కొలొంబో అంటే కోహ్లికి పిచ్చెక్కిపోద్ది..!

బాలీవుడ్‌ జంట ఇషితా దత్తా- వత్సల్‌ సేత్‌ వారం రోజులుగా ఆనందంలో మునిగి తేలుతున్నారు. కారణం.. వారి ముద్దుల బాబు ఏడాది బర్త్‌డే సెలబ్రేషన్స్‌. ఇన్నాళ్లుగా తన బాబు వాయు ముఖాన్ని ఎవరికీ చూపించకుండా దాస్తూ వస్తున్న ఇషితా ఎట్టకేలకు బుడ్డోడిని చూపించేసింది.అప్పుడే నీకు ఏడాది వయసా?హ్యాపీ బర్త్‌డే మై బేబీ.. అప్పుడే నీకు ఏడాది వయసు అంటే నమ్మలేకపోతున్నాను. అమ్మానాన్నగా నిన్ను ఎంతగానో ప్రేమిస్తున్నాం.. నిజానికి జూలై 19న వాయు బర్త్‌డే.. కానీ సెలబ్రేషన్స్‌లో బిజీగా ఉండటంతో చాలా ఆలస్యంగా పోస్ట్‌ పెట్టాల్సి వచ్చింది అని ఇన్‌స్టాగ్రామ్‌లో రాసుకొచ్చింది. బాబును ఊయలలో ఆడిస్తున్న ఫోటోను సదరు పోస్టుకు జత చేసింది. ఇది చూసిన సెలబ్రిటీలు, అభిమానులు వాయుకు పుట్టినరోజు శుభాకాంక్షలు తెలియజేస్తున్నారు.తెలుగులో ఒకే ఒక్క సినిమాలోకాగా ఝార్ఖండ్‌లో పుట్టి పెరిగిన ఇషితా దత్తా.. 2004లో ఫెమినా మిస్‌ ఇండియా టైటిల్‌ గెలుచుకుంది. 2012లో తెలుగులో వచ్చిన చాణక్యుడు సినిమాలో హీరోయిన్‌గా నటించింది. హిందీలో దృశ్యం 1, దృశ్యం 2 , ఫిరంగి, బ్లాంక్‌ వంటి చిత్రాల్లో నటించింది. రిష్తాన్‌ కా సౌధాగర్‌- బాజీఘర్‌ అనే సీరియల్‌లో తనతో పాటు నటించిన వత్సల్‌తో ప్రేమలో పడింది. వీరిద్దరూ 2017లో పెళ్లి చేసుకున్నారు. 2023 జూలై 19న వాయు అనే కుమారుడికి జన్మనిచ్చారు.చదవండి: అంతులేని వినోదానికి రెడీనా? బిగ్‌బాస్‌ 8 వీడియో షేర్‌ చేసిన నాగార్జున

బాలీవుడ్ నటుడు సోనూ సూద్‌ ఎమోషనలయ్యారు. తన తల్లి సరోజ్ సూద్‌ జయంతి కావడంతో ఆమెను తలుచుకుని తీవ్ర భావోద్వేగానికి లోనయ్యారు. ఈ మేరకు ట్విటర్‌లో ఆమె ఫోటోను షేర్ చేస్తూ నోట్ రాసుకొచ్చారు.సోనూ సూద్ ట్వీట్‌లో రాస్తూ..'హ్యాపీ బర్త్‌డే అమ్మా. నువ్వు లేని ఈ ప్రపంచం అందంగా లేదు. నువ్వు నేర్పించిన సూత్రాలు, నైతిక విలువలుతో నా జీవితాన్ని కొనసాగిస్తున్నా. నిన్ను చాలా ప్రేమిస్తున్నా అమ్మా. ఒక్కసారి నిన్ను ప్రేమగా హత్తుకుని ఎంతగా మిస్‌ అవుతున్నానో చెప్పాలనుంది. నువ్వు చూపించిన మార్గంలో ఎప్పటికీ నడుస్తూనే ఉంటా. లవ్‌ యూ సో మచ్‌' అంటూ పోస్ట్ చేశారు.