళన చేశారు. దుబాయ్‌కు రాష్ట్ర పంటలు భువనేశ్వర్‌: రాష్ట్రంలో పంటలకు అంతర్జాతీయ గిరాకీ లభించింది. ఇక్కడ పండించిన కూరగాయలు పొటల్స్‌, మునగకాయలు విదేశాలకు ఎగుమతి కావడం విశేషం. ఈ ఉత్పాదనలను స్థానిక బిజూ పట్నాయక్‌ అంతర్జాతీయ విమానాశ్రయం నుంచి దుబాయ్‌కు అంతర్జాతీయంగా రవాణా చేశారు. దీంతో ఒడిశా వ్యవసాయ ఎగుమతుల్లో ఒక మైలురాయిని సాధించిందని రాష్ట్ర వ్యవసాయ శాఖ హర్షం వ్యక్తం చేసింది. రోడ్డు ప్రమాదంలో ముగ్గురికి తీవ్రగాయాలు జయపురం: సబ్‌ డివిజన్‌ పరిధి కుంద్ర సమితి కావిడియగుడ ఎస్‌ఎస్‌డీ ఉన్నత పాఠశాల సమీపంలో జరిగిన రోడ్డు ప్రమాదంలో ముగ్గురు గాయపడ్డారు. వివరాల్లోకి వెళ్తే.. బుధవారం సాయంత్రం సురేంద్ర హరిజన్‌ తన బైక్‌పై కుమార్తె రాహిల్‌తో కలిసి కుంద్ర నుంచి దిగాపూర్‌ వెళ్తున్నాడు. కాగా కావిడియగుడ ఉన్నత పాఠశాల సమీపంలో ఒక ఆటో వీరి బైక్‌ను ఢీకొంది. ఈ ప్రమాదంలో సురేంద్ర ముఖం, చెవులకు బలమైన గాయాలయ్యాయి. ఆటోలో కూర్చున్న బిభుతి పట్నాయిక్‌ కాలుకి దెబ్బలు తగిలాయి. రాహిల్‌కు తలపై గాయమవ్వడంతో పాటు కాలు విరిగింది. ప్రమాదాన్ని చూసిన పాఠశాల ఉపాధ్యాయుడు దేవేంద్ర శనాపతి, సామాజిక కార్యకర్త సుందరబారిక్‌ మల్ల, లొబి కొరలియలు గాయపడిన వారిని వెంటనే బొయిపరిగుడ కమ్యూనిటీ ఆస్పత్రికి తరలించారు. అక్కడ ప్రాథమిక చికిత్స అనంతరం మెరుగైన చికిత్స కోసం కొరాపుట్‌ తరలించారు. సంఘటన స్థలానికి పోలీసులు చేరుకొని దర్యాప్తు చేస్తున్నారు. ఆరు క్వింటాళ్ల తాబేళ్ల అక్రమ తరలింపు మల్కన్‌గిరి: మల్కన్‌గిరి జిల్లా కలిమెల సమితి మోటు చెక్‌గేట్‌ వద్ద గురువారం తాబేళ్ల అక్రమ తరలింపును పోలీసులు అడ్డుకున్నారు. ఎంవీ 79 గ్రామం వద్ద ఓ మినీ వ్యాన్‌లో 6 క్వింటాళ్ల తాబేళ్లను తరలిస్తుండగా పోలీసులు పట్టుకుని ఇద్దరిని అరెస్టు చేశారు. ఈ తాబేళ్లను ఆంధ్రా నుంచి అక్రమంగా కలిమెలకు తరలిస్తున్నారు. మొత్తం 300 తాబేళ్లు ఉన్నాయి. ఎంవీ 88 గ్రామానికి చెందిన సురాజ్‌ మాల్లిక్‌, ఎంపీవీ 83 గ్రామానికి చెందిన శక్తి పథ్‌లను అరెస్టు చేశారు. తాబేళ్ల విలువ రూ.5 లక్షలకుపైనే ఉంటుందని మోటు ఫారెస్టర్‌ మురళి తెలిపారు. రైల్వే మంత్రిని కలిసిన ఎంపీ కొరాపుట్‌: కేంద్ర రైల్వే మంత్రి అశ్వీని శ్రీవైష్ణవ్‌ను నబరంగ్‌పూర్‌ బీజేపీ ఎంపీ బలభద్ర మజ్జి గురువారం న్యూ ఢిల్లీలో కలిశారు. రైల్వే, ఇన్ఫర్మేషన్‌, బ్రాడ్‌ కాస్టింగ్‌, తదితర ఆంశాలపై చర్చించారు. ఒడిశా రాష్ట్రంలో రైల్వే, తదితర శాఖలలో అనేక ఖాళీలు ఉన్నాయని గుర్తు చేశారు. ఆయా ప్రభుత్వ ఖాళీలు సామరస్య పూర్వకంగా భర్తీ చేయాలని విజ్ఞప్తి చేశారు. తద్వారా ప్రభుత్వ పథకాల గూర్చి ప్రజల్లోకి మంచి సందేశం వెళ్తుందన్నారు.

మల్కన్‌గిరి: మల్కన్‌గిరి జిల్లా బలిమెల పోలీస్‌స్టేషన్‌ పరిధిలో జాముగుఢా గ్రామానికి చెందిన సన్యా బొడనాయక్‌ (75) అనే వృద్ధుడు గురువారం ఉదయం కాలువలో పడి మృతి చెందాడు. సన్య బొడనాయక్‌ బుధవారం సిందిగూడ గ్రామం మీదుగా రాస్‌బెడ వెళ్లడానికి హరి అనే వ్యక్తితో కలిసి బయల్దేరారు. దారిలో వీరిద్దరూ సిందిగూడలో విశ్రాంతి తీసుకున్నారు. ఈ లోగా హరి తాను ఇంటికి వెళ్లి తమ వారిని పట్టుకుని వస్తానని, అంతవరకు అక్కడే ఉండాలని సన్యాకు సూచించాడు. అతను వెళ్లాక సన్యా పక్కనే ఉన్న కాలువలో దిగి కాలుజారి పడిపోయాడు. ఇంతలో అక్కడకు చేరుకున్న కుటుంబ సభ్యులు చుట్టూ వెతికారు. కాలువ వైపు చూడగా.. సన్యా తేలి ఉండడం గమనించి బయటకు తీసి చూడగా.. ఆయన చనిపోయారు. దీంతో వెంటనే బలిమెల పోలీస్‌స్టేషన్‌కు సమాచారం ఇవ్వడంతో ఐఐసీ ధీరాజ్‌ పట్నాయిక్‌ తన సిబ్బందితో వెళ్లి మృతదేహాన్ని స్వాధీనం చేసుకున్నారు. మృతదేహాన్ని బలిమెల ఆరోగ్య కేంద్రానికి తరలించారు. పోస్టుమార్టం అనంతరం కుటుంబ సభ్యులకు మృతదేహం అప్పగిస్తామని పోలీసులు తెలిపారు.

పార్వతీపురం టౌన్‌: విభిన్న ప్రతిభావంతులైన క్రీడాకారులకు ఆరు వారాల పాటు క్రీడాశిక్షణకు దరఖాస్తులు ఆహ్వానిస్తున్నట్లు పార్వతీపురం మన్యం జిల్లా క్రీడాభివృద్ధి అధికారి ఎస్‌. వెంకటేశ్వరరావు తెలిపారు. ఈ మేరకు గురువారం స్థానిక డీఎస్‌డీఓ కార్యాలయంలో సమావేశం ఏర్పాటు చేశారు. ఈ సందర్భంగా ఆయన మాట్లాడుతూ స్పోర్ట్స్‌ అథారిటీ ఆఫ్‌ ఇండియా, పంజాబ్‌ రాష్ట్రంలోని పాటియాలలో 2025వ సంవత్సరానికి విభిన్న ప్రతిభావంతులైన క్రీడాకారులకు ఆరు వారాల పాటు ఇవ్వనున్న శిక్షణ కోర్సుకు దరఖాస్తులు ఆహ్వానిస్తున్నట్లు తెలిపారు. ఇంటర్మీడియట్‌ ఉత్తీర్ణత సాఽధించి 20 నుంచి 42ఏళ్ల మధ్య వయస్సు గల వారు అర్హులన్నారు. మినిమం 1,2,3 పొజిషన్‌లో అంతర స్కూల్‌, కళాశాల, యూనివర్సిటీ క్రీడాపోటీలు, సంబంధిత క్రీడాసంఘాలు నిర్వహించే క్రీడల్లో రాష్ట్ర, జాతీయస్థాయిలో పాల్గొన్న క్రీడాకారులు అర్హులని స్పష్టం చేశారు. ఆర్చరీ, అథ్లెటిక్స్‌, బ్యాడ్మింటన్‌, బాస్కెట్‌బాల్‌, బాక్సింగ్‌, సైక్లింగ్‌, క్రికెట్‌, ఫెన్సింగ్‌, ఫుట్‌బాల్‌, జిమ్నాస్టిక్స్‌, హాకీ, జుడో, కబడ్డీ, ఖోఖో, రోల్‌బాల్‌, రోలింగ్‌, సాఫ్ట్‌బాల్‌, షూటింగ్‌, స్విమ్మింగ్‌, తైక్వాండో, టేబుల్‌ టెన్నిస్‌, లాన్‌టెన్నిస్‌, వాలీబాల్‌, వెయిట్‌ లిఫ్టింగ్‌, యోగాసనాల వంటి క్రీడల్లో శిక్షణ ఇవ్వనున్నట్లు వివరించారు. దరఖాస్తులను హెచ్‌టీటీపీ://డబ్ల్యూడబ్ల్యూడబ్ల్యూ.6డబ్ల్యూసీసీ.ఎన్‌ఎస్‌ఎన్‌ఐఎస్‌.ఐఎన్‌ వెబ్‌సైట్‌ ద్వారా ఏప్రిల్‌ 14వ తేదీలోగా చేసుకోవాలని తెలిపారు. మరిన్ని వివరాలకు ఫోన్‌ 8712622564, 9866805716 నంబర్లను సంప్రదించాలని కోరారు. పోలీస్‌ ట్రైనింగ్‌ కళాశాల తనిఖీవిజయనగరం క్రైమ్‌: స్థానిక కంటోన్మెంట్‌లో ఉన్న పోలీస్‌ శిక్షణ కళాశాలను విశాఖ రేంజ్‌ డీఐజీ గోపీనాథ్‌ జెట్టి గురువారం ఆకస్మికంగా తనిఖీ చేశారు. రామభద్రపురం వెళ్తున్న డీఐజీ ముందుగా నగరంలోని పోలీస్‌ కార్యాలయాన్ని ఆనుకుని ఉన్న శిక్షణ కళాశాలను విజిట్‌ చేశారు. కళాశాలలో గ్రైండ్‌ బ్యారెక్‌, డైనింగ్‌ హాల్‌, అడ్మిన్‌ బ్లాక్‌, లైబ్రరినీ పరిశీలించారు. ఈ మేరకు కళాశాల ప్రిన్సిపాల్‌ రామచంద్రరాజు శిక్షణార్థులకు ఇస్తున్న శిక్షణను డీఐజీకి తెలియజేశారు. తరగతుల్లో ఎన్డీపీఎస్‌, పోక్సో, సైబర్‌ క్రైమ్‌, సోషల్‌ మీడియా, క్రిమినల్‌ లా వంటి అంశాలపై శిక్షణ ఇస్తున్నట్లు ప్రిన్సిపాల్‌ వివరించారు. కానిస్టేబుల్స్‌కు అత్యుత్తమమైన శిక్షణ ఇవ్వాలని పీటీసీ ప్రిన్సిపాల్‌, ఫ్యాకల్టీకి డీఐజీ గోపీనాథ్‌ జెట్టి సూచించారు. అంతకు ముందు పీటీసీకి వచ్చిన డీఐజీకి ఎస్పీ వకుల్‌ జిందల్‌ స్వాగతం పలికారు. కార్యక్రమంలో వైస్‌ ప్రిన్సిపాల్‌ పీవీ అప్పారావు, డీఎస్పీలు, శ్రీకాంత్‌, రమేష్‌, భవానిలతో పాటు సిబ్బంది పాల్గొన్నారు. జిల్లా పోలీస్‌ శిక్షణ కేంద్రం పరిశీలన విజయనగరం క్రైమ్‌: నగర శివారు సారిపల్లిలో ఉన్న జిల్లా పోలీస్‌ శిక్షణ కేంద్రాన్ని విశాఖ రేంజ్‌ డీఐజీ గోపీనాథ్‌ జెట్టి పరిశీలించారు. విజయనగరం వచ్చిన డీఐజీ, ఎస్పీ వకుల్‌ జిందల్‌, ఏఎస్పీ సౌమ్యలతతో కలిసి డీటీసీ కేంద్రాన్ని తనిఖీ చేశారు. కానిస్టేబుల్స్‌ నియామకాలు త్వరలో పూర్తి కానున్న నేపథ్యంలో డీటీసీని డీఐజీ పరిశీలించారు.ఈ సందర్భంగా శిక్షణ కేంద్రంలో అవసరమైన మౌలిక వసతులను కల్పిస్తామని రేంజ్‌ డీఐజీ చెప్పారు. కేంద్రంలో ఉన్న గదులు, మంచాలు, పరుపులు, క్రీడా సామగ్రి, ఆఫీస్‌ స్థలాన్ని క్షుణ్ణంగా పరిశీలించారు. కార్యక్రమంలో డీటీీసీ డీఎస్పీ వీరకుమార్‌, భోగాపురం రూరల్‌ సీఐ రామకృష్ణ, సీఐ లలిత, ఆర్‌ఐ గోపాలనాయుడు పాల్గొన్నారు.

షికారుకెళ్తారు.. శ్రీకాకుళం క్రైమ్‌ : బండిపై సాయంత్రం అలా షికారుకి వెళ్లినట్లు తామెంచుకున్న గ్రామానికి వెళతారు.. వెంట తీసుకెళ్లిన ఫోన్లను స్విచ్చాఫ్‌ చేసి తాళాలు వేసి ఉన్న ఇళ్లను రెక్కీ చేసి తిరిగి వెళ్లిపోతారు.. అదే రోజు రాత్రి చోరీ ఎక్కడ చేద్దామనుకున్నారో.. ఆ ఇంటికి కాస్త దూరంలో బండి పార్కింగ్‌ చేసి వారి వెంట తెచ్చుకున్న ఇనుప రాడ్డు, స్క్రూ డ్రైవర్‌తో ఇంటి తాళాలు పగులగొడతారు.. బీరువా తలుపులు విరగ్గొట్టి అందులో ఉన్న నగదు, బంగారం, వెండి దోచుకుని పరారవుతారు.. శ్రీకాకుళం జిల్లాలో ఎనిమిది చోట్ల, పార్వతీపురం మన్యం జిల్లాలో ఒక చోట కలిసి మొత్తం 17 చోట్ల ఇలా చోరీలు చేసి ఎట్టకేలకు కాశీబుగ్గ పోలీసులకు చిక్కారు. వీరి వద్ద నుంచి 37 తులాల బంగారు ఆభరణాలు, 20 తులాల వెండిని స్వాధీనపర్చుకున్నారు. ఈ మేరకు నిందితు లైన పార్వతీపురం మన్యం జిల్లా సీతానగ రం మండలం జోగంపేటకు చెందిన పోలా భాస్కరరావు, శ్రీకాకుళం ఎచ్చెర్ల మండలం ముద్దాడ గ్రామానికి చెందిన ముద్దాడ నర్సింగరావులను జిల్లా పోలీసు కార్యాలయంలో ఎస్పీ కె.వి.మహేశ్వరరెడ్డి గురువారం మీడియా ముందు ప్రవేశపెట్టి వివరాలు వెల్లడించారు. కాశీబుగ్గ పోలీసులకు చిక్కి.. గతేడాది మే 24న కాశీబుగ్గ పీఎస్‌ పరిధిలో బంగారం, వెండి చోరీ చేసిన కేసులో నిందితులైన భాస్క ర్‌, నర్సింగరావులు గురువారం నర్సిపురం రైల్వేగే ట్‌ ఎక్స్‌–సర్వీస్‌మ్యాన్‌ క్యాంటీన్‌ ఎదురుగా వాహన తనిఖీల్లో భాగంగా కాశీబుగ్గ పోలీసులకు చిక్కారు. కాశీబుగ్గ డీఎస్పీ వి.వి.అప్పారావు ఆధ్వర్యంలో సీఐ చంద్రమౌళి నిందితులను విచారించగా వారు చేసిన ఒక్కొక్క నేరం వెలుగులోకి వచ్చాయి. కాశీబుగ్గ, మెళియాపుట్టి, జె.ఆర్‌.పురం, టెక్కలి పీఎస్‌ల పరిధిలో ఒక్కొక్కటి, శ్రీకాకుళం రూరల్‌, వన్‌టౌన్‌, టూ టౌన్‌లో మూడేసి చోరీలు, పాతపట్నంలో రెండు చోరీలు చేయగా మన్యం జిల్లా పాలకొండలో రెండు చోట్ల చోరీలకు పాల్పడ్డారు. నిందితులను రిమాండ్‌కు తరలించారు. స్వాధీనం చేసుకున్న ఆభరణాలివే.. 17 కేసుల్లో 76 తులాలకు గాను రూ.36.80 లక్షల విలువైన 37 తులాల బంగారు ఆభరణాలు, 184.58 తులాల వెండికి గాను 20 తులాల వెండి, రూ.5 లక్షలు విలువ చేసే డైమండ్‌ ఆభరణాలకు గాను రూ.2 లక్షలు విలువైన డైమండ్‌ బ్రాస్‌లెట్‌, డైమండ్‌ లాకెట్‌, రూ. 3.44 లక్షల నగదుకు గాను రూ.25 వేలు నగదు ను పోలీసులు స్వాధీనం చేసుకున్నారు. రూ.లక్ష విలువైన రెండు బైక్‌లు, రూ.2 లక్షలు విలువైన ఓ స్కార్పియో వాహనం స్వాధీనం చేసుకున్నారు. కాగా, నిందితులను పట్టుకుని రిమాండ్‌కు తరలించడంలో కృషిచేసిన కాశీబుగ్గ పోలీసులను ఎస్పీ మహేశ్వరరెడ్డి అభినందించారు. ఎట్టకేలకు పోలీసులకు చిక్కిన గజదొంగలు 17 చోరీలు చేసిన ఇద్దరు నిందితుల అరెస్టు ఒకరిది శ్రీకాకుళం జిల్లా ముద్దాడ, మరొకరిది పార్వతీపురం మన్యం జిల్లా జోగంపేట 37 తులాల బంగారం, 20 తులాల వెండి రికవరీ వివరాలు వెల్లడించిన ఎస్పీ మహేశ్వరరెడ్డి లెక్కకు మించి కేసులు.. నిందితుల్లో ఒకరైన పోలా భాస్కరరావుపై శ్రీకాకుళంలో 19. విజయనగరంలో 16, విశాఖపట్నం(రూరల్‌–2) జిల్లాల్లో 37 చోరీ కేసులు నమోదవ్వగా ఎనిమిదింటి లో నేరారోపణ రుజువై జైలు శిక్ష అనుభవించాడు. నర్సింగరావుపై 17 కేసులుండ గా (శ్రీకాకుళం–9, విజయనగరం–4, విశాఖపట్నం సిటీ–3, పార్వతీపురం మన్యం–1) మూడింటిలో నేరారోపణ రుజువై జైలు శిక్ష అనుభవించాడు. చిన్నప్పటి నుంచే.. భాస్కరరావు తన తొమ్మిదో సంవత్సరంలోనే అప్పయ్యపేట షుగర్‌ ఫ్యాక్టరీ కాలనీలో ఓ ఇంట్లో డబ్బులు దొంగిలించడంతో సీతానగరం పోలీస్‌స్టేషన్‌లో జువైనల్‌ కేసు నమోదైంది. మూడు నెలలు పాటు విశాఖ అబ్జర్వేషన్‌ హోంలో ఉన్నాడు. అప్పటి నుంచే నేర ప్రవృత్తిని ఎంచుకున్నాడు. ఇక నర్సింగరావు శ్రీకాకు ళం జిల్లా కేంద్రంలోని ఓ బైక్‌ షోరూంలో పనిచేస్తూ బై క్‌ను దొంగిలించి జైలుకి వెళ్లాడు. ఇద్దరికీ విశాఖపట్నం సెంట్రల్‌ జైలులో పరిచయమేర్పడి బయటకొచ్చాక రాత్రిపూట చోరీలు చేయడం మొదలుపెట్టారు.

● కలెక్టర్‌ ఎ.శ్యామ్‌ ప్రసాద్‌ పార్వతీపురం టౌన్‌: జిల్లాలోని స్వయం సహాయక బృందాల్లోని ప్రతి మహిళ లక్షాధికారి కావాలని, ఆ దిశగా ప్రణాళికలు రూపొందించాలని కలెక్టర్‌ ఎ.శ్యామ్‌ప్రసాద్‌ ఆదేశించారు. కలెక్టర్‌ కార్యాలయ సమావేశ మందిరంలో జిల్లా గ్రామీణాభివృద్ధి సంస్థ అధికారులతో గురువారం నిర్వహించిన సమావేశంలో ఆయన మాట్లాడారు. జిల్లాలో 2.30 లక్షల మంది మహిళా సభ్యులు ఉండగా, వారిలో సగానికి పైగా లక్షలోపు వార్షిక ఆదాయం ఉన్నవారే ఉన్నారన్నారు. వారందరినీ వ్యాపారాల్లో ప్రోత్సహించి లక్షాధికారులుగా తీర్చిదిద్దాలన్నారు. ఎస్‌హెచ్‌జీతో పాటు డీఆర్‌డీఏ, వెలుగు సంస్థలు అందించే ఆర్థిక సహాయాన్ని సద్వినియోగం చేసుకోవాలని సూచించారు. ఉపాధిహామీ నిధులతో చెరువు గట్లపై కొబ్బరి, పనస వంటి ఫలసాయాలు ఇచ్చే మొక్కలు పెంచాలని సూచించారు. చేపల పెంపకంలో మహిళల భాగస్వామ్యం కూడా పెరగాలన్నారు. గ్రామాల్లో సామాజిక మరుగుదొడ్ల నిర్వహణతో మహిళలు ఆదాయం పొందవచ్చన్నారు. కార్యక్రమంలో డీఆర్‌డీఏ పీడీ సుధారాణి, ఏపీడీ వై.సత్యంనాయుడు, పరిశ్రమల కేంద్రం జిల్లా మేనేజర్‌ ఎం.వి. కరుణాకర్‌, జిల్లా నైపుణ్యాభివృద్ధి అధికారి కె. సాయికృష్ణ చైతన్య, జిల్లా పశుసంవ్థక శాఖాధికారి డాక్టర్‌ ఎస్‌.మన్మథరావు, ఐటీడీఏ ఏపీఓ మురళీమోహన్‌, ఇతర శాఖాధికారులు పాల్గొన్నారు. గృహనిర్మాణ సంస్థ డైరీ ఆవిష్కరణ పార్వతీపురంటౌన్‌: రాష్ట్ర గృహ నిర్మాణసంస్థ రూపొందించిన డైరీని కలెక్టర్‌ ఎ.శ్యామ్‌ప్రసాద్‌ గురువారం కలెక్టర్‌ కార్యాలయ సమావేశ మందిరంలో ఆవిష్కరించారు. ఈ సందర్భంగా ఆయన మాట్లాడుతూ గృహ నిర్మాణ సంస్థ ద్వారా చేపడుతున్న గృహాలను త్వరితగతిన పూర్తిచేసే గురుతర బాధ్యత ఇంజినీర్లపైనే ఉందన్నారు. కార్యక్రమంలో ప్రత్యేక ఉప కలెక్టర్‌, గృహనిర్మాణ సంస్థ పీడీ పి.ధర్మచంద్రారెడ్డి, హౌసింగ్‌ డీఈఈలు, ఏఈఈలు, ఏఈలు, తదితరులు పాల్గొన్నారు.

రాయగడ: రాయగడ జిల్లా ఉగాది ఉత్సవ కమిటీ అధ్యక్షుడు, రాజ్యసభ మాజీ ఎంపీ నెక్కంటి భాస్కరరావును ఉగాది ఉత్సవ కమిటీ సభ్యులు ఘనంగా సన్మానించారు. స్థానిక తేజస్వీ మైదానంలో గురువారం సాయంత్రం ప్రత్యేకంగా నిర్వహించిన ఉగాది విజయోత్సవ సభలో ఆయనను సన్మానించారు. మున్సిపాలిటీ చైర్మన్‌ మహేష్‌ కుమార్‌ పట్నాయక్‌, టివిఎన్‌ఆర్‌ పట్నాయక్‌, గొగిన చౌధరి, గుడ్ల గౌరి శంకర్‌ రావు, ఎన్‌ త్రినాథరావు, సంఘం నాయుడు, డాక్టర్‌ బాబురావు మహాంతి, బార్జి ప్రసాద్‌ రావు, డాక్టర్‌ తులసి దాస్‌, పట్టణ ప్రముఖులు రాఘవ కుముంధాన్‌, శిల్లా జగన్నాథ స్వామి తదితరులు సన్మానించిన వారిలొ ఉన్నారు. ఈ సందర్భంగా కమిటీ సభ్యులు తమ తమ అభిప్రాయాలను వ్యక్తం చేశారు. తక్కువ సమయంలొ ఈ ఏడాది ఉగాది ఉత్సవాలను నిర్వహించినప్పటికీ కార్యక్రమాలు విజయవంతంగా జరిగాయని అభిప్రాయాల్ని వ్యక్తం చేశారు.

పర్లాకిమిడి: ఒడిశా మినీస్టిరీయల్‌ ఉద్యోగులు గురువారం కలెక్టరేట్‌లో ఒడిశా సంప్రదాయ చేనేత వస్త్రాలతో ‘అమొ పోసోకో..అమొ పరిచయ్‌’ అనే కార్యక్రమాన్ని అదనపు జిల్లా మెజిస్ట్రేట్‌ రాజేంద్ర మింజ్‌ అధ్వర్యంలో గురువారం నిర్వహించారు. డీఆర్‌డీఏ ముఖ్యకార్య నిర్వాహణ అధికారి శంకర్‌ కెరకటా, సబ్‌ కలెక్టర్‌ అనుప్‌ పండా, డీఆర్‌డీఏ అదనపు ఈఓ పృథ్వీరాజ్‌ మండల్‌, సాంస్కృతిక అధికారి అర్చనా మంగరాజ్‌ తదితరులు హాజరయ్యారు. జిల్లా కేంద్రంలో పలు ప్రభుత్వశాఖల అధికారులు, ఉద్యోగులు సంబల్‌పురి చేనేత వస్త్రాలు ధరించి ఒడిశా పక్షోత్సవాలను నిర్వహించారు. ఒడిశా భాష, సాహిత్యం, సంస్కృతి విభాగం ఆదేశాల మేరకు ఏప్రిల్‌ 1 నుంచి 15వ తేదీ వరకు ఈ పక్షోత్సవాలు జరుగుతాయని ఏడీఎం రాజేంద్ర మింజ్‌ తెలియజేశారు. సమృద్ధి ఒడిశాను ముందుకు నడిపించేందుకు ప్రభుత్వం ఒడిశా చేనేత వస్త్రాలు తయారుచేసే నేత పనివారిని ప్రోత్సాహించేందుకు పక్షోత్సవాలు నిర్వహిస్తున్నారు. సాంప్రదాయ దుస్తుల సంబరం ప్రారంభం కొరాపుట్‌: కొరాపుట్‌, నబరంగ్‌పూర్‌ జిల్లాల్లో ప్రభుత్వం తరుపున సాంప్రదాయ దుస్తుల సంబరాలు గురువారం ప్రారంభమయ్యాయి. దీనిలో భాగంగా అధికారులు సాంప్రదాయ దుస్తులు ధరించారు. నబరంగ్‌పూర్‌ కలెక్టర్‌ డాక్టర్‌ శుభంకర్‌ మహాపాత్రో చేనేత దుస్తులు ధరించారు. రానున్న రెండు వారాలు ప్రభుత్వ ఉద్యోగులు సాంప్రదాయ దుస్తులు ధరించాలని సూచించారు. కొరాపుట్‌ జిల్లా పరిషత్‌ ప్రెసిడెంట్‌ సస్మితా మెలక చేనేత చీర ధరించి సిబ్బందికి సందేశం ఇచ్చారు. మరోవైపు కొరాపుట్‌ జిల్లా కలెక్టర్‌ వి.కీర్తివాసన్‌ సాంప్రదాయ దుస్తులతో కలెక్టరేట్‌ సిబ్బందితో సందడి చేశారు.

టెక్కలి రూరల్‌: కోటబొమ్మాళి మండలం చిన్నసాన పంచాయతీ గంగుపేట గ్రామంలో తండ్రీకొడుకులపై ఓ ఆర్మీ జవాన్‌ కత్తితో దాడికి పాల్పడ్డాడు. తీవ్ర గాయాలు కావడంతో బాధితులు ఆస్పత్రిలో చికిత్స పొందుతున్నారు. స్థానికులు పోలీసులు తెలిపిన వివరాల ప్రకారం.. గంగుపేట గ్రామానికి చెందిన చదునుపల్లి అప్పన్నకు తన అన్న కుమారుడైన ఆర్మీ జవాన్‌ చదునుపల్లి రాముకు మధ్య కొంతకాలంగా పొలం విషయంలో తగాదాలు ఉన్నాయి. గురువారం ఉదయం ఈ విషయమై అప్పన్నకు రాముకు మధ్య మరోసారి గొడవ జరిగింది. ఈ క్రమంలో రాము కత్తితో చిన్నాన్న అప్పన్నపై దాడి చేశాడు. తొడ, చేతులను తీవ్రంగా గాయపరిచాడు. అప్పన్న కుమారుడు హరిబాబు అడ్డుకునే ప్రయ త్నం చేయగా అతనికి సైతం గాయాలయ్యాయి. గ్రామస్తులు కలుగచేసుకుని గొడవను ఆపి బాధితులను టెక్కలి జిల్లా ఆసుపత్రికి తరలించారు. అప్ప న్న పరిస్థితి విషమంగా ఉండటంతో మెరుగైన వై ద్యం నిమిత్తం శ్రీకాకుళం రిమ్స్‌కు తరలించి చికిత్స అందిస్తున్నారు. కోటబొమ్మాళి ఎస్‌ఐ సత్యనారాయ ణ ఘటనా స్థలానికి చేరుకుని దర్యాప్తు చేపట్టారు. పొలం విషయంలో గొడవ కత్తిపోట్లకు గురై ఆస్పత్రిలో చేరిన బాధితులు

● 6.25 తులాల బంగారం, రూ.5వేలు స్వాధీనం సంతకవిటి: దొంగతనం కేసులో నిందితుడిని గురువారం అరెస్ట్‌ చేసి రిమాండ్‌కు తరలించినట్లు ఎస్సై ఆర్‌.గోపాలరావు తెలిపారు. ఈ సందర్భంగా ఆయన తెలిపిన వివరాలలోకి వెళ్తే..సంతకవిటి మండలంలోని మండాకురిటి గ్రామంలో దేవిరెడ్డి అప్పలనరసమ్మ ఇంటిలో బంగారం, నగదు పోయినట్లు ఈ నెల 21న పోలీస్‌స్టేషన్‌లో కేసు నమోదైంది. ఈ కేసులో అదే గ్రామంలోని గాజులవీధికి చెందిన బత్తుల గణేష్‌ దొంగతనానికి పాల్పడినట్లు గుర్తించి పోలీసులు అరెస్ట్‌ చేశారు. విచారణలో నిందితు డు నేరం అంగీకరించడంతో 6.25 తులాల బంగారం, రూ.5 వేలు నగదు స్వాధీనం చేసుకుని కోర్టులో హాజరు పరిచి రిమాండ్‌కు తరలించామని ఎస్సై తెలియజేశారు. రాష్ట్ర స్థాయి కుస్తీ పోటీలకు కొండవెలగాడ విద్యార్థులునెల్లిమర్ల రూరల్‌: రాజమండ్రిలో జరగనున్న రాష్ట్ర స్థాయి కుస్తీ పోటీలకు మండలంలోని కొండవెలగాడ ఉన్నత పాఠశాల విద్యార్థులు ఎంపికయ్యారు. ఇటీవల జరిగిన జిల్లా స్థాయి పోటీల్లో సత్తా చాటిన ఎనిమిది మంది విద్యార్ధులు రాష్ట్రస్థాయి పోటీలకు అర్హత సాధించారని హెచ్‌ఎం జ్ఞాన శంకర్‌, పీఈటీ శ్రీనివాసరావు తెలిపారు. ఈ సందర్భంగా ఆ విద్యార్థులను పాఠశాలలో గురువారం అభినందించారు. రాష్ట్రస్థాయి పోటీల్లో సత్తా చాటి పాఠశాలకు మంచి పేరు తీసుకురావాలని ఆకాంక్షించారు. కార్యక్రమంలో ఉపాధ్యాయ సిబ్బంది పాల్గొన్నారు. టెన్నికాయిట్‌ పోటీల్లో బ్రాంజ్‌మెడల్‌ కై వసం● జాతీయ పోటీల్లో సత్తా చాటిన గరివిడి క్రీడాకారిణులు చీపురుపల్లిరూరల్‌(గరివిడి): నేషనల్‌ టెన్నికాయిట్‌ చాంపియన్‌షిప్‌ పోటీల్లో గరివిడి మండలంలో ని కొండలక్ష్మీపురం గ్రామానికి చెందిన క్రీడాకారిణులు ప్రతి భ చాటి బ్రాంజ్‌ మెడల్‌ కై వసం చేసుకున్నారు. మార్చి 26 నుంచి 31 వరకు ఒడిశాలో జరిగిన 48వ సీనియర్‌ నేషనల్‌ టెన్నికాయిట్‌ చాంపియన్‌ షిప్‌ 2024–25లో గరివిడి మండలం కొండలక్ష్మీపురం గ్రామానికి చెందిన క్రీడాకారిణులు ఆర్‌.మౌనిక, పి.రేణుక, జి.శ్రావణి పాల్గొని బ్రాంజ్‌ మెడల్‌ సాధించారు. ఈ పోటీల్లో బ్రాంజ్‌ మెడల్‌ సాధించిన క్రీడాకారిణులకు టెన్నికాయిట్‌ అసోసియేషన్‌ సభ్యులు అభినందనలు తెలియజేశారు. అక్రమంగా తరలిస్తున్న గ్రావెల్‌ ట్రాక్టర్ల పట్టివేతబొబ్బిలిరూరల్‌: బొబ్బిలి మండలంలోని చింతాడ గ్రామం వద్ద ఉన్న చెరువులో అక్రమంగా గ్రావెల్‌ తవ్వి తరలిస్తున్న నాలుగు ట్రాక్టర్లను ఆర్‌ఐ కొల్లి రామకుమార్‌ గురువారం పట్టుకున్నారు. చెరువులో గ్రావెల్‌ తవ్వకాలు జరుపుతున్నారని గ్రామస్తులు ఇచ్చిన సమాచారం మేరకు ఆర్‌ఐ రామకుమార్‌ ఆధ్వర్యంలో సిబ్బంది దాడి చేసి ట్రాక్టర్లను స్వాధీనం చేసుకున్నారు. స్వాధీనం చేసుకున్న ట్రాక్టర్లపై ఉన్నతాధికారుల సూచన మేరకు చర్యలు తీసుకుంటామని ఆర్‌ఐ తెలిపారు. ఆటో ఢీకొని తండ్రీకూతుళ్లకు తీవ్ర గాయాలుబొబ్బిలి: పట్టణంలో ద్విచక్రవాహనాన్ని ఓ ఆటో ఢీకొనడంతో తండ్రీకూతుళ్లు తీవ్ర గాయాలపాలయ్యారు. గురువారం సాయంత్రం జరిగిన ఈ సంఘటన వివరాలిలా ఉన్నాయి. స్థానిక ఐటీఐ కాలనీకి చెందిన కె.బాలాజీ, కుమార్తె మౌనిక ద్విచక్రవాహనంపై పట్టణంలోకి వెళ్తున్నారు. అదే సమయంలో పట్టణం నుంచి ఐటీఐ కాలనీ వైపు వస్తున్న ఆటో వారి బైక్‌ను ఢీకొట్టి పరారైంది. ఈ ప్రమాదంలో తండ్రీకూతుళ్లిద్దరికి కాళ్లు ఫ్రాక్చరయ్యాయి. వెంటనే వారిని సీహెచ్‌సీకి తరలించారు. అక్కడ ప్రాథమిక చికిత్స అనంతరం మెరుగైన చికిత్స కోసం జిల్లా కేంద్రాస్పత్రికి తరలించారు.

కొరాపుట్‌: దివంగత పరిశ్రమల మంత్రి జాదవ మజ్జి 26వ వర్ధంతి ఘనంగా జరిగింది. గురువారం నబరంగ్‌పూర్‌ జిల్లా చందాహండి సమితి కేంద్రంలో ప్రధాన జంక్షన్‌ వద్ద జాదవ మజ్జి విగ్రహానికి వందలాది ప్రజలు నివాళులు అర్పించారు. ఇదే సమయంలో చందాహండి ప్రభుత్వ హైస్కూల్‌లో జాదవ మజ్జి విగ్రహానికి నివాళులర్పించారు. జనతా దళ్‌ పార్టీ నేతృత్వంలో బిజూ పట్నాయక్‌ ముఖ్యమంత్రిగా ఉన్న సమయంలో 1990–95 మధ్య కాలంలో జాదవ మజ్జి రాష్ట్ర భారీ పరిశ్రమలు, ప్లానింగ్‌ శాఖ మంత్రి గా పని చేశారు. బిజూకి నమ్మకమైన వ్యక్తులలో జాదవ మజ్జి ఒకరని రాష్ట్ర వ్యాప్తంగా పేరుంది. కార్యక్రమాల్లో అతని కుమారులు మాజీ మంత్రి, బీజేడి జిల్లా ప్రెసిడెంట్‌ రమేష్‌ చంద్ర మజ్జి, మాజీ ఎంఎల్‌ఎ ప్రకాష్‌ చంద్ర మజ్జి బీజేడీ కార్యకర్తలు పాల్గొన్నారు.

రాయగడ: రెండేళ్ల కిందట అస్వస్థతకు గురై చనిపోయిన భర్త రూపానికి ఆమె మళ్లీ ప్రాణ ప్రతిష్ట చేశారు. సిలికాన్‌తో ఆయన ప్రతిమను రూపొందించి ప్రతిష్టించారు. జిల్లాలోని మునిగుడలో వైద్యుడిగా విధులు నిర్వహిస్తుండే సమీర్‌ రాయ్‌ కొన్నాళ్ల కిందట మునిగుడలొ కుటుంబంతో సహా స్థిరపడ్డారు.రాయ్‌ 2023లో అనారోగ్యంతో చనిపోయారు. దీంతో అతని భార్య సిలికాన్‌తో రాయ్‌ ప్రతిమను తయారు చేయించారు. తన బంగారు ఆభరణాలు అమ్మి మరీ ఈ విగ్రహాన్ని రూపొందించారు. మంగళవారం నాడు శుభ ముహూర్తాన పండితుల సమక్షంలో పూజా కార్యక్రమాలు నిర్వహించి ప్రతిమకు ప్రాణ ప్రతిష్ట చేశారు.

విజయనగరం అర్బన్‌: మాంసం, గుడ్లు, పాడి ఉత్పత్తి ద్వారా జిల్లాలో అభివృద్ధి సూచీలను పెంచడానికి తగు ప్రణాళికలు రూపొందించాలని కలెక్టర్‌ డాక్టర్‌ బీఆర్‌అంబేడ్కర్‌ సూచించారు. జిల్లా అభివృద్ధిలో కీలకమైన వ్యవసాయ అనుబంధ రంగంలో లైవ్‌స్టాక్‌ పెంపొందించాల్సిన అవసరం ఎంతైనా ఉందన్నారు. ఈ మేరకు గురువారం ఆయన కలెక్టరేట్‌లోని సమావేశ మందిరంలో పశుసంవర్థక శాఖ అధికారులతో సమావేశం నిర్వహించారు. ఈ సందర్భంగా మాట్లాడుతూ మండల మహిళా సమాఖ్య ద్వారా ప్రతి మండలంలో గుడ్లు ఉత్పత్తి కేంద్రాన్ని ఏర్పాటు చేసేందుకు చర్యలు చేపట్టాలని డీఆర్‌డీఏ పీడీ కల్యాణ చక్రవర్తికి సూచించారు. అందుకు కావాల్సిన సాంకేతికపరమైన సహకారాన్ని పశుసంవర్థక శాఖ అధికారులు అందించాలని కోరారు. అందుకోసం రానున్న 10 రోజుల్లో ప్రణాళికలు వేసి ఇవ్వాలని ఆదేశించారు. అదేవిధంగా నియోజకవర్గానికి ఒక మహిళా ఎంట్రప్రెన్యూర్‌ను గుర్తించి గొర్రెలు, మేకల యూనిట్ల ఏర్పాటుకు కూడా సబ్సిడీపై రుణాలు అందజేసేందుకు చర్యలు తీసుకోవాలని స్పష్టం చేశారు. జిల్లాలో ప్రస్తుతం వెయ్యి ఎకరాల్లో పశుగ్రాసం కోసం ప్రతిపాదనలు పంపారని అన్ని మండలాలకు కేటాయించనున్నట్లు తెలిపారు. ఇంకా ఏ రకంగా లైవ్‌స్టాక్‌ను పెంచగలమో చర్చించి ప్రతిపాదననలతో రావాలని పశువైద్యాధికారులకు సూచించారు. సమావేశంలో పశు సంవర్థక శాఖ అధికారి డాక్టర్‌ వైవీ రమణ, ముఖ్యప్రణాళిక అధికారి బాలాజీ, డీఆర్‌డీఏ పీడీ కల్యాణ చక్రవర్తి, మండల పశువైద్యాధికారులు పాల్గొన్నారు. కలెక్టర్‌ డాక్టర్‌ డాక్టర్‌ బీఆర్‌ అంబేడ్కర్‌

● షికారు కెళ్లినట్లు వెళ్లి..సర్వం చోరీ ● 17 కేసుల్లో ఇద్దరు నిందితుల అరెస్టు ● ఒకరిది శ్రీకాకుళం జిల్లా, మరొకరిది పార్వతీపురం మన్యం జిల్లా ● 37 తులాల బంగారం, 20 తులాల వెండి రికవరీ ● వివరాలు వెల్లడించిన ఎస్పీ మహేశ్వరరెడ్డి శ్రీకాకుళం క్రైమ్‌: బండిపై సాయంత్రం అలా షికారుకు వెళ్లినట్లు తామెంచుకున్న గ్రామానికి వెళ్తారు. వెంట తీసుకెళ్లిన ఫోన్లను స్విచ్చాఫ్‌ చేసి తాళాలు వేసి ఉన్న ఇళ్లను రెక్కీ చేసి తిరిగి వెళ్లిపోతారు. అదే రోజు రాత్రి చోరీ ఎక్కడ చేద్దామనుకున్నారో..ఆ ఇంటికి కాస్త దూరంలో బండి పార్కింగ్‌ చేసి వారివెంట తెచ్చుకున్న ఇనుప రాడ్డు, స్క్రూ డ్రైవర్‌తో ఇంటి తాళాలు పగులగొడతారు. బీరువా తలుపులు విరగ్గొట్టి అందులో ఉన్న నగదు, బంగారం, వెండి దోచుకుని పరారవుతారు. శ్రీకాకుళం జిల్లాలో ఎనిమిది చోట్ల, పార్వతీపురం మన్యం జిల్లాలో ఒకచోట చోరీలు చేసి ఎట్టకేలకు కాశీబుగ్గ పోలీసులకు ఆ గజదొంగలు చిక్కారు. దీంతో వారి దగ్గర నుంచి 37 తులాల బంగారు ఆభరణాలు, 20 తులాల వెండిని పోలీసులు స్వాధీనం చేసకున్నారు. ఈ మేరకు నిందితులైన పార్వతీపురం మన్యం జిల్లా సీతానగరం మండలం జోగింపేటకు చెందిన పోలా భాస్కరరావు, శ్రీకాకుళం జిల్లా ఎచ్చె ర్ల మండలం ముద్దాడ గ్రామానికి చెందిన ముద్దాడ నర్సింగరావులను జిల్లా పోలీసు కార్యాలయంలో ఎస్పీ కె.వి.మహేశ్వరరెడ్డి గురువారం మీడియా ముందు ప్రవేశపెట్టి వివరాలు వెల్లడించారు. చిన్నప్పటి నుంచే.. భాస్కరరావు తన తొమ్మిదో సంవత్సరంలోనే అప్పయ్యపేట సుగర్‌ ఫ్యాక్టరీ కాలనీలో ఓ ఇంట్లో డబ్బులు దొంగిలించడంతో సీతానగరం పోలీస్‌స్టేషన్‌లో జువైనల్‌ కేసు నమోదైంది. మూడు నెలలపాటు విశాఖ అబ్జర్వేషన్‌ హోంలో ఉన్నాడు. అప్పటి నుంచే నేర ప్రవృత్తిని ఎంచుకున్నాడు. ఇక నర్సింగరావు శ్రీకాకుళం జిల్లా కేంద్రంలోని ఓ బైక్‌ షోరూంలో పనిచేస్తూ బైక్‌ను దొంగిలించి జైలుకు వెళ్లాడు. ఇద్దరికీ విశాఖపట్నం సెంట్రల్‌ జైలులో పరిచయమేర్పడి బయటకొచ్చాక చోరీలు చేయడం మొదలుపెట్టారు. లెక్కకు మించి కేసులు.. నిందితుల్లో ఒకరైన పోలా భాస్కరరావుపై శ్రీకాకుళంలో 19, విజయనగరంలో 16, విశాఖపట్నం(రూరల్‌–2) జిల్లాల్లో 37 చోరీ కేసులు నమోదుకాగా, ఎనిమిదింటిలో నేరారోపణ రుజువై జైలు శిక్ష అనుభవించాడు. నర్సింగరావుపై 17 కేసులుండగా (శ్రీకాకుళం–9, విజయనగరం–4, విశాఖపట్నం సిటీ–3, పార్వతీపురం మన్యం–1) మూడింటిలో నేరారోపణ రుజువై జైలుశిక్ష అనుభవించాడు. కాశీబుగ్గ పోలీసులకు చిక్కి.. గతేడాది మే 24న కాశీబుగ్గ పీఎస్‌ పరిధిలో బంగారం, వెండి చోరీ చేసిన కేసులో నిందితులైన భాస్కర్‌, నర్సింగరావులు గురువారం నర్సిపురం రైల్వేగేట్‌ ఎక్స్‌–సర్వీస్‌మ్యాన్‌ క్యాంటీన్‌ ఎదురుగా చేస్తున్న వాహన తనిఖీల్లో భాగంగా కాశీబుగ్గ పోలీసులకు చిక్కారు. కాశీబుగ్గ డీఎస్పీ వి.వి.అప్పారావు ఆధ్వర్యంలో సీఐ చంద్రమౌళి నిందితులను విచారణ చేయగా వారు చేసిన ఒక్కో నేరం వెలుగులోకి వచ్చాయి. కాశీబుగ్గ, మెళియాపుట్టి, జేఆర్‌ పురం, టెక్కలి పీఎస్‌ల పరిధిలో ఒక్కొక్కటి, శ్రీకాకుళం రూరల్‌, వన్‌టౌన్‌, టూటౌన్‌లో మూడేసి చోరీలు, పాతపట్నంలో రెండు చోరీలు చేయగా మన్యం జిల్లా పాలకొండలో రెండు చోట్ల చోరీలకు పాల్పడ్డారు.స్వాధీనం చేసుకున్న ఆభరణాలివే.. 17 కేసుల్లో 76 తులాలకు గాను రూ.36.80 లక్షల విలువైన 37 తులాల బంగారు ఆభరణాలు, 184.58 తులాల వెండికి గాను 20 తులాల వెండి, రూ.5 లక్షలు విలువ చేసే డైమండ్‌ ఆభరణాలకు గాను రూ.2 లక్షలు విలువైన డైమండ్‌ బ్రాస్‌లెట్‌, డైమండ్‌ లాకెట్‌, రూ.3.44 లక్షల నగదుకు రూ.25 వేల నగదును పోలీసులు స్వాధీనం చేసుకున్నారు. రూ.లక్ష విలువైన రెండు బైక్‌లు, రూ.2 లక్షల విలువైన ఓ స్కార్పియోను స్వాధీనం చేసుకున్నారు. కాగా, నిందితులను పట్టుకుని రిమాండ్‌కు తరలించడంలో కృషిచేసిన కాశీబుగ్గ పోలీసులను ఎస్పీ మహేశ్వరరెడ్డి అభినందించారు.

డెంకాడ: చింతలవలసలోని ఏపీఎస్పీ ఐదవ బెటాలియన్‌ను విశాఖ రేంజ్‌ డీఐజీ గోపీనాథ్‌ జట్టి గురువారం సందర్శించారు. ఆయనకు బెటాలియన్‌ కమాండెంట్‌ మలికాగార్గ్‌ మొక్కను అందించి స్వాగతం పలికారు. బెటాలియన్‌లోని పోలీస్‌ శిక్షణ కేంద్రంలో మౌలిక వసతులను డీఐజీ పరిశీలించారు. తరగతి గదులు, ఆఫీస్‌, వంటగది, డైనింగ్‌ హాల్‌, స్టోర్‌, వాష్‌ రూంలను పరిశీలించారు. మినరల్‌ వాటర్‌ప్లాంట్‌, లైబ్రరీ, పరేడ్‌ గ్రౌండ్‌ స్థితిగతుల వివరాలను మలికాగార్గ్‌ను అడిగి తెలుసుకున్నారు. అదనపు వసతుల కల్పనకు చర్యలు తీసుకుంటానని తెలిపారు. శిక్షణ కేంద్రంలో పని చేస్తున్న టీచింగ్‌, నాన్‌టీచింగ్‌ సిబ్బంది వివరాలను అడిగి తెలుసుకున్నారు. డీఐజీ వెంట ఎస్పీ వకుల్‌ జిందాల్‌, బెటాలియన్‌ పోలీస్‌ అధికారు ఉన్నారు. పోలీస్‌ శిక్షణ కేంద్రంలో వసతుల పరిశీలన

పార్వతీపురంటౌన్‌: అంకిత భావంతో పనిచేసి మెరుగైన ఫలితాలు అందించాలని జిల్లా వైద్యరోగ్యశాఖ అధికారి డాక్టర్‌ ఎస్‌.భాస్కరరావు కార్యాలయ సిబ్బందికి సూచించారు. ఈ మేరకు వైద్యారోగ్య శాఖ కార్యాలయంలో ప్రోగ్రాం అధికారులు, సిబ్బందితో గురువారం ఆయన సమావేశం నిర్వహించి ఆరోగ్య కార్యక్రమాలపై సమీక్ష చేశారు. ప్రజారోగ్యం దృష్ట్యా జిల్లాలో చెపడుతున్న ప్రతి కార్యక్రమానికి సంబంధించిన ప్రగతి నివేదికలను ఎప్పటికప్పుడు సిద్ధం చేసి సకాలంలో అందజేయాలని సూచించారు. తద్వారా వెనుకంజలో ఉన్న ఆరోగ్య కేంద్రాలను గుర్తించి అందుకు గల కారణాలపై విశ్లేళషణ్‌ చేసి పనితీరును మెరుగుపర్చవచ్చన్నారు. అన్ని ఆరోగ్య కేంద్రాల్లో ఎఫ్‌ఆర్‌ఎస్‌ హాజరు నమోదు తీరును పర్యవేక్షించాలని చెప్పారు. ఈ క్రమంలో మాతా, శిశు వైద్య సేవలు, టీకాల నిర్వహణ, అసంక్రామిక వ్యాధుల సర్వే, టీబీ, లెప్రసీ, స్కూల్‌ హెల్త్‌, స్వచ్ఛాంద్ర తదితర ఆరోగ్య కార్యక్రమాలు జిల్లాలో పకడ్బందీగా అమలు జరిగేలా పర్యవేక్షణ చేసి, సంబంధిత పోర్టల్స్‌, యాప్‌లో నమోదు తీరును పరిశీలించాలని సూచించారు. కార్యక్రమంలో డీఐఓ ఎం. నారాయణరావు, జిల్లా ప్రాగ్రాం అధికారులు డాక్టర్‌ జగన్మోహనరావు, డాక్టర్‌ పీఎల్‌ రఘుకుమార్‌, డాక్టర్‌ ఎం.వినోద్‌ కుమార్‌, సూపరింటెండెంట్‌ కామేశ్వరరావు పాల్గొన్నారు. డీఎంహెచ్‌ఓ డాక్టర్‌ భాస్కరరావు

బొబ్బిలిరూరల్‌: మండలంలోని పారాది గ్రామ పంచాయతీ పరిధి బంకురు వలసలో ‘మాంగనీసు అక్రమ తరలింపు’ అన్న కథనం ‘సాక్షి’లో ప్రచురితం కావడంతో జిల్లా భూగర్భ గనుల శాఖ స్పందించింది. ఈమేరకు గురువారం ఒక ప్రకటన విడుదల చేసింది. బంకురువలసలో సర్వేనంబర్‌ 1లో ఉన్న మాంగనీసు ఖనిజ ప్రాంతం గతంలో చెలికాని అచ్యుతరావు పేరున నమోదైందని, అక్కడ మాంగనీసు ఉండేదని తెలియజేసింది. అనంతరం నమ్రతమైనింగ్‌ కార్పొరేషన్‌ పార్టనర్‌ ఇక్బాల్‌ షరీఫ్‌ పేరున సేల్‌డీడ్‌ జరిగిందని వివరించింది. అయితే అచ్యుతరావు పేరున ఉన్న భూమి ఇంకా ఇక్బాల్‌ షరీఫ్‌కు మ్యూటేషన్‌ కాలేదని, మైనింగ్‌ శాఖనుంచి మాంగనీసు తవ్వకాలకు, తరలింపునకు ఎటువంటి అనుమతులు లేవని పేర్కొంది. నిరంతర తనిఖీలతో ఆప్రాంతలో నిఘా ఏర్పాటు చేశామని ఎవరైనా మాంగనీసు ఖనిజతవ్వకాలు, తరలింపు చేపడితే కఠిన చర్యలు తీసుకుంటామని హెచ్చరించింది.

సాలూరు రూరల్‌: పాచిపెంట మండలం ఆలూరు గ్రామం గ్రీన్‌ఫీల్డ్‌ హైవే ప్రాంతంలో గురువారం తెల్లవారుజామున 4గంటలకు రెండువాహనాల్లో తరలిస్తున్న 396 కేజీల గంజాయిని పోలీసులు పట్టుకున్నారు. ఈ మేరకు గురువారం సాయంత్రం రూరల్‌ పోలీస్‌స్టేషన్‌లో ఏఎస్పీ అంకితా సురానా విలేకరుల సమావేశంలో కేసుకు సంబంధించిన వివరాలు వెల్లడించారు. గంజాయి అక్రమ రవాణా జరుగుతోందన్న ముందస్తు సమాచారం మేరకు గరువారం ఉదయం 4 గంటల సమయంలో రూరల్‌ సీఐ రామకృష్ణ ఆధ్వర్యంలో పోలీసు సిబ్బంది కాపుకాశారన్నారు. గంజాయి రవాణా చేస్తున్న ముగ్గురు నిందితులు పోలీసుల రాకను గమనించి వాహనాలను విడిచి ఒక్కొక్కరు ఒక్కో దిశలో పారిపోయారని తెలిపారు. చీకటి కావడంతో నిందితులు పరారయ్యేందుకు అవకాశం దొరికిందన్నారు. వాహనాల్లో 396 కేజీల గంజాయి పట్టుపడిందని దాని విలువ సుమారు రూ.39 లక్షల వరకు ఉంటుందని తెలిపారు. ఈ మేరకు కేసు నమోదు చేసి దర్యాప్తు చేస్తున్నట్లు ఆమె తెలిపారు. కార్యక్రమంలో రూరల్‌ ఆర్బన్‌ సీఐలు రామకృష్ణ, అప్పలనాయుడు రూరల్‌ ఎస్సై నరసింహమూర్తి, పాచిపెంట ఎస్సై పాల్గొన్నారు. పరారైన నిందితులు

శ్రీకాకుళం పాతబస్టాండ్‌: ఉపాధ్యాయులకు తక్షణమే 30 శాతం ఐఆర్‌ ప్రకటించాలని, 12వ పీఆర్సీ కమిషన్‌ నియమించాలని ఫ్యాప్టో జిల్లా చైర్మన్‌ బమ్మిడి శ్రీరామ్మూర్తి, సెక్రటరీ జనరల్‌ పడాల ప్రతాప్‌ కుమార్‌లు డిమాండ్‌ చేశారు. ఆంధ్రప్రదేశ్‌ ఉపాధ్యాయ సంఘాల సమాఖ్య (ఫ్యాప్టో) రాష్ట్ర కమిటీ పిలుపు మేరకు జిల్లా కలెక్టర్‌ కార్యాలయం వద్ద బుధవారం నిరసన చేపట్టారు. ఈ సందర్భంగా వారు మాట్లాడుతూ.. పాత పెన్షన్‌ విధానం అమలు చేయాలని, ఉమ్మడి సర్వీసు రూల్స్‌ సమస్య పరిష్కరించి ప్రమోషన్లు కల్పించాలని కోరారు. ప్రభుత్వం వెంటనే స్పందించి తమ న్యాయమైన డిమాండ్లు పరిష్కరించాలని కోరారు. కార్యక్రమంలో ఫ్యాప్టో సభ్య సంఘాల నాయకులు మజ్జి మదన్మోహన్‌, ఎస్‌.కిషోర్‌ కుమార్‌, చౌదరి రవీంద్ర, లండ బాబురావు, టెంక చలపతిరావు, బి.రవి కుమార్‌, ఎస్వీ రమణమూర్తి, పూజారి హరి ప్రసన్న, కొమ్ము అప్పలరాజు, వాల్తేటి సత్యనారాయణ, జి.రమణ, సీర రమేష్‌ బాబు, జగన్మోహన్‌ ఆప్తా, బలివాడ ధనుంజయరావు, కొత్తకోట శ్రీహరి, గొంటి గిరిధర్‌ తదితరులు పాల్గొన్నారు.

మల్కన్‌గిరి: మల్కన్‌గిరి జిల్లా చిత్రకొండ సమితి స్వాభిమాన్‌ ఏరియా దూర్గమ్‌ ప్రాంతమైన ధూలిపూట్‌ పంచాయతీలో చిత్రకొండ ఎమ్మెల్యే మంగుఖీలో తొలిసారిగా బుధవారం పర్యటించారు. ఆయనకు సంప్రదాయబద్ధంగా గిరిజనులు పూలమాలలు వేసి స్వాగడం పలికారు. అనంతరం అంత్యోదయ గృహ యోజన కార్యక్రమంలో ఎమ్మెల్యే పాల్గొని మాట్లాడారు. గిరిజన గ్రామాల అభివృద్ధికి తనవంతు కృషి చేస్తానన్నారు. ప్రజాసమస్యల పరిష్కారంపై ప్రత్యేక దృష్టిసారిస్తానని చెప్పారు. సమస్యలను అడిగి తెలుసుకున్నారు. పాఠశాల భవనాన్ని నిర్మిస్తామని హామీ ఇచ్చారు. మంగుఖీ పంచాయతీలో నెలకున్న సమస్యలను జిల్లా కలెక్టర్‌తో చర్చించి పరిష్కరిస్తామన్నారు. కార్యక్రమంలో డీసీసీ అధ్యక్షుడు గోవిందపాత్రో, చిత్రకొండ సమితి ప్రతినిధి విదేశీ గౌడ్‌, పలువురు నాయకులు పాల్గొన్నారు.

