జేమ్స్‌ స్టీఫెన్‌ జిమ్మీ డొనాల్డ్‌సన్‌ అంటే ఎవరికీ తెలియదు. ‘మిస్టర్‌ బీస్ట్‌’ (MrBeast) అనండి... వెంటనే గుర్తుపట్టేస్తారు. అతను ప్రఖ్యాత యూట్యూబర్‌. ప్రపంచవ్యాప్తంగా 383 మిలియన్ల సబ్‌స్క్రైబర్లను కలిగిన యూట్యూబ్‌ ఛానెల్‌ ‘MrBeast’ ని అతనే నిర్వహిస్తున్నాడు. యూట్యూబ్‌ ద్వారా అత్యధిక ఆదాయం పొందుతున్న బీస్ట్‌ ప్రపంచంలోని అనేకమంది ధనవంతులను మించిపోతున్నాడు. అతని గురించి మరిన్ని విశేషాలు తెలుసుకుందామా?మిస్టర్‌ బీస్ట్‌ పుట్టింది 1998 మే 7న. అమెరికాలోని కాన్సస్‌లో పుట్టి, ఉత్తర కరోలినాలోని గ్రీస్‌విల్లేలో పెరిగారు. 2012 నుంచి యూట్యూబ్‌లో వీడియోలు చేయడం మొదలుపెట్టాడు. ఐదేళ్ల తర్వాత, 2017లో అతను చేసిన ‘కౌంటింగ్‌ టు 1,00,000’ వీడియో కొన్ని రోజుల్లోనే 10 వేల దాకా వ్యూస్‌ సాధించి, అతని ఛానెల్‌కి ప్రాచుర్యం తీసుకొచ్చింది. అలా మెల్లగా అతని వీడియోలకు వీక్షకులు పెరిగారు. విచిత్రమైన విన్యాసాలు, కొత్త కొత్త ప్రయోగాలు వంటివి మిస్టర్‌ బీస్ట్‌ ఛానెల్లో ప్రధానంగా కనిపిస్తాయి. ఫోర్బ్‌ నివేదిక ప్రకారం, మిస్టర్‌ బీస్ట్‌ 2023–2024లో సంపాదించిన మొత్తం 85 మిలియన్‌ డాలర్లు(సుమారు రూ.732 కోట్లు). ఇంత ఆదాయం కలిగిన మరొక యూట్యూబర్‌ ప్రపంచంలో మరెవరూ లేరు. యూట్యూబ్‌ వీడియోల ద్వారా అతను నెలకు సుమారు 50 మిలియన్‌ డాలర్లు (సుమారు రూ.430 కోట్లు) సంపాదిస్తున్నాడని అంచనా. ఛానెల్‌ ద్వారా వచ్చిన ఆదాయంతో ఆయన మరికొన్ని వ్యాపారాలను ప్రారంభించారు. వాటి ద్వారా రూ.కోట్లలో ఆదాయం వస్తోంది. అన్నీ కలిపి అతణ్ని అత్యంత ధనవంతుణ్ని చేశాయి. ఇదీ చదవండి: రోజులో 7 గంటలు దానికే : శాపమా, వరమా?!

ప్రముఖ మలయాళ నటి పార్వతి ఆర్ కృష్ణ అలాంటి వారికి సీరియస్ వార్నింగ్ ఇచ్చింది. సామాజిక మాధ్యమాల్లో తన ఫోటోలను దుర్వినియోగం చేయడానికి ప్రయత్నించే వారిపై చట్టపరమైన చర్యలు తీసుకుంటానని హెచ్చరించింది. ఇటీవల తన ఫోటో షూట్‌కు సంబంధించిన ఫోటోలను కొందరు యూట్యూబ్ ఛానెల్ నిర్వాహకులు మిస్‌యూజ్‌ చేయడంపై ఆమె స్పందించింది. తనకు సంబంధించిన గ్లామరస్ ఫోటోషూట్ చిత్రాలను ‍అసభ్యకరమైన రీతిలో ప్రదర్శిస్తే చర్యలు తప్పవని వెల్లడించింది. ఈ విషయంపై ఇన్‌స్టా వేదికగా ఓ వీడియోను రిలీజ్ చేసింది.వీడియోలో పార్వతి ఆ కృష్ణ మాట్లాడుతూ.. 'నాపై వచ్చిన ఒక తీవ్రమైన సమస్యపై మాట్లాడేందుకుందుకే ఈ రోజు నేను ఈ వీడియో చేస్తున్నా. నా వృత్తిలో భాగంగా నేను తరచుగా ఫోటోషూట్‌లలో పాల్గొంటాను. ఎక్కడైనా కానీ నా అందాన్ని ప్రదర్శించడంలో చాలా జాగ్రత్తగా ఉంటాను. నా బీచ్ ఫోటోషూట్ సమయంలోనూ ఎక్కడ కూడా హద్దులు మీరి అందాలను ప్రదర్శించలేదు. కానీ యూట్యూబ్ ఛానెల్ వాళ్లు మాత్రం నా ఫోటోలను వారికిష్టమొచ్చినట్లు ఎడిట్ చేసి పోస్ట్ చేశారు. నా అనుమతి లేకుండా నా వీడియోలు, చిత్రాలను అసభ్యంగా చూపిస్తే మీ ఛానెల్ మూసేవరకు పోరాటం చేస్తా. ఇలాంటి సమస్యలపై ఇతరులు ఎందుకు స్పందించలేదో నాకు అర్థం కావడం లేదు. నా ఫోటోలను దుర్వినియోగం చేసేవారు నా ప్రశ్నలకు సమాధానం చెప్పాల్సిందే. నా వ్యక్తిగత జీవితంలోకి మీరు అడుగుపెడితే ఎలా ఉంటుందో రాబోయే రోజుల్లో చూస్తారు' అంటూ హెచ్చరించింది నటి. కాగా.. పార్వతి ఆర్ కృష్ణ పలు మలయాళ సినిమాల్లో హీరోయిన్‌గా నటించింది. View this post on Instagram A post shared by PARVATHY KRISHNA (@parvathy_r_krishna)

ఐఐటీ జేఈఈ లాంటి కఠినతరమైన పరీక్షలో మంచి మార్కులు తెచ్చుకోవడం అనేది చాలామంది విద్యార్థుల డ్రీమ్‌. అలాగే ఉత్తీర్ణత సాధించి క్యాంపస్‌ ప్లేస్‌మెంట్స్‌లో రికార్డు స్థాయి జీతాలతో అందరినీ విస్తుపరుస్తుంటారు కూడా. అలాంటిది ఈ యువకుడు జేఈఈ మెయిన్‌లో ఎవ్వరూ బ్రేక్‌ చేయని విధంగా రికార్డు స్థాయిలో మార్కులు తెచ్చుకున్నాడు. మంచి కాలేజ్‌లో సీటు పొందాడు. పైగా ఇంజీనీరింగ్‌ విద్యను అకడమిక్‌ సంవత్సరం కంటే ముందే పూర్తి చేశాడు. అయినా క్యాంపస్‌ ప్లేస్‌మెంట్స్‌కి వెళ్లలేదు. మరీ లక్షల ప్యాకేజ్‌ల ఉద్యోగాన్ని వద్దనుకుని ఏం చేస్తున్నాడో తెలిస్తే..విస్తుపోతారు. అంతేగాదు అతడి స్టోరీ వింటే గెలుపంటే ఇది కదా అని అనుకుండా ఉండలేరు.ఉదయపూర్‌లోని మహారాణా భూపాల్‌కి చెందిన వ్యక్తి కల్పిత్‌ వీర్వాల్‌. లక్షలాది మంది డ్రీమ్‌ ఐఐటీ జేఈఈ2017లో ఉత్తీర్ణత సాధించాడు. దాన్ని కల్పిత్‌ అత్యంత అలవొకగా సాధించేశాడు. ఇక్కడ కల్పితేమి ఉన్నత కుటుంబం నుంచి వచ్చిన వ్యక్తి కాదు. పెద్ద బ్యాగ్రౌండ్‌ ఏమి లేదు కూడా. తల్లి ఓ ప్రైవేటు టీచర్‌ కాగా, తండ్రి కాంపౌడర్‌. అలాగే కల్పిత్‌ జేఈఈ ప్రిపరేషన్‌ కోసం అందరిలా ఏకంగా 16 గంటలు చదివిన వ్యక్తి కూడా కాదు. అలాగే కోచింగ్‌ సెంటర్లలోనే ఉండిపోయి ప్రిపేరయ్యేలా పలు సంస్థలు ప్రోత్సాహకాలు ఇచ్చేందుకు ముందుక వచ్చినా.. వాటిని కూడా ఇష్టపడకుండా తన ఇంటి నుంచి ప్రిపేరయ్యేందుకే మొగ్గు చూపాడు. ఇక జేఈఈ మెయిన్‌లో ఎవ్వరూ ఊహించని విధంగా, ఎవ్వరూ బ్రేక్‌ చేయని రేంజ్‌లో 360/360 మార్కులు సంపాదించి లిమ్కా బుక్‌ ఆఫ్‌ రికార్డ్సులో స్థానం దక్కించుకున్నాడు. అంతేగాదు అతనికి కిషోర్ వైజ్ఞానిక్ ప్రోత్సాహన్ యోజన (KVPY) స్కాలర్, నేషనల్ టాలెంట్ సెర్చ్ స్కాలర్ (NTSE) వంటి ఎన్నో ప్రోత్సాహక స్కాలర్‌షిప్‌లను సొంతం చేసుకున్నాడు. అయితే అందరిలా IIT బాంబే కంప్యూటర్ సైన్స్ ప్రోగ్రామ్‌లో చేరినా.. క్యాంపస్‌ ప్లేస్‌మెంట్స్‌కి వెళ్లేందుకు ఆసక్తి చూపలేదు. ఐఐటీ రెండో సంవత్సరంలోనే ఒక YouTube ఛానెల్‌ను ప్రారంభించాడు. అక్కడ తన అధ్యయన వ్యూహాలను , JEE ప్రిపరేషన్ చిట్కాలను పంచుకున్నాడు. దీనికి అనతికాలంలోనే అనూహ్యస్పందన వచ్చింది. అతడిచ్చే సలహాలు ఆచరణాత్మకంగా ఉండేవి. విద్యార్థులంతా సాధారణ కోచింగ్‌ సెంటర్‌లు బోధించే దానికి భిన్నంగా ఉందంటూ ఇంప్రెస్‌ అయ్యేవారు. అలా అతని యూట్యూబ్‌ ఛానెల్‌కి లక్షకు పైగా సబ్‌స్క్రైబర్లు, ఫాలోయింగ్‌​ ఉండేది. తన ఛానెల్‌కి ఉన్న డిమాండ్‌ దృష్ట్యా దీన్ని మరింత ముందుకు తీసుకెళ్లాలనుకున్నాడు. అలా విద్యార్థులు పోటీ పరీక్షలకు సిద్ధం కావడానికి సహాయపడే ఆన్‌లైన్ విద్యా వేదిక అయిన AcadBoostను కల్పిట్ ప్రారంభించాడు. మరసుటి ఏడాదే తన తొలి ఆన్‌లైన్‌ కోర్సుని డెవలప్‌ చేశాడు. అది విజయవంతమైంది. అలా అతను తన ఐఐటీ క్యాంపెస్‌ ప్లేస్‌మెంట్‌లలో వచ్చే ప్యాకేజ్‌లకు మంచి ఆదాయాన్ని ఈ ఆన్‌లైన్‌ వేదిక AcadBoostతో ఆర్జించాడు. అలాగే తన ఐఐటీ బాంబే ప్రోగ్రామ్‌లో ఒక సెమిస్టర్‌ ముందుగానే ముగించాడు. ఆ తర్వాత పూర్తిస్థాయిలో అకాడ్‌బూస్ట్ టెక్నాలజీస్‌లో పనిచేసేవాడు. దీంతో 2021 నాటికి, లింక్డ్ఇన్ 'టాప్ వాయిసెస్'లో కల్పిత్‌కి స్థానం ఇచ్చింది. అలా 20 మంది అత్యుత్తమ యువ నిపుణుల జాబితాలో కల్పిత్‌ అతి పిన్న వయస్కుడిగా నిలిచాడు. అంతేగాకుండా టెడ్‌ఎక్స్‌లో తన జేఈఈ మంచిస్కోర్‌కి సంబంధించిన సక్సస్‌ జర్నీని షేర్‌ చేసుకున్నాడు. ఇక్కడ కల్పిత్‌ కేవలం విద్యా విషయాలకే కట్టుబడి ఉండలేదు. అతను సీనియర్ NCC క్యాడెట్ అయ్యాడు, కఠినమైన తుపాకీ కసరత్తులు, శిబిరాలు శిక్షణ తర్వాత ఎన్సీసీ ఏ సర్టిఫికేట్‌ని కూడా సంపాదించాడు. అలాగే JEEకి సిద్ధమవుతున్నప్పుడు కూడా, అతను క్రికెట్, టీవీ, బ్యాడ్మింటన్, సంగీతం కోసం సమయం కేటాయించేవాడు. ప్రైవేట్ ఈక్విటీ సంస్థలు, ఎడ్‌టెక్ దిగ్గజాలు పెట్టుబడులు పెట్టేందుకు ముందుకొచ్చినా..నిరాకరించాడు. తన కంటూ ఓ అచంచలమైన లక్ష్యంతో విభ్నింగా ఉండాలనుకున్నాడు, అలానే జీవించి ఎందరికో ప్రేరణగా నిలిచాడు. ఇక్కడ విజయం అంటే కేవలం మార్కులు కాదని, దృష్టి, వ్యూహాలకు సంబంధించినదని ప్రూవ్‌ చేశాడు. ఎన్ని గంటలు చదివామన్నది కాదు..ఎంత బాగా చదువుతున్నాం, ఎంత నాలెడ్జ్‌ని పొందుతున్నాం అన్నదే ముఖ్యం అని చాటిచెప్పాడు.(చదవండి: ఆరోగ్యకరమైన ఆహారమే అయినా బరువు తగ్గడం లేదు ఎందుకు..?)