కాగా.. అరుంధతి చిత్రంతో తెలుగు ప్రేక్షకులకు పరిచయమైన సోనూసూద్‌ పలు చిత్రాల్లో నటించారు. నటన మాత్రమే కాదు.. తనవంతుగా సమాజసేవలో దూసుకెళ్తున్నారు. సోనూ సూద్‌ అనే ఛారిటబుల్‌ ఫౌండేషన్‌ ఆధ్వర్యంలో తన తల్లి సరోజ్‌ సూద్‌ పేరుతో స్కాలర్‌షిప్‌లు అందింస్తున్నారు. పేదరికంలో ఉన్న ఎందరో విద్యార్థులకు అండగా నిలుస్తున్నారు. ఇటీవలే కర్నూలు జిల్లాకు ఓ విద్యార్థికి సాయం అందించారు. అర్హులైన విద్యార్థులకు స్కాలర్‌షిప్‌ల ద్వారా నాణ్యమైన విద్య అందించడమే లక్ష్యంగా ముందుకెళ్తున్నారు. Happy Birthday Maa. World without you is not that beautiful but somehow surviving with the principles and morals you taught me. I love u so much mom💔 wish I could hug you tight and tell you how much I miss you. Will always follow the path you showed me. Keep smiling till I see… pic.twitter.com/Bl1g5XNG3S— sonu sood (@SonuSood) July 21, 2024

'కల్కి' సినిమా వచ్చి నెలరోజులు దగ్గరైపోయింది. వేరే సినిమాలేం సరైనవి లేకపోవడంతో ఇప్పటికీ చాలా చోట్ల విజయవంతంగా రన్ అవుతోంది. మూవీ గురించి ఇప్పటికీ ఏదో ఒక విషయం మాట్లాడుకుంటూనే ఉన్నారు. తాజాగా ఈ చిత్రానికి ప్రొడక్షన్ డిజైనర్‌గా పనిచేసిన నితిన్ జిహానీ ఓ ఇంటర్వ్యూలో పాల్గొని 'కల్కి' నుంచి సీక్వెల్ గురించి ఇంట్రెస్టింగ్ విషయాలు బయటపెట్టాడు.(ఇదీ చదవండి: భార్య ఉపాసనకి కొత్త పేరు పెట్టిన రామ్ చరణ్)'మీరు 'కల్కి'లో చూసింది ఒక్క కాంప్లెక్స్ మాత్రమే. కానీ ప్రపంచంలో వేర్వేరు చోట్ల ఏడు కాంప్లెక్స్‌లు ఉంటాయి. వీటన్నింటినికీ సుప్రీం యాష్కిన్ నాయకుడు. కంటికి కనిపించని అద్భుత శక్తి 'కలి' దిగువన ఇతడు పనిచేస్తుంటాడు' అని నితిన్ జిహానీ చెప్పుకొచ్చాడు.'కల్కి' చూసిన తర్వాత చాలామంది కమల్ హాసన్.. కలి పాత్రధారి అనుకున్నారు. కానీ నితిన్ చెప్పిన దానిబట్టి చూస్తుంటే కలి, సుప్రీం యాష్కిన్ వేర్వేరు అని క్లారిటీ వచ్చేసింది. అలానే ఏడు కాంప్లెక్స్‌లు అంటే నాగ్ అశ్విన్ సినిమాటిక్ యూనివర్స్‌లో రాబోయే సినిమాల్లో వీటిని చూపిస్తారేమో? దర్శకుడు నాగ్ అశ్విన్ ఏం ప్లాన్ చేశాడో ఏంటో?(ఇదీ చదవండి: 'కల్కి 2898' టీమ్‌కి లీగల్ నోటీసులు.. హీరో ప్రభాస్‌కి కూడా!) View this post on Instagram A post shared by SoSouth (@sosouthofficial)