పర్లాకిమిడి: రాష్ట్ర అవతరణ దినోత్సవ వేడుకలు బుధవారం కూడా కొనసాగాయి. పర్లాకిమిడి పట్టణంలో ఘనంగా అధికార యంత్రాంగం నిర్వహించింది. దివంగత శ్రీకృష్ణచంద్ర గజపతి నారాయణ దేవ్‌ శ్మశాన వాటికలోని సమాధివద్ద కలెక్టర్‌, పురపాలక చైర్మన్‌ నిర్మలా శెఠి ఇతర అధికారులు దేశ్‌ విగ్రహానికి పూలమాలలు వేసి నివాళులర్పించారు. పట్టణంలో చిత్రకారవీధి జంక్షన్‌ వద్ద మహారాజా విగ్రహానికి కలెక్టర్‌ పూలమాలలు వేశారు. అనంతరం సొండివీధి సరస్వతీ శిశు విద్యామందిర్‌ వద్ద స్కూల్‌ విద్యార్థుల ర్యాలీని కలెక్టర్‌ బిజయ కుమార్‌ దాస్‌ ప్రారంభించారు. ఉత్కళమాత, మహారాజా కృష్ణచంద్ర గజపతి, పండిత గోపబంధుదాస్‌, మధుసూదన్‌ దాస్‌, ఫకీర్‌ మోహాన్‌ సేనాపతి, బోయితబోంధన పండుగ వేషాధారణలతో విద్యార్థులు అలరించారు. అనంతరం మార్కెట్‌ జంక్షన్‌ వద్ద మహారాజా కృష్ణచంద్రగజపతి కాంస్య విగ్రహానికి కలెక్టర్‌, ఎమ్మెల్యే రూపేష్‌ పాణిగ్రాహి, ఇతర అధికారులు పూలమాలలు వేసి నివాళులు అర్పించారు. ర్యాలీలో వివిధ పాఠశాలల విద్యార్థులు సాంస్కృతిక నృత్యాలు, సేరివీధి భేతాళ క్లబ్‌ సమరయోధుల, కత్రి కర్రసాములతో విన్యాసాలు చేశారు. గజపతి ప్యాలస్‌ వరకూ ఉత్కళ దివాస్‌ ర్యాలీ కొనసాగింది.

జయపురం: స్థానిక ఉన్నత పాఠశాలలో హిందీ ఉపాధ్యాయుడుగా పని చేసి ఉద్యోగ విరమణ చేసిన భగవాన్‌ సాబత్‌ను మంగళవారం సాయంత్రం ఏర్పాటు చేసిన కార్యక్రమంలో సిబ్బంది ఘనంగా సత్కరించారు. ఈ సందర్భంగా నిర్వహించిన సభలో ప్రధాన ఉపాధ్యాయులు ప్రకాష్‌ చంద్ర పట్నాయక్‌ అధ్యక్షత వహించారు. భగవాన్‌ సాబత్‌కు దుశ్శాలువతో సత్కరించి సేవలను కొనియాడారు. ఉపాధ్యాయ సిబ్బంది పద్మావతి, విశ్వరంజన్‌ గౌడ పాల్గొన్నారు.జరిమానా పేరిట వేధిస్తున్నారు మల్కన్‌గిరి: వాహనాలకు సంబంధించిన అన్ని ధ్రువపత్రాలు చూపిస్తున్నా మైన్స్‌, రెవెన్యూ, పోలీసు శాఖల అధికారులు జరిమానాల పేరిట అన్యాయంగా డబ్బులు వసూలు చేస్తున్నారని మల్కన్‌గిరి జిల్లా జిల్లా టిప్పర్‌, ట్రక్‌ సంఘం యజమానులు ఆవేదన వ్యక్తం చేశారు. ఈ మేరకు బుధశారం జిల్లా కేంద్రంలో బొండబక్కల్‌ క్రీడా మైదానంలో వందకు పైగా ట్రక్‌లను నిలిపివేసి నిరసన వ్యక్తం చేశారు. డిమాండ్లను తీర్చే వరకు నిరసన విరమించేది లేదని స్పష్టం చేశారు. నిరసన కార్యక్రమంలో సంతోష్‌ కుమార్‌ రౌత్‌, ప్రభాకర్‌ ప్రధాన్‌, బునరావు, లాలిత్‌ సుమానీ, సురజీత్‌ నాంధి, జి.శ్యామ్‌సుందర్‌, రాజా పాత్రో, వాసుదేవరావు, గోవింద చంద్రనాయక్‌ తదితరులు పాల్గొన్నారు. వైద్యసిబ్బంది పోస్టులు భర్తీ చేయాలి పర్లాకిమిడి: జిల్లాలోని కేంద్ర ప్రభుత్వ ఆస్పత్రుల్లో వైద్యుల కొరత ఎక్కువగా ఉందని, తక్షణమే వాటిని భర్తీ చేయాలని బీజేపీ యువజన నాయకులు కోట్ల యువరాజ్‌ కోరారు. ఈ మేరకు బుధవారం రాష్ట్ర వైద్య, కుటుంబ సంక్షేమ శాఖ మంత్రి ముఖేష్‌ మహాలింగను సర్క్యూట్‌ హౌస్‌లో కలిసి వినతిపత్రం అందజేశారు. సామాజిక ఆరోగ్యకేంద్రాలలో హెల్త్‌ ఏటీఎంలు ప్రవేశపెట్టాలని కోరారు.వ్యక్తి ఆత్మహత్య మల్కన్‌గిరి: బలిమెల పోలీసుస్టేషన్‌ పరిధిలోని పర్కన్‌మాల పంచాయతీ టెక్‌గూడ గ్రామానికి చెందిన సత్తి పంగీ(55) అనే వ్యక్తి మంగళవారం రాత్రి విషం తాగేశాడు. గమనించిన భార్య వెంటనే గ్రామస్తుల సహకారంతో కుడుములగుమ్మ ఆరోగ్య కేంద్రానికి తరలించారు. అక్కడ చికిత్స పొందుతూ బుధవారం ఉదయం మృతి చెందాడు. విషయం తెలుసుకున్న బలిమెల ఐఐసీ ధీరాజ్‌ పట్నాయక్‌ గ్రామానికి వెళ్లి మృతదేహాన్ని స్వాధీనం చేసుకున్నారు. పోస్టుమార్టం నిమిత్తం ఖొయిర్‌పూట్‌ ఆరోగ్య కేంద్రానికి తరలించారు. కాగా, సత్తి కొన్నాళ్లుగా మానసిక వ్యాధితో బాధపడుతున్నట్లు తెలిసింది. సమస్యలు పరిష్కరించాలి శ్రీకాకుళం అర్బన్‌: జిల్లాలో ఆర్టీసీ పరిధిలోని శ్రీకాకుళం–1, 2 డిపోలు, టెక్కలి, పలాస తదితర నాలుగు డిపోల్లో పేరుకుపోయిన ఆర్టీసీ ఉద్యోగుల సమస్యలను తక్షణమే పరిష్కరించాలని ఆర్టీసీ ఎంప్లాయీస్‌ యూనియన్‌ జోనల్‌ కార్యదర్శి బి.కె.మూర్తి డిమాండ్‌ చేశారు. శ్రీకాకుళం కాంప్లెక్స్‌ ఆవరణలోని ఈయూ కార్యాలయంలో బుధవారం నిర్వహించిన విలేకరుల సమావేశంలో ఆయన మాట్లాడారు. అక్రమ సస్పెన్షన్లు, అక్రమ బదిలీలు రద్దు చేసి 1/2019 సర్క్యూలర్‌ అమలు చేయాలని కోరారు. ఆర్టీసీలో కొంతమంది ఉద్యోగులు అధికార దుర్వినియోగానికి పాల్పడుతూ ఉద్యోగులను ఉద్యమాలవైపు నెడుతున్నారన్నారు. ఇటువంటి అధికారులపై చర్యలు తీసుకోవాలన్నారు. సమస్యలు పరిష్కరించాలని కోరుతూ ఈనెల 3, 4 తేదీల్లో జిల్లాలోని నాలుగు డిపోల వద్ద నిరసన కార్యక్రమాన్ని చేపట్టనున్నట్లు వెల్లడించారు. అప్పటికీ సమస్య పరిష్కారం కాకపోతే విజయనగరం జోన్‌లో 19 డిపోల్లో ఉద్యమం చేస్తామన్నారు. ఆయనతో పాటు ఈయూ నాయకులు ఎ.దిలీప్‌కుమార్‌, జి.త్రినాథ్‌, కేజీరావు తదితరులు ఉన్నారు.

జయపురం: కత్తితో ఓ వ్యక్తిని బెదిరించి ఆరున్నర లక్షల రూపాయలను దోపిడీ చేశారు. ఈ సంఘటన జయపురం సబ్‌డివిజన్‌ బొయిపరిగుడ సమితి చమలికుండ్‌ మార్గంలో చోటు చేసుకున్నట్లు బొయిపరిగుడ పోలీసు అధికారి బుధవారం వెల్లడించారు. డబ్బు పోగొట్టుకున్న వ్యక్తిది బొయిపరిగుడ సమితి రామగిరి పంచాయితీ చమలికుండ్‌ గ్రామానికి చెందిన సదా హంతాల్‌గాచెప్పారు. రామగిరి పంచాయతీ ప్రాంతంలో కొంతమంది కార్మికులు డుంబురుపుట్‌ రైల్వేట్రాక్‌ పనులు చేస్తున్నారు. వీరంతా పండుగ నిమిత్తం తమతమ గ్రామాలకు వెళ్లారు. వారికి రావాల్సిన కూలి డబ్బులు తీసుకురమ్మని సదా హంతాల్‌కు అప్పజెప్పారు. దీంతో సదా జాని అందరి మజూరి డబ్బులు వసూలు చేసి ఆ డబ్బుతో తమ గ్రామానికి బైక్‌పై బయలు దేరాడు. చమలికుండ్‌ మార్గంలో ముగ్గురు దుండగులు బైక్‌పై వచ్చి సదా బైక్‌ను వెనుక నుంచి ఢీకొట్టడంతో కింద పడ్డాడు. వెంటనే దుండగులు కత్తితో బెదిరంచి అతడి వద్ద గల 6 లక్షల 50 వేల రూపాయలను దోచుకు పోయారు. డబ్బు పోగొట్టుకున్న సదా హంతాల్‌ బొయిపరిగుడ పోలీసుస్టేషన్‌కు వచ్చి ఫిర్యాదు చేశారు. కేసు నమోదు చేసి దర్యాప్తు జరుపుతున్నట్లు పోలీసులు వెల్లడించారు. హెచ్చరిక బోర్డు ఏర్పాటు ఇచ్ఛాపురం రూరల్‌: తమ స్థలానికి ఎదురుగా ఉన్న రచ్చబండను తొలగించి, ఆ స్థలాన్ని సొంతం చేసుకునేందుకు కె.శాసనాం గ్రామానికి చెందిన టీడీపీ నాయకుడు ఇసురు ఫకీరు ఇటీవల తన అనుచరులతో కలిసి రచ్చబండను తొలగించారు. దీనిపై సాక్షి దినపత్రికలో ‘పచ్చ తమ్ముడి బరితెగింపు’ శీర్షికతో సోమవారం ప్రచురితమైన కథనానికి అధికారులు బుధవారం స్పందించారు. ‘ఇది ప్రభుత్వ భూమి.. ఆక్రమణదారులు శిక్షార్హులు’ అని పేర్కొంటూ హెచ్చరిక బోర్డు తహసీల్దార్‌ కె.వెంకటరావు ఆధ్వర్యంలో రెవెన్యూ సిబ్బంది ఏర్పాటు చేశారు. 16 గొర్రె పిల్లల సజీవదహనం మెళియాపుట్టి: మండలంలోని కరజాడ గ్రామానికి చెందిన దాసరి శ్రీనివాసరావు, దాసరి ఢిల్లేశ్వరరావు, సార రామయ్యలకు చెందిన 16 గొర్రె పిల్లలు సజీవ దహనమయ్యాయి. మార్చి 30వ తేదీ రాత్రి ఈ ఘటన జరిగినట్లు పెంపకందారులు చెబుతున్నారు. బుధవారం పలువురు పెంపకందారులతో మాట్లాడగా గిట్టని వాళ్లెవరో ఇటువంటి దుశ్చర్యకు పాల్పడి ఉండొచ్చని అనుమానం వ్యక్తం చేశారు. దీంతో సుమారు రూ.50 వేల వరకు నష్టం జరిగిందని, అధికారులు పరిశీలించి న్యాయం చేయాలని కోరారు. ఘటనపై పోలీసులకు ఫిర్యాదు చేస్తామని తెలిపారు. రైలుకింద పడి మహిళ మృతి కాశీబుగ్గ: పలాస జీఆర్పీ పోలీసుస్టేషన్‌ పరిధిలో ఉన్నటువంటి సోంపేట రైల్వేస్టేషన్‌ యార్డ్‌ నందు గుర్తు తెలియని మహిళ రైలు కిందపడి బుధవారం మృతి చెందింది. పలాస జీఆర్పీ పోలీసులు తెలిపిన వివరాల మేరకు.. సుమారు 40 నుంచి 45 ఏళ్ల వయస్సు ఉన్న మహిళ మృతదేహం గుర్తుపట్టలేని స్థితిలో లభించిందని తెలిపారు. మృతురాలు గులాబీ, పసుపు రంగు కలిగిన పంజాబీ డ్రెస్‌ ధరించి ఉందన్నారు. చామనచాయ రంగు కలిగి ఉండి, శరీరం రెండుగా విడిపోయి ఉందని కానిస్టేబుల్‌ డి.హరినాథ్‌ వివరించారు. వివరాలు తెలిసినవారు 99891 36143 నంబర్‌ను సంప్రదించాలని కోరారు.

జయపురం: జయపురం పట్టణంలోని 28 వార్డులలో జయపురం మున్సిపాలిటీ ఆధ్వర్యంలో చలివేంద్రాలు ఏర్పాటు చేసింది. ఏప్రిల్‌ 1వ తేదీ ఉత్కళ దినోత్సవాల సందర్భంగా 28 చలివేంద్రాలతోపాటు 8 చల్లని నీటి చలివేంద్రాలను (కోల్డ్‌ డ్రింకింగ్‌ వాటర్‌ కేంద్రాలు) ఏర్పాటు చేసిందని బుధవారం మున్సిపాలిటీ సహాయ కార్యనిర్వాహక అధికారి కృతిబాస సాహు వెల్లడించారు. వేసవి కాలం ప్రారంభం నుంచి ఎండలు మండుతున్నాయని, అందువలన దాహార్తులకు తాగునీరు సమకూర్చే లక్ష్యంతో వీటిని ఏర్పాటు చేసినట్లు వెల్లడించారు. ముఖ్యంగా గ్రామీణ ప్రాంతాల నుంచి చిరు వ్యాపారాలు, ఇతర ప్రాంతాల నుంచి జయపురం వచ్చేవారికి చలివేంద్రాలు ఉపయోగపడతాయని వెల్లడించారు.

జయపురం: టాటా పవర్‌ సప్లయ్‌ విభాగ కంపెనీపై కొరాపుట్‌ జిల్లా కమ్యూనిస్టు పార్టీ ధ్వజమెత్తింది. విద్యుత్‌ వినియోగదారులపై జులుం చేస్తుందని, విద్యుత్‌ సరఫరాలో అనుసరిస్తున్న విధానాలకు శ్వస్తి చెప్పి, సవ్యంగా విద్యుత్‌ సరఫరా చేయాలని ఆ పార్టీ డిమాండ్‌ చేసింది. బుధవారం కమ్యూనిస్టు పార్టీ జిల్లా కార్యదర్శి జుధిష్టర రౌళో నేతృత్వంలో ఆ పార్టీ శ్రేణులు టాటా పవర్‌ అధికారులకు కలిశారు. ముఖ్యమంత్రి మోహణ మఝిను ఉద్దేశించి వినతిపత్రం సమర్పించారు. విద్యుత్‌ చార్జీల పెంపుదలను తగ్గించాలని, రాష్ట్రంలోటాటా విద్యుత్‌ విభాగం జులుం బంద్‌ చేయాలని, విద్యుత్‌ బిల్లుల వసూలులో సాధారణ పేదల విద్యుత్‌ లైన్‌లు తొలగించటం నిలిపివేయాలని, విద్యుత్‌ బిల్లులో ఆనేక తప్పులు దొర్లుతున్నాయని, వాటిపై ఫిర్యాదు చేసినా పట్టించుకోవడం లేదని ఆరోపించారు. టా టా పవర్‌ సప్లయ్‌ అధికారులు బలవంతంగా స్మార్ట్‌ మీటర్లు బిగిస్తూ వినియోగదారులను దోచుకుంటున్నారని, దీనిపై దర్యాప్తు చేపట్టాలని డిమాండ్‌ చేశారు. ఎన్నికల సమయంలో 300 యూనిట్ల వరకు ఉచిత విద్యుత్‌ సరఫరా చేస్తామని ఇచ్చిన వాగ్దానాన్ని వెంటనే అమలు చేయాలని, వ్యవసాయం దాని అనుబంధ సంస్థలకు ఉచిత విద్యుత్‌ సరఫరా చేయాలని, విద్యుత్‌ బిల్లులు ఒడియా భాషలో ప్రింట్‌ చేయాలని డిమాండ్‌ చేశారు. తక్షణ చర్యలు చేపట్టకపోతే కమ్యూనిస్టు పార్టీ ప్రజాందోళన చేపడుతునందని హెచ్చరించారు.

రాయగడ: విద్యా విధానంలో కొత్త మార్పులు తీసుకునే ప్రక్రియలో భాగంగా నూతన ప్రవేశాలకు జిల్లా యంత్రాంగం శ్రీకారం చుట్టింది. ఈ మేరకు జిల్లా కలక్టర్‌ ఫరూల్‌ పట్వారి స్థానిక గొపబంధు మున్సిపల్‌ ఉన్నత పాఠశాలలో బుధవారం జరిగిన ప్రత్యేక కార్యక్రమంలో ఐదేళ్ల చిన్నారులకు సామూహిక అక్షరాభ్యాసాన్ని నిర్వహించారు. ఈ సందర్భంగా కొత్తగా పలక, బలపం అందజేసి చిన్నారులను ఆమె ఆశీర్వదించారు. మున్సిపల్‌ ఉన్నత పాఠశాల ప్రధానోపాధ్యాయురాలు నిహారిక బిడిక, జిల్లా విద్యాశాఖ అధికారి రామచంద్ర నాయక్‌, జిల్లా అదనపు విద్యాశాఖ అధికారి భజన్‌లాల్‌ మాఝి తదితరులు పాల్గొన్నారు. అనంతరం పాఠశాల ప్రాంగణం నుంచి చైతన్య రథాన్ని కలెక్టర్‌ జెండా ఊపి ప్రారంభించారు. సెప్టెంబర్‌ నెల చివరి వరకు ఈ ప్రచార, ప్రవేశ ఉత్సవాలు కొనసాగుతాయని సంబంధిత శాఖ అధికారులు వెల్లడించారు.

కొరాపుట్‌: రాష్ట్ర వ్యాప్తంగా శిశు విద్యా పథకం లాంఛనంగా ప్రారంభమైందని రాష్ట్ర సాంఘిక సంక్షేమ, విద్యా శాఖ మంత్రి నిత్యానంద గొండో ప్రకటించారు. బుధవారం నబరంగ్‌పూర్‌ జిల్లా కేంద్రంలోని బోర్డు స్కూల్లో విలేకరులతో మాట్లాడారు. కేంద్ర ప్రాథమిక విద్యా పథకం–2020ను అమల్లోకి తెచ్చినట్లు ప్రకటించారు. ఐదేళ్ల బాలలు కిండర్‌ తరగతి, ఆరేళ్ల పిల్లలు 1వ తరగతిలో చేర్పిస్తున్నట్లు చెప్పారు. అనంతరం బాలలకు పలక, బలపం, బ్యాగ్‌ తదితర విద్యా సామగ్రి పంపిణీ చేశారు. సెల్ఫీ పాయింట్‌, ప్రచార రథాలు ప్రారంభించారు. కార్యక్రమంలో కలెక్టర్‌ డాక్టర్‌ శుభంకర్‌ మహాపాత్రో, ఎమ్మెల్యే గౌరీ శంకర్‌ మజ్జి పాల్గొన్నారు. కొరాపుట్‌ జిల్లా కేంద్రంలోని ప్రభుత్వ పాఠశాలలో కలెక్టర్‌ వీ.కీర్తివాసన్‌ చిన్నారులతో అక్షరాభ్యాసం చేయించారు. సీఎల్‌పీ నాయకుడు రాం చంద్ర ఖడం పొట్టంగిలో ప్రాథమిక పాఠశాలలను ప్రారంభించారు.

కొరాపుట్‌: స్వాతంత్య్రం వచ్చి దశాబ్దాలు గడిచినా ఒడిశాలో ఇప్పటికీ అనేక గ్రామాలకు విద్యుత్‌ సౌకర్యం లేదు. అలాంటి గ్రామాల్లో నబరంగ్‌పూర్‌ జిల్లా తెంతులకుంటి సమితి అమలబట్ట పంచాయతీ బరిగుడ ఒకటి. విషయం తెలుసుకున్న బీజేపీ ఎమ్మెల్యే గౌరీ శంకర్‌ మజ్జి గ్రామానికి విద్యుత్‌ సౌకర్యం కల్పించారు. బుధవారం సేవలు ప్రారంభించారు. కాగా, గ్రామానికి వెళ్లేందుకు ఎమ్మెల్యే ఆపసోపాలు పడాల్సి వచ్చింది. గ్రామానికి రహదారి సౌకర్యం లేక చెక్క వంతెనపై ప్రమాదకర స్థితిలో బైక్‌పై దాటాల్సి వచ్చింది. అనంతరం అక్కడ నూతనంగా ఏర్పాటు చేసిన ట్రాన్స్‌ఫార్మర్‌ను ప్రారంభించారు. ప్రతి ఇంటికీ వెళ్లి మీటర్‌ స్విచ్‌ను స్వయంగా నొక్కి సేవలు ఆరంభించారు.

● అన్ని రంగాల్లోనూ విద్యార్థినులు దూసుకుపోవాలి ● సెంచూరియన్‌ వర్సిటీలో ఉమెన్‌ స్టూడెంట్‌ పార్లమెంట్‌ ప్రారంభోత్సవంలో గవర్నర్‌ హరిబాబు కంభంపాటిపర్లాకిమిడి: విశ్వవిద్యాలయాల్లో చదువుతున్న విద్యార్థినులు నాయకత్వ లక్షణాలు అలవరచుకోవాలని.. భవిష్యత్తులో వారు పార్లమెంటులో 50 శాతం సభ్యులు మహిళలే ఉండాలని ఒడిశా గవర్నర్‌ హరిబాబు కంభంపాటి ఆకాంక్షించారు. ఆర్‌.సీతాపురంలోని సెంచూరియన్‌ వర్శిటీలో బుధవారం సెంట్రల్‌ అడ్మినిస్ట్రేటివ్‌ కాంప్లెక్సును ప్రారంభించారు. అనంతరం 3వ జాతీయ ఉమెన్‌ స్టూడెంట్‌ పార్లమెంట్‌– 2024–25ను ప్రారంభించారు. ఈ సందర్భంగా ఆయన మాట్లాడుతూ ప్రస్తుతం పార్లమెంటులో 33 శాతం మహిళా రిజర్వేషన్లు ఉన్నాయని, సమీప భవిష్యత్తులో మీలో కొందరు పార్లమెంటరీయన్లయినా ఆశ్చర్యపోనవసరం లేదన్నారు. ఉన్నత విద్య, పరిశ్రమల స్థాపన, మహిళా శక్తి, నాయకత్వ లక్షణాలు పెంపొందించుకున్నప్పుడే వికసిత భారత్‌ సాధ్యమవుతుందని చెప్పారు. కాగా, ఐదు రోజుల పాటు జరగనున్న ఈ సమావేశాలకు 30 విశ్వవిద్యాలయాల నుంచి 200 మంది విద్యార్థినులు విచ్చేశారు. కార్యదర్శి మమతారాణి అగ్రవాల్‌, సెంచూరియన్‌ వర్శిటీ ఉపకులపతి (విశాఖపట్నం) డా.జి.ఎస్‌.ఎన్‌.రాజు, సి.యు.టి.ఎం.ప్రెసిడెంట్‌ డాక్టర్‌ ముక్తికాంత మిశ్రా, ఉపకులపతి (భువనేశ్వర్‌) డాక్టర్‌ సుప్రియా పట్నాయిక్‌, బరంపురం వర్శిటీ ఉపకులపతి గీతాంజలి దాస్‌, బిజూ పట్నాయిక్‌ టెక్నాలజికల్‌ యూనివర్శిటీ ఉపకులపతి డాక్టర్‌ అమియా కుమార్‌ రథ్‌ హాజరై ప్రసంగించారు. ఏ.ఐ.యు.చైర్మన్‌ సంగ్రాం కేసరి స్వయిని స్వాగత ఉపన్యాసం చేశారు. అనంతరం గవర్నర్‌ హరిబాబును ఉపకులపతి సుప్రియా పట్నాయిక్‌ దుశ్శాలువతో సత్కరించి జ్ఞాపిక అందజేశారు.కార్యక్రమంలో సెంచూయన్‌ వర్శిటీ రిజిస్ట్రార్‌ అనితా పాత్ర్‌, కలెక్టర్‌ బిజయకుమార్‌ దాస్‌, ఎస్పీ జితేంద్రనాథ్‌ పండా, సబ్‌ కలెక్టర్‌ అనుప్‌ పండా తదితరులు పాల్గొన్నారు.

విజయనగరం అర్బన్‌: డైట్‌ కళాశాలలో ఖాళీగా ఉన్న బోధన సిబ్బందిని ఫారిన్‌ సర్వీస్‌ నియామక నిబంధనల మేరకు డిప్యుటేషన్‌ పద్ధతిలో నియామకం చేస్తున్నట్లు జిల్లా విద్యాశాఖ ప్రకటించింది. ఈ మేరకు డీఈఓ యు.మాణిక్యం నాయుడు మంగళవారం విడుదల చేసిన షెడ్యూల్‌లో పేర్కొన్నారు. ఆసక్తి ఉన్న స్కూల్‌ అసిస్టెంట్‌, ప్రధానోపాధ్యాయులు, మండల విద్యాశాఖ అధికారులు ఈ నెల 10వ తేదీ వరకు దరఖాస్తు చేసుకోవాలని పేర్కొన్నారు. డీఈఓల ద్వారా సంబంధిత ప్రిన్సిపాల్స్‌కు దరఖాస్తులు సమర్పించుకోవాలి. 11 నుంచి 13వ తేదీల మధ్యలో దరఖాస్తుల పరిశీలన జరుగుతుంది. అర్హత పొందిన దరఖాస్తుదారులకు ఈ నెల 16, 17వ తేదీల్లో రాత పరీక్ష, 19వ తేదీన ఇంటర్వ్యూలు నిర్వహిస్తారు. అర్హులైన వారికి డిప్యుటేషన్‌ ఉత్తర్వులు ఈ నెల 21వ తేదీన అందజేస్తారు. 22వ తేదీనే విధుల్లో చేరాలని షెడ్యూల్‌లో పేర్కొన్నారు. పూర్తి వివరాల కోసం ‘డీఈఓ విజయనగరం’ వెబ్‌సైట్‌ను సంప్రదించాలని సూచించారు. ● 16, 17వ తేదీల్లో రాత పరీక్ష

విజయనగరం క్రైమ్‌: సుదీర్ఘ కాలం పోలీసుశాఖలో బాధ్యతాయుతంగా ఎంతో క్రమ శిక్షణతో విధులు నిర్వహించి ఉద్యోగ విరమణ చేసిన పోలీస్‌కంట్రోల్‌ రూమ్‌ ఎస్సై ఎన్ని సత్యానందరావు, గుర్ల పీఎస్‌ హెచ్‌సీ ఎ.భాస్కరరావులకు ఎస్పీ వకుల్‌ జిందల్‌ జిల్లా పోలీసు కార్యాలయంలో మంగళవారం ఆత్మీయ వీడ్కోలు పలికారు. ఈ సందర్భంగా ఎస్పీ వకుల్‌ జిందల్‌, మాట్లాడుతూ పోలీసుశాఖలో సుదీర్ఘ కాలం మంచి సేవలందించి నేడు ఉద్యోగ విరమణ చేస్తున్న ఎస్సై ఎన్ని సత్యానందరావు, హెడ్‌ కానిస్టేబుల్‌ అదపాక భాస్కరరావులకు శుభాకాంక్షలు తెలిపారు. పోలీసు విధులను నిర్వహించడంలో క్రమశిక్షణ, అంకిత భావంతో పనిచేసి, ఇతర పోలీసు ఉద్యోగులకు స్ఫూర్తిదాయకంగా నిలిచారని ప్రశంసించారు. ఉద్యోగ విరమణ చేస్తున్న పోలీసు అధికారులకు ఏ సమస్య వచ్చినా తాను అందుబాటులో ఉంటానని, వారికి అవసరమైన సహాయాన్ని అందించేందుకు కృషి చేస్తానని ఎస్పీ వకుల్‌ జిందల్‌ భరోసా కల్పించారు. అనంతరం, ఉద్యోగ విరమణ చేసిన ఎస్సై ఎన్ని సత్యానందరావు దంపతులను, హెడ్‌ కానిస్టేబుల్‌ భాస్కరరావు దంపతులను పోలీసుశాఖ తరఫున ఎస్పీ వకుల్‌ జిందల్‌ శాలువాలు, పూలమాలలు, గిఫ్ట్‌, సన్మాన పత్రాలతో సత్కరించి, ఘనంగా వీడ్కోలు పలికారు. కార్యక్రమంలో అదనపు ఎస్పీ (అడ్మిన్‌) పి.సౌమ్యలత, ఎస్బీ సీఐలు ఏవీ లీలారావు, ఆర్వీఆర్కే చౌదరి, కంట్రోల్‌ రూమ్‌ సీఐ వైకుంఠరావు, ఎస్సైలు జగదీశ్వరరావు, శంకర్రావు, పోలీస్‌ అసోసియేషన్‌ అడహాక్‌ సభ్యుడు కె.శ్రీనివాసరావు, కో ఆపరేటివ్‌ కార్యదర్శి నీలకంఠం నాయుడు, ఇతర పోలీసు అధికారులు, సిబ్బంది, పోలీసు కుటుంబ సభ్యులు పాల్గొన్నారు. ఆత్మీయ వీడ్కోలు సభలో ఎస్పీ వకుల్‌ జిందల్‌

ఉపాధి హామీ బకాయి బిల్లులు విజయనగరం ఫోర్ట్‌: ఉపాధి వేతన దారులకు బకాయి ఉన్న 9 నుంచి 13 వారాల ఉపాధి హామీ బకాయి బిల్లులు తక్షణమే చెల్లించాలని ఏపీ వ్యవసాయ కార్మిక సంఘం జిల్లా కార్యదర్శి గాడి అప్పారావు డిమాండ్‌ చేశారు. ఈమేరకు మంగళవారం కలెక్టరేట్‌ ఎదుట ధర్నా నిర్వహించారు. ఈ సందర్భంగా ఆయన మాట్లాడుతూ జాతీయ ఉపాధి హామీ చట్టం ఉద్దేశానికి నేటి పాలకులు, అధికారులు తూట్లు పొడుస్తున్నారన్నారు. పనులు కావాలన్న వారికి 15 రోజులకు పనులు ఇవ్వాలని, లేని పక్షంలో 16వ రోజు నుంచి కార్మికులకు భృతి చెల్లించాలని చట్టం చెబుతున్నా చాలా గ్రామాల్లో ఇది అమలు కావడం లేదన్నారు. వేతనదారులకు 9 నుంచి 13 వారాల పాటు బిల్లులు చెల్లించకుండా కేంద్రంలోని బీజేపీ ప్రభుత్వం, రాష్ట్రంలోని కూటమి ప్రభుత్వం నిర్లక్ష్యం చేస్తున్నాయన్నారు. రోజురోజుకు పెరుగుతున్న ధరలకు అనుగుణంగా రోజువారీ వేతనం రూ.600 చెల్లించాలని డిమాండ్‌ చేశారు.

నెల్లిమర్ల రూరల్‌: ఈ నెల 6న రాష్ట్ర ప్రభుత్వ లాంఛనాలతో రామతీర్థంలో జరగనున్న శ్రీరామనవమి వేడుకలను అన్ని శాఖల అధికారులు, సిబ్బంది సమన్వయంతో పనిచేసి విజయవంతం చేయాలని ఆర్డీఓ దాట్ల కీర్తి సూచించారు. ఈ మేరకు మండలంలోని రామతీర్థంలో కల్యాణం ఏర్పాట్లపై ఆయా శాఖల అధికారులు, సిబ్బందితో మంగళవారం ఆమె సమీక్షించారు. ఈ సందర్భంగా ఆర్డీఓ ఒక్కో శాఖకు చెందిన అధికారితో మాట్లాడి చేస్తున్న ఏర్పాట్లను అడిగి తెలుసుకున్నారు. అనంతరం ఆమె మాట్లాడుతూ..స్వామి కల్యాణాన్ని వీక్షించేందుకు వచ్చే భక్తులకు ఎటువంటి అసౌకర్యం కలగకుండా చూసుకోవాలని సూచించారు. ఎండ తీవ్రత ఎక్కువగా ఉన్న నేపథ్యంలో కల్యాణ వేదిక చుట్టూ టెంట్లు ఏర్పాటు చేయాలని భక్తులకు మజ్జిగ, నీరు సరఫరా చేయాలని చెప్పారు. ఆలయం వెలుపల, కల్యాణ వేదిక ప్రాంగణం వద్ద గట్టి బందోబస్తు ఏర్పాటు చేయాలని కోరారు. ఆర్‌డబ్ల్యూఎస్‌, ఫైర్‌, పోలీస్‌, దేవాదాయ శాఖ అధికారులు అప్రమత్తంగా ఉండాలని స్పష్టం చేశారు. కల్యాణం అనంతరం స్వామి తలంబ్రాల పంపిణీ ప్రక్రియ ప్రధాన ఘట్టమని, ఆ ప్రక్రియలో ఎటువంటి తోపులాటలు జరగకుండా క్యూలు ఏర్పాటు చేయాలని చెప్పారు. కల్యాణ వేదికపైకి భక్తులు వెళ్లకుండా పోలీసులు చూసుకోవాలని సూచించారు. వైద్య శిబిరాలు ఏర్పాటు చేయాలని, 108, 104, ఫైర్‌ ఇంజిన్‌ వాహనాలను అందుబాటులో ఉంచాలన్నారు. విద్యుత్‌ సరఫరాలో ఆటంకం కలగకుండా చూసుకోవాలని ఆదేశించారు. ప్రభుత్వం తరఫున మంత్రి కొండపల్లి శ్రీనివాస్‌ స్వామికి పట్టువస్త్రాలు సమర్పిస్తారని చెప్పారు. కార్యక్రమంలో ఈఓ వై శ్రీనివాసరావు, జెడ్పీ సీఈఓ సత్యనారాయణ, డీపీఓ వెంకటేశ్వరరావు, డీఎస్పీ శ్రీనివాసరావు, జిల్లా ఫైర్‌ అధికారి రాం ప్రకాష్‌, తహసీల్దార్‌ సుదర్శనరావు, ఎంపీడీఓ రామకృష్ణరాజు, నాయకులు సువ్వాడ రవిశేఖర్‌, కంచరాపు రాము, గేదెల రాజారావు, తదితరులు పాల్గొన్నారు. ఆర్డీఓ దాట్ల కీర్తి శ్రీరామనవమి ఏర్పాట్లపై అధికారులతో సమీక్ష

కానిస్టేబుల్‌నని చెప్పి..వీరఘట్టం: హలో.. నేను వీరఘట్టం కానిస్టేబుల్‌ను. ఎస్సై గారు హాస్పిటల్‌లో ఉన్నారు. అర్జెంట్‌గా రూ.55 వేలు కావాలి. నా వద్ద క్యాష్‌ ఉంది. మీరు ఫోన్‌పే చేస్తే క్యాష్‌ ఇచ్చేస్తానని నమ్మబలికాడో సైబర్‌ కేటుగాడు. అర్జెంట్‌ అంటూ పదేపదే ఫోన్‌ చేయడంతో అతను చెప్పింది నిజమేనని నమ్మిన వీరఘట్టానికి చెందిన ప్రతాప్‌ అనే వ్యక్తి సోమవారం రూ.28 వేలు ఫోన్‌పే చేశాడు. ఫోన్‌పే కొట్టిన పది నిమిషాల్లో అవతలి వ్యక్తి ఫోన్‌ స్విచాఫ్‌ అయ్యింది. దీంతో పోలీస్‌స్టేషన్‌కు వెళ్లి ఆరా తీస్తే అటువంటి వ్యక్తి ఇక్కడ ఎవరూ లేరని తేలింది. అంతేకాకుండా ఎస్సై కళాధర్‌ విధుల్లో ఉన్నారు. దీంతో తాను మోసపోయానని ప్రతాప్‌కు అర్థమైంది. తనకు న్యాయం చేయాలంటూ పోలీసులకు ఫిర్యాదు చేశాడు. కొంప ముంచిన వాట్సాప్‌ గ్రూప్‌.. వీరఘట్టం, పాలకొండ, పార్వతీపురానికి చెందిన 469 వ్యాపారులు,ఇతర ఉద్యోగులు, సామాన్యులు అందరూ కలిసి ‘వి.జి.టి.యం నీడ్‌ మనీ ట్రాన్స్‌ఫర్స్‌ వీరఘట్టం’ అనే వాట్సాప్‌ గ్రూప్‌లో ఉన్నారు.ఎవరికై నా డబ్బులు కావాలన్నా, ఫోన్‌ పే కావాలన్నా ఒకరికొకరు పరిచయస్తులు కావడంతో సులువుగా మనీ ట్రాన్స్‌ఫర్‌ చేసుకుంటూ ఏడాది కాలంగా ఈ గ్రూప్‌ నడుస్తోంది.ఈ గ్రూప్‌లో మెసేజ్‌ రావడంతో ఇదే గ్రూపులో ఉన్న ప్రతాప్‌ అవతల వ్యక్తిని నమ్మి మోసపోయాడు. ఈ వాట్సాప్‌ గ్రూప్‌ నా కొంప ముంచిందంటూ లబోదిబోమంటున్నాడు. స్విచాఫ్‌ అయిన నంబర్‌.. ప్రతాప్‌ ఇచ్చిన ఫిర్యాదుతో పోలీసులు 7569341175 నంబర్‌ వివరాలు ఆరా తీయగా ఈ నంబర్‌ మోశ్యా శ్రీరామ్‌ అనే పేరు మీద ఉంది.అడ్రస్‌ను పరిశీలించగా సన్‌ ఆఫ్‌ మోశ్యా బలరాం బేటా, తాజంగి, చింతపల్లి, విశాఖపట్నం–531116 అని ఉంది. ఆ ఫోన్‌ నంబర్‌ మాత్రం స్విచాఫ్‌ వస్తోంది. విజ్జత గల వ్యాపారులు ఇటువంటి మోసాలపై అప్రమత్తంగా ఉండాలని పోలీసులు హితవు పలుకుతున్నారు. రూ.28 వేలు ఫోన్‌పే చేసిన బాధితుడు లబోదిబోమంటూ పోలీస్‌స్టేషన్‌లో ఫిర్యాదు

భామిని: మండలంలోని బిల్లుమడ రైతులు ఊపిరి పీల్చుకున్నారు. భామిని మండలం బిల్లుమడకు చేరిన జంట ఏనుగులు ఘీంకరిస్తూ మంగళవారం వంఽశధార నదిని దాటాయి. ఇప్పటికే ఒడిశా గ్రామాల్లో మరో రెండు ఏనుగుల జట్టు వీడిన రెండు ఏనుగుల జంట కోసం పాకులాడుతున్నట్లు తెలిసింది. వంశధార నదీ తీరంలోని ఒడిశాకు చెందిన పురిటిగూడ–గౌరీ గ్రామాల మధ్య రెండు ఏనుగుల జంటలు కలిసి ఊరట చెందాయని స్థానిక రైతులు తెలిపారు. రజక సంఘం పట్టణ నూతన కమిటీ ఎంపికవిజయనగరం టౌన్‌: ఉమ్మడి విజయనగరం, జిల్లా రజక సంఘం ఆధ్వర్యంలో విజయనగరం పట్టణ నూతన కమిటీ ఎంపిక మంగళవారం కార్యాలయంలో నిర్వహించారు. కమిటీ అధ్యక్షుడిగా కోనాడ పైడిచిట్టి, ఉపాధ్యక్షుడిగా రామనేంద్రపు సురేష్‌, కార్యదర్శిగా కొవ్వూరి అప్పలరాజు, సహాయ కార్యదర్శిగా ముత్యాల సతీష్‌, కోశాధికారిగా జంపా నాగరాజు, కమిటీ సభ్యులను ఎంపిక చేశారు. కార్యక్రమంలో అప్పికొండ సన్యాసిరావు, తంగేటి భాస్కరరావు, జంపా చిన్న, మడిపల్లి రాజారావు, సురేష్‌, శంకర్‌, రాజా, సురేష్‌, శ్రీనివాసరావు తదితరులు పాల్గొన్నారు. 100 సారా ప్యాకెట్లు స్వాధీనంపార్వతీపురం రూరల్‌: పట్టణ పోలీసులు తనిఖీల్లో భాగంగా పట్టణంలో గల పాత రెల్లివీధిలో వంద సారా ప్యాకెట్లతో మీసాల శివకుమార్‌ అనే వ్యక్తిని అదుపులోకి తీసుకుని కేసు నమోదు చేసి రిమాండ్‌కు తరలించారు. ఈ మేరకు టౌన్‌ ఎస్సై గోవింద మంగళవారం తెలిపారు. విద్యుత్‌ షాక్‌తో వలస కార్మికుడి మృతిసీతంపేట: మండలంలోని కిల్లాడ గ్రామానికి చెందిన వూయక రాహుల్‌ (20) అనే గిరిజన యువకుడు వలస వెళ్లి అక్కడ విద్యుత్‌ షాక్‌తో రెండు రోజుల క్రితం మృతి చెందినట్లు కుటుంబసభ్యులు, గ్రామస్తులు తెలిపారు. ఈ ప్రాంతంలో ఉపాధి లేక పొట్ట చేతబట్టుకుని కొద్ది నెలల కిందట మచిలీపట్నం వలసవెళ్లాడు. అక్కడ చేపల చెరువుకు కాపలాగా పనిచేస్తున్నాడు. ఎప్పటిలాగానే గతనెల 31న చేపలచెరువుకు వెళ్లి పనిచేస్తుండగా విద్యుదాఘాతానికి గురై మరణించాడు. కుమారుడి మృతివార్త విన్న తల్లిదండ్రులు తిరుపతిరావు,నీలమ్మలు గుండెలవిసేలా రోదించారు. స్వగ్రామం కిల్లాడలో మంగళవారం అంత్యక్రియలు నిర్వహించారు. 147 కేజీల గంజాయి స్వాధీనం ● పోలీసుల అదుపులో నలుగురు నిందితులువిజయనగరం క్రైమ్‌: జిల్లాలో గంజాయి అక్రమ రవాణాపై పోలీసులు ఉక్కుపాదం మొపుతున్నారు. గడిచిన వారం రోజుల్లో భారీ స్థాయిలో గంజాయిని స్వాధీనం చేసుకున్నారు. ఈ మేరకు జిల్లా పోలీస్‌ కార్యాలయంలో ఎస్సీ వకుల్‌ జిందల్‌ మంగళవారం ఏర్పాటు చేసిన విలేకరుల సమావేశంలో వివరాలు వెల్లడించారు. ఈ సందర్భంగా 147కేజీల గంజాయిని స్వాధీనం చేసుకున్నట్లు చూపించారు. గంజాయి సరఫరా చేస్తున్న నలుగురు నిందితులను విలేకరుల ముందు ప్రవేశపెట్టారు. విశాఖ జిల్లా ఆనందపురం మండలానికి చెందిన బోగవిల్లి గోవిందరావు, సాగుపిల్లి అనిల్‌ కుమార్‌, బంక రామసురేష్‌, అంబిడి బాలరాజులు రామభద్రపురం మండలంలోని కొట్టక్కి జంక్షన్‌ వద్ద గంజాయి విక్రయానికి పాల్పడుతున్నట్లు అందిన పక్కా సమాచారంతో రామభద్రపురం పోలీసులు, ఆ నలుగురు నిందితులను అదుపులోకి ప్రశ్నించడంతో గంజాయి సరఫరా గుట్టు రట్టైందని ఎస్పీ చెప్పారు. దీంతో నిందితుల దగ్గర ఉన్న 147 కేజీల గంజాయిని స్వాధీనం చేసుకుని అరెస్ట్‌ చేసినట్లు చెప్పారు.

విజయనగరం టౌన్‌: ఉత్తరాంధ్రుల ఆరాధ్య దైవం, కోరిన కోర్కెలు తీర్చే కల్పవల్లి శ్రీ పైడితల్లి అమ్మవారు మంగళవారం పుష్పాలంకరణలో భక్తులకు దర్శనమిచ్చారు. ఆలయ ప్రధాన అర్చకుడు ఏడిద రమణ ఆధ్వర్యంలో అమ్మవారికి వేకువజామునుంచి పంచామృతాలతో అభిషేకాలు, అర్చనలు నిర్వహించారు. సిరిమాను పూజారి బంటుపల్లి వెంకటరావు, తాళ్లపూడి ధనుంజయ్‌లు శాస్త్రోక్తంగా నిత్య పూజాదికాలు చేశారు. మహిళలు అమ్మవారిని దర్శించి పసుపు, కుంకుమలను సమర్పించి మొక్కుబడులు చెల్లించారు. ఆలయ ఇన్‌చార్జ్‌ ఈఓ కేఎన్‌వీడీవీ ప్రసాద్‌ కార్యక్రమాలను పర్యవేక్షించారు. అధిక సంఖ్యలో భక్తులు పాల్గొన్నారు.ప్రత్యేక పుష్పాలంకరణలో పైడితల్లి అమ్మవారు

మక్కువ: ఉత్తరాంధ్రుల ఇలవేల్పు, గిరిజన ఆరాధ్య దేవత శంబర పోలమాంబ అమ్మవారి 10వ జాతర మహోత్సవాల్లో భాగంగా అంగరంగ వైభవంగా మంగళవారం చండీహోమం కార్యక్రమం దేవాదాయ శాఖ ఆధ్వర్యంలో నిర్వహించారు. పోలమాంబ అమ్మవారి చదురుగుడి, వనంగుడి ఆలయాల్లో కొలువైన పోలమాంబ అమ్మవార్లకు ఈవో వీవీ సూర్యనారాయణ ఆధ్వర్యంలో ప్రత్యేకంగా పుష్పాలంకరణ చేశారు. చదురుగుడి వద్ద 11 హోమగుండాలను ఏర్పాటుచేసి, వేద పండితులు అంపోలు రుద్ర కోటేశ్వర శర్మ, డీఎల్‌ ప్రసాదరావు, బాలబాబు శర్మ ఆధ్వర్యంలో చండీ హోమం శాస్త్రోక్తంగా నిర్వహించారు . పూర్ణాహుతి కార్యక్రమంలో గిరిజన శాఖ మంత్రి గుమ్మడి సంధ్యారాణి పాల్గొని పూజలు నిర్వహించారు. అనంతరం మహా అన్నదాన కార్యక్రమం నిర్వహించారు. కార్యక్రమంలో మండల తెలుగుదేశం పార్టీ అధ్యక్షుడు గుల్ల వేణుగోపాల్‌ నాయుడు, పార్వతీపురం మన్యం జిల్లా దేవాదాయ శాఖ అధికారి ఎస్‌.రాజారావు, సీనియర్‌ సహాయకులు శ్రీనివాసరాజు, సర్పంచ్‌ వెదుళ్ల సింహాచలమమ్మ, ఎంపీటీసీ టి.పోలి నాయుడు, ఉపసర్పంచ్‌ అల్లు వెంకటరమణ, ఉత్సవ కమిటీ సభ్యులు నైదాన తిరుపతిరావు, మాజీ ట్రస్ట్‌ బోర్డ్‌ చైర్మన్‌లు పూడి దాలినాయుడు, వసంతల భాస్కరరావు, గంజి కాశినాయుడు, మావుడి మాజీ సర్పంచ్‌ అక్యాన తిరుపతిరావు తదితరులు పాల్గొన్నారు.

రాయగడ: తన డ్రైవర్‌ను అరెస్టు చేశారంటూ లారీ యజమానుల సంఘం అధ్యక్షుడు యాల్ల కొండబాబు, అతని అనుచరులు మంగళవారం స్థానిక పోలీస్‌ స్టేషన్‌ను ముట్టడి ఘెరావ్‌ చేశారు. స్టేషన్‌ ఎదుట లారీలను రోడ్డుకు అడ్డంగా నిలిపి ట్రాఫిక్‌కు అంతరాయం కలిగించారు. సుమాు ఏడు గంటలు ట్రాఫిక్‌ స్తంభించింది. ఇటు ఆంధ్రకు వచ్చివేళ్లే వాహనాలు సుమారు ఆరు కిలోమీటర్లు నిలిచిపొయాయి. అలాగే రాయగడ మీదుగా కొరాపుట్‌ ప్రాంతాలకు వెళ్లే వాహనాలు సైతం నిలిచిపొయాయి. నోటీసు ఇవ్వకుండా అరెస్టు చేశారు.. తన కారు డ్రైవరు శంకరావునుని మంగళవారం తెల్లవారుజాము మూడు గంటలకు ఇంటికి వెళ్లి పోలీసులు అరెస్టు చేసి తీసుకువచ్చారని కొండబాబు ఆరోపించారు. ముందస్తు నోటీసులు ఇవ్వకుండా అతనిని అరెస్టు చేయడం ఎంతవరకు సమసంజసమని ప్రశ్నించారు. నక్సలైట్ల పేరిట చందాలు వసూళ్లు చేసే బడా నాయకులపై కేసులు ఉన్నా వారిని అరెస్టు చేయని పోలీసులు చిన్నవారిపై తమ జులుంను చూపించడం తగదన్నారు . మంగళవారం ఉదయం ఐదు గంటలకు పోలీస్‌ స్టేషన్‌ ఎదుట ఆయన మద్దతుదారులు బైఠాయించి నిరసన తెలియజేశారు. డ్రైవరును విడిచి పెట్టే వరకు ఆందోళన విరమించేది లేదని పట్టుబట్టారు. జిల్లా అదనపు ఎస్‌పీ అమూల్య ధర్‌, ఎస్‌డీపీవో గౌరహరి సాహులు సంఘటన స్థలానికి చేరుకుని ఆందోళనకారులతో చర్చించారు. ఐదేళ్ల క్రితం ఒక కేసుకు సంబంధించి డ్రైవర్‌ శంకరరావుకు నోటీసులు పంపిస్తున్నా దానిని తిరస్కరించేవాడని.. దీంతో కోర్టు ఆదేశాల మేరకు పోలీసులు అతనిని అరెస్టు చేయాల్సి వచ్చిందని ఉన్నతాధికారులు వివరించారు. చట్టపరంగా అతన్న అరెస్టు చేశామే తప్పా ఎవరి ఒత్తిడికి లొంగి అరెస్టు చేయలేదని వివరించారు. ఏదిఏమైనప్పటికీ అరెస్టు చేసిన వ్యక్తికి కోర్టుకు తరలించడం ఖాయమని చెప్పడంతొ కొండబాబు తన ఆంాదోళలనను విరమించారు.

భువనేశ్వర్‌: విద్య, కళలు, సాహిత్యం, క్రీడలు, నృత్యం తదితర రంగాల్లో ఔత్సాహిక వ్యక్తులకు ప్రత్యేక ఆదరణ కల్పించనున్నట్లు జట్నీ తెలుగు సంక్షేమ సంఘం ప్రకటించింది. ఈ ఏడాది తెలుగు సంవత్సరాది పురస్కరించుకుని ఈ కార్యక్రమానికి శ్రీకారం చుట్టినట్లు కార్యవర్గ సభ్యులు మంగళవారం తెలిపారు. నటనా రంగంలో రాణిస్తున్న వర్దమాన కళాకారులకు ఉత్సవ వేదికపై ప్రత్యేకంగా సత్కరించారు. ఒడియా చలన చిత్ర నటీనటులు సవ్యసాచి, అర్చిత, ఎఫ్‌ఎం బాబాయి, హాస్య సంభాషణ రచయిత రాము తదితర ప్రముఖులకు ప్రోత్సాహక పురస్కారాలు ప్రదానం చేశారు. ఆచార, సంప్రదాయాల పరిరక్షణలో భాగంగా సాంఘిక కార్యకలాపాలు చేపట్టనున్నట్లు ప్రకటించారు. సత్కార గ్రహీతలు వేదికపై ప్రదర్శించిన హాస్య ప్రదర్శన ప్రేక్షకుల్ని కడుపుబ్బ నవ్వించింది.

కొరాపుట్‌: ముఖ్యమంత్రి పోషణ యోజన పథకాన్ని రాష్ట్ర ప్రాథమిక విద్యా, సాంఘీక సంక్షేమ శాఖ మంత్రి నిత్యానంద గొండో మంగళవారం ప్రారంభించారు. సొంత నియెజకవర్గం ఉమ్మర్‌కోట్‌లోని ప్రభుత్వ పాఠశాలలో ఈ పథకాన్ని ప్రారంభించి 9, 10వ తరగతి విద్యార్థులతో కలిసి మధ్యహ్న భోజనం చేశారు. ఈ పథకం ద్వారా రాష్ట్రంలో 10 లక్షల 80 వేల మంది విద్యార్థులు లబ్ధి పొందుతున్నారన్నారు. ఈ భోజనంలో రాగి లడ్డూను వారం రోజులపాటు అందజేస్తారన్నారు. దీని వలన పోషక విలువలు పెరుగుతాయన్నారు. రాష్ట్ర వ్యాప్తంగా ఈ పథకం అమలు చేస్తున్నామన్నారు. జిల్లా కేంద్రంలోని ప్రభుత్వ పాఠశాలలో ఈ పథకాన్ని నబరంగ్‌పూర్‌ ఎమ్మెల్యే గౌరీ శంకర్‌ మజ్జి ప్రారంభించారు. విద్యార్థులతో కలిసి భోజనం చేశారు.

జయపురం: బహుముఖ ప్రజ్ఞాశాలి విక్రమదేవ్‌ వర్మ జీవితం, కీర్తిపై పరిశోధన కేంద్రాన్ని స్థానిక విక్రమదేవ్‌ విశ్వ విద్యాలయంలో ఏర్పాటు చేయాలని జయపురం ఎమ్మెల్యే తారాప్రసాద్‌ బాహిణీపతి విజ్ఞప్తి చేశారు. సోమవారం సాయంత్రం స్థానిక విక్రమదేవ్‌ విశ్వవిద్యాలయ ఎల్‌–2 భవనంలో రాష్ట్ర ఒడియా భాష, సంస్కృతి, సాహిత్య విభాగం భువనేశ్వర్‌, ఒడియా సంగీత నాటక అకాడమి, జయపురం సాహిత్య పరిషత్‌లు సంయుక్తంగా నిర్వహించిన సాహిత్య సామ్రాట్‌ విక్రమదేవ్‌ వర్మ స్మృతి సభలో ఆయన ముఖ్యఅతిథిగా పాల్గొన్నారు. జయపురం సాహితీ పరిషత్‌ అధ్యక్షుడు హరిహర కరసుధా పట్నాయక్‌ అధ్యక్షతన జరిగిన కార్యక్రమాన్ని కులపతి మహేశ్వర్‌ నాయిక్‌ ప్రారంభించారు. ఈ సందర్భంగా బాహిణీపతి మాట్లాడుతూ రాష్ట్రానికే కీర్తి కిరీటం అయిన విక్రమదేవ్‌ వర్మ చరిత్రను పాఠ్యాంశంగా మార్చాలని విజ్ఞప్తి చేశారు. అలాగనే రాష్ట్ర విధాన సభలో ఆయన విగ్రహాన్ని ఏర్పాటు చేయాలని తాను విధానసభలో ప్రస్తావించానని ఆయన వెల్లడించారు. ప్రముఖ సంగీత కళాకారుడు ధిరెణ్‌ మోహణ పట్నాయిక్‌, నేత్వంలో శతి పట్నాయిక్‌, బిశ్వజిత్‌ దాస్‌, ప్రాంశుశిబ దాస్‌ల సంగీత కార్యక్రమంతో ప్రారంభమైన ఈ కార్యక్రమంలో మరో కళాకారుడు జి.మహేష్‌ ప్లూట్‌ వాయిద్యంతో సభికులను అలరించారు. కార్యక్రమంలో గౌరవ అతిథిగా విక్రమదేవ్‌ విశ్వవిద్యాలయ కులపతి మహేశ్వర చంధ్ర నాయిక్‌ పాల్గొని రాజర్షి విక్రమదేవ్‌ వర్మ చరిత్రను విపులీకరించారు. మీరాడ్యాన్స్‌ గ్రూపు నృత్యాలు, ఒడిశ్శీ నృత్యాలతో వీక్షకులను ఉర్రూతలూగించారు. గాయకురాలు బిద్యుత్‌ ప్రభ పట్నాయిక్‌ సంగీత కార్యక్రమాన్ని నిర్వహించారు.

పర్లాకిమిడి: గజపతి జిల్లాలో వైద్య కళాశాల ఏర్పాటుకు కృషి చేస్తానని రాష్ట్ర వ్యాపార, వైద్యఆరోగ్యశాఖ మంత్రి డాక్టర్‌ ముఖేష్‌ మహాలింగ అన్నారు. ఒడిశా స్వతంత్ర రాష్ట్రం ఏర్పాటుకు స్వర్గీయ పర్లాకిమిడి మహారాజా శ్రీకృష్ణచంద్రగజపతి నారాయణ దేవ్‌ చేసిన కృషి సఫలీకృతమై చరిత్రలో మిగిలిపోయారని అన్నారు. స్థానిక గ్రామీణ స్వయం ఉపాధి శిక్షణ కేంద్ర హాలులో మంగళవారం జరిగిన ఒడిశా ఉత్కళ దివాస్‌ ఉత్సవాలకు మంత్రి ముఖేష్‌ మహాలింగ ముఖ్యఅతిథిగా మాట్లాడారు. రాష్ట్రంలో ఆరు మెడికల్‌ కళాశాలల ఏర్పాటుకు ముఖ్యమంత్రి మోహాన్‌ మఝి గ్రీన్‌ సిగ్నల్‌ ఇచ్చారని, పర్లాకిమిడిలో మెడికల్‌ కళాశాల ఏర్పాటుకు రాష్ట్ర ముఖ్యమంత్రికి విన్నవించి ఏర్పాటు చేస్తానని ప్రకటించారు. గజపతి జిల్లాలో పర్యాటక కేంద్రాలైన చంద్రగిరి, మహేంద్రగిరి, గండాహాతి అభివృధ్ధికి ముఖ్యమంత్రి మోహాన్‌ మఝి నిధులు విడుదల చేశారన్నారు. అలాగే గజపతి జిల్లాలో ఒడియా అస్మితాభవన్‌ నిర్మాణం జరుగుతుందని, ఇందులో ఒడిశా కళా, సంస్కృతి, మహారాజా సంగ్రహాలయం ఉంయని అన్నారు. రాష్ట్రంలో మహిళలు శక్తివంతులని వారికి సుభద్ర పథకం వర్తింపజేసి ఆర్థిక స్థిరత్వం తెచ్చామని మంత్రి మహాలింగ అన్నారు. ఈ సందర్భంగా ఒడియా ప్రీతికరమైన వంటల పోటీలో విజేతలైన మహిళలకు మంత్రి బహుమతలను ప్రదానం చేశారు. కార్యక్రమంలో మోహనా ఎమ్మెల్యే దాశరథి గోమాంగో, పర్లాకిమిడి ఎమ్మెల్యే రూపేష్‌ పాణిగ్రాహి, పురపాలక చైర్మన్‌ నిర్మలా శెఠి, జిల్లా కలెక్టర్‌ బిజయకుమార్‌ దాస్‌, ఎస్పీ జితేంద్ర పండా, ఏడీఎం రాజేంద్ర మింజ్‌, ఉత్కళహితేషినీ కార్యదర్శి పూర్ణచంద్ర మహాపాత్రో పాల్గొన్నారు. వైద్యశాఖమంత్రి డాక్టర్‌ ముఖేష్‌ మహాలింగ

జయపురం: జయపురం ఆదర్శనగర్‌లో గల డీపీ అకాడమి స్టేడియంలో నిర్వహించిన రాష్ట్ర స్థాయి 19 ఏళ్ల లోపు క్రీడాకారుల మధ్య జరిగిన బ్యాడ్మింటన్‌ పోటీలు సోమవారం సాయంత్రం ముగిశాయి. మార్చి 29 నుంచి 31వ తేదీ వరకు పోటీలు నిర్వహించారు. ఫైనల్స్‌ పోటీలలో బాలికల సింగిల్స్‌లో గీతాశ్రీ డే విన్నర్‌గా, అన్సిక బిరోక్‌ రన్నర్‌గా నిలిచారు. బాలల సింగిల్స్‌ పోటీలో మయాంక భరధ్వాజ్‌ విన్నర్‌గా, సోమ్యజిత్‌ సాహు రన్నర్‌గా సత్తాచాటారు. బాలుర డబుల్స్‌లో బపూన్‌ రౌత్‌, దవివ్యమ్‌ కేజరీవాల్‌ విన్నర్లుగా, శ్రీయాంశు జెన, శుబ్ర కేతన మల్లిక్‌ రన్నర్లుగా నిలిచారు. మిక్సిడ్‌ డబుల్స్‌లో జయేష్‌ అగర్వాల్‌, సీతి ప్రియ ప్రధాన్‌లు విన్నర్‌గా, అగస్త్య నాయక్‌, ఆధ్య పాడీలు రన్నర్స్‌గా నిలిచినట్లు నిర్వాహకులు వెల్లడించారు. బహుమతుల ప్రదానోత్సవంలో ముఖ్యఅతిథిగా జయపురం ఎమ్మెల్యే తారాప్రసాద్‌ బాహిణీపతి పాల్గొన్నారు. జయపురంలో రాష్ట్ర స్థాయి బ్యాడ్మింటన్‌ పోటీలు నిర్వహించటం ఆనందంగా ఉందన్నారు. 94 మంది క్రీడాకారులు పాల్గొన్నారని డీపీ అకాడమీ ప్రతినిధి నిమయి చరణ దాస్‌ వెల్లడించారు. విజేతలకు ఎమ్మెల్యే తారాప్రసాద్‌ బాహిణీపతి, గౌరవ అతిథిగా పాల్గొన్న జయపురం సబ్‌కలెక్టర్‌ ఎ.శొశ్యరెడ్డి బహుమతులు అందజేశారు. ఒడిశా బ్యాడ్మింటన్‌ సంఘం రిఫరీ లక్షపతి నందా, పర్యవేక్షకులు సందీప్‌ మిశ్ర, రాష్ట్ర బ్యాడ్మింటన్‌ సంఘం కో ఆర్డినేటర్‌ సంతోష్‌ బెవర్త, రాయగడ జిల్లా సంఘ కార్యదర్శి సురేష్‌ చంద్ర పండా, కొరాపుట్‌ జిల్లా సంఘ కార్యదర్శి శైలేష్‌ కుమార్‌ చౌదరి, రాష్ట్ర బ్యాడ్మింటన్‌ సంఘ సభ్యులు ఆశ్రిత పట్నాయక్‌ తదితరులు పాల్గొన్నారు.

