వైభవంగా శివాలయ ప్రతిష్ఠాపనోత్సవం

వైభవంగా శివాలయ ప్రతిష్ఠాపనోత్సవం

ఆత్మకూరు: మండల కేంద్రంలోని పంచకూట పార్వతీదేవి సమేత మహాదేవ స్వామి ఆలయ ప్రతిష్ఠాపన మహోత్సవాలు గురువారం వైభవంగా జరిగాయి. వేద పండితులు శివకిరణ్‌ శర్మ ఆధ్వర్యంలో హోమాలు, ప్రత్యేక పూజలు నిర్వహించారు. అర్చకులు రవీందర్‌ శర్మ, శ్రావణ్‌ శర్మ, శరత్‌ శర్మ ఆలయంలో ప్రతిష్ఠించాల్సిన పార్వతీ మాత, గణపతి కుమారస్వామి నవగ్రహ విగ్రహాలను గ్రామంలోని పురవీధుల్లో భక్తజన సందోహం నడుమ ఊరేగించారు. ప్రత్యేక రథాన్ని పూలతో అలంకరించి విగ్రహాలను ఊరేగించారు. భక్తులు రథానికి హారతులిచ్చారు. మహిళలు కోలాటమాడుతూ, నత్యాలు చేస్తూ భజనలు చేశారు. ఆలయంలో విగ్రహాలకు శయ్యాధివాసం నిర్వహించారు. భక్తులకు మహాన్నదానం నిర్వహించారు. కార్యక్రమాల్లో కమిటీ సభ్యులు, భక్తులు పాల్గొన్నారు.