1980లలో హీరో, మేరీ జంగ్, దామినిలాంటి చిత్రాలతో మంచి గుర్తింపు తెచ్చుకున్న అలనాటి హీరోయిన్ మీనాక్షి శేషాద్రి. పెళ్లి తర్వాత బాలీవుడ్‌కు గుడ్‌బై చెప్పి భర్త, బిడ్డలతో అమెరికాలో స్థిరపడింది. అక్కడ ఒక డ్యాన్స్‌ స్కూల్‌ ప్రారంభించి భరతనాట్యం, కథక్, ఒడిస్సీ నృత్యాలను నేర్పించేది. అయితే ఆమె కేవలం డ్యాన్సర్‌ మాత్రమే కాదండోయ్.. మంచి సింగర్ కూడా. తాజాగా ఆమె పాట పాడుతున్న ఓ వీడియో నెట్టింట తెగవైరవుతోంది. ఇది చూసిన నెటిజన్స్‌ అభిమాన నటిపై ప్రశంసలు కురిపిస్తున్నారు.కాగా.. మీనాక్షి శేషాద్రి తెలుగు చిరంజీవి సరసన నటించింది. ఆపద్భాంధవుడు మూవీలో మెగాస్టార్‌తో నటించి మెప్పించింది. ఈ సినిమాకు గానూ ఉత్తమనటిగా ఫిల్మ్ ఫేర్ అవార్డ్ అందుకుంది. అంతకుముందు తెలుగులో మొదట జీవన పోరాటం సినిమాలో ప్రత్యేకపాత్రలో కనిపించింది. ఆ తర్వాత బ్రహ్మర్షి విశ్వామిత్ర అనే చిత్రంలోనూ నటించింది. అయితే 1995లో మీనాక్షి శేషాద్రి.. హరీశ్‌ మైసూర్‌ అనే వ్యక్తిని పెళ్లాడింది. వీరికి ఒక కూతురు, కుమారుడు సంతానం ఉన్నారు. ఎవరో గుర్తుపట్టారా? 🧡🧡pic.twitter.com/k6NClbnTYu— Sarath శరత్🚵 (@sarathuniverse) July 20, 2024

లైగర్ మూవీతో టాలీవుడ్‌లో అడుగుపెట్టిన బ్యూటీ అనన్య పాండే. ఈ చిత్రంలో విజయ్ దేవరకొండ సరసన మెప్పించింది. అయితే ఈ సినిమా డిజాస్టర్ కావడంతో ఆ తర్వాత పెద్దగా అవకాశాలు రాలేదు. ప్రస్తుతం బాలీవుడ్ సినిమాలతో బిజీగా ఉన్న ముద్దుగుమ్మ ఇటీవల అనంత్ అంబానీ- రాధిక మర్చంట్‌ పెళ్లిలో సందడి చేసింది. బారాత్ వేడుకల్లో రణ్‌వీర్ సింగ్‌, హార్దిక్‌ పాండ్యాలతో కలిసి చిందులు వేసింది. దీనికి సంబంధించిన వీడియో సోషల్ మీడియాలో పెద్దఎత్తున వైరలైంది.అయితే ఈ పెళ్లి తర్వాత అనన్య పాండే సోషల్ మీడియాలో హార్దిక్‌ పాండ్యాను ఫాలో అవుతోంది. హార్దిక్ పాండ్యా సైతం అనన్యను ఫాలో అవుతున్నారు. వీరిద్దరూ కలిసి బరాత్‌లో డ్యాన్స్‌ చేస్తూ స్పెషల్ అట్రాక్షన్‌గా నిలిచారు. అయితే సోషల్ మీడియాలో ఒకరినొకరు ఫాలో చేసుకోవడంతో నెటిజన్స్‌ ఆసక్తికర కామెంట్స్ చేస్తున్నారు. వీరిద్దరూ డేటింగ్‌లో ఉన్నారా? అంటూ క్రేజీ పోస్టులు పెడుతున్నారు.