పర్లాకిమిడి: రాష్ట్ర పోలీసు విభాగం 90వ వ్యవస్థాపక దినోత్సవాన్ని బెత్తగుడ మూడో ఆర్మ్‌డ్‌ పోలీసు బెటాలియన్‌ మైదానంలో ఉత్కళ దివాస్‌ సందర్భంగా మంగళవారం ఘనంగా నిర్వహించారు. ముఖ్యఅతిథిగా జిల్లా ఎస్పీ జితేంద్ర నాథ్‌ పండా, ఆదనపు ఎస్పీ సునీల్‌ కుమార్‌ మహంతి, ఆర్మ్‌డ్‌ బెటాలియన్‌ కమాండంట్‌ ఎ.కె.మహాంతి పాల్గొన్నారు. వివిధ విభాగాల పోలీసుల గౌరవ వందనాన్ని ఎస్పీ స్వీకరించారు. ముఖ్యమంత్రి మోహాన్‌ చరణ్‌ మఝి, గవర్నర్‌ కంభంపాటి హరిబాబు పోలీసుల వ్యవస్థాపక దినోత్సవం సందర్భంగా పంపిన సందేశాన్ని ఎస్పీ చదివి వినిపించారు. అసువులు బాసిన పోలీసులకు నివాళులర్పించారు. పోలీసు విభాగంలో 2024, 2025 సంవంత్సరానికి గాను ఎస్‌ఐ. ఏపీఆర్‌, హవల్దార్‌, డి.ఐ.వి. (విజిలెన్స్‌) విభాగంలో ఉత్తమ సేవలు అందించిన 11 మంది సిబ్బందికి నగదు పురస్కారాలు, సర్టిఫికెట్లను ఎస్పీ అందజేశారు. ఎస్‌ఐ దోర, ఐఐసీ (ఆదర్శ పోలీసు ష్టేషన్‌) ప్రశాంత్‌ భూపతి, హవల్దార్‌ డి.నాగేశ్వరరావు, ఎ.ఎస్‌.ఐ (జిల్లా ఇంటెలిజెన్స్‌) సురేంద్ర శెఠి, జగన్నాథ్‌ శోబోరో, సుజిత్‌ కుమార్‌ బెహరా, ఏపీఆర్‌ పోలీసులు ప్రభాకర్‌ బారిక్‌, ఘనశ్యాం ప్రధాన్‌, బిజయకుమార్‌ శోబోరో, అజిత్‌ కుమార్‌ పండా తదితరులకు ప్రశంపాపత్రాలను ఎస్పీ అందజేశారు. మల్కన్‌గిరిలో ఘనంగా పోలీస్‌ స్థాపన దినోత్సవం మల్కన్‌గిరి: మల్కన్‌గిరి జిల్లా ఎస్‌పీ కార్యాలయ ప్రాంగణంలో 90వ పోలీస్‌ స్థాపన దినోత్సవాన్ని మంగళవారం ఘనంగా నిర్వహించారు. ఇందులో భాగంగా జిల్లా ఎస్పీ హెచ్‌.వినోద్‌ పటేల్‌ పోలీసు సిబ్బంది నుంచి గౌరవ వందనం స్వీకరించారు. ఈ సందర్భంగా ఆయన మాట్లాడుతూ.. మావోయిస్టుల దాడుల్లో అమరులైన పోలీసుల ఆత్మకు శాంతిచేకూరాలని ఆకాంక్షించారు. వారి సేవలను కొనియాడారు. 1936వ సంవత్సరంలో ఒడిశా పోలీస్‌ శాఖను స్వతంత్ర విభాగంగా ఏర్పాటు చేసినట్టు వివరించారు. అప్పటి నుంచి ఏప్రిల్‌ ఒకోటో తేదీ రోజును పోలీస్‌ స్థాపన దినోత్సవంగా నిర్వహిస్తున్నట్టు వివరించారు. ముఖ్యమంత్రి సందేశాన్ని ఎస్పీ చదివి వినిపించారు. విశేష సేవలు అందించిన పోలీసు సిబ్బంది అవార్డులు అందజేశారు. జిల్లా అదనపు ఎస్పీ తపాన్‌ నారాయణ్‌ రాతో, బీఎస్‌ఎఫ్‌ కమెండర్‌, ఇతర పోలీసులు అధికారులు పాల్గొన్నారు. ఘనంగా పోలీస్‌ వ్యవస్థాపక దినోత్సవం రాయగడ: రాష్ట్ర 90వ పోలీస్‌ వ్యస్థాపక దినోత్సవం సందర్భంగా చందిలి రిజర్వ్‌ పోలీస్‌ మైదానంలొ మంగళవారం జరిగిన కార్యక్రమంలో జిల్లా ఎస్పీ స్వాతి పాల్గొని పతాకావిష్కరణ చేశారు. పోలీసుల సేవలను కొనియాడారు. అనంతరం ఉత్తమ పోలీసులకు అవార్డులను అందించారు. పోలీసుల గౌరవ వందనాన్ని స్వీకరించారు. ఘనంగా పోలీస్‌ అవతరణ దినోత్సవాలు కొరాపుట్‌: కొరాపుట్‌, నబరంగ్‌పూర్‌ జిల్లా కేంద్రాల్లో 90వ ఒడిశా పోలీస్‌ అవతరణ దినోత్సవాలు ఘనంగా జరిగాయి. మంగళ వారం నబరంగ్‌పూర్‌ జిల్లా కేంద్రం లోని పోలీస్‌ పరేడ్‌లో ఎస్పీ మిహిర్‌ కుమార్‌ పండా జెండా ఎగుర వేసి ఉత్సవాలు ప్రారంభించారు. విధి నిర్వహణలో ప్రతిభ చూపిన పోలీస్‌ ఉద్యోగులకు ప్రశంసా పత్రాలు అందజేశారు. అనంతరం పోలీసులు గౌరవ వందనం చేశారు. కార్యక్రమంలో కలెక్టర్‌ డాక్టర్‌ శుభంకర్‌ మహాపాత్రో పాల్గొన్నారు. కొరాపుట్‌ జిల్లా కేంద్రంలోని పోలీస్‌ రిజర్వ్‌ మైదానంలో పోలీస్‌ అవతరణ దినోత్సవాలు జరిగాయి. ఎస్పీ రోహిత్‌ వర్మ ఉత్తమ పోలీసులకు ప్రశంసా పత్రాలు అందజేసి పోలీసుల గౌరవ వందనం స్వీకరించారు.

రాయగడ: స్థానిక తేజస్వీ మైదానంలో రాజ్యసభ మాజీ సభ్యుడు, రాయగడ జిల్లా ఉగాది ఉత్సవ కమిటీ అధ్యక్షులు నెక్కంటి భాస్కరారవు ఆధ్వర్యంలో రెండు రోజులుగా జరిగిన ఉగాది ఉత్సవాలు సోమవారం రాత్రితో అంగరంగ వైభవంగా ముగిశాయి. ప్రముఖ సినీ నేపథ్య గాయని మంగ్లీ, గాయకులు అనిరుధ్‌, ఇండియన్‌ ఐడల్‌ గాయకులు కౌసల్య భీమశెఠి శ్రీనివాస్‌లు ముగింపు ఉత్సవాల్లో అలరించారు. రెండున్నర గంటల పాటుగా మంగ్లీ ఆలపించిన పాటలు ప్రేక్షకులను ఉర్రూతలూగించాయి. దాని కుడిభుజం మీద కడవ వంటి పాటలతో పాటు జానపదం, సినీ గీతాలు పాడి అలరించారు. శ్రీనివాస్‌, సౌజన్యలు పాడిన పాటలు ప్రేక్షకులను మైమరపించాయి. జనం మధ్యలోకి వెళ్లి మంగ్లీ పాడటంతో దానికి అనుగుణంగా ప్రేక్షకులు నృత్యాలతో వేదిక హోరెత్తింది. ఉగాదిని పురస్కరించుకుని అమలాభట్ట వద్ద గల శ్రీక్షేత్ర టౌన్‌షిప్‌లోని శ్రీలక్ష్మీనృసింహా మందిరం ప్రాంగణంలో రంగోళి, డ్యాన్స్‌ పోటీల్లో గెలుపొందిన వితేతలకు ఈ వేదికపై బహుమతులను ప్రదానం చేశారు. అందరి సహకారంతో ఉత్సవాలు విజయవంతం 12 ఏళ్లుగా రాయగడ జిల్లా ఉగాది ఉత్సవ కమిటీ పేరిట ఉత్సవాలు పట్టణంలో జరుగుతున్నాయి. ఈ ఏడాది కూడా ఈ వేడుకలు అందరి సహాయ, సహాకారాలతో ఘనంగా ముగిశాయి. తెలుగు సంస్కృతి, సంప్రదాయాలకు ప్రతీకగా నిలిచే ఈ వేడుకలను నిరంతరం నిర్వహించుకోవాలని ఉత్సవ కమిటీ అధ్యక్షుడు నెక్కంటి భాస్కరరావు అన్నారు. భావితరాల వారు కూడా ఈ సంప్రదాయాన్ని కొనసాగించాలని ఆకాంక్షించారు. తెలుగు ప్రజల ఐక్యతకు అద్దం పట్టే ఉగాది వేడుకల్లో అందరూ భాగస్వాములు అయితేనే కార్యక్రమాలు విజయవంతమవుతాయని చెప్పారు. ఉత్సవాలను విజయవంతం చేసిన అందరికీ ధన్యవాదాలు తెలియజేశారు.

భువనేశ్వర్‌: విశ్వ విఖ్యాత పూరీ శ్రీ జగన్నాథుని వార్షిక రథ యాత్ర జాతీయ ప్రతిష్టాత్మక సంగీత నాటక అకాడమీ ఆధ్వర్యంలో నిర్వహిస్తున్న నేషనల్‌ ఇన్వెంటరీ ఆఫ్‌ ఇంటాంజిబుల్‌ కల్చరల్‌ హెరిటేజ్‌ జాబితాలో స్థానం దక్కించుకుంది. శ్రీ మందిరం ప్రధాన పాలన అధికారి సీఏఓ డాక్టర అరవింద కుమార్‌ పాఢి ఈ విషయం తెలియజేశారు. భారత ప్రభుత్వ సాంస్కృతిక శాఖ అధీనంలో భారత దేశ అత్యున్నత సాంస్కృతిక సంస్థ సంగీత నాటక అకాడమీ పూరీ శ్రీ జగన్నాథుని రథ యాత్ర, బాలి జాతరలను నేషనల్‌ ఇన్వెంటరీ ఆఫ్‌ ఇంటాంగిబుల్‌ కల్చరల్‌ హెరిటేజ్‌ జాబితాలో చేర్చిందని తెలిపారు. శ్రీ జగన్నాథుని వార్షిక రథ యాత్రకు యునెస్కో అవ్యక్త సాంస్కృతిక వారసత్వ గుర్తింపు కోసం శ్రీ మందిరం పాలక మండలి చురుగ్గా సన్నాహాలు చేస్తోంది. ఈ నేపథ్యంలో ఇటీవల కేంద్ర సాంస్కృతిక శాఖకు నామినేషన్‌ దస్తావేజుల్ని దాఖలు చేసినట్లు శ్రీ మందిరం సీఏఓ పేర్కొన్నారు. చలువ పందిళ్లు ఏర్పాటు భువనేశ్వర్‌: వేసవి తాపం నుంచి వాహన చోదకులకు ఉపశమనం కల్పించేందుకు నగర పాలక సంస్థ బీఎంసీ నడుం బిగించింది. పగటి పూట ఎండ సమయంలో రద్దీ నియంత్రణలో భాగంగా ట్రాఫిక్‌ కూడలి ప్రాంతాల్లో నిలకడగా కాసేపు ఆగాల్సి వస్తుంది. ఈ సమయంలో వాహన చోదకులకు ఎండ వేడిమి నుంచి ఉపశమన కల్పించేందుకు ప్రధాన ట్రాఫిక్‌ కూడలి ప్రాంగణాల్లో బీఎంసీ చలువ పందిళ్లు ఏర్పాటు చేసి నగరవాసుల మన్ననలు పొందింది. విరజామాత పీఠంలోకి విదేశీయుల ప్రవేశం! భువనేశ్వర్‌: అష్టాదశ శక్తి పీఠాల్లో ఒకటిగా పేరొందిన జాజ్‌పూర్‌ విరజా మాత పీఠం అత్యంత పవిత్రమైనది. శక్తివంతమైనది. ఈ ప్రాంగణం లోనికి విదేశీయలు విచ్చల విడిగా ప్రవేశించారు. దీంతో సాధారణ భక్తులు ఆగ్రహం వ్యక్తం చేస్తున్నారు. కొంతమంది మహిళలతో సుమారు 10 మంది విదేశీయులు ఆలయ సముదాయంలోనికి మంగళవారం బలవంతంగా ప్రవేశించినట్లు సమాచారం. వీరంతా ఆలయ ప్రాంగణంలో స్వేచ్ఛగా తిరుగాడుతు తారసపడ్డారు. ఈ సంఘటన స్థానిక భక్తులలో తీవ్ర ఆగ్రహాన్ని రేకెత్తించింది. విదేశీ పర్యాటకులు ఆలయ ప్రాంగణం లోనికి ప్రవేశించడం విచారకరమని ఆవేదన వ్యక్తం చేశారు. వీరిని పంపించే ప్రయత్నంలో స్వల్ప వాగ్వాదం చోటు చేసుకుంది. ఆలయ సముదాయంలోనికి విదేశీయులు ప్రవేశించకుండా ఆలయ పూజారులు అడ్డుకోకపోవడంపై అనుమానాలు వ్యక్తమవుతున్నాయి. రోడ్డు ప్రమాదంలో బాలుడు మృతి రాయగడ: రోడ్డు ప్రమాదంలొ 14 ఏళ్ల బాలుడు ప్రాణాలు కోల్పోయాడు. ఈ ఘటన జిల్లాలోని కళ్యాణ సింగుపూర్‌ సమితి పూజారిగుడ పంచాయతీ పరిధి రవుతోపొరిటిగుడ కూడలి వద్ద మంగళవారం ఉదయం చోటు చేసుకుంది. ఈ ప్రమాదంలో సుమన్‌ క్రడక మృతి చెందినట్టు పోలీసులు వెల్లడించారు. పోలీసులు, స్థానికులు తెలియజేసిన వివరాల ప్రకారం.. ద్విచక్ర వాహనంతో సుమన్‌ అతని స్నేహితుడు కలిసి పొరిటిగుడ గ్రామం నుంచి వెళ్తుండగా రవుతోపొరిటిగుడ కూడలి వద్ద వెనుక నుంచి వచ్చిన ప్రైవేట్‌ బస్సు ఢీకొట్టడంతో ప్రమాదం చోటుచేసుకుంది. దీంతో వాహనాన్ని నడుపుతున్న సుమన్‌ బస్సు కిందపడిపోవడంతో అక్కడే ప్రాణాలు కోల్పోగా.. అతని స్నేహితుడు సురక్షితంగా ప్రాణాలతో బయటపడ్డాడు.మృతదేహాన్ని స్వాధీనం చేసుకున్నపో లీసులు పోస్టుమార్టం నిమిత్తం ఆస్పత్రికి తరలించి కేసు నమోదు చేసి దర్యాప్తు చేస్నన్నారు. కొడుకుని కోల్పోయిన కన్నవారు కన్నీరుమున్నీరుగా రోదించారు. బస్సు యజమాని నష్టపరిహారం చెల్లించాలని డిమాండ్‌ చేస్తున్నారు.

భువనేశ్వర్‌: సుసంపన్నమైన ఒడిశా నిర్మిద్దామని ముఖ్యమంత్రి మోహన్‌ చరణ్‌ మాఝి రాష్ట్ర ప్రజలకు పిలుపునిచ్చారు. మంగళవారం రాష్ట్ర స్థాయి ఉత్కళ దినోత్సవం పురస్కరించుకుని స్థానిక రాజ్‌భవన్‌ కూడలి ప్రాంతంలో ఉత్కళ గౌరవ్‌ మధుసూదన్‌ దాస్‌ విగ్రహం వద్ద నివాళులు అర్పించారు. అనంతరం మధుసూదన్‌ దాస్‌ జన్మస్థలం సత్యభామపూర్‌లో రాష్ట్ర స్థాయి ఉత్కళ దినోత్సవం వేడుకల్లో ముఖ్య అతిథిగా పాల్గొన్నారు. ఈ సందర్భంగా ఆయన మాట్లాడుతూ భాష – సంస్కృతి విలువల పరిరక్షణ లక్ష్యంగా రాష్ట్ర ప్రభుత్వం ఈ ఏడాది నుంచి కొత్తగా ఒడియా భాషా పక్షం నిర్వహిస్తుందని ప్రకటించారు. ఏటా క్రమం తప్పకుండా ఏప్రిల్‌ 1 నుంచి 14 ‘ఒడియా పక్షం కార్యక్రమం కొనసాగుతుందని సభాముఖంగా వెల్లడించారు. మన గొప్ప ఒడియా భాష, సాహిత్యం, సంస్కృతి, సంప్రదాయం, నృత్యం, సంగీతం తదితర రంగాల్లో ఔత్సాహికులకు ఆదరణ, ప్రోత్సాహం కోసం ఈ కార్యక్రమం దోహదపడుతుందని ఆశాభావం వ్యక్తం చేశారు. జాతికి గర్వ కారణంగా ప్రతి ఒడియా వ్యక్తి వృద్ధిలోకి రావాలని ఆయన ఆకాంక్షించారు. త్వరలో ఆయుష్మాన్‌ భారత్‌ రాష్ట్రంలో త్వరలో ఆయుష్మాన్‌ భారత్‌ ఆరోగ్య బీమా పథకం ప్రవేశ పెడుతున్నట్లు ముఖ్యమంత్రి ప్రకటించారు. రానున్న రెండు వారాల్లో రాష్ట్రంలో ఈ పథకం అమలు చేస్తామని హామీ ఇచ్చారు. రాష్ట్రంలోని ప్రజలకు మెరుగైన ఆరోగ్య సౌకర్యాలను అందించడం ఆయుష్మాన్‌ భారత్‌ ఆరోగ్య బీమా పథకం లక్ష్యంగా పేర్కొన్నారు. ఈ పథకంతో రాష్ట్ర వ్యాప్తంగా దాదాపు 3 కోట్ల 52 లక్షల మంది లబ్ధి పొందుతారని చెప్పారు. దేశ వ్యాప్తంగా 29,000కి పైగా ఆసుపత్రులలో వర్తింపజేయడం విశేషంగా పేర్కొన్నారు. దేశాభివృద్ధిలో ఒడిశా భాగస్వామి.. భువనేశ్వర్‌: రాష్ట్ర పురోగతి నిరంతరం కొనసాగుతుందని, దేశ అభివృద్ధిలో ఒడిశా ముఖ్యమైన పాత్ర పోషించి ప్రముఖ భాగస్వామిగా నిలుస్తుందని రాష్ట్ర విపక్షం బిజూ జనతా దళ్‌ అధ్యక్షుడు నవీన్‌ పట్నాయక్‌ ప్రగాఢ విశ్వాసం వ్యక్తం చేశారు. ఈ మేరకు తమ పాలనలో బలమైన మౌలిక సదుపాయాల్ని పుష్కలంగా కల్పించినట్లు గుర్తు చేశారు. బిజు జనతా దళ్‌ పాలనలో రాష్ట్రంలో పేదరికం గణనీయంగా తగ్గిందని చెప్పారు. 2000 నుంచి 2024 సమగ్రంగా 24 సంవత్సరాలను ఒడిశా అభివృద్ధిలో సరి కొత్త యుగంగా అభివర్ణించారు. స్థానిక బిజూ జనతా దళ్‌ ప్రధాన కార్యాలయ సముదాయం శంఖ భవన్‌లో ఈ మేరకు ఉత్కళ దివస్‌ వేడుకలు ఘనంగా నిర్వహించారు. ప్రముఖ భాషావేత్త దేబీ ప్రసన్న పట్నాయక్‌, జార్ఖండ్‌ మాజీ మంత్రి డాక్టర్‌ దినేష్‌ షడంగి తదితర ప్రముఖులను ఉత్కళ దివస్‌ సత్కారంతో అభినందించారు. సీఎం మోహన్‌చరణ్‌ మాఝి ఘనంగా రాష్ట్ర స్థాయి ఉత్కళ దినోత్సవం

జయపురం: జయపురం సదర్‌ పోలీసు స్టేషన్‌ పరిధి గగణాపూర్‌లోగల సేవా పేపర్‌ మిల్లులో కాంట్రాక్టు కార్మికుడిని కొందరు దుండగులు హత్య చేశారు. హతుడిని జయపురం సమితి పంపుణీ గ్రామం పద్మన్‌ హరిజన్‌(49)అని గుర్తించారు. సమాచారం అందుకున్న గగణాపూర్‌ పోలీసులు సంఘటనా ప్రాంతానికి వెళ్లి దర్యాప్తు ప్రారంభించారు. విషయం జయపురం సదర్‌ పోలీసులకు తెలియజేశారు. పద్మన్‌ రోజూ లాగానే ఆదివారం కూడా గగణాపూర్‌లో గల సేవాపేపరుమిల్లుకు పనికి వెళ్లాడు. సాయంత్రం డ్యూటీ అయ్యాక తన బైక్‌పై గ్రామానికి బయల్దేరాడు. గగణాపూర్‌ నుంచి రాణీపుట్‌ మార్గంలో గ్రామానికి వెళ్తుండగా బొనగుడ గ్రామం హనుమాన్‌ మందిరం సమీపంలో ఎవరూ లేని సమయం గుర్తించి కొంత మంది అతడిని చుట్టుముట్టి దాడి చేశారు. అతను విడిపించుకుని పరిగెత్తుకుని వెళ్లిపోయినా విడవకుండా వెంబడించి హతమార్చారు. గ్రామస్తులు మృతదేహాన్ని చూసి పోలీసులకు విషయం చెప్పారు. జయపురం సదర్‌ పోలీసు అధికారి సచింద్ర ప్రధాన్‌, మరియు స్వతంత్ర నేర నియంత్రణ అధికారి, మాజీ పట్టణ పోలీసు అధికారి ఈశ్వర చంధ్ర తండి సంఘటన ప్రాంతానికి చేరుకొని పద్మన్‌ మృత దేహాన్ని పోస్టుమార్టం కోసం ఆస్పత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.

జయపురం: జయపురం లింగరాజ్‌ నగర్‌ ప్రాంతంలో రుద్రాక్ష నగర్‌ 13 వ లైన్‌లో ఉంటున్న తపన మహాపాత్రో ఇంటిలో బంగారు, వెండి నగలు దోచుకుపోయినట్లు జయపురం పట్టణ పోలీసు అధికారి వెల్లడించారు. తపన మహాపాత్ర రాయగడలో పని చేస్తున్నారు. అతడి భార్య పిల్లలు జయపురం రుద్రాక్షనగర్‌ ఉంటున్నారు. ఈ నెల 27వ తేదీన ఇంటికి తాళాలు వేసి మహాపాత్ర భార్య పిల్లలతో భర్త వద్దకు రాయగడ వెళ్లింది. ఇంటికి తాళాలు వేసి ఉండటం చూసిన దుండగులు ఇంటిలో ఎవరూ లేరని నిర్ధారణ చేసుకుని శుక్రవారం రాత్రి ఇంటి వెనుక వైపుగల గోడ పై నుంచి ఇంటిలో ప్రవేశించి బీరువా తాళాలు విరిచారు. బీరువా లోపల గల బంగారు నగలు, వెండి వస్తువులు విలువైన వస్తువులు దోచుకు పోయారు. మహాపాత్రో ఇంటి పక్కన ఉంటున్న వారు శనివారం మహాపాత్రో ఇంటిలో దొంగతనం జరిగినట్లు తెలుసుకొని మహాపాత్రోకు తెలియ జేశారు. వెంటనే మహాపాత్రో రాయగడ నుంచి జయపురం వచ్చి ఇంటిలో దొంగలు ఏయే వస్తువులు దొంగిలించారో పరిశీలించి జయపురం పట్టణ పోలీసు స్టేషన్‌లో ఫిర్యాదు చేశారు. రెండున్నర తులాల బంగారం, అర కిలో వెండి వస్తువులు రెండు వాచీలతో పాటు కొన్ని విలువైన వస్తువులు దొంగిలించారని పోలీసులకు లిఖిత పూర్వకంగా ఫిర్యాదు చేసినట్లు వెల్లడించారు. పోలీసులు కేసు నమోదు చేసి దర్యాప్తు జరుపుతున్నట్లు పోలీసు అధికారి వెల్లడించారు.

మల్కన్‌గిరి: మంచినీటి సమస్యను పరిష్కరించాలని ప్రజలు నినదించారు. దాహంతో అవస్థలు పడుతున్నామని అధికారులు స్పందించాలని వేడుకున్నారు. ఇదే డిమాండ్‌తో మల్కన్‌గిరి జిల్లా ఖోయిర్‌పూట్‌ సమితి కార్యాలయాన్ని మూడు పంచాయతీలకు చెందిన మహిళలు ఖాళీ బిందెలతో సోమవారం ముట్టడించారు. రాస్‌బేడ పంచాయతీ పరిధిలోని బాలిగూఢ, సిందిగూఢ, రాస్‌బెఢ గ్రామాల్లో తీవ్రమైన నీటిఎద్దడి నెలకుంది. వేసవి కాలం వచ్చిందంటే స్థానికంగా ఉన్న నీటి వనరులు అడుగంటిపోతుంటాయి. దీంతో బిందెడు నీటి కోసం సుమారు మూడు కిలోమీటర్ల దూరంలో ఉన్న జలాశయానికి వెళ్లాల్సి వస్తుంది. సమస్యను పరిష్కరించాలని అనేకసార్లు అధికారులు, ప్రజాప్రతినిధులకు గ్రామస్తులు విజ్ఞప్తి చేశారు. సర్పంచ్‌, బ్లాక్‌ చైర్మన్‌కు వినతులు అందించినప్పటికీ ప్రయోజనం లేదని ఆరోపించారు. ఈ క్రమంలోనే తమ సమ్యను తీర్చాలంటు భారీగా మహిళలు తరలివచ్చి ఖాళీ బిందెలతో సమితి కార్యాలయాన్ని ముట్టడించి నిరసన తెలియజేశారు. తక్షణమే తాగునీటి సమస్యను పరిష్కరించాలని, శాశ్వత నీటి సరఫరా కోసం చర్యలు తీసుకోవాలని, సమస్య పరిష్కారం అయ్యే వరకూ ట్యాంకర్లతో నీటిని సరఫరా చేయాలని డిమాండ్‌ చేశారు. అనంతరం సంబంధిత అధికారులకు వినతిపత్రాలను అందజేశారు. మంచినీటి సమస్య పరిష్కరించాలని డిమాండ్‌ ఖాళీ బిందెలతో మహిళల నిరసన

జయపురం:జయపురం సబ్‌డివిజన్‌ కుంద్ర సమితి కుంద్ర గ్రామంలోగల సరస్వతీ శిశు విద్యాలయంలో సోమవారం రక్తదాన శిబిరం నిర్వహించారు. శిశు మందిర విద్యాలయ రజిత్‌ జయంతి సందర్భంగా అమొఒడిశా, సంబాద్‌ల సహకారంతో నిర్వహించిన రక్తదాన శిబిరంలో కొరాపుట్‌ కేంద్ర విద్యాలయ అధ్యాపకులు సీతారాం రాయగురు ముఖ్యఅతిథిగా పాల్గొన్నారు. రక్తదానం ప్రాణదానంతో సమానమని అన్నారు. శిబిరంలో డాక్టర్‌ హరిశ్చంధ్ర ప్రధాన్‌, జయపురం రక్త భంఢార్‌ టెక్నీషియన్‌లు హేమాంగ, నతనీల దానీ,ప్రమోద్‌ ఖిలో, హరిశ్రంధ్ర ప్రధాన్‌లు దాతల నుంచి 20 యూనిట్ల రక్తం సేకరించారు. కార్యక్రమంలో గౌరవ అతిథులుగా విద్యాలయ పరిచాలన కమిటీ భగవాన్‌ మల్లిక్‌, కార్యదర్శి అజిత్‌ కుమార్‌ సాహు, సహాయ కార్యదర్శి బికాశ్‌ చౌధురి, కోశాధికారి సుమిత్‌ కుమార్‌ సాహు, సమితి ఆర్‌.ఎస్‌.ఎస్‌ ప్రతినిధి వి.గిరి రావు, ఆచార్య స్వరూప్‌ కుమార్‌ దాస్‌, మాజీ కార్యదర్శి కృష్ణచంద్ర పాత్రో, సుజిత్‌ కుమార్‌ సాహు, జితేంధ్ర ఖుండ్‌ తదితరులు పాల్గొన్నారు. రక్తదాతలకు ప్రశంసా పత్రాలు అందజేస్తున్న అతిథులు

భువనేశ్వర్‌: బెంగళూరు–గౌహతి ఏసీ సూపర్‌ ఫాస్ట్‌ ఎక్స్‌ప్రెస్‌ ఆదివారం ఉదయం కటక్‌–భద్రక్‌ రైల్వే సెక్షన్‌లోని కేంద్రాపడా రోడ్‌, నెర్గుండి స్టేషన్ల మధ్య పట్టాలు తప్పడంతో రైలు సేవలు తాత్కాలికంగా స్తంభించి పోయాయి. కటక్‌ – నెర్గుండి రైలు మార్గంలో పట్టాల వ్యవస్థ పూర్తిగా దెబ్బ తింది. సోమవారం ఉదయం 7.15 గంటలకు పునరుద్ధరణ కార్యకలాపాలు పూర్తిగా ముగించి రైళ్ల రవాణాకు అనుమతించారు. ఆ తర్వాత విద్యుత్‌ రైళ్ల నిర్వహణ వ్యవస్థ ఓవర్‌హెడ్‌ ఎక్విప్‌మెంట్‌ (ఓహెచ్‌ఈ) పునరుద్ధరించారు. ప్రభావిత డౌన్‌ లైన్‌లో తొలి రైలు సోమవారం ఉదయం 9.30 గంటలకు నడిచింది. కాసేపటి తర్వాత అప్‌–లైన్‌లో రైలు సేవల్ని యథాతథంగా పునరుద్ధరించారు. బెంగళూరు – గౌహతి ఏసీ సూపర్‌ ఫాస్ట్‌ ఎక్స్‌ప్రెస్‌ పట్టాలు తప్పిన కారణంగా ఈ మార్గంలో రైళ్ల కదలికలను తాత్కాలికంగా సర్దుబాటు చేసి నడిపించారు. ఈ నేపథ్యంలో తూర్పు కోస్తా రైల్వే 38 డౌన్‌ లైన్‌ రైళ్లను, 17 అప్‌ లైన్‌ రైళ్లను ప్రత్యామ్నాయ మార్గాల గుండా మళ్లించింది. పోలీసుల నిఘా భువనేశ్వర్‌: బాలాసోర్‌ ప్రాంతంలో పోలీసు యంత్రాంగం అప్రమత్తమైంది. త్వరలో ఆరంభం కానున్న శ్రీ రామ నవమి పూజల సన్నాహాల నేపథ్యంలో అవాంఛనీయ సంఘటనలు చోటు చేసుకోకుండా జిల్లా పోలీసులు సమస్యాత్మక ప్రాంతాల్లో పహారా ముమ్మరం చేశారు. ఈ జిల్లా సొరొ మునిసిపాలిటీ ప్రాంతంలో ఫ్లాగ్‌ మార్చ్‌ నిర్వహించారు. పోలీసులపై దాడి ● ఇద్దరికి గాయాలు భువనేశ్వర్‌: స్థానిక భరత్‌పూర్‌ బొనొ దుర్గా బస్తీ ప్రాంతంలో అల్లర్లను అణిచివేసే ప్రయత్నంలో పోలీసులు గాయపడ్డారు. విధి నిర్వహణలో భాగంగా స్థానికులతో వీరికి ఘర్షణ జరిగింది. ప్రధాన నిందితుడిని అదుపులోకి తీసుకుని వెళ్తుండగా పోలీసులపై స్థానికులు అకస్మాతుగా తిరుగుబాటు చేశారు. నిందితుని తరలిస్తుండగా పోలీసు వాహనంపై రాళ్లు రువ్వారు. ఈ సంఘటనలో ఒక మహిళా ఏఎస్‌ఐ, డ్రైవర్‌ గాయపడ్డారు. దాడితో సంబంధం ఉన్న ఇద్దరిని పోలీసులు అరెస్టు చేశారు. పర్యాటకుల ముసుగులో గంజాయి రవాణా కొరాపుట్‌: కొరాపుట్‌ జిల్లాలో గంజాయి అక్రమ రవాణా కొత్త పుంతలు తొక్కుతోంది. సోమవారం వేకువ జామున కొరాపుట్‌ రైల్వే స్టేషన్‌లో కోల్‌కతాకు వెళ్లే సమలేశ్వరి రైలు కోసం ఖరీదైన వ స్త్రాలు ధరించిన మస్కానా అనే ఒక మహిళ, మరో బాలిక వేచి చూస్తున్నారు. వీరిని చూసిన జీఆర్పీ పోలీసులు ఆరా తీశారు. తాము ఉత్తర ప్రదేశ్‌ నుంచి వచ్చామని చెప్పగానే పొలీసులు అప్రమత్తమయారు. ఇక్కడ కొరాపుట్‌కి పర్యాటకులుగా వచ్చామని చెప్పగా.. వారి వస్తువులు సోదా చేశారు. దీంతో 20 కిలోల గంజాయి పట్టుబడింది. వేరే ప్లాట్‌ఫారం మీద విశాఖపట్నం వెళ్లే రైలు వద్ద ఉత్తర్‌ ప్రదేశ్‌కి చెందిన అంకుర్‌ కుమార్‌ అనే మరో యువకుడు అనుమానాస్పదంగా కనిపించడంతో అతని వద్ద మరో 10 కిలోల గంజాయి స్వాధీనం చేసుకున్నారు. గంజాయి మాఫియా సాధారణ ప్రజలను తమ ఖర్చులతో కొరాపుట్‌కి పర్యాటకులుగా పంపుతోంది. తిరిగి వెళ్లేటప్పుడు వారి ద్వారా గంజాయి తెప్పించుకుంటున్నట్లు పోలీసులు ప్రకటించారు. ముగ్గురు నిందితులను జైలుకి తరలించారు.

పర్లాకిమిడి: గజపతి జిల్లా రాయఘడ బ్లాక్‌లో అంత్యోదయ గృహ పథకం ప్రారంభానికి మోహనా ఎమ్మెల్యే దాశరథి గోమాంగో ముఖ్యఅతిథిగా విచ్చేసి 28 మంది లబ్ధిదారులకు వర్క్‌ ఆర్డర్లను పంపిణీ చేశారు. రాష్ట్ర ముఖ్యమంత్రి మోహన్‌ చరణ్‌మఝి ఉగాది రోజు ఈ పథకం ప్రారంభించారు. జిల్లాలో రాయఘడ, గుసాని బ్లాక్‌, మోహనాలలో కలెక్టర్‌ బిజయకుమార్‌ దాస్‌ ఈ పథకాన్ని సోమవారం ప్రారంభించారు. ఈ కార్యక్రమంలో రాయఘడ బ్లాక్‌ అధ్యక్షురాలు పూర్ణబాసి నాయక్‌, డి.ఆర్‌.డి.ఎ ముఖ్యకార్యనిర్వాహణ అధికారి శంకర్‌ కెరకెటా, ప్రోగ్రాం మ్యానేజర్‌ బి.రోహిత్‌ కుమార్‌, రాయఘడ బి.డి.ఓ సుకాంత కుమార్‌ ప్రదాన్‌, అసిస్టెంట్‌ ఇంజినీర్‌ సిద్ధార్థ శంకర్‌ త్రిపాఠీ, తదితరులు పాల్గొన్నారు.

మల్కన్‌గిరి: రాష్ట ప్రభుత్వం అమలు చేసిన అంత్యోదయ గృహ యోజన పథకాన్ని మల్కన్‌గిరి జిల్లా సమితి కార్యాలయంలో జిల్లా కలెక్టర్‌ ఆశీష్‌ ఈశ్వర్‌ పటేల్‌ సోమవారం ప్రారంభించారు. తొలుత ఈ పథకానికి కలహండి జిల్లా భవానీపట్నంలో రాష్ట్ర ముఖ్యమంత్రి మోహన్‌ చరణ్‌ మాఝి ఆదివారం శ్రీకాకరం చుట్టారు. ఈ పథకం ద్వారా నిరుపేదలు, వితంతువులు, ప్రకృతి వైపరీత్యాలతో నష్టపోయినవారు, తీవ్రమైన వ్యాధులతో బాపడేవారు, దివ్యాంగులకు గృహాలను మంజూరు చేస్తారు. 2024–25 ఆర్థిక సంవత్సరంలో 1,629 మంది లబ్ధిదారులను ఎంపిక చేశారు. నాలుగు నెలల్లో గృహ నిర్మాణం పూర్తయితే రూ. 20 వేలు, ఆరు నెలలో పూర్తయితే రూ. పది వేలు ప్రోత్సాహకంగా అందజేస్తారు. 95 రోజులు ఉపాధి పనులు కల్పిస్తారు. అలాగే ఇళ్లకు విద్యుత్‌, తాగునీరు, గ్యాస్‌, టాయిలెట్‌ సదుపాయాలను కల్పిస్తారు. ఈ సందర్భంగా లబ్ధిదారులు ఒకొక్కరికీ రూ. లక్షా 20 వేలు విలువైన చెక్కులను అందజేశారు. మల్కన్‌గిరి ఎమ్మెల్యే నర్సింగ్‌ మడ్కమి, మల్కన్‌గిరి సమితి అధికారి తపన్‌ కుమార్‌ సేనాపతి, జిల్లా అభివృద్ధి శాఖ అధికారి నరేశ్‌చంద్ర శభర, స్వయం సహాయక సంఘ మహిళాలు, కార్మికులు పాల్గొన్నారు. రోడ్డు ప్రమాదంలో ఇద్దరికి గాయాలు ఎచ్చెర్ల: లావేరు మండలం రావివలస సమీపంలో జాతీయ రహదారిపై సోమవారం సాయంత్రం జరిగిన రోడ్డు ప్రమాదంలో ఇద్దరికి గాయాలయ్యాయి. లావేరు మండలం వెంకటాపురం గ్రామానికి చెందిన పిన్నింటి రాము, మరో వ్యక్తి సుభద్రాపురం నుంచి విశాఖ వైపు కారులో వెళ్తుండగా హైవే పెట్రోలింగ్‌ వాహనాన్ని ఢీకొనడంతో ఈ ప్రమాదం సంభవించింది. ఈ ఘటనలో ఇద్దరికీ కాళ్లు విరగడంతో చికిత్స నిమిత్తం రిమ్స్‌కు తరలించారు.

కొరాపుట్‌: నబరంగ్‌పూర్‌ జిల్లా కేంద్రంలో వెలసిన బుడి ఠాకురాణి అమ్మవారికి పుట్టింటి నుంచి కానుకలు తరలి వచ్చాయి. చైత్ర మాసం సందర్భంగా సోమవారం నుంచి అమ్మవారు ప్రతి రోజు పురవీధులలో పర్యటించనున్నారు. అమ్మవారి ఘటాలకు వీధులలో మహిళలు కానుకలు, పసుపు నీళ్లతో మొక్కుబడులు చెల్లిస్తారు. తొమ్మిది రోజులు అమ్మవారికి కావలసిన వస్త్రాలు, పూజా సామగ్రి, పూజారులకు వస్త్రాలు సమర్పించారు. ఇందులో భాగంగా పట్టణంలోని గౌడ వీధిలోని పుట్టింటి నుంచి తరలివచ్చాయి. శతాబ్దాల క్రితం అమ్మవారు గౌడవీధిలో పుట్టి రాజు వీధికి తరలి వచ్చినట్లు ప్రజలు విశ్వసిస్తారు. అందువలన పుట్టింటి వారైన గౌడ వీధి ప్రజలు ఏటా అమ్మవారికి తొమ్మిది రోజులకు సరిపడా పూజా సామగ్రి అందజేస్తారు. మేళతాళాలతో ఊరేగింపు కావిళ్లతో పూజా సామగ్రి బుడి ఠాకురాణి అమ్మవారి గుడికి అందజేశారు.

ఘనంగా అంతర్జాతీయ ..కొరాపుట్‌: అంతర్జాతీయ కిన్నెర దినోత్సవాన్ని నబరంగపూర్‌, కొరాపుట్‌ జిల్లాల్లో సోమవారం ఘనంగా నిర్వహించారు. నబరంగ్‌పూర్‌ జిల్లా కేంద్రంలోని శక్తి పీఠం నుంచి కిన్నెరలు పూర్ణ కుంభంతో ర్యాలీ నిర్వహించారు. ఈ ర్యాలీ బస్టాండ్‌ సమీపంలోని వినాయక్‌ భవన్‌ వరకు సాగింది. అక్కడ జరిగిన కార్యక్రమంలో కలెక్టర్‌ డాక్టర్‌ శుభంకర్‌ మహాపాత్రో మాట్లాడుతూ కిన్నెరలు సామాజిక, ఆర్థిక, ఉపాధి రంగాలలో స్వయం శక్తి సాధించడానికి ప్రభుత్వం తోడ్పాటు ఇస్తుందన్నారు. ఈ సందర్భంగా వారికి కుట్టు మిషన్లు, వంట పాత్రలు, గ్యాస్‌ సిలెండర్లు, కుర్చీలు, టేబుళ్లను కలెక్టర్‌ ఉచితంగా అందజేశారు. కార్యక్రమంలో కిన్నెర సంఘం అధ్యక్షుడు మనోజ్‌ పట్నాయక్‌, జిల్లా సాంఘిక సంక్షేమ శాఖా అధికారి సుధాంశు పాత్రో, డీఐపీఆర్‌ఓ మనోజ్‌ బెహరా, కౌన్సిలర్‌ షర్మిష్టా దేవ్‌, ఎ.ధనుంజయ్‌ రావు, కిన్నెర సంఘం తరఫున కాజల్‌ కిన్నెర, చుమ్కి కిన్నెర, ప్రీతి కిన్నెర తదితరులు పాల్గొన్నారు. మరో వైపు కొరాపుట్‌ జిల్లా కేంద్రం లో ప్రపంచ కిన్నెర దినోత్సవం ఘనంగా జరిగింది. స్కిల్‌ డవలప్‌మెంట్‌ కార్యాలయంలో అవగాహన సదస్సు నిర్వహించారు. జిల్లా వ్యాప్తంగా 114 మంది కిన్నెరలను గుర్తించినట్లు అధికారులు ప్రకటించారు. వారికి ప్రభుత్వం తరఫున సహాయ సహకారాలు అందిస్తామన్నారు. పర్లాకిమిడి: ట్రాన్స్‌జెండర్లపై సమాజంలో చిన్నచూపు ఉందని, తమకు రేషన్‌ కార్డుల ద్వారా 35 కిలోల బియ్యం సరఫరా చేయాలని, అంత్యోదయ పథకం కింద ఇళ్లు మంజూరు చేయాలని గజపతి జిల్లా కిన్నెరుల పునరావాస సంఘం కార్యదర్శి జాస్మిన్‌ షేక్‌ డిమాండ్‌ చేశారు. స్థానిక గ్రామీణ స్వయం ఉపాధి శిక్షణ కేంద్రం హాలులో జరిగిన అంతర్జాతీయ కిన్నెర దినోత్సవంలో గౌరవ అతిథిగా జాస్మిన్‌ షేక్‌ పాల్గొన్నారు. ఈ వర్క్‌షాపును జిల్లా సామాజిక సురక్షా, దివ్యాంగుల స్వశక్తీకరణ విభాగం అధికారి సంతోష్‌ కుమార్‌ నాయక్‌ జ్యోతి వెలిగించి ప్రారంభించారు. కార్యక్రమంలో ముఖ్యఅతిథిగా సబ్‌ కలెక్టర్‌ అనుప్‌ పండా, ట్రాన్స్‌జెండర్స్‌ అధ్యక్షురాలు మధు బోరాడో, నువాగడ బీడీఓ లోకనాథ శోబోరో, లక్ష్మకుమార్‌ ముర్ము, ఈఓ పురపాలక సంఘం, స్వాస్‌ స్వచ్ఛంద సంస్థ మేనేజరు పి.సునీత తదితరులు పాల్గొన్నారు. జిల్లాలో ఇప్పటివరకూ 90 మంది కిన్నెరులు ఉన్నారని, వారు సమాజంలో మానసికంగా, శారీరకంగా వేధింపులకు గురవుతున్నారని, వారికి సరైన రక్షణ ఇవ్వాలని, వారికి ఆశ్రయం కల్పించి అంత్యోదయ పథకం కింద ఇళ్లు మంజూరు చేయాలని ట్రాన్స్‌జెండర్స్‌ కార్యదర్శి జాస్మిన్‌ షేక్‌ కోరారు. కొందరు కిన్నెరులు బలవంతంగా అత్యాచారాలకు గురవుతున్నారని అటువంటి వారికి ట్రాన్స్‌జెండర్స్‌ ప్రొటెక్షన్‌ చట్టం కింద పోలీసులు రక్షణ కల్పించాలని అన్నారు. పర్లాకిమిడిలో 79 మంది కిన్నెరులలో 45మందికి ఐడెంటిటీ కార్డులు మంజూరు చేశామని, 19 మందికి పింఛన్లు, ముగ్గురికి లక్షరూపాయలు చొప్పున్న స్వయం ఉపాధి పథకం కింద క్యాంటీన్లు మంజూరు చేశామని డి.యస్‌.యస్‌.ఓ. సంతోష్‌ కుమార్‌ నాయక్‌ తెలియజేశారు. కార్యక్రమంలో కిన్నెరుల సంఘం సభ్యురాలు క్రాంతి బెహారా కర్మశాలకు విచ్చేసిన వారికి ధన్యవాదాలు తెలిపారు. మల్కన్‌గిరి: మల్కన్‌గిరి జిల్లా కలెక్టర్‌ కార్యాలయం నుంచి జెడ్పీ కార్యాలయం వరకు సోమవారం అంతర్జాతీయ తృతీయ లింగ దినోత్సవం సందర్భంగా భారీ ర్యాలీ నిర్వహించారు. 90 మంది కిన్నెరలు పాల్గొన్నారు. అనంతరం జిల్లా పరిషత్‌ కార్యాలయ సమావేశ మందిరంలో ఓ వర్క్‌షాప్‌ నిర్వహించారు. సమాజ సేవ చేస్తున్న కిన్నెరులను గుర్తించి సత్కరించారు.

మల్కన్‌గిరి: మల్కన్‌గిరి జిల్లా చిత్రకొండ సమితి జలాశయంలో నాలుగు లక్షల రొయ్య పిల్లలను చిత్రకొండ ఎమ్మెల్యే మంగుఖీలో సమక్షంలో మత్స్యశాఖాధికారులు సోమవారం విడుదల చేశారు. జిల్లా మత్స్యశాఖ అధికారి సుశాంత్‌ గౌడ పర్యవేణలో తొలిదశగా నాలుగు లక్షల రొయ్య పిల్లలను జలాశయంలో విడుదల చేశామన్నారు. భవిష్యత్‌లో మరో 13 లక్షల పిల్లలను విడిచిపెట్టే అవకాశం ఉందన్నారు. ఎమ్మెల్యే మంగు మాట్లాడుతూ.. చేపల ఉత్పతులు, మార్కెటింగ్‌పై ప్రభుత్వం ప్రత్యేక దృష్టిసారించిందన్నారు. జిల్లా పరిషత్‌ అధ్యక్షురాలు సమారి టంగులు, చిత్రకొండ సమితి అధ్యక్షురాలు రాజేశ్వరి ఖీలో, సమితి సభ్యుడు రాజకమల్‌ పురోహిత్‌ ఉన్నారు. రూ.3 కోట్ల నిధులు మంజూరు పర్లాకిమిడి: ఉత్కళ దివాస్‌ సందర్భంగా ప్రజలందరికీ పర్లాకిమిడి ఎమ్మెల్యే రూపేష్‌ పాణిగ్రాహి శుభాకాంక్షలు తెలిపారు. ఈ సందర్భంగా పర్లాకిమిడి నియోజకవర్గంలో పలు అభివృద్ధి పనులకు రూ.3 కోట్లు ఎమ్మెల్యే లాడ్‌ నిధులను సోమవారం మంజూరు చేశారు. స్థానిక రాంనగర్‌ హైటెక్‌ ప్లాజాలో జరిపిన విలేకరుల సమావేశంలో తెలియజేశారు. పర్లాకిమిడి జగన్నాథ మందిరం పునః నిర్మాణ పనులకు ఎమ్మెల్యే లాడ్‌ నిధుల నుంచి రూ.50 లక్షలు, పట్నాయక్‌ చెరువు అభివృద్ధి పనులకు రూ.6లక్షలు, మహేంద్ర తనయ వద్ద శ్మశాన వాటిక నిర్మాణానికి రూ.5లక్షలు మంజూరు చేశారు. గుసాని సమితిలో పలు గ్రామాలకు రూ.1.15 కోట్లు, కాశీనగర్‌ సమితిలో పలు గ్రామాల్లో అభివృద్ధి పనులకు రూ.56 లక్షలు, గుమ్మా సమితికి తొలి పర్యాయం రూ.15 లక్షలు మంజూరు చేసినట్లు తెలిపారు. నబరంగ్‌పూర్‌లో హైకోర్టు జడ్జి పర్యటన కొరాపుట్‌: నబరంగ్‌పూర్‌ జిల్లాలో హైకోర్టు న్యాయమూర్తి చిత్తరంజన్‌ దాస్‌ సోమ వారం పర్యటించారు. జిల్లా కేంద్రంలోని సర్క్యూట్‌ హౌస్‌కి చేరుకున్నారు. అక్కడ జిల్లా బార్‌ అసోసియేషన్‌ ప్రతినిధులు సిరాజుద్దీన్‌ అహ్మద్‌, సీనియర్‌ న్యాయవాదులు జడేశ్వర్‌ ఖడంగా, సి.హెచ్‌.బాబా యుగంధర్‌ తదితరులు ఆయనను మర్యాదపూర్వకంగా కలుసుకున్నారు. అనంతరం జిల్లా కలెక్టర్‌ డాక్టర్‌ శుభంకర్‌ మహాపాత్రో భేటీ అయ్యారు. జిల్లా కోర్టుల సముదాయాన్ని సందర్శించారు. సాయంత్రం శక్తిపీఠం బండారు ఘరణి దేవాలయంలో ప్రత్యేక పూజలు జరిపారు. రాజ పురోహితుడు నర్సింగ త్రిపాఠి స్వాగతం పలికారు. నేడు రాష్ట్ర అవతరణ దినోత్సవం పర్లాకిమిడి: ఈ నెల 1వ తేదీన ఒడిశా రాష్ట్ర అవతరణ దినోత్సవ వేడుకలు, ఉత్కళ దివాస్‌ సందర్భంగా రాష్ట్ర వాణిజ్య, వైద్య, కుటుంబ సంక్షేమశాఖ మంత్రి డాక్టర్‌ ముఖేష్‌ మహాలింగ మంగళవారం పర్లాకిమిడి రానున్నారు. ఉత్కళ దివాస్‌ వేడుకల్లో పాల్గొనున్నట్టు కలెక్టర్‌ సోమవారం తెలియజేశారు. పట్టణంలోని పురపాలక, కలెక్టరేట్‌, రెవెన్యూ శాఖ, ఆర్టీఓ, ప్రభుత్వ బ్యాంకులను విద్యుత్‌ వెలుగులతో తీర్చిదిద్దారు. పర్లాకిమిడిలో మహారాజా కృష్ణచంద్రగజపతి నారాయణ దేవ్‌ ఘాట్‌ వద్ద మంత్రి, ఎమ్మెల్యే, కలెక్టర్‌, అధికారులు నివాళులర్పించనున్నారు. బుడితిలో బంగారం చోరీ సారవకోట: మండలంలోని బుడితి గ్రామంలో మూడు తులాల బంగారం చోరీకి గురైంది. పోలీసులు తెలిపిన వివరాల ప్రకారం.. బుడితి గ్రామానికి చెందిన శిమ్మ రామారావు దంపతులు ఆదివారం హైదరాబాద్‌లో బంధువుల ఇంటికి వెళ్లారు. సోమవారం ఉదయం ఇంటి పనిమనిషి నాగమ్మ అటువైపుగా వెళ్లగా తలుపులు పగలగొట్టి ఉండటాన్ని గమనించింది. వెంటనే ఇంటి యజమానికి ఫోన్‌లో సమాచారం అందించింది. వారు నరసన్నపేటలో నివాసం ఉంటున్న రామారావు అల్లుడైన గిరీష్‌కుమార్‌కు సమాచారం ఇవ్వగా ఆయన స్థానిక పోలీస్‌స్టేషన్‌లో ఫిర్యాదు చేశారు. రెండు తులాల చైన్‌, అర తులం బరువైన రెండు ఉంగరాలు చోరీకి గురైనట్లు పేర్కొన్నారు. ఎస్‌ఐ అనిల్‌కుమార్‌ కేసు నమోదు చేసి ఘటనా స్థలాన్ని పరిశీలించారు. ఈ గ్రామంలో ఎనిమిది నెలల వ్యవధిలో నాలుగు దొంగతనాలు జరగడం గమనార్హం.

● టెలికాన్ఫరెన్స్‌లో అధికారులను ఆదేశించిన కలెక్టర్‌ పార్వతీపురంటౌన్‌: జిల్లాలో నీటి నాణ్యత పరీక్షలు ఎప్పటికప్పుడు నిర్వహించాలని, వేసవిలో తాగునీటి ఎద్దడి లేకుండా చలివేంద్రాలు విరివిగా ఏర్పాటు చేయాలని కలెక్టర్‌ ఎ.శ్యామ్‌ప్రసాద్‌ అధికారులను సోమవారం టెలికాన్ఫరెన్స్‌లో ఆదేశించారు. ఆరోగ్య, ఆర్‌డబ్ల్యూఎస్‌ శాఖలు సంయుక్తంగా నీటినాణ్యత పరీక్షలు పక్కాగా నిర్వహించాలని స్పష్టం చేశారు. ప్రధాన కూడళ్లు, గ్రామ పంచాయతీ, మండల స్థాయిలో అవసరమైన అన్ని ప్రాంతాల్లో చలివేంద్రాలు ఏర్పాటు చేయాలన్నారు. ఆయా ప్రాంతాల్లో ఉన్న కార్యాలయాలు, సంస్థలు, సంఘాల సహకారంతో చర్యలు తీసుకోవాలని ఆయన ఆదేశించారు. మున్సిపాల్టీలు, గ్రామ పంచాయతీలు, ప్రత్యేక చర్యలు తీసుకోవాలన్నారు. ఎండ ఎక్కువగా ఉన్న ప్రదేశాల్లో ఉపాధిహామీ పనుల సమయాల్లో మార్పులు చేయాలన్నారు. పశుసంవర్ధకశాఖ ప్రతిపాదనల మేరకు జిల్లాలో 411 పశువుల తొట్టెలను తక్షణమే నిర్మించాలని సూచించారు. కార్యక్రమంలో స్థానిక ప్రజాప్రతినిధులను భాగస్వామ్యం చేయాలన్నారు.

జయపురం: ఈ నెల ఆరో తేదీన జరుగనున్న శ్రీరామ నవమి ఉత్సవాలకు జయపురం పట్టణంలో విస్తృత సన్నాహాలు జరుగుతున్నాయి. ఇందులో భాగంగా స్థానిక రఘునాథ్‌ మందిరం ఆవరణలో సోమవారం మూహూర్తపు రాట వేశారు. కార్యక్రమంలో శ్రీరామ నవమి పూజా కమిటీ సభ్యులతో పాటు పట్టణంలోని శ్రీరామ భక్తులు, పలు సంస్థల ప్రతినిధులు పాల్గున్నారు. ఈ సందర్భంగా పూజా కమిటీ సభ్యులు జయపురం మహారాణిని శ్రీరామ నవమి పూజా కార్యక్రమాలకు ఆహ్వానించారు. అన్ని గ్రామాల నుంచి రామ భక్త బృందాలు రఘునాత్‌ మందిరంలో జరుపగనున్న శ్రీరామనవమి వేడుకలలో పాల్గొనాలని పిలుపునిచ్చారు. పట్టణంలో స్వాగత ద్వారాలు ఏర్పాటు చేస్తున్నారు. రఘునాథ్‌ మందిరాన్ని అందంగా తీర్చి దిద్దుతున్నారు. స్థానిక జమాల్‌ లైన్‌లో శ్రీరామ నవమి ఉత్సవాలు జరిపేందుకు శ్రీసీతా రామాంజనేయ ఆలయ కమిటీ సన్నాహాలు చేస్తున్నది.

