డ్రోన్‌ కెమెరాలతో మరింత భద్రత

డ్రోన్‌ కెమెరాలతో మరింత భద్రత

పార్వతీపురంటౌన్‌: డ్రోన్‌ కెమెరాలతో మరింత భద్రత పెంచవచ్చని అదనపు ఎస్పీ ఒ.దిలీప్‌ కిరణ్‌ అన్నారు. ఈ మేరకు సోమవారం ఎస్పీ కార్యాలయంలో ఏఎస్పీ అంకిత సూరానా ఆధ్వర్యంలో డ్రోన్‌ కెమెరా శిక్షణను పోలీస్‌ సిబ్బందికి అందజేశారు. ఈ సందర్బంగా శిక్షణలో ఆయన మాట్లాడుతూ అసాంఘిక కార్యకలాపాలు నిర్వహించే ప్రాంతాలపైన, అక్రమ రవాణా అరికట్టేందుకు, చట్టవ్యతిరేక కార్యకలాపాలు జరగకుండా ఉండేందుకు ఈ వ్యవస్థను తీసుకువచ్చామని చెప్పారు. ప్రధానంగా గంజాయి రవాణా చేసే వారిపై డ్రోన్‌ కెమెరాలతో ప్రత్యేక నిఘా పెట్టడానికి ఉపయోగించనున్నామన్నారు. జిల్లాలో ఉన్న అన్ని పోలీస్‌స్టేషన్‌లలో గల కొంతమంది సిబ్బందికి జిల్లా కార్యలయంలో ఈ డ్రోన్‌ కెమెరా, పరికారాలు, దాన్ని ఉపయోగించే విధానాన్ని ప్రాక్టికల్‌గా వివరించారు. ఈ టెక్నాలజీని ఉపయోగించి ఏవిధంగా చట్ట వ్యతిరేక కార్యకలాపాలు నివారించవచ్చని వివరించారు.