శేష వాహన గోవిందా... శ్రీ సూర్య దేవ గోవిందా..!

శేష వాహన గోవిందా... శ్రీ సూర్య దేవ గోవిందా..!

పెద్ద శేష వాహనంపై ఊరేగుతున్న

కడప రాయుడు

కడప కల్చరల్‌ : దేవునికడప శ్రీ లక్ష్మి వెంకటేశ్వరస్వామి ఆలయ వార్షిక బ్రహ్మోత్సవాల సందర్బంగా గురువారం స్వామి ఉదయం సూర్యప్రభ, రాత్రి పెద్ద శేష వాహనంపై కొలువుదీరారు. ఉత్సవాలలో భాగంగా ఆలయ సూపరింటెండెంట్‌ హనుమంతయ్య, ఇన్‌స్పెక్టర్‌ ఈశ్వర్‌రెడ్డి, అర్చకులు మయూరం కృష్ణమోహన్‌ ఆధ్వర్యంలో త్రివిక్రమ్‌ బృందం ఉదయం స్నపన తిరుమంజనం నిర్వహించగా, సాయంత్రం ఊంజల సేవ చేశారు. ఊరేగింపులో మహిళా భక్తుల కోలాట బృందాలు ప్రధాన ఆకర్శణగా నిలిచాయి. స్వామి పల్లకీలో మాడవీధుల్లో భక్తులకు దర్శనమిస్తుండగా, స్వామి రాకను తెలుపుతూ మహిళా భక్తులు ఽపసుపు వర్ణ సంప్రదాయ దుస్తులు ధరించి భక్తిశ్రద్దలతో దేవతామూర్తులను కొనియాడుతూ భక్తిగీతాలను కోలాట నృత్యాలు చేస్తూ అందరినీ ఆకట్టుకున్నారు.

కడప రాయునికి కల్పవృక్షం కానుక

దేవునికడప శ్రీ లక్ష్మి వెంకటేశ్వరస్వామికి ఆలయ అర్చక బృందం కల్పవృక్షాన్ని కానుకగా అందించా రు. ఆలయ వార్షిక బ్రహ్మోత్సవాల్లో భాగంగా గురువారం తమ కుటుంబాలు మొక్కు తీర్చుకోవడంలో భాగంగా ఈ కార్యక్రమం చేపట్టారు. ఇందులో భాగంగా రూ. 6 లక్షలు విలువజేసే ఇత్తడి కల్పవృక్ష వాహనాన్ని స్వామి సేవలకు సమర్పిస్తున్నామని తెలిపారు.