విజయనగరం ఫోర్ట్‌: పట్టణంలోని రెడ్‌క్రాస్‌ సొసైటీలో సీఎస్‌ఆర్‌ నిధులు రూ.76.01 లక్షలతో ఏర్పాటు చేసిన ప్లేట్‌ లెట్స్‌ యూనిట్‌తో పాటు, ఎస్‌డీపీ యూనిట్‌ను రాష్ట్ర ఎంఎస్‌ఎంఈ సెర్ప్‌, ఎన్నారై వ్యవహారాల శాఖ మంత్రి కొండపల్లి శ్రీనివాస్‌, ఎంపీ కలిశెట్టి అప్పలనాయుడు, ఎమ్మెల్యే అదితి విజయలక్ష్మితో కలిసి సోమవారం ప్రారంభించారు. ఈ సందర్భంగా ఆయన మాట్లాడుతూ రెడ్‌క్రాస్‌ విశేషమైన సేవలను అందిస్తోందన్నారు. కాంపోనెంట్‌ యూనిట్‌ ద్వారా ఉమ్మడి జిల్లాల్లో అవసరమైన వారికి రక్తంతో పాటు రెడ్‌ బ్లడ్‌ సెల్స్‌, ఫ్రెష్‌ ఫ్రోజెన్‌ ఫ్లాస్మా, ప్లేట్‌ లెట్స్‌, క్రయాప్రెసిపిరేట్‌, సింగిల్‌ డోనర్‌ ప్లేట్‌లెట్స్‌ను సరఫరా చేస్తుందన్నారు. ఆరోగ్య వంతులంతా ప్రతి మూడు నెలలకు ఒకసారి రక్తదానం చేయవచ్చని తెలిపారు. కార్యక్రమంలో డీఎంహెచ్‌ఓ డాక్టర్‌ ఎస్‌.జీవనరాణి, జిల్లా క్షయ నివారణ అధికారి డాక్టర్‌ కె.రాణి, జిల్లా సైనిక సంక్షేమ అధికారి మజ్జి కృష్ణారావు, రెడ్‌క్రాస్‌ చైర్మన్‌ కేఆర్‌డీ ప్రసాదరావు, కార్యదర్శి సత్యం, ఐఎంఏ రాష్ట్ర మాజీ అధ్యక్షుడు ఎం.జయచంద్రనాయుడు, తదితరులు పాల్గొన్నారు. స్లాట్‌ బుకింగ్స్‌తో రిజిస్ట్రేషన్లు విజయనగరం రూరల్‌: రిజిస్ట్రేషన్లను మరింత సులభతరం చేయడానికి ప్రభుత్వం తీసుకు వచ్చిన స్లాట్‌ బుకింగ్‌ విధానాన్ని ఈ నెల రెండో తేదీ నుంచి విజయనగరం ఆర్వో సబ్‌ రిజిస్ట్రార్‌ కార్యాలయంలో ప్రారంభించనున్నట్లు స్టాంప్స్‌ అండ్‌ రిజిస్ట్రేషన్‌ శాఖ డీఐజీ ఎ.నాగలక్ష్మి తెలిపారు. పట్టణంలోని దాసన్నపేటలో ఉన్న ఆర్వో సబ్‌ రిజిస్ట్రార్‌ కార్యాలయాన్ని జిల్లా రిజిస్ట్రార్‌ ఏవీ కుమారితో కలిసి సోమవారం పరిశీలించారు. ఈ సందర్భంగా ఆమె మాట్లాడుతూ.. భూ క్రయ, విక్రయదారులకు సమయం వృథా కాకూడదనే ఉద్దేశంతో ప్రభుత్వం స్లాట్‌ బుకింగ్‌ విధానం తీసుకువచ్చిందని చెప్పారు. ఈ విధానం వల్ల పారదర్శకంగా రిజిస్ట్రేషన్లు జరుగుతాయన్నారు. పబ్లిక్‌ డేటా ఎంట్రీ విధానం ద్వారా ఆన్‌లైన్‌లో స్లాట్‌ బుక్‌ చేసుకోవాలని సూచించారు.

● కొరాపుట్‌ ఎంపీ సప్తగిరి ● అలరించిన సాంస్కృతిక కార్యక్రమాలు రాయగడ: తెలుగు సంస్కృతి, సంప్రదాయాలకు ఉగాది వేడుకలు ప్రతీకలని కొరాపుట్‌ పార్లమెంటు సభ్యుడు సప్తగిరి శంకర్‌ ఉలక అన్నారు. రాయగడలోని తేజస్వీ మైదానంలో రాజ్యసభ మాజీ సభ్యుడు నెక్కంటి భాస్కరరావు నేతృత్వంలో ఆదివారం రాత్రి నిర్వహించిన ఉగాది ఉత్సవాలు అందరినీ అలరించాయి. ముఖ్యఅతిథిగా హాజరైన ఎంపీ మాట్లాడుతూ.. ఒడిశా రాష్ట్రం విభిన్న సంస్కృతులకు పుట్టినిళ్లన్నారు. వాటిని గౌరవించడం మన బాధ్యత అన్నారు. రాయగడ వంటి జిల్లాలో తెలుగు ప్రజలు జరుపుకునే ఉగాది, ఒడియా ప్రజలు జరుపుకునే పొణా సంక్రాంతి వంటివి అంతా కలసిమెలసి నిర్వహించుకోవడం ఇక్కడ ప్రజల ఐక్యతకు మారుపేరని అన్నారు. ఇటువంటి సంప్రదాయాలను కొనసాగించడంతో పాటు వాటిని పరిరక్షించి భావితరాలకు మార్గదర్శకంగా నిలవాలని ఆకాంక్షించారు. నెక్కంటి ఆధ్వర్యంలో 13 ఏళ్లుగా నిర్వహిస్తున్న ఈ వేడుకలు ఎంతో ఘనంగా జరుపుకోవడంతో పాటు అందుకు ప్రజల నుంచికూడా ఇంతటి స్పందన లభించడం అభినందించాల్సిన విషయమన్నారు. ఉగాది వేడుకలకు తనను ఆహ్వానించడం.. ఇలా అందరిమధ్య సంతోషాలను పాలుపంచుకోవడం తన అదృష్టంగా భావిస్తున్నానన్నారు. రాయగడ, బిసంకటక్‌ ఎంఎల్‌ఏలు అప్పలస్వామి కడ్రక, నీలమాధవ హికక గౌరవ అతిథులుగా పాల్గొన్నారు. అలరించిన సాంస్కృతిక ప్రదర్శనలు ఉగాది ఉత్సవాల్లో భాగంగా నిర్వహించిన సాంస్కృతిక కార్యక్రమాలు అలరించాయి. సినీనటుడు, మిమిక్రీ ఆర్టిస్టు శివారెడ్డి తన ప్రదర్శనలతో ప్రేక్షకులను గంటన్నర సమయం ఉర్రూతలూగించారు. అలాగే డీటీఎస్‌ ఆనంద్‌ తన గొంతుతో డీటీఎస్‌ మ్యూజిక్‌ను ఆలపించారు. హైదరాబాద్‌కు చెందిన డ్యాన్స్‌ కంపెనీ నిర్వహించిన వివిధ నృత్యాలు ప్రేక్షకులను మంత్రముగ్ధులను చేశాయి. ఎల్‌ఈడీ కాస్ట్యూమ్స్‌తో చేసిన నృత్యాలు ఆనందడోలికల్లో ముంచాయి. ఈ కార్యక్రమాలకు వ్యాఖ్యతగా హారిక వ్యవహరించారు. అంతకుముందు ప్రముఖ వేద పండితులు రేజేటి శ్రీనివాస్‌ శర్మ పూజా కార్యక్రమాలను నిర్వహించారు. ఉత్సవ కమిటీ అధ్యక్షులు నెక్కంటి భాస్కరావు పూజా కార్యక్రమాల్గో పాల్గొని సాంస్కృతిక కార్యక్రమాలను ప్రారంభించారు. అనంతరం ఉగాది ఉత్సవాల సందర్భంగా నిర్వహించిన వివిధ పోటీల్లో గెలుపొందిన విజేతలకు బహుమతులను ప్రదర్శించారు.

వీరఘట్టం/పాలకొండ రూరల్‌: మండలంలోని తూడి జంక్షన్‌ వద్ద సీఎస్పీ రహదారిపై ఆదివారం రాత్రి జరిగిన రోడ్డు ప్రమాదంలో గాయపడిన మీసాల తిరుపతిరావు (39) అనే వ్యక్తి శ్రీకాకుళంలోని ఓ ప్రైవేట్‌ ఆస్పత్రిలో చికిత్స పొందుతూ మృతి చెందినట్లు ఎస్సై జి.కళాధర్‌ సోమవారం తెలిపారు. మృతుని భార్య సరస్వతి ఇచ్చిన ఫిర్యాదుపై కేసు నమోదు చేసి దర్యాప్తు చేస్తున్నట్లు చెప్పారు. బైక్‌పై వస్తున్న తిరుపతిరావును వెనుక నుంచి వస్తు న్న ఆర్టీసీ బస్సు ఢీ కొట్టడంతో ఈ ప్రమాదం సంభవించింది. ప్రమాదానికి కారణమైన డ్రైవర్‌ను అదుపులోకి తీసుకున్నట్లు ఎస్సై తెలిపారు. తిరుపతిరావు మృతితో పాలకొండ మండలం పొట్లిలో విషాదఛాయలు అలము కున్నాయి. మృతుడికి భార్యతో పాటు హర్షవర్థన్‌, సుధీర్‌ అనే ఇద్దరు కుమారులున్నారు.పోలీసుల అదుపులో గంజాయి నిందితులు..? రామభద్రపురం: మండలంలోని కొట్టక్కి పోలీస్‌ చెక్‌పోస్టు వద్ద ఫిబ్రవరి 10వ తేదీన ఒడిశా నుంచి తరలిస్తున్న 150 కిలోల గంజాయి పోలీసులకు పట్టుబడగా.. కారు వదిలేసి అందులో ఉన్న నిందితులు పరారైన సంగతి తెలిసిందే. వెంటనే ఈ వ్యవహారంపై సీఐ నారాయణరావు, ఎస్సై వి. ప్రసాదారావు కేసు నమోదు చేసి ముమ్మర దర్యాపు చేపట్టడంతో నలుగురు నిందితులు దొరికి పోలీసుల అదుపులో ఉన్నట్లు సమాచారం. అదుపులో ఉన్న నలుగురు నిందితుల్లో ఒకరు అల్లూరి సీతారామరాజు జిల్లా పెదబయలు గ్రామానికి చెందిన వాడు కాగా.. ఇద్దరు విశాఖ జిల్లా అనందరంపురానికి చెందిన వారని తెలిసింది. అలాగే ఇంకొకరు విజయనగరం జిల్లా ఎస్‌.కోటకు చెందిన వ్యక్తి అని సమాచారం. వీరు ఈ గంజాయిని ఎక్కడి నుంచి తెస్తున్నారు..? ఎక్కడికి తీసుకెళుతున్నారు..? అక్రమ రవాణా వెనుక ఎవరున్నారు..? అనే కోణంలో పోలీసులు విచారిస్తున్నారు. నిందితులను ఎస్పీ ఎదుట మంగళవారం హాజరుపరచనున్నట్లు సమాచారం. జోరుగా గ్రావెల్‌ తవ్వకాలు భామిని: మండలంలోని బురుజోల – పసుకుడి మెట్ట వద్ద గ్రావెల్‌ అక్రమ తవ్వకాలు జోరుగా సాగుతున్నాయి. మూడు రోజులుగా తవ్వకాలు జరుగుతున్నా సంబంధిత అధికారులు పట్టించుకోవడం లేదనే విమర్శలు వినిపిస్తున్నాయి. ఏకంగా జేసీబీలతో తవ్వకాలు చేపట్టి ట్రాక్టర్ల సహాయంతో ఇతర ప్రాంతాలకు తరలిస్తున్నారు. ఇప్పటికై నా సంబంధిత అధికారులు స్పందించి తవ్వకాలపై దృష్టి సారించాలని ప్రజలు కోరుతున్నారు. రైల్వే ట్రాక్‌పై మృతదేహం సీతానగరం: మండలంలోని సీతానగరం – గుమ్మిడివరం గ్రామాల మధ్య గల రైల్వే ట్రాక్‌పై ఓ వ్యక్తి మృతదేహాన్ని సోమవారం గుర్తించారు. స్థానికుల ద్వారా విషయం తెలుసుకున్న రైల్వే హెచ్‌సీ బి. ఈశ్వరరావు మృతదేహాన్ని పరిశీలించి, పోస్టుమార్టం నిమిత్తం విజయనగరం ప్రభుత్వాస్పత్రికి తరలించారు. రైలు నుంచి జారిపడి మృతి చెందాడా.. లేక రైలు ఢీ కొనడం వల్ల ప్రమాదం జరిగిందా అన్న విషయమై పోలీసులు విచారణ చేపడుతున్నారు. మృతుడి వద్ద లభించిన ఆధారాలను బట్టి అతను ఒడిశా రాష్ట్రం గంజాం జిల్లాకు చెందిన అరుణ బలేరా (40) సన్నాఫ్‌ మోహన్‌ బలేరాగా గుర్తించారు. కానిస్టేబుల్‌కు సీమంతం సాలూరు: మండల కేంద్రంలోని పోలీస్‌స్టేషన్‌లో విధులు నిర్వహిస్తున్న కానిస్టేబుల్‌ బి. ప్రమీలకు ఏఎస్పీ అంకిత సురానా, సహచర సిబ్బంది సోమవారం స్థానిక స్టేషన్‌ ఆవరణలో సీమంతం చేపట్టారు. పీఎస్‌ను తనిఖీ చేయడానికి వచ్చిన ఏఎస్పీ అంకిత సురానాకు మహిళా కానిస్టేబుల్‌ గర్భంతో ఉన్న విషయం తెలిసింది. వెంటనే సహచర సిబ్బంది సహకారంతో సీమంతం నిర్వహించి, తీసుకోవాల్సిన జాగ్రత్తలపై అవగాహన కల్పించారు. మహిళా కానిస్టేబుల్‌కు సీమంతం నిర్వహించడంపై ఏఎస్పీని పలువురు అభినందించారు.

మండుతున్న ఎండలు..●40 డిగ్రీలకు చేరుకుంటున్న ఉష్ణోగ్రతలు ●ఉదయం నుంచే ఎండ తీవ్రతతో ఇబ్బందులు పడుతున్న వాహనచోదకులు, ప్రయాణికులు ●చలివేంద్రాలపై ప్రకటనలకే పరిమితమవుతున్న అధికారులు మరో సైబర్‌ మోసం..హత్య కేసు ఛేదనసాక్షి, పార్వతీపురం మన్యం: జిల్లాలో మార్చి నెలలోనే ఎండలు ఠారెత్తించాయి. 40 డిగ్రీలకు పగటి ఉష్ణోగ్రతలు చేరుకున్నాయి. ఇంకా ఏప్రిల్‌ మొదలైంది. మున్ముందు ఎలా ఉంటుందోనని ప్రజలు ఆందోళన చెందుతున్నారు. ఉదయం 9 గంటల నుంచే ఎండ ప్రభావం కనిపిస్తోంది. మధ్యాహ్నం 12 గంటలయ్యేసరికి రహదారులు నిర్మానుష్యంగా మారుతున్నాయి. సాయంత్రమైనా వేడి వాతావరణం తగ్గడం లేదు. ఇళ్లలో ఉన్నప్పటికీ.. ఏసీలు, కూలర్లు ఉంటేనే గానీ.. భరించలేని పరిస్థితి. వేడిగాలులు ఉక్కిరిబిక్కిరి చేస్తున్నాయి. జిల్లాలోని బలిజిపేట, భామిని, గరుగుబిల్లి, గుమ్మలక్ష్మీపురం, జియ్యమ్మవలస, కొమరాడ, పార్వతీపురం, సీతానగరం తదితర మండలాల్లో 40 డిగ్రీల వరకు ఉష్ణోగ్రతలు నమోదవుతున్నాయి. జిల్లాలోని 15 మండలాల పరిధిలో గత నెల 30వ తేదీన నాలుగు మండలాలు, 31న 10 మండలాల్లో వేడిగాలుల ప్రభావం కనిపించింది. ఈ నెల ఒకటో తేదీన మంగళవారం కూడా ఎనిమిది మండలాల్లో వేడిగాలులు ఉంటాయని విపత్తుల నిర్వహణ శాఖ చెబుతోంది. వారం రోజుల కిందట రాత్రి వేళ కురిసిన గాలులు, వర్షం మినహాయించి.. మిగిలిన రోజుల్లో చినుకు జాడ లేకపోవడంతో మూగజీవాలు సైతం నీటి కోసం అల్లాడిపోతున్నాయి. పశువులకు తాగునీరు అందించేందుకు జిల్లాలో 411 పశువుల తొట్టెలు మంజూరయ్యాయి. వీటి పనులు ప్రారంభించాల్సి ఉంది. కానరాని చలివేంద్రాలు గతంలో వేసవిలో ప్రభుత్వపరంగా మంచినీటి చలివేంద్రాల ఏర్పాటుకు చర్యలు తీసుకునేవారు. మండల కేంద్రంతో పాటు.. రద్దీ కూడళ్లలో వీటిని ఏర్పాటు చేసేవారు. ఇందుకోసం ప్రభుత్వాలు ప్రత్యేకంగా నిధులు కేటాయించేవి. దీంతో పాటు.. స్వచ్ఛంద సంస్థల ప్రతినిధుల సహకారంతో కొన్ని ప్రాంతాల్లో మజ్జిగ, మంచినీటి చలివేంద్రాలు వెలిసేవి. ఏప్రిల్‌ వస్తున్నా ప్రభుత్వపరంగా చలివేంద్రాల జాడ ఎక్కడా లేదు. కేవలం అధికారుల ప్రకటనలకే పరిమితమవుతున్నాయన్న విమర్శలు ప్రయాణికులు, వాహనచోదకుల నుంచి వ్యక్తమవుతున్నాయి. దాహం వేస్తే మంచినీటి బాటిళ్లపైనే ఆధారపడాల్సి వస్తోంది. రూ.20 చొప్పున నీటి బాటిల్‌ కొనుగోలు చేసుకోవాల్సి వస్తోందని బాటసారులు, వాహనచోదకులు చెబుతున్నారు. దీనిని వ్యాపారులు సొమ్ముచేసుకుంటున్నా రు. ఏజెన్సీ ప్రాంతం కావ డంతో శుద్ధిచేయని నీటినే సీసాల్లో నింపి విక్రయిస్తున్నారు. ఇటువంటి నీటిని తాగడం వల్ల ఆరోగ్యం దెబ్బతినే ప్రమాదం ఉంటుందని వైద్యులు హెచ్చరిస్తున్నారు. మరోవైపు ఉపాధి హామీ పనుల వద్ద మజ్జిగ, తాగునీరు, మెడికల్‌ కిట్లు, టెంట్లు వంటివి కానరావడం లేదు. ఎండల్లోనే వేతనదారులు పనులు చేయాల్సిన పరిస్థితి ఏర్పడుతోంది. ప్రత్యేకంగా పనుల వద్ద ఈ సౌకర్యాలు కల్పించడానికి పెద్ద ఎత్తున నిధులు విడుదలవుతున్నా.. క్షేత్రస్థాయిలో వాటి జాడ కనిపించడం లేదు. ప్రస్తుతం ఎండల తీవ్రత ఎక్కువగా ఉన్నందువల్ల వడదెబ్బ బారిన పడకుండా వివిధ జాగ్రత్తలు తీసుకోవాలని వైద్యనిపుణులు చెబుతున్నారు. ●ఎక్కువగా నీటిని తాగాలి. కొబ్బరినీరు, ఓఆర్‌ఎస్‌ ద్రావణం, ఉప్పు కలిపిన మజ్జిగ, గ్లూకోజు వంటివాటితోపాటు.. నీటి శాతం అధికంగా లభించే కర్బూజా వంటివాటిని తీసుకోవాలి. ●వీలైనంత వరకు ఎండలో తిరగడం తగ్గించాలి(ముఖ్యంగా మధ్యాహ్నం 12 నుంచి 3 గంటల్లోపు). తప్పనిసరి పరిస్థితుల్లో టీపీ, చలువ కంటి అద్దాలు, గొడుగు ధరించాలి. లేత కాటన్‌ రంగు దుస్తులను ధరించాలి. ●శీతల పానీయాలకు దూరంగా ఉండాలి. సురక్షిత నీటినే తాగాలి. ●తీవ్రమైన ఎండలో బయటకు వెళ్లినప్పుడు తల తిరగడం, వాంతులు, ఇతర అనారోగ్య సమస్యలు ఏర్పడితే వెంటనే దగ్గరలోని వైద్యుడిని సంప్రదించాలి. ●ఇంటి వాతావరణం చల్లగా ఉంచుకోవాలి. అనుమానాస్పద స్థితిలో విద్యార్థి మృతి గంట్యాడ: అనుమానాస్పద స్థితిలో విద్యార్థి మృతి చెందాడు. వివరాల్లోకి వెళితే.. కొర్లాం గ్రామానికి చెందిన ఇందుకూరి స్నేహితగుప్తాకు (9) ఆదివారం సాయంత్రం జ్వరం రావడంతో వారి తాత, అమ్మమ్మలు లక్కిడాం జంక్షన్‌లో ఉన్న ఓ ప్రైవేట్‌ క్లినిక్‌కు తీసుకెళ్లారు. సోమవారం సాయంత్రం మరలా గుప్తాకు వాంతులు కావడంతో విజయనగరంలో ఉన్న ప్రభుత్వ సర్వజన ఆస్పత్రికి తీసుకెళ్లారు. సర్వజన ఆస్పత్రి వైద్యులు బాలుడ్ని పరీక్షించగా అప్పటికే మృతి చెందినట్లు గుర్తించారు. అయితే మృతిపై అనుమానాలున్నాయని కుటుంబ సభ్యులు ఆరోపించడంతో మృతదేహానికి పోస్టుమార్టం చేయాలని నిర్ణయించి, మార్చురీ గదికి తరలించారు. స్నేహిత గుప్తా తల్లిదండ్రులు హైదరాబాద్‌లో ఉంటున్నారు. చిన్నారి తాతగారింట్లో ఉంటూ ఓ ప్రైవేట్‌ పాఠశాలలో 3వ తరగతి చదువుకుంటున్నాడు. ● ఏఎస్సైనంటూ పరిచయం చేసుకుని డబ్బులు వసూలు చేసిన వైనం ● బాధితుల ఫిర్యాదు మేరకు కేసు నమోదుసంతకవిటి: మండలంలో మరో సైబర్‌ మోసం చోటుచేసుకుంది. ఏఎస్సైనంటూ ఓ వ్యక్తి కొంతమందిని పరిచయం చేసుకుని డబ్బులు వసూలు చేసి మోసగించాడు. దీంతో బాధితుల ఫిర్యాదు మేరకు స్థానిక పోలీసులు కేసు నమోదు చేశారు. ఎస్సై ఆర్‌. గోపాలరావు తెలియజేసిన వివరాల మేరకు.. వినాయక మోడరన్‌ రైస్‌ మిల్‌, వినాయక ట్రేడర్స్‌ యజమాని పొట్నూరు శ్రీనివాసరావుకు శనివారం సాయంత్రం అపరిచిత వ్యక్తి నుంచి ఫోన్‌ వచ్చింది. తాను మండల పోలీస్‌స్టేషన్‌కు కొత్తగా వచ్చిన ఏఎస్సైనని.. ఎస్సై కుమారుడికి బాగోలేకపోవడంతో శ్రీకాకుళం ఆస్పత్రిలో చేర్పించామని చెప్పాడు. అర్జంటుగా ఎస్సైకి డబ్బులు పంపించాలి.. నా దగ్గర క్యాష్‌ ఉంది, మీరు నాకు ఫోన్‌పే చేస్తే నేను ఆయనకు డబ్బులు పంపిస్తాను.. మీరు స్టేషన్‌కు వచ్చి డబ్బులు తీసుకోండని అపరిచిత వ్యక్తి చెప్పారు. అయితే శ్రీను తన దగ్గర డబ్బుల్లేవని బదులివ్వడంతో.. నేను కొత్తగా వచ్చాను, నాకు ఎవ్వరూ పరిచయస్తులు లేరు.. తెలిసిన వారుంటే చెప్పమని అపరిచిత వ్యక్తి కోరాడు. దీంతో శ్రీను స్పందిస్తూ సంతకవిటికి చెందిన బొద్దాన సుధాకర్‌, గరికిపాడు గ్రామానికి చెందిన కోరాడ సంతోష్‌కుమార్‌, వాసుదేవపట్నం గ్రామానికి చెందిన మొదలవలస అప్పలసూరిలతో మాట్లాడి వాళ్ల ఫోన్‌ నంబర్లు ఇచ్చాడు. వారికి అపరిచిత వ్యక్తి ఫోన్‌ చేసి రూ. 12 వేలు, రూ. 15 వేలు, రూ. 70 వేలు ఫోన్‌ పే చేయించుకున్నాడు. మరుచటి రోజు వారంతా డబ్బులు తీసుకునేందుకు స్టేషన్‌కు వెళ్లగా.. కొత్త ఏఎస్సైగా ఎవ్వరూ రాలేదని సిబ్బంది బదులిచ్చారు. వెంటనే అపరిచత వ్యక్తి నంబర్‌కు ఫోన్‌ చేయగా స్విచ్ఛాఫ్‌ వచ్చింది. బాధితుల ఫిర్యాదు మేరకు ఎస్సై గోపాలరావు సోమవారం కేసు నమోదు చేసి దర్యాప్తు చేస్తున్నారు.మెరకముడిదాం మండలంలో మామిడి కాయలకు తొడిగిన కవర్లుఎండలతో జాగ్రత్తలు తప్పనిసరి..

పిల్లలు ఇబ్బంది పడుతున్నారు పాఠశాలల్లో చదువుతున్న పిల్లలు ప్రత్యేక తరగతులు ముగించుకుని ఇంటికి వచ్చే సమయానికి చీకటి పడడంతో ఇబ్బంది పడుతున్నారు. వారు ఇంటికి చేరుకునేంత వరకు భయంభయంగా ఉంటోంది. విషసర్పాలు, కీటకలు ఎక్కువగా సంచరిస్తుంటాయి. అధికారులు స్పందించి లైట్లు వేయాలి. – ఎం.గిరిప్రసాద్‌, వసుంధర్‌నగర్‌ ప్రమాదాలు జరిగే అవకాశం.. రాష్ట్రీయ రహదారి కావడంతో భారీ వాహనాలు అతివేగంతో రాకపోకలు సాగిస్తుంటాయి. విద్యుత్‌ దీపాలు లేకపోవడంతో వాహనం వెళ్లిపోయిన తర్వాత కాసేపు రోడ్డు కనిపించడం లేదు. ఆ సమయంలో ప్రమాదాలు జరిగే అవకాశం ఉంది. అధికారులు స్పందించి వీధి లైట్లు ఏర్పాటు చేయాలి. – గండి రాంబాబు, విద్యానగర్‌ పార్వతీపురం రూరల్‌: జిల్లా కేంద్రమైన పార్వతీపురం పట్టణ ప్రారంభంలో రహదారికి ఇరువైపులా విద్యుత్‌ దీపాలు లేకపోవడంతో అంధకారం నెలకొంది. దీంతో చీకటిలోనే రాకపోకలు సాగించాల్సిన పరిస్థితి నెలకొంది. రాష్ట్రీయ రహదారికి అనుసరించి ఉన్న వైకేఎం కాలనీ, వసుంధర నగర్‌, శక్తినగర్‌, ఆఫీషియల్‌ కాలనీ, విద్యానగర్‌ వరకు రహదారికి ఇరువైపులా విద్యుత్‌ లైట్లు లేవు. దీంతో ఆయా ప్రాంతాల ప్రజలు సాయంత్రం ఏడు దాటితే ఇంటి నుంచి బయటకు రావడానికే భయపడుతున్నారు. ఉద్యోగస్తులు, విద్యార్థులు తప్పనిసరి పరిస్థితుల్లో చీకటిలోనే భయం భయంగా ఇంటికి చేరుకుంటున్నారు. అధికారులు స్పందించి విద్యుత్‌ దీపాలు ఏర్పాటు చేయాలని ఆయా ప్రాంతాల వాసులు కోరుతున్నారు. ఇబ్బందిపడుతున్న ప్రజలు

● జీడిమామిడికి తెగుళ్ల దెబ్బ ● తగ్గనున్న దిగుబడి ● ఆందోళనలో రైతులుసీతంపేట: గిరిజనుల ప్రధాన ఆదాయ వనరుగా భావిస్తున్న జీడిపంట ఈ ఏడాది దెబ్బతింది. అగ్గి తెగులు వల్ల కొన్ని ప్రాంతాల్లో పూత మాడిపోవడంతో గిరిజనులు ఆందోళన చెందుతున్నారు. పూర్తిస్థాయిలో దిగుబడి రాకపోవడంతో గిరిజనులకు ఏం చేయాలో తెలియని పరిస్థితి ఏర్పడింది. అధిక ఉష్ణోగ్రత, తేనె మంచుతో పూత రాలేదు. అక్కడక్కడ తోటల్లో కొద్దిపాటి పూత వచ్చిందంటే అది కూడా మాడిపోయింది. సీతంపేట ఐటీడీఏ పరిధిలో టీపీఎంయూ పరిధిలోని ఏడు మండలాల్లో దాదాపు 15 వేల హెక్టార్లలో జీడిపంట సాగవుతుండగా.. ఈ పంటపై సుమారు 12 వేల మంది రైతులు ఆధారపడి ఉన్నారు. ఏప్రిల్‌, మే నెలల్లో పంట చేతికందాల్సి ఉంది. అయితే ఈ ఏడాది సుమారు ఐదువేల హెక్టార్లలలో కూడా పంట పూర్తి స్థాయిలో పండిన దాఖలాలు లేవు. గతంలో ఈ సీజన్‌లో సుమారు రెండు నుంచి మూడు వేల టన్నుల వరకు జీడిపిక్కల దిగుబడి ఉండేది. ఈ ఏడాది వెయ్యి టన్నుల లోపు కూడా దిగుబడి వచ్చే అవకాశం కనిపించడం లేదని రైతులు చెబుతున్నారు. ప్రతి ఏటా ఒక్కో గిరిజన కుటుంబానికి జీడి పంట వల్ల రూ.50 వేల నుంచి 2 లక్షల రూపాయల వరకు ఆదాయం వచ్చేది. ఈ ఏడాది రూ.20 వేలు కూడ వచ్చే అవకాశం లేదని రైతులు చెబుతున్నారు. ఎక్కువగా కుశిమి, కోడిశ, శంభాం, కె.గుమ్మడ, దోనుబాయి, పొల్ల, పెదరామ, మర్రిపాడు, పూతికవలస, చిన్నబగ్గ, పెద్దబగ్గ, కీసరజోడు, తదితర పంచాయతీల పరిధిలో జీడి ఎక్కువగా సాగవుతోంది. ఉద్యానవన పంటలను ప్రోత్సాహించాలనే ఉద్దేశంతో గతంలో ఐటీడీఏ కూడా జీడిమామిడి మొక్కలు సరఫరా చేసింది. అవి కూడా సరైన దిగుబడి ఇవ్వకపోవడంతో ఏం చేయాలో తెలియక రైతులు తలలు పట్టుకుంటున్నారు.

విజయనగరం టౌన్‌: ఉత్తరాంధ్రుల ఆరాధ్య దైవం, కోరిన కోర్కెలు తీర్చే కల్పవల్లి శ్రీ పైడితల్లి అమ్మవారి ఆలయం ఆదివారం ఉగాది శోభను సంతరించుకుంది. ఆలయ ఇంచార్జ్‌ ఈఓ కెఎన్‌విడివి.ప్రసాద్‌ నేత్రత్వంలో అమ్మవారికి పుష్పాలంకరణలో సర్వాంగ సుందరంగా తీర్చిదిద్దారు. అనంతరం అమ్మవారికి బూరెలతో నివేదన చేశారు. ఆలయమంతా పుష్పాలతోనూ, యాపిల్‌ పండ్లు, ద్రాక్ష పండ్లతో అలంకరించారు. భక్తులు అమ్మవారిని దర్శించి పసుపు, కుంకుమలను సమర్పించి మొక్కుబడులు చెల్లించుకున్నారు. అనంతరం ఉగాది పర్వదినం పురస్కరించుకుని వేదపండితులను ఘనంగా సత్కరించి వారికి నగదు పురస్కారాలను అందజేశారు. స్థానిక రైల్వేస్టేషన్‌ వద్దనున్న వనంగుడి ఆవరణలో అమ్మవారికి నేతేటి ప్రశాంత్‌ ప్రత్యేక పూజలు నిర్వహించారు. ఆలయ ఆవరణలో వేదపండితులు రాళ్లపల్లి రామసుబ్బారావు పంచాంగ శ్రవణం చేశారు. కార్యక్రమంలో వేదపండితులు దూసి శివప్రసాద్‌, తాతా రాజేష్‌, సాయికిరణ్‌, నరసింహమూర్తి, దూసి కృష్ణమూర్తిలు సహకార మందించారు.

సాలూరు: శ్రీరామచంద్రుని ఆశీస్సులతో ప్రజలందరూ సుఖసంతోషాలతో వర్థిల్లాలని మాజీ డిప్యూటీ సీఎం, మాజీ గిరిజన సంక్షేమ శాఖా మంత్రి పీడిక రాజన్నదొర ఆకాంక్షించారు. పట్టణంలోని వెలమపేట, డబ్బివీధి, తదితర ప్రాంతాల్లో శ్రీరామనవమి ఉత్సవాలు ఆదివారం ఘనంగా ప్రారంభమయ్యాయి. ఈ సందర్భంగా సీతారాముల విగ్రహాలను రథంలో ఉంచి మేళతాళాల నడుమ ఊరేగించారు. ఈ కార్యక్రమంలో పీడిక రాజన్నదొర పాల్గొని రథం లాగారు. ఈ సమయంలో భక్తులు జై శ్రీరామ్‌ అంటూ నినాదాలు చేయడంతో ఆ ప్రాంతం మార్మోగిపోయింది. బైక్‌ రికవరీ పార్వతీపురం రూరల్‌: రెండు రోజుల వ్యవధిలో పోయిన బైక్‌ను పోలీసులు రికవరీ చేశారు. పార్వతీపురం రూరల్‌ ఎస్సై బి. సంతోషి తెలియజేసిన వివరాల మేరకు.. ఈ నెల 28న పార్వతీపురం రూరల్‌ పరిధి వైకేఎం కాలనీలోని ఓ కిరాణా దుకాణం వద్ద పార్క్‌ చేసిన పల్సర్‌ ఎన్‌ఎస్‌ 200 ద్విచక్ర వాహనాన్ని ఎవరో దొంగిలించారు. దీంతో బాధితుడు ఆదిత్య (సీతానగరం మండలం) మరుచటి రోజు పోలీసులకు ఫిర్యాదు చేశాడు. దీంతో ఎస్సై సంతోషి ఆధ్వర్యంలో పోలీసులు సమీపంలో ఉన్న సీసీ కెమెరాల పుటేజీ ఆధారంగా మక్కువ మండలానికి చెందిన ఇద్దరు మైనర్ల నుంచి బైక్‌ను స్వాధీనం చేసుకున్నారు. ద్విచక్ర వాహనం ఢీకొని వ్యక్తి మృతి గంట్యాడ: ద్విచక్ర వాహనం ఢీకొని ఒకరు మృతి చెందిన సంఘటన ఆదివారం చోటుచేసుకుంది. బాధిత కుటుంబ సభ్యులు తెలియజేసిన వివరాల మేరకు.. కొఠారుబిల్లి కనకదుర్గమ్మ ఆలయం వెనుక ఉంటున్న కురిమిశెట్టి కృష్ణ అనే వ్యక్తి ఇంటికి వెళ్తుండగా.. వెనుక నుంచి వచ్చిన ద్విచక్ర వాహనచోదకుడు ఢీకొట్టాడు. దీంతో కృష్ణ తలకు బలమైన గాయాలు కావడంతో స్థానికులు విజయనగరంలోని ప్రభుత్వ సర్వజన ఆస్పత్రికి తరలించారు. అక్కడ చికిత్స పొందుతూ కృష్ణ మృతి చెందాడు. మృతుడికి భార్య, ఇద్దరు పిల్లలున్నారు. గంట్యాడ పోలీసులు కేసు నమోదు చేసి దర్యాప్తు చేస్తున్నారు. రోడ్డు ప్రమాదంలో వ్యక్తికి గాయాలు వీరఘట్టం: మండలంలోని తూడి జంక్షన్‌ వద్ద సీఎస్పీ రహదారిపై ఆదివారం రాత్రి జరిగిన రోడ్డు ప్రమాదంలో మీసాల తిరుపతిరావు అనే వ్యక్తికి తీవ్ర గాయాలయ్యాయి. స్థానికులు తెలియజేసిన వివరాలు ఇలా ఉన్నాయి. పాలకొండ మండలం పొట్లి గ్రామానికి చెందిన తిరుపతిరావు వీరఘట్టం నుంచి తన స్వగ్రామానికి బైక్‌పై వెళుతుండగా.. పాలకొండ నుంచి పార్వతీపురం వెళ్తున్న ఆర్టీసీ బస్సు ఢీ కొట్టింది. దీంతో తిరుపతిరావుకు తీవ్ర గాయాలయ్యాయి. వెంటనే స్థానికులు స్పందించి 108 వాహనంలో పాలకొండ ఏరియా ఆస్పత్రికి తరలించారు. ప్రథమ చికిత్స అనంతరం మెరుగైన వైద్యం కోసం శ్రీకాకుళం రిమ్స్‌కు రిఫర్‌ చేశారు. రామతీర్థానికి శ్రీరామనవమి శోభ నెల్లిమర్ల రూరల్‌: సుప్రసిద్ధ పుణ్యక్షేత్రమైన రామతీర్థం శ్రీ రామస్వామి వారి దేవస్థానానికి శ్రీరామనవమి శోభ సంతరించుకుంది. శ్రీరామనవమి ఉత్సవాల్లో భాగంగా ఆదివారం నుంచి కల్యాణ వసంతోత్సవాలు వేడుకగా ప్రారంభమయ్యాయి. వేకువ జామున స్వామి కి సుప్రభాత సేవ, బాలభోగం తదితర కార్యక్రమాలను అర్చకులు నిర్వహించారు. అనంతరం ఆస్థాన మండపంలోనికి స్వామివారిని వేచింపజేసి విశ్వక్సేరాధన, అంకురారోపణ, ఋత్విగ్వరణం తదితర కార్యక్రమాలను శాస్త్రోక్తంగా జరిపించారు. వివిధ ప్రాంతాల నుంచి విచ్చేసిన సుమారు 40 మంది ఋత్విక్కులచే ఈ నెల 6వ తేదీ వరకు శ్రీమద్రామాయణ, సుందరకాండ, సహస్ర నామ తులసీ దళార్చన, కుంకుమార్చనలు అత్యంత వైభవంగా జరగనున్నాయి. ఆ రోజు శ్రీరామనవమిని పురస్కరించుకొని సీతారాముల కల్యాణాన్ని వేడుకగా జరిపించనున్నారు. వేద రుత్విక్కులచే పారాయణాలు స్వామివారి ఆస్థాన మండపం వద్ద వివిధ ప్రాంతాల నుంచి విచ్చేసిన రుత్విక్కులచే శ్రీమద్రామయణం, సుందరకాండ పారాయణాలు, సుదర్శన శతకం, నాలాయర దివ్య ప్రబంధ, తులసీ దళార్చన, కుంకుమార్చన కార్యక్రమాలను శాస్త్రోక్తంగా జరిపించారు. అనంతరం యాగశాలలో సుందరాకాండ, గాయత్రీ రామాయణాలు, సుదర్శన శతకం హోమాలను నిర్వహించి అగ్నిప్రతిష్టాపనను గావించారు.

● నాలుగు తులాల బంగారు ఆభరణాలు, రెండు లక్షల రూపాయల నగదు అపహరణ పూసపాటిరేగ: మండలంలోని పేరాపురం గ్రామంలో దొంగతనం జరిగింది. బాధితులు, పోలీసులు తెలియజేసిన వివరాలు ఇలా ఉన్నాయి.. గ్రామానికి చెందిన గురుగుబిల్లి కసవయ్య కుటుంబ సభ్యులతో కలిసి ఈ నెల 26న తిరుపతి వెళ్లాడు. దర్శనం అనంతరం 29వ తేదీ అర్ధరాత్రి ఇంటికి చేరుకున్నారు. ఆ సమయంలో ఇంటి తలుపు తెరిచి ఉండడంతో వెంటనే లోనికి వెళ్లి చూడగా బీరువాలోని నాలుగు తులాల బంగారు ఆభరణాలు, రెండు లక్షల రూపాయల నగదు కనిపించలేదు. వెంటనే స్థానిక పోలీసులకు బాధితులు ఫిర్యాదు చేయగా.. ఎస్సై ఐ. దుర్గాప్రసాద్‌, తదితరులు ఆదివారం గ్రామానికి చేరుకుని పరిస్థితిని సమీక్షించారు. బీరువాను క్షుణ్ణంగా పరిశీలించి, తెలిసిన వారు దొంగతనం చేశారా.. బయట వ్యక్తులు వచ్చారా అన్న కోణంలో దర్యాప్తు చేస్తున్నారు.

సాక్షి, పార్వతీపురం మన్యం: ‘‘మహిళలను వెన్నుతట్టి ప్రోత్సహిస్తే ఏ రంగంలోనైనా విజేతలవుతారు. అమ్మాయిలు ఇష్టమైన రంగాన్ని ఎంచుకోవాలి. డాక్టర్‌, పోలీస్‌, ఇంజినీర్‌.. ఇలా ఏదైనా సరే! దాన్ని సాధించేందుకు ఎదురైన ప్రతి సవాల్‌నూ ఛాలెంజింగ్‌గా తీసుకోవాలి. ఎవ్విరిథింగ్‌ ఈజ్‌ పాజిబుల్‌.. కష్టపడితే గెలుపు మన ముందు వచ్చి వాలుతుంది..’’ ............................................................... ‘‘పార్వతీపురం మన్యం జిల్లా లాంటి ఏజెన్సీ ప్రాంతంలో పని చేయడం గొప్ప అనుభూతినిస్తోంది. ఇక్కడ గిరిజన జనాభా అధికం. నిరక్షరాస్యత కూడా ఉంది. గత కొన్నేళ్లుగా కొంత మార్పు కనిపిస్తోంది. బాలికలు విద్య, క్రీడలు, ఇతర రంగాల్లో ప్రావీణ్యం పొందుతున్నారు. వారిలో మరింత చైతన్యం తీసుకొచ్చేందుకు నా వంతుగా ప్రయత్నిస్తున్నా. పాఠశాలలు, కళాశాలలకు స్వయంగా వెళ్లి వివిధ అంశాలపై వివరిస్తున్నా. కేవలం భద్రతనే కాదు.. కెరియర్‌ కోసం కూడా వివరిస్తుండటం సంతృప్తినిస్తోంది.’’ ............................................................... చిన్నప్పుడు అందరిలానే తనూ ఒక సాధారణ అమ్మాయి. చదువు, ఆటపాటలే లోకం. డిగ్రీ చదువుతున్న సమయంలో.. సమాజంలో తన పాత్ర ఏమిటో అవగతమైంది. ఈ సొసైటీకి.. ప్రధానంగా మహిళలు, బాలికల కోసం ఏం చేయాలన్న ప్రశ్నలోనే.. ‘ఐపీఎస్‌’ అన్న లక్ష్యం బోధపడింది. ఆమే.. యువ ఐపీఎస్‌ అధికారిణి, పార్వతీపురం ఏఎస్పీ అంకిత సురాన. అత్యున్నతమైన ఇండియన్‌ పోలీస్‌ సర్వీస్‌కు ఎంపిక కావడమే కాదు.. శిక్షణలోనూ ప్రతిభను చూపారు. నేడు విధి నిర్వహణలోనూ ‘ఫ్రెండ్లీ పోలీస్‌’ అన్న పదానికి అసలైన నిర్వచనం చెబుతూ, క్లిష్టమైన కేసుల్లోనూ తన మార్కు చూపిస్తూ.. విజయవంతమైన అధికారిణిగా గుర్తింపు పొందారు. రాష్ట్రానికి మారుమూలన ఉన్న పార్వతీపురం మన్యం జిల్లాలో శాంతిభద్రతల పరిరక్షణ, యువతకు దిశానిర్దేశం చేయడంలో ముందుంటున్నారు. తన కుటుంబ నేపథ్యం, ఈ రంగంలోకి రావడానికి కారణం, విధి నిర్వహణలో సక్సెస్‌ఫుల్‌ జర్నీని ‘సాక్షి’తో పంచుకున్నారు. ఆ వివరాలు ఆమె మాటల్లోనే... శిక్షణ తర్వాత చాలా మార్పు సివిల్స్‌ సాధించిన తర్వాత శిక్షణ పూర్తయ్యాక నాలో చాలా మార్పు వచ్చింది. పట్టుదల పెరిగింది. ప్రజలకు సేవ చేయడాన్ని స్ఫూర్తిగా తీసుకున్నా. బాలలు, మహిళల రక్షణ కోసం పని చేయాలని అనిపించింది. ఈ రంగంలో తల్లిదండ్రులు ఎంతగానో ప్రోత్సహించారు. 2023లో గ్రేహౌండ్స్‌లో విశాఖలో విధుల్లో చేరా. తర్వాత పార్వతీపురం ఏఎస్పీగా వచ్చా. ఈ జాబ్‌ పొందడం చాలా లక్కీ! మరిచిపోలేని అనుభూతి.. రాష్ట్రస్థాయి రిపబ్లిక్‌డే వేడుకల పరేడ్‌ కమాండర్‌గా వ్యవహరించడం మరిచిపోలేని అనుభూతి. గర్వపడే సందర్భం. చాలా ఆనందం అనిపించింది. ఒక వారం శిక్షణ పొంది విజయవంతంగా పరేడ్‌ పూర్తి చేయగలిగాం. నాకు అవకాశమిచ్చిన అందరికీ కృతజ్ఞతలు తెలియజేసుకుంటున్నా. నేటి తరానికి ఇచ్చే సందేశం.. నథింగ్‌ ఈజ్‌ ఇంపాజిబుల్‌. ఎవ్విరిథింగ్‌ ఈజ్‌ పాజిబుల్‌. నేటి తరం బాలికలు, యువతకు చెప్పేదొకటే. విద్యార్థి దశలో చదువు, కెరియర్‌పైనే దృష్టి పెట్టాలి. మీరు ఏ రంగంలో రాణించాలనుకుంటున్నారో గట్టిగా నిర్ణయించుకోవాలి. దాని సాధన దిశగా సాగాలి. పదో తరగతి తర్వాత కెరియర్‌ కౌన్సెలింగ్‌ చాలా ముఖ్యం. ఈ దశలో ఇతర విషయాల జోలికి వెళ్లకుండా, అనవసరంగా సమయం వృథా చేయకుండా భవిష్యత్తు కోసం ఆలోచిస్తే.. మంచి జీవితం లభిస్తుంది. శాంతిభద్రతల పరిరక్షణలో... కుటుంబ నేపథ్యం.. ప్రజల సహకారం ఉంటేనే.. డ్రోన్‌ నిఘా వ్యవస్థను పటిష్టం చేశాం. ఈవ్‌టీజింగ్‌, జూదం, గంజాయి, సారా అక్రమ రవాణా వంటివాటిని డ్రోన్‌ల ద్వారా నిరంతరం పర్యవేక్షిస్తూ, కట్టడి చేస్తున్నాం. ప్రతి ముఖ్య కూడళ్లలోనూ సీసీ కెమెరాలు పెట్టాం. జిల్లాలో టాప్‌ 20 నేరస్తులను గుర్తించాం. వారిపై నిరంతరం ఓ కన్నేసి ఉంచుతున్నాం. మహిళల రక్షణ కోసం ప్రత్యేకంగా శక్తి యాప్‌ అందుబాటులోకి వచ్చింది. ఇందుకోసం పార్వతీపురం, పాలకొండ, సాలూరుల్లో టీమ్స్‌ పని చేస్తున్నాయి. వీరికి ప్రత్యేకంగా ఓ వాహనం ఉంటుంది. 100, 112 నంబర్లకు కూడా అత్యవసర సమయంలో ఫిర్యాదు చేయవచ్చు. నిమిషాల వ్యవధిలోనే పోలీసులు అక్కడ ఉంటారు. గంజాయి, సారా రవాణాపై ఉక్కుపాదం మోపుతున్నాం. కళాశాలలు, పాఠశాలల్లో అవగాహన కార్యక్రమాలు చేపడుతున్నాం. బాలికల కోసం స్వీయ రక్షణ తరగతులు నిర్వహిస్తున్నాం. అత్యవసర పరిస్థితులను ఎలా ఎదుర్కోవాలి.. ఏ విధంగా రక్షణ పొందాలి, భవిష్యత్తును మంచిగా తీర్చిదిద్దుకోవడం వంటి అంశాలపై అవగాహన కల్పిస్తున్నాం. పాఠశాలల్లో ఈగల్‌ టీమ్స్‌ ద్వారానూ అవగాహన పెంచుతున్నాం. చిన్నారులు, మహిళల రక్షణ కోసం వన్‌స్టాప్‌ సెంటర్‌ ఉంది. అక్కడ వారికి అవసరమైన అన్ని విధాల మద్దతు కూడా లభిస్తుంది. సైబర్‌ క్రైమ్‌ మోసాలు రోజుకో విధంగా కొత్త రూపు సంతరించుకుంటున్నాయి. ప్రజలు వాటి బారిన పడకుండా గ్రామాల్లో అవగాహన కార్యక్రమాలు ఆయా ఎస్‌హెచ్‌వోల ద్వారా చేపడుతున్నాం. పోలీస్‌ సిబ్బంది సొంత సమస్యలపైనా ప్రతి శుక్రవారం ప్రత్యేకంగా గ్రీవెన్స్‌ నిర్వహించి, ఫిర్యాదులు స్వీకరిస్తున్నాం. నేను ఎక్కడ పనిచేసినా.. అక్కడ ప్రజలకు, ముఖ్యంగా మహిళలకు, చిన్నారులకు భద్రత కల్పించగలిగితే చాలు.. అంతకంటే సంతృప్తి ఉండదు. ప్రత్యేకించి మహిళలు, చిన్నారులకు పోలీస్‌పై నమ్మకం పెంచేలా పనిచేయగలగాలి. విధి నిర్వహణలో ప్రతి కేసునూ సవాల్‌గానే తీసుకుంటా. పోక్సో కేసులు, వరకట్నం, ఎస్సీ, ఎస్టీ కేసులు, శాంతిభద్రతలు.. ఇలా ఏదైనా బాధితులకు న్యాయం చేయాలి. అప్పుడే విధి నిర్వహణలో సంతృప్తి చెందగలం. మహిళల హక్కులు, చట్టాలపైన అవగాహన కల్పిస్తున్నాం. మహిళా దినోత్సవం సందర్భంగా కొవ్వొత్తుల ర్యాలీ, ఇతర కార్యక్రమాలు చేశాం. చట్టాలు చాలా కఠినంగా ఉన్నాయి. ఏ ఒక్కరూ భయపడకూడదు. ధైర్యంగా ఫిర్యాదు చేసేందుకు ముందుకు రావాలి. ఇటీవల ఒక పోక్సో కేసు వచ్చింది. ఆ అమ్మాయి చాలా డిప్రెషన్‌లోకి వెళ్లిపోయింది. వారం రోజులు కౌన్సెలింగ్‌ ఇచ్చాం. ఇప్పుడు ఆ అమ్మాయి చాలా హ్యాపీగా ఇంటర్‌ పరీక్షలు రాసుకుంటోంది. పార్వతీపురంలో పని చేయడం గొప్ప అనుభూతి అమ్మాయిలు ఎందులోనూ తక్కువ కాదు లక్ష్యం కోసం నిరంతరం శ్రమిస్తే విజయం సులువే ప్రతి కేసునూ ఛాలెంజింగ్‌గా తీసుకుంటా.. మహిళల భద్రత.. చైతన్యం ప్రథమ కర్తవ్యం ‘సాక్షి’తో ఏఎస్పీ అంకిత సురానా మా సొంత ప్రాంతం మహారాష్ట్ర. పదో తరగతి వరకు అక్కడే చదివా. తర్వాత కుటుంబం హైదరాబాద్‌లో స్థిరపడింది. ఇంటర్‌ (బైపీసీ) తర్వాత హైదరాబాద్‌ ఉస్మానియా యూనివర్సిటీలో బీఎస్సీ బయోకెమిస్ట్రీ డిగ్రీ, సల్సార్‌ యూనివర్సిటీలో క్రిమినల్‌ జస్టిస్‌ మేనేజ్‌మెంట్‌లో పీజీ పూర్తిచేశా. తల్లిదండ్రులు కౌసల్య, మహవీర్‌ సురానా. నాన్న వ్యాపార రంగంలో ఉన్నారు. ఇంట్లో ఎవరూ ప్రభుత్వ ఉద్యోగంలో లేరు. అందరూ ప్రైవేట్‌ ఉద్యోగాలు, వ్యాపారాలే. మా కుటుంబం నుంచి నేను మొదటి పోలీస్‌ అధికారి కావడంతో మా కుటుంబ సభ్యులు ఎంతో సంతోషంగా ఉన్నారు. డిగ్రీలో ఉంటుండగానే కెరియర్‌ కోసం ఆలోచించా. సమాజానికి సేవ చేయాలని, ప్రజలకు దగ్గరగా ఉండే వృత్తిలో చేరాలని కోరిక. ఆ క్రమంలోనే సివిల్స్‌ వైపు వెళ్లాలని నిర్ణయించుకున్నా. డిగ్రీ చదువుతూనే.. సివిల్స్‌ ప్రిపరేషన్‌ ప్రారంభించాను. లక్ష్యంపైనే గురి. మూడుసార్లు విజయం రాకపోయినా ఆత్మవిశ్వాసం కోల్పోలేదు. నాలుగో ప్రయత్నంలో సివిల్స్‌ సాధించాను. 398వ ర్యాంకు వచ్చింది. ఐపీఎస్‌కు ఎంపికయ్యా. 2021 బ్యాచ్‌ మాది. ప్రజలను సురక్షితంగా ఉంచడం బాధ్యత. ఇదే సమయంలో శాంతిభద్రతల పరిరక్షణలో పోలీస్‌ శాఖపరంగా ఎంత చేసినా.. ప్రజల నుంచీ సహకారం అవసరం. ట్రాఫిక్‌ రూల్స్‌ పాటించడం, ప్రయాణ సమయంలో హెల్మెట్‌ ధారణ వంటివాటిలో ఎవరికివారు బాధ్యతగా వ్యవహరించాలి. పిల్లలు తప్పుడు దారిలో వెళ్లకుండా తల్లిదండ్రులు పర్యవేక్షణ చేయాలి. సమాజంలో ప్రధానంగా పోలీసులంటే భయం పోవాలి. 24 గంటలూ పోలీసులు అందుబాటులో ఉంటారు. ఏ సమయంలోనైనా ధైర్యంగా ఫిర్యాదు చేసేందుకు ముందుకు రావాలి. చుట్టుపక్కల అసాంఘిక కార్యకలాపాలు జరిగినా.. ఒక్క ఫొటో ద్వారానైనా శక్తి యాప్‌ ద్వారా ఫిర్యాదు చేయవచ్చు. ఇతర పోలీస్‌ శాఖ టోల్‌ఫ్రీ నంబర్లనూ వినియోగించవచ్చు. శక్తి యాప్‌.. సేఫ్టీయాప్‌. ప్రధానంగా మహిళల వద్ద ఉండాలి. ఒక్క బటన్‌ ప్రెస్‌ చేస్తే పోలీసులు ఉంటారు.

రణస్థలం: మండలంలోని బంటుపల్లి పంచాయతీ పరిధిలో ఉన్న యూనైటెడ్‌ బ్రూవరీస్‌ పరిశ్రమలో పనిచేస్తున్న ఉద్యోగి పిన్నింటి అప్పలసూరి(47) అనుమానాస్పదంగా మృతి చెందాడు. జేఆర్‌పురం పోలీసులు, పరిశ్రమ వర్గాలు తెలిపిన వివరాల మేరకు.. ఆదివారం జనరల్‌ డ్యూటీకి వెళ్లిన మృతుడు అప్పలసూరి సాయంత్రం 4.30 గంటల సమయంలో పరిశ్రమలోని వాష్‌ రూమ్‌లో ప్లాస్టిక్‌ పైపునకు ప్యాకింగ్‌ రోప్‌తో ఉరి వేసుకుని చనిపోయి ఉన్నాడు. కొంత సమయం తర్వాత గుర్తించిన తోటి ఉద్యోగులు జేఆర్‌పురం పోలీసులకు, కుటుంబ సభ్యులకు సమాచారం అందించారు. ఈయన పరిశ్రమలోని కేస్‌ ఫ్యాకర్‌ మిషన్‌ ఆపరేటర్‌గా పని చేస్తున్నాడు. బంటుపల్లి పంచాయతీ ప్రజలకు ఆర్‌ఎంపీగా వైద్య సేవలు అందిస్తుంటాడని గ్రామస్తులు చెబుతున్నారు. అయితే ఉరివేసుకుని చనిపోయి ఉండడంపై కుటుంబ సభ్యులు పలు అనుమానాలు వ్యక్తం చేస్తున్నారు. మృతునికి భార్య అమ్ములు, ఇద్దరు కుమారులు ఉన్నారు. మృతుడు స్వగ్రామం నరసన్నపేట దగ్గర లుకలాం కాగా, గత 30 ఏళ్లుగా ఉద్యోగరీత్యా జేఆర్‌పురం పంచాయతీలోని జీఎంఆర్‌ కాలనీలో నివాసముంటున్నాడు. జేఆర్‌పురం ఎస్‌ఐ ఎస్‌.చిరంజీవి కేసు నమోదు చేసి దర్యాప్తు చేస్తున్నామని తెలిపారు.

జయపురం: జయపురం జిల్లా బార్‌ అసోసియేషన్‌ అధ్యక్షులుగా అశోక్‌ దాస్‌ ఎన్నిక్యయ్యారు. ఈ విషయాన్ని ఎన్నికల అధికారి దాసరథి పట్నాయక్‌ శని వారం రాత్రి వెల్లడించారు. శనివారం ఎన్నికలు జరిగిన తరువాత సాయంత్రం ఓట్ల లెక్కింపు ప్రారంభించారు. రాత్రి తొమ్మిది గంటల సమయానికి ఒట్ల లెక్కిపుపూర్తయిన తరువాత ఫలితాలను వెల్లడించారు. 587 మంది ఓటర్లు గల అసోసియేషన్‌లో 497 మంది తమ ఓటు హక్కును వినియోగించుకున్నారు. సరోజ్‌ కుమార్‌దాస్‌కు 269 ఓట్లు రాగా తన సమీప ప్రత్యర్థి త్రినాత్‌ సింగ్‌లాల్‌కు 172, అజయ కుమార్‌ సాహుకు 52 ఓట్లు వచ్చాయి. అలాగే కార్యదర్శి పదవికి పోటీ చేసిన సచ్చిదానంద మిశ్ర 308 ఓట్లు పొంది విజయం సాధించగా ప్రత్యర్ధి శరత్‌ కుమార్‌ మఝికి 187 ఓట్లు వచ్చాయి. జాయింట్‌ కార్యదర్శిగా భోలానాద్‌ పట్నాయక్‌ ,సహాయ కార్యదర్శిగా అంజనసింగ్‌ ఏకగ్రీవగా ఎన్నికయ్యారు. ఉపాధ్యక్షులుగా నవీణ చంద్రసాహు, కోశాధికారిగా శైలేష్‌ కుమార్‌ మదల, గ్రంథాలయ కార్యదర్శిగా జుగల్‌ కిశోర్‌ పట్నాయక్‌, గ్రంథాలయసహాయ కార్యదర్శిగా రాఖి భాయి, కార్యవర్గ సభ్యులుగా ఆకాశ్‌ కులదీప్‌, పొన్నగంటి శంకరరావు, సచిన్‌ కుమర్‌ పాఢి, సురేష్‌ కుమార్‌ సెట్టి, తాపస్‌ పండ, తరణి పాణిగ్రహి, విశ్వనాథ్‌ ఆచారి ఎన్నికయ్యారు. ఎన్నికల పరిశీలకునిగా రాష్ట్ర బార్‌కౌన్సిల్‌ సభ్యలు పిట్టా రమేష్‌ పాత్రో వ్యవహరించారు. ఫలితాలు అనంతరం పట్టణంలో ర్యాలీ చేశారు.