వ్యూస్‌ పెంచుకునేందుకు వీడియో అప్‌లోడర్లు చేస్తున్న అనైతిక ప్రయత్నాలకు చెక్‌ పెట్టేలా యూట్యూబ్‌ చర్యలకు సిద్ధమైంది. వీడియోను ఎక్కువ మంది వీక్షించాలనే ఉద్దేశంతో చాలామంది యూట్యూబర్లు ఆకర్షణీయ థంబ్‌నేల్స్‌ పెడుతుంటారు. అలా పెట్టడం తప్పుకాదు.. కానీ, అసలు వీడియోలో ఉన్న కంటెంట్‌తో సంబంధం లేకుండా కొందరు థంబ్‌నేల్స్‌ పెట్టి వీక్షకులను మభ్యపెడుతుంటారు. అలాంటి వారిపై యూట్యూబ్‌ చర్యలు తీసుకోవాలని నిర్ణయించింది.రాజకీయ నాయకులు, సినీ ప్రముఖులు, గతంలో జరిగిన అంశాలు, ప్రస్తుతం హాట్‌టాపిక్‌గా ఉన్న సమాచారం.. వంటి ఎన్నో అంశాలను వ​క్రీకరించి యూట్యూబ్‌లో తప్పుడు సమాచారాన్ని వ్యాపింప జేస్తున్నారు. దాన్ని కట్టడి చేసేందుకు యూట్యూబ్‌ త్వరలో కొత్తగా నిబంధనలు ప్రకటించబోతున్నట్లు స్పష్టం చేసింది. వీక్షకులను తప్పుదోవ పట్టించేలా వీడియోలు అప్‌లోడ్‌ చేయడం, తప్పుడు సమాచారం ఉన్న థంబ్‌నేల్స్‌ క్రియేట్‌ చేసి అప్‌లోడ్‌ చేస్తే రానున్న రోజుల్లో కఠిన చర్యలు తీసుకోనున్నట్లు తెలిపింది.ఇదీ చదవండి: సైబర్‌ నేరాలపై వినూత్నంగా అవగాహనకొత్తగా తీసుకురాబోయే నిబంధనలు పాటించని వారి వీడియోలను ప్రైమరీగా డిలీట్‌ చేస్తామని పేర్కొంది. రెండోసారి తిరిగి అలాగే నిబంధనలను విస్మరిస్తే ఛానల్‌ను తాత్కాలికంగా నిలిపేయబోతున్నట్లు(ఛానల్‌ స్ట్రైక్‌) హెచ్చరించింది. తప్పుదోవ పట్టించే కంటెంట్‌ ద్వారా యూట్యూబ్‌పై విశ్వాసం సన్నగిల్లే ప్రమాదం ఉన్నట్లు కంపెనీ వివరించింది. వీక్షకుల్లో విశ్వాసం నింపాలంటే స్పష్టమైన, వాస్తవమైన, ఉల్లంఘనలు అతిక్రమించని, తప్పుదోవ పట్టించని కంటెంట్‌ను అప్‌లోడ్‌ చేయాలని యూట్యూబర్లకు సూచించింది.

టెక్నాలజీ బాగా పెరిగిపోతోంది. ప్రజలు డబ్బు సంపాదించడానికి సులభమైన మార్గాలను అన్వేషిస్తూ.. యూట్యూబ్ మీద పడుతున్నారు. నేడు చాలామందికి యూట్యూబ్ అకౌంట్స్ ఉన్నాయి. దీని ద్వారా కొందరు లెక్కకు మించిన డబ్బు సంపాదిస్తుంటే.. మరికొందరు ఫెయిల్ అవుతున్నారు. ఇలాంటి కోవకు చెందిన వారిలో ఒకరు 'నళిని ఉనగర్'. ఇంతకీ ఈమె ఎవరు? యూట్యూబ్ కోసం ఎంత వెచ్చించింది? ఎందుకు ఫెయిల్ అయిందనే.. వివరాలు ఇక్కడ తెలుసుకుందాం.నళిని ఉనగర్.. 'నలినీస్ కిచెన్ రెసిపీ' పేరుతో యూట్యూబ్ ఛానెల్ ప్రారంభించి మూడు సంవత్సరాలు నడిపింది. అయితే ఈమెకు యూట్యూబ్ ద్వారా ఏ మాత్రం ఆదాయం రాలేదు. కానీ నళిని.. స్టూడియో, కిచెన్ సెటప్ చేసుకోవడానికి, ప్రమోషన్స్ కోసం దాదాపు రూ.8 లక్షలు ఖర్చు చేసినట్లు సమాచారం.మూడేళ్ల పాటు సుమారు 250 వీడియోలు చేసి యూట్యూబ్‌లో అప్లోడ్ చేసింది. కానీ యూట్యూబ్ నుంచి ఆమెకు ఒక్క రూపాయి కూడా ఆదాయం రాలేదు. దీంతో విసుగెత్తి.. యూట్యూబ్‌కు వీడ్కోలు పలుకుతున్నట్లు వెల్లడించింది. అంతే కాకుండా కిచెన్ వస్తువులను, స్టూడియో ఎక్విప్​మెంట్స్ అన్నీ కూడా విక్రయించనున్నట్లు పేర్కొంది. నేను నా యూట్యూబ్ కెరీర్​లో ఫెయిల్ అయ్యాను. అందుకే ఈ నిర్ణయం తీసుకుంటున్నానని సోషల్ మీడియా ద్వారా చెప్పింది.I failed in my YouTube career, so I’m selling all my kitchen accessories and studio equipment. If anyone is interested in buying, please let me know. 😭 pic.twitter.com/3ew6opJjpL— Nalini Unagar (@NalinisKitchen) December 18, 2024మూడు సంవత్సరాల్లో 250 వీడియోలు చేసాను, 2450 సబ్​స్కైబర్లు మాత్రమే వచ్చారు. ఎంత కష్టపడినా.. యూట్యూబ్ కొన్ని రకాల కంటెంట్‌లకు మాత్రమే ఫేవర్ చేస్తుందని నళిని ఆరోపించింది. నేను మూడేళ్ళలో సంపాదించిన మొత్తం 'సున్నా' అని ఆవేదన వ్యక్తం చేసింది.నేను యూట్యూబ్ మీద చాలా కోపంగా ఉన్నాను. నేను ఈ ఛానల్ ప్రారంభించాడని డబ్బు, సమయాన్ని మాత్రమే కాకుండా నా వృత్తిని కూడా వదులుకున్నాను.. అని ఒక ట్వీట్‌లో వెల్లడించింది. కానీ నాకు యూట్యూబ్ ఎలాంటి ప్రతిఫలాన్ని అందించలేదని వాపోయింది.I’m honestly angry with YouTube. I spent my money, time, and even risked my career to build my channel, but in return, YouTube gave me nothing. It feels like the platform favors certain channels and specific types of videos, leaving others with no recognition despite the hard…— Nalini Unagar (@NalinisKitchen) December 18, 2024యూట్యూబర్స్ ఎదుర్కోవాల్సిన సవాళ్లుయూట్యూబ్ ద్వారా డబ్బు సంపాదించవచ్చు అనే మాట నిజమే. కానీ యూట్యూబ్ ఛానల్ ప్రారంభించిన అందరూ డబ్బు సంపాదిస్తారు అని అనుకోవడం మూర్కత్వమే. ఎందుకంటే యూట్యూబ్​లో అందరికీ డబ్బులు వస్తాయనే గ్యారంటీ లేదు. డబ్బు రావడం అనేది సబ్‌స్కైబర్లు, వాచ్ అవర్స్, వ్యూవ్స్ వంటి వాటిపైన ఆధారపడి ఉంటాయి. కాబట్టి యూట్యూబర్స్ వీటన్నింటినీ విజయవంతంగా ఎదుర్కోగలిగి.. ఓపిగ్గా నిలబడితే డబ్బు సంపాదించే అవకాశం ఉంటుంది.

