‘ఐక్యత‘ సేవలు అభినందనీయం

‘ఐక్యత‘ సేవలు అభినందనీయం

ఆమనగల్లు: కల్వకుర్తి అసెంబ్లీ నియోజకవర్గ పరిధిలోని నిరుపేదలకు ఐక్యత ఫౌండేషన్‌ తరఫున నిరంతరాయ సేవలు అందిస్తున్నామని సంస్థ చైర్మన్‌, టాస్క్‌ సీఓఓ సుంకిరెడ్డి రాఘవేందర్‌రెడ్డి అన్నారు. ఆమనగల్లు పట్టణంలోని శ్రీలక్ష్మి గార్డెన్స్‌లో తొమ్మిది రోజుల పాటు నిర్వహించిన ఉచిత మెగా కంటి వైద్య శిబిరంలో 4,100 మందికి కంటి పరీక్షలు నిర్వహించి, 2,800 మందికి ఉచితంగా కంటి అద్దాలు పంపిణీ చేశారు. మరో 162 మందికి ఆపరేషన్లు నిర్వహించారు. ఈ సందర్భంగా డాక్టర్లు శంకర్‌, ఆస్త, రాజు, ఐక్యతను ఘనంగా సన్మానించారు. ఈ కార్యక్రమంలో ఫౌండేషన్‌ సభ్యులు రచ్చ శ్రీరాములు, కసిరెడ్డి శ్రీనివాస్‌రెడ్డి, నరేందర్‌గౌడ్‌, చంద్రశేఖర్‌ తదితరులు పాల్గొన్నారు.