జీజేసీపీఏ రాష్ట్ర ప్రధాన కార్యదర్శిగా రవీందర్‌రెడ్డి

జీజేసీపీఏ రాష్ట్ర ప్రధాన కార్యదర్శిగా రవీందర్‌రెడ్డి

సిద్దిపేట ఎడ్యుకేషన్‌: ప్రభుత్వ జూనియర్‌ కళాశాలల ప్రిన్సిపాల్స్‌ అసోసియేషన్‌(జీజేసీపీఏ) రాష్ట్ర ప్రధాన కార్యదర్శిగా సిద్దిపేట జిల్లా కోహెడ జూనియర్‌ కళాశాల ప్రిన్సిపాల్‌, జిల్లా ఇంటర్‌ విద్యాధికారి(డీఐఈఓ) రవీందర్‌రెడ్డి ఎన్నికయ్యారు. హైద్రాబాద్‌లోని యూనియన్‌ కార్యాలయంలో శుక్రవారం నిర్వహించిన ఎన్నికల్లో ఆయన్ను ఏకగ్రీవంగా ఎన్నుకున్నారు. ఈ సందర్భంగా రవీందర్‌రెడ్డి మాట్లాడుతూ.. ప్రధాన కార్యదర్శిగా ఎన్నుకోవడం తనపై మరింత బాధ్యత ను పెంచిందన్నారు. సంఘం సభ్యుల సమస్యల పరిష్కారానికి ఎల్లప్పుడూ కృషి చేస్తూనే రాష్ట్రంలో ఇంటర్మీడియట్‌ విద్యను మరింత బలోపేతం చేసేందుకు తన వంతు ప్రయత్నం చేస్తానన్నారు. రాష్ట్ర కార్యదర్శిగా గజ్వేల్‌ కళాశాల ప్రిన్సిపాల్‌ శ్రీనివాస్‌గౌడ్‌, సంయుక్త కార్యదర్శిగా జగదేవ్‌పూర్‌ కళాశాల ప్రిన్సిపాల్‌ రాజన్నలు ఏకగ్రీవంగా ఎన్నికయ్యారు. వీరిని తెలంగాణ గెజిటెడ్‌ లెక్చరర్స్‌ అసోసియేషన్‌ రాష్ట్ర అధ్యక్షుడు కనకచంద్రం, ప్రచారకార్యదర్శి నాగేందర్‌, అధికార ప్రతినిధి నంట శ్రీనివాస్‌రెడ్డి, జిల్లా అధ్యక్షులు గిరి రవి, ప్రధాన కార్యదర్శి ధరిపల్లి నగేశ్‌, ప్రిన్సిపాల్స్‌ అసోసియేషన్‌ జిల్లా అధ్యక్షుడు కిషన్‌, ప్రభుత్వ జూనియర్‌ లెక్చరర్ల సంఘం జిల్లా అధ్యక్షుడు సుధాకర్‌రెడ్డి, ప్రధాన కార్యదర్శి అమరేందర్‌ రెడ్డి, ప్రిన్సిపాల్స్‌ సత్యనారాయణరెడ్డి, కూచంగారి శ్రీనివాస్‌ తదితరులు అభినందించారు.