ఎందుకంటే ఇటీవల హార్దిక్ పాండ్యా తన భార్య నటాసా స్టాంకోవిచ్‌తో విడిపోయినట్లు ప్రకటించారు. పరస్పర అంగీకారంతో విడిపోతున్నట్లు వెల్లడించారు. అంతేకాకుండా అనన్య పాండే సైతం తన బాయ్‌ఫ్రెండ్‌ ఆదిత్య రాయ్ కపూర్‌లో బ్రేకప్ చేసుకుంది. అయితే ఈ విషయాన్ని అధికారికంగా మాత్రం వెల్లడించలేదు. ఈ నేపథ్యంలోనే వీరిద్దరు ఒకరినొకరు ఫాలో చేసుకోవడంతో డేటింగ్ రూమర్స్ మొదలయ్యాయి. View this post on Instagram A post shared by Instant Bollywood (@instantbollywood)

టీమిండియా స్టార్ ఆల్‌రౌండ‌ర్ ర‌వీంద్ర జ‌డేజా వ‌న్డే కెరీర్ ముగిసినట్లేనా? అంటే ఔననే అంటున్నాయి క్రికెట్ వ‌ర్గాలు. ఇప్ప‌టికే టీ20ల‌కు విడ్కోలు ప‌లికిన ర‌వీంద్ర జ‌డేజాను వ‌న్డేల‌కు దూరంగా పెట్టాల‌ని బీసీసీఐ సెల‌క్ష‌న్ క‌మిటీ భావిస్తున్న‌ట్లు తెలుస్తోంది.ఈ క్ర‌మంలోనే శ్రీలంక‌తో వ‌న్డే సిరీస్‌కు ఎంపిక భార‌త జ‌ట్టులో రవీంద్ర జడేజాకు సెలక్ట‌ర్లు చోటివ్వ‌లేదు. గత దశాబ్ద కాలంగా భార‌త జ‌ట్టులో కీల‌క ప్లేయ‌ర్‌గా కొన‌సాగుతున్న జ‌డేజాను సెల‌క్ట‌ర్లు లంక సిరీస్‌కు ప‌క్క‌న పెట్టడం చర్చనీయాంశంగా మారింది.అయితే జట్టు భవిష్యత్‌ ప్రణాళికల దృష్ట్యా సెల‌క్ట‌ర్లు ఈ నిర్ణ‌యం తీసుకున్న‌ట్లు సమాచారం. అత‌డి స్ధానాన్ని వాషింగ్టన్ సుందర్, అక్షర్ పటేల్, శివమ్ దూబెలలో ఎవ‌రో ఒక‌రితో భ‌ర్తీ చేయాల‌ని సెల‌క‌ర్టు భావిస్తున్న‌ట్లు వార్త‌లు వినిపిస్తున్నాయి. ఈ నేప‌థ్యంలోనే ఆల్ రౌండర్ల కోటాలో వాషింగ్టన్ సుందర్, అక్షర్ పటేల్, శివమ్ దూబేలకు శ్రీలంక‌తో వ‌న్డే సిరీస్‌కు చోటు ద‌క్కింది. అయితే ఇప్ప‌టికే టీ20ల్లో భార‌త జ‌ట్టులో రెగ్యూల‌ర్ సభ్యునిగా మారిన ఆల్‌రౌండ‌ర్ అక్ష‌ర్ ప‌టేల్‌.. వ‌న్డేల్లో కూడా జ‌డ్డూ స్ధానాన్ని భర్తీ చేసే అవకాశాలు మెండుగా కన్పిస్తున్నాయి. దీంతో జడేజా ఇకపై టెస్టుల్లో మాత్రమే భారత జెర్సీలో కన్పించే ఛాన్స్ ఉంది. ఇదే విషయంపై బీసీసీఐ సీనియర్ అధికారి ఒకరు మాట్లాడుతూ.. జడ్డూ అద్బుతమైన ఆల్‌రౌండర్ అనడంలో ఎటువంటి సందేహం లేదు. ప్రదర్శన పరంగా కూడా అతడితో ఎలాంటి ఇబ్బంది లేదు. కానీ భవిష్యత్తును దృష్టిలో పెట్టుకుని జట్టును నిర్మించే పనిలో మేనేజ్‌మెంట్ పడింది. ఈ క్రమంలోనే యువ ఆటగాళ్లకు ఛాన్స్ ఇవ్వాలని మేనేజ్‌మెంట్ భావిస్తోంది. టెస్టుల్లో మాత్రం జడ్డూ కొనసాగుతాడని పేర్కొన్నారు. కాగా జడేజా ఇటీవల కాలంలో చెప్పుకొదగ్గ ప్రదర్శన చేయలేకపోతున్నాడు. టీ20 