అన్నింటా ఆయనే..!

అన్నింటా ఆయనే..!

● బదిలీ అయినా కదలని అధికారి

● పుష్కలంగా ప్రభుత్వ పెద్దల అండదండలు

● ఆల్‌రౌండర్‌ అని పిలుచుకుంటున్న ఇతర అధికారులు

జిల్లాకు ఎంతోమంది అధికారులు వస్తుంటారు.

వెళ్తుంటారు. కానీ ఆయన మాత్రం లోకల్‌ అన్నట్లుగా వ్యవహరిస్తుంటారు. జిల్లాకు ఏ ఉన్నతాధికారి వచ్చినా..వారి ఆశీస్సులు దండిగా ఉండేలా ‘పని చేసుకోవడం’ ఆయనకు అలవాటు. అందుకే, ఏ శాఖకు ఎటువంటి అవసరం వచ్చినా..అంతా ఆయనవైపే చూస్తారు. అంతేకాదు..

ఏ శాఖలోని జిల్లా పోస్టు ఖాళీ అయినా,

ముందు ‘చాయిస్‌’ ఆయనే! చివరికి.. ప్రతి సోమవారం కలెక్టరేట్‌లో జరిగే ‘ప్రజాసమస్యల పరిష్కార వేదిక’ కార్యక్రమంలో ఉన్నతాధికారులంతా అధికారిక పని మీద బయటకు వెళ్తే.. ప్రజల నుంచి అర్జీలు స్వీకరించేది కూడా ఆయనే కావడం గమనార్హం. అందుకే కాబోలు..

ఆ అధికారిని అందరూ ‘ఆల్‌రౌండర్‌’ అని పిలుస్తుంటారు. –సాక్షి, పార్వతీపురం మన్యం