IND vs NZ: వావ్! సుంద‌ర్ స్పిన్‌ మ్యాజిక్‌.. దెబ్బ‌కు ర‌వీంద్ర మైండ్‌ బ్లాంక్‌( వీడియో)డియో)

పుణే వేదిక‌గా న్యూజిలాండ్‌తో జ‌రుగుతున్న రెండో టెస్టులో భార‌త ఆల్‌రౌండ‌ర్ వాషింగ్ట‌న్ సుంద‌ర్ త‌న స్పిన్ మ‌యాజాలాన్ని కొన‌సాగిస్తున్నాడు. తొలి ఇన్నింగ్స్‌లో కివీస్ బ్యాట‌ర్ ర‌చిన్ ర‌వీంద్ర‌ను అద్బుత‌మైన బంతితో బోల్తా కొట్టించిన సుంద‌ర్‌.. ఇప్పుడు రెండో ఇన్నింగ్స్‌లో కూడా అదే తీరులో ఔట్ చేశాడు.

సుంద‌ర్ సంధించిన డెలివ‌రీకి ర‌వీంద్ర ద‌గ్గ‌ర స‌మాధాన‌మే లేకుండా పోయింది. సంచ‌ల‌న బంతితో వాషింగ్ట‌న్ క్లీన్ బౌల్డ్ చేశాడు. కివీస్ సెకెండ్ ఇన్నింగ్స్ 22 ఓవ‌ర్ వేసిన వాషీ ఐదో బంతిని కొంచెం వేగంతో లెంగ్త్ డెలివ‌రీగా ర‌చిన్‌కు సంధించాడు. 

అయితే ఆ డెలివ‌రీని ర‌చిన్ క‌ట్ షాట్ ఆడ‌టానికి ప్ర‌య‌త్నించాడు. కానీ బంతి మాత్రం అత‌డి బ్యాట్‌కు మిస్ అయ్యి ఆఫ్ స్టంప్‌ను గిరాటేసింది. ఇది చూసిన‌ ర‌చిన్ ఒక్క‌సారిగా బిత్త‌ర పోయాడు. దీంతో కేవ‌లం 9 ప‌రుగులు మాత్ర‌మే చేసి ర‌చిన్ మైదానాన్ని వీడాడు.

ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. కాగా ఈ మ్యాచ్‌లో కివీస్‌ ప‌ట్టు బిగిస్తోంది. రెండో ఇన్నింగ్స్‌లో 35 ఓవర్లు ముగిసే సరికి న్యూజిలాండ్‌ 4 వికెట్ల నష్టానికి 147 పరుగులు చేసింది.

ప్రస్తుతం బ్లాక్‌ క్యాప్స్‌ 250 పరుగుల ఆధిక్యంలో కొనసాగుతోంది. అంతకుముందు టీమిండియా తమ తొలి ఇన్నింగ్స్‌లో కేవలం 156 పరుగులకే కుప్పకూలింది. కివీ స్పిన్నర్‌ మిచెల్‌ శాంట్నర్‌ 7 వికెట్లతో టీమిండియా పతనాన్ని శాసించాడు.

 

pic.twitter.com/A4ogHu0XbW

— Drizzyat12Kennyat8 (@45kennyat7PM) October 25, 2024