పరవాడ ఎంపీడీవో శ్యామ్‌సుందర్‌ సస్పెన్షన్‌

పరవాడ ఎంపీడీవో శ్యామ్‌సుందర్‌ సస్పెన్షన్‌

పరవాడ: మద్యం సేవించి వీడియో కాన్సరెన్స్‌కు హాజరైన పరవాడ ఎంపీడీవో ఎస్‌.డి.శ్యామ్‌సుందర్‌ను అనకాపల్లి జిల్లా కలెక్టర్‌ విజయ కృష్ణన్‌ గురువారం సస్పెండ్‌ చేస్తూ ఉత్తర్వులు జారీ చేశారు. జిల్లా కలెక్టర్‌ జారీ చేసిన ఉత్తర్వులు పరవాడ ఎంపీడీవో కార్యాలయానికి గురువారం సాయంత్రం చేరాయి. ఎంపీడీవో కార్యాలయంలో బుధవారం మధ్యాహ్నం నిర్వహించిన వీడియో కాన్ఫరెన్స్‌కు ఎంపీడీవో శ్యామ్‌ సుందర్‌ పూటుగా మద్యం సేవించి, హాజరైనట్లు నిర్ధారణ కావడంతో జిల్లా కలెక్టర్‌ ఈ మేరకు సస్పెన్షన్‌ ఉత్తర్వులు జారీ చేశారు. ఈయన చోడవరం నుంచి బదిలీపై ఇక్కడికి వచ్చిన నాలుగు నెలల వ్యవధిలోనే సస్పెన్షన్‌కు గురవడం గమనార్హం.