● కటక్‌ నెర్గుండి సమీపంలో దుర్ఘటన ● ప్రాణహాని శూన్యం: డీఆర్‌ఎం రైళ్ల దారి మళ్లింపు ఈ ప్రమాదంతో రైల్వే రవాణా ప్రభావితం అయింది. ప్రయాణికుల అసౌకర్యం తొలగించేందుకు దిగువ దిశలో భువనేశ్వర్‌ నుంచి భద్రక్‌ వైపు వెళ్లే రైళ్లను బారంగ్‌ – నెర్గుండి – కపిలాస్‌ రోడ్‌ ద్వారా మళ్లించి నడిపించారు. ఈ జాబితాలో రైళ్ల వివరాలు.. ● 12822 పూరీ – హౌరా ధౌలీ ఎక్స్‌ప్రెస్‌ ● 12875 పూరీ – ఆనంద్‌ విహార్‌ నీలాచల్‌ ఎక్స్‌ప్రెస్‌ ● 22606 తిరునెల్‌వెలి – పురులియా ఎక్స్‌ప్రెస్‌ ● 12704 సికింద్రాబాద్‌ – హౌరా ఫలక్‌నుమా ఎక్స్‌ప్రెస్‌ ● 12513 సికింద్రాబాద్‌ – సిల్చార్‌ ఎక్స్‌ప్రెస్‌భువనేశ్వర్‌: బెంగళూరు – కామాఖ్య ఏసీ సూపర్‌ ఫాస్ట్‌ ఎక్స్‌ప్రెస్‌ రైలు ఆదివారం పట్టాలు తప్పి ప్రమాదానికి గురైంది. తూర్పు కోస్తా రైల్వే ఖుర్దా రోడ్‌ మండలం కటక్‌ మార్గంలో నెర్గుండి స్టేషన్‌ సమీపంలో సుమారు 11.54 గంటలకు పట్టాలు తప్పింది. ఈ దుర్ఘటనలో ఎలాంటి గాయాలు లేదా ప్రాణ హాని సంభవించలేదని స్థానిక మండల రైల్వే అధికారి డీఆర్‌ఎం హెచ్‌ఎస్‌ బాజ్వా తెలిపారు. డౌన్‌ లైన్‌ మాత్రమే ప్రభావితమైంది. ఈ నేపథ్యంలో మెయిల్‌ ఎక్స్‌ప్రెస్‌ ప్రయాణికుల రైళ్లు అప్‌లైన్‌లో తాత్కాలికంగా నడిపించారు. ప్రమాదం సమాచారం అందడంతో తూర్పు కోస్తా రైల్వే జనరల్‌ మేనేజర్‌ మరియు ఖుర్దా రోడ్‌ డివిజనల్‌ రైల్వే మేనేజర్‌ (డీఆర్‌ఎం), ఇతర సీనియర్‌ రైల్వే అధికారులు సంఘటనా స్థలానికి చేరుకుని పరిస్థితిని ప్రత్యక్షంగా పర్యవేక్షించారు. సహాయ, పునరుద్ధరణ చర్యలను సమన్వయం చేశారు. ప్రమాదంలో చిక్కుకున్న ప్రయాణికులను వారి గమ్యస్థానాలకు తరలించడానికి ప్రత్యేక రైలును ఏర్పాటు చేశారు. ఘటనా స్థలంలో బాధిత ప్రయాణికులకు తాగు నీరు, అల్పాహారం మరియు ఆహార పొట్లాలను పంపిణీ చేశారు. ప్రమాదంలో ఒకరి మృతికామాఖ్య ఎక్స్‌ప్రెస్‌ రైలు పట్టాలు తప్పిన దుర్ఘటనలో ఒక వ్యక్తి మృతి చెందాడు. ఈ విషయం కటక్‌ జిల్లా మేజిస్ట్రేట్‌ దత్తాత్రయ భౌసాహెబ్‌ షిండే తెలిపారు. మరో 8 మంది తీవ్రంగా గాయపడ్డారు. ఉన్నత చికిత్స కోసం వీరందరినీ కటక్‌ ఎస్‌సీబీ వైద్య బోధన ఆస్పత్రికి తరలించారు. వీరి ఆరోగ్య పరిస్థితి స్థిమితంగా ఉన్నట్లు అధికార వర్గాల సమాచారం. మృతుడిని ఆలీపూర్‌ ప్రాంతీయుడు శుభంకర్‌ రాయ్‌గా గుర్తించారు. కుటుంబీకులతో కలిసి బెంగళూరు నుంచి తిరిగి వస్తుండగా ప్రమాదంలో ప్రాణాలు కోల్పోయాడు. తన తల్లి హృద్రోగ చికిత్స కోసం బెంగళూరు తీసుకుని వెళ్లి తిరిగి వస్తుండగా ఇలా జరగడం విచారకరం. అధికారులతో సంప్రదించిన పీసీసీ చీఫ్‌ ఒడిశా ప్రదేశ్‌ కాంగ్రెసు కమిటి అధ్యక్షుడు భక్త చరణ్‌ దాస్‌ ఘటనా స్థలం సందర్శించారు. అక్కడి సహాయక, పునరుద్ధరణ కార్యకలాపాలకు సంబంధించి ఖుర్దారోడ్‌ మండల రైల్వే అధికారి డీఆర్‌ఎం హెచ్‌. ఎస్‌. బాజ్వాతో ముఖాముఖి సంప్రదించి బాగోగులు పర్యవేక్షించారు. కేంద్ర రేంజ్‌ ఇనస్పెక్టరు జనరల్‌ ప్రవీన్‌ కుమార్‌, కటక్‌ గ్రామీణ పోలీసు సూపరింటెండెంటు పీఆర్‌ఎస్‌ ప్రతీక్‌, కటక్‌ చౌద్వార్‌ నియోజక వర్గం ఎమ్మెల్యే సౌవిక్‌ బిశ్వాల్‌ ప్రమాద స్థలం సందర్శించారు.

పర్లాకిమిడి: స్థానిక సరస్వతీ శిశు విద్యామందిర్‌లో అదివారం అఖిలభారత సాహిత్యపరిషత్‌ గజపతి జిల్లా ఆధ్వర్యంలో మహేంద్రతనయ సాహిత్య సంసద్‌, సరస్వతీ శిశు విద్యామందిర్‌ ఆధ్వర్యంలో నూతన సంవంత్సరం ఉగాది వేడుకలు ఘనంగా జరుపుకున్నారు. ముఖ్యఅతిథిగా గంజాం జిల్లా ఆర్‌ఎస్‌ఎస్‌ సంఘ్‌ చాలక్‌ డాక్టర్‌ భగవాన్‌ త్రిపాఠి పాల్గొని మాట్లాడారు. ప్రస్తుత పరిస్థితుల్లో సంఘ్‌ పరివార్‌ కలిసి భారతదేశాన్ని పటిష్టపరిచి శక్తివంతంగా యువత చేయాలని పిలుపు నిచ్చారు. ప్రొఫెసర్‌ కళ్యాణీ మిశ్రా సహకారంతో వేడుకలు జరుపగా, గౌరవ అతిధులుగా చంద్రశేఖర పట్నాయక్‌, ఆచార్య సరోజ్‌ పండా పాల్గొన్నారు. విద్యార్థినులు ఆయుషీ అస్మితా, మరియు బేబి బిశ్వాల్‌ ఉగాది ప్రాధాన్యతను వివరించారు.అలరించిన గాన కచేరి పర్లాకిమిడి: సినీ గాయకులు, రాష్ట్ర జయదేవ్‌ సమ్మాన్‌ పురస్కార గ్రహీత స్వర్గీయ రఘునాథ పాణిగ్రాహి స్మృతి చరణ ఉత్సవాన్ని స్థానిక టౌను హాలులో శనివారం రాత్రి ఒడిశా సంగీత నాటక అకాడమి, భక్తి నైవేద్య సంస్కృతి ఆధ్వర్యంలో ఘనంగా జరుపుకున్నారు. ఇందులో భాగంగా తెలుగులో చల్లని రాజా.. ఓ చందమామా..అనే పాటను ఇలవేల్పు సినిమాలో.. పి.సుశీల, పి.లీలతో కలిసి రఘునాథ పాణిగ్రాహి పాడగా సుసర్ల దక్షిణామూర్తి సంగీతం అందించారు. ఈ కార్యక్రమంలో జిల్లా కలెక్టర్‌ బిజయకుమార్‌ దాస్‌, శ్రీక్రిష్ణచంద్రగజపతి కళాశాల ప్రిన్సిపాల్‌ జితేంద్రనాథ్‌ పట్నాయక్‌, దూరదర్శన్‌ గాయకులు రఘునాథ పాత్రో, డాక్టర్‌ చందన్‌ పట్నాయక్‌, జిల్లా సాంస్కృతిక అధికారి అర్చనా మంగరాజ్‌లు హాజరయ్యారు. 1932 ఆగస్టు 10న రాయగడ సమితి గుణుపురంలో జన్మించిన గాయకులు రఘునాథ పాణిగ్రాహి 2013 ఆగస్టు 25న మృతి చెందారు. ఒడియా, తెలుగు, తమిళంలో అనేక పాటలు పాడిన రఘునాథ పాణిగ్రాహి స్మృతి చిహ్నంగా గానకచేరి ఏర్పాటు చేశారు. ఆకాశవాణి కళాకారులు డాక్టర్‌ చందన్‌ గంతాయత్‌ నేతృత్వంలో అశుతోష్‌ మిశ్రా, అమృత పురోహిత్‌, బిరాజినీ శోబోరో, స్పందనా పండా, గోపాలకృష్ణ నాహక్‌ తదితరులు రఘునాథ పాణిగ్రాహి పాడిన పాటలను వినిపించారు. పారదర్శకంగా విచారణ చేపట్టాలి శ్రీకాకుళం కల్చరల్‌: డాక్టర్‌ ప్రవీణ్‌ పగడాల మృతిపై పారదర్శకంగా విచారణ చేపట్టాలని జిల్లా పాస్టర్స్‌ ఫెలోషిప్‌, జిల్లా క్రైస్తవ సంక్షేమ సంఘం సభ్యులు కోరారు. ఈ మేరకు నగరంలోని గర్‌ల్స్‌ హైస్కూల్‌ ఎదురుగా ఉన్న క్రిస్టియన్‌ వర్షిప్‌ సెంటర్‌ నుంచి కొన్నావీధిలో ఉన్న కీస్టోన్‌ చర్చి వరకు శాంతియుత ర్యాలీ ఆదివారం చేపట్టారు. అనంతరం సభ నిర్వహించారు. ఈ సందర్భంగా పలువురు వక్తలు మాట్లాడుతూ ప్రవీణ్‌ ప్రగడాలది ప్రమాదం కాదని, ఎవరో హత్య చేశారని అనుమానం వ్యక్తం చేశారు. నిందితులపై కఠిన చర్యలు తీసుకోవాలని కోరారు. కార్యక్రమంలో జిల్లా పాస్టర్స్‌ ఫెలోషిప్‌ చైర్మన్‌ డీఎస్‌వీఎస్‌ కుమార్‌, ఎస్‌ఎంయూపీఎఫ్‌ ప్రెసిడెంట్‌ రెవ.జాన్‌ జీవన్‌, సెక్రటరీ సీహెచ్‌ ప్రేమన్న, బిషప్‌ సామ్యూల్‌ మొజెస్‌, రెవ.పి.ఎస్‌.స్వామి, బిషప్‌ బి.బర్నబస్‌ తదితరులు పాల్గొన్నారు.

● వర్షాభావం, తెగుళ్ల తాకిడితో ఇబ్బందులు ● పడిపోయిన దిగుబడులు ● వలసబాట పడుతున్న రైతులు, కూలీలు అవగాహన అవసరం ఉద్దానం ప్రాంతంలో కొబ్బరికి ఆశించిన తెగుళ్ల ను నివారించడానికి రైతు లంతా ఉద్యానశాఖ సల హాలు తీసుకొని మూకుమ్మడిగా నివారణ చర్యలు చేపట్టాలి. పెద్దపేట ఉద్యాన పరిశోధన కేంద్రంలో బదనకలు అందుబాటులో ఉన్నాయి. రైతులు వీటిని మూకుమ్మడిగా వినియోగించి నివారణ చర్యలు చేపట్టాలి. రసాయన ఎరువుల జోలికి వెళ్లకూడదు. వేపనూనె పిచికారీ చేయడం వంటి చర్యలతో కొంతమేర ఉపశమనం కలుగుతుంది. – పి.మాధవీలత, ఉద్యానశాఖ అధికారి, కవిటి

రాయగడ: బాలికపై అత్యాచారం కేసులో ఫారెస్టర్‌ను గుడారి పోలీసులు అరెస్టు చేసి కోర్టుకు తరలించారు. జిల్లాలోని గుడారి అటవీ రేంజ్‌ పరిధిలో గల కెందుగుడ అటవీ సెక్షన్‌లో ఫారెస్టర్‌గా విధులు నిర్వహిస్తున్న నరసింహ శతపతిని శనివారం పోలీసులు అరెస్టు చేశారు. కెందుగుడలో ఉంటున్న ఫారెస్టర్‌ నరసింహ ఇంటి పొరుగున ఉన్న 12 ఏళ్ల మైనర్‌ బాలికకు మాయమాటలు చెప్పి అతని ఇంటి లోపలకు తీసుకువెళ్లాడు. అదే సమయంలో బాలికతో సహా ఉంటున్న మరో బాలిక ఈ విషయాన్ని కుటుంబీకులకు తెలియజేసింది. దీంతో నరసింహ ఉంటున్న నివాసంలొకి వెళ్లిన కుటుంబీకులు మైనర్‌ బాలికను ఇంటికి తీసుకువచ్చి అతడిని కుటుంబీకులతొ పాటు గ్రామస్తులు దేహశుద్ధి చేసి పోలీసులకు అప్పగించారు. ఈ మేరకు బాధిత కుటుంబం గుడారి పోలీస్‌ స్టేషన్‌లో ఫిర్యాదు చేసింది. కేసు నమోదు చేసిన పోలీసులు ఈ మేరకు ఫారెస్టర్‌ను అరెస్టు చేశారు. విద్యార్థి మృతి భువనేశ్వర్‌: స్థానిక ఉత్కళ విశ్వ విద్యాలయం హాస్టల్‌లో విద్యార్థి ఆదివారం మృతి చెందాడు. మృతుడు క్యాంపస్‌లో మధుసూదన్‌ హాస్టల్‌లో ఉంటున్నట్లుగా గుర్తించారు. తత్వశాస్త్ర విభాగంలో రెండో సంవత్సరం చదువుతున్నాడు. విద్యార్థి మృతికి కారణాలు తెలియరాలేదు.385 కేజీల గంజాయి స్వాధీనం రాయగడ: జిల్లాలోని పద్మపూర్‌ పోలీస్‌ స్టేషన్‌ పరిధిలోని మహాదింబ గ్రామ సమీపంలో గల అటవీ ప్రాంతంలో అక్రమంగా తరలించేందుకు సిద్ధంగా ఉంచిన 385 కేజీల గంజాయిని పోలీసులు స్వాధీనం చేసుకున్నారు. గంజాయి అక్రమ రవాణా జరుగుతుందన్న సమాచారం మేరకు పోలీసులు బృందంగా ఏర్పడి శనివారం సాయంత్రం దాడులను నిర్వహించారు. పోలీసుల రాకను గమనించిన కొంతమంది గంజాయి బస్తాలను విడిచి అక్కడి నుంచి పరారయ్యారు. ఈ మేరకు పోలీసులు ఆదివారం కేసు నమోదు చేసి దర్యాప్తు చేస్తున్నారు. స్వాధీనం చేసుకున్న గంజాయి విలువ సుమారు రూ.5 లక్షల ఉంటుందని అంచనా వేశారు.

● జాతరలో పాల్గొన్న సినీనటి నటాషరాయగడ: స్థానిక తేజస్వీ మైదానంలో నెక్కంటి భాస్కరావు ఆధ్వర్యంలో రాయగడ జిల్లా ఉగాది ఉత్సవ కమిటీ పేరిట నిర్వహిస్తున్న ఉగాది సంబరాలు ఆదివారం నిర్వహించారు. మజ్జిగౌరీ మందిరం నుంచి నిర్వహించిన కలశ యాత్రలో సినీ నటి నటాస పాల్గొన్నారు. ఈ యాత్రలో ఆమె కలశాన్ని పట్టుకుని కొద్ది దూరం నడిచారు. జనతాకిడి ఎక్కువగా ఉండటంలో వెంటనే టాప్‌లెస్‌ వాహనం ఎక్కి ర్యాలీలో పాల్గొన్నారు. ర్యాలీలో భాగంగా తప్పిటగుళ్లు, పులి వేషాలు, సంప్రదాయ నృత్యాలు, హరేరామ సంకీర్తనలతో ర్యాలీ కొనసాగింది. అడుగడుగునా మజ్జిగ, తాగునీటి సౌకర్యాలను నిర్వాహకులు ఏర్పాటు చేశారు. వేదిక వరకు ర్యాలీ నిర్వహించారు.

కొరాపుట్‌: కొరాపుట్‌ జిల్లా లమ్తాపుట్‌ సమితి కేంద్రంలోని గునయిపొడ ల్యాంప్స్‌ కార్యాలయంలో కమ్యునిటీ సర్వీస్‌ సెంటర్‌ను శుక్రవారం ప్రారంభించారు. కొరాపుట్‌ సెంట్రల్‌ కోఆపరేటివ్‌ బ్యాంక్‌ అధ్యక్షుడు ఈశ్వర్‌ చంద్ర పాణీగ్రాహీ రిబ్బన్‌ కత్తిరించి ఈ విభాగం ప్రారంభించారు. ఇందులో ఖాతాదారులకు 23 రకాల సేవలు అందనున్నాయి. వెనుకబడిన లమ్తాపుట్‌లో ఇటు వంటి సేవలు అందించడంపై ఈశ్వర్‌ పాణీగ్రాహీ హర్షం వ్యక్తం చేసారు. మద్యం మత్తులో హల్‌చల్‌ శ్రీకాకుళం ౖక్రైమ్‌ : జిల్లాకేంద్రంలోని మంగువారితోటలో శుక్రవారం ఓ సస్పెక్ట్‌ షీటర్‌ మద్యం తాగి హల్‌చల్‌ సృష్టించినట్లు ఎస్‌ఐ ఎం.హరికృష్ణ తెలిపారు. బొమ్మలాట ఢిల్లీ అలియాస్‌ ఢిల్లీశ్వరరావు అనే యువకుడు శుక్రవారం ఉదయం మంగువారితోట బహిరంగ ప్రదేశంలో మద్యం తాగి ఆ మైకంలో అక్కడి ప్రజలకు తీవ్ర ఇబ్బంది కలిగించాడని, వెంటనే స్థానికులు పోలీసులకు సమాచారం అందించడంతో సిబ్బందితో కలిసి వెళ్లి అదుపులోకి తీసుకుని అరెస్టు చేసినట్లు చెప్పారు. న్యాయమూర్తి 14 రోజుల పాటు రిమాండ్‌ విధించారని పేర్కొన్నారు.

పర్లాకిమిడి: పట్టణంలోని కరణం వీధిలో విజయా క్లబ్‌లో ప్రపంచ నాటక దినోత్సవాన్ని ప్రగతి శీల నాట్యరంగస్థలం ‘తరంగరంగ్‌’ ఆధ్వర్యంలో సాధారణ సభను నిర్వహించారు. ఈ కార్యక్రమంలో తరంగరంగ సంస్థ అధ్యక్షులు దేవేంద్రదాస్‌ అధ్యక్షతన జరుగగా, క్రియేటివ్‌ ఆర్ట్స్‌ అధ్యక్షులు నృసింహాచరణ్‌ పట్నాయక్‌, ఒడిశా సంగీత నాటక అకాడమి సభ్యులు రఘునాథ పాత్రో, రంగస్థల నటులు ఆదర్శదాస్‌ పాల్గొన్నారు. ఒడిశాలో గజపతిలో పర్లాఖిముండిలో రఘునాథ పోరిచ్చా నాటకం తొలుత ప్రదర్శించబడిందని దేవేంద్ర దాస్‌ అన్నారు. పర్లాకిమిడి మట్టిని ఏ రంగస్థల కళాకారులు మరిచిపోలేదన్నారు. రోజురోజుకు ఆదరణ తగ్గుతున్న రంగస్థల నాటక మండలిని ముందుకు నడిపించేందుకు ఎప్పటిలాగే ఈ ఏడాది కూడా నాటక మహోత్సవాలు జరుపుతామని ఆదర్శదాస్‌ అన్నారు. సమావేశంలో నాట్యకళాకారులు మనోజ్‌ పాఢి, మంచ్‌ అధినేత ఫృధ్వీరాజ్‌, కళాకారిణి మాతాంగినీ గురు, మమతా పాఢి, శుభాంశు శేఖర్‌ పట్నాయిక్‌, సత్యపాఢియారీ పాల్గొన్నారు.

యూడీఐడీ.. సేవలు రెడీ ● దివ్యాంగులకు ఆధార్‌ తరహాలో ప్రత్యేక నంబర్‌ ● కొత్తపోర్టల్‌ను అందుబాటులోకి తీసుకొచ్చిన కేంద్రం ● ఇంటి నుంచే ఆన్‌లైన్‌ ద్వారా సులువుగా సేవలు పొందే అవకాశం ● ప్రయాస లేకుండా రైల్వేపాస్‌ పొందే సదుపాయం ●దివ్వాంగులకు వరం.. దివ్యాంగులకు ఆధార్‌ కార్డు తరహాలో కేంద్ర ప్రభుత్వం యూడీఐడీని ప్రవేశపెట్టింది. పోర్టల్‌లో దరఖాస్తు చేసుకొని ఐడీ నంబర్‌ పొందవచ్చు. ప్రత్యేక కార్డు కూడా డౌన్‌లోడ్‌ చేసుకోవచ్చు. రానున్న రోజుల్లో ప్రభుత్వం నుంచి ఎలాంటి సంక్షేమ పథకాలు అందాలన్నా ఈ కార్డు తప్పనిసరి కానుంది. – కె.కవిత, దివ్యాంగుల సంక్షేమ శాఖ ఏడీ, శ్రీకాకుళం నరసన్నపేట: దివ్యాంగులకు కేంద్ర, రాష్ట్ర ప్రభుత్వాలు అందించే పథకాలు, ఇతర ప్రయోజనాలు, సదరం శిబిరాల సమాచారం తదితర సేవలను సులభంగా పొందేందుకు యూనిక్‌ డిజేబిలిటీ ఐడెంటిటీ కార్డు(యూడీఐడీ) అందుబాటులోకి వచ్చింది. కేంద్ర ప్రభుత్వం తీసుకొచ్చిన ఈ పోర్టల్‌ దివ్యాంగులకు వరంలా మారనుంది. ఈ పోర్టల్‌ ద్వారా పొందిన ఐడీ నంబర్‌ ఆధారంగా దివ్యాంగులు రైల్వేపాస్‌లను కూడా పొందవచ్చు. గతంలో సదరం సర్టిఫికెట్లు పొందాలంటే స్లాట్‌ బుకింగ్‌ కోసం మీ–సేవ కేంద్రాలు, ఆన్‌లైన్‌ సెంటర్ల చుట్టూ తిరగాల్సి వచ్చేది. ఇకపై యూడీఐడీ నంబర్‌ ద్వారా దివ్యాంగులు ఇంటి వద్ద నుంచే శ్లాట్‌ బుకింగ్‌ చేసుకోవచ్చు. యూడీఐడీ పొందాలంటే.. హెచ్‌టీటీపీ://ఎస్‌డబ్ల్యూఏవీఎల్‌ఏఎంబీఏఎన్‌సీఏఆర్‌డీ.జీఓవి.ఇన్‌ అనే వెబ్‌సైట్‌ను ప్రభుత్వం అందుబాటులోకి తీసుకువచ్చింది. దీని ద్వారా దివ్యాంగులు నేరుగా ఫోన్‌, ఇంటర్‌నెట్‌ సెంటర్‌, మీ–సేవా కేంద్రాల నుంచే కార్డు కోసం దరఖాస్తు చేసుకోవచ్చు. సులభతరంగా సేవలు.. ●కొత్తగా అందుబాటులోని తీసుకువచ్చిన యూడీఐడీ పోర్టల్‌ ద్వారా సేవలు సులభతరం కానున్నా యి. సదరం శిబిరాల కోసం మీ సేవతో పాటు యూడీఐడీ పోర్టల్‌ ద్వారా ఆన్‌లైన్‌లోనూ దరఖాస్తు చేసుకోవచ్చు. వైద్యపరీక్షలకు ఎప్పుడు హాజరు కావాలనే సమాచారం దివ్యాంగుల ఫోన్‌ నంబర్‌కు సంక్షిప్త సమాచారం రూపంలో వస్తుంది. అయితే ఆన్‌లైన్‌లో దరఖాస్తు చేసే సమయంలో తప్పులు, అక్షరదోషాలు లేకుండా చూసుకోవాల్సి ఉంటుంది. ●ఇప్పటి వరకూ ఐదు రకాల సేవల వైకల్యం ఉన్న వారికే ఈ–సేవ ద్వారా సదరం శిబిరాలకు దరఖా స్తు చేసుకొనే అవకాశం ఉండేది. ఇక యూడీఐడీ పోర్టల్‌లో 21 రకాల సేవల వైకల్యాలను చేర్చారు. తలసేమియా, ఆటిజం, యాసిడ్‌ బాధితులు, న్యూరో సంబంధిత బాధితులు కూడా సదరం శిబిరాల కోసం యూడీఐడీ పోర్టల్‌లో దరఖాస్తు చేసుకోవచ్చు. ●శిబిరంలో వైకల్య నిర్థారణ పూర్తయ్యాక స్మార్ట్‌కార్డును పోస్టల్‌ శాఖ ద్వారా ఇంటికే పంపిస్తారు. ఈ కార్డు పింఛన్‌తో పాటు రైల్వేపాస్‌లు, ఇతర సంక్షేమ పథకాలకు దేశ వ్యాప్తంగా చెల్లుబాటు కానుంది. ●యూడీఐడీ కార్డులను ఆన్‌లైన్‌ నుంచే డౌన్‌లోడ్‌ చేసుకొనే అవకాశం కేంద్రం కల్పించింది. ఇప్పటి వరకూ సదరం సర్టిఫికెట్‌ మన రాష్ట్రంలో మాత్రమే చెల్లుబాటు అయ్యేవి. దరఖాస్తు ఇలా.. ఆన్‌లైన్‌లో స్వాలంబన్‌కార్డు.జీఓవీ.ఇన్‌ వెబ్‌సైట్‌ను సందర్శించాలి. అప్లయ్‌ బటన్‌పై క్లిక్‌ చేసి దరఖాస్తు ప్రక్రియ సంబంధించి కొన్ని సూచనలు ఉంటాయి. వాటిని పూర్తిగా చదివి అంగీకరిస్తూ సబ్‌మిట్‌ క్లిక్‌ చేస్తే దరఖాస్తు ఫారం ఓపెన్‌ అవుతుంది. అడిగిన సమాచారం నమోదు చేస్తే దరఖాస్తు ప్రక్రియ పూర్తవుతుంది. వైద్య పరీక్షలు అనంతరం వెబ్‌సైట్‌లో అర్జీల స్టేటస్‌ను నిత్యం పరిశీలించుకోవచ్చు.

శ్రీకాకుళం పాతబస్టాండ్‌: చిన్నారుల రక్షణకు పోక్సో చట్టం ఎంతగానో ఉపయోగపడుతుందని ఫస్ట్‌ అడిషనల్‌ జడ్జి కె.ఎం.జామరుద్‌ బేగం, లీగల్‌ కమ్‌ ప్రొబేషన్‌ ఆఫీసర్‌ తలే లక్ష్మణరావు అన్నారు. జిల్లా కేంద్రంలోని శాంతినగర్‌ కాలనీలో శుక్రవారం ఆంధ్రప్రదేశ్‌ లీగల్‌ సర్వీసెస్‌ కమిటీ, జువైనల్‌ జస్టిస్‌ బోర్డు ఆధ్వర్యంలో పోక్సో చట్టంపై అవగాహన సదస్సు నిర్వహించారు. చిన్నారులపై లైంగిక నేరాలను అరికట్టడంలో పోక్సో చట్టం ప్రాముఖ్యతను వివరించారు. 18 ఏళ్ల కంటే తక్కువ వయస్సు ఉన్న ప్రతి ఒక్కరూ ఈ చట్టం ప్రకారం పిల్లలుగా పరిగణించబడతారని, బాధితులకు న్యాయ సహాయం అందించడం, వారి గుర్తింపును రహస్యంగా ఉంచడం, సురక్షితమైన వాతావరణాన్ని అందించడం చట్టం ముఖ్య ఉద్దేశమని వివరించారు. తీవ్రమైన లైంగిక వేధింపుల కేసుల్లో మరణశిక్ష సైతం విధించే అవకాశం ఉందని చెప్పారు. పిల్లలకు మంచి చెడులను వివరించడం, వారికి అవగాహన కల్పించడం సమాజం బాధ్యతని పేర్కొన్నారు.

కొరాపుట్‌: జిల్లాలోని బందుగాం సమితి గిరిడి గ్రామంలో సాగునీటి సమస్య పరిష్కారమైందని జిల్లా పరిషత్‌ ప్రెసిడెంట్‌ సస్మితా మెలక తెలిపారు. ఈనెల 22వ తేదీన ఆమె వాహనాన్ని గ్రామస్తులు అడ్డగించడంతో సమస్యను ప్రభుత్వం దృష్టికి తీసుకెళ్లారు. ఈ మేరకు ప్రభుత్వం నష్ట నివారణ చర్యలు చేపట్టింది. శుక్రవారం ఉదయం గ్రామానికి తాగునీటి పైపుల ద్వారా నీరు వచ్చింది. దీంతో గ్రామస్తులు హర్షం వ్యక్తం చేశారు. 7 నుంచి డిగ్రీ నాలుగో సెమిస్టర్‌ పరీక్షలు ఎచ్చెర్ల క్యాంపస్‌: డాక్టర్‌ బీఆర్‌ అంబేడ్కర్‌ విశ్వవిద్యాలయం పరిధిలో డిగ్రీ నాలుగో సెమిస్టర్‌ పరీక్షలు ఏప్రిల్‌ 7 నుంచి ప్రారంభించనున్నట్లు అండర్‌ గ్రాడ్యుయేషన్‌ ఇన్‌చార్జి డీన్‌ డాక్టర్‌ పి.పద్మారావు తెలిపారు. పరీక్షల నిర్వహణ కేంద్రంలో శుక్రవారం వివరాలు వెల్లడించారు. ఏప్రిల్‌ 21 వరకు పరీక్షలు జరుగుతాయని 53 కేంద్రాల్లో మధ్యాహ్నం 2 నుంచి సాయంత్రం 5 గంటల వరకు పరీక్షలు జరుగుతాయని చెప్పారు. ఫిబ్రవరిలో జరగాల్సిన డిగ్రీ 1, 3, 5 సెమిస్టర్‌ స్పెషల్‌ డ్రైవ్‌ పరీక్షలు మే చివరి వారంలో నిర్వహించేలా చర్యలు తీసుకుంటున్నట్లు తెలిపారు. ప్రస్తుతం డిగ్రీ రెండో సెమిస్టర్‌ ఫీజులు స్వీకరిస్తున్నామని, ఏప్రిల్‌ 5లోపు అదనపు రుసం లేకుండా చెల్లించవచ్చని పేర్కొన్నారు. యువకుడు అరెస్టు సోంపేట: మండలంలోని బేసిరామచంద్రాపురంలో మానసిక దివ్యాంగురాలిపై లైంగికదాడికి ప్రయత్నించిన యువకుడిని అరెస్టు చేసినట్లు బారువ ఎస్‌ఐ హరిబాబునాయుడు శుక్రవారం తెలిపారు. దివ్యాంగురాలి తండ్రి ఫిర్యాదు మేరకు శృంగారపు ప్రసాద్‌ ఆచారిని అదుపులోకి తీసుకుని అరెస్టు చేశామని, కేసు దర్యాప్తు చేస్తున్నామని చెప్పారు. 30, 31న సబ్‌ రిజిస్ట్రార్‌ కార్యాలయాల్లో సేవలు యథాతథం శ్రీకాకుళం (పీఎన్‌ కాలనీ): ఈ నెల 30, 31 సెలవు దినాలైనప్పటికీ జిల్లాలోని సబ్‌ రిజిస్ట్రార్‌ కార్యాలయాలు యథావిధిగా పనిచేస్తాయని డీఐజీ నాగలక్ష్మి తెలిపారు. ఈ మేరకు శుక్రవారం ప్రకటన విడుదల చేశారు. కొనుగోలు, అమ్మకందారులు రిజిస్ట్రేషన్లు యథావిధిగా చేసుకోవచ్చని పేర్కొన్నారు. ఈ విషయాన్ని ప్రజలంతా గమనించాలని కోరారు. ఫిషరీస్‌ డీడీకి పదోన్నతి అరసవల్లి: జిల్లా మత్స్యశాఖ డిప్యూటీ డైరెక్టర్‌ పి.వి.శ్రీనివాసరావుకు పదోన్నతి లభించింది. డాక్టర్‌ బిఆర్‌ అంబేడ్కర్‌ కోనసీమ జిల్లా మత్స్యశాఖ జాయింట్‌ డైరెక్టర్‌గా నియమిస్తూ శుక్రవారం ఉత్తర్వులు జారీ అయ్యాయి. ఏడేళ్లుగా శ్రీకాకుళం జిల్లాలోనే వివిధ హోదాల్లో శ్రీనివాసరావు విధులు నిర్వర్తించారు. తాజా పదోన్నతుల్లో ఈయనకు క్యాడర్‌ పెరగడంతో పాటు బదిలీ చేశారు. పలాసలో అసిస్టెంట్‌ డైరెక్టర్‌గా పనిచేస్తున్న సత్యనారాయణకు జిల్లా ఇన్‌చార్జి డిప్యూటీ డైరెక్టర్‌గా బాధ్యతలు అప్పగించనున్నట్లు తెలిసింది. సమగ్ర విచారణకు డిమాండ్‌ శ్రీకాకుళం పాతబస్టాండ్‌: పాస్టర్‌ ప్రవీణ్‌కుమార్‌ పగడాల మృతిపై రాష్ట్ర ప్రభుత్వం సమగ్ర విచారణ జరిపించాలని క్రిస్టియన్‌ సెక్యూర్‌ సర్వీసెస్‌ జిల్లా కమిటీ అధ్యక్షుడు డాక్టర్‌ బిషప్‌ బర్నబాస్‌ బింకం, ప్రధాన కార్యదర్శి బ్రదర్‌ ఒంపూరు రమేష్‌ డిమాండ్‌ చేశారు. ఈ మేరకు శుక్రవారం జేసీ ఫర్మాన్‌ అహ్మద్‌ ఖాన్‌ను చాంబర్‌లో కలిసి వినతిపత్రం అందజేశారు. ఈ నెల 24న తూర్పుగోదావరి జిల్లా కొవ్వూరు టోల్‌గేట్‌ సమీపంలో జరిగిన ప్రమాదంలో ప్రవీణ్‌ మృతిచెందారని, దీనిపై పలు అనుమానాలు ఉన్నందున విచారణ జరిపి కుటుంబసభ్యులకు న్యాయం చేయాలని, క్రైస్తవుల రక్షణకు భద్రత కల్పించాలని కోరారు. జేసీని కలిసిన వారిలో సీఎస్‌ఎస్‌ నాయకులు, పాస్టర్లు ఎం.షడ్రక్‌బాబు, జి.శామ్యూల్‌ అరుణ్‌కుమార్‌, టి.పేతురు, ఇ.శామ్యూల్‌ జాన్‌, ప్రత్తిపాటి ప్రసాద్‌, ఎ.ఎ.పాల్‌, అల్లు ఇమ్మానుయేల్‌, ఆశిర్‌కుమార్‌, అహరోన్‌ తదితరులు పాల్గొన్నారు.

కొరాపుట్‌: పార్లమెంట్‌ సభ్యునిగా తనకు రాజ్యాంగం కల్పించిన హక్కులకు భంగం ఏర్పిడిందని కాంగ్రెస్‌ పార్టీకి చెందిన కొరాపుట్‌ ఎంపీ సప్తగిరి ఉల్క లోక్‌సభ స్పీకర్‌కి ఫిర్యాదు చేశారు. శుక్ర వారం భారత పార్లమెంట్‌కి ఫిర్యాదు అందించారు. ఈ నెల 26వ తేదీన తాను ఒడిశాలోని భువనేశ్వర్‌లో అసెంబ్లీకి వెళ్తుండగా రిజర్వ్‌ ఆఫీసు వద్ద ముడు గంటల పాటు పోలీసులు దిగ్బంధించారన్నారు. తాను పార్లమెంట్‌ సభ్యుడినని, తాను అసెంబ్లీకి వెళ్లడానికి అన్ని హక్కులు ఉన్నాయని చెప్పినా పోలీసులు వినిపించుకోలేదన్నారు. ఇవి గౌరవ పార్లమెంట్‌ సభ్యునికి జరిగిన హక్కుల ఉల్లంఘనగా అభివర్ణించారు. ఆర్టికల్‌ 105, రూల్‌ 222 ప్రకారం ఇది ఎంతో నేరంగా పేర్కొన్నారు. దీనిపై విచారణ జరిపి ఒడిశా భుబనేశ్వర్‌ డిసిపిలపై చర్యలు తీసుకోవాలని సప్తగిరి ఉల్క విజ్ఞప్తి చేసారు.

శ్రీకాకుళం అర్బన్‌: ఫేస్‌యాప్‌ పేరుతో అంగన్‌వాడీల వేతనాలలో కోత విధించవద్దని సీఐటీయూ జిల్లా అధ్యక్ష ప్రధాన కార్యదర్శులు సీహెచ్‌.అమ్మన్నాయుడు, పి.తేజేశ్వరరావు, ఏపీ అంగన్‌వాడీ వర్కర్స్‌ – హెల్పర్స్‌ యూనియన్‌ జిల్లా అధ్యక్ష, ప్రధాన కార్యదర్శులు కె.కళ్యాణి, డి.సుధ డిమాండ్‌ చేశారు. ఈ మేరకు శుక్రవారం శ్రీకాకుళంలో ఐసీడీఎస్‌ పీడీ బి.శాంతిశ్రీకి వినతిపత్రం అందించారు. ఈ సందర్భంగా వారు మాట్లాడుతూ అంగన్‌వాడీలకు ఏడు నెలల నుంచి మూడేళ్ల పిల్లల తల్లులకు ప్రతినెలా ఫేస్‌ ఎన్‌రోల్‌మెంట్‌ చేయాలన్న ఆదేశాన్ని ప్రభుత్వం వెంటనే ఉపసంహరించుకోవాలన్నారు. అధికారులు ఒత్తిడి, వేతనాలలో కోత మానుకోవాలన్నారు. ఇప్పటికే యాప్‌ మొరాయిస్తోందని, ప్రభుత్వం ఇచ్చిన మొబైల్‌ ఫోన్లు సరిగా పనిచేయడం లేదని చెప్పారు. అయినప్పటికీ ఎన్నో అవస్థలు పడి పని పూర్తి చేస్తుంటే మరింతగా పనిభారం పెంచడం తగదన్నారు. వేతనాల కోత, మెమోల జారీతో తీవ్ర ఆందోళన చెందుతున్నారని చెప్పారు. కార్యక్రమంలో యూనియన్‌ జిల్లా నాయకులు ఎన్‌.హైమావతి, వి.హేమలత, జె.కాంచన, డి.మోహిని, పి.బాలేశ్వరి, ఎల్‌.దుర్గ పాల్గొన్నారు.

జయపురం: ముఖ్యమంత్రి బస్సు సేవా పథకంలో భాగంగా మూడు రోజుల క్రితం ప్రవేశపెట్టిన 50 సీట్ల ఏసీ బస్సులు అప్పుడే మూలకు చేరాయి. ఈ బస్సుౖలు నడపడంపై రాష్ట్ర ప్రైవేట్‌ బస్సుల యాజమాన్య అసోసియేషన్‌ అభ్యంతరం వ్యక్తం చేసిందని, దీంతో తర్వాత ఉత్తర్వులు విడుదల చేసేవరకు బస్సులను నిలిపి వేయాలని ఒడిశా స్టేట్‌ రోడ్డు ట్రాన్స్‌పోర్టు కార్పొరేషన్‌ (ఓఎస్‌ఆర్టీసీ)ని ప్రభుత్వం ఆదేశించింది. ఫలితంగా జయపురం పాత బస్టాండ్‌లో 7 ఏసీ బస్సులు నిలిపివేశారు. గతంలో లక్ష్మి ఏసీ బస్సులు సెమిలిగుడ ప్రభుత్వ బస్టాండ్‌లో పడి ఉండేవి, అయితే ముఖ్యమంత్రి బస్సుసేవా పథకంలో వీటిని మూడు రోజుల క్రితం గుణుపూర్‌కు రెండు బస్సులు, జయపురం–కాశీపూర్‌, జయపురం– మల్కన్‌గిరి, జయపురం–కలహండి(కెటాగాం), జయపురం –కొటియా, జయపురం – భవాణీపట్నలకు నడిపేందుకు చర్యలు తీసుకున్నారు. కానీ మరలా నిలిపివేయడంతో సమస్యలు పరిష్కరించాలని ప్రయాణికులు కోరుతున్నారు.

జయపురం: అవిభక్త కొరాపుట్‌ జిల్లాలో ఈనెల 29 నుంచి 31వ తేదీ వరకూ అండర్‌–19 విభాగంగాలో బ్యాడ్మింటన్‌ పోటీలు జరగనున్నాయి. ఈ విషయాన్ని డీపీ అకాడమీ శుక్రవారం నిర్వహించిన సమావేశంలో సంబంధిత ప్రతినిధి నిమయి చరణ దాస్‌ వెల్లడించారు. ఈ పోటీలలో 94 మంది బాల బాలికలు పాల్గొంటారన్నారు. 15 మంది పర్యవేక్షిస్తారన్నారు. పోటీలలో పాల్గొనేందుకు రాష్ట్రలో పలు ప్రాంతాల నుంచి వచ్చే ఆటగాళ్లు, వారితో వచ్చిన సహాయకులకు వసతి, భోజన సౌకర్యాలు అకాడమి కల్పిస్తోందన్నారు. సమావేశంలో డీపీ అకాడమీ సభ్యులు దేవ దత్త దాస్‌, సుభ్రత కుమార్‌ పండ, గౌరీ పట్నాయక్‌ పాల్గొన్నారు.

జయపురం: విద్యార్థుల్లో దాగిఉన్న ప్రతిభను వెలికి తీయాలని జయపురం బ్లాక్‌ ఎడ్యు కేషన్‌ అధికారి చందన కుమార్‌ నాయిక్‌ అన్నారు. విద్యార్థుల్లో నిఘూడమై ఉన్న ప్రతిభ ప్రతిభింబించేది ఉత్సవాల్లోనేనని.. అందుకే ప్రతి పాఠశాలలో వార్షికోత్సవాలు జరుపుతారన్నారు. స్థానిక గౌఢవీధి ప్రాథమిక పాఠశాలలో శుక్రవారం నిర్వహించిన వార్షికోత్సవంలో ఆయన ముఖ్యఅతిథిగా హాజరయ్యారు. పాఠశాల ప్రధాన ఉపాధ్యాయిని సబితా బెహర అధ్యక్షతన జరిగిన వార్షికోత్సవంలో ముఖ్యఅతిథిగా మాట్లాడుతూ.. విద్యార్థులను ప్రతిభావంతులుగా తీర్చిదిద్దటంలో ఉపాధ్యాయులు ప్రధాన భూమిక పోషించాలన్నారు. విద్యార్థులు మనసు పెట్టి చదువుకోవాలని, ఉపాధ్యాయులు, తల్లిదండ్రులు చెప్పినట్లు నడుచుకోవాలని ఉద్బోంధించారు. గౌరవ అతిథిగా అదనపు బీఈవో కై ళాస చంద్రశతపతి, సీఆర్‌సీసీ జ్యోతీ శంకర త్రిపాఠీ, జయపురం జిల్లా బార్‌ అసోసియేషన్‌ అధ్యక్షులు త్రినాథ్‌ సింగ్‌లాల్‌, సీనియర్‌ న్యాయవాది శశి పట్నాయక్‌, లక్ష్మీ కుమారి పట్నాయక్‌ పాల్గొన్నారు. పాఠశాల వార్షికోత్సవం సందర్భంగా విద్యార్థులకు నిర్వహించిన వివిధ పోటీలలో విజేతలకు అతిథులు చేతులమీదుగా బహుమతులు ప్రదానం చేశారు. విద్యార్థుల సాంస్కృతిక ప్రదర్శనలు అందరినీ అలరించాయి.

ఉత్సాహంగారాయగడ: స్థానిక తేజస్వీ ఓపెన్‌ గ్రౌండ్‌లో రాయగడ జిల్లా ఉగాది ఉత్సవ కమిటీ పేరిట రాజ్యసభ మాజీ సభ్యుడు నెక్కంటి భాస్కరరావు నేతృత్వంలో ఈ నెల 30, 31 తేదీల్లో ఉగాది ఉత్సవాలు జరగనున్నాయి. ఇందులో భాగంగా శుక్రవారం వివిధ పోటీలు ప్రారంభమయ్యాయి. ఈ ప్రత్యేక కార్యక్రమానికి ముఖ్యఅతిథిగా పట్టణ ప్రముఖులు రాఘవ కుముంధాన్‌, గౌరవ అతిథిగా సంఘం నాయుడు హాజరై పోటీలకు శ్రీకారం చుట్టారు. తెలుగు సంస్కృతి, సంప్రదాయాలకు ప్రతీకలుగా నిలిచే ఈ వేడుకలు గత 12 సంవత్సరాలుగా రాజ్యసభ మాజీ సభ్యుడు నెక్కంటి భాస్కరావు రాయగడ జిల్లా ఉగాది ఉత్సవ కమిటీ పేరిట నిర్వహిస్తున్నారని కుముంధాన్‌ అన్నారు. అంతా ఏకమై ఉగాది సంబరాలను ఆనందంగా జరుపుకోవడం సంతోషకరమైన విషయమన్నారు. ఈ ఏడాది కూడా ఆయన నేతృత్వంలో కొనసాగుతున్న వేడుకలను పురస్కరించుకుని నిర్వహిస్తున్న పోటీలకు అనూహ్య స్పందన లభించిందని అన్నారు. మహిళల మధ్య ముగ్గులు, రంగోలీ పోటీల్లో ఉత్సాహంగా మహిళలు పాల్గొన్నారు. అలరించిన ముగ్గులు పోటీ.. తేజస్వీ ఓపెన్‌ గ్రౌండ్‌లో నిర్వహించిన ముగ్గులు, మెహేందీ పోటీల్లో మహిళలు ఉత్సాహంగా పాల్గొన్నారు. 91 మంది మహిళలు, చిన్నారులు తలపడ్డారు. నిర్వహకులే రంగులను ఉచితంగా సరఫరా చేశారు. రాయగడ ప్రజల ఆరాధ్య దైవం మజ్జిగౌరి అమ్మవారు, వేంకటేశ్వరస్వామి ఆకృతులలో వేసిన ముగ్గులు ఆకట్టుకున్నాయి. విజేతల వివరాలు.. ముగ్గుల పోటీల్లో మొదటి మూడుస్థానాల్లో బిజయ లక్ష్మి,, ఎం.మౌనిక, జె.గంగాలు గెలుచుకోగా.. భవానీ బిడిక, గాయత్రి, పి.వర్షాలు ప్రోత్సాహక బహుమతులు దక్కించుకున్నారు. అలాగే మెహేందీ పోటీల్లొ మొత్తం 76 మంది మహిళలు పాల్గొనగా వీరిలో ప్రథమ బహుమతిని సొఫియా బెహర, ద్వితీయ బహుమతిని రాధారాణి కౌసల్య, తృతీయ బహుమతిని పి.వర్షితలు గెలుపొందగా సంజు పాఢి, వనితా పట్నాయక్‌, జె.గంగలు ప్రొత్సాహక బహుమతులను గెలుచుకున్నారు. పోటీల్లో పాల్గొన్నవారందరికీ నిర్వాహకులు పార్టిసిపేషన్‌ బహుమతులను అందజేశారు. కమిటీ సభ్యులు సుజాత పాలొ, రోజా, షర్మిష్టా పాఢి పోటీలను పర్యవేక్షించారు. విజేతలకు ఉగాది సంబరాల్లో బహుమతులను అందజేయనున్నట్లు నిర్వాహకులు తెలిపారు.

శనివారం శ్రీ 29 శ్రీ మార్చి శ్రీ 2025శ్రీ మందిరం ఆదాయం లెక్కింపు నగదు : రూ. 5,86,369 బంగారం : 1 గ్రాము 200 మిల్లీ గ్రాములు వెండి : 98 గ్రాముల 250 మిల్లీ గ్రాములు – భువనేశ్వర్‌/పూరీకొత్త ఉత్తేజం శాసన సభలో దీర్ఘకాలంగా బలం దిగజార్చుకున్న కాంగ్రెస్‌ భావి ఎన్నికల్లో బలం పుంజుకునేందుకు తాజా ఆందోళన దోహదపడుతుందని రాష్ట్ర కాంగ్రెస్‌ వర్గాలు ఆశాభావం వ్యక్తం చేస్తున్నాయి. 2024 అసెంబ్లీ ఎన్నికల్లో కాంగ్రెస్‌ ఓట్ల వాటా 13.4 శాతానికి దిగజారి కేవలం 14 స్థానాలను మాత్రమే గెలుచుకుంది. ఓట్ల వాటా పెంపొందించేందుకు పార్టీ కొన్ని అత్యవసర చర్యలతో వ్యూహాత్మకంగా ప్రతిస్పందిస్తు కార్యకర్తల్లో ఉత్త ఉత్తేజం ప్రేరేపిస్తుందన్నారు. కాంగ్రెస్‌లో సప్తగిరి ఉలాకా, నబజ్యోతి పట్నాయక్‌, సాగర్‌ చరణ్‌ దాస్‌, సోఫియా ఫిరదౌస్‌, మంగు ఖిలాతో మరికొంత మంది యువ నాయకుల్లో నాయకత్వ నైపుణ్యాలకు రాష్ట్ర కాంగ్రెస్‌ పదును పెడుతుంది. భక్త చరణ్‌ దాస్‌ నేతృత్వంలో 2025 సంవత్సరంలో కాంగ్రెస్‌ కొత్త ప్రయాణాన్ని ప్రారంభించిందని కాంగ్రెస్‌ శిబిరంలో కొత్త ఉత్సాహం ఉరకలేస్తుంది. ● మహిళల భద్రత నినాదంతో భారీ ఉద్యమం ● ఘంటానాదంతో పాదయాత్ర భువనేశ్వర్‌: రాష్ట్రంలో కాంగ్రెస్‌ తన ఉనికిని బలపరచుకునే దిశలో సరికొత్త పంథాలో బల ప్రదర్శన చేస్తోంది. ఇటీవల ముగిసిన సార్వత్రిక ఎన్నికల తర్వాత శాసన సభ ముట్టడి తొలి ఉద్యమంగా కనిపించింది. దీర్ఘకాలం తర్వాత కాంగ్రెస్‌ ఈ తరహాలో భారీ ఉద్యమానికి శంఖారావం చేయడం విశేషం. ప్రధానంగా భక్త చరణ్‌ దాస్‌ రాష్ట్ర ప్రదేశ్‌ కాంగ్రెస్‌ కమిటీ అధ్యక్షుని బాధ్యతలు చేపట్టిన నుంచి పీసీసీ కార్యాచరణ వాడీవేడిగా కొనసాగుతుంది. మహిళల భద్రత నినాదంతో శాసన సభ లోపల, బయట తీవ్ర స్థాయిలో విజృంభించి అలజడి రేపింది. ఈ నేపథ్యంలో పార్టీ ఎమ్మెల్యేలపై స్పీకరు సురమా పాఢి సస్పెన్షన్‌ వేటు వేశారు. అంచెలంచెలుగా సభలో కాంగ్రెస్‌ సభ్యులు అందరిని సభా కార్యకలాపాల నుంచి దూరం చేశారు. సభలో కాంగ్రెస్‌ బలం 14 మంది సభ్యులు కాగా వీరందర్ని స్పీకరు తాత్కాలికంగా సస్పెండ్‌ చేశారు. త్వరలో సభలో బడ్జెటు సమావేశాలు ముగియనున్నాయి. ఈ లోగా కాంగ్రెస్‌ సభ్యులపై సస్పెన్షన్‌ వేటు తొలగించే అవకాశాలు కనిపించడం లేదు. 14 మంది సభ్యుల వ్యతిరేకంగా క్రమశిక్షణ చర్యల కింద స్పీకరు సస్పెన్షన్‌ ఉత్తర్వులు జారీ చేయడంతో సభ కాంగ్రెస్‌ శూన్యంగా మారింది. ఈ చర్యని అప్రజాస్వామిక చర్యగా ప్రభావిత కాంగ్రెస్‌ వ్యాఖ్యానించింది. పార్టీ సభ్యుల సస్పెన్షన్‌ వ్యతిరేకంగా చేపట్టిన శాసన సభ ముట్టడి ఆందోళన తార స్థాయికి చేరింది. పోలీసులు, కాంగ్రెస్‌ కార్యకర్తల మధ్య హోరాహోరీ పోరు చోటు చేసుకుంది. ఇరు వర్గాలు ఒకరిపై వేరొకరు రాజ్యాంగ నిబంధనల ఉల్లంఘనకు పాల్పడ్డారని ఆరోపించుకుంటున్నాయి. కాంగ్రెస్‌ ఎమ్మెల్యేల రాత్రింబవళ్లు నిరసన సందర్భంగా పోలీసులు రాష్ట్ర శాసన సభ లోనికి ప్రవేశించడం రాష్ట్ర శాసన సభ చరిత్రలో కళంకం వచ్చిందని ఆవేదన వ్యక్తం చేశారు. చట్టపరమైన కట్టుబాట్లను అధిగమించి విధి నిర్వహణలో ఉన్న పోలీసులపై కాంగ్రెస్‌ కార్యకర్తలు మారణాంతక దాడికి పాల్పడ్డారని రాష్ట్ర పోలీసు వర్గాలు ఆరోపిస్తున్నాయి. ఈ నేపథ్యంలో హింసాత్మక చర్యలకు పాల్పడిన వారి వ్యతిరేకంగా కేసులు నమోదు చేసి అరెస్టు చేయడం తథ్యమని పోలీసులు బాహాటంగా హెచ్చరించారు. స్థానిక క్యాపిటల్‌ పోలీస్‌ ఠాణాలో కాంగ్రెస్‌ ఆందోళనకారుల వ్యతిరేకంగా 3 వేర్వేరు ఫిర్యాదులు (ఎఫ్‌ఐఆర్‌) శుక్ర వారం నమోదు చేశారు. ఈ నెల 26న శాసన సభ తూర్పు ప్రవేశ మార్గం ఆవరణలో కాంగ్రెస్‌ సభ్యుల ఆందోళన వ్యతిరేకంగా ఒక కేసు నమోదు కాగా ఈ నెల 27న శాసన సభ ముట్టడి పురస్కరించుకుని పోలీసు వాహనాలకు నిప్పు అంటించిన ఆరోపణ కింద మరో కేసు నమోదు చేశారు. శాసన సభ ముట్టడి ఆందోళనలో శాంతిభద్రతలకు భంగం కలిగించిన ఆరోపణ కింద మూడో కేసు నమోదు చేశారు. ఈ చర్యని రాష్ట్ర కాంగ్రెస్‌ ప్రముఖుడు భక్త చరణ్‌ దాస్‌ పక్షపాత చర్యగా వ్యాఖ్యానించారు. పోలీసుల ఆరోపణ ప్రకారం రాళ్లు రువ్వి పోలీసుల్ని గాయపరచిన వారిలో కాంగ్రెస్‌ కార్యకర్తలు లేరని ఆయన స్పష్టం చేశారు. పలువురు కాంగ్రెసేతర వర్గాలు ఈ ఆందోళనలో కలిసిపోయిన విషయాన్ని పోలీసు వర్గాలు విస్మరించి ఉద్దేశపూర్వకంగా కాంగ్రెస్‌ కార్యకర్తల వ్యతిరేకంగా కేసులు బనాయించడం అన్యాయమని పేర్కొన్నారు. పోలీసుల చర్యలతో వెనుకంజ వేసేది లేదని ఆయన స్పష్టం చేశారు. రాష్ట్ర ప్రజల స్వార్థ ప్రయోజనాల కోసం కాంగ్రెస్‌ నిర్విరామంగా కృషి చేస్తుందని ఆయన ప్రకటించారు. ఆయన పీసీసీ అధ్యక్షునిగా బాధ్యతలు చేపట్టిన 45 రోజుల స్వల్ప వ్యవధిలో శాసన సభ ముట్టడి ఆందోళన చేపట్టి రాష్ట్ర రాజకీయాల్లో తీవ్ర అలజడి రేపారు. 2000 నుండి 2024 వరకు వరుసగా ఆరు ఎన్నికల్లో కాంగ్రెస్‌ నిరుత్సాహ ఫలితాలతో కార్యకర్తల వర్గం నిరుత్సాహం చెందింది. తాజా ఆందోళనతో కార్యకర్తల్లో కొత్త చురుకుదనంతో పోరాట స్ఫూర్తిని బలోపేతం చేసినట్లు రాష్ట్ర పీసీసీ కొత్త కార్యవర్గం గట్టి నమ్మకం వ్యక్తం చేస్తుంది. ఉనికిని బలపరచుకునే దిశలో కాంగ్రెస్‌ నిరవధికంగా ఉద్యమిస్తుందని హెచ్చరించారు. నాటక దినోత్సవం పర్లాకిమిడిలో నాటక దినోత్సవం ఘనంగా జరిగింది. ప్రదర్శనలు ఆకట్టుకున్నాయి. –IIలోuకొనసాగుతున్న నిరసన ఒక వైపు శాసన సభలో ప్రవేశం లేకుండా సస్పెన్షన్‌కు గురైన సభ్యులు శుక్రవారం నగరంలో దేవాలయాలు సందర్శించి రాష్ట్రంలో భారతీయ జనతా పార్టీ సర్కారుకు మహా దేవుడు సద్బుద్ధి ప్రసాదించాలని ప్రార్థనలు నిర్వహించారు. అనంతరం రాష్ట్ర కాంగ్రెస్‌ భవన్‌ నుంచి ఘంటానాదంతో ప్రభుత్వ వ్యతిరేక నినాదాలతో పాదయాత్ర నిర్వహించారు. న్యూస్‌రీల్‌

జయపురం: స్థానిక ప్రభుత్వ మహిళా కళాశాల ప్రాంగణంలో కొరాపుట్‌ జిల్లా న్యాయ సేవా ప్రదీకరణ జయపురం వారు శుక్రవారం న్యాయ అవగాహన శిబిరం నిర్వహించారు. శిబిరంలో జిల్లా న్యాయ సేవా ప్రధీకరణ కార్యదర్శి, లోక్‌ అదాలత్‌ శాశ్వత విచారపతి సుమన్‌ జెన ముఖ్యఅతిథిగా పాల్గొన్నారు. ఈ సందర్భంగా ఆయన ఉద్యోగాలలో, ఇతర పనులలో ఉండే మహిళలపై జరుగుతున్న లైంగిక దాడులు, అత్యాచారాలు పైన,వాటి నివారణ చట్టాలపైన వివరించారు. బాధిత మహిళలకు చట్టపరిధిలో లభించే సహాయాలు వివరించారు. విధి నిర్వహణలో ఉన్న సమయంలో లైంగిక దాడుల నివారణ, వాటి పరిష్కారం తదితర విషయాలపై మాట్లాడారు. కార్యక్రమంలో డిప్యూటీ లీగల్‌ అండ్‌ డిఫెన్స్‌ కౌన్సిలర్‌ కె.దివాకర రావు, హరిశ్చంధ్ర ముదులి, అసిస్టెంట్‌ డిప్యూటీ టీగల్‌ ఆండ్‌ డిఫెన్స్‌ కౌన్సిలర్‌ గీతాంజళీ ధల్‌, ప్రభుత్వ మహిళా కళాశాల ప్రిన్సిపాల్‌ వివేకానం సున, అసిస్టెంట్‌ ప్రొఫెసర్‌ డాక్టర్‌ డొంబురు దొర దాస్‌, డాక్టర్‌ దిగాల్‌ తదితరులు పాల్గొన్నారు.