వరల్డ్‌కప్‌లోనూ జడేజా విఫలమయ్యాడు. ఇక జడేజాను పక్కన పెట్టడంలో భారత కొత్త హెడ్‌కోచ్ గౌతం గంభీర్ హస్తం కూడా ఉన్నట్లు తెలుస్తోంది. అతడు యువ ఆటగాళ్లకు అవకాశాలివ్వడంపై ఎక్కువ దృష్టిపెట్టినట్లు పలు రిపోర్ట్‌లు పేర్కొంటున్నాయి. టీమిండియా తరపున ఇప్పటివరకు 197 వన్డేలాడిన జడ్డూ 2756 పరుగులు చేయడంతో పాటు 220 వికెట్లు పడగొట్టాడు.భారత టీ20 జట్టు: సూర్యకుమార్ యాదవ్ (కెప్టెన్‌), శుభ్‌మన్‌ గిల్ (వైస్‌ కెప్టెన్‌), యశస్వి జైస్వాల్, రిషబ్‌ పంత్, రింకూ సింగ్‌, సంజూ శాంసన్, హార్దిక్ పాండ్యా, శివమ్‌ దూబే, అక్షర్ పటేల్‌, వాషింగ్టన్‌ సుందర్, రవి బిష్ణోయ్, అర్ష్‌దీప్ సింగ్‌, ఖలీల్ అహ్మద్‌, మహ్మద్‌ సిరాజ్భారత వన్డే జట్టు: రోహిత్ శర్మ (కెప్టెన్‌), శుభ్‌మన్‌ గిల్ (వైస్‌ కెప్టెన్‌), విరాట్‌ కోహ్లి, కేఎల్‌ రాహుల్, శ్రేయస్‌ అయ్యర్, రిషబ్‌ పంత్, శివమ్‌ దూబే, కుల్దీప్ యాదవ్‌, మహ్మద్‌ సిరాజ్, వాషింగ్టన్‌ సుందర్, అర్ష్‌దీప్ సింగ్‌, రియాన్ పరాగ్‌, అక్షర్‌ పటేల్‌, ఖలీల్ అహ్మద్‌, హర్షిత్ రాణా.

టీమిండియా నూత‌న టీ20 కెప్టెన్‌గా సూర్యకుమార్ యాద‌వ్ ఎంపికైన సంగ‌తి తెలిసిందే. టీ20ల్లో రోహిత్ శ‌ర్మ వారుసుడిగా సూర్య‌కుమార్ భార‌త జ‌ట్టు ప‌గ్గాలు చేప‌ట్ట‌నున్నాడు. శ్రీలంక‌తో టీ20 సిరీస్ నుంచి భార‌త ఫుల్‌టైమ్ కెప్టెన్‌గా సూర్య ప్ర‌స్ధానం మొద‌లు కానుంది. అయితే హార్దిక్ పాండ్యాను కాద‌ని సూర్య‌కుమార్‌ను టీమిండియా కెప్టెన్‌గా ఎంపిక చేయ‌డం ప్ర‌స్తుతం చ‌ర్చ‌నీయాంశ‌మైంది. ఇదే విష‌యం క్రీడా వ‌ర్గాల్లో హాట్‌టాపిక్‌గా మారింది. ఐపీఎల్‌లోనూ, భార‌త జ‌ట్టు త‌త్కాలిక సారథిగా మంచి ట్రాక్ రికార్డు ఉన్న‌ప్ప‌ట‌కి కెప్టెన్‌గా పాండ్యాను ఎంపిక చేయ‌లేద‌న్నది అంద‌రి మెద‌డ‌ల‌ను తొలుస్తున్న ప్ర‌శ్న‌.ఇందుకు ఒక్కొక్క‌రు ఒక్క కార‌ణం చెబుతున్నారు. కొంత మంది ఫిట్‌నెస్ వాళ్లే అత‌డిని ఎంపిక చేయ‌లేద‌ని, మ‌రికొంత మంది శ్రీలంక‌తో వ‌న్డేల‌కు దూరంగా ఉండాల‌ని నిర్ణ‌యించుకోవ‌డంతోనే పాండ్యాకు జ‌ట్టు ప‌గ్గాలు అప్ప‌గించ‌లేద‌ని అభిప్రాయ‌ప‌డుతున్నారు. కాగా వైస్ కెప్టెన్సీ బాధ్య‌త‌ల నుంచి కూడా పాండ్యాను త‌ప్పించ‌డం అంద‌రని విస్మ‌యానికి గురిచేసింది.ఒప్పుకోని అగార్కర్‌..