సామాజిక మాధ్యమాల సాయంతో స్టాక్‌ మార్కెట్‌ మోసాలకు పాల్పడే వారిపై సెక్యూరిటీస్ మార్కెట్ రెగ్యులేటర్ సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా (సెబీ) చర్యలు తీసుకుంటోంది. సెబీ నిబంధనలకు వ్యతిరేకంగా యూట్యూబ్‌ ద్వారా ఇన్వెస్ట్‌మెంట్‌ అడ్వైజరీ బిజినెస్‌ సాగిస్తున్న రవీంద్ర బాలు భారతి అనే వ్యక్తిపై చర్య తీసుకుంది. ఏప్రిల్ 4, 2025 వరకు సెక్యూరిటీ మార్కెట్‌లో పాల్గొనకుండా నిషేధించింది. చట్టవిరుద్ధ కార్యకలాపాల ద్వారా తాను సంపాదించిన మొత్తం రూ.9.5 కోట్లను తిరిగి ఇవ్వాలని ఆదేశించింది.19 లక్షల మందికి సలహాలు..నిబంధనల ప్రకారం సెబీ రిజిస్టర్డ్‌ వ్యక్తులు, ఇన్‌స్టిట్యూషన్స్‌ మాత్రమే పెట్టుబడి సలహాలు ఇవ్వాలి. అందులోనూ చాలా నియామాలున్నాయి. కానీ వీటిని పట్టించుకోకుండా కొన్ని రోజులుగా రవీంద్ర బాలు భారతి తన యూట్యూబ్‌ ఛానల్‌ ద్వారా పెట్టుబడి సలహాలు, స్టాక్‌ సిఫార్సులు చేస్తున్నట్లు సెబీ గుర్తించింది. దాంతో స్టాక్‌ మార్కెట్‌పై అనుభవం లేనివారే లక్ష్యంగా చేసుకుని అక్రమంగా డబ్బు సంపాదించినట్లు తెలిపింది. తనకు చెందిన రెండు యూట్యూబ్ ఛానెల్‌ల్లో దాదాపు 19 లక్షల మంది సబ్‌స్క్రైబర్‌లతో పెద్దమొత్తంలో నిబంధనలకు వ్యతిరేకంగా పెట్టుబడి సలహాలు ఇస్తూ భారీగా నగదు పోగు చేసినట్లు సెబీ పేర్కొంది.రూ.10 లక్షలు జరిమానారవీంద్ర సంపాదించిన డబ్బును రవీంద్ర భారతి ఎడ్యుకేషన్ ఇన్‌స్టిట్యూట్‌పై ఇన్వెస్ట్‌ చేసినట్లు సెబీ పేర్కొంది. ఏప్రిల్ 2025 వరకు ఎలాంటి సెక్యూరిటీ మార్కెట్ కార్యకలాపాల్లో పాల్గొనకుండా భారతి, అతని సంస్థ, తన సహచరులపై సెబీ నిషేధం విధించింది. రవీంద్ర, తన సహచరులకు రూ.10 లక్షల జరిమానా విధించింది. తాను ఈ మోసాలతో సంపాదించిన రూ.9.5 కోట్లను తిరిగి ఇవ్వాలని సెబీ ఆదేశించింది.ఇదీ చదవండి: రూ.22,280 కోట్ల ఆస్తుల పునరద్ధరణస్వతహాగా నేర్చుకోవడం ఉండదు..సామాజిక మాధ్యమాలు, యూట్యూబ్‌ వీడియోల ద్వారా, బంధువులు, స్నేహితులు చెబుతున్నారని స్టాక్‌ మార్కెట్‌లో పెట్టుబడి పెడితే తాత్కాలికంగా డబ్బులు వచ్చినట్లు కనిపించినా దీర్ఘకాలంలో చాలా నష్టం వాటిల్లుతుందని నిపుణులు చెబుతున్నారు. ఈ వ్యవహారంతో ఎదుటి వ్యక్తులు, వీడియోలపైనే ఎక్కువగా ఆధారపడే స్వభావం అలవడుతుందని అంటున్నారు. దాంతో మార్కెట్‌ గురించి స్వతహాగా నేర్చుకునే పరిస్థితి ఉండదని చెబుతున్నారు. వీడియోలు చూసి ట్రేడింగ్‌ చేస్తే నష్టాలు తప్పవని హెచ్చరిస్తున్నారు.

మీకు యూట్యూబ్‌ ఛానల్‌ ఉందా? మీ కంటెంట్‌ను వీరే భాషల్లో వినిపించాలనుకుంటున్నారా? ‘అవును.. కానీ, ఆ భాషలో అంతగా ప్రావీణ్యం లేదు’ అని అధైర్య పడకండి. యూట్యూబ్‌ మీలాంటి వారికోసం కొత్త ఫీచర్‌ను అందుబాటులోకి తీసుకొచ్చింది. ఈమేరకు తన బ్లాగ్‌పోస్ట్‌లో వివరాలు వెల్లడించింది.సినిమాలే కాదు, భాష రాకపోయినా ఇకపై యూట్యూబ్‌ వీడియోలను ఖండాంతరాలను దాటించి ఏంచక్కా మీ కంటెంట్‌ను విదేశాల్లోని వారికి వినిపించవచ్చు. ఇందుకోసం యూట్యూట్‌ ‘ఆటో డబ్బింగ్‌’ ఫీచర్‌ను అందుబాటులోకి తీసుకొచ్చించి. ఈ ఫీచర్‌ వీడియోల్లోని వాయిస్‌ను ఆటోమేటిక్‌గా డబ్‌ చేసి వేరే భాషల్లోకి తర్జుమా చేసి వినిపిస్తుంది. దాంతో కంటెంట్‌ క్రియేటర్లు ఎలాంటి ఇబ్బందులూ లేకుండా తమ వీడియోను ఇతర భాషల్లో పోస్ట్‌ చేసే వీలుంటుంది. స్లైడ్స్‌, వీడియో బిట్స్‌తో కంటెంట్‌ ఇచ్చేవారికి ఈ ఫీచర్‌ మరింత ఉపయోగపడుతుందని నిపుణులు తెలియజేస్తున్నారు.అన్ని భాషల్లోకి మారుతుందా..?ప్రాథమికంగా ఇంగ్లిష్‌లోని వీడియో కంటెంట్‌ను ఫ్రెంచ్‌, జర్మన్‌, హిందీ, ఇండోనేషియన్‌, ఇటాలియన్‌, జపనీస్‌, పోర్చుగీస్‌, స్పానిష్‌ భాషల్లోకి ఆటోమేటిక్‌గా డబ్‌ చేసేలా ఈ ఫీచర్‌ను అందుబాటులోకి తీసుకొచ్చారు. వీడియోలోని వాయిస్ పైన తెలిపిన ఏ భాషల్లో ఉన్నా ముందుగా ఇంగ్లిష్‌లోకి మారిపోతుంది. ఈ వీడియోపై ఆటో డబ్బ్‌డ్‌ అనే మార్కు ఉంటుంది. ఒకవేళ యూట్యూబ్‌ ఏఐ డబ్‌ చేసిన వాయిస్‌ వద్దనుకుంటే, ఒరిజినల్‌ వాయిస్‌ వినాలనిపిస్తే వీడియోపై ట్రాక్‌ సెలెక్టర్‌ ఆప్షన్‌ ఉపయోగించి అసలు వాయిస్‌ను వినొచ్చు. ప్రాథమికంగా ప్రస్తుతానికి పైన తెలిపిన భాషల్లోనే వాయిస్‌ డబ్‌ అవుతుంది. యూజర్‌ ఫీడ్‌బ్యాక్‌ను అనుసరించి ఇందులో మార్పులు చేసే అవకాశం ఉన్నట్లు యూట్యూబ్‌ తెలిపింది.ఎలా వినియోగించాలంటే..కంటెంట్‌ క్రియేటర్లు వీడియో అప్‌లోడ్‌ చేయగానే యూట్యూబ్‌ ఆటోమెటిక్‌గా వాయిస్‌ని గుర్తించి అది సపోర్ట్‌ చేసే భాషల్లోకి కంటెంట్‌ను డబ్‌ చేస్తుంది. ఫైనల్‌గా అప్‌లోడ్‌ చేయడానికి ముందు రివ్యూ చేసుకోవచ్చు. యూట్యూబ్‌ స్టూడియోలోని లాంగ్వేజ్‌ సెక్షన్‌లో డబ్బ్‌డ్‌ వీడియోలు కనిపిస్తాయి. వైటీ స్టూడియోలోని ప్రతి వీడియోను నియంత్రించే అధికారం మాత్రం కంటెంట్‌ క్రియేటర్లకే ఉంటుంది.ఇదీ చదవండి: 3.1 కోట్ల కస్టమర్ల డేటా లీక్‌పై క్లారిటీఈ ఫీచర్‌ ఎప్పుడు పని చేయదంటే..కొన్ని సందర్భాల్లో వాయిస్‌ క్లారిటీ లేకపోయినా, లేదంటే ఏదైనా కారణాలతో వాయిస్‌ గుర్తించలేకపోయినా డబ్బింగ్‌ పని చేయదని యూట్యూబ్‌ క్లారిటీ ఇచ్చింది. ఒకవేళ డబ్బింగ్‌ ఆప్షన్‌ వినియోగించుకోవాలంటే మాత్రం ఇంగ్లీష్‌ వాయిస్‌ క్లారిటీగా ఉండడంతోపాటు రికార్డింగ్‌ సమయంలో ఎలాంటి అవాంతరాలు లేకుండా జాగ్రత్తపడడం ముఖ్యం. ఇప్పటివరకు ఇంగ్లీష్‌ కంటెంట్‌ను అప్‌లోడ్‌ చేసే రిజినల్‌ కంటెంట్‌ క్రియేటర్ల సంపాదన ఈ ఫీచర్‌తో పెరగబోతుందని నిపుణులు చెబుతున్నారు.

యూట్యూబ్‌ అంటే కొందరికి స్టార్‌డమ్‌ని తెచ్చిపెట్టే వేదిక. మరికొందరికి అదొక సరదా కాలక్షేపం. అయితే కొంతమంది మాత్రం దీంతో మంచి పేరు తోపాటు కోట్లు ఆర్జించి మిలియనీర్‌లుగా మారారు. అచ్చం అలానే మంచి నేమ్‌, డబ్బు సంపాదించి స్టార్‌ యూట్యూబర్‌గా ఎదిగింది 65 ఏళ్ల మహిళ. ఒంటరితనాన్ని దూరం చేసుకునేందుకు సరదాగా మొదలు పెట్టిన యూట్యూబ్‌ ఛానెల్‌ విలియన్లమంది ఫాలోవవర్లు, లక్షల కొద్దీ వ్యూస్‌తో దూసుకుపోయింది. అలా ఆమె భారతదేశంలోని అత్యంత ధనిక యూట్యూబర్‌లలో ఒకరిగా నిలిచి ఎందరికో స్ఫూర్తినిచ్చారు. ఎవరామె..? ఆమె విజయ ప్రస్థానం ఎలా సాగిందంటే..!ఆమె పేరు నిషా మధులిక. 2009లో తన యూట్యూబ్‌ ప్రయాణాన్ని ప్రారంభించింది. ఆమె భారతీయ శైలి వంటకాలకు ఫేమస్‌. ఆమెకు చిన్న వయసు నుంచి వివిధ వంటకాలపై ఉన్న ఆసక్తితో రకరకాల రెసిపీలకు సంబంధించిన వీడియోలను పోస్ట్‌ చేసింది. అలా సోషల్‌ మీడియా ఫ్లాట్‌ఫాంలో దాదాపు రెండు వేలకు పైగా వీడియోలను పోస్ట్‌ చేసింది. ఆమె ఛానెల్‌కు దాదాపు 14.5 మంది మిలియన్ల మంది సభ్యులు ఉన్నారు. ఆరోగ్యకరమైన వంటకాలతో ప్రతి ఇల్లు ఐక్యతతో సంతోషభరితంగా ఉండాలనేది తన ఆకాంక్ష అని అంటోంది నిషా. ఆమెకు ఈ యూట్యూబ్‌ తోపాటు ఫేస్‌బుక్‌లో 5.7 మిలియన్లు, ఇన్‌స్టాలో 3.41 లక్షల మంది ఫాలోవర్లు ఉన్నారు. నిషా నేపథ్యం..నిషా ఆగస్టు 24, 1959న ఉత్తరప్రదేశ్‌లోని ఒక మధ్యతరగతి కుటుంబంలో జన్మించింది. ఆమె పాఠశాల విద్య, గ్రాడ్యుయేషన్‌ తదనంతరం.. కొన్నాళ్లు ఉపాధ్యాయ వృత్తిని కొనసాగించింది. ఆ తర్వాత పెళ్లితో నోయిడాకు వెళ్లిపోయింది. అక్కడ తన ఇద్దరు పిల్లలను పెంచి పెద్ద చేసింది. ఇక ఆ బాధ్యతలు తీరి ఒంటరితనం వేధించడంతో.. చిన్ననాటి వంటకాల ఆసక్తితో ఆ లోటుని భర్తి చేసింది. ఆ ఇష్టంతోనే యూట్యూబ్‌ ఛానెల్‌లో అందుకు సంబంధించిన వీడియోలను పోస్ట్‌ చేసి.. విశేష జనాదరణ సంపాదించుకుంది. ఒకరకంగా ఆ అభిరుచి ఆమెకు మంచి పేరు, డబ్బులు తెచ్చిపెట్టాయి. రెస్ట్‌ తీసుకునే వయసులో కాలక్షేపం కోసం మొదలు పెట్టి.. దేశంలోనే టాప్‌ చెఫ్‌గా పేరు తెచ్చుకుంది. ఆ తర్వాత కొన్నాళ్లకు నవంబర్ 2017లో సోషల్ మీడియా సమ్మిట్ & అవార్డ్స్‌లో టాప్ యూట్యూబ్ వంట కంటెంట్ క్రియేటర్‌గా గౌరవాన్ని పొందింది. జస్ట్‌ తన పాకనైపుణ్యాలతో ఏకంగా రూ. 43 కోట్ల నికర విలువతో భారీ సంపాదనను ఆర్జిస్తోంది నిషా. అంతేగాదు గ్రామీణ ప్రాంతాలకు ఇంటర్నెట్‌ సదుపాయాన్ని అందించడానికి ప్రయత్నిస్తున్న టాటా ట్రస్ట్‌ల ప్రాజెక్ట్ డ్రూవ్‌తో సహా అనేక ఇతర ప్రయత్నాలకు తన వంతు సహాయసహకారాలు అందించి సేవదృక్పథంలో కూడా మేటి అనిపించుకుంది. (చదవండి: చందమామ లేదు.. యూట్యూబ్‌ ఉంది..!)