కొరాపుట్‌: ఒడిశా రాష్ట్ర పరిస్థితులను రాహుల్‌ గాంధీకి కొరాపుట్‌ ఎంపీ సప్తగిరి ఉల్క వివరించారు. శుక్రవారం పార్లమెంట్‌ ఆవరణలో రాహుల్‌తో ఉల్క భేటీ అయ్యారు. ప్రస్తుతం ఒడిశాలో బీజేపీ ప్రభుత్వ వైఫల్యాలు ఎత్తి చూపడంలో కాంగ్రెస్‌ ఘన విజయం సాధించిందన్నారు. గత 25 ఏళ్ల తర్వాత కాంగ్రెస్‌ క్యాడర్‌ భారీస్థాయిలో విరుచుకుపడడంపై బీజేపీ ప్రభుత్వం వణుకు పుట్టించిందన్నారు. మహిళలపై అత్యాచారాలు, అసెంబ్లీలో కాంగ్రెస్‌ పోరాటం, అసెంబ్లీ ముట్టడి, నెత్తురు చిందించిన కాంగ్రెస్‌ కార్యకర్తల పోరాటం వివరించారు.విజిలెన్స్‌ వలలో అంగన్‌వాడీ సూపర్‌ వైజర్‌ కొరాపుట్‌: విజిలెన్స్‌ వలకు అంగన్‌వాడీ సూపర్‌ వైజర్‌ చిక్కారు. శుక్రవారం కొరాపుట్‌ విజిలెన్స్‌ విభాగం ఈ వివరాలు ప్రకటించింది. జిల్లాలోని లక్ష్మీపూర్‌ సమితి బూర్జ గ్రామంలో అంగన్‌ వాడీ సూపర్‌ వైజర్‌ రేణుక పట్నాయిక్‌ రు.50 వేలు లంచం తీసుకుంటుండగా అధికారులు పట్టుకున్నారు. తన పరిధిలో పని చేస్తున్న అంగన్‌ వాడీ వర్కర్‌ డబ్బులు డిమాండ్‌ చేశారు. దాంతో అంగన్‌వాడీ వర్కర్‌ విజిలెన్స్‌ విభాగాన్ని సంప్రదించి పట్టించారు. అనంతరం అరెస్ట్‌ చేసి జైలుకి తరలించారు. కాశీనగర్‌ రైల్వేట్రాక్‌ వద్ద మృతదేహం పర్లాకిమిడి: కాశీనగర్‌ రైల్వేట్రాక్‌ వద్ద శుక్రవారం ఉదయం ఒకరు రైలు కింద పడి మృతి చెందినట్టు రైల్వే పోలీసు అధికారులు తెలియజేశారు. మృతుడు కాశీనగర్‌ సమితి ఖండవ పంచాయతీలో పురుటిగుడ గ్రామానికి చెందిన మోహన రావు (40)గా పోలీసులు గుర్తించారు. శుక్రవారం వేకువజామున గుణుపురం నుంచి పూరీ వెళ్తున్న ఎక్స్‌ప్రెస్‌ రైలుబండి కింద పడి ఆత్మహత్య చేసుకున్నట్టు పోలీసుల సమాచారం. కాశీనగర్‌లో శివ మోటారు గ్యారేజి బావమరిది అయిన మోహనరావుకు భార్య ముగ్గురు సంతానం ఉన్నారు. కుటుంబ కలహాల కారణంగా ఆయన ఆత్మహత్యకు పాల్పడినట్లు వారి బంధువులు చెబుతున్నారు. రైల్వే పోలీసులు కేసును యూడీ కింద నమోదు చేసుకుని పోస్టుమార్టం కోసం పర్లాకిమిడి ప్రభుత్వ మెడికల్‌కు తరలించారు. బ్యాంకు ఉద్యోగి అనుమానాస్పద మృతి పర్లాకిమిడి: గజపతి జిలా మోహన బ్లాక్‌ చంద్రగిరిలో ఐసీఐసీఐ బ్యాంకు ఉద్యోగి తన నివాస గృహంలో అనుమానాస్పదంగా మృతిచెందినట్టు చంద్రగిరి పోలీసులు శుక్రవారం గుర్తించారు. మృతుడు భువనేశ్వర్‌కు చెందిన ప్రకాష్‌ కుమార్‌ మహారాణా (33)గా పోలీసులు గుర్తించారు. ఆయన బ్యాంకుకు శుక్రవారం విధులకు రాకపోవడంతో తోటి ఉద్యోగులు బ్యాంకు మేనేజరుకు ఫిర్యాదు చేశారు. అయితే ఆయన నివాస గృహానికి వెళ్లి ఫోన్‌ చేసినా రాకపోవడంతో అనుమానం వచ్చి పోలీసులకు ఫిర్యాదు చేశారు. ప్రకాష్‌ కుమార్‌ మహారాణా తన గదిలో ఆత్మహత్య చేసుకున్నట్టు పోలీసులు అనుమానిస్తున్నారు. ఫిబ్రవరి మాసంలో ప్రకాష్‌ కుమార్‌ చంద్రగిరి బ్యాంకులో జాయిన్‌ అయ్యాడు. మృతుని బంధువులకు పోలీసులు సమాచారం అందజేసి, శవాన్ని పోస్టుమార్టం కోసం తరలించారు. కేసును చంద్రగిరి పోలీసులు దర్యాప్తు చేస్తున్నారు.

భువనేశ్వర్‌: జీతభత్యాలు పెంచాలని రాష్ట్ర శాసన సభ సభ్యులు డిమాండ్‌ చేశారు. భారత పార్లమెంటు సభ్యుల జీతభత్యాలు, పింఛన్‌ పెంచారు. ఈ తరహాలో రాష్ట్రంలో సిటింగు ఎమ్మెల్యేల జీతభత్యాలు, మాజీల పింఛన్‌ పెంచాలని జరిగిన బడ్జెట్‌ సమావేశాల్లో ప్రతిపాదించారు. శుక్రవారం జీరో అవర్‌లో ప్రధాన ప్రతిపక్షమైన బిజూ జనతా దళ్‌ శాసన సభలో ఎమ్మెల్యేల జీతభత్యాలతో మాజీ శాసన సభ్యుల ఫించను పెంచాలని డిమాండ్‌ చేశారు. సభలో ఈ అంశంపై ప్రస్తావన పురస్కరించుకుని ద్రవ్యోల్బణం, అధిక వైద్య ఖర్చుల దృష్ట్యా జీతం మరియు ఫించను పెంచడం అవసరమని విపక్ష బీజేడీ చీఫ్‌ విప్‌ ప్రమీలా మల్లిక్‌ తెలిపారు. ఈ సందర్భంగా ఆమె మాట్లాడుతూ రాష్ట్ర ప్రభుత్వం శాసన సభ్యుల జీతభత్యాలు, పింఛన్‌ పెంపుదల నేపథ్యంలో ఉదొలా నియోజక వర్గం ఎమ్మెల్యే భాస్కర్‌ మఢెయి నేతృత్వంలో ఒక కమిటీని ఏర్పాటు చేసింది. ఎమ్మెల్యేల జీతం, మాజీల పింఛన్‌ సవరణకు సిఫార్సులతో ఈ కమిటి తన నివేదికను సమర్పించిందని ప్రమీలా మల్లిక్‌ గుర్తు చేశారు. కమిటీ సిఫార్సులను ఆమోదించాలని ఆమె ప్రభుత్వాన్ని కోరారు. ఎమ్మెల్యేల జీతాలను చివరిసారిగా 2017 సంవత్సరంలో పెంచారు. దీర్ఘకాలంగా వీరి జీతభత్యాలు పెరుగుదలకు నోచుకోలేదు. సిట్టింగ్‌ ఎమ్మెల్యేల జీతభత్యాలతో మాజీల ఫించను పెంచడం అనివార్యంగా పేర్కొన్నారు. ప్రతిపక్ష డిప్యూటీ చీఫ్‌ విప్‌ ప్రతాప్‌ కేశరి దేబ్‌ కూడా ఇదే తరహాలో ఎమ్మెల్యేల జీతం, పింఛను పెంపును సిఫార్సు చేసే కమిటీ నివేదికను అమలు చేయడానికి ప్రభుత్వం త్వరిత చర్యలు తీసుకోవాలని అభ్యర్థించారు. దంపతుల ఆత్మహత్య కొరాపుట్‌: ప్రేమ పెళ్లిని పెద్దలు అంగీకరించకపోవడంతో నవ దంపతులు ఆత్మహత్యకు పాల్పడిన ఘటన శుక్రవారం చోటుచేసుకుంది. వివరాల్లోకి వెళ్తే.. నబరంగ్‌పూర్‌ జిల్లా డాబుగాం పోలీసుస్టేషన్‌ పరిధి జెట్టియా గ్రామానికి చెందిన దినొ జాని (20), జొరిగాం పోలీసుస్టేషన్‌ పరిధి డొక్నికి గ్రామానికి చెందిన పుర్ణిమా బేగ్‌(19)లు నెల రోజుల క్రితం ఇంటి నుంచి పారిపోయి ప్రేమ వివాహం చేసుకున్నారు. అయితే వీరి ప్రేమను పెద్దలు అంగీకరించలేదు. దీంతో మనస్థాపానికి గురైన దంపతులు డాబుగాంలోని వారి నివాసంలో ఆత్మహత్య చేసుకున్నారు. ఘటనా స్థలానికి పోలీసులు చేరుకొని కేసు నమోదు చేశారు. లైంగికదాడిపై కేసు నమోదు మల్కన్‌గిరి: మల్కన్‌గిరి జిల్లా కోరుకొండ సమితిలో గత శివరాత్రి ఉత్సవాల మరుసటి రోజు ఓ 14 ఏళ్ల బాలికను నలుగురు యువకులు ఇంటి ముందు నుంచి బైక్‌పై కిడ్నాప్‌ చేసి బాలికపై అఘాయిత్యానికి పాల్పడ్డారు. ఈ ఘటనపై బాలిక కుటుంబ సభ్యులు గురువారం కోరుకొండ పోలీస్‌స్టేషన్‌లో ఫిర్యాదు చేశారు. ఈ ఫిర్యాదు ఆధారంగా పోలీసులు శుక్రవారం కేసు నమోదు చేశారు. కోరుకొండ ఐఐసీ హిమాంశు శేఖర్‌ బారిక్‌ ఆదేశాలతో ప్రత్యేక పోలీసు బృందం ఏర్పాటు చేసి నిందితుల కోసం గాలింపు చేపట్టారు. అయితే ఈ నలుగురు యువకులు పరారీలో ఉన్నారని గుర్తించారు. పోలీసుల దర్యాప్తు కొనసాగుతోంది.

జయపురం: స్థానిక గీతాంజలి కల్యాణ మండప ప్రాంగణంలో కొరాపుటియ కళలు, కళాకార సంస్థ ఆధ్వర్యంలో గురువారం రాత్రి ఘనంగా నాటక దినోత్సవాలు నిర్వహించారు. ప్రముఖ నాటక కళాకారుడు గోవింద చంద్ర సాహు ముఖ్య అతిథిగా పాల్గొన్న కార్యక్రమంలో ముందుగా ఇటీవల అకాల మరణం చెందిన బాల కళాకారిణి సంతోషిణీ తరాశియకు నివాళులర్పించారు. జయపురం నాటక గత చరిత్ర, నేటి పరిస్థితి, భవిష్యత్‌లో నాటక కళను విస్తరింపజేసేందుకు తీసుకోవాల్సిన చర్యలపై చర్చించారు. కళాకారులు సత్య మిశ్ర, గోపాల కృష్ణ సామంతరాయ్‌, సుధాకర పట్నాయిక్‌, రవీంద్ర పాత్రోలు మాట్లాడుతూ.. నాటక ప్రదర్శనలు సమాజ చైతన్యానికి దోహదపడతాయని, వాటిని పరిరక్షించుకోవాల్సిన బాధ్యత ప్రతి ఒక్కరిపై ఉందన్నారు. కార్యక్రమంలో సంగీత కళాకారుడు ధిరెన్‌ మోహన్‌ పట్నాయక్‌, కళాకారులు మనోజ్‌ కుమార్‌ పాత్రో, జయపురం ఆకాశవాణి విశ్రాంత అధికారి నరేంద్రనాథ్‌ పట్నాయక్‌, జయంత శాంత, గుప్తేశ్వర పాణిగ్రహి, రఘునాథ్‌ బిశ్వాల్‌, సత్యనారాయణ మిశ్ర తదితరులు పాల్గొన్నారు.

పర్లాకిమిడి: ఒడిశా గోహాత్య నిషేధం బిల్లు 2024ను అమలు చేయాలని, గోవుల అక్రమరవాణా అరికట్టాలని, గోశాలలు నిర్మించాలని విశ్వహిందూ పరిషద్‌, భజరంగ్‌ దళ్‌ శ్రేణులు కలెక్టరేట్‌ ఆవరణలో నినాదాలు చేశారు. అనంతరం గవర్నర్‌కు ఉద్దేశించి రాసిన వినతిని కలెక్టర్‌ బిజయకుమార్‌ దాస్‌కు జిల్లా గోరక్షణ పర్యవేక్షకులు లోకనాథ్‌ మిశ్రా, పరలా ధర్మ ప్రచారక ప్రేమీ సత్యనారాయణ సాహు, వీహెచ్‌పీ పట్టణ అధ్యక్షులు కై లాష్‌ చంద్ర గౌడో అందజేశారు. ఈ ఆందోళనలో వి.హెచ్‌.పి. కోశాధికారి హారిమోహాన్‌ పట్నాయిక్‌, సౌమ్యరంజన్‌ ఆచార్య తదితరులు పాల్గొన్నారు.

● వెల్ఫేర్‌డేలో విజ్ఙాపనలు స్వీకరించిన ఎస్పీ విజయనగరం క్రైమ్‌: పోలీస్‌శాఖలో పనిచేస్తున్న సిబ్బంది ఎదుర్కొంటున్న, ఎదురవుతున్న అనుభవిస్తున్న సమస్యలకు పరిష్కారం చూపించనున్నట్లు ఎస్పీ వకుల్‌ జిందల్‌ తెలిపారు. ఈ మేరకు జిల్లా పోలీస్‌ కార్యాలయంలోని తన చాంబర్‌లో శుక్రవారం పోలీస్‌ వెల్ఫేర్‌ డేను ఎస్పీ నిర్వహించారు. ఈ సందర్భంగా విజయనగరం జిల్లా పోలీస్‌శాఖలో వివిధ హోదాల్లో పనిచేస్తున్న పోలీసు అధికారులు, సిబ్బంది సమస్యల పరిష్కారానికి ఎస్పీ వకుల్‌ జిందల్‌ విజ్ఞాపనలు స్వీకరించి చర్యలు చేపట్టారు. లివిరి సమీపంలో ఏనుగుల గుంపుభామిని: మండలంలో ఏనుగుల గుంపు అలజడి సృష్టిస్తోంది. శుక్రవారం మండలంలోని లివిరి పంట పొలాల్లో నాలుగు ఏనుగుల గుంపు ప్రవేశించి పంటలు నాఽశనం చేస్తున్నాయి. వంఽశదార నదీ తీరం వెంబడి ఏనుగుల గుంపు ప్రయాణం కొనసాగుతోంది. భామిని గ్రామంలోకి ఏనుగుల గుంపు ప్రవేశిస్తుందని మండల కేంద్రం రైతులు ఆందోళన చెందుతున్నారు. మండలంలో ఏనుగులు గుంపు పంటలన్నీ పాడుచేస్తున్నప్పటికీ అధికార కూటమి నాయకులు ఇచ్చిన హామీ మరిచి మౌనం వహించడంపై పలు విమర్శలు వ్యక్తమవుతున్నాయి. పిచ్చి కుక్క కరిచి 9 మందికి గాయాలువీరఘట్టం: స్థానిక మేజర్‌ పంచాయతీలోని బార్నాలవీధి రోడ్డులో శుక్రవారం ఉదయం 7 గంటల సమయంలో పిచ్చికుక్క స్వైర విహారం చేయడంతో జనం భయంతో పరుగులు తీశారు. ఆ వీధిలో నడుచుకుంటూ వచ్చిన 9 మందిపై పిచ్చి కుక్క దాడి చేయడంతో వారంతా తీవ్రంగా గాయపడ్డారు. గాయపడిన వారిలో కోట శ్రీరాములు, జి.నాగరాజు, ఎం.ధరణి, సుజాత, జి.పార్వతి, పి.రామిశెట్టి, కె.గంగులు, బి.ధర్మారావు, కె.రవి ఉన్నారు. వారందరికీ వీరఘట్టం ఆస్పత్రిలో ప్రథమ చికిత్స అందించారు. వారిలో నలుగురికి తీవ్రంగా గాయాలు కావడంతో మెరుగైన వైద్యం కోసం పాలకొండ ఏరియా ఆస్పత్రికి తరలించారు. రెండు బైక్‌లు ఢీకొని యువకుడు మృతి వేపాడ: మండలంలోని కొత్త బొద్దాం జంక్షన్‌లో గురువారం అర్ధరాత్రి రెండు బైక్‌లు ఢీకొనడంతో జరిగిన ప్రమాదంలో ఓ యువకుడు మృతి చెందగా నలుగురు గాయాలపాలయ్యారు. ఇందుకు సంబంధించిన వివరాలిలా ఉన్నాయి. ఎస్‌.కోట నుంచి ఎల్‌.కోట వైపు ద్విచక్రవాహనం వెళ్తుండగా ఎల్‌.కోట నుంచి ఎస్‌.కోట వైపు వెళ్తున్న మరో ద్విచక్రవాహనం కొత్త బొద్దాం జంక్షన్‌ దగ్గర ఢీకొన్నాయి. దీంతో ప్రమాదంలో రెండు వాహానాలపై ఉన్న ఐదుగురు వ్యక్తులు గాయాలపాలయ్యారు. వారిని ఆస్పత్రికి తరలించగా చికిత్స పొందుతూ ఎస్‌.కోట నుంచి ఎల్‌.కోట వైపు వెళ్తున్న వాహనచోదకుడు బసవబోయిన కార్తీక్‌ (19) మృతిచెందాడు. ఎస్‌.కోట కోటవీధికి చెందిన కార్తీక్‌కు తల్లిదండ్రులు, సోదరి ఉన్నారు. ఫిర్యాదు మేరకు కేసు నమోదు చేసినట్లు ఎస్సై బి.దేవి తెలిపారు. 30, 31 తేదీల్లోనూ రిజిస్ట్రేషన్‌ సేవలు పార్వతీపురంటౌన్‌: ఈ నెల 30న ఉగాది, 31న రంజాన్‌ పండగ సెలవురోజుల్లో జిల్లాలోని రిజిస్ట్రేషన్‌ కార్యాలయాల్లో యథావిధిగా సేవలందిస్తామని జిల్లా రిజిస్ట్రార్‌ రామలక్ష్మి పట్నాయక్‌ తెలిపారు. జిల్లా స్టాంప్‌ అండ్‌ రిజిస్ట్రార్‌ కార్యాలయంలో శుక్రవారం ఏర్పాటుచేసిన సమావేశంలో ఆమె మాట్లాడారు. జిల్లాలోని నాలుగు సబ్‌ రిజిస్ట్రార్‌ కార్యాలయాల్లో ఉదయం 11 నుంచి సాయంత్రం 5.30 గంటల వరకు సిబ్బంది విధులు నిర్వహిస్తారని తెలిపారు. సెలవు రోజున కార్యాలయాల్లో రిజిస్ట్రేషన్లు చేసినందుకు ఎటువంటి అదనపు చార్జీలు వసూలు చేయమని తెలిపారు. ఏప్రిల్‌ 2 నుంచి యూఎల్‌ఆర్‌ స్లాట్‌ బుకింగ్‌ అన్ని రిజిస్ట్రార్‌ కార్యాలయాల్లో ప్రారంభిస్తున్నట్టు వెల్లడించారు. ఈ అవకాశాన్ని సద్వినియోగం చేసుకోవాలని ఆమె సూచించారు.

● జిల్లా ప్రధాన న్యాయమూర్తి బి.సాయి కల్యాణ్‌ చక్రవర్తి విజయనగరం లీగల్‌: శాశ్వత లోక్‌ అదాలత్‌ను ప్రతి ఒక్కరూ వినియోగించుకుంటే ఇరుపార్టీలకు మేలు చేస్తుందని జిల్లా ప్రధాన న్యాయమూర్తి బి.సాయికల్యాణ్‌ చక్రవర్తి అన్నారు. ఆంధ్రప్రదేశ్‌ రాష్ట్ర న్యాయ సేవా అధికార సంస్థ ఉత్తర్వుల మేరకు శుక్రవారం జిల్లా కోర్టు ఆవరణలో పాలీగల్‌ వలంటీర్స్‌కు, శాశ్వత లోక్‌ అదాలత్‌ ఉద్యోగులకు శిక్షణ కార్యక్రమం జరిగింది. ఈ సందర్భంగా శాశ్వత లోక్‌ అదాలత్‌ చైర్మన్‌, విశ్రాంత జిల్లా న్యాయమూర్తి జి.దుర్గయ్య మాట్లాడుతూ శాశ్వత లోక్‌ అదాలత్‌లో వ్యాజ్యం వేయడం వల్ల ఎటువంటి కోర్టు ఫీజు ఉండదన్నారు. దీనిమీద తీర్పు చెప్పనున్నారని, ఇక్కడ తీర్పు చెప్పిన మీదట దానికి ఆపీల్‌ ఉండదని స్పష్టం చేశారు. హాజరైన పారా లీగల్‌ వలంటీర్స్‌ను ఉద్దేశించి మాట్లాడుతూ వలంటీర్స్‌ అందరూ శాశ్వత లోక్‌ అదాలత్‌ గురించి విస్తృతంగా ప్రచారం చేయాలని పిలుపునిచ్చారు. కార్యక్రమంలో జిల్లా న్యాయ సేవా అధికార సంస్థ ఇన్‌చార్జి కార్యదర్శి బీహెచ్‌వీ లక్ష్మీకుమారి, శాశ్వత లోక్‌ అదాలత్‌ సిబ్బంది, పారా లీగల్‌ వలంటీర్స్‌ పాల్గొన్నారు.

● కూటమి నేతల సిఫారసు ఉంటేనే వ్యవసాయ యంత్రాల మంజూరు ● కూటమి ఆదేశాలు అధికారులు అమలు చేస్తున్నారనే ఆరోపణలువిజయనగరం ఫోర్ట్‌: ఈ ఫొటోలో కనిపిస్తున్న వ్యక్తి పేరు రంధి దేముడు. ఈయనది గంట్యాడ మండలంలోని పెదవేమలి గ్రామం. వ్యవసాయ యంత్ర పనిముట్లు రాయితీపై ఇస్తామని రైతు సేవా కేంద్రం సిబ్బంది చెప్పడంతో దుక్కిసెట్టు కోసం దరఖాస్తు చేశాడు. దుక్కిసెట్టు నిమిత్తం రైతు కట్టాల్సిన వాటాను చెల్లించడానికి రైతు సేవా కేంద్రం సిబ్బందిని అడిగితే మీకు దుక్కి సెట్టు మంజూరు చేయలేం అని తేల్చి చెప్పడంతో మిన్నుకుండిపోయాడు. ఈ పరిస్థితి ఈ ఒక్క రైతుదేకాదు. జిల్లాలోని అనేక మంది రైతులది. అందరికీ అన్నం పెట్టే రైతులతో కూటమి నేతలు రాజకీయాలు చేస్తున్నారనే ఆరోపణలు వినిపిస్తున్నాయి. యంత్ర పరికరాల కోసం దరఖాస్తు చేసిన రైతులు ఏపార్టీ వారా? అని అరా తీస్తున్నారు. కూటమి పార్టీకి చెందిన రైతులైతే వారికి యంత్ర పరికరాల మంజూరుకు అధికారులకు ఆదేశాలు జారీ చేస్తున్నారు. తటస్థంగా ఉండే రైతులైతే వారికి యంత్ర పరికరాలు మంజూరు చేయవద్దని అధికారులకు ఆదేశాలు జారీ చేస్తున్నారనే విమర్శలు వినిపిస్తున్నాయి. అధికారులు కూడా అధికార పార్టీకి చెందిన నేతల ఆదేశాలను తు.చ తప్పకుండా అమలు చేస్తున్నారనే ఆరోపణలు వినిపిస్తున్నాయి. మీకు తెలియంది ఏం ఉంది? అధికార పార్టీ నేతలు చెప్పినట్లు చేయాల్సిందే కదా అంటూ వ్యవసాయ శాఖకు చెందిన ఓ అధికారి వాఖ్యానించారంటే పరిస్థితి అర్థం చేసుకోవచ్చు. కూటమి నేతల వ్యవహార శైలి తెలిసిన చాలామంది రైతులు యంత్ర పరికరాల కోసం దరఖాస్తు చేయలేదు. దరఖాస్తు చేసినా కూటమి నేతలు మంజూరు కానివ్వరనేది రైతుల భావన. 456 మంది దరఖాస్తు వ్యవసాయ యంత్ర పరికరాల కోసం రైతులు జిల్లావ్యాపంగా 456 మంది రైతులు దరఖాస్తు చేసుకున్నారు. వాటికి సంబంధించి కూటమి నేతలు చెప్పి న లబ్ధిదారుల జాబితాను అధికారులు సిద్ధం చేసిన ట్లు తెలిసింది. 50 శాతం రాయితీపై యంత్ర పరికరాలు ఇవ్వనున్నారు. దుక్కి సెట్లు, మోటార్‌ స్ప్రేయర్స్‌, పవర్‌ టిల్లర్స్‌, బ్రష్‌ కట్టర్స్‌, పవర్‌వీటర్స్‌, రోటోవీడర్స్‌ యంత్ర పరికరాలు ఇవ్వనున్నారు. వ్యవసాయ యంత్ర పరికరాల రాయితీకి సంబంధించి ప్రభుత్వం జిల్లాకు రూ.2.50 నిధులు కేటా యించినట్లు వ్యవసాయాధికారులు చెబుతున్నారుదరఖాస్తులు పరిశీలించి మంజూరు జిల్లాలో యంత్ర పరికరాల కోసం 456 మంది దరఖాస్తు చేశారు. ఈ దరఖాస్తులను పరిశీలించి యంత్ర పరికరాలు మంజూరు చేయనున్నాం. వి.తారకరామారావు, జిల్లా వ్యవసాయ అధికారి

బొబ్బిలి రూరల్‌: మండలంలోని సీహెచ్‌ బొడ్డవలస పంచాయతీ పరిధి కేశాయవలస గిరిజన గ్రామంలో టేకు మొక్కలకు నీళ్లుపోస్తున్న వాటర్‌ ట్యాంకు ట్రాక్టర్‌ బోల్తా పడడంతో ట్రాక్టర్‌ ఇంజిన్‌ కింద పడి, పార్వతీపురం మన్యం జిల్లా సీతానగరం మండలం కాశీపేట గ్రామానికి చెందిన పెదిరెడ్డి పోలిరాజు(58)మృతిచెందాడు. ఈ ఘటనపై పోలీసులు తెలిపిన వివరాలిలా ఉన్నాయి. శుక్రవారం ఉదయం 9 గంటల ప్రాంతంలో కేశాయవలస గ్రామానికి చెందిన కొండగొర్రె నీలమ్మ పొలంలో టేకు మొక్కలకు నీళ్లు పోసేందుకు వాటర్‌ట్యాంకర్‌తో వెళ్తున్న పోలిరాజు పొలంలో ఎత్తుపల్లాలను గమనించకపోవడంతో ట్రాక్టర్‌ అదుపుతప్పి బోల్తాపడింది. దీంతో పోలిరాజు ట్రాక్టర్‌ కింద పడగా అక్కడికక్కడే మృతిచెందాడని సీఐ సతీష్‌కుమార్‌ తెలిపారు. మృతుడి కుమారుడు సూర్యనారాయణ ఫిర్యాదు మేరకు ఎస్సై జ్ఞానప్రసాద్‌ కేసునమోదు చేసి దర్యాప్తు చేస్తున్నారని, మృతదేహాన్ని పోస్టుమార్టం నిమిత్తం సీహెచ్‌సీకి తరలించామని సీఐ తెలిపారు.మృతుడు పోలిరాజుకు భార్య, కుమారుడు, కుమార్తె ఉన్నారు.రోడ్డు ప్రమాదంలో ఇంటర్‌ విద్యార్థి..భామిని: మండలం పసుకుడికి చెందిన ఇంటర్‌మీడియట్‌ విద్యార్థి మువ్వల జయరాం(18) శుక్రవారం శ్రీకాకుళంలోని ప్రైవేట్‌ ఆస్పత్రిలో చికిత్స పొందుతూ మృత్యువాత పడినట్లు బత్తిలి ఎస్సై డి.అనిల్‌ కుమార్‌ తెలిపారు. ఈ మేరకు ఘటనపై ఆయన తెలిపిన వివరాలిలా ఉన్నాయి. ఇటీవల జయరాం ఇంటర్‌మీడియట్‌ సెకెండియర్‌ పరీక్షలు భామినిలో రాశాడు. పరీక్షల అనంతరం సరదాగా గడుపుతున్న జయరాం ఈ నెల 2న పసుకుడి నుంచి లివిరి డోలోత్సవ యాత్రకు స్నేహితులతో కలిసి బైక్‌పై వెళ్తుండగా రోడ్డు ప్రమాదంజరిగి తీవ్రగాయాలపాలయ్యడు. వెంటనే 108 అంబులెన్సు లో కొత్తూరు ప్రభుత్వాస్పత్రికి తరలించి వైద్యసేవలు అందించి శ్రీకాకుళంలోని ప్రైవేట్‌ ఆస్పత్రికి తరలించారు. బత్తిలి ఏఎస్సై కొండగొర్రి కాంతారావు ఆద్వర్యంలో కేసు నమోదు చేసి పోస్టుమార్టం నిర్వహించి కుటుంబ సభ్యులకు మృతదేహాన్ని అప్పగించారు. మృతుడికి తల్లిదండ్రులతో పాటు ముగ్గురు సోదరీమణులు ఉన్నారు. పసుకుడిలో జరిగిన అంతిమ సంస్కారంలో తోటి విద్యార్థులు, టీచర్లు, బంధువులు పాల్గొని జయరాంకు ఘనంగా నివాళులు అర్పించారు. అనుమానాస్పద స్థితిలో యువతి..సాలూరు రూరల్‌: మండలంలోని మర్రివానివలస గ్రామానికి చెందిన వాకాటి ఐశ్వర్య (20) చీపురువలస గ్రామసమీపంలో మామిడితోటలో అనుమానాస్పద స్థితిలో చెట్టుకు ఉరివేసుకుని మృతి చెంది ఉన్నట్లు రూరల్‌ ఎస్సై నరసింహమూర్తి తెలిపారు. ఈ మేరకు ఆయన చెప్పిన సమాచారం ప్రకారం విశాఖపట్నంలోని ఒక బట్టల షాపులో పనిచేస్తున్న ఆమె ఇటీవల ఇంటికి వచ్చి రెండురోజుల క్రితం పనికి వెళ్లింది. శుక్రవారం చీపురువలస గ్రామసమీపంలో మృతదేహాన్ని గుర్తించిన స్థానికులు ఇచ్చిన సమాచారం మేరకు సంఘటనా స్థలానికి వెళ్లి పరిశీలించి కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

విజయనగరం ఫోర్ట్‌: క్షయవ్యాధి నియంత్రణలో విజయనగరం జిల్లాకు జాతీయస్థాయి గుర్తింపు లభించింది. క్షయ వ్యాధి నియంత్రణ ప్రత్యేక వందరోజుల ఉద్యమంలో దేశంలోనే అత్యధిక క్షయ వ్యాధి నిర్ధారణ పరీక్షలు చేసిన జిల్లాగా గుర్తింపు పొందింది. క్షయవ్యాధి నియంత్రణకు కేంద్ర ప్రభుత్వం దేశంలోని 347 జిల్లాల్లో వంద రోజుల ప్రత్యేక కార్యక్రమాన్ని గత ఏడాది డిసెంబర్‌ 7న ప్రారంభించింది. ఈ ఉద్యమంలో భాగంగా రాష్ట్రంలో విజయనగరం జిల్లా వంద రోజుల టీబీ నియంత్రణ కార్యక్రమానికి ఎంపికై ంది. దీనిలో భాగంగా క్షయవ్యాధిపై ప్రజల్లో అవగాహన కల్పించడంతో పాటు, క్షయవ్యాధి లక్షణాలు కలిగి ఉన్న వారికి వ్యాధి నిర్ధారణ పరీక్షలు నిర్వహించడం వంటి కార్యక్రమాలు జిల్లాలో చేపట్టారు. వంద రోజుల కార్యక్రమానికి ఎంపికై న 347 జిల్లాల అన్నింటిలో విజయనగరం జిల్లాలో అత్యధికంగా 45,195 క్షయ వ్యాధి నిర్ధారణ పరీక్షలు చేసి దేశంలో ప్రథమ స్థానంలో నిలిచినట్లు కలెక్టర్‌ బీఆర్‌ అంబేడ్కర్‌ వెల్లడించారు. ప్రపంచ క్షయ నివారణ దినోత్సవం సందర్భంగా మార్చి 24న కేంద్ర ఆరోగ్యశాఖ మంత్రి డాక్టర్‌ జేపీ నడ్డా నుంచి క్షయ నియంత్రణపై విజయనగరం జిల్లాకు చెందిన కేంద్ర బృందం ప్రతినిధి పి.రమేష్‌ అవార్డు స్వీకరించారని తెలిపారు. ఈ ఘనతను సాధించడంలో కృషి చేసిన డీఎంహెచ్‌ఓ డాక్టర్‌ జీవనరాణి, జిల్లా క్షయ నియంత్రణ అధికారి డాక్టర్‌ కె.రాణి, క్షయ నివారణ సిబ్బందిని కలెక్టర్‌ అభినందించారు. వైద్యారోగ్యశాఖను అభినందించిన కలెక్టర్‌ అంబేడ్కర్‌

పార్వతీపురంటౌన్‌: పార్వతీపురం బార్‌ అసోసియేషన్‌ ఎన్నికలు ఏకగ్రీవమ య్యాయి. ఈ మేరకు అధ్యక్షుడిగా నల్ల శ్రీనివాసరావు ఎన్నికై నట్లు ఎన్నికల అధికారి బి.సత్యనారాయణ శుక్రవారం పేర్కొన్నారు. ఏపీ హైకోర్టు ఆదేశాల మేరకు పార్వతీపురం బార్‌ అసోసియేషన్‌కు 2025–26 సంవత్సరానికి గాను ఎన్నికలు నిర్వహించామని తెలిపారు. ఈ నెల 17 నామినేషన్‌ వేసిన వారిని ఏకగ్రీవంగా ఎన్నుకున్నట్లు చెప్పారు. ఈ ఎన్నికలో ఉపాధ్యక్షుడిగా సూర్ల కృష్ణ, జనరల్‌ సెక్రటరీగా నీలం రాజేశ్వరరావు, జాయింట్‌ సెక్రటరీగా ఎంవీ వెంకట రాఘవేంద్ర, కోశాధికారిగా మంత్ర పూడి వెంటకరమణలను ఎన్నుకున్నారని వివరించారు. ఈ సందర్భంగా నూతన కార్యవర్గాన్ని బార్‌ అసోసియేషన్‌ సభ్యులు సత్కరించారు. విజయనగరంలో.. విజయనగరం లీగల్‌: విజయనగరం జిల్లా కేంద్ర న్యాయవాదుల సంఘం ఎన్నికల ప్రక్రియ శుక్రవారం ముగిసింది. సంఘం అధ్యక్షుడిగా కలిశెట్టి రవిబాబు, సంయుక్త కార్యదర్శిగా బార్నాల సీతారామరాజు ఎన్నికయ్యారు. శుక్రవారం జరిగిన అధ్యక్ష ఎన్నికల్లో రవిబాబు 58 ఓట్ల మెజారిటీతో తన సమీప ప్రత్యర్థి ధవళ వెంకట రావుపై విజయం సాధించారు. కాగా సంయుక్త కార్యదర్శిగా బార్నాల సీతారామ రాజు తన ప్రత్యర్థి సారిక సతీష్‌పై కేవలం నాలుగు ఓట్లు స్వల్ప మెజారిటీతో గెలుపొందారు. కార్యదర్శిగా నలితం సురేష్‌ కుమార్‌, ఉపాధ్యక్షుడిగా పి.శివప్రసాద్‌, కోశాధికారిగా కళ్ళెంపూడి వెంకట్రావు, లైబ్రరీ కార్యదర్శిగా తాడిరాజు, స్పోర్ట్స్‌ సెక్రటరీగా చిన్ని ఏకగ్రీవంగా ఎన్నికయ్యారు.

తెర్లాం: జిల్లాలోని తెర్లాం మండలం, తెర్లాం పంచాయతీ పరిధిలోని చిన్నయ్యపేట గ్రామానికి చెందిన చింత జ్యోతిస్వరూప్‌, తెర్లాం మండల కేంద్రానికి చెందిన చిప్పాడ హరీష్‌లు ఇటీవల జరిగిన ఎస్‌ఎస్‌సీ సీజీఎల్‌ పరీక్షలో మంచి ప్రతిభ కనబరిచి సెంట్రల్‌ జీఎస్టీ ఇన్‌స్పెక్టర్లుగా ఎంపికయ్యారు. ఆ యువకుల నేపథ్యం ఇలా ఉంది. చింత జ్యోతిస్వరూప్‌:. చిన్నయ్యపేట గ్రామానికి చెందిన చింత శంకరరావు, అరుణల కుమారుడు. విశాఖపట్నంలోని గాయత్రి ఇంజినీరింగ్‌ కళాశాలలో బీటెక్‌ పూర్తి చేశాడు. ఇటీవల జరిగిన ఎస్‌ఎస్‌సీ సీజీఎల్‌ పరీక్షలో 390 మార్కులకుగాను 350 మార్కులు సాధించి ఆలిండియా ఓపెన్‌ కేటగిరీలో 836వ ర్యాంక్‌ సాధించి సెంట్రల్‌ జీఎస్టీ ఇన్‌స్పెక్టర్‌గా ఎంపికయ్యాడు. జ్యోతిస్వరూప్‌ తండ్రి శంకరరావు విశాఖపట్నంలోని ఓ కోచింగ్‌ సెంటర్‌లో రీజనింగ్‌ ఫ్యాకల్టీగా పనిచేస్తుండగా తల్లి అరుణ గృహిణి. కుమారుడు జ్యోతిస్వరూప్‌ జీఎస్టీ ఇన్‌స్పెక్టర్‌గా ఎంపిక కావడంపట్ల తల్లిదండ్రులు, కుటుంబసభ్యులు, గ్రామస్తులు ఆనందం వ్యక్తం చేస్తున్నారు. చిప్పాడ హరీష్‌.. తెర్లాం గ్రామానికి చెందిన చిప్పాడ రమణ, మంగరత్నంల కుమారుడు. హరీష్‌ ప్రస్తుతం చైన్నెలో ఇన్‌కమ్‌ టాక్స్‌ డిపార్ట్‌మెంట్‌లో టాక్స్‌ అసిస్టెంట్‌గా ఏడాదిన్నగా పనిచేస్తున్నాడు. ఇటీవల జరిగిన ఎస్‌ఎస్‌సీ సీజీఎల్‌ ప్రవేశ పరీక్షకు హాజరై 390మార్కులకుగాను 346మార్కులు సాధించి ఆలిండియా ఓబీసీ కేటగిరీలో 1602 ర్యాంక్‌ కై వసం చేసుకుని సెంట్రల్‌ జీఎస్టీ ఇన్‌స్పెక్టర్‌గా ఎంపికయ్యాడు. హరీష్‌ తండ్రి రమణ మండలంలోని పణుకువలస ప్రాథమిక పాఠశాలలో ప్రధానోపాధ్యాయుడిగా పనిచేస్తుండగా, తల్లి మంగరత్నం తెర్లాంలోని శ్రీవేంకటేశ్వర విద్యాసంస్థల కరస్పాండెంట్‌. కుమారుడు హరీష్‌ సెంట్రల్‌ జీఎస్టీ ఇన్‌స్పెక్టర్‌గా ఎంపిక కావడంపట్ల తల్లిదండ్రులు, కుటుంబ సభ్యులు, గ్రామస్తులు ఆనందం వ్యక్తంచేశారు. చిన్నయ్యపేటకు చెందిన జ్యోతిస్వరూప్‌ తెర్లాంకు చెందిన హరీష్‌ ఎంపిక

పర్లాకిమిడి: ప్రచండ ఎండలకు మహేంద్ర తనయలో నీరు అడుగంటింది. పర్లాకిమిడి, పాతపట్నం సరిహద్దుల్లో నీరు కనుమరుగైంది. పర్లాకిమిడి పట్టణ ప్రజల తాగునీటి అవసరాలకు రోజుకు 12 మిలియన్‌ గ్యాలన్లు అవసరం వుండగా మహేంద్రతనయ నది నుంచి పంపుసెట్‌ల ద్వారా నీటిని తోడి 7 మిలియన్‌ గ్యాలన్ల తాగునీటిని మాత్రమే ప్రజాఆరోగ్యశాఖ అందించగలుగుతోంది. గత ఏడు నెలలుగా వర్షాలు కురవకపోవడంతో ఈ దుస్థితి ఏర్పడినట్టు అధికారులు చెబుతున్నారు.తాగునీట సమస్యపై ఇటీవలే కలెక్టర్‌ కార్యాలయంలో ఉన్నతాధికారులతో కలెక్టర్‌ సమీక్ష నిర్వహించారు.

రాయగడ: రాయగడ జిల్లా ఉగాది ఉత్సవ కమిటీ పేరిట గత 12 ఏళ్లుగా నిర్వహిస్తున్న వేడుకలను ఈసారి కూడా అందరి సహకారంతో ఘనంగా నిర్వహించాలని ఉత్సవ కమిటీ అధ్యక్షుడు, మాజీ ఎంపీ నెక్కంటి భాస్కరరావు అన్నారు. స్థానిక తేజస్వీ ఒపెన్‌ గ్రౌండ్‌లో ఈ నెల 30, 31వ తేదీల్లొ జరగనున్న ఉగాది వేడుకల నిర్వహణకు సంబంధించి గురువారం రాణిగుడఫారంలో గల ఆయన స్వగృహంలో పట్టణ ప్రముఖులతో సమావేశమయ్యారు. తెలుగు సంస్కృతి, సంప్రదాయాలకు అద్దం పట్టే ఈ ఉత్సవాలను భావితరాలు కూడా నిర్వహించేలా మనం ప్రోత్సాహించాలన్నారు. గత మూడేళ్లుగా ఈ ఉత్సవాలు రెండు వేదికల్లో నిర్వహించడంతో ప్రజలు కొంతమేర ఇబ్బందులు ఎదుర్కోవాల్సి వస్తుందన్నారు. ఎన్నిచోట్ల ఉగాది వేడుకలు జరుగుతున్నప్పటికీ తెలుగు సంస్కృతి, సంప్రదాయాలకు భంగం కలగకుండా చూడాలన్నారు. చందాల పేరిట ప్రజలను ఇబ్బంది పెట్టే ప్రక్రియ చేపట్టవద్దన్నారు. రెండు రోజుల పాటు జరిగే ఉగాది వేడుకలకు సంబంధించి నిర్వహిస్తున్న వివిధ పోటీల వివరాలను ప్రకటించారు. ఆదివారం స్థానిక మజ్జిగౌరి మందిరం నుంచి నిర్వహించనన్ను కలశ యాత్ర వివరాలను వివరించారు. చంద్రమౌళి కుముందాన్‌, రాఘవ కుముందాన్‌, ఎస్‌.జగన్నాథరావు, టి.త్రినాథరావు, తదితరులు పాల్గొన్నారు.

ఏటీఎం కార్డు మార్చేసి.. శ్రీకాకుళం క్రైమ్‌ : ఓ రిటైర్డ్‌ అధికారి వద్ద ఏటీఎం కార్డు మార్చేసి రూ. 1,63,900 కొట్టేసిన వైనం జిల్లా కేంద్రంలోని అరసవల్లి మిల్లు కూడలి సమీప ఎస్బీఐ ఏటీఎంలో చోటు చేసుకుంది. ఒకటో పట్టణ ఎస్‌ఐ ఎం. హరికృష్ణ, బాధితుడు తెలిపిన వివరా ల ప్రకారం.. అరసవల్లి మిల్లు జంక్షన్‌ సమీపంలో ఎస్బీఐ ఏటీఎం సెంటర్‌కు ఓ రిటైర్డ్‌ అధికారి వెళ్లి రూ.9 వేలు విత్‌డ్రా చేశారు. కార్డును మిషన్‌ నుంచి తీయకుండానే పక్కనే ఆ డబ్బులు లెక్కపెడుతుండగా వెనుకగా నిల్చొన్న గుర్తు తెలియని వ్యక్తి గమనించాడు. క్షణాల్లో అధికారి కార్డు తీసేసి తన కార్డును మిషన్‌లో పెట్టేశాడు. సార్‌ మీ కార్డు మిషన్‌లో ఉంచేశారు.. తీయండి అంటూ సాయం చేసినట్లు నటించి అక్కడి నుంచి పరారయ్యాడు. అక్కడికి రెండు రోజుల తర్వాత ఎస్బీఐ యోనోయాప్‌ ద్వారా బ్యాలెన్స్‌ చెక్‌ చేయగా రూ.1,63,900 ఎవరో ఏటీఎం కార్డు ద్వారా విత్‌డ్రా చేసినట్లు అధికారి గ్రహించారు. వెంటనే తన వద్దనున్న ఏటీఎం కార్డు తీసుకెళ్లి తనిఖీ చేయ గా బ్యాలెన్స్‌ తక్కువగా కనిపించడంతో వెంటనే సంబంధిత మెయిన్‌ బ్రాంచి (ఎస్బీఐ) అధికారులను కలువగా కార్డును బ్లాక్‌ చేసి స్టేట్‌మెంట్‌ తీసి చూపించి పోలీసులను ఆశ్రయించాలన్నారు. పలుచోట్ల తీసి.. చివరికి ఒడిశాలో.. స్టేట్‌మెంట్‌లో మోసం చేసిన వ్యక్తి ముందుగా విశాఖపట్నం శ్రీ సంఘవి జ్యూయలర్‌ మాల్‌ ఏటీఎం వద్ద రూ.75 వేలు, అశీల్‌మెట్ట ఏటీఎం వద్ద రూ.10 వేలు, అదే చోట రెండుసార్లు రూ.10 వేలు, మరోసారి రూ.వెయ్యి తీశాడు. అక్కడి నుంచి ఒడిశా రాష్ట్రంలోకి వెళ్లి బరంపురం సిటీ హాస్పిటల్‌ రోడ్డులో రూ.10 వేలు, అదేచోట మూడుసార్లు రూ. 10 వేలు చొప్పున, చివరికి గజపతి జిల్లా సూర్యా హాల్‌మార్క్‌ వద్ద రూ.17,900 తీశాడు. ఈ ఘటనపై గురువారం కేసు నమోదు చేసి దర్యాప్తు చేస్తున్నట్లు ఎస్‌ఐ పేర్కొన్నారు.

పర్లాకిమిడి: కాశీనగర్‌ సమితి సింగిపురం గ్రామం వద్ద ఒడిశా ఆర్టీసీ బస్సు అదుపుతప్పి చెట్టును ఢీకొంది. ఈ ఘటనలో బస్సులో ఉన్న పలువురి ప్రయాణికులకు గాయాలయ్యాయి. కటక్‌ నుంచి గుణుపురం వెళ్తున్న బస్సు సింగిపురం గ్రామం వద్ద ఉదయం 4 గంటల సమయంలో అదుపు తప్పింది. స్వల్పంగా గాయపడిన ప్రయాణికులను పర్లాకిమిడి ప్రభుత్వ ఆస్పత్రికి తరలించారు. కాశీనగర్‌ పోలీసులు కేసు నమోదు చేశారు. గంగా జలంతో బీజేడీ నిరసన భువనేశ్వర్‌: రాష్ట్ర శాసనసభలో విపక్ష బిజూ జనతా దళ్‌ సభ్యులు గంగాజలంతో నిరసన తెలిపారు. అధికార పక్షం భారతీయ జనతా పార్టీ సభ్యుల అప్రజాస్వామిక చర్యలతో సభా ప్రాంగణం అపవిత్రం అయిందని మండిపడ్డారు. సభని పవిత్రంగా పునరుజ్జీవం పోసేందుకు గంగా జలంతో శుద్ధి చేసినట్లు పేర్కొన్నారు. గురువారం సభలో జరిగిన ప్రశ్నోత్తరాల సమయంలో ఈ ప్రదర్శన చోటు చేసుకుంది. బీజేడీ సభ్యులు ఇత్తడి కలశాలతో నీటిని తీసుకుని సభలోకి ప్రవేశించారు. సభలో నలువైపులా పవిత్ర జలాన్ని చల్లుతూ విభిన్న రీతిలో నిరసనకు దిగారు. ఈ సందర్భంగా స్పీకర్‌ సురమా పాఢి జోక్యం చేసుకొని శాసన సభ్యులు కలశాలను తీసుకొని సబ్‌ లోపలికి రావద్దని వారించారు. దీంతో సభ వెలుపల తమ ప్రదర్శనను ప్రారంభించారు. ఈ చర్య సర్వత్రా చర్చనీయాంశమైంది. పాత్రికేయుడికి గాయాలు భువనేశ్వర్‌: కాంగ్రెస్‌ కార్యకర్తల రాష్ట్ర శాసనసభ ముట్టడి ఆందోళన సందర్భంగా ఓ పాత్రికేయుడు గాయపడ్డాడు. పోలీసులు, ఆందోళనకారుల మధ్య ఘర్షణ కవరేజీ చేస్తుండగా స్థానిక ప్రైవేటు టీవీ ఛానెల్‌ పాత్రికేయుడు చిక్కుకున్నాడు. గాయాలు కావడంతో తక్షణమే ఆస్పత్రికి తరలించి చికిత్స అందించారు. 29లోగా నవోదయ విద్యార్థులు రిపోర్టు చేయాలి సరుబుజ్జిలి: జవహర్‌ నవోదయ ఫలితాలు విడులై న నేపథ్యంలో ఎంపికై న విద్యార్థులు ఈ నెల 29 లో గా ధ్రువపత్రాలను వెన్నెలవలస నవోదయ విద్యాలయానికి తీసుకురావాలని ప్రిన్సిపాల్‌ డి.పరశురామయ్య కోరారు. ఈ మేరకు గురువారం ఒక ప్రకట న విడుదల చేశారు. కార్యాలయం పనివేళల్లో మాత్రమే సంప్రదించాలని పేర్కొన్నారు. పూరిల్లు దగ్ధం ఇచ్ఛాపురం రూరల్‌: మండలంలోని ఈదుపురంలో బుధవారం అర్ధరాత్రి జరిగిన అగ్ని ప్రమాదంలో పూరిల్లు దగ్ధమైంది. కార్జివీధికి చెందిన యర్రమ్మ కుటుంబ సభ్యులతో కలిసి తన పూరింటిలో నిద్రపోయింది. అర్ధరాత్రి ఒక్కసారిగా మంటలు చెలరేగడంతో కోడలు శేషమ్మ మేల్కొని కుటుంబ సభ్యులను అప్రమత్తం చేసి బయటకు పరుగులు తీశారు. అగ్ని కీలలు ఎగసిపడటంతో ఇచ్ఛాపురం నియోజకవర్గ వైఎస్సార్‌సీపీ యువజన విభాగం అధ్యక్షుడు నర్తు ప్రేమ్‌కుమార్‌ స్పందించి స్థానిక యువకుల సహాయంతో మంటలు ఆర్పే ప్రయత్నం చేసి అగ్నిమాపక కేంద్రానికి సమాచారం అందించారు. ఈ ఘటనలో ఇంట్లో ఉన్న సుమారు రెండు లక్షల రూపాయల సామగ్రి, రూ.30వేలు నగదు కాలిపోయినట్లు అగ్నిమాపక సిబ్బంది తెలిపారు. గంజాయితో మహిళ అరెస్టు ఇచ్ఛాపురం టౌన్‌ : ఒడిశా నుంచి సికింద్రాబాద్‌కు గంజాయి తరలిస్తున్న మహిళను గురువా రం అరెస్టు చేసినట్లు ఎకై ్సజ్‌ మొబైల్‌ సీఐ జి.వి.రమణ తెలిపారు. శ్రీకాకుళం ఎన్‌ఫోర్స్‌మెంట్‌ అధికారులతో కలిసి తనిఖీలు చేస్తుండగా ఇచ్ఛాపురం రైల్వేస్టేషన్‌ వద్ద రంజువాలిక్‌ అనే మహిళ అనుమానాస్పదంగా కనిపించింది. తనిఖీ చేయగా 10.3 కిలోల గంజాయి పట్టుబడింది. ఈ తనిఖీల్లో సిబ్బంది విఠలేశ్వరరా వు, శ్రీనివాస్‌ పాల్గొన్నారు.

కొనఊపిరితో తమ్ముడు.. ● వ్యాపారంలో నష్టాలు రావడంతో యాసిడ్‌ తాగేసిన తమ్ముడు ● బతకడం కష్టమన్న వైద్యులు ● మనస్థాపంతో ఉరి వేసుకున్న అన్నయ్య ● అలుదులో విషాదఛాయలు శ్రీకాకుళం రూరల్‌: రాగోలు జెమ్స్‌ ఆస్పత్రి బయట గదిలో ఓ వ్యక్తి గురువారం ఉదయం ఉరి వేసుకొని ఆత్మహత్యకు పాల్పడ్డాడు. రూరల్‌ పోలీసులు తెలిపిన వివరాల మేరకు.. సారవకోట మండలం అలుదు గ్రామానికి చెందిన శెట్టిసూరి, ఉమామహేశ్వరావులు అన్నదమ్ములు. వీరిద్దరూ కలిసి గ్రానైట్‌ వ్యాపారం నిర్వహిస్తున్నారు. అప్పులు చేసి పెట్టుబడులు పెట్టడం.. నష్టాలు రావడంతో కొద్దిరోజులుగా ఇబ్బందులు పడుతున్నారు. రెండు రోజుల కిందట తమ్ముడు ఉమామహేశ్వరరావు తీవ్ర ఒత్తిడికి గురై యాసిడ్‌ తాగేశాడు. వెంటనే బాధితుడిని రాగోలు జెమ్స్‌ ఆస్పత్రిలో జాయిన్‌ చేశారు. బతకడం కష్టమేనని వైద్యులు చెప్పడంతో మనస్థాపానికి గురై అన్నయ్య శెట్టి సూరి(40) ఆసుపత్రి బయట ఓ రూమును అద్దెకు తీసుకొని గురువారం మధ్యాహ్నం 12 గంటల సమయంలో లుంగీతో ఉరి వేసుకుని ఆత్మహత్య చేసుకున్నాడు. రూమ్‌కు వెళ్లిన సూరి ఎంతకూ తిరిగి రాకపోవడంతో సాయంత్రం 5 గంటల ప్రాంతంలో బంధువులు వెళ్లి చూడగా విగతజీవిగా కనిపించాడు. విషయాన్ని రూరల్‌ పోలీసులకు తెలియజేశారు. సూరికి భార్య, ఇద్దరు పిల్లలు ఉన్నారు. ఎస్‌ఐ రాము కేసు నమోదు చేశారు.

పర్లాకిమిడి: దివ్యాంగులు పరిశ్రమల స్థాపనకు అనేక పథకాలు ఉన్నాయని, ఎవ్వరూ దరఖాస్తు చేసుకోవడం లేదని జిల్లా పరిశ్రమల శాఖ అధికారి సునరాం సింగ్‌ అన్నారు. గురువారం స్థానిక పాతపట్నం రోడ్డు సెంటర్‌ ఫర్‌ కమ్యూనిటీ డెవలప్‌మెంట్‌ కాన్ఫరెన్స్‌ హాల్‌లో దివ్యాంగులకు జీవనోపాధి, ఉపాధి కల్పనపై సమావేశాన్ని ప్రారంభించారు. ఈ సందర్బంగా మాట్లాడుతూ.. దివ్యాంగుల్లో మనోస్థైర్యం కల్పించి, వారికి పారాశ్రామిక సామర్థ్యం కల్పించే దిశగా సమర్థ్‌ దివ్యాంగుల సంస్థ పనిచేయాలన్నారు. గ్రామీణ ఉద్యోగ్‌ శిక్షణా సంస్థ జీవన్‌ దాస్‌, సెంటర్‌ ఫర్‌ కమ్యూనిటీ డెవలప్‌మెంట్‌ కార్యదర్శి అడ్డాల జగన్నాథ రాజు, జనశిక్షణ సంస్థాన్‌ డైరెక్టర్‌ జీవన్‌ దాస్‌ హాజరయ్యారు. జిల్లాలో సమితి స్థాయిలో రాయగడలో జరిగిన ఉద్యోగ మేళాకు అర్హులైన దివ్యాంగులకు అవకాశం అధికారులు కల్పించలేదని సమర్థ్‌ దివ్యాంగుల సంస్థ కార్యదిర్శి సంతోష్‌ మహారాణా అన్నారు. ఇకపై జాబ్‌ మేళాలో చదువుకున్న దివ్యాంగులకు కూడా స్కిల్‌ డెవలప్‌మెంట్‌ శిక్షణ, ఉపాధి కల్పించేవిధంగా ఏర్పాటు చేస్తామని సునారాం సింగ్‌ అన్నారు. జిల్లా పరిశ్రామిక శాఖ అధికారి సునారాం సింగ్‌

● కాంగ్రెస్‌ పార్టీ మైనార్టీ అధ్యక్షుడు కరీం విజయనగరం ఫోర్ట్‌: ప్రధాని నరేంద్ర మోడీ ప్రవేశపెట్టిన వక్ఫబోర్డ్‌ చట్టాల సవరణ అంశాన్ని వెనక్కి తీసుకోవాలని కాంగ్రెస్‌ పార్టీ మైనార్టీ విభాగం విజయనగరం జిల్లా అధ్యక్షుడు కరీం డిమాండ్‌ చేశారు. ఈ మేరకు స్థానిక డీసీసీ కార్యాలయంలో గురువారం నిర్వహించిన విలేకరుల సమావేశంలో ఆయన మాట్లాడుతూ ఖబరస్థాన్‌ భూములు లాక్కునే ప్రయత్నంలో భాగమే చట్టసవరణ చేయడమని ఆరోపించారు. చట్టసవరణ అంశాన్ని వెనక్కి తీసుకోకపోతే దేశవ్యాప్తంగా ఆందోళన చేపడతామని హెచ్చరించారు. సీఎం చంద్రబాబు టీడీపీ సెక్యులర్‌ పార్టీ అంటారని, వక్ఫ్‌బోర్డు చట్ట సవరణ బిల్లును ఆయన వ్యతిరేకించాలని డిమాండ్‌ చేశారు. సమావేశంలో ఎస్‌కే. సమీర్‌, ఎ.రహమాన్‌, డాక్టర్‌ తిరుపతిరావు, డాక్టర్‌ దుర్గాప్రసాద్‌ తదితరులు పాల్గొన్నారు. వైఎస్సార్‌సీపీ ఎస్సీ సెల్‌ రాష్ట్ర అధికార ప్రతినిధిగా రేగాననెల్లిమర్ల రూరల్‌: వైఎస్సార్‌సీపీ ఎస్సీసెల్‌ రాష్ట్ర అధికార ప్రతినిధిగా రేగాన శ్రీనివాసరావును నియమిస్తూ పార్టీ కేంద్ర కార్యాలయం గురువారం ఒక ప్రకటన విడుదల చేసింది. నెల్లిమర్ల మండలంలోని సీతారామునిపేట గ్రామానికి చెందిన ఆయన గతంలో టూరిజం కార్పొరేషన్‌ రాష్ట్ర డైరెక్టర్‌గా పనిచేశారు. ఈ సందర్భంగా ఆయన మాట్లాడుతూ తనపై నమ్మకం ఉంచి రెండోసారి వైఎస్సార్‌సీపీ ఎస్సీ సెల్‌ రాష్ట్ర అధికార ప్రతినిధిగా అవకాశం ఇవ్వడం ఆనందంగా ఉందన్నారు. మాజీ ముఖ్యమంత్రి వైఎస్‌ జగన్‌మోహన్‌రెడ్డితో పాటు శాసన మండలి విపక్ష నేత బొత్స సత్యనారాయణ, వైఎస్సార్‌సీపీ జిల్లా అధ్యక్షుడు, జెడ్పీ చైర్మన్‌ మజ్జి శ్రీనివాసరావు, ఎమ్మెల్సీ డాక్టర్‌ పెనుమత్స సురేష్‌ బాబు, మాజీ ఎమ్మెల్యే బడ్డుకొండ అప్పలనాయుడికి కృతజ్నతలు తెలిపారు.

విజయనగరం క్రైమ్‌: ఆపద సమయంలో ఉన్న మహిళలు, విద్యార్థినులకు ‘శక్తి టీమ్స్‌‘ మెలకువలతో కూడిన ప్రత్యేక శిక్షణ ఇస్తాయని ఎస్పీ వకుల్‌ జిందల్‌ అన్నారు. వివిధ పాఠశాలలు, కళాశాలల్లో చదువుతున్న విద్యార్థినుల ఆత్మరక్షణకు అవసరమైన మెలకువలను శక్తి టీమ్స్‌ నేర్పుతాయన్నారు. వారిలో చైతన్యం నింపుతూ, ఆపద సమయాల్లో ఎలాంటి ఆందోళన చెందకుండా స్పందించేందుకు అవసరమైన మానసిక పరిపక్వత పొందేందుకుఈ ‘శక్తి టీమ్స్‌‘ చర్యలు చేపడతాయని చెప్పారు. ఈ మేరకు శక్తి టీమ్స్‌ కళాశాలలు, పాఠశాలలను సందర్శించే సమయంలో విద్యార్ధినులతో మమేకమవుతాయన్నారు. ఏదైనా ఆపద సమయం ఏర్పడినపుడు, మహిళల రక్షణకు విఘాతం కలిగే సంఘటన జరిగినప్పుడు భయపడకుండా, పరిస్థితిని అర్థం చేసుకుని ఎదుర్కొనేందుకు మానసికంగా సిద్ధమయ్యే విధంగా అప్రమత్తం కావాలని పిలుపునిచ్చారు. మీ రక్షణ కోసం శక్తి టీమ్స్‌ పని చేస్తాయని దీంతో పాటు డయల్‌ 112,లేదా 100 నంబర్‌లకు కాల్‌ చేసి పోలీస్‌ శాఖ సహాయం పొందవచ్చని ఎస్పీ వకుల్‌ జిందల్‌ అన్నారు.

