నేడు కల్యాణ వెంకన్నకు పుష్పయాగం

తిరుపతి రూరల్‌: తుమ్మలగుంట శ్రీ కల్యాణ వేంకటేశ్వరస్వామి ఆలయంలో శనివారం పుష్పయాగాన్ని వైభవంగా నిర్వహించనున్నారు. సాయంత్రం 3 గంటల నుంచి శ్రీవారికి నిర్వహించే పుష్పయాగంలో 12 రకాల పుష్పాలు, 9 రకాల పత్రాలతో పాటు వేద పండితుల మంత్రోచ్ఛారణల నడుమ స్వామి, అమ్మవార్ల ఉత్సవర్లకు ప్రత్యేక పూజాదికాలను నిర్వహించనున్నారు. ఏపీ, తెలంగాణ, తమిళనాడు, కర్ణాటక రాష్ట్రాల నుంచి ప్రత్యేకంగా టన్నుల కొద్దీ తీసుకువచ్చిన పువ్వులు, పత్రాలను స్వామి వార్ల ముందు రాసులుగా పోసి వైదిక కార్యక్రమాలను నిర్వహించనున్నారు. అంతకు ముందు ఆలయ వ్యవస్థాపక ధర్మకర్త చెవిరెడ్డి భాస్కర్‌ రెడ్డి దంపతులు, గ్రామస్తులు శ్రీవినాయకస్వామి ఆలయం నుంచి పుష్ప, ప్రతాలను ఊరేగింపుగా ప్రధాన ఆలయం వద్దకు తీసుకురానున్నారు.