షబానా అజ్మీ జగద్విఖ్యాత ఫెమినిస్ట్‌. 74 ఏళ్ల ఈ వయసులోనూ ఆమె నవ్వులో హుషారు ఉంటుంది. ఆమె మంచి నటి, చురుకైన సోషల్‌ యాక్టివిస్ట్‌ కూడా అయినప్పటికీ.. పెద్ద పెద్ద ఇంటర్వ్యూ లలో ఆమెను ఫెమినిజం గురించే ఎక్కువగా ప్రశ్నలు అడుగుతుంటారు. బయట ఆమెకు తారసపడే యువతులు కూడా... ‘మేడమ్‌.. ఫెమినిజం అంటే మీ ఉద్దేశంలో ఏమిటి?‘ అని ప్రాథమిక స్థాయి ప్రశ్న వేస్తుంటారు. ఆ ప్రశ్నకు షబానా నవ్వేస్తుంటారు. ‘ఈ అమ్మాయిలున్నారే.. తాము ఫెమినిస్ట్‌లము కాదు అని గర్వంగా చెప్పుకుంటారు, మళ్లీ ‘బ్రా – బర్నింగ్‌‘ మూవ్‌ మెంట్‌ గురించి గొప్పగా మాట్లాడుతుంటారు’ అంటారు షబానా. (పితృస్వామ్య వ్యవస్థను నిరసిస్తూ, అందుకు సంకేతంగా 60 లలో ఆనాటి మహిళా యాక్టివిస్టులు బ్రా లను మంటల్లో వేసి తగలబెట్టిన మూవ్‌మెంటే ‘బ్రా బర్నింగ్‌‘ ఉద్యమం). ఫాయే డి సౌజా యూట్యూబ్‌ ఛానల్‌ కు తాజాగా ఇచ్చిన ఇంటర్వ్యూలో ఫెమినిజానికి సంబంధించి ఒక ఆసక్తికరమైన విషయం చెప్పారు షబానా. ఓసారి ఆమె అమెరికాలో ఉన్నప్పుడు జావేద్‌ (అఖ్తర్‌) కుర్తాను ఇస్త్రీ చేస్తూ ఉండగా చూసిన ఒక తెలిసినావిడ.. ‘మిమ్మల్ని ఫెమినిస్ట్‌ అంటారు. మీరేమో మీ భర్త దుస్తుల్ని ఇస్త్రీ చేస్తున్నారు?!‘ అని అన్నారు. షబానా నవ్వుతూ, ‘దీనికి దానికీ సంబంధం ఏమిటి?!‘ అని అడిగారు. అందుకు ఆవిడ... ‘మరైతే మీ వారు మీ శారీని ఇస్త్రీ చేస్తారా?!‘ అన్నారు.‘లేదు. నేను ఎప్పటికీ ఆయన్ని ఆ పని చేయనివ్వను‘ అన్నారు షబానా. డిసౌజాకు ఈ సంగతి చెప్పినప్పుడు... డిసౌజా కూడా షబానాను ఇదే ప్రశ్న అడిగారు. ‘మరి మీ ఉద్దేశంలో ఫెమినిజం అంటే ఏమిటి?! అని. ప్రపంచాన్ని మనం చూసే దృష్టిలో ఉండేదే ఫెమినిజం. స్త్రీ పురుషులు వేర్వేరు. అంతే తప్ప ఎక్కువా కాదు, తక్కువా కాదు. ‘ప్రపంచం అనాదిగా ప్రతి సమస్యకూ పురుషుడి దృష్టి కోణం నుంచే పరిష్కారం వెతుకుతూ వస్తోంది. పరిష్కారం కోసం స్త్రీ వైపు నుంచి కూడా ఆలోచించటమే ఫెమినిజం’ అని చెప్పారు షబానా. ఇంతకుమించిన నిర్వచనం ఉంటుందా స్త్రీవాదానికి? ఎంతైనా షబానా కదా!

ప్రముఖ వీడియో స్ట్రీమింగ్ ప్లాట్‌ఫామ్‌ 'యూట్యూబ్' భారతదేశంలోని కంటెంట్ క్రియేటర్లు మరింత ఆదాయాన్ని పొందడానికి సరికొత్త మార్గాన్ని పరిచయం చేసింది. 'షాపింగ్ ప్రోగ్రామ్‌' పేరుతో పరిచయం చేసిన ఈ ఫీచర్ ద్వారా క్రియేటర్లు తమ వీడియోలలో ఉత్పత్తులను ట్యాగ్ చేయడం ద్వారా ఎక్కువ డబ్బు ఆర్జించవచ్చు.ఇప్పటికే ఈ షాపింగ్ ప్రోగ్రామ్‌ అమెరికా, సౌత్ కొరియా దేశాల్లో అందుబాటులో ఉంది. తాజాగా ఇప్పుడు దీనిని భారతీయ కంటెంట్ క్రియేటర్ల కోసం పరిచయం చేసింది. దీనికోసం యూట్యూబ్ ఫ్లిప్‌కార్ట్‌, మింత్రా వంటి వాటితో భాగస్వామ్యం కుదుర్చుకుంది. అర్హులైన వారికి మాత్రమే ఇది అందుబాటులో ఉంటుంది.షాపింగ్ ప్రోగ్రామ్‌ ఫీచర్ కోసం కంటెంట్ క్రియేటర్లు.. యూట్యూబ్‌ షాపింగ్‌లో సైనప్‌ అవ్వాలి. మీ అప్లికేషన్‌ను ప్లాట్‌ఫామ్‌ ఆమోదించిన తరువాత షాపింగ్ ప్రోగ్రామ్‌ను యాక్సెస్ చేయవచ్చు. మీరు క్రియేట్ చేసే వీడియోలలో, షార్ట్స్, లైవ్ స్టీమ్ వంటి వాటిలో ఉత్పత్తులను ట్యాగ్ చేయవచ్చు, ఒక వీడియోకు సుమారు 30 ఉత్పత్తులను ట్యాగ్ చేసుకోవచ్చు. ఈ ఉత్పత్తులు యూజర్లకు కనిపిస్తాయి.యూజర్లు ఈ ఉత్పత్తులను చూసి, వారికి నచినట్లయితే దానిపైన క్లిక్ చేసి పూర్తి వివరాలను తెలుసుకోవచ్చు, అక్కడే కొనుగోలు చేయవచ్చు. ఇలా కొనుగోలు చేయడంతో యూట్యూబర్లకు కమీషన్ వస్తుంది. యూజర్ ఒక ప్రొడక్ట్ కొనుగోలు చేస్తే.. ఎంత కమీషన్ వస్తుందనే వివరాలను కూడా క్రియేటర్ అక్కడే చూడవచ్చు.ఇదీ చదవండి: ముద్ర లోన్ లిమిట్ పెంపు: రూ.10 లక్షల నుంచి..షాపింగ్ ప్రోగ్రామ్‌ ఫీచర్ యాక్సెస్ పొందాలంటే.. కంటెంట్ క్రియేటర్లు తప్పనిసరిగా కనీసం 10,000 సబ్‌స్క్రైబర్‌లను కలిగి ఉండాలి. అన్ని అర్హతలు ఉన్న క్రియేటర్‌లు సేల్స్ కమీషన్‌ పొందవచ్చు. అయితే భవిష్యత్తులో ఈ ఆదాయంలో వాటా తీసుకోవాలని యూట్యూబ్ యోచిస్తున్నట్లు సమాచారం. ఇక్కడ గుర్తుంచుకోవలసిన మరో అంశం ఏమిటంటే.. పిల్లల కోసం రూపోందించిన యూట్యూబ్ చానళ్లకు, మ్యూజిక్ చానళ్లకు ఈ ఫీచర్ అందుబాటులో ఉండదు.

సంప్రదాయేతర పంటల సాగు ద్వారా ఏజెన్సీ రైతులు అధిక ఆదాయం సాధించేలా భద్రాద్రి కొత్తగూడెం జిల్లా కలెక్టర్‌ జితేశ్‌ వి.పాటిల్‌ పక్కా ప్రణాళిక రూపొందించారు. ఈ ప్రణాళికను క్షేత్రస్థాయిలో అమలు చేసేందుకు వీలుగా యూట్యూబ్‌ చానల్‌ను ఉపయోగించుకుంటున్నారు. ఈ చానల్‌ ద్వారా ప్రత్యేక వీడియోలు అప్‌లోడ్‌ చేస్తూ రైతులకు అవగాహన కల్పిస్తున్నారు. –సాక్షి ప్రతినిధి, భద్రాద్రి కొత్తగూడెంమునగ అంటే మొదటి మెట్టు‘కలెక్టర్‌ భద్రాద్రి కొత్తగూడెం’పేరుతో ఉన్న యూట్యూబ్‌ చానల్‌లో జితేశ్‌ వి.పాటిల్‌ 40 నిమిషాల నిడివి గల వీడియోను ఈనెల 23న అప్‌లోడ్‌ చేశారు. జిల్లాలో ఎక్కువగా వరి, పత్తి, మొక్కజొన్న పంటలు సాగు చేస్తున్నారని, ఈ సంప్రదాయ పంటల సాగు వల్ల ఎకరానికి రూ.20 వేలకు మించి ఆదాయం రావడం లేదని ఆ వీడియోలో కలెక్టర్‌ స్పష్టం చేశారు. మునగ సాగు చేయడం ద్వారా కనిష్టంగా రూ.75 వేలు, గింజలు, ఆకుల అమ్మకం ద్వారా మరో రూ.25 వేల వరకు ఆదాయం వచ్చే అవకాశం ఉందని వివరంగా చెప్పారు.ఖర్చు లేకుండా సాగుఎకరంలో వెయ్యి మునగ చెట్లు నాటొచ్చని కలెక్టర్‌ పాటిల్‌ తెలిపారు. మొక్క నాటింది మొదలు దిగుబడి వచ్చే వరకు రైతులకు ప్రభుత్వం ఏ విధంగా అండగా ఉంటుంది, రైతులు నిర్వర్తించాల్సిన బాధ్యతలు ఏంటనేవి వివరించారు. విత్తనాలు, మెటీరియల్‌ కాంపోనెంట్‌ అంతా కలిపి ఎకరానికి రూ.33 వేల దాకా ఖర్చు వస్తుందని, ఇదే సమయంలో ప్రభుత్వం ఇచ్చే సబ్సిడీలకు ఉపాధి హామీ పథకం తోడైతే రూ.34,500 వరకు రైతుకు సాయం అందుతుందన్నారు. మునగ సాగుకు ఉపాధి హామీ పథకం వర్తించాలంటే ఎస్సీ, ఎస్టీ, చిన్న, సన్నకారు రైతులై ఉండాలని చెప్పారు.మార్కెటింగ్‌ ఈజీఒక మునగ చెట్టుకు కనిష్టంగా 180.. గరిష్టంగా 500కు పైగా కాయలు వస్తాయని తెలిపారు. ఒక చెట్టుకు 180 కాయల దిగుబడి అనుకుంటే... రూపా­యికి రెండు కాయల వంతున అమ్మినా ఎకరం మీద రూ.75 వేల ఆదాయం కచ్చితంగా వస్తుందన్నారు. తక్కువ రేటు­కు అమ్మితే హైదరా­బాద్‌ నుంచి వ్యాపా­రులే వచ్చి మునగ కాయలు తీసుకెళ­తారని, మార్కెటింగ్‌ చేయాల్సిన అవసరమే ఉండదని చెప్పారు.నవంబర్‌లో మొదలునవంబర్‌ రెండో వారంలో విత్తనాల కొనుగోలుతో మొదలయ్యే ‘మిషన్‌ మునగ’జూన్‌ చివరి వారంలో దిగుబడి తీసుకునే వరకు కొనసాగనుంది. ప్రతీ నెల, ప్రతీ వారం ఏ పని చేయాలనే అంశంపై రూపొందించిన రూట్‌మ్యాప్‌ను క్షేత్రస్థాయిలో సంబంధిత అధికారులు, సిబ్బందికి పంపారు. రాబోయే రబీ సీజన్‌లో జిల్లాలో కనీసం పది వేల ఎకరాల్లో మునగ సాగు చేయడం లక్ష్యంగా పెట్టుకున్నారు. కలెక్టర్‌ ఆలోచనలు ఆచరణలో పెట్టాల్సిన బాధ్యత జిల్లా అధికారులు, క్షేత్రస్థాయి సిబ్బందిపై ఇప్పుడు ఉంది. అవగాహన తెచ్చుకొనిభద్రాద్రి జిల్లా కలెక్టర్‌గా ఈ ఏడాది జూన్‌ 15న జితేశ్‌ వి.పాటిల్‌ బాధ్యతలు స్వీకరించారు. ఆ తర్వాత కొన్నాళ్లకే అశ్వారావుపేట మండలంలో పెద్దవాగుకు గండిపడింది. బాధిత రైతులతో మాట్లాడుతున్న సందర్భంలోనే జిల్లా రైతులు తక్కువ ఆదాయం పొందుతున్న అంశాన్ని కలెక్టర్‌ గుర్తించారు. అప్పటి నుంచి జిల్లాలో సాగు జరుగుతున్న తీరుతెన్నులు ఆయన పరిశీలించారు. ఇక్కడి వాతావరణ పరిస్థితులకు తగ్గట్టుగా రైతులకు అధిక ఆదాయం రావాలంటే మునగ సాగే మేలనే నిర్ణయానికి వచ్చారు. అంతటితో ఆగిపోకుండా వ్యవసాయ అధికారులు, శాస్త్రవేత్తలతో కలిసి పక్కా రోడ్‌మ్యాప్‌ రూపొందించారు. మలిదశలో మునగ సాగుతో పాటు రెండు ఎకరాల పొలంలో మునగ, వెదురు సాగుతో పాటు చేపలు, తేరో టీగల పెంపకంపై దృష్టి పెట్టనున్నారు.