కాగా హార్దిక్ పాండ్యాకు భార‌త జ‌ట్టు సార‌థ్య బాధ్య‌త‌లు అప్ప‌గించేందుకు బీసీసీఐ సెల‌క్ష‌న్ క‌మిటీ చైర్మెన్ అజిత్ అగార్కర్ ఒప్పుకోలేదంట‌. పాండ్యా కెప్టెన్సీపై త‌నకు న‌మ్మ‌కం లేదంటూ అగార్క‌ర్ బీసీసీఐకి తెలియ‌జేసిన‌ట్లు స‌మాచారం. అందుకు ఐపీఎల్‌లో పాండ్యా కెప్టెన్సీనే కార‌ణ‌మ‌ని ప‌లు రిపోర్ట్‌లు పేర్కొంటున్నాయి. పాండ్యా ఐపీఎల్‌లో గుజ‌రాత్ టైటాన్స్‌ను వ‌రుస‌గా రెండు సార్లు ఫైన‌ల్‌కు చేర్చిన‌ప్ప‌ట‌కి.. ముంబై ఇండియన్స్ సార‌థ్య బాధ్య‌త‌లు చేప‌ట్టాక త‌న మార్క్‌ను మాత్రం చూపించ‌లేక‌పోయాడు. ఐపీఎల్‌-2024లో అత‌డి సార‌థ్యంలోని ముంబై ఇండియ‌న్స్ దారుణ ప్ర‌ద‌ర్శ‌న క‌న‌బ‌రిచింది. వ‌రుస ఓట‌ములతో లీగ్ స్టేజిలోనే ఇంటిముఖం ప‌ట్టింది. దీంతో పాండ్యా కెప్టెన్సీపై పెద్ద ఎత్తున విమ‌ర్శ‌లు వ‌చ్చాయి. ఈ క్ర‌మంలో అగార్కర్ అండ్‌ కో సైతం పాం‍డ్యా కెప్టెన్సీ స్కిల్స్‌పై సంతృప్తిగా లేనట్లు సమాచారం. ఈ నేపథ్యంలోనే అతడిపై వేటు వేసినట్లు వినికిడి. మరోవైపు భారత కొత్త హెడ్‌ కోచ్‌ గౌతం గంభీర్‌ సైతం పాండ్యా కెప్టెన్సీపై విముఖత చూపినట్లు తెలుస్తోంది.

మ‌హిళ‌ల ఆసియాక‌ప్‌-2024లో భార‌త జ‌ట్టుకు ఊహించ‌ని షాక్ త‌గిలింది. టీమిండియా యువ స్పిన్న‌ర్ శ్రేయాంక పాటిల్ గాయం కార‌ణంగా టోర్నీలో మిగిలిన మ్యాచ్‌ల‌కు దూర‌మైంది. జూలై 18న పాకిస్తాన్‌తో జ‌రిగిన మ్యాచ్‌లో పాటిల్ గాయ‌ప‌డింది.ఈ మ్యాచ్‌లో క్యాచ్‌ను ప‌ట్టే ప్ర‌య‌త్నంతో శ్రేయాంక చేతి వేలికి గాయ‌మైంది. మ్యాచ్ అనంత‌రం ఆమెను స్కానింగ్ త‌ర‌లించ‌గా చేతి వేలి విరిగిన‌ట్లు నిర్ధార‌ణైంది. ఈ క్ర‌మంలోనే టోర్నీ మ‌ధ్య‌లోనే ఆమె వైదొలిగింది. ఈ విష‌యాన్ని ఆసియా క్రికెట్ కౌన్సిల్ (ACC) ఓ ప్ర‌క‌ట‌న‌లో ధ్రువీక‌రించింది.కాగా పాక్‌తో జ‌రిగిన మ్యాచ్‌లో శ్రేయాంక అద్భుత‌మైన ప్ర‌ద‌ర్శ‌న క‌న‌బ‌రిచింది. 3.2 ఓవ‌ర్ల‌లో కేవ‌లం 14 ప‌రుగుల మాత్ర‌మే ఇచ్చి రెండు వికెట్లు ప‌డ‌గొట్టింది. ఇక ఆమె స్ధానాన్ని మ‌రో యువ స్పిన్న‌ర్ తనూజా కన్వర్‌తో బీసీసీఐ భ‌ర్తీ చేసింది. ఈ ఏడాది డ‌బ్ల్యూపీఎల్ సీజ‌న్‌లో క‌న్వ‌ర్ త‌న బౌలింగ్‌తో అంద‌ర‌ని ఆక‌ట్టుకుంది. గుజ‌రాత్ జెయింట్స్ త‌ర‌పున 10 వికెట్లు ప‌డ‌గొట్టి స‌త్తాచాటింది. ఇక పాకిస్తాన్‌పై అద్భుత విజ‌యం సాధించిన భార‌త మ‌హిళ‌ల జ‌ట్టు.. ఆదివారం త‌మ రెండో మ్యాచ్‌లో యూఏఈతో త‌ల‌ప‌డ‌నుంది.