● గ్రామస్తులతో మీతోనే మేము అంటున్న సీఐలు, ఎస్సైలు విజయనగరం క్రైమ్‌: ఎస్పీ వకుల్‌ జిందల్‌ ఆదేశాలతో జిల్లాలోని పోలీస్‌ అధికారులు వినూత్న కార్యక్రమానికి శ్రీకారం చుట్టారు. పల్లెల్లో నిద్ర చేసి మీతోనే మేము అని పల్లె వాసులకు భరోసా కల్పించారు. ఈ విధంగా గ్రామస్తులతో మమేకమవుతూ వారి సమస్యలను విని, క్షేత్రస్థాయిలో పరిష్కరిస్తున్నారు. తద్వారా పల్లెల్లో స్థానికులతో మమేకమవడమే కాకుండా ఆయా గ్రామాలలో అసాంఘిక కార్యకలాపాలు జరగకుండా ఉండేందుకు పల్లెనిద్రతో ఓ కన్నేశారు. అలాగే గ్రామంలోకి వెళ్లి రాత్రి పడుకునే ముందు ఒకసారి గ్రామస్తులతో సమావేశమై సైబర్‌ నేరాలు, మహిళల భద్రత, శక్తి యావ్‌, రహదారి భద్రతపై అవగాహన కల్పించారు. దీనిపై ఎస్పీ వకుల్‌ జిందల్‌ గురువారం మాట్లాడుతూ క్షేత్రస్థాయిలో ప్రజల సమస్యలను, శాంతిభద్రతల సమస్యలను గుర్తిస్తూ, వాటి పరిష్కారానికి సత్వరం చర్యలు చేపట్టేందుకు సంబంధిత పోలీసు అధికారులు చర్యలు తీసుకుంటున్నారని చెప్పారు. అడాప్షన్‌ కానిస్టేబుల్స్‌ వారి పరిధిలోని గ్రామాల్లో నెలలో రెండు సార్లు పల్లెనిద్ర చేయాలని ఆదేశించినట్లు తెలిపారు. ఇందులో భాగంగా పార్టీలకు అతీతంగా గ్రామస్తులతో మమేకం కావాలని, గ్రామసమస్యలు, శాంతిభద్రతలకు విఘాతం కలిగించే సమస్యల గురించి వారితో చర్చించి, గ్రామాల్లో ఎటువంటి వివాదాలు, అల్లర్లు జరగకుండా ముందస్తు చర్యలు చేపడుతున్నామని చెప్పారు. రెండునెల్లో 72 గ్రామాల్లో పల్లెనిద్ర గ్రామాల్లోకి వచ్చే కొత్త వ్యక్తులు, హిస్టరీ షీట్లు కలిగిన వ్యక్తుల నడవడికపై నిఘా పెట్టాలని, వారు జీవనం ఏవిధంగా సాగిస్తున్నది తెలుసుకోవాలని సిబ్బందికి ఆదేశాలు ఇచ్చినట్లు చెప్పారు. గడిచిన రెండు నెలల్లో జిల్లాలో 10మంది సీఐలు, 30మంది ఎస్సైలు 72 గ్రామాల్లో పల్లెనిద్ర చేసి, గ్రామస్తులతో మమేకం కావడం వల్ల మంచి ఫలితాలు వస్తున్నాయని, ప్రజల్లో పోలీసుశాఖ పట్ల నమ్మకం, విశ్వాసం పెరుగుతున్నాయని ఎస్పీ వకుల్‌ జిందల్‌ సంతృప్తి వ్యక్తం చేశారు.

విజయనగరం గంటస్తంభం: సీపీఎం రాష్ట్ర కమిటీ పిలుపు మేరకు విద్యుత్‌ ట్రూఅప్‌ చార్జీలు, సెకి విద్యుత్‌ ఒప్పందం రద్దు డిమాండ్లతో శుక్రవారం విద్యుత్‌ కార్యాలయాల వద్ద ధర్నాలు చేయాలని సీపీఎం జిల్లా కార్యదర్మి వర్గ సభ్యుడు రెడ్డి శంకర్రావు పిలుపునిచ్చారు. ‘విద్యుత్‌ సాకులు’ అనే పుస్తకాన్ని విజయనగరం కోట జంక్షన్‌ వద్ద కార్మికులతో కలిసి ఆయన విడుదల చేశారు. ఈ సందర్భంగా సీపీఎం జిల్లా కార్యదర్శి వర్గ సభ్యుడు రెడ్డి శంకర్రావు మాట్లాడుతూ టీడీపీ ప్రభుత్వం ఎటువంటి విద్యుత్‌ చార్జీలు పెంచమని చెబుతూనే, ట్రూఅప్‌ చార్జీల పేరుతో ఇప్పటికే రూ.17 వేల కోట్లు ప్రజలపై భారం వేసిందన్నారు. మళ్లీ సెకి ఒప్పందం ప్రకారం విద్యుత్‌ భారాలు ప్రజలపై వేయడం దుర్మార్గమని, తక్షణమే సెకి ఒప్పందం, ట్రూఅప్‌ విద్యుత్‌ సర్దుబాటు చార్జీలు రద్దు చేయాలని డిమాండ్‌ చేశారు. లేదంటే మరో విద్యుత్‌ ప్రజాపోరాటం జరగనుందని హెచ్చరించారు. విద్యుత్‌ కార్యాలయం వద్ద శుక్రవారం నిర్వహించనున్న ధర్నాలో ప్రజలంతా పాల్గొనాలని పిలుపునిచ్చారు. కార్యక్రమంలో మేసీ్త్ర రాజు, తదితరులు పాల్గొన్నారు. నేడు విద్యుత్‌ కార్యాలయం వద్ద ధర్నా

మల్కన్‌గిరి: జిల్లాలోని కలిమెల సమితి ఎంవీ 79 పోలీసుస్టేషన్‌ పరిధి తేల్‌రాయి పంచాయతీ సమీప గ్రామంలో మద్యం మత్తులో ఒక మహిళా నీటిలో పడి మృతి చెందింది. వివరాల్లోకి వెళ్తే.. గ్రామంలో ఇద్దరు తోటికోడళ్లు అయినటువంటి రామే మాడీ, బుచ్చి మాడీలు తమ పొలంలో ఉన్న ఇప్పచెట్టు పూల కోసం బుధవారం ఉదయం వెళ్లారు. వాటిని సేకరించి అమ్మిన తర్వాత ఇద్దరూ సాయంత్రం 4 గంటల సమయంలో మద్యం సేవించారు. అనంతరం డబ్బులు కోసం గొడవపడ్డారు. ఈ గోడవలో ఇద్దరూ చూసుకోకుండా సమీపంలో ఉన్న నీటి కాలువలో పడిపోయారు. దీంతో బుచ్చి(48) అక్కడిక్కక్కడే మృతి చెందింది. అయితే అటుగా వచ్చిన కొంతమంది రామేమాడీని రక్షించి వెంటనే కలిమెల ఆరోగ్య కేంద్రానికి తరలించారు. ఎస్‌ఐ చందన్‌ బెహర ఘటనా స్థలానికి చేరుకొని కేసు నమోదు చేశారు. మృతదేహానికి పోస్టుమార్టం నిర్వహించి కుటుంబ సభ్యులకు అప్పగిస్తామన్నారు. కాగా చికిత్స పొందుతున్న రామేమాడి ఆరోగ్యం కుదుటపడిందని వైద్యులు తెలిపారు. 177 కేజీల గంజాయి స్వాధీనం ● కారు వదిలేసి పరార్‌ జయపురం: జయపురం సమితి గొడొపొదర్‌ సమీప రైల్వే ఓవర్‌ బ్రిడ్జి వద్ద నిలిపి ఉన్న ఒక కారులో 177 కేజీల గంజాయి సదర్‌ పోలీసులకు బుధవారం రాత్రి చిక్కింది. పట్టుబడిన గంజాయి విలువ రూ.17 లక్షలకు పైనే ఉంటుందని గురువారం వెల్లడించారు. పోలీసు అధికారి ప్రదాన్‌ తెలిపిప వివరాల ప్రకారం.. జయపురం సదర్‌ పోలీసు స్టేషన్‌ పరిధిలోని గగణాపూర్‌ పోలీసు పంటి అధికారి, సబ్‌ ఇన్‌స్పెక్టర్‌ రాజకిశోర్‌ బారిక్‌ నేతృత్వంలో పెట్రోలింగ్‌ నిర్వహించారు. గొడొపొదర్‌ మార్గంలో ఓ కారు నిలిచి ఉంది. కారులో ఎవరూ లేరు. కారు వద్ద గంజాయి వాసన రాగా అనుమానించిన పెట్రోలింగ్‌ పోలీసులు తనిఖీ చేశారు. కారులో గంజాయి ప్యాకెట్లు ఉన్నట్లు గుర్తించారు. వీటిని మెజిస్ట్రేట్‌ సమక్షంలో గంజాయి తూకం వేయగా 177 కేజీలు ఉన్నట్లు తెలిపారు. పోలీసులను చూసి గంజాయి మాఫియా గ్యాంగ్‌ పరారై ఉంటారని పోలీసు అధికారి ప్రదాన్‌ వెల్లడించారు. ఈ సంఘటనపై కేసు నమోదు చేసి దర్యాప్తు జరుపుతున్నట్లు ప్రదాన్‌ తెలిపారు. జీవామృతం తయారీపై అవగాహన మల్కన్‌గిరి : జిల్లాలోని కలిమెల సమితి అటవీశాఖ సమావేశ మందిరంలో బుధవారం కలిమెల, మోటు అటవీశాఖ రక్షణ కమిటీ సభ్యులకు జీవామృతం వ్యవసాయంపై శిక్షణ నిర్వహించారు. ఈ సందర్భంగా భువనేశ్వర్‌కు చెందిన గ్రామీణ ఉత్పత్తి వ్యాపార సంస్థ డైరెక్టర్‌ ప్రపుల్ల బిశ్వాయి మాట్లాడుతూ జీవామృతం తయారీపై అవగాహన కల్పించారు. స్వయం సహాయక సంఘ సభ్యులకు సూచనలు అందించారు. అనంతరం కిట్లు పంపిణీ చేశారు. కార్యక్రమంలో అటవీ అధికారి మృత్యుంజయ శెఠి, శ్రీనివాస్‌ పాత్రో, అభిమన్యు నాయక్‌ తదితరులు పాల్గొన్నారు. రక్తదాన శిబిరానికి స్పందన జయపురం: తెలుగు సినీ నటుడు, గ్లోబల్‌ స్టార్‌ రామచరణ్‌ పుట్టినరోజు సందర్భంగా జయపురం గ్లోబల్‌ స్టార్‌ రామచరణ్‌ యువత గురువారం రక్తదాన శిబిరం ఏర్పాటు చేశారు. కొరాపుట్‌ జిల్లా కేంద్ర ఆస్పత్రిలో నిర్వహించిన ఈ కార్యక్రమంలో 15 యూనిట్ల రక్తం సేకరించినట్లు సంఘ రాష్ట్ర అధ్యక్షుడు వై.శ్రీనివాస ఖన్నా తెలిపారు. అనంతరం రక్తదాతలకు ప్రశంసాపత్రాలు అందజేశారు. కార్యక్రమంలో జయపురం శాఖ ప్రెసిడెంట్‌ మల్లికార్జున నాయిక్‌, ఉపాధ్యక్షుడు జి.సతీష్‌, కార్యదర్శి అలోక్‌ కోశ్లా,సహాయ కార్యదర్శి కె.వినోద్‌ పాల్గొన్నారు.

బొబ్బిలి: తమ ఉద్యోగాలు పర్మినెంట్‌ చేయాలని పారిశుధ్య కార్మికులు కోరుతున్నారు. ఇదే విషయమై సీఐటీయూ జిల్లా అధ్యక్షుడు పొట్నూరు శంకరరావు స్థానిక పట్టణంలోని పారిశుధ్య కార్మికులతో సంతకాల సేకరణ గురువారం చేపట్టారు. కోవిడ్‌ విపత్కర పరిస్థితుల్లో ప్రాణాలకు తెగించి విధులు నిర్వర్తించిన వారి సేవలను గుర్తించాలని శంకరరావు కోరారు. ఫ్రంట్‌ లైన్‌ వారియర్స్‌గా వారిని పొగడడం కాదని వారి పట్ల చిత్తశుద్ధి నిబద్దత ఉంటే వారిని శాశ్వత ఉద్యోగులను చేయాలన్నారు. ఆప్కాస్‌ వంటి ప్రైవేటు ఏజెన్సీకి తమ ఉద్యోగాల భర్తీ, నిర్వహణ బాధ్యతలు అప్పగించవద్దని పారిశుధ్య కార్మికులు ప్రభుత్వానికి విజ్ఞప్తి చేశారు. తమ న్యాయమైన డిమాండ్‌లు కలిగిన వినతిపత్రాన్ని మున్సిపల్‌ శాఖామంత్రి నారాయణకు కూడా పంపిస్తామన్నారు. జి.గౌరి, జె.శంకరరావు తదితరులు పాల్గొన్నారు.

విజయనగరం: జాతీయస్థాయిలో జరగనున్న కబడ్డీ పోటీల్లో పాల్గొనేందుకు జిల్లాకు చెందిన క్రీడాకారులు అవకాశం దక్కించుకున్నారు. ఇటీవల జరిగిన రాష్ట్ర స్థాయి సబ్‌ జూనియర్స్‌ పోటీల్లో ఉత్తమ ప్రతిభ కనబరిచిన ఎన్‌.అనురాధ, ఇ.సుమంత్‌లు ఈనెల 28 నుంచి 31వ తేదీ వరకు బీహార్‌ రాష్ట్రంలో జరగనున్న అంతర్‌ రాష్ట్ర కబడ్డీ పోటీల్లో పాల్గొననున్నారు. రాష్ట్రస్థాయి పోటీల్లో రాణించి జాతీయ పోటీలకు అర్హత సాధించిన క్రీడాకారులను జిల్లా కబడ్డీ అసోసియేషన్‌ అధ్యక్షుడు ఎ.రంగారావుదొర, కార్యదర్శి కేవీ.ప్రభావతి, ఆర్గనైజింగ్‌ కార్యదర్శి నడిపేన.లక్ష్మణరావు, పీడీ వి.సౌదామిని అభినందించారు. రాష్ట్ర జట్టు తరఫున ఆడనున్న ఇద్దరు క్రీడాకారులు క్రీడాస్ఫూర్తితో ఆడి జిల్లా ఖ్యాతిని జాతీయస్థాయిలో చాటి చెప్పాలని పిలుపునిచ్చారు.

భువనేశ్వర్‌ : ముందస్తు వ్యూహం ప్రకారం రాష్ట్ర కాంగ్రెస్‌ ప్రముఖుల ఆధ్వర్యంలో గురువారం శాసన సభ ముట్టడి నిర్వహించింది. ఈ సందర్భంగా స్థానిక రామ మందిరం ఆవరణ నుంచి భారీ ఊరేగింపుతో కాంగ్రెసు భవన్‌ ప్రాంగణం చేరారు. ఇక్కడ నిర్వహించిన బహిరంగ సభలో పార్టీ ప్రముఖులు ఆందోళనకు సంబంధించి భావోద్వేగ ప్రసంగాలు వినిపించారు. అనంతరం శాసన సభ ముట్టడి కోసం మూకుమ్మడిగా తరలివెళ్లారు. దీంతో దిగువ పీఎంజీ కూడలి గురువారం రణరంగంగా మారింది. కాంగ్రెస్‌ కార్యకర్తలు, పోలీసుల మధ్య ఘర్షణతో ఈ పరిస్థితి తాండవించింది. పెద్ద సంఖ్యలో కార్యకర్తలు ఆందోళనకు దిగడంతో వీరిని కట్టడి చేసేందుకు పోలీసులు శ్రమించాల్సి వచ్చింది. పోలీసుల చర్యలపట్ల రెచ్చిపోయిన కాంగ్రెసు కార్యకర్తలు కుర్చీలు, గుడ్లు, టమాటాలు, వాటర్‌ బాటిల్లు రువ్వారు. ప్రతి చర్యగా ఆందోళనకారులపై పోలీసులు లాఠీ ఝులిపించారు. పరిస్థితి అదుపులోకి రాకపోవడంతో వాటర్‌ స్ప్రే, భాష్ప వాయు ప్రయోగంతో నిరసనకారులను చెదరగొట్టారు. ఈ ఘటనలో పలువురు వ్యక్తులు గాయపడి ఆస్పత్రి పాలయ్యారు. అంతకుముందు నిర్వహించిన సభలో ఒడిశా ప్రదేశ్‌ కాంగ్రెస్‌ కమిటీ అధ్యక్షుడు భక్త చరణ్‌ దాస్‌ మాట్లాడుతూ రాష్ట్రంలోని మహిళలు, విద్యార్థులకు భద్రత కల్పించేందుకు కార్యాచరణతో ముందుకు రావాలని, లేకుంటే నిరసన కొనసాగుతుందని స్పష్టం చేశారు.

● రేషన్‌ లబ్ధిదారుల్లో ఆందోళన ● ఈనెల 31లోగా ఈకేవైసీ చేయించాలి ● జిల్లాలో 2,77, 153 రేషన్‌కార్డులు ● కార్డుల్లో సభ్యులు 8,23,638 మంది ● 7లక్షల మంది వరకు ఈకేవైసీ పూర్తిపార్వతీపురం: రేషన్‌ పంపిణీలో అక్రమాల కారణంగా చౌకదుకాణాల్లో బియ్యం పక్కదారి పట్టి దుర్వినియోగం కాకుండా చేయాలనే ఉద్దేశంతో రేషన్‌కార్డుల్లోని సభ్యలంతా ఈకేవైసీ చేయించుకుని అర్హులైన వారికి మాత్రమే సబ్సిడీ బియ్యం అందేలా ప్రభుత్వం చర్యలు చేపడుతోంది. ఇందులో భాగంగా ఈకేవైసీ చేయించుకోవాలని ప్రజలకు అవగాహన కల్పిస్తోంది. పార్వతీపురం మన్యం జిల్లాలోని 15 మండలాల్లో 2,77,153 రేషన్‌ కార్డులుండగా అందులో 8,23,638 మంది సభ్యులున్నారు. ఇంతవరకు లక్షమంది వరకు ఈ కేవైసీ చేయించుకోలేదు. ఈకేవైసీ చేయించుకునేందుకు ఈ నెల 31వరకు గడువు ఉండగా త్వరితగతిన ఈకేవైసీ చేయించుకోవాలని అధికారులు లబ్ధిదారులకు సూచిస్తున్నారు. వలస దారుల ఆవేదన బతుకు తెరువుకోసం యువకులు, వ్యవసాయ కూలీలు హైదరాబాద్‌, విశాఖపట్నం, చైన్నె, బెంగళూరు తదితర ప్రాంతాలకు వలస వెళ్లారు. పండగలు, శుభకార్యాలకు, సొంత గ్రామాలకు వచ్చి తమ రేషన్‌ కార్డులో పేర్లను తొలగించకుండా జాగ్రత్తలు పడుతున్నారు. అలాగే విద్యాభ్యాసం కోసం ఇతర పట్టణాలకు, ప్రాంతాలకు వెళ్లిన విద్యార్థుల విషయంలోను, వృద్ధులకు వేలిముద్రలు పడని కారణంగా ఈకేవైసీ సమస్య తలెత్తుతోందని పలువురు లబ్ధిదారులు ఆందోళన చెందుతున్నారు. ఈకేవైసీ చేయించుకోకపోతే సంక్షేమ పథకాలు దూరమవుతామని సర్వత్రా ఆందోళన చెందుతున్నారు. మొరాయిస్తున్న సర్వర్లు ఈకేవైసీ చేయించుకునేందుకు సర్వర్లు కూడా తరచూ మొరాయిస్తున్నాయి. అందరూ ఒకేసారి ఈకేవైసీ చేయించుకునేందుకు తరలివస్తున్న కారణంగా సర్వర్లు పనిచేయడం లేదు. ఉదయ, రాత్రి సమయాల్లో సర్వర్‌ సమస్య లేనప్పటికీ మిగిలిన సమయాల్లో రేషన్‌ షాపులు, ఆధార్‌, మీసేవ కేంద్రాల్లో లబ్ధిదారులు ఉదయం 10గంటల నుంచి సాయంత్రం 5 గంటల వరకు కార్యాలయం పనివేళల్లో ఎక్కువమంది ఈకేవైసీకి రావడంతో సర్వర్లకు లోడ్‌ ఎక్కువై మొరాయిస్తున్నట్లు సాంకేతిక విభాగ నిపుణులు చెబుతున్నారు. చాలామంది రేషన్‌ కార్డు లబ్ధిదారులు కేవలం చౌక దుకాణానికి వెళ్లి ఈకేవైసీ చేయించుకోవాలని భావించడం వల్ల కూడా సమస్య తలెత్తుతోందని పలువురు అంటున్నారు. ఈకేవైసీ చేయించుకోవాలి రేషన్‌ కార్డుల్లో కుటుంబసభ్యులందరూ ఈకేవైసీ చేయించుకోవాలి. మిగిలిన మూడు రోజుల్లో తప్పనిసరిగా చేయించుకోవాలి. లబ్ధిదారులందరికీ ఈకేవైసీ చేసేలా సిబ్బందిని ఆదేశించాం. ఈకేవైసీ చేయించుకోకపోతే ప్రభుత్వ పథకాలకు దూరమవుతారు. లబ్ధిదారులంతా సమీపంలోని చౌక దుకాణాలు, మీసేవా కేంద్రాలకు వెళ్లి ఈకేవైసీ చేయిచుకోవాలి. ఐ.రాజేశ్వరి, పౌరసరఫరాల సంస్థ జిల్లా మేనేజర్‌, పార్వతీపురం మన్యం జిల్లా

రాయగడ: జిల్లాలోని కొలనార సమితి ముకుందపూర్‌ ఘాటీ మలుపులో గురువారం తెల్లవారుజామున 4 గంటల సమయంలో బరంపురం నుంచి టికిరి వైపు వెళ్తున్న ప్రైవేటు బస్సు బోల్తాపడింది. ఈ ప్రమాదంలో బస్సులో ప్రయాణిస్తున్న 45 మందిలో 27 మందికి గాయాలయ్యాయి. వీరిలో ఇద్దరి పరిస్థితి ఆందోళనకరంగా ఉంది. క్షతగాత్రులను అంబులెన్స్‌లో స్థానిక ప్రభుత్వ ఆస్పత్రికి చికిత్స కోసం తరలించారు. ఘటనా స్థలానికి చేరుకున్న పోలీసులు, స్థానికులు సహాయ కార్యక్రమాల్లో నిమగ్నమయ్యారు. బరంపురం నుంచి బుధవారం రాత్రి 9 గంటలకు బయల్దేరిన బస్సు ముకుందపూర్‌ ఘాటికి చేరుకునేసరికి తెల్లవారుజామున 4 గంటలయ్యింది. ఘాటీ మలుపులో బస్సు అదుపు తప్పడంతో బోల్తా పడింది. దీంతో బస్సులోని ప్రయాణికులు పెద్ద కేకలు పెట్టారు. కాగా క్షతగాత్రుల వివరాలు తెలియడం లేదు. స్వల్పగాయాలు తగిలిన కొంతమంది చికిత్స అనంతరం వారి వారి ఇళ్లకు వెళ్లిపోయినట్లు సమాచారంప్రమాదపు మలుపు ముకుందపూర్‌ ఘాటీ మలుపులో తరచూ ఇటువంటి ప్రమాదాలు చోటు చేసుకుంటుండడం పరిపాటిగా మారింది. మలుపు వద్ద అత్యంత వేగంతో వచ్చే వాహనాలు ఇటువంటి తరహా ప్రమాదాలకు గురవుతున్నాయి. డ్రైవర్లు ఏమాత్రం ఏమరపాటుగా ఉన్నా ఈ ప్రమాదాలు చోటు చేసుకుంటున్నాయి. ఈ నేపథ్యంలో కొద్ది నెలల క్రితం ప్రమాదాలను హెచ్చరించే విధంగా మలుపుల వద్ద బోర్డులను కూడా రవాణా శాఖ ఏర్పాటు చేసింది. అయినా అవేవీ పట్టించుకోని చోదకులు అతివేగంతో వాహనాలు నడపడం ఈ ప్రమాదాలకు కారణమవుతోంది. ఇదిలా ఉండగా గురువారం బస్సు బోల్తా ఘటనకు సంబంధించి త్రుటిలో పెను ప్రమాదం తప్పింది. పక్కనే ఉన్న లోయలో బస్సు పడి ఉంటే ప్రమాద తీవ్రత అంచనాలకు అందేది కాదని పలువురు పేర్కొంటున్నారు. ప్రైవేటు బస్సు బోల్తా 27 మందికి గాయాలు ఇద్దరి పరిస్థితి ఆందోళనకరం

చిత్రంలో ఈగెల్‌ను చూశారా.. ఇది విజయనగరం ఐటీఐ విద్యార్థుల అద్భుత సృష్టికి నిలువెత్తు రూపం. మెకానికల్‌ విభాగానికి చెందిన విద్యార్థులు 16 బైక్‌ చైన్స్‌, 2,500 చైన్‌ లింక్స్‌తో ఈగెల్‌ను సృష్టించారు. దీనిని గాజువాక సిటీ ఐటీఐలో డ్యూయల్‌ వీఈటీ (సీమెన్స్‌– టాటా స్ట్రైవ్‌ సంయుక్త) నిర్వహణలో బుధవారం నిర్వహించిన ‘ప్రాజెక్టు ఇన్నోవేషన్‌ చాలెంజ్‌ కాంపిటేషన్‌–2025 జోన్‌–1 పోటీల్లో ప్రదర్శించారు. మొత్తం 30 ప్రదర్శనల్లో ‘ఈగెల్‌’ ప్రాజెక్టు మొదటి బహుమతిని సొంతం చేసుకుంది. ఎమ్మెల్సే చిరంజీవిరావు, కార్పొరేటర్‌ సరసింహపాత్రుడు, ప్రభుత్వ ఐటీఐ రీజినల్‌ డిప్యూటీ డైరెక్టర్‌ ఆర్‌వీరమణ, ఐఎంసీ చైర్మన్‌ బాలాజీ, కోరమండల్‌ ప్రతినిధి శ్రీనివాసరావు, టాటా స్ట్రైవ్‌ ప్రతినిధులు రమేష్‌, మార్కండేయులు, సంతోష్‌, జోన్‌– ఐటీఐ ప్రిన్సిపాల్స్‌ చేతుల మీదుగా విద్యార్థులు బహుమతిని అందుకున్నారు. – విజయనగరం అర్బన్‌

● ‘మిస్‌ తెలుగు యుఎస్‌ఏ’ తుదిపోటీలకు సాయిసాత్విక ● ఆమెది తెర్లాం మండలం సోమిదవలస గ్రామం ● మే నెలలో జరగనున్న ఫైనల్‌ పోటీలు తెర్లాం: అమెరికా మెచ్చిన అందం మన తెర్లాం మండలం సోమిదవలసకు చెందిన యువతి చందక సాయిసాత్విక సొంతం. ఓ వైపు చదువు.. మరోవైపు అందంతో అందరినీ ఆకర్షిస్తోంది. ఎమ్మెస్సీ చదువుకోసం అమెరికా వెళ్లిన యువతి డల్లాస్‌లో తెలుగు అసోసియేషన్‌ ఆధ్వర్యంలో మంగళవారం జరిగిన ‘మిస్‌ యూఎస్‌ఏ–2025’ పోటీల్లో తలపడి తుదిపోటీలకు ఎంపిక కావడం తెర్లాం మండలం సోమిదవలస వాసుల్లో ఆనందం నింపింది. మే 25న జరగనున్న ఫైనల్‌ పోటీల్లో తలపడనుంది. తను విజయం సాధించడానికి భారతీయులంతా తనకు ఓటు వేయాలని సోషల్‌ మీడియా వేదికగా విజ్ఞప్తిచేస్తోంది. సాయిసాత్విక తండ్రి చందక సూర్యకుమార్‌ మెకానికల్‌ ఇంజినీరు కాగా, తల్లి సబిత రేషన్‌ డీలర్‌. ఆమె ప్రాథమిక విద్యాభ్యాసం రాజాంలోని సెంట్‌ఆన్స్‌ పాఠశాలలో, బీఎస్సీ అగ్రికల్చర్‌ బాపట్లలోని వ్యవసాయ కళాశాలలో చదువుకుంది. డేటా ఎనలైటికల్‌ కోర్సులో ఎమ్మెస్సీ చదవడం కోసం అమెరికా వెళ్లింది. అమెరికాలోని టెక్సాస్‌లోని ఆస్ట్రిన్‌ సిటీలో సాఫ్ట్‌వేర్‌ ఇంజినీర్లుగా పనిచేస్తున్న అక్క సాయిసుస్మిత, బావ వద్ద ఉంటూ మిస్‌ తెలుగు యుఎస్‌ఏ–2025 పోటీల్లో పాల్గొంది. సుమారు 300 మంది తెలుగు అమ్మాయిలు పాల్గొన్న పోటీల్లో ఫైనల్‌కు చేరుకుంది. ఫ్రీలాన్స్‌ జర్నలిస్ట్‌ కావాలన్నది సాయిసాత్విక కోరికని, చిన్నతనం నుంచి వ్యాసరచన పోటీల్లో తలపడి బహుమతులు గెలుచుకుందని తల్లి సబిత తెలిపారు. అమెరికా తెలుగు అమ్మాయిల పోటీల్లో కుమార్తె విజయం సాధించేందుకు ప్రతిఒక్కరూ ఓటుతో మద్దతు తెలపాలని కోరారు.

విజయనగరం టౌన్‌: స్థానిక మన్నార్‌ రాజగోపాలస్వామి ఆలయ ప్రాంగణంలో గురువారం ఫ్రెండ్స్‌ గ్రూప్‌ ఆధ్వర్యంలో ప్రాజెక్ర్ట్‌ చైర్మన్‌ బొడ్డు వెంకటేశ్వర ప్రసాద్‌ (పండు) నేతృత్వంలో వేదపండితులు శ్రీ ధన్వంతరి హోమాన్ని ఆద్యంతం భక్తిశ్రద్ధలతో నిర్వహించారు. 60 మంది రుత్విక్కులు, 54 హోమగుండాలు, 163 మంది దంపతులతో అంగరంగ వైభవంగా యాగప్రక్రియ నిర్వహించారు. ఆరోగ్యప్రదాత శ్రీ ధన్వంతరికి ప్రత్యేక పూజలు చేశారు. లోక కళ్యాణార్థం నిర్వహించిన హోమంలో అధిక సంఖ్యలో భక్తులు పాల్గొని తరించారు. భక్తులకు ఎటువంటి అసౌకర్యం కలగకుండా సభ్యులు సేవలందించారు. కార్యక్రమంలో సురేష్‌, రమేష్‌, గోపాల్‌ జగదీష్‌, అధిక సంఖ్యలో భక్తులు పాల్గొన్నారు.

● గ్రామస్తులతో మీతోనే మేము అంటున్న సీఐలు, ఎస్సైలు విజయనగరం క్రైమ్‌: ఎస్పీ వకుల్‌ జిందల్‌ ఆదేశాలతో జిల్లాలోని పోలీస్‌ అధికారులు వినూత్న కార్యక్రమానికి శ్రీకారం చుట్టారు. పల్లెల్లో నిద్ర చేసి మీతోనే మేము అని పల్లె వాసులకు భరోసా కల్పించారు. ఈ విధంగా గ్రామస్తులతో మమేకమవుతూ వారి సమస్యలను విని, క్షేత్రస్థాయిలో పరిష్కరిస్తున్నారు. తద్వారా పల్లెల్లో స్థానికులతో మమేకమవడమే కాకుండా ఆయా గ్రామాలలో అసాంఘిక కార్యకలాపాలు జరగకుండా ఉండేందుకు పల్లెనిద్రతో ఓ కన్నేశారు. అలాగే గ్రామంలోకి వెళ్లి రాత్రి పడుకునే ముందు ఒకసారి గ్రామస్తులతో సమావేశమై సైబర్‌ నేరాలు, మహిళల భద్రత, శక్తి యావ్‌, రహదారి భద్రతపై అవగాహన కల్పించారు. దీనిపై ఎస్పీ వకుల్‌ జిందల్‌ గురువారం మాట్లాడుతూ క్షేత్రస్థాయిలో ప్రజల సమస్యలను, శాంతిభద్రతల సమస్యలను గుర్తిస్తూ, వాటి పరిష్కారానికి సత్వరం చర్యలు చేపట్టేందుకు సంబంధిత పోలీసు అధికారులు చర్యలు తీసుకుంటున్నారని చెప్పారు. అడాప్షన్‌ కానిస్టేబుల్స్‌ వారి పరిధిలోని గ్రామాల్లో నెలలో రెండు సార్లు పల్లెనిద్ర చేయాలని ఆదేశించినట్లు తెలిపారు. ఇందులో భాగంగా పార్టీలకు అతీతంగా గ్రామస్తులతో మమేకం కావాలని, గ్రామసమస్యలు, శాంతిభద్రతలకు విఘాతం కలిగించే సమస్యల గురించి వారితో చర్చించి, గ్రామాల్లో ఎటువంటి వివాదాలు, అల్లర్లు జరగకుండా ముందస్తు చర్యలు చేపడుతున్నామని చెప్పారు. రెండునెల్లో 72 గ్రామాల్లో పల్లెనిద్ర గ్రామాల్లోకి వచ్చే కొత్త వ్యక్తులు, హిస్టరీ షీట్లు కలిగిన వ్యక్తుల నడవడికపై నిఘా పెట్టాలని, వారు జీవనం ఏవిధంగా సాగిస్తున్నది తెలుసుకోవాలని సిబ్బందికి ఆదేశాలు ఇచ్చినట్లు చెప్పారు. గడిచిన రెండు నెలల్లో జిల్లాలో 10మంది సీఐలు, 30మంది ఎస్సైలు 72 గ్రామాల్లో పల్లెనిద్ర చేసి, గ్రామస్తులతో మమేకం కావడం వల్ల మంచి ఫలితాలు వస్తున్నాయని, ప్రజల్లో పోలీసుశాఖ పట్ల నమ్మకం, విశ్వాసం పెరుగుతున్నాయని ఎస్పీ వకుల్‌ జిందల్‌ సంతృప్తి వ్యక్తం చేశారు.

రాయగడ: ఒక గంజాయి కేసులో ఆరోగ్య కార్యకర్తను జిల్లాలోని పద్మపూర్‌ పోలీసులు బుధవారం సాయంత్రం అరెస్టు చేశారు. అరైస్టెన మహిళ కేంద్రపడ జిల్లాకు చెందిన జ్యోత్స్నరాణి శెఠిగా పోలీసులు గుర్తించారు. ఆమె నుంచి 2.5 కిలోల గంజాయిని స్వాధీనం చేసుకుని కోర్టుకు తరలించారు. వివరాల్లోకి వెళ్తే.. పద్మపూర్‌ సమితి పరిధిలోని గులుగుడ గ్రామంలో రాష్ట్ర ప్రభుత్వం ఆధ్వర్యంలో ఆయుష్మాన్‌ ఆరోగ్య కేంద్రం నిర్వహిస్తున్నారు. దీనిలో ఆరోగ్య కార్యకర్తగా పనిచేస్తున్న జ్యోత్స్న కొద్దికాలంగా అక్రమంగా గంజాయి క్రయవిక్రయాలు కొనసాగిస్తున్నట్లు సమాచారం వచ్చింది. దీంతో పోలీసులు బుధవారం సాయంత్రం ఆమె ఉంటున్న ప్రభుత్వ క్వార్టర్స్‌లో దాడులు నిర్వహించారు. దీంతో గంజాయి బయటపడింది. కేసు నమోదు చేసి దర్యాప్తు చేస్తున్నారు.

రాయగడ: స్థానిక మున్సిపల్‌ టౌన్‌హాల్‌లో రాయగడ జిల్లా ఉత్కళ తెలుగు సమాఖ్య ఆధ్వర్యంలో బుధవారం సాయంత్రం నిర్వహించిన వంటల పోటీల్లో మహిళలు ఆసక్తిగా పాల్గొన్నారు. తెలుగు సంస్కృతికి అద్దంపట్టే పిండివంటలు ప్రత్యేక ఆకర్షణగా నిలిచాయి. ఇంట్లో స్వయంగా తయారు చేసుకొని వచ్చిన మహిళలు ఈ పోటీల్లో వాటిని ప్రదర్శించారు. స్థానిక సాయి ఇంటర్నేషనల్‌ చెఫ్‌ సత్యనారాయణ, ఆశాలత పట్నాయక్‌, ప్రణతి పాత్రోలు న్యాయ నిర్ణేతలుగా వ్యవహరించారు. రుచి, శుచి, అలంకరణ తదితరమైన వాటికి ప్రాధాన్యత కల్పించి విజేతలను ఎంపిక చేశారు. పోటీల్లో ప్రథమ బహుమతిని కె.సంతోషిణి, ద్వితీయ బహుమతిని పి.నాగమణి, తృతీయ బహుమతిని కె.సత్యలు గెలిపొందగా, ఎం.సోనాలి, పద్మావతి పాడి, ఎం.రేవతిలకు ప్రోత్సాహక బహుమతులు లభించాయి. విజేతలకు ఉగాది వేడుకల్లో బహుమతులు అందజేయనున్నట్లు నిర్వాహకులు తెలియజేశారు.

పార్వతీపురం టౌన్‌: టీటీసీ వేసవి ట్రైనింగ్‌ కోర్సులకు దరఖాస్తులు ఆహ్వానిస్తున్నట్లు పార్వతీపురం మన్యం జిల్లా విద్యాశాఖాధికారి ఎన్‌. తిరుపతినాయడు తెలిపారు. ఈ మేరకు గురువారం ఒక ప్రకటన విడుదల చేశారు. విశాఖపట్నం, కాకినాడ, గుంటూరు, కడప, అనంతపురంలలో మే 1నుంచి జూన్‌ 11 వరకు శిక్షణ అందిస్తున్నట్లు తెలిపారు. ఏప్రిల్‌ 3 నుంచి 25వరకు ప్రభుత్వ వెబ్‌సైట్‌ డబ్ల్యూడబ్ల్యూడబ్ల్యూ.బీఎస్‌సీ.ఏపీ.జీఓవీ.ఇన్‌లో ఆన్‌లైన్‌లో వివరాలు నమోదు చేసుకోవాలని సూచించారు. మే 1 2025 నాటికి 18 సంవత్సరాలు నిండిన వారు 45ఏళ్లలోపు వయస్సు గల వారు అర్హులని పేర్కొన్నారు. ఆన్‌లైన్‌లో దరఖాస్తు చేసుకుని సంబంధిత ధ్రువీకరణ పత్రాలు, అప్లికేషన్‌తో పాటు జిల్లా విద్యాశాఖాధి కారి కార్యాలయంలో మే 1వ తేదీన హాజరు కావాలని సూచించారు. పోలమాంబ హుండీల ఆదాయం లెక్కింపుమక్కువ: E™èl¢-Æ>…{«§ýl$ÌS CÌS-ÐólË$µ Ôèæ…ºÆý‡ ´ùÌS-Ð]l*…º AÐ]l$Ã-ÐéÇ çßæ$…yîlÌS B§éĶæ*-°² VýS$Æý‡$-ÐéÆý‡… §ólÐ]l-§éĶæ$-Ô>Q íܺ¾…¨ ÌñæMìSP…^éÆý‡$. Ôèæ…ºÆý‡ ´ùÌS-Ð]l*…º AÐ]l$Ã-ÐéÇ 8,9 gê™èl-Æý‡-ÌS-ÌZ ¿ýæMýS$¢-Ë$ çßæ$…yîl-ÌZÏ çÜÐ]l$-ǵ…^èl$-MýS$¯]l² M>¯]l$-MýS-ÌS¯]l$ ÌñæMìSP…^èl-V> ₹4,11,188 B§éĶæ$… Ð]l_a…§ýl° DK çÜ*Æý‡Å-¯éÆ>Ķæ$-×æ ™ðlÍ´ëÆý‡$. çßæ$…yîlÌS ÌñæMìSP…ç³# M>Æý‡Å-{MýS-Ð]l$…-ÌZ ´ëÆý‡Ó-¡ç³#Æý‡… Ð]l$¯]lÅ… hÌêÏ §ólÐ]l-§éĶæ$ Ô>Q A«¨M>Ç G‹Ü.Æ>gêÆ>Ð]l#, {V>Ð]l$ çÜÆý‡µ…^Œl Ððl§ýl$âýæÏ íÜ…à^èl-ÌS-Ð]l$Ð]l$Ã, Eç³-çÜ-Æý‡µ…^Œl AË$Ï Ððl…MýS-rÆý‡-Ð]l$-×æ, Ð]l*i O^ðlÆý‡Ã¯ŒS ç³Nyìl §éÍ ¯éĶæ¬yýl$, E™èlÞÐ]l MýSÑ$sîæ Ð]l*i O^ðlÆý‡Ã¯ŒS O¯ðl§é¯]l çÜ*Æý‡Å-¯éÆ>Ķæ$-×æ, ™èl¨™èl-Æý‡$-Ë$ ´ëÌŸY-¯é²Æý‡$. గడ్డి మందుతాగి వ్యక్తి ఆత్మహత్యగుర్ల: మండలంలోని నాగళ్లవలసకు చెందిన సంబర రమేష్‌ (51) గడ్డి మందు తాగి ఆత్మహత్యకు పాల్పడ్డాడు. రమేష్‌కు ఆర్థిక ఇబ్బందులు ఎక్కువగా ఉండడంతో తట్టుకోలేక బుధవారం గడ్డి మందు తాగేశాడు. గమనించిన కుటుంబసభ్యులు జిల్లా కేంద్రాస్పత్రికి తరలించగా చికిత్స పొందుతూ గురువారం మృతిచెందాడు. మృతుని భార్య ఉమ అంగన్‌వాడీ కార్యకర్తగా పనిచేస్తోంది. కుమారుడు సూర్య ఉన్నాడు, ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై పి.నారాయణ రావు తెలిపారు. పక్కా డాక్యుమెంట్‌ రీ సర్వే జరగాలి ● జాయింట్‌ కలెక్టర్‌ ఎస్‌.ఎస్‌ శోభికకొమరాడ: జిల్లాలో జరుగుతున్న రెండవ విడత రీ సర్వేలో డాక్యుమెంట్లు పక్కాగా ఉండాలని, సమగ్ర విచారణ చేపట్టి తుది నిర్ణయం తీసుకోవాలని పార్వతీపురం మన్యం జిల్లా జాయింట్‌ కలెక్టర్‌ ఎస్‌.ఎస్‌.శోబిక సంబంధిత అధికారులను ఆదేశించారు. ఈ మేరకు గురువారం ఆమె కొమరాడ మండలంలోని విక్రంపురం గ్రామంలో పర్యటించారు ఈ సందర్భంగా రెండవ విడత రీ సర్వే పనులపై తనిఖీ నిర్వహించారు. అనంతరం మాట్లాడుతూ రీ సర్వే చేపడతున్న గ్రామల్లో ముందుగా రైతులకు సమాచారం అందించి తగు రశీదులను పొందాలని స్పష్టం చేశారు. భూముల రీసర్వేలో తలెత్తిన లోపాలను భూయజమానికి ముందుగా నోటీస్‌ ద్వారా తెలియజేయాలని ఆదేశించారు. వివాదాస్పద భూములకు సంబంధించిన వివరాలు ఆయా రిజిస్టర్లలో నమోదు చేయాలని చెప్పారు. రీ సర్వేలో ఎక్కడా లోపాలు ఉండరాదని అందుకు అవసరమైన అన్ని చర్యలు చేపట్టాలని సూచించారు. కార్యక్రమంలో ఇన్‌చార్జ్‌ తహసీల్డార్‌ శివయ్య మండల సర్వేయిర్‌ వంశీ తదితరులు పాల్గున్నారు.

● కందుల సాగుకు ప్రోత్సాహం ● తలసరి ఆదాయం పెంచే దిశగా చర్యలు ● కలెక్టర్‌ ఎ.శ్యామ్‌ ప్రసాద్‌పార్వతీపురంటౌన్‌: పార్వతీపురం మన్యం జిల్లాను డోలీ రహిత జిల్లాగా తీర్చిదిద్దడానికి ప్రణాళికాబద్ధంగా పనిచేస్తున్నామని కలెక్టర్‌ ఎ.శ్యామ్‌ప్రసాద్‌ సీఎం చంద్రబాబు నాయుడికి తెలిపారు. రెండవ రోజు జరిగిన కలెక్టర్ల సదస్సులో బుధవారం ఆయన జిల్లా ప్రగతిపై పవర్‌ పాయింట్‌ ప్రెజెంటేషన్‌ ఇచ్చారు. జిల్లాలో గిరిజన ప్రాంతం ఎక్కువగా ఉందని, కొండ ప్రాంతాల్లో రహాదారి సదుపాయం లేక డోలీలు వినియోగిస్తున్నారని, ఆ పరిస్థితి కనిపించకుండా ఉండేలా రహదారి సదుపాయం కల్పనే ధ్యేయంగా పనిచేస్తున్నామన్నారు. 250 మంది ప్రజలున్న ఆవాసాలకు కూడా రహదారి సదుపాయం కల్పించాలనే దిశగా ప్రణాళికలు రూపొందించామని తెలిపారు. అపరాల సాగును కూడా ప్రోత్సహిస్తున్నట్లు చెప్పారు. జిల్లాలో అనీమియా ఎక్కువగా ఉందని తాన్ని కూడా తగ్గించేలా చర్యలు తీసుకుంటున్నామన్నారు. ప్రస్తుతం జిల్లా తలసరి ఆదాయం రూ. 1.67 లక్షలుగా ఉందని దాన్ని వచ్చే 2025–56 ఆర్ధిక సంవత్సరంలో రూ. 1.94 లక్షలకు పెరిగేలా చర్యలు తీసుకుంటున్నట్లు తెలిపారు. జిల్లా ప్రగతికి పర్యాటరంగం ఎంతో దోహదపడుతుందని, పర్యాటక రంగంలో జిల్లాను అభివృద్ధి చేయడానికి ప్రణాళికలు రచించామని వివరించారు. జిల్లాలో ట్రైబల్‌ ఇంజినీరింగ్‌ కాలేజి నిర్మాణం 60 శాతం పూర్తి కావచ్చిందని తెలిపారు.

● సీడ్‌ ఏజెన్సీకి బిల్లులు చెల్లించినందుకు రూ.60 వేలు డిమాండ్‌ ● ఏసీబీ అధికారులను ఆశ్రయించిన ఏజెన్సీ నిర్వాహకుడు ● వలపన్ని పట్టుకున్న అధికారులుపార్వతీపురంటౌన్‌: బలహీన వర్గాలకు చెందిన మత్స్యకారులకు సీడ్‌ బిల్లుల చెల్లింపులో పార్వతీపురం మన్యం జిల్లా మత్స్యశాఖాధికారి లంచం తీసుకుంటూ అవినీతి నిరోధక శాఖాధికారులకు బుధవారం పట్టుబడ్డారు. ఏసీబీ డీఎస్పీ రమణమూర్తి తెలిపిన వివరాల ప్రకారం.. పాలకొండ మండలం టీడీ పురానికి చెందిన బొప్పన అప్పన్నదొరకు చెందిన కోటదుర్గ ఫిష్‌ సీడ్‌ సంస్థలోని విత్తన నిల్వలను తనిఖీ చేసి, రూ.60 లక్షల బిల్లు మంజూరు చేసినందుకు జిల్లా మత్స్యశాఖాధికారి వేముల తిరుపతయ్య రూ.60 వేలు డిమాండ్‌ చేశారు. బాధితుడు అప్పన్నదొరకు లంచం ఇవ్వడం ఇష్టంలేక విజయనగరంలోని ఏసీబీ అధికారులకు ఫిర్యాదు చేశారు. దీంతో వలపన్నాం. బాధితుడి నుంచి పార్వతీపురంలోని మత్స్యశాఖ కార్యాలయంలో రూ.60 వేలు లంచం తీసుకుంటుండగా పట్టుకున్నాం. ఆయనపై కేసు సమోదు చేసి, డబ్బులు సీజ్‌ చేశాం. నిందితుడిని విశాఖపట్టణంలోని ఏసీబీ కోర్టులో హాజరుపరుస్తామని ఏసీబీ డీఎస్పీ తెలిపారు. దాడిలో సీఐలు మహేశ్వరరావు, భాస్కరరావు, సిబ్బంది పాల్గొన్నారు.

● ఫ్యామిలీ కోర్టు జడ్జి కె.విజయకల్యాణి విజయనగరం/నెల్లిమర్ల రూరల్‌: లైంగికంగా బాల,బాలికలను వేధించినా, అవమాన పరిచినా..నేరం చేసిన వ్యక్తికి కనీసం 20 ఏళ్ల జైలుశిక్ష విధించనున్నట్లు ఫ్యామిలీ కోర్టు జడ్జి కె.విజయకల్యాణి పేర్కొన్నారు. ఆంధ్రప్రదేశ్‌ రాష్ట్ర న్యాయసేవా అధికార సంస్థ ఉత్తర్వుల మేరకు విజయనగరం జిల్లా ప్రధాన న్యాయమూర్తి బి.సాయికల్యాణ్‌ చక్రవర్తి ఆదేశాలతో బుధవారం ఆమె నెల్లిమర్ల మండలంలోని కొండగుంపాం గ్రామంలో పోక్సో చట్టంపై న్యాయఅవగాహన సదస్సు నిర్వహించారు. ఈ సదస్సులో ముఖ్యఅతిథిగా పాల్గొన్న ఆమె మాట్లాడుతూ దగ్గర వారే మన బాలికలపై నేరానికి పాల్పడుతుంటారని, అటువంటి వారితో జాగ్రత్తగా ఉండాలని సూచించారు. ముఖ్యంగా తల్లిదండ్రులు వారి పిల్ల లపట్ల అప్రమత్తంగా ఉండాలని హితవు పలికారు. ఈ సందర్భంగా గుడ్‌టచ్‌, బ్యాడ్‌టచ్‌ గురించి తల్లిదండ్రులకు తెలియజేశారు. ప్రస్తుత పిల్లలు టీనేజ్‌ వయస్సులో లేనిపోని ఆకర్షణలకు గురవుతుంటారని, ఇంటర్‌నెట్‌ ప్రభావానికి లోనుకాకుండా విద్యపై దృష్టి సారించాలని చెప్పారు. ఏ విషయాన్నైనా నిర్భయంగా తల్లిదండ్రులకు చెప్పాలని సూచించారు. అపరిచిత వ్యక్తుల దగ్గర జాగ్రత్తగా ఉండాలన్నారు. కార్యక్రమంలో బొబ్బిలి ప్రిన్సిపల్‌ జూనియర్‌ సివిల్‌ జడ్జి ఎం.రోహిణీరావు,, డిప్యూటీ లీగల్‌ ఎయిడ్‌ కౌన్సిల్‌ డి.సీతారాం, కొండగుంపాం గ్రామసర్పంచ్‌ పి.అప్పన్న, నెల్లిమర్ల ఎస్సై ఎం.గణేష్‌, కొండగుంపాం గ్రామ సచివాలయ కార్యదర్శి ఎల్‌.తౌడు, సచివాలయ సిబ్బంది, జిల్లా న్యాయ సేవాధికార సిబ్బంది, పోలీస్‌సిబ్బంది పాల్గొన్నారు.

విజయనగరం ఫోర్ట్‌: ఇటీవల గజపతినగరం మండలంలోని ఓ రైస్‌ మిల్లులో అక్రమంగా నిల్వ చేసిన 300 క్వింటాళ్ల పీడీఎస్‌ బియ్యాన్ని సివిల్‌ సప్లయిస్‌ అధికారులు పట్టుకుని సంబంధిత వ్యక్తిపై కేసు నమోదు చేశారు. ● కొద్దినెలల క్రితం గంట్యాడ మండలం చంద్రంపేట గ్రామంలో ఉన్న రైస్‌ మిల్లు గొడౌన్‌కు పీడీఎస్‌ బియ్యం తరలిస్తున్నట్లు రెవెన్యూ అధికారులకు సమాచారం రావడంతో వీఆర్వో వెళ్లి రెండున్నర టన్నుల పీడీఎస్‌ బియ్యాన్ని, తరలిస్తున్న వాహనాన్ని పట్టుకున్నారు. ● ఇదే మండలంలో ఉన్న మరో మిల్లులో ిపీడీఎస్‌ బియ్యం తరలిస్తున్నట్లు అధికారులకు సమాచారం అందడంతో సివిల్‌ సప్లైస్‌, రెవెన్యూ అధికారులు మిల్లు వద్దకు చేరుకుని పీడీఎస్‌ బియ్యం తరలించే వాహనాన్ని పట్టుకున్నారు. వాహనంలో తరలిస్తున్న పీడీఎస్‌ బియ్యం 1500 కేజీలుగా గుర్తించారు. వాటిని అధికారులు సీజ్‌ చేసి మిల్లు యాజమానిపైన, తరలించిన వ్యక్తిపైన కేసులు నమోదు చేశారు. ● ఇలా ఈ మూడు చోట్లే కాదు. జిల్లాలోని అనేక చోట్ల పీడీఎస్‌ బియ్యాన్ని పక్కదారి పట్టిస్తున్నారు. కొంతమంది వ్యాపారులు పీడీఎస్‌ బియ్యాన్ని కొనుగోలు చేసి ఇతర జిల్లాలు, రాష్ట్రాలకు తరలిస్తున్నారు. కొంతమంది వ్యాపారులు పీడీఎస్‌ బియ్యాన్ని మిల్లులకు తరలిస్తూ మిల్లులో బియ్యాన్ని రీసైక్లింగ్‌ చేసి వాటినే మళ్లీ ప్రజాపంపిణీ వ్యవస్థ గొడౌన్లకు తరలిస్తున్నారనే ఆరోపణలు వినిపిస్తున్నాయి. చోద్యం చూస్తున్న అధికారులు పీడీఎస్‌ బియ్యం అధికారుల కళ్లముందే తరలిపోతున్నా తమకేమీ కనబడడం లేదన్న రీతిన వ్యవహరిస్తున్నారనే విమర్శలు వినిపిస్తున్నాయి. గ్రామాల్లో పీడీఎస్‌ బియ్యం ఎక్కువగా పక్కదారి పట్టిస్తున్నా గ్రామాల్లో ఉండే వీఆర్వోలు ఏమీ పట్టనట్లు వ్యవహరిస్తున్నారనే ఆరోపణలు వినిపిస్తున్నాయి. దీంతో యథేచ్ఛగా పీడీఎస్‌ బియ్యం తరలిపోతున్నట్లు తెలుస్తోంది. 2024–25 లో 90 కేసులు నమోదు: 2024–25 లో పీడీఎస్‌ తరలించిన 90 మందిపై 6 ఎ కేసులు నమోద య్యాయి. 1959 క్వింటాళ్ల బియ్యాన్ని సీజ్‌ చేశారు. 2025–26లో 23 మందిపై 6 ఎ కేసులు నమోదయ్యాయి. 99.86 క్వింటాళ్ల బియ్యాన్ని సీజ్‌ చేశారు. టన్నుల కొద్దీ తరలిస్తున్న వ్యాపారులు రైస్‌ మిల్లుల్లో రీసైక్లింగ్‌ మళ్లీ అవే బియ్యం పౌరసరఫరాల శాఖ గొడౌన్లకు తరలింపుఆకస్మిక తనిఖీలు చేస్తున్నాంపీడీఎస్‌ బియ్యాన్ని పక్కదారి పట్టించకూడదు. సీ ఎస్‌డీటీలు ఆకసిక్మక తనిఖీలు చేపడుతూ కేసులు నమోదు చేస్తున్నారు. ఒక వేళ ఎవరైనా పీడీఎస్‌ బియ్యాన్ని పక్కదారి పట్టించినట్లయితే అటువంటి వారిపై 6ఎ కేసులు నమోదు చేసి జాయింట్‌ కలెక్టర్‌ కోర్టులో ప్రవేశపెడతాం. కె.మధుసూదన్‌రావు, జిల్లా పౌరసరఫరాల అధికారి

పలాస: మండలంలోని కేదారిపురంలో మంగళవారం రాత్రి పొలంలో అక్రమంగా మట్టిని తవ్వడానికి ప్రయత్నం చేస్తుండగా అక్కడ ఉన్న మూడు ట్రిప్పర్లను అధికారులు సీజ్‌ చేశారు. మట్టి తవ్వడానికి వాహనాలతో కొంతమంది వచ్చారని పలాస తహశీల్దారు టి.కళ్యాణచక్రవర్తికి సమాచారం రావడంతో రాత్రి 8 గంటల సమయంలో కాశీబుగ్గ పోలీసులతో వెళ్లారు. వాహనాలను సీజ్‌ చేసి కార్యాలయానికి తరలించారు. బుధవారం సంబంధిత వ్యక్తులను పిలిపించి ట్రిప్పర్‌కు రూ.10వేలు చొప్పున రూ.30వేలను అపరాధ రుసుం విధించారు. ఈ దాడుల్లో ఆర్‌ఐ కై లాసం, కాశీబుగ్గ ఎస్‌ఐ చంద్రరావు తదితరులు పాల్గొన్నారు.

ఇచ్ఛాపురం: పురపాలక సంఘం పరిధిలోని రత్తకన్న గ్రామంలో వీధి కుక్కల దాడిలో జింక పిల్ల మృతి చెందింది. సమీప కొండల నుంచి దారితప్పి గ్రామంలోనికి ప్రవేశించిన సమయంలో వీధికుక్కలు వెంటపడటంతో ఈ ఘటన చోటుచేసుకుంది. వెంటనే గ్రామస్తులకు అటవీ అధికారులకు సమాచారం అందించారు. కాశీబుగ్గ ఫారెస్ట్‌ రేంజ్‌ అధికారి ఎ.మురళీకృష్ణనాయుడు ఆదేశాల మేరకు డిప్యూటీ రేంజ్‌ అధికారి ఐ.రాము, ఫారెస్టు బీట్‌ అధికారులు సిబ్బంది మృతిచెందిన జింకను పరిశీలించారు. గ్రామస్తుల సమక్షంలో బెల్లుపడ వెటర్నరీ సిబ్బంది పోస్టుమార్టం నిర్వహించి మృతదేహాన్ని దహనం చేశారు. ఇదిలా ఉండగా రత్తకన్న సమీపంలోని ఎర్రమట్టి కొండల నుంచి గ్రావెల్‌ను కొందరు అక్రమంగా తవ్వేయడంతో కొండలు కరిగిపోతున్నాయని, అక్కడి వన్యప్రాణులు జనావాసాల్లోకి వచ్చి మృత్యువాత పడుతున్నాయని గ్రామస్తులు చెబుతున్నారు.

వేపాడ: మండలంలోని బొద్దాంలో చెక్‌పోస్టువద్ద సీఐటీయూ ఆధ్వర్యంలో రైతులు, కార్మికులు బుధవారం వంటావార్పుతో ఆందోళన నిర్వహించారు. చెక్‌పోస్టు ఎత్తివేయాలని లేదా వెసులుబాటు కల్పించాలంటూ కార్మికులు నినాదాలు చేశారు. ఈ ఆందోళనపై స్పందించిన ఉత్తరాంధ్ర మైన్స్‌ అండ్‌ జియాలజీ విజిలెన్స్‌ ఎ.డి. అజయ్‌కుమార్‌ బొద్దాం చేరుకుని సమస్యపై ఆరాతీశారు. దీనిపై సీఐటీయూ జిల్లానేత చల్లాజగన్‌ మాట్లాడుతూ ప్రైవేట్‌ చెక్‌పోస్టు సిబ్బంది, విజిలెన్స్‌ బోర్డులు పెట్టుకుని అక్రమాలుచేస్తున్నారని ఎ.డికి వివరించారు. రైతులు సొంత పొలాల్లో నుంచి మట్టితోలుకున్నా, గృహనిర్మాణదారులు పునాదులు పూడ్చుకోవడానికి తెచ్చుకున్నా అక్రమంగా వసూలు చేస్తున్నారని ఈ ఇబ్బందుల నుంచి రైతులు, ట్రాక్టర్‌ డ్రైవర్లకు విముక్తి కలిగించాలని కోరారు. దీనిపై ఎ.డి.అజయ్‌కుమార్‌ మాట్లాడుతూ మట్టి, కారురాయి తోలకాలకు మినహాయింపు కల్పిస్తామన్నారు. అయితే లే అవుట్‌ల వ్యాపారాలకు తోలేవాటికి పన్ను చెల్లించాల్సి ఉంటుందన్నారు. ప్రైవేట్‌ చెక్‌పోస్టుల నుంచి ఎటువంటి ఇబ్బందులు లేకుండా చూస్తామన్నారు. దీంతో కార్మికులు ఆందోళన విరమిస్తున్నట్లు ప్రకటించారు. కార్యక్రమంలో జిల్లా విజిలెన్స్‌ ఎ.జి.మల్లేశ్వర్రావు, బొద్దాం గ్రామపెద్ద ఎర్రా సన్యాసిరావు, యూనియన్‌ నాయకులు గేదెల శ్రీను, తూర్పాటి సతీష్‌, శ్యామ్‌, కృష్ణ, రవి, శివప్రసాద్‌, రామకృష్ణ, బాలు, సన్నిబాబు, సంతోష్‌ తదితరులు పాల్గొన్నారు. ఎటువంటి అవాంఛనీయ సంఘటనలు జరగకుండా రూరల్‌ సీఐ అప్పలనాయుడు, వల్లంపూడి ఎస్సై దేవి, సిబ్బంది బందోబస్తు నిర్వహించారు.

రాయగడ: ఉగాది ఉత్సవాలను పురస్కరించుకొని జిల్లా ఉత్కళ తెలుగు సమాఖ్య ఆధ్వర్యంలో స్థానిక మున్సిపల్‌ టౌన్‌ హాల్‌లో బుధవారం నిర్వహించిన మెహందీ పోటీలకు విశేష స్పందన లభించింది. మహిళలు, వివిధ పాఠశాలలకు చెందిన విద్యార్థులు మొత్తం 51 మంది పాల్గొన్నారు. మెహందీ పెట్టుకోవడంలో శుభ్రత, అందం, ఆధునిక డిజైన్‌ వంటి వాటికి ప్రాధాన్యత కల్పిస్తూ నిర్వాహకులు విజేతలను ఎన్నుకున్నారు. పోటీల్లో ప్రథమ బహుమతిని రాధారాణి కౌసల్య గెలుచుకోగా, ద్వితీయ బహుమతిని బి.ప్రితి, తృతీయ బహుమతిని పాయల్‌ దలాల్‌లు సొంతం చేసుకున్నారు. ఎం.మౌనిక, ఎంపీ ఇందు, సీహెచ్‌ గాయత్రీలకు ప్రోత్సాహక బహుమతులు అందించనున్నారు. విజేతలకు ఈనెల 30, 31వ తేదీల్లో స్థానిక కొల్లిగుడ మైదానంలో జరగనున్న ఉత్సవాల్లో బహుమతులు ప్రదానం చేస్తామని ఉత్సవ కమిటీ అధ్యక్షుడు యాల్ల కొండబాబు తెలియజేశారు.

రామభద్రపురం: మండలకేంద్రంలోని సచివాలయం ఇంజినీరింగ్‌ అసిస్టెంట్‌ సతీష్‌పై దర్యాప్తు ముమ్మరం చేశారు. అందులో భాగంగా బుదవారం ప్రత్యేక డిప్యూటీ కలెక్టర్‌ ప్రమీలా గాంధీ తహసీల్దార్‌ కార్యాలయంలో తహసీల్దార్‌ సులోచనరాణితో కలిసి దర్యాప్తు చేశారు. వివరాలిలా ఉన్నాయి. ఏడాది క్రితం బీఎల్‌వో విధులు సక్రమంగా నిర్వహించకపోవడంతో పాటు అతడి సమాధానం కూడా బాగాలేదన్న ఉద్దేశంతో తహసీల్దార్‌ సులోచనరాణి ఆర్డీవోకు రాతపూర్వకంగా ఫిర్యాదు చేశారు.ఆర్డీవో కూడా కలెక్టర్‌కు రాతపూర్వకంగా ఫిర్యాదు చేయడంతో అప్పటి కలెక్టర్‌ సదరు ఇంజినీరింగ్‌ అసిస్టెంట్‌పై సస్పెన్షన్‌ విధిస్తూ ఉత్తర్వులు జారీచేశారు. సదరు ఇంజినీరింగ్‌ అసిస్టెంట్‌ సతీష్‌కు దాదాపు 6 నెలల క్రితం పోస్టింగ్‌ కూడా ఇచ్చేశారు. అయితే అప్పట్లో దర్యాప్తు సక్రమంగా జరగలేదని, ఇప్పుడు మళ్లీ దర్యాప్తు చేస్తున్నట్లు సమాచారం. తహసీల్దార్‌ సులోచనరాణిని అప్పట్లో ఏం జరిగిందో ఎస్‌డీసీ ప్రమీలా గాంధీ అడిగి తెలుసుకున్నారు. కార్యక్రమంలో ఎంపీడీవో రత్నం పాల్గొన్నారు.

విజయనగరం ఫోర్ట్‌: అపరాల (పెసర, మినుము) పంటలను రైతులు విక్రయించేసిన తరువాత ప్రభుత్వం అపరాల కొనుగోలు కేంద్రాలు ఏర్పాటు చేసిందన్న అంశంపై సాక్షిలో బుధవారం ‘ఎవరి లాభం కోసం’ శీర్షికన ప్రచురితమైన కథనంపై మార్క్‌ఫెడ్‌ జిల్లా మేనేజర్‌ ఎన్‌. వెంకటేశ్వరరావు స్పందించారు. ఈ మేరకు జామి మండలంలోని విజినిగిరిలో ఏర్పాటు చేసిన అపరాల కొనుగోలు కేంద్రాన్ని ఆయన సందర్శించారు. రైతులు మాత్రమే అపరాలను విక్రయించుకోవాలని దళారులు ఎవరైనా అపరాలు విక్రయించడానికి ప్రయత్నిస్తే కఠిన చర్యలు తీసుకుంటామని స్పష్టం చేశారు. జెడ్పీ చైర్మన్‌కు వైఎస్సార్‌సీపీ నాయకుల పరామర్శ విజయనగరం: జిల్లా పరిషత్‌ చైర్మన్‌, వైఎస్సార్‌సీపీ జిల్లా అధ్యక్షుడు మజ్జి శ్రీనివాసరావును వైఎస్సార్‌సీపీ నాయకులు బుధవారం పరామర్శించారు. ఇటీవల జెడ్పీ చైర్మన్‌ చిన్న కుమారుడు మృతి చెందిన నేపథ్యంలో పార్టీ నాయకురాలు, పాతపట్నం మాజీ ఎమ్మెల్యే రెడ్డి శాంతి జెడ్పీ చైర్మన్‌ను పరామర్శించి ప్రగాఢ సానుభూతి వ్యక్తం చేశారు. తొలుత ఆమె మృతిచెందిన ప్రణీత్‌ బాబు చిత్రపటానికి పూలమాలవేసి ఘనంగా నివాళులు అర్పించారు. కార్యక్రమంలో పలువురు వైఎసా్‌స్‌ర్‌సీపీ నాయకులు పాల్గొన్నారు. కోటదుర్గమ్మ హుండీల ఆదాయం లెక్కింపుపాలకొండ: ఉత్తరాంధ్రుల ఆరాధ్య దైవం పాలకొండ కోటదుర్గమ్మ హుండీల ఆదాయాన్ని బుధవారం లెక్కించారు. ఉదయం 10 గంటల నుంచి దేవదాయ ధర్మాదాయ శాఖ అధికారుల పర్యవేక్షణలో హుండీలను తెరిచి ఆదాయాన్ని సిబ్బంది లెక్కించారు. ఈ నెల 3వ తేదీ నుంచి 26వ తేదీ వరకు 23 రోజులకు గాను రూ.3,08,943 ఆదాయం సమకూరినట్లు ఈవో సూర్యనారాయణ తెలిపారు. అలాగే 36 గ్రాముల బంగారం, 1900 గ్రాముల వెండి హుండీల్లో లభించిందని వివరించారు. రోడ్డు ప్రమాదంలో మహిళ మృతిసాలూరు: రామభద్రపురం మండలం చింతలవలస గ్రామానికి చెందిన టి.గౌరమ్మ(47) సాలూరులో జరిగిన రోడ్డు ప్రమాదంలో బుధవారం మృతిచెందింది. ఈ ఘటనపై సీఐ అప్పలనాయుడు తెలిపిన వివరాలిలా ఉన్నా యి. మక్కువ మండలంలోని ఎర్రసామంతవలస వద్ద చర్చికి ప్రార్థనలకు వెళ్లి వస్తున్న క్రమంలో ద్విచక్రవాహనంపై ముగ్గురు ప్ర యాణిస్తుండగా సాలూరులోని కోటవీధి జంక్షన్‌ వద్ద బైక్‌ మధ్యలో కూర్చున్న గౌరమ్మ అదుపుతప్పి రోడ్డుపై పడిపోయింది. అదే సమయంలో రైల్వే స్తంభాల లోడుతో వెళ్తున్న లారీ ఆమైపె నుంచి వెళ్లడంతో శరీరం నుజ్జునుజ్జ యి వెంటనే మరణించింది. దీనిపై కేసు నమో దు చేసి దర్యాప్తు చేస్తున్నట్లు సీఐ తెలిపారు.

శ్రీకాకుళం పాతబస్టాండ్‌: సాంఘిక సంక్షేమ, గిరిజన సంక్షేమ శాఖల ఆధ్వర్యంలో డీఎస్సీ ఉచిత శిక్షణకు ఎంపికై న ఎస్సీ, ఎస్టీ అభ్యర్థులు వెబ్‌ ఆప్షన్‌లో కోచింగ్‌ సెంటర్‌ ఎంపిక చేసుకునేందుకు ఈ నెల 28 వరకు గడువు పొడిగించినట్లు డీడీ విశ్వమోహన రెడ్డి తెలిపారు. ఈ మేరకు బుధవారం ఒక ప్రకటన విడుదల చేశారు. టెన్త్‌ విద్యార్థికి గాయం నరసన్నపేట: స్థానిక సెంట్‌క్లారెట్‌ స్కూల్లో పరీక్ష రాస్తున్న టెన్త్‌ విద్యార్థి బి.వెంకటరమణ గాయపడ్డాడు. స్కూల్లో గోడకు ఉన్న మేకు తలకు తగలడంతో రక్త స్రావమైంది. వెంటనే పీహెచ్‌సీ సిబ్బంది, మహిళా కానిస్టేబుల్‌ స్పందించి ప్రాథమిక చికిత్స అందించారు. బీపీ చెక్‌ చేసిన అనంతరం పరీక్షకు హజరయ్యాడు. జలుమూరు మండలం బసివాడకు చెందిన వెంకటరమణ నరసన్నపేట మండలం కంబకాయ స్కూల్లో పదో తరగతి చదువుతున్నాడు. గుండెపోటుతో వీఆర్‌ఓ మృతి ఎచ్చెర్ల క్యాంపస్‌: మండలంలోని బడివానిపేట వీఆర్వో పుట్ట రాజారావు (50) బుధవారం గ్రామ సచివాలయంలో విధి నిర్వహణలో ఉండగా ఒక్కసారిగా కుప్పకూలిపోయారు. తోటి సిబ్బంది సీపీఆర్‌ చేసి 108 అంబులెన్సుకు సమాచారం అందించారు. సిబ్బంది వచ్చి రిమ్స్‌ ఆస్పత్రికి తరలిస్తుండగా మార్గమధ్యలోనే మృతిచెందారు. రాజారావు స్వస్థలం చిలకపాలెం. ఇతనికి భార్య, కుమారుడు ఉన్నారు. కాగా, రాజారావు పనిఒత్తిడి కారణంగానే మృతిచెందారని ఉద్యోగ సంఘాల నాయకులు, వీఆర్వోలు చెబుతున్నారు. రెవెన్యూ, మండల పరిషత్‌, పంచాయతీరాజ్‌ ఇలా అన్ని సర్వేలు, పనులు తమతోనే చేయిస్తున్నారని మండిపడుతున్నారు. తాము ఎవరి పనిచేస్తున్నామో తమకే తెలియడం లేదని ఆవేదన వ్యక్తం చేస్తున్నారు. రాజకీయ ఒత్తిళ్లు కూడా ఎక్కువయ్యాయని వాపోతున్నారు. కాగా, జేసీ ఫర్మాన్‌ అహ్మద్‌ఖాన్‌, ఆర్డీఓ సాయిప్రత్యూష, తహశీల్దార్‌ గోపాలరావు బుధవారం రాత్రి రాజారావు ఇంటికి వెళ్లి నివాళులర్పించారు. మృతిపై ఆరా తీశారు. పురుగుల మందు తాగి వ్యక్తి ఆత్మహత్య టెక్కలి రూరల్‌: మండంలోని చల్లపేట గ్రామానికి చెందిన హనుమంతు కృష్ణారావు(59) పురుగుల మందు తాగి ఆత్మహత్య చేసుకున్నాడు. పోలీసులు తెలిపిన వివరాల ప్రకారం.. కృష్ణారావు కొంతకాలంగా అనారోగ్య సమస్యలతో ఇబ్బంది పడుతూ తట్టుకోలేక మంగళవారం రాత్రి ఇంట్లో ఉన్న పురుగుల మందు తాగాడు. గమనించిన కుటుంబసభ్యులు వెంటనే టెక్కలి జిల్లా ఆస్పత్రికి తరలించారు. పరిస్థితి విషమంగా మారడంతో శ్రీకాకుళం రిమ్స్‌కు రిఫర్‌ చేశారు. అక్కడ చికిత్స పొందుతూ బుధవారం మృతిచెందాడు. కృష్ణారావుకు భార్య బానమ్మ, ఇద్దరు పిల్లలు ఉన్నారు. ఈ ఘటనపై టెక్కలి పోలీసులు కేసు నమోదు చేశారు.

మల్కన్‌గిరి: జిల్లాలోని మత్తిలి సమితి క్యాంగ్‌ పంచాయతీ పెద్ద సేరపల్లి గ్రామంలో మంగళవారం మధ్యాహ్నం నుంచి ఆశిష్‌ జలారి అనే పదకొండేళ్ల బాలుడు కనిపించలేదు. దీంతో తల్లిదండ్రులు గ్రామమంతా వెదికారు. అయినా ఎక్కడా కనిపించకపోవడంతో బుధవారం ఉదయం మత్తిలి పోలీసుస్టేషన్‌లో ఫిర్యాదు చేశారు. ఐఐసీ దేవదత్తు మల్లిక్‌ వెంటనే స్పందించి సబ్‌ ఇన్‌స్పెక్టర్‌ మాడ మడ్కమి, సబ్‌ ఇన్‌స్పెక్టర్‌ విష్ణుకిశోర్‌ల ఆధ్వర్యంలో రెండు బృందాలుగా ఏర్పాటు చేశారు. అనంతరం వారు గాలించగా మత్తిలి సమీపంలోని ఒక చెట్టుకింద బాలుడు కూర్చొని ఉండడం గమినించి పట్టుకున్నాడు. అయితే బాలుడి మతిస్థిమితం సరిగా లేనట్లు గుర్తించారు. అనంతరం బాలుడిని తల్లిదండ్రులకు అప్పగించారు. తమ బిడ్డను సురక్షితంగా అప్పగించిన పోలీసులుకు కుటుంబ సభ్యులు కృతజ్ఞతలు తెలిపారు. బాలుడిని కుటుంబ సభ్యులకు అప్పగిస్తున్న పోలీసులు

రామభద్రపురం: మండలంలో మట్టిమాఫియా ఆగడాలకు అడ్డూ అదుపూ లేకుండా మట్టి అక్రమ రవాణా యథేచ్ఛగా సాగుతోంది. అధికార పార్టీ నాయకుల అండతో గ్రామాల్లోని చెరువులు, చెరువు పోరంబోకు, గెడ్డ పోరంబోకుల నుంచి మట్టిని అక్రమంగా తరలిస్తూ ప్రభుత్వ ఆదాయానికి గండికొడుతూ చోటామోటా నాయకులు వారి జేబులు నింపుకుంటున్నారు. టీడీపీ అధికార పగ్గాలు చేపట్టిన తర్వాత రెవెన్యూ అధికారులు చూసీచూడనట్లు ఉండడం, ఒక వేళ ఫిర్యాదు వచ్చినా నామమాత్రంగా పరిశీలించి మిన్నకుండిపోవడంతో మండలంలో మట్టి మాఫియా పేట్రేగిపోతూ అక్రమ రవాణా సాగిస్తోంది. ఎన్నడూలేని విధంగా రాత్రింబవళ్లు మట్టిని తరలిస్తున్నారని స్థానికులు ఆవేదన చెందుతున్నా అటువైపు కన్నెత్తి చూసే సాహసాన్ని కూడా అధికార యంత్రాంగం చేయడం లేదు. ఎవరో ఒకరు ఫిర్యాదు చేసినప్పుడు మాత్రమే అటువైపు వెళ్తున్నారు తప్ప..అక్రమ రవాణాను అడ్డుకుందామన్న స్పృహ వారికి లేదని, ఒక వేళ అడ్డుకున్నా అధికార పార్టీ నాయకుల నుంచి ఫోన్‌కాల్‌ వచ్చిన వెంటనే వెనుదిరుగుతున్నారన్న ఆరోపణలు వెల్లువెత్తుతున్నాయి. మండలంలోని కొట్టక్కి రెవెన్యూ పరిధిలో రేయింబవళ్లు చెరువు పోరంబోకు, చెరువులు, గెడ్డ పోరంబోకులో జేసీబీలతో విలువైన మట్టిని తవ్వి వందలాది ట్రాక్టర్లు, పెద్దపెద్ద ట్రక్కులు, లారీల ద్వారా మన్యం జిల్లా సాలూరు పట్టణానికి చెందిన మాఫియా అక్రమంగా తరలిస్తున్నారు. రామభద్రపురం నుంచి సాలూరు వెళ్లే ఎన్‌హెచ్‌ 26 రోడ్డు పక్కన ఉన్న సైట్‌లు ఎత్తు చేసుకుంటున్నారు. రెవెన్యూ అధికారులకు ఎంతోకొంత ముట్టజెప్పడంతో పాటు స్థానిక టీడీపీ నాయకుడు, సాలూరుకు చెందిన ఓ చౌదరికి ఒక్కో ట్రాక్టర్‌కు రూ.150 వరకు ఇస్తున్నారన్న ఆరోపణలు వినిపిస్తున్నాయి. అధికారం మనదే అడ్డుకునేవారే లేరంటూ అక్రమ రవాణాను ప్రోత్సహిస్తున్నారన్న విమర్శలు వినిపిస్తున్నాయి. రెవెన్యూ అధికారులు సైతం అడ్డుకోవడానికి కూడా వీల్లేదంటూ చోటా నాయకులు హుకుం జారీ చేసి మరీ మట్టి తవ్వకాలు నిర్వహించడం గమనార్హం. అక్రమార్కులు మట్టి ఎక్కడికి తరలిస్తున్నారో తెలిసినా అధికార పార్టీ నాయకుల ఒత్తిళ్లతో రెవెన్యూ అధికారులు అక్రమ తవ్వకాలను అడ్డుకోవడం లేదని విమర్శలు ఉన్నాయి. ప్రకృతి సంపదను దోపిడీ చేస్తూ ప్రభుత్వ ఆదాయానికి గండికొడుతున్నారని గ్రామస్తులు ప్రత్యక్షంగా ఆందోళన చేసినా..లేక ఫిర్యాదు చేసినా అధికారులు అడపాదడపా దాడులు చేస్తూ మమ అన్పిస్తున్నారు తప్ప కట్టడి చేసే ప్రయత్నాలు చేయడం లేదనే ఆరోపణలు ఉన్నాయి. యథేచ్చగా రవాణా ప్రభుత్వ ఆదాయానికి గండి అధికార పార్టీ నాయకుల అండతో రెచ్చిపోతున్న అక్రమార్కులు చేతులెత్తేసిన రెవెన్యూ యంత్రాంగంఫిర్యాదు చేసినా స్పందన లేదు మూడు రోజులుగా పగలు, రాత్రి తేడా లేకుండా మట్టి తవ్వకాలు జరుగుతున్నాయి. వెళ్లి అడ్డుకుని, ఈ విషయంపై రెవెన్యూ అధికారులకు స్వయంగా ఫిర్యాదు చేశాను. కనీస స్పందన లేదు. మొన్న జూనియర్‌ అసిటెంట్‌ వచ్చి అడ్డుకుని జేసీబీలు, ట్రాక్టర్లు, టిప్పర్లు తహసీల్దార్‌ కార్యాలయానికి తరలిస్తుండగా ఎక్కడి నుంచో ఫోన్‌ రావడంతో వెంటనే వదిలేసి వెళ్లిపోయారు. మండలంలో ఇసుక, మట్టి అక్రమ రవాణా యథేచ్ఛగా కొనసాగుతోంది. సంబంధిత అధికారులకు ఎవరైనా ఫిర్యాదు చేసినప్పుడు మాత్రమే అటువైపు వెళ్తున్నారు కానీ అడ్డుకోవడం లేదు. అలమండ ఆనందరావు, సీపీఐ జిల్లా జాయింట్‌ సెక్రటరీ, కొట్టక్కి సిబ్బందిని పంపి అడ్డుకుంటాం.. మాకు ఫిర్యాదు అందింది. కానీ వారి సొంత భూమిలో తవ్వుకుని, వారి పొలంలోనే వేసుకుంటున్నామని చెబుతున్నారు. మా అధికార సిబ్బందిని పంపించగా వెళ్లి పరిశీలించారు. తవ్వడం వాస్తవమే. అయితే వారి సొంత పొలం తవ్వుకుని వేసుకుంటున్నారని చెబుతున్నారు. అయినా నిబంధనల ప్రకారం ఎక్కడ తవ్వినా అనుమతులు తప్పనిసరిగా ఉండాలి. మరోసారి సిబ్బందిని పంపించి అక్రమ రవాణాను అడ్డుకుంటాం. ఎ సులోచనరాణి, తహసీల్దార్‌, రామభద్రపురం

పర్లాకిమిడి: స్థానిక రైల్వేస్టేషన్‌ సమీపంలో ఉన్న చాకలి రేవు చెరువు మట్టితీత పనులపై పర్లాకిమిడి ఎమ్మెల్యే రూపేష్‌ పాణిగ్రాహి కంట్రాక్టర్లతో బుధవారం సమీక్షించారు. ఈ చెరువుపై పలు రజక కుటుంబాలు ఆధారపడి బతుకుతున్నాయి. చెరువులో మట్టి, గుర్రపు డెక్క పేరుకుపోవడంతో రజక సంఘం నాయకులు చెరువు పునరుద్ధరించాలని ఎమ్మెల్యేను కోరారు. దీంతో ఈ పనులు గత కొన్ని రోజులుగా జరుగుతుండగా అకస్మాత్తుగా పరిశీలించారు. నిధుల సమస్య లేకుండా గ్రామీణ తాగునీరు, శానిటేషన్‌ శాఖ ఎగ్జిక్యూటివ్‌ ఇంజినీర్‌ ప్రతాప్‌ బెహరాతో మాట్లాడారు. పనులు వెంటనే చేపట్టినందుకు పురపాలక అధ్యక్షురాలు నిర్మలకు కృతజ్ఞతలు తెలిపారు.

భువనేశ్వర్‌: నగరంలో రాజకీయ వాతావరణం వేడెక్కింది. శాంతి భద్రతల పరిరక్షణ జంట నగరాల పోలీసు కమిషనరేట్‌కు పెను సవాల్‌గా మారింది. శాసనసభలో కాంగ్రెస్‌ సభ్యుల సస్పెన్షన్‌పై నిరసన కట్టలు తెంచుకుంటోంది. బుధవారం నడి రోడ్డు మీద నిరసనకు దిగిన కాంగ్రెస్‌ సభ్యులకు మద్దతుగా ప్రదేశ్‌ కాంగ్రెస్‌ కమిటీ కార్యకర్తలు పెద్ద ఎత్తున తరలి వచ్చారు. శాసనసభ వైపు దూసుకుపోయి ముట్టడించేందుకు పాల్పడ్డారు. సభా ప్రాంగణం భద్రత కోసం ఏర్పాటు చేసిన బారికేడ్లు అధిగమించి సభా ప్రాంగణం ప్రవేశ ద్వారాల తాళాలు బద్దలు కొట్టేందుకు విఫలయత్నం చేసి పోలీసు యంత్రాంగానికి ముప్పు తిప్పలు పెట్టారు. ఇదిలాఉండగా ఎమ్మెల్యేల సస్పెన్షన్‌ను వ్యతిరేకిస్తూ గురువారం శాసనసభ ముట్టడిస్తామని ఒడిశా ప్రదేశ్‌ కాంగ్రెస్‌ కమిటీ లోగడ ప్రకటించిన విషయం విదితమే. ఈ నేపథ్యంలో ఆందోళనలు భారీ ఎత్తున విజయవంతం చేయాలనే లక్ష్యంతో స్థానిక కాంగ్రెస్‌ భవన్‌లో పార్టీ ప్రముఖుల వ్యూహ రచన చేశారు. కాంగ్రెసు భవన్‌ నుంచి శాసనసభ మార్గం ఉద్రిక్తంగా మారే ప్రమాదంపై జంట నగరాల పోలీసు కమిషనరేట్‌ ముందస్తుగా అప్రమత్తమైంది. రాకపోకల కట్టడి శాసనసభ సమీపంలో కాంగ్రెస్‌ పార్టీ నిర్వహించనున్న ప్రదర్శన తీవ్రత దృష్ట్యా పోలీసు కమిషనరేట్‌ నగరంలో విస్తృత భద్రతా ఏర్పాట్లు చేసింది. ఈ నిరసన కారణంగా మాస్టరు క్యాంటిన్‌ కూడలి నుంచి దిగువ పీఎంజీ మార్గం గుండా శాసనసభ వైపు ఉధృత పరిస్థితి తాండవిస్తుందని అంచనా. ఈ మార్గంలో వాహనాలు, సాధారణ ప్రజానీకం రాకపోకలకు అంతరాయం కలిగే అవకాశం ఉందని పోలీసు వర్గాలు భావిస్తున్నాయి. అవాంఛనీయ సంఘటనల నివారణ కోసం గురువారం ఉదయం 9.00 గంటల నుంచి మధ్యాహ్నం 3.00 గంటల వరకు ఈ మార్గంలో రాకపోకలపై ఆంక్షలు అమలులో ఉంటాయని కమిషనరేట్‌ పోలీసులు తెలిపారు. ప్రధానంగా రాజ్‌ మహల్‌ స్క్వేర్‌ మరియు రూపాలి స్క్వేర్‌ మధ్య ప్రాంతాలు ముఖ్యంగా ప్రభావితమయ్యే అవకాశం ఉంది. నిరసన ప్రదర్శన సమయంలో ప్రత్యామ్నాయ మార్గాల గుండా రాకపోకలకు సర్దుబాటు చేసుకోవాలని అభ్యర్థించారు. ఈ మార్గంలో మాస్టరు క్యాంటిన్‌ కూడలి నడి రోడ్డు మీద కాంగ్రెసు సభ్యుల నిరసన నిరవధికంగా కొనసాగుతోంది. రాత్రంతా ఈ ప్రదర్శన కొనసాగుతుందని ఆందోళనకారుల వర్గం పేర్కొంది.

● ఉపాధ్యాయ సంఘాల ఉమ్మడి వేదిక నాయకులు డిమాండ్‌ ● రెండోరోజూ కొనసాగిన నిరసన శ్రీకాకుళం న్యూకాలనీ: పదో తరగతి పబ్లిక్‌ పరీక్షల్లో కుప్పిలి కేంద్రంలో మాస్‌ కాపీయింగ్‌ ఘటనలో సస్పెండైన 14 మంది ఉపాధ్యాయులను వెంటనే విదుల్లోకి తీసుకోవాలని, ముందస్తు ప్రణాళికతో దాడిచేసి వ్యక్తిగత మైలేజ్‌ కోసం జిల్లా పరువు, ప్రతిష్టతలను మంటగలిపి ఉపాధ్యాయులను అన్యాయంగా సస్పెండ్‌ చేసిన డీఈఓ తిరుమల చైతన్యను వెంటనే విధుల నుంచి తప్పించాలనికి జిల్లా ఉపాధ్యాయ సంఘాల ఉమ్మడి వేదిక నాయకులు డిమాండ్‌ చేశారు. సస్పెండైన టీచర్లతోపాటు డిబారైన ఐదుగురు విద్యార్థులకు న్యాయం చేయాలని నినదించారు. ఈ మేరకు ఉపాధ్యాయ సంఘాల ఉమ్మడివేదిక ఆధ్వర్యంలో జిల్లా విద్యాశాఖ కార్యాలయం ఎదుట రెండో రోజు బుధవారం కూడా నిరసన కార్యక్రమం కొనసాగించారు. ఉమ్మడి వేదిక ముఖ్య ప్రతినిధులు చౌదరి రవీంద్ర, తంగి మురళీమోహన్‌, మజ్జి మదన్‌మోహన్‌, డి.శివరాంప్రసాద్‌, పిసిని వసంతరావు తదితరులు మాట్లాడుతూ డీఈఓ ఉపాధ్యాయుల పట్ల కక్ష సాధింపు ధోరణితో వ్యవహరిస్తున్నారని ఆరోపించారు. 2023 సాధారణ బదిలీల నుంచి ఉపాధ్యాయులను దోషులుగా చిత్రీకరించే పనిలో నిమగ్నమయ్యారని దుయ్యబట్టారు. కుప్పిలి కేంద్రంలో జరిగిన సంఘటన అతిగా చిత్రీకరించి విద్యార్థులను మానసికంగా ఒత్తిడికి గురిచేసి ప్రశాంతంగా పరీక్షలు రాయటంలో తీవ్ర ఆటంకం కలుగజేసిన డీఈఓపై, దాడిలో పాల్గొన్నవారిపై క్రిమినల్‌ కేసులు పెట్టాలని డిమాండ్‌ చేశారు. ఈ మేరకు గురువారం సాయంత్రం 4 గంటలకు కలెక్టర్‌ కార్యాలయం వద్ద వందలాది మంది ఉపాధ్యాయులతో చేపట్టనున్న ఉపాధ్యాయుల పోరాట ధర్నాను విజయవంతం చేయాలని పిలుపునిచ్చారు. కార్యక్రమంలో వేదిక ప్రతినిధులు కొప్పల భానుమూర్తి, బమ్మిడి శ్రీరామ్మూర్తి, గొంటి గిరిధర్‌, సంపతిరావు కిషోర్‌కుమార్‌, గురుగుబెల్లి రమణ, పేడాడ కృష్ణారావు, బల్లెడ రవి, శీర రమేష్‌బాబు, ఎంవీ రమణ, ఎస్‌.సత్యనారాయణ, బలివాడ ధనుంజయ్‌, బోనెల రమేష్‌, కె.పద్మావతి, బి.మోహనరావు, పప్పల రాజశేఖర్‌, దామోదరావు, వెంకటరమణ, శ్రీనివాస్‌ తదితరులుపాల్గొన్నారు.

భువనేశ్వర్‌: రాష్ట్ర ప్రభుత్వం తీరుపై ప్రధాన విపక్షం బిజూ జనతా దళ్‌ తీవ్ర అసంతృప్తి వ్యక్తం చేసింది. రాష్ట్రంలో శాంతిభద్రతలు లోపించాయని, విపక్షాల ఆవేదనని అణచివేస్తూ ప్రభుత్వం అప్రజాస్వామికంగా వ్యవహరిస్తోందిని ఆరోపించింది. ప్రజా సమస్యలపై గళం విప్పుతున్న విపక్ష సభ్యులపై అరాచకత్వం ప్రదర్శిస్తోందని మండిపడింది. రష్యా–ఉక్రెయిన్‌, ఇజ్రాయిల్‌, పాలస్తీనా మాదిరిగానే ఏదో యుద్ధం జరుగుతోందన్నట్లుగా సభలో నిరసన ప్రదర్శించిన కాంగ్రెస్‌ ఎమ్మెల్యేలను కొట్టారని బీజేడీ సభ్యుడు డాక్టర్‌ అరుణ్‌ కుమార్‌ సాహూ పరిస్థితిని అంతర్జాతీయ సంఘర్షణలతో పోల్చారు. పోలీసులు బీజేడీ ఎమ్మెల్యేలపై కూడా దాడి చేశారని మండిపడ్డారు. 14 మంది సభ్యుల సస్పెన్షన్‌పై స్పీకర్‌ వైఖరి సభలో స్పష్టం చేయాలని బీజేడీ చీఫ్‌ విప్‌ ప్రమీలా మల్లిక్‌ ప్రతిపాదించారు. ఈ ప్రతిపాదనపై స్పీకర్‌ వైఖరి కొరవడడంతో బీజేడీ శాసన సభ్యులంతా శాసనసభ నుంచి బయటకు వచ్చేశారు. స్పీకర్‌ ప్రకటన అనంతరం బీజేడీ సభ్యుల ఆందోళన మేరకు సభలో స్పీకర్‌ సురమా పాఢి వివరణ ప్రవేశపెట్టారు. ఈనెల 25వ తేదీ వరకు 12 పని రోజులు పాటు జరిగిన మలి విడత బడ్జెటు సమావేశాలకు తీవ్ర అంతరాయం ఏర్పడిందన్నారు. ఈ నిడివిలో సమగ్రంగా రాష్ట్ర శాసనసభ కార్యకలాపాల్లో 39 గంటల 2 నిమిషాల పాటు అంతరాయం కలిగిందని పేర్కొన్నారు. సభలో సభ్యుల తీరుని చక్కదిద్దేందుకు పలుమార్లు అఖిల పక్ష సమావేశాలు నిర్వహించడం జరిగింది అన్నారు. దీనిలో భాగంగా ఈనెల 10, 13, 24, 25 తేదీల్లో వరుసగా అఖిల పక్ష సమావేశాలు నిర్వహించినట్లు పేర్కొన్నారు. ఈ పరిస్థితుల్లో ఈనెల 21న డిప్యూటీ స్పీకర్‌ సభలో సభ్యులు మర్యాదపూర్వకంగా మెసులుకోవాలని అభ్యర్థించారని వెల్లడించారు. ఈ అభ్యర్థనపై నిర్లక్ష్యం ప్రదర్శించిన కాంగ్రెస్‌ ఎమ్మెల్యేలు సభా కార్యకలాపాలకు అంతరాయం నిరవధికంగా కొనసాగించారు. దీని ఫలితంగా మంగళవారం 12 మంది కాంగ్రెస్‌ ఎమ్మెల్యేలను సస్పెండ్‌ చేయడం జరిగిందన్నారు. అయితే వారు అసెంబ్లీ ప్రాంగణాన్ని వదిలి వెళ్లడానికి నిరాకరించి రాత్రంతా ప్రదర్శన నిర్వహించారని తెలిపారు. దీంతో శాసన సభ్యులకు తగిన భద్రతా ఏర్పాట్లు చేశారన్నారు. ఇదిలా ఉండగా మంగళవారం రాత్రి 9 గంటలకు కాంగ్రెస్‌ సభ్యులు మరియు కార్యకర్తలు శాసనసభ ఆవరణలో మార్షల్స్‌, భద్రతా సిబ్బందిపై దాడి చేసి గాయపరిచారని ఆవేదన వ్యక్తం చేశారు. గాయపడిన సిబ్బందికి వైద్య చికిత్స అందిస్తున్నట్లు పేర్కొన్నారు. మంగళవారం రాత్రి 2 గంటల ప్రాంతంలో సభలో కాంగ్రెసు సభ్యుల నిరసన హింసాత్మక రూపు దాల్చుకుంటున్న వైపరీత్యం దృష్ట్యా శాసనసభ మార్షల్‌ మరియు భద్రతా సిబ్బంది ఆధ్వర్యంలో సభ నుంచి బయటకు తొలగించారన్నారు. ముందస్తు ఆదేశాల మేరకు సిబ్బంది ఈ చర్యని చేపట్టినట్లు స్పీకర్‌ శాసనసభలో స్పష్టం చేశారు.

–8లోuరెచ్చిపోతున్న చైన్‌ స్నాచర్లు హైకోర్టు ప్రధాన న్యాయమూర్తి ప్రమాణ స్వీకారం గురువారం శ్రీ 27 శ్రీ మార్చి శ్రీ 2025భువనేశ్వర్‌: బడ్జెట్‌ సమావేశాలు పురస్కరించుకొని రాష్ట్రంలో గందరగోళ పరిస్థితులు నెలకొన్నాయి. సమావేశాల్లో అధికార, విపక్షాల మధ్య వాగ్వాదం నిరవధికంగా కొనసాగుతోంది. ఇరుపక్షాలు ఎవరి పట్టుపై వారు నిశ్చలంగా ఉండడంతో సభా కార్యకలాపాలు సక్రమంగా కొనసాగలేదు. ప్రధానంగా రాష్ట్రంలో మహిళలకు కనీస భద్రత లేకుండా పోయిందని కాంగ్రెస్‌ ఆరోపించింది. మైనర్‌ బాలికలకు విద్యా సంస్థల్లో మౌలిక రక్షణ కొరవడిందని దుమ్మెత్తిపోసింది. ఈ పరిస్థితిపై రాష్ట్ర హోమ్‌ శాఖ బాధ్యతలు నిర్వహిస్తున్న ముఖ్యమంత్రి మోహన్‌ చరణ్‌ మాఝి సభలో వివరణ ప్రవేశపెట్టాలని డిమాండ్‌ చేసింది. మహిళలకు లోపించిన భద్రత పరిస్థితిపై విచారణకు సభా కమిటీ ఏర్పాటు చేయాలని పట్టుబట్టారు. అయితే దీనికి అధికార పక్షం ససేమిరా అనడంతో సభలో పరిస్థితి ఉద్రిక్తతకు దారి తీసింది. సభా కార్యకలాపాలకు విఘాతం రాష్ట్రంలో మహిళల భద్రత కోసం సభలో ఉద్యమించిన కాంగ్రెసు సభ్యుల తీరును అధికార పక్షం తప్పు బట్టింది. ఈ వ్యవహారంలో సభలో సభ్యుల తీరు ఏమాత్రం ఆమోదయోగ్యంగా లేదని బాహాటంగా విమర్శించింది. తదుపరి దశలో కాంగ్రెస్‌ ఎమ్మెల్యే తారా ప్రసాద్‌ బాహిణీపతిని సభ నుంచి 7 రోజుల పాటు సస్పెండ్‌ చేసినట్లు స్పీకర్‌ సురమా పాఢి ప్రకటించారు. దీంతో అకస్మాతుగా వ్యతిరేకత తారా స్థాయికి తాకింది. ఈ చర్యపై ప్రధాన విపక్షం బిజూ జనతా దళ్‌ కూడా విచారం వ్యక్తం చేసింది. ఇలా రోజులు గడుస్తున్నా వివాదం కొలిక్కి రాకపోవడంతో సభా కార్యకలాపాలకు తీవ్రంగా గండి పడింది. 12 మంది సస్పెన్షన్‌ మంగళవారం నాటికి ఈ పరిస్థితి మరింతగా రాజుకుంది. సభలో కాంగ్రెసు సభ్యుల బలం 14 మంది కాగా, అత్యధికంగా 12 మంది సభ్యులను సభ నుంచి సస్పెండ్‌ చేసినట్లు స్పీకర్‌ ప్రకటించారు. దీంతో మిగిలిన ఇరువురు సభ్యులు సభలో తోటి సభ్యుల సస్పెన్షన్‌ వ్యతిరేకిస్తూ, సభా కమిటీ ఏర్పాటు నినాదంతో సభలో నిరసన ప్రదర్శన కొనసాగించారు. తమ న్యాయ సమ్మతమైన ప్రతిపాదనలపై సభ సానుకూలంగా స్పందించకుంటే రాత్రంతా సభలో నిరాహార దీక్ష చేపడతామని హెచ్చరించారు. వీరి హెచ్చరికపై సభ పెడచెవి వైఖరి ప్రదర్శించడంతో మంగళవారం రాత్రంతా కాంగ్రెసు సభ్యులందరూ కలిసి సభలో నిరాహార దీక్ష చేపట్టారు. సభ బయట ఉద్రిక్తత సభ లోపల తోటి సభ్యుల నిరాహార దీక్ష స్థితిగతులను తెలుసుకునేందుకు ఒడిశా ప్రదేశ్‌ కాంగ్రెస్‌ కమిటీ అధ్యక్షుడు భక్త చరణ్‌ దాస్‌ ఆధ్వర్యంలో పలువురు మాజీ ఎమ్మెల్యేలు శాసనసభ ప్రాంగణానికి చేరారు. దీంతో లోపలికి వెళ్లకుండా వీరిని పోలీసు ఉన్నతాధికారులు అడ్డుకున్నారు. దీంతో మాజీ ఎమ్మెల్యేలు విరుచుకుపడ్డారు. ఇరువర్గాల మధ్య ఘర్షణ వేడెక్కింది. ఫలితంగా శాసనసభ బయట ఉద్రిక్త పరిస్థితి నెలకొంది. అమానుష చర్యలు సభలో నిరాహార దీక్షకు దిగిన కాంగ్రెసు సభ్యులకు తాగునీరు, మరుగుదొడ్డి వంటి మౌలిక సౌకర్యాలు లేకుండా అధికారులు అమానుష చర్యలకు పాల్పడ్డారు. దీంతో క్రమంగా ఎమ్మెల్యే తారాప్రసాద్‌ బాహిణీపతి ఆరోగ్యం దిగజారింది. పోలీసులు ప్రత్యక్షంగా రంగంలోకి దిగి నిరాహార దీక్ష కొనసాగిస్తున్న కాంగ్రెసు ఎమ్మెల్యేలను బలవంతంగా బయటకు నెట్టేశారు. పదవిలో ఉన్న శాసనసభ్యులపై పోలీసుల జులుం సర్వత్రా చర్చనీయాంశం అయింది. మరో ఇద్దరు సైతం సస్పెండ్‌ పరిస్థితి ఇలా కొనసాగుతుండగా మిగిలిన ఇద్దరు కాంగ్రెసు ఎమ్మెల్యేలను సైతం సభ నుంచి మరోసారి వారం రోజుల వరకు సస్పెండ్‌ చేసినట్లు స్పీకర్‌ బుధవారం దేశాలు జారీ చేశారు. మరోవైపు తారా ప్రసాద్‌ బాహిణీపతికి రెడ్‌ కార్డు జారీ చేసినట్లు పేర్కొన్నారు. ఈ నేపథ్యంలో భావ వ్యక్తీకరణకు కనీస అవకాశం కల్పించకుండా సస్పెండ్‌ చేశారని తారా ప్రసాద్‌ బాహిణీపతి ఆవేదన వ్యక్తం చేశారు. రాష్ట్ర ప్రభుత్వం ప్రజాస్వామ్యాన్ని నిలువునా హతమార్చిందని ఆరోపించారు. ప్రజాస్వామ్యబద్ధంగా ప్రజల సమస్యల కోసం పోరాడుతున్న తమపై పోలీసులు జులుం ప్రదర్శించారు. తెల్లవారుజామున 2.15 గంటల ప్రాంతంలో సభలో నిరసన ప్రాంగణంలోకి పోలీసులు ప్రవేశించారు. నిరసన కొనసాగిస్తున్న తమపై చేయి చేసుకుని బలవంతంగా బయటకు నెట్టారని ఆరోపించారు. ఈ క్రమంలో పోలీసులు తన గొలుసు లాక్కున్నారని ఆరోపించారు. న్యూస్‌రీల్‌ రాష్ట్రంలో ఉద్రిక్త పరిస్థితులు రాత్రంతా శాసనసభలో కాంగ్రెస్‌ సభ్యుల నిరసన శాసనసభ నుంచి కాంగ్రెస్‌ సభ్యులంతా సస్పెండ్‌

రాయగడ: పొరుగు రాష్ట్రం ఆంధ్రప్రదేశ్‌లోని బొబ్బిలిలో ఉన్న మహేశ్వరి కాలేజీ ఆఫ్‌ ఎడ్యుకేషన్‌ అండ్‌ కోడిరామ్మూర్తి కాలేజీ ఆఫ్‌ ఫిజికల్‌ ఎడ్యుకేషన్‌ సంస్థల యజమాని రంబా చంద్రశేఖర్‌, సుగుణ దంపతులు మజ్జిగౌరి అమ్మవారికి ఇత్తడితో రూపొందించిన రెండు సింహాలమూర్తులను వితరణగా బుధవారం అందజేశారు. 300 కిలోల బరువు ఉన్న ఇత్తడితో రూపొందించిన ఈ సింహాలను అమ్మవారి ప్రవేశ ద్వారం ముందు ఏర్పాటు చేస్తారు. ఈ మేరకు దాతలు బుధవారం ప్రత్యేక పూజలను అమ్మవారి మందిరం ప్రాంగణంలో నిర్వహించారు. కాగా ఏప్రిల్‌ 8వ తేదీ నుంచి అమ్మవారి చైత్రోత్సవాల ప్రారంభ సమయంలో ఇత్తడి సింహాలను ప్రాణ ప్రతిష్టించిన అనంతరం, వాటిని ఏర్పాటు చేస్తామని ట్రస్టు సభ్యులు తెలియజేశారు.

రాయగడ: స్థానిక రామకృష్ణనగర్‌లో మంగళవారం అర్థరాత్రి చోరీ జరిగింది. గుర్తు తెలియని దుండగులు ఒక ఇంట్లో చొరబడి బీరువాలను విరగ్గొట్టి బంగారు, వెండి ఆభరణాలతో పాటు నగదును దొంగిలించినట్లు బాధితుడు సదరు పోలీస్‌స్టేషన్‌లో బుధవారం ఫిర్యాదు చేశాడు. పోలీసులు తెలిపిన వివరాల మేరకు రామకృష్ణనగర్‌ పోస్టాఫీసు వీధిలో నివాసముంటున్న చంద్రమౌళి ప్రసాద్‌ బెహర అనే వ్యక్తి కొరాపుట్‌ వేళ్లేందుకు మంగళవారం రాత్రి ఒంటిగంట సమయంలో నిద్రలేచి చూసేసరికి ఇంటి బయట ఎవరో ఉన్నట్లు గమనించాడు. దీంతో బయటకు వెళ్లి చూసి తిరిగి ఇంటి లోపలకి వెళ్లిపోయాడు. కొద్దిసేపు తర్వాత మరింత శబ్ధం వినిపించడంతో బయటకువచ్చి చూడగా తమ కింది ఇంటి తలుపులు తెరిచి ఉండడం గమనించాడు. అప్పుడు ఇంటి లోపలికి వెళ్లి చూడగా ఇంట్లోని రెండు బీరువాలు, వస్తువులు చిందరవందరగా పడి ఉండడం గమనించి పోలీసులకు సమాచారం అందించాడు. ఘటన స్థలానికి చేరుకున్న పోలీసులు ఈ మేరకు కేసు నమోదు చేసి దర్యాప్తు చేస్తున్నారు. అయితే ఎంత మొత్తం బంగారు ఆభరణాలు, నగదు దొంగిలించారు అనేది తెలియలేదు. రాజధానికి కాంగ్రెస్‌ శ్రేణులు కొరాపుట్‌: ప్రదేశ్‌ కాంగ్రెస్‌ పిలుపు మేరకు కాంగ్రెస్‌ పార్టీ శ్రేణులు రాజధాని భువనేశ్వర్‌కు బుధవారం కొరాపుట్‌ జిల్లా సిమిలిగుడ నుంచి ప్రత్యేక బస్సుల్లో బయల్దేరారు. మరోవైపు నబరంగ్‌పూర్‌ జిల్లా నుంచి పిసిసి మాజీ ఉపాధ్యక్షుడు మున్నా త్రిపాఠి నేతృత్వం కాంగ్రెస్‌ కార్యకర్తలు బయల్దేరారు. గురువారం అసెంబ్లీ ముట్టడి కార్యాక్రమంలో వీరు పాల్గోనున్నారు.

జయపురం: ముఖ్యమంత్రి బస్సు సేవా పథకంలో భాగంగా జయపురం నుంచి ఏడు ఏసీ లక్ష్మీ బస్సులను బుధవారం ప్రారంభించారు. కొత్త బస్సులు జయపురం – గుణుపూర్‌, జయపురం– కాశీపూర్‌ వయా లక్ష్మీపూర్‌, జయపురం – మల్కన్‌గిరి, జయపురం – కొటియ, జయపురం – చందాహండి, జయపురం – భవానీపట్న, జయపురం – కొటాగాంకు వేశారు. ఒక్కొక్క బస్సులో 50 సీట్లు ఉంటాయని ఓఎస్‌ఆర్టీసీ అధికారులు తెలియజేశారు. సర్వీసులను ప్రజలు వినియోగించుకోవాలని సూచించారు. మహిళల పాత్ర గురుతరమైనది జయపురం: సహకార సంస్థల ప్రగతి, ఉద్యమంలో మహిళల పాత్ర గురుతమైనదని వక్తలు పేర్కొన్నారు. స్థానిక కొరాపుట్‌ కేంద్ర సహకార బ్యాంక్‌ సభా గృహంలో ‘సహకార సమృద్ధి – మహిళల భూమిక’పై బుధవారం వర్క్‌షాపు నిర్వహించారు. కేసీసీ బ్యాంక్‌ పరిచాలన కమిటీ అధ్యక్షుడు ఈశ్వర చంద్ర పాణిగ్రహి అధ్యక్షతన జరిగిన ఈ కార్యక్రమంలో పలువురు వక్తలు ప్రసంగించారు. సమాజంలో మహిళల ఆర్థిక, సామాజిక ఉన్నతి కోసం ప్రభుత్వాలు పలు పథకాలు అమలు చేస్తున్నాయని వివరించారు. సహకార ఆందోళనలో మహిళలు మమేకమైతే అది సమాజానికి మంచి పరిణామమని అభిప్రాయపడ్డారు. మహిళలు పశుపాలన, వ్యవసాయ యాజమాన్యంపై అవగాహన పొందాలని సూచించారు. అనంతరం పలు ఎస్‌హెచ్‌జీ గ్రూపులకు కేసీసీ బ్యాంకు రూ.5 లక్షల చొప్పున రుణాలు అందజేసింది. కార్యక్రమంలో జిల్లా పరిషత్‌ అధ్యక్షురాలు సొశ్మిత మెలక, డీఆర్‌సీఎస్‌ భీమసేన్‌ సాహు, ఏఆర్‌సీఎస్‌ శొశానంద బెహర, డీఈవో కమల లోచన మఝి, ఏజీఎం హరిశ్చంద్ర బొనాగడి, కేసీసీ బ్యాంక్‌ డైరెక్టర్‌ రమాకాంత రౌలో పాల్గొన్నారు. సమస్యలు పరిష్కరించండి రాయగడ: తమ సమస్యలు పరిష్కరించాలని ట్రాక్టర్ల యజమానులు, డ్రైవర్ల సంఘం ప్రతినిధులు కోరారు. ఈ మేరకు కలెక్టర్‌ ఫరూల్‌ పట్వారీని బుధవారం కలిసి వినతిపత్రం అందజేశారు. బ్యాంకుల్లో రుణాలు తీసుకొని ట్రాక్టర్లు నడుపుతున్నప్పటికీ, ప్రభుత్వ విధానాల వలన పూట గడవడం కష్టంగా మారుతోందని ఆవేదన వ్యక్తం చేశారు. ప్రభుత్వ గృహ, రహదారి నిర్మాణ పథకాలు కోసం ఇసుక, రాళ్లు వంటివి సరఫరా చేసేందుకు అనుమతులు ఇచ్చినప్పటికీ, రాయల్టీ సరిగ్గా ఇవ్వడం లేదని వాపోయారు. ఇసుక లోడ్‌ కోసం అనుమతి ఇస్తే వై ఫారం (ట్రాన్జిట్‌ పాస్‌) జారీ చేసినప్పటికీ, అది కేవలం గంటన్నర వ్యవధి మాత్రమే ఇస్తున్నారని తెలిపారు. ఆ వ్యవధి దాటితే ట్రాక్టర్‌ను సీజ్‌ చేసి సుమారు రూ.40 వేల జరిమానా విధిస్తుండడం ఎంతవరకు సమంజసమని ప్రశ్నించారు. ఒకవేళ సీజ్‌ చేస్తే తిరిగి చేతికి వచ్చేసరికి నెల రోజులు సమయం పడుతోందని ఆవేదన వ్యక్తం చేశారు. ఇప్పటికై నా తమ గోడు విని నిబంధనలు సడలించాలని కోరారు. వినతిపత్రం సమర్పించినవారిలో దూడల శ్రీనివాసరావు, వై.చంద్ర, కిషోర్‌ తదితరులు ఉన్నారు. గుండెపోటుతో బలరాం మటం మృతి కొరాపుట్‌: జిల్లాలోని నందపూర్‌ సమితి మాజీ చైర్మన్‌ బలరాం మటం(57) గుండెపోటుతో బుధవారం మృతి చెందారు. ఆయన 1997 నుంచి 2002 వరకు జనతాదళ్‌ పార్టీ మద్దతులో పదవిలో కొనసాగారు. పొడువా పోలీస్‌స్టేషన్‌ పరిధిలోని గొల్లురు గ్రామ పంచాయతీ దిమిరి ఖుతుబ్‌ గ్రామంలో అంత్యక్రియలు ముగిశాయి. బీజేడీ మాజీ ఎంపీ జిన్ను హిక్కా, మాజీ ఎమ్మెల్యేలు రఘురాం పొడాల్‌, పీతం పాఢీ, ప్రపుల్ల పంగిలు సంతాపం తెలిపారు.

అరసవల్లి: ఆర్‌డబ్ల్యూఎస్‌ జిల్లా ఎస్‌ఈ కార్యాలయం నీటి కోసం మోటార్‌ స్విచ్‌ వేయడానికి వెళ్లిన కార్యాలయ అటెండర్‌ మల్లారెడ్డి ఆనందరావు(47) విద్యుత్‌ షాక్‌కు గురై మృతిచెందాడు. మంగళవారం ఉదయం 10.30 గంటల సమయంలో అందరూ విధుల్లో ఉండగా ఈదుర్ఘటన జరగడంతో ఇటు ఆర్‌డబ్ల్యూఎస్‌ ఉద్యోగులు, అటు జిల్లా పరిషత్‌ పంచాయతీరాజ్‌ శాఖ ఉద్యోగులు నిర్ఘాంతపోయారు. సమాచారం తెలిసిన వెంటనే జిల్లా పరిషత్‌ సీఈవో శ్రీధర్‌ రాజా ఘటనా స్థలానికి వెళ్లి పరిస్థితిని అడిగి తెలుసుకున్నారు. ఉదయం మోటార్‌ వేయడానికి వెళ్లి ఇంకా రాలేదని మరో అటెండర్‌ శార్వాణి వెళ్లినప్పటికే అచేతనంగా ఆనందరావు పడి ఉండటంతో మిగిలిన సిబ్బందికి సమాచారాన్ని అందించింది. 108 వాహనం సిబ్బంది వచ్చేసరికే మృతి చెందినట్లు వారు ధృవీకరించారు.వన్‌టౌన్‌ ఎస్సై హరికృష్ణ ఘటనా స్థలానికి చేరుకుని ఆరా తీశారు. స్థానిక దేశెల్ల వీధిలో నివాసముంటున్న ఆనందరావు స్వస్థలం నందిగాం మండలం కల్లాడ గ్రామం. భార్య దుర్గ, కుమారుడు, కుమార్తె ఉన్నారు. ఆనందరావు మృతి పట్ల జెడ్పీ సీఈవో శ్రీధర్‌ రాజా, జెడ్పీ చైర్‌పర్సన్‌ కార్యాలయ సీసీ అప్పన్న, ఆర్‌డబ్ల్యూఎస్‌ ఈఈ రంగప్రసాద్‌, డీఈ లలితకుమారి తదితరులు సంతాపం వ్యక్తం చేశారు. విద్యుత్‌ షాక్‌తో విద్యార్థి దుర్మరణం బూర్జ: మండలంలోని చీడివలస గ్రామానికి చెందిన బూరి మణికుమార్‌ (18) విద్యుత్‌ షాక్‌కు గురై మంగళవారం మృతి చెందాడు. మామయ్య నూతనంగా నిర్మాణం చేపడుతున్న ఇంటి గోడలను నీటితో తడుపుతూ ఇనుప నిచ్చెన తీస్తుండగా విద్యుత్‌ వైర్లు తగలడంతో ఈ ప్రమాదం చోటుచేసుకుంది. గమనించిన కుటుంబసభ్యులు ఆస్పత్రికి తరలించే ప్రయత్నం చేసేసరికే మృతిచెందాడు. మణికుమార్‌కు తల్లిదండ్రులు దుర్గారావు, కేసరి, సోదరి ఉన్నారు. చేతికందిన కుమారుడు విద్యుత్‌ షాక్‌కు గురికావడంతో కుటుంబ సభ్యులు కన్నీరుమున్నీరుగా విలపిస్తున్నారు. శ్రీకాకుళం ఆర్‌డబ్ల్యూఎస్‌ కార్యాలయంలో ఘటన కల్లాడలో విషాదఛాయలు

విజయనగరం క్రైమ్‌: జిల్లాలో డ్రోన్స్‌ సహాయంతో పేకాట, కోడి పందాలకు పోలీసులు చెక్‌ పెడుతున్నారు. విజయనగరంలోని హుకుంపేట శివారు, పూసపాటిరేగ మండలం వెంపడాం వద్ద మంగళవారం పోలీసులు డ్రోన్స్‌ ఉపయోగించి పేకాట ఆడుతున్న, కోడి పందాలు నిర్వహిస్తున్న వారిని అదుపులోకి తీసుకున్నారు. స్పెషల్‌ బ్రాంచ్‌ పోలీసులకు వచ్చిన కచ్చితమైన సమాచారంతో విజయనగరం టూటౌన్‌ సీఐ టి.శ్రీనివాసరావు సిబ్బంది హుకుంపేట శివారులో పార్కింగ్‌ చేసిన లారీలో పేకాట ఆడుతున్న వారిపైకి డ్రోన్‌ను వంపి, శివారు ప్రాంతంలో కొంతమంది వ్యక్తులు పేకాట ఆడుతున్నట్లు నిర్ధారించుకుని, రైడ్‌ చేసి పారిపోతున్న ఆరుగురు వ్యక్తులను అదుపులోకి తీసుకున్నారు. వారి నుంచి రూ.12,600 నగదు, ఆరు సెల్‌ఫోన్లు స్వాధీనం చేసుకున్నారు. కోడి పందాల శిబిరంపై దాడిఅలాగే జిల్లా కేంద్రానికి దగ్గరలో ఉన్న పూసపాటిరేగ మండలం వెంపడాం గ్రామ శివారులో కోడి పందాలు నిర్వహిస్తున్నట్లు ఎస్బీ పోలీసులకు వచ్చిన సమాచారంతో వారిపైకి డ్రోన్‌ పంపి, సుదూర ప్రాంతంలో కోడి పందాలు నిర్వహిస్తున్నట్లు నిర్ధారించుకుని భోగాపురం రూరల్‌ సీఐ జి.రామకృష్ణ, పూసపాటిరేగ ఎస్సై దుర్గాప్రసాద్‌ ఆధ్వర్యంలో పోలీస్‌సిబ్బంది రైడ్‌ చేసి, కోడి పందాలు ఆడుతూ, పారిపోతున్న ముగ్గురిని అదుపులోకి తీసుకున్నారు. వారి నుంచి రూ.15,600 నగదు, రెండు కోడి పుంజులను స్వాధీనం చేసుకున్నట్లు ఈ సందర్బంగా ఎస్పీ వకుల్‌ జిందల్‌ తెలిపారు. నేర నియంత్రణలోను, శివారు ప్రాంతాల్లో అసాంఘిక కార్యకలాపాల నియంత్రణకు డ్రోన్స్‌ను వినియోగిస్తున్నామని, పట్టణ, గ్రామ శివారు ప్రాంతాలపై డ్రోన్స్‌ సహాయంతో నిఘా పెడుతున్నామని ఎస్పీ ఈ సందర్భంగా చెప్పారు.