బిగ్‌బాస్‌ షో వల్ల నెగెటివ్‌ అయినవారు చాలామందే ఉన్నారు. అయితే తాను కరెక్ట్‌గా ఉన్నానని.. కానీ, బిగ్‌బాసే తప్పుగా చూపించాడని ఫైర్‌ అయింది సోనియా ఆకుల. తన మాటల్ని, ప్రవర్తనని మరో కోణంలో ప్రేక్షకులకు చూపించాడని, అందువల్లే జనాలు తనను విమర్శిస్తున్నారంటోంది. ఎక్కడికి వెళ్లినా, ఏమాత్రం ఛాన్స్‌ దొరికినా బిగ్‌బాస్‌ను తిడుతూనే ఉంది. కొత్త యూట్యూబ్‌ ఛానల్‌..మితిమీరిన హగ్గులు, పర్సనల్‌ టార్గెట్‌ వంటి స్వయంకృతపరాధాలను సైతం ఒప్పుకోకపోవడం గమనార్హం. తాజాగా ఈ బిగ్‌బాస్‌ (ఎనిమిదో సీజన్‌) బ్యూటీ తన ఫ్యాన్స్‌కు గుడ్‌న్యూస్‌ చెప్పింది. సొంత యూట్యూబ్‌ ఛానల్‌ ప్రారంభించినట్లు వెల్లడించింది. సామాజిక సేవ నుంచి బిగ్‌బాస్‌ వరకు మీరు నన్ను ఫాలో అవుతూ వచ్చారు. ఇప్పుడు మీ అందరికీ మరింత దగ్గరయ్యేందుకు కొత్త యూట్యూబ్‌ ఛానల్‌ ఓపెన్‌ చేశాను. ఒక్కటేం ఖర్మ.. అన్నీ ఉంటాయ్‌యువర్స్‌ సోనియా.. ఇక్కడ బిగ్‌బాస్‌ షోలో ఎపిసోడ్‌ వెనకాల జరిగిన స్టోరీలను, నా యాక్టింగ్‌ కెరీర్‌కు సంబంధించిన కథనాలను, వ్యక్తిగత విషయాలను, లైఫ్‌స్టైల్‌ కంటెంట్‌.. ఇలా అన్నీ మీతో పంచుకుంటాను. అలాగే సెలబ్రిటీల ఇంటర్వ్యూలు కూడా ఉంటాయి అని చెప్పుకొచ్చింది. ఇది చూసిన అభిమానులు కచ్చితంగా సపోర్ట్‌ చేస్తామని కామెంట్లు చేస్తున్నారు. మరికొందరు మాత్రం నిన్ను బిగ్‌బాస్‌లోనే చూడలేకపోయాం.. ఇంకా యూట్యూబ్‌లో ఏం చూస్తామని కామెంట్లు చేస్తున్నారు. View this post on Instagram A post shared by Soniya Akula (@soniya_akula_official) మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

దేశంలో రోజురోజుకీ సైబర్‌ నేరాలు విపరీతంగా పెరిగిపోతున్నాయి. సామాన్యుల నుంచి సెలబ్రిటీల దాకా, అధికారులు, కంపెనీలు ఇలా అన్నీ సైబర్‌లో వలలో చి కుటున్నాయి. తాజాగా దేశ అత్యున్నత న్యాయస్థానం సుప్రీంకోర్టు అధికారిక యూట్యూబ్‌ ఛానల్‌ శుక్రవారం హ్యాక్‌కు గురైంది. యూట్యూబ్‌ ఛానల్‌ను హ్యాక్‌ చేసిన నేరగాళ్లు.. అందులో క్రిప్టో కరెన్సీని ప్రమోట్‌ చేస్తున్నట్లుగా ఉన్న వీడియోలను పోస్టు చేశారు.సాధారణంగా ఈ యూట్యూబ్ ఛానల్‌ను సుప్రీంకోర్టు రాజ్యాంగ ధర్మాసనం విచారించే వాటితో పాటు కొన్ని కీలక కేసులను ప్రత్యక్ష ప్రసారం చేయడానికి ఉపయోగిస్తారు. అయితే ఆ వీడియోలకు బదులుగా అందులో ప్రస్తుతం అమెరికాకు చెందిన రిపిల్ ల్యాబ్స్ అభివృద్ధి చేసిన క్రిప్టో కరెన్సీ ఎక్స్​ఆర్​పీని ప్రచారం చేసే వీడియోలు కనిపిస్తున్నాయి. దీనికి సంబంధించిన స్క్రీన్‌ షాట్స్‌ను పలువురు సోషల్‌ మీడియాలో పోస్టు చేశారు. దీంతో అప్రమత్తమైన సుప్రీంకోర్టు ఐటీ విభాగం చర్యలు చేపట్టింది.

చేస్తున్న పనిలో సవాళ్లు లేకుంటే.. కొందరు ఉద్యోగాలకు స్వస్తి చెప్పి, నచ్చినపని చేస్తూ.. కొందరికి సాయపడాలనుకుంటారు. ఇలాంటి కోవకు చెందినవారిలో ఒకరు 'నిశ్చా షా' (Nischa Shah). ఇంతకీ ఈమె ఎవరు? ఈమె గతంలో ఎందుకు ఉద్యోగం వదిలేశారు. ఇరులకు ఎలా సాయం చేస్తున్నారనే విషయాలు ఈ కథనంలో చూసేద్దాం..'నిశ్చా షా' ఒకప్పుడు లండన్‌లో ప్రముఖ ఇన్వెస్ట్‌మెంట్ బ్యాంకర్. ఈ రంగంలో ఈమెకు ఏకంగా తొమ్మిది సంవత్సరాల అనుభవం ఉంది. ఇన్వెస్ట్‌మెంట్ బ్యాంకర్‌గా, క్రెడిట్ అగ్రికోల్‌లో అసోసియేట్ డైరెక్టర్‌గా పని చేస్తూ ఏడాది రెండు కోట్ల రూపాయల కన్నా ఎక్కువ వేతనం తీసుకునేది. చేస్తున్న పనిలో సవాళ్లు కనిపించకపోవడంతో జాబ్ వదిలేయాలనుకుంది. అనుకున్న విధంగా ఉద్యోగం వైదిలేసి యూట్యూబ్ ఛానల్ చెస్ట్ చేసింది.ఇతరులకు సాయం చేస్తూనే ఆర్థికంగా ఎదగాలని భావించిన నిశ్చా షా.. యూట్యూబ్ ఛానల్ ద్వారా పర్సనల్ ఫైనాన్స్ విషయాలను చెబుతూ కంటెంట్ క్రియేటర్ అవతారమెత్తింది. దీనికోసం 2023లో తన ఉద్యోగానికి రాజీనామా చేసింది. యూట్యూబ్ ద్వారా ఏకంగా రూ. 8 కోట్ల కంటే ఎక్కువ సంపాదించినట్లు సమాచారం.ప్రారంభంలో అనుకున్న విధంగా చేయడం కోసం చాలా ఇబ్బందులు ఎదుర్కొన్నట్లు.. వెయ్యిమంది సబ్‌స్క్రైబర్‌లను సంపాదించడానికి 11 నెలల సమయం పట్టిందని ఓ ఇంటర్వ్యూలో నిశ్చా షా పేర్కొన్నారు. ఆ సమయంలో పొదుపు చేసుకున్న డబ్బును వినియోగించుకున్నట్లు వెల్లడించారు. ఒక వీడియో బాగా వైరల్ కావడంతో 50వేలమంది సబ్‌స్క్రైబర్‌లను పొందేలా చేసింది. అప్పుడు ఒకేసారి రూ.3 లక్షలు సంపాదించినట్లు వెల్లడించారు.ఇదీ చదవండి: 22ఏళ్ళ క్రితం నిర్మించారు.. ఇప్పటికీ అక్కడ టోల్ ట్యాక్స్ ఎక్కువే! ఇప్పుడు నిశ్చా షా యూట్యూబ్ ఛానల్ 1.16 మిలియన్ సబ్‌స్క్రైబర్‌లను కలిగి ఉంది. దీంతో ఈమె యూట్యూబ్ వీడియోలు చేస్తూ భారీగానే ఆర్జిస్తోంది. అనుకున్నది సాధించడానికి ఉన్న ఉద్యోగం వదిలి సక్సెస్ సాధించింది. అయితే ఇది అందరికి సాధ్యమయ్యే పని కాదు. ఇలాంటి వాటికి పూనుకునే ముందు పదిసార్లు ఆలోచించడం మంచింది.

