మరో హిందీ చిత్రాన్ని ఖరారు చేసిన సూర్య

మరో హిందీ చిత్రాన్ని ఖరారు చేసిన సూర్య

తమిళ సినిమా: కోలీవుడ్‌ స్టార్‌ నటుడు సూర్య. ఈయన ఇప్పుడు పాన్‌ ఇండియా హీరోగా అవతారం ఎత్తారు. ప్రస్తుతం ఆయన కంగువ అనే పిరియాడికల్‌ చిత్రంలో నటిస్తున్న విషయం తెలిసిందే. ఇందులో బాలీవుడ్‌ క్రేజీ నటి దిశా పటాని నాయకిగా నటించగా, మరో బాలీవుడ్‌ నటుడు బాబీ డియోల్‌ ప్రతినాయకుడు నటించారు. శివ దర్శకత్వం వహించిన ఈ చిత్రాన్ని యూవీ క్రియేషన్స్‌ సంస్థతో కలిసి స్టూడియో గ్రీన్‌ పతాకంపై కేఈ జ్ఞానవేల్‌ రాజా భారీ ఎత్తున నిర్మించారు. దేవీశ్రీ ప్రసాద్‌ సంగీతాన్ని అందించిన కంగువ చిత్రం ఈ నెల 14న 10 భాషల్లో ప్రపంచ వ్యాప్తంగా విడుదల కాబోతుంది. ఈ చిత్రంపై నిర్మాతలు చాలా నమ్మకంతో ఉన్నారు. కాగా తాజాగా తన 44వ చిత్రాన్ని కార్తీక్‌ సుబ్బరాజ్‌ దర్శకత్వంలో నటించి పూర్తి చేశారు. కాగా తన 45వ చిత్రాన్ని ఆర్జే బాలాజీ దర్శకత్వంలో నటించడానికి సిద్ధం అవుతున్నారు. ఇకపోతే సూర్య మరోసారి బాలీవుడ్లో నటించడానికి రెడీ అవుతున్నారన్నది తాజా వార్త. దీని గురించి సూర్య ఓకే భేటీలో పేర్కొంటూ తాను ఇంతకు ముందు సూరరై పోట్రు హిందీ రీమేక్‌లో గెస్ట్‌ పాత్రను పోషించినట్లు చెప్పారు. ప్రస్తుతం కర్ణ అనే పాన్‌ ఇండియా చిత్రంలో నటిస్తున్నానని, ఈ చిత్ర షూటింగ్‌ వేగంగా జరుగుతోందని చెప్పారు. కాగా హిందీలో మరో వైవిధ్యభరిత కథా చిత్రం కోసం తనను తాను మార్చుకుంటున్నట్లు పేర్కొన్నారు. కాగా నటుడు సూర్య ప్రస్తుతం ముంబాయిలోనే నివశిస్తున్న విషయం తెలిసిందే.

కంగువ చిత్రంలో నటుడు సూర్య