మేజ‌ర్ లీగ్ క్రికెట్‌-2024 టోర్నీలో శాన్ ఫ్రాన్సిస్కో యునికార్న్స్ జైత్ర యాత్ర కొన‌సాగుతోంది. ఆదివారం డల్లాస్‌ వేదికగా సీటెల్ ఓర్కాస్‌తో జరిగిన మ్యాచ్‌లో 6 వికెట్ల తేడాతో శాన్ ఫ్రాన్సిస్కో ఘన విజయం సాధించింది. ఈ విజయంతో ఫ్లే ఆఫ్స్‌కు శాన్ ఫ్రాన్సిస్కో అర్హత సాధించింది.ఇక ఈ మ్యాచ్‌లో తొలుత బ్యాటింగ్‌ చేసిన సీటెల్ ఓర్కాస్‌ నిర్ణీత 20 ఓవర్లలో 7 వికెట్ల నష్టానికి 152 పరుగులు చేసింది. ఓర్కాస్‌ బ్యాటర్లలో క్వింటన్‌ డికాక్‌(33 బంతుల్లో 8, 3 సిక్స్‌లతో 62 పరుగులు) టాప్‌ స్కోరర్‌గా నిలవగా.. జయసూర్య(31) పరుగులతో పర్వాలేదన్పించాడు. శాన్‌ఫ్రాన్సిస్కో బౌలర్లలో స్పిన్నర్ హసన్‌ ఖాన్‌ 3 వికెట్ల పడగొట్టగా.. రౌక్స్‌ రెండు, కౌచ్‌, ఆండర్సన్‌ తలా వికెట్‌ సాధించారు.ఫిన్ అలెన్ విధ్వంసం..అనంతరం 153 పరుగుల లక్ష్యాన్ని శాన్ ఫ్రాన్సిస్కో కేవలం 4 వికెట్ల మాత్రమే కోల్పోయి 14.2 ఓవర్లలో ఊదిపడేసింది. శాన్ ఫ్రాన్సిస్కో బ్యాటర్లలో ఫిన్‌ అలెన్‌(న్యూజిలాండ్‌) విధ్వంసం సృష్టించాడు. లక్ష్య చేధనలో ఆకాశమే హద్దుగా చెలరేగిపోయాడు. కేవలం 21 బంతుల్లోనే తన హాఫ్‌ సెంచరీ మార్క్‌ను అందుకున్నాడు. తద్వారా ఈ ఏడాది మేజర్‌ లీగ్‌ క్రికెట్‌లో సెకెండ్‌ ఫాస్టెస్ట్‌ హాప్‌ సెంచూరియన్‌గా అలెన్‌ నిలిచాడు. అంతకుముందు ఆసీస్‌ స్టార్‌, వాషింగ్టన్‌ ఫ్రీడమ్‌ ఓపెనర్‌ ట్రావిస్‌ హెడ్‌ కేవలం 20 బంతుల్లోనే ఆర్ధశతకం నమోదు చేశాడు. ఇక ఈ మ్యాచ్‌లో ఓవరాల్‌గా 30 బంతులు ఎదుర్కొన్న అలెన్‌.. 8 ఫోర్లు, 6 సిక్స్‌లతో 77 పరుగులు చేసి ఔటయ్యాడు. అతడితో పాటు జోష్‌ ఇంగ్లీష్‌(24నాటౌట్‌) రాణించాడు. కాగా అలెన్‌ ఐపీఎల్‌లో రాయల్‌ ఛాలెంజర్స్‌ బెంగళూరుకు ప్రాతినిథ్యం వహిస్తున్న సంగతి తెలిసిందే.