సాక్షి, హైదరాబాద్‌: కుట్రతో తనపైన, తన కుటుంబంపైన అసత్య ప్రచారాలను, కట్టు కథలను ప్రచారం చేస్తున్న కొన్ని టీవీ చానళ్లతో పాటు యూట్యూబ్‌ సంస్థలు, సోషల్‌ మీడియా సంస్థలకు బీఆర్‌ఎస్‌ వర్కింగ్‌ ప్రెసిడెంట్‌ కె.తారక రామారావు శనివరం లీగల్‌ నోటీసులు పంపించారు. పక్కా ప్రణాళికతో తనకు, తన కుటుంబానికి నష్టం కలిగించాలనే దురుద్దేశంతోనే ఈ చానళ్లు, మీడియా సంస్థలు దుష్ప్రచారం సాగిస్తున్నాయని ఆయన తాను పంపిన లీగల్‌ నోటీసుల్లో పేర్కొన్నారు. మీడియా ముసుగులో పక్కా ఎజెండాతో సాగిస్తున్న కుట్రలో భాగంగా తమకు సంబంధం లేని అనేక అంశాల్లో తమ పేర్లను, ఫొటోలను వాడుకుంటూ అత్యంత హీనమైన థంబ్‌ నెయిల్స్‌ పెడుతూ పబ్బం గడుపుకొంటున్నారని, ఈ చానళ్లపై తగిన చర్యలు తీసుకోవాలనుకుంటున్నట్లు కేటీఆర్‌ తెలిపారు. వెంటనే ఆ వీడియోలను తొలగించండి తమకు, తమ కుటుంబానికి సంబంధంలేని అంశాలలో దుర్మార్గపూరిత ప్రచారం చేస్తూ పెట్టిన వీడియోలను వెంటనే తొలగించాలని వారికి పంపిన లీగల్‌ నోటీసుల్లో పేర్కొన్నారు. కేవలం కొందరు వ్యక్తులు నడిపే యూట్యూబ్‌ చానళ్లతో పాటు కొన్ని మీడియా సంస్థలు కూడా పక్కా ప్రణాళిక ప్రకారం కక్షపూరితంగా వ్యవహరిస్తున్నాయని ఆయన ఆరోపించారు. కొన్ని మీడియా సంస్థలు, యూట్యూబ్‌ చానల్స్‌ ఇప్పటికే జరిగిన తమ తప్పును సరిదిద్దుకొని, అలాంటి వీడియోలను, కంటెంట్‌ను తీసివేసినట్లు చెప్పాయని కేటీఆర్‌ తెలిపారు. వారం రోజుల్లోగా మిగిలిన మీడియా చానళ్లు, యూట్యూబ్‌ చానల్స్‌ ఇలాంటి కంటెంట్‌ ని తీసివేయకుంటే మరిన్ని న్యాయపరమైన చర్యలు చేపడతామని స్పష్టం చేశారు.  యూట్యూబ్‌కి సైతం నోటీసులు కేవలం ఆయా సంస్థలకే కాకుండా నేరుగా యూట్యూబ్‌కి సైతం లీగల్‌ నోటీసులు పంపించామని కేటీఆర్‌ తెలిపారు. తమ పట్ల కుట్రపూరితంగా వ్యవహరిస్తూ అడ్డగోలుగా ప్రచారం చేస్తున్న సంస్థలు భవిష్యత్తులోనూ మరిన్ని లీగల్‌ నోటీసులకు, కేసులకు సిద్ధంగా ఉండాలని హెచ్చరించారు.  

టాలీవుడ్‌ సెన్సెషన్‌ నటి సమంత రూత్‌ ప్రభు 2022లో కండరాల క్షీణతకు సంబంధించిన మయోసిటిస్‌తో తీవ్రంగా బాధపడిన సంగతి తెలిసిందే. అందుకోసం అమెరికా, దక్షిణకొరియాలకు వెళ్లి ట్రీట్‌మెంట్‌ తీసుకుంది కూడా. ప్రస్తుతం  కొంతవరకు కోలుకున్న సమంత మళ్లీ సినిమా షూటింగుల్లో పాల్గొని ఇదివరకటిలా యాక్టివ్‌గా పనిచేస్తానని ప్రకటించారు. ఈ నేపథ్యంలో సమంత సోషల్‌ మీడియాలో ఒక వీడియోని కూడా పోస్ట్‌ చేశారు. అందులో త్వరలో తాను ఆరోగ్య చిట్కాలను అందించే ఓ యూట్యూబ్‌ ఛానెల్‌ని ప్రారంభించనట్లు పేర్కొన్నారు. అంతేగాదు 'టేక్‌ 20' పేరుతో ప్రారంభించనున్న యూట్యూబ్‌ టీజర్‌కి సంబంధించిన వీడియోని కూడా పోస్ట్‌ చేశారు. అందులో పోషకాహార నిపుణుడు అల్కేష్‌ షరోత్రితో మాట్లాడుతున్నట్లు కనిపిస్తుంది. ఈ టేక్‌ 20లో దైనందిన జీవితానికి అవసరమయ్యే నాణ్యతతో కూడిన ఆరోగ్యవంతమైన ఫుడ్‌కి సంబంధించిన సమాచారం అందించాలనేది తమ ప్రయత్నం అని సమంత వివరించింది. అలాగే ఇందులోని కంటెంట్‌ సమాజంలో ఉన్న అందరి జీవితాలను మార్చే విధంగా ఉంటుందని నమ్మకంగా చెప్పింది.  అంతేగాదు ఆరోగ్య చిట్కాలకు సంబంధించిన తొలి వీడియో తొలి వీడియో ఈ నెల (ఫిబ్రవరి) 19 విడుదల కానున్నట్లు తెలిపింది. చివరిసారిగా విజయ్ దేవరకొండతో కలిసి ఖుషీ చిత్రంలో కనిపించి సందడి చేసిన సమంతా రూత్ ప్రభు మళ్లీ ఈ తాజా వీడియోతో తన పునరాగమనం గురించి వెల్లడించింది. ఇక ఆమె తన సంస్థ ప్రత్యూష ఫౌండేషన్‌ ద్వారా పిల్లల భవిష్యత్తుకు సహాయం చేస్తున్న సంగతి తెలిసిందే. అదీగాక తన చీర బ్రాండ్ అయిన సాకితో నేత కార్మికులకు, సినిమా అవకాశాల కోసం ప్రయత్నిస్తున్న కళాకారులకు తన వంతుగా సాయం అందిస్తోంది సమంత!.  View this post on Instagram A post shared by Samantha (@samantharuthprabhuoffl) (చదవండి: వావ్‌!..వాట్‌ ఏ డ్రై ఫ్రూట్‌ జ్యువెలరీ!)

అయోధ్యలోని నూతన రామమందిరంలో జరిగిన ప్రాణ ప్రతిష్ఠ వేడుక అనేక రికార్డులను బద్దలు కొట్టింది. ప్రధాని నరేంద్ర మోదీ ఛానల్ ఈ రికార్డులలో అగ్రస్థానంలో నిలిచింది. లైవ్ స్ట్రీమ్ సమయంలో ప్రపంచంలోనే అత్యధిక వీక్షణలు అందుకున్న యూట్యూబ్ ఛానల్‌గా నరేంద్ర మోదీ ఛానల్ నిలిచింది.  రామ మందిరంలో జరిగిన ప్రాణ ప్రతిష్ఠ వేడుకను నరేంద్ర మోదీ ఛానెల్‌లో ప్రత్యక్ష ప్రసారం చేయగా తొమ్మిది మిలియన్ల మంది అంటే 90 లక్షల మందికి పైగా జనం ప్రత్యక్షంగా వీక్షించారు. అన్ని యూట్యూబ్ ఛానళ్ల లైవ్ స్ట్రీమ్ వీక్షణలలో ఇదే అత్యధిక రికార్డ్‌గా నిలిచింది.  నరేంద్ర మోదీ ఛానెల్‌లో రామ మందిరంలో జరిగిన ప్రాణ ప్రతిష్ఠ వేడుక  ‘PM Modi LIVE | Ayodhya Ram Mandir LIVE | Shri Ram Lalla Pran Pratishtha’ and ‘Shri Ram Lalla Pran Pratishtha LIVE’ టైటిల్స్‌తో ప్రత్యక్ష ప్రసారమైంది.    నరేంద్రమోదీ ఛానెల్‌లోని ఈ లైవ్‌కి ఇప్పటివరకు మొత్తం ఒక కోటి వ్యూస్ వచ్చాయి. అంతకుముందు ఇదే ఛానల్‌లో ప్రసారమైన చంద్రయాన్-3 ప్రయోగాన్ని 80 లక్షల మందికి పైగా జనం వీక్షించారు. ఈ రికార్డులలో మూడవ స్థానంలో ఫిఫా వరల్డ్ కప్ 2023 మ్యాచ్, నాలుగవ స్థానంలో యాపిల్‌ లాంచ్ ఈవెంట్ నిలిచాయి. నరేంద్ర మోదీ యూట్యూబ్ ఛానల్‌ సబ్‌స్క్రైబర్ల సంఖ్య 2.1 కోట్లు. ఇప్పటివరకూ ఈ ఛానల్‌లో మొత్తం 23,750 వీడియోలు అప్‌లోడ్ చేశారు. ఈ వీడియోల మొత్తం వీక్షణలు 472 కోట్లు. యూట్యూబ్‌లో అత్యధిక సబ్‌స్క్రైబర్‌లను దక్కించుకున్న ప్రపంచంలోని మొదటి నేతగా నరేంద్ర మోదీ నిలిచారు.

వైద్య రంగంలో విశ్వసనీయమైన సమాచారా న్ని అందించేందుకు ‘సాక్షి లైఫ్‌’ను తీసుకొచ్చింది సాక్షి మీడియా గ్రూప్‌. సమస్త ఆరోగ్య సమచారాన్ని సమగ్రంగా ఆర్టికల్స్, వీడియోల రూపంలో తీర్చిదిద్దింది. ఆరోగ్యం పట్ల అవగాహన పెంచేందుకు నిష్ణాతులైన డాక్టర్ల సూచనలు, సలహాలతో పాటు ఆహారం, వ్యాయామాల గురించి వివరంగా ఇందులో నిక్షిప్తం చేసింది. life.sakshi.com పేరుతో వచ్చిన ఈ వెబ్‌సైట్‌లో వైద్యరంగానికి సంబంధించిన అన్ని అప్‌డేట్స్‌ను అందుబాటులోకి తెచ్చింది. వివిధ విభాగాలకు సంబంధించి ప్రముఖ వైద్యు ల ఇంటర్వ్యూలు, నిపుణుల సలహాలను వీడియోల రూపంలో యూట్యూబ్‌లో sakshi life   ఛానల్‌లో అప్‌లోడ్‌ చేసింది.  ‘సాక్షి‘ ఇద్దరి స్పూర్తితో ఈ ప్రయత్నానికి శ్రీకారం చుట్టింది. వైద్యరంగం నుంచి వచ్చి రాజకీయ నాయకుడిగా ఎదిగి ఉమ్మడి ఆంధ్రప్రదేశ్‌ను పరిపాలించిన మహానేత డాక్టర్‌ వై.ఎస్‌.రాజశేఖరరెడ్డి ఒకరు. రూపాయికే వైద్యం అందించి ప్రజల గుండెల్లో చిరకాలం నిలిచిపోయిన వైఎస్సార్‌.. ముఖ్యమంత్రి అయిన తర్వాత ఆరోగ్యశ్రీ ని తీసుకొచ్చి ఎంతోమంది ప్రాణాలు కాపాడారు. మరొకరు డాక్టర్‌ ఈ.సీ.గంగిరెడ్డి. నిస్వార్థ వైద్య సేవలకు మారుపేరుగా నిలిచి ప్రజల గుండెల్లో కొలువైన డాక్టర్‌ ఈసీ గంగిరెడ్డి వైద్యం వృత్తి కాదు,ప్రాణం అని నమ్మారు. ఈ ఇద్దరి మహనీయుల స్ఫూర్తితో ‘సాక్షి లైఫ్‌ ‘ తెలుగు ప్రజల ముందుకు వస్తోంది. ఆరోగ్య సమాచారాన్ని సులువుగా తెలుగు వారందరికీ అందించాలన్నదే ‘సాక్షి’ లక్ష్యం. ఇటీవల జరిగిన ఒక కార్యక్రమంలో ఆంధ్రప్రదేశ్‌ గవర్నర్‌ ఎస్‌.అబ్దుల్‌ నజీర్, శ్రీమతి వై.ఎస్‌.భారతి రెడ్డి ‘సాక్షి లైఫ్‌’ వెబ్‌సైట్‌ తో పాటు యూట్యూబ్‌ ఛానెల్‌ ను లాంఛనంగా ఆవిష్కరించారు. సాక్షి లైఫ్‌ ప్రజలందరి ఆరోగ్య నేస్తం. అందుబాటులో ఉన్న వేర్వేరు వైద్య విధానాల గురించి చెప్పడమే కాదు, అసలు వ్యాధుల బారిన పడకుండా ఉండేందుకు తీసుకోవాల్సిన ముందస్తు జాగ్రత్తల గురించి కూడా తెలియజేస్తుంది.   life.sakshi.com https://www.youtube.com/@life.sakshi సాక్షి లైఫ్‌ప్రారంభం సందర్భంగా ప్రముఖ డాక్టర్లు ఏమన్నారంటే... ‘హెల్త్‌ కు సంబంధించిన విశ్వసనీయమైన సమాచారం సాక్షి లైఫ్‌లో ఉంది. ఇది సమాజానికి చాలా అవసరం.’  – డా.డి.నాగేశ్వర్‌ రెడ్డి, పద్మభూషణ్‌ అవార్డు గ్రహీత ‘ప్రస్తుతం నమ్మకమైన వైద్య సమాచారం అందుబాటులో లేదు, ఆ లోటును సాక్షి లైఫ్‌ భర్తీ చేస్తుందనుకుంటున్నాను’ . – డా. మంజుల అనగాని, ప్రముఖ గైనకాలజిస్ట్‌ ‘వైద్యరంగంలో పరిశోధనలు, వాటి విశేషాలను ప్రతిఒక్కరూ తెలుసుకోవాలి. వ్యాధుల గురించి ప్రజలకు అవగాహన కల్పించేలా సాక్షి లైఫ్‌ను తీర్చిదిద్దారు’.  – డా. చిన్నబాబు సుంకవల్లి, రోబోటిక్‌ సర్జికల్‌ ఆంకాలజిస్ట్‌ ‘ప్రతీ ఒక్కరికి గుండె కీలకం, అది ఆరోగ్యంగా ఉండాలంటే ఏం చేయాలన్నది సాక్షి లైఫ్‌లో విపులంగా చె΄్పారు’. – డా. ఎమ్‌.ఎస్‌.ఎస్‌. ముఖర్జీ, సీనియర్‌ ఇంటర్‌ వెన్షనల్‌ కార్డియాలజిస్ట్‌  ‘జీవనశైలిలో మార్పులే రోగాలకు కారణం, ఈ విషయంపై సాక్షి లైఫ్‌లో నిపుణుల సలహాలున్నాయి.’  – డా.గోపీ చంద్‌ మన్నం, చీఫ్‌ కార్డియో థొరాసిక్‌ సర్జన్‌ ‘ఆరోగ్య రంగానికి సంబంధించిన సరైన సమాచారాన్ని నిపుణులైన వైద్యుల ద్వారా అందుబాటులోకి తెచ్చిన ‘సాక్షి లైఫ్‌‘ కు వెల్‌కమ్‌’  – డా.కోనేటి నాగేశ్వరరావు, పీడియాట్రిక్‌ కార్డియాలజిస్ట్‌ ‘మానసిక సమస్యలు పైకి చెప్పుకోలేని వారికి సాక్షి లైఫ్‌లో నిపుణుల ఇంటర్వ్యూల ద్వారా మంచి అవగాహన కలుగుతుంది, ఆల్‌ ది బెస్ట్‌’ – డా. పూర్ణిమ నాగరాజు, సైకియాట్రిస్ట్‌  ‘ఆర్థరైటిస్‌ సమస్యలు తలెత్తడా నికి కారణాలు.. ముందుగా  తెలుసుకుంటే అవి రాకుండా జాగ్రత్త పడొచ్చు.. ఇలాంటి సమా చారాన్ని సాక్షి లైఫ్‌ ద్వారా అందిస్తున్నారు.’ – డా.కె. జె.రెడ్డి, జాయింట్‌ రీప్లేస్మెంట్‌ సర్జన్‌ 

'షహన షోమ్‌' మ్యూజికల్‌ జర్నీ తన అధికార యూట్యూబ్‌ చానల్‌ ‘వోల్డ్‌ బట్‌ గోల్డ్‌’తో మొదలైంది. దీని ద్వారా బాలీవుడ్‌ టైమ్‌లెస్‌ మెలోడిస్‌ను వినిపించి ఆబాలగోపాలాన్ని అలరిస్తోంది. ‘మొహబ్బత్‌ కర్నే వాలే’ లాంటి క్లాసిక్‌తో పాటు ‘సేవ్‌ ది గర్ల్‌చైల్డ్‌’ ‘ఎడ్యుకేషన్‌ ఫర్‌ ది అండర్‌ప్రివిలేజ్‌డ్‌’ లాంటి సామాజిక స్పృహతో కూడిన ఇతివృత్తాలతో పాటలు పాడుతుంది. చిన్నప్పుడు సినిమా పాటలే కాదు క్లాసిక్‌ గజల్స్, కీర్తనలు పాడేది. ప్రముఖ సంగీతకారుల వర్థంతిని దృష్టిలో పెట్టుకొని వారికి నివాళిగా యూట్యూబ్‌లో చేసే పాటల కార్యక్రమాలు సూపర్‌హిట్‌ అయ్యాయి.పాత పాటలు పాడుతుంటే కాలమే తెలియదు. 'టైమ్‌మెషిన్‌లో గతంలోకి  వెళ్లినట్లుగా అనిపిస్తుంది’ అంటున్న షహనకు దేశవ్యాప్తంగా ఎంతోమంది అభిమానులు ఉన్నారు. తన పాటల ద్వారా వివిధ సామాజిక సేవాకార్యక్రమాలకు నిధులను సేకరించడంలో కూడా ముందు ఉంటుంది. 'పాటల ద్వారా సామాజిక సందేశాలను ప్రజల్లోకి తీసుకువెళ్లడం నా లక్ష్యాలలో ఒకటి’ అని చెబుతుంది షహన. ఇవి చదవండి: ముగ్గురు మిత్రుల ముచ్చటైన విజయం

రాష్ట్ర ప్రభుత్వం ప్రతిష్టాత్మకంగా నిర్వహిస్తున్న ‘వైఎస్సార్‌ రైతు భరోసా ఛానల్‌’ దుమ్ము దులిపేస్తోంది. మూడేళ్ల క్రితం ఏర్పాటు చేసిన ఈ చానల్‌ నిరంతరాయంగా వీక్షకుల మన్ననలు పొందుతోంది. రైతాంగానికి కావాల్సిన సలహాలిస్తూ, వ్యవసాయం అనుబంధ రంగాలకు సూచనలు అందించి తోడ్పాటు ఇవ్వడంలో ముందు వరుసలో ఉంది. ఫలితంగా తక్కువ కాలంలోనే రైతులు ఆర్బీకే ఛానల్‌పై అధిక సంతృప్తి కనపరుస్తున్నారు. సొంతగా యూ ట్యూబ్‌ ఛానెల్‌ నెలకొల్పి అన్నదాతకు ఆసరాగా నిలబడుతుండడంతో ఏపీ ప్రభుత్వాన్ని పలు రాష్ట్రాలు ఆదర్శంగా తీసుకొని అక్కడ కూడా ఏర్పాటు చేసేలా అడుగులు వేస్తున్నాయి. అన్నపూర్ణగా వెలుగొందుతున్న ఏపీ వ్యవసాయ రంగంలో కాలానికి తగినట్లుగా విప్లవాత్మక మార్పులు రావడంతో రైతాంగం హర్షం వ్యక్తం చేస్తున్నారు. సాక్షి, అమరావతి: వైఎస్సార్‌ రైతు భరోసా ఛానల్‌ అనతి కాలంలోనే అన్నదాతలతో పాటు వ్యవసా­య అనుబంధ రంగాలకు చెందిన వారి మన్ననలు చూరగొంటోంది. ప్రారంభించి మూడేళ్లు కూడా పూర్తి కాకుండానే 2.75లక్షల సబ్ స్క్రిప్షన్, 55 లక్షల వ్యూయర్‌ షిప్‌తో  దూసుకుపోతోంది. దేశంలో మరెక్కడా లేని విధంగా ‘ఆర్‌బీకే’ పేరిట ప్రత్యేకంగా ఏర్పాటు చేసిన ఈ యూ ట్యూబ్‌ ఛానల్‌ జాతీయ స్థాయిలో గుర్తింపు పొందింది. కేంద్రంతోపాటు పొరుగు రాష్ట్రాలు, జాతీయ, అంతర్జాతీయ సంస్థలు, ప్రముఖుల ప్రశంసలందుకుంటోంది. ఏపీ స్ఫూర్తితో ఇప్పటికే రాజస్థాన్‌ ప్రభుత్వం రైతుల కోసం సొంతంగా యూ ట్యూబ్‌ ఛానల్‌ ఏర్పాటు చేస్తుండగా.. పలు రాష్ట్రాలు ఆ దిశగా అడుగులు వేస్తున్నాయి. నీతి ఆయోగ్, ఐసీఎఆర్,  ఆర్‌బీఐ వంటి జాతీయ సంస్థలకే  కాదు వరల్డ్‌బ్యాంక్, యూ­ఎన్‌కు చెందిన ఎఫ్‌ఏఒతోపాటు వివిధ దేశాల ప్రము­ఖులను సైతం ఆకట్టుకుంది. తెలంగాణ, తమిళనాడు, కేరళ, రాజస్థాన్‌తో పాటు వివిధ రాష్ట్రాల మంత్రులు, ఉన్నతాధికారులు ఛానల్‌ను సందర్శించి నిర్వహణ తీరును ప్రశంసించారు.    ఎస్‌ఎంఎస్‌ ద్వారా రైతు­లకు సమాచారం  రాష్ట్ర ప్రభుత్వం అమలు చేస్తున్న రైతు సంక్షేమ, అభివృద్ధి కార్యక్రమాలతో పాటు సాగులో వస్తున్న నూతన విధానాలను ఎప్పటికప్పుడు డిజిటల్‌ మీడి­యా ద్వారా రైతులకు చేరువ చేసే లక్ష్యంతో ఆర్బీకే ఛానల్‌ను ఏర్పాటు చేసింది. రైతుల అభ్యుదయ గాథలు, ఆదర్శ రైతుల అనుభవాలను ఆకట్టుకునేలా తీర్చి దిద్ది ప్రసారం చేస్తున్నారు. అలాగే సీఎం వైఎస్‌ జగన్‌మోహన్‌రెడ్డి పాల్గొనే అధికారిక కార్యక్రమాలను ప్రత్యక్ష ప్రసారం చేస్తున్నారు. వైఎస్సార్‌ యంత్ర సేవా కేంద్రాల్లో ఉండే పరికరాలు, ఉపయోగాలు రైతులందరికీ తెలిసేలా రైతు గ్రూపులతో ఛానల్‌ ద్వారా ఇంటరాక్షన్‌ కార్యక్రమాలు నిర్వహిసున్నారు. ఏ రోజు ఏ శాఖకు చెందిన కార్యక్రమాలు ప్రసారం అవుతున్నాయో? ఆర్బీకేల ద్వారా ప్రసారం చేసున్నారు. ఛానల్‌ ద్వారా ప్రసారమయ్యే కార్యక్రమాలను యూ ట్యూబ్‌లో అప్‌లోడ్‌ అవుతుండడంతో ఎప్పుడు కావాలంటే అప్పుడు మొబైల్‌ ద్వారా రైతులు వీక్షిస్తున్నారు.    1,628 వీడియోలు.. 500కు పైగా ప్రత్యక్ష ప్రసారాలు  ఆర్బీకే ఛానల్‌ కోసం ప్రత్యేకంగా గన్నవరం ఇంటిగ్రేటెడ్‌ కాల్‌ సెంటర్‌లో మూడేళ్ల క్రితం డిజిటల్‌ స్టూడియోను ఏర్పాటు చేసింది.  డిజిటల్‌ రంగంలో విశేష అనుభవం కలిగిన సిబ్బందిని ప్రత్యేకంగా నియమించారు. క్షేత్ర స్థాయిలో ఆదర్శ, అభ్యుదయ రైతులు సాధిస్తోన్న విజయాలపై ఇంటరŠూయ్వలు, డాక్యుమెంటరీలు రూప కల్పన కోసం ప్రత్యేకంగా అవుట్‌ డోర్‌ యూనిట్‌ను కూడా ఏర్పాటు చేసారు. శాఖల వారీగా అప్‌లోడ్‌ చేస్తున్న వీడియోలు, ప్రత్యక్ష ప్రసారాలకు అనూహ్య స్పందన లభిస్తోంది. ఇప్పటి వరకు 599 వ్యవసాయ, 589 ఉద్యాన, 257 పశు సంవర్ధక, 97 మత్స్య, 13 పట్టు శాఖలకు చెందిన వీడియోలతో పాటు వివిధ సంక్షేమ పథకాలకు సంబంధించి 73 వీడియోలు కలిపి ఇప్పటి వరకు 1,628 వీడియోలను అప్‌లోడ్‌ చేశారు. 500కు పైగా ప్రత్యక్ష ప్రసారాలను చేసారు. ఛానల్‌ను 2.75లక్షల మంది  సబ్ స్క్రిప్షన్‌ చేసుకోగా, జనవరి 4వ తేదీ నాటికి అప్‌లోడ్‌ చేసిన వీడియోలు, ప్రసారాలను 54,67,079 మంది వీక్షించారు. ప్రభుత్వ పరంగా ఏర్పాటు చేసిన ఓ యూట్యూబ్‌ ఛానల్‌కు ఈ స్థాయి వ్యూయర్‌ షిప్‌ లభించడం గొప్ప విషయమని చెబుతున్నారు.  ఆర్‌బీకే ఛానల్‌ ద్వారా ఎంతో మేలు  ‘ఆర్‌బీకే చానల్‌’ చాలా బాగుంది.  ఈ ఛానల్‌ ద్వారా ప్రసారం చేసే వీడియోలను రెగ్యులర్‌గా వీక్షిస్తుంటాను. సీజన్‌లో విత్తనాలు, ఎరువులు ఏ మేరకు నిల్వ ఉన్నాయి. ఎలా బుక్‌ చేసుకోవాలి. సాగులో సందేహాలనే కాకుండా.. విత్తు నుంచి విక్రయం వరకు రైతులు ఎదుర్కొనే సమస్యలకు చక్కని పరిష్కారాలు చూపిస్తున్నారు. ఈ తరహా ప్రయోగం ప్రభుత్వ పరంగా చేపట్టడం నిజంగా ప్రశంసనీయం.     –నందం రఘువీర్, మొక్కల జన్యు రక్షక్షుకుని అవార్డు గ్రహీత, పెనమూలురు,  కృష్ణ జిల్లా   రైతులు స్వచ్చందంగా సబ్ స్ర్కైబ్   రైతు ప్రాయోజిత కార్య­క్రమాలను ప్రసారం చేసే ఈ ఛానల్‌కు వ్యూయర్‌షిప్‌ అరకోటి దాటడం నిజంగా గొప్ప విషయం. సాగులో సందేహాలను నివృత్తి చేయడమే కాకుండా ఎప్పటికప్పుడు వ్యవసాయ అనుబంధ రంగాల్లో వస్తోన్న మార్పులు, నూతన సాంకేతిక పరిజ్ఞానాన్ని ఛానల్‌ ద్వారా రైతులకు చేరువ చేస్తున్నాం.  రైతులు స్వచ్చందంగా సబ్ స్ర్కైబ్ చేసుకుంటున్నారు.      –చేవూరు హరికిరణ్, స్పెషల్‌ కమిషనర్, వ్యవసాయ శాఖ 