ఐసీసీ ఛాంపియ‌న్స్ ట్రోఫీ-2025 పాకిస్తాన్ వేదిక‌గా జ‌ర‌గ‌నున్న‌ సంగ‌తి తెలిసిందే. దాదాపు 28 ఏళ్ల త‌ర్వాత ఓ ఐసీసీ టోర్నీకి ఆతిథ్య‌మిచ్చేందుకు పాకిస్తాన్ సిద్ద‌మైంది. అయితే ఈ మెగా టోర్నీలో భార‌త జ‌ట్టు పాల్గోన‌డంపై ఇంకా సందిగ్ధం నెల‌కొంది. పాకిస్తాన్‌కు భార‌త జ‌ట్టును పంపిచేందుకు బీసీసీఐ విముఖ‌త చూపుతోంది. భార‌త్ ఆడే మ్యాచ్‌ల‌ను త‌ట‌స్ధ వేదికల‌పై నిర్వ‌హించాల‌ని బీసీసీఐ డిమాండ్ చేస్తోంది. ఇప్ప‌టికే త‌మ నిర్ణ‌యాన్ని బీసీసీఐ అంత‌ర్జాతీయ క్రికెట్ కౌన్సిల్‌కు సైతం తెలియ‌జేసింది.ప్ర‌స్తుతం ఈ విష‌యాన్ని ఐసీసీ ప‌రిశీలిస్తోంది. అయితే పీసీబీ మాత్రం మ్యాచ్‌లన్నీ పాకిస్తాన్‌లోనే నిర్వహించాలని పట్టుదలగా ఉంది. ఈ నేప‌థ్యంలో పాకిస్తాన్ స్టార్ పేస‌ర్ హ‌స‌న్ అలీ కీల‌క వ్యాఖ్య‌లు చేశాడు.ఈ టోర్నీ నుంచి భార‌త్ వైదొలిగినా పాకిస్తాన్ మాత్రం ఛాంపియ‌న్స్ ట్రోఫీని విజ‌య‌వంతంగా నిర్వ‌హిస్తుంద‌ని అలీ థీమా వ్య‌క్తం చేశాడు."మేము గ‌తేడాది వ‌ర‌ల్డ్‌క‌ప్‌లో ఆడేందుకు భార‌త్‌కు వెళ్లాము. అటువంటిప్పుడు వారు కూడా పాకిస్తాన్‌కు రావాలి కాదా. క్రీడ‌ల‌ను రాజ‌కీయాల‌కు దూరం పెట్టాల‌ని ఇప్ప‌టికే చాలా మంది లెక్కలేనన్ని సార్లు చెప్పారు. మ‌రోవైపు చాలా మంది భార‌త ఆట‌గాళ్లు సైతం పాకిస్తాన్‌లో ఆడేందుకు స‌ముఖ‌త చూపిస్తున్నారు.ఈ విష‌యాన్ని భార‌త క్రికెట‌ర్లే ప‌లు ఇంటర్వ్యూలలో చెప్పారు. అంటే భార‌త జ‌ట్టు సైతం పాక్‌కు వ‌చ్చేందుకు సిద్దంగా ఉన్నార‌నే క‌దా. కానీ వారి దేశ విధి విధానాల‌కు కట్టుబ‌డి ఉన్నారు. అయితే ఛాంపియ‌న్స్ ట్రోఫీ పాకిస్తాన్‌లోనే జ‌రుగుతుంద‌ని పీసీబీ చైర్మెన్ ఇప్ప‌టికే స్ప‌ష్టం చేశారు. ఆయ‌న చెప్పిన‌ట్లు ఈ మెగా ఈవెంట్ పాకిస్తాన్‌లోనే జ‌రుగుతుంది.భార‌త్ రాక‌పోయినా ఈ టోర్నీ మాత్రం ఎట్టిప‌రిస్థితుల్లోనూ పాక్ దాటి వెళ్ల‌దు. క‌చ్చింగా పాక్‌లో ఆడాల్సిందే. భార‌త్ ఆడ‌క‌పోతే ఓవ‌రాల్‌గా క్రికెట్ ముగిసిన‌ట్లు కాదు కాదా. భార‌త్ ఒక్క‌టే కాదు మిగితా టీమ్స్ కూడా ఈ టోర్నీలో ఉన్నాయి" అని స‌మా టీవీకి ఇచ్చిన ఇంట‌ర్వ్యూలో అలీ పేర్కొన్నాడు.