ఢిల్లీ: ప్రధాని నరేంద్ర మోదీ వ్యక్తిగత యూట్యూబ్ ఛానల్ సరికొత్త రికార్డ్ సృష్టించింది. ఛానల్ సబ్‌స్రైబర్లు రెండు కోట్లు దాటారు. ప్రపంచంలో ఈ ఘనత దక్కిన నేత నరేంద్ర మోదీనే కావడం గమనార్హం.  గుజరాత్ ముఖ్యమంత్రిగా ఉన్నప్పుడు 2007లో మోదీ ఈ ఛానల్‌ను ఏర్పాటు చేశారు. అప్పటి నుంచి నేటి వరకు దీనిని వినియోగిస్తూనే ఉన్నారు. ఇందులో పోస్టు చేసిన వీడియోలకు 450 కోట్లకు పైగా వ్యూస్ వచ్చాయి. ఛానల్ సబ్‌స్రైబర్ల సంఖ్యలో బ్రెజిల్ మాజీ అధ్యక్షుడు బోల్సొనారో 64 లక్షలతో రెండో స్థానంలో ఉన్నారు.  వ్యూస్ అంశంలో మోదీ తర్వాత ఉక్సెయిన్ అధ్యక్షుడు జెలెన్‌ స్కీ ఉన్నారు. జెలెన్ స్కీ పోస్టు చేసిన వీడియోలకు 22.4 కోట్ల వ్యూస్ వచ్చాయి. ఆ తర్వాత స్థానాల్లో అమెరికా అధ్యక్షుడు బైడెన్ 7.89 లక్షల మంది, తుర్కియే అధ్యక్షుడు ఎర్డోగాన్‌కు 3.16 లక్షల మంది సబ్‌స్రైబర్లు ఉన్నారు. రాహుల్ గాంధీ ఛానల్‌కు 35 లక్షల మంది ఉన్నారు. ఇదీ చదవండి: అఫీషియల్‌: మణిపూర్‌ నుంచి ముంబై దాకా రాహుల్‌ గాంధీ ‘భారత్‌ న్యాయయాత్ర’

యూ ట్యూబ్‌ తెరుస్తున్న కొత్త ద్వారాలు చూస్తూనే ఉన్నాం. మన దగ్గర ఒక బర్రెలక్క ఉన్నట్టుగానే ఉత్తర ప్రదేశ్‌లో ఒక టీచరక్క ఉంది. ఇంటర్‌ మాత్రమే చదివిన వ్యవసాయ కూలీ యశోదా లోధి ఇంగ్లిష్‌ మీద ఆసక్తితో నేర్చుకుంది. ‘నాలాగే పల్లెటూరి ఆడవాళ్లు ఇంగ్లిష్‌ మాట్లాడాలి’ అనుకుని ఒకరోజు పొలం పని చేస్తూ, ఇంగ్లిష్‌ పాఠం వీడియో విడుదల చేసింది. ఇవాళ దాదాపు మూడు లక్షల మంది సబ్‌స్క్రయిబర్లు ఆమె ఇంగ్లిష్‌ పాఠాలను నేర్చుకుంటున్నారు. యశోదా లోధి సక్సెస్‌ స్టోరీ. ‘కట్‌ టు ద చేజ్‌’ అంటే ఏమిటి? ‘బై ఆల్‌ మీన్స్‌’ అని ఎప్పుడు ఉపయోగించాలి? ‘అకేషనల్లీకి సమ్‌టైమ్స్‌కి తేడా ఏమిటి?’... ఇలాంటి చిన్న చిన్న విషయాల నుంచి మంచినీళ్లు తాగినంత సులభంగా ఇంగ్లిష్‌ మాట్లాడటం ఎలాగో నేర్పుతోంది ఒక పల్లెటూరి పంతులమ్మ. ఆశ్చర్యం ఏమిటంటే తాను ఒకవైపు నేర్చుకుంటూ మరో వైపు నేర్పుతూ. చదివింది ఇంటర్మీడియట్‌ మాత్రమే. అది కూడా హిందీ మీడియమ్‌లో. కాని  యశోదా లోధి వీడియోలు చూస్తే ఆమె అంత చక్కగా ఇంగ్లిష్‌ మాట్లాడుతున్నప్పుడు మనమెందుకు మాట్లాడకూడదు అనిపిస్తుంది. అలా అనిపించేలా చేయడమే ఆమె సక్సెస్‌. ఆమె యూట్యూబ్‌ చానల్‌ సక్సెస్‌. ఇంగ్లిష్‌ విత్‌ దేహాతీ మేడమ్‌ ‘దెహాత్‌’ అంటే పల్లెటూరు అని అర్థం. యశోదా లోధి ఉత్తర ప్రదేశ్‌లోని కౌశాంబి జిల్లాలో సిరాతు నగర్‌ అనే చిన్న పల్లెటూళ్లో ఉంటోంది. అందుకే తన యూట్యూబ్‌ చానల్‌కు ‘ఇంగ్లిష్‌ విత్‌ దెహాతి మేడమ్‌’ అనే పేరు పెట్టుకుంది. ఆమె ఇంగ్లిష్‌ పాఠాలకు ఇప్పటికి రెండున్నర కోట్ల వ్యూస్‌ వచ్చాయి. మూడు లక్షల మంది సబ్‌స్క్రయిబర్లు ఉన్నారు. అంతే కాదు... ఆమెను చూసిన ధైర్యంతో చాలామంది గృహిణులు ఇంగ్లిష్‌ ఎంతో కొంత నేర్చుకుని ఆమెతో లైవ్‌లో ఇంగ్లిష్‌లో మాట్లాడుతూ మురిసిపోతుంటారు. ఇంగ్లిష్‌ మన భాష కాదు, మనం మాట్లాడలేము అనుకునే పల్లెటూరి స్త్రీలకు, గృహిణులకు యశోద గొప్ప ఇన్‌స్పిరేషన్‌గా ఉంది. 300 రూపాయల రోజు కూలి యశోద కుటుంబం నిరుపేదది. చిన్నప్పటి నుంచి యశోదకు బాగా చదువుకోవాలని ఉండేది. కాని డబ్బులేక అతి కష్టమ్మీద ఇంటర్‌ వరకు చదివింది. ఆ తర్వాత పెళ్లి చేసుకుంది. భర్త ఎనిమిది వరకు చదివారు. ఆడపడుచులు స్కూలు ముఖం చూడలేదు. అలాంటి ఇంటికి కోడలైంది యశోద. పల్లెలో భర్తతో పాటు బంగాళదుంప చేలలో కూలి పనికి వెళితే రోజుకు రూ. 300 కూలి ఇచ్చేవారు. మరోవైపు భర్తకు ప్రమాదం జరిగి కూలి పని చేయలేని స్థితికి వచ్చాడు. అలాంటి స్థితిలో ఏం చేయాలా... కుటుంబాన్ని ఎలా ఆదుకోవాలా... అని తీవ్రంగా ఆలోచించేది యశోద. ఒంటి గంట నుంచి మూడు వరకు పల్లెలో ఇంటి పని, పొలం పని చేసుకుంటూ మధ్యాహ్నం ఒంటి గంట నుంచి మూడు వరకు దొరికే ఖాళీలో మాత్రమే యశోద వీడియోలు చేస్తుంది. ‘మా ప్రాంతంలో నెలంతా సంపాదిస్తే 9 వేలు వస్తాయి. చాలామంది పిల్లలకు మంచి చదువు లేదు. నేను యూట్యూబ్‌లో బాగా సంపాదించి అందరికీ సాయం చేయాలని, మంచి స్కూల్‌ నడపాలని కోరిక’ అంటుంది యశోద. పల్లెటూరి వనితగా ఎప్పుడూ తల మీద చీర కొంగును కప్పుకుని వీడియోలు చేసే యశోదకు చాలామంది ఫ్యాన్స్‌ ఉన్నారు. ఇప్పుడు ఆమె ఆదాయం కూడా చాలా బాగా ఉంది. ఇది నేటి పల్లెటూరి విజయగాథ. గతి మార్చిన స్మార్ట్‌ఫోన్‌ ‘2021లో స్మార్ట్‌ఫోన్‌ కొనడంతో నా జీవితమే మారిపోయింది. అప్పటి వరకూ నాకు ఈమెయిల్‌ క్రియేట్‌ చేయడం తెలియదు, యూట్యూబ్‌ చూడటం తెలియదు. కాని ఫోన్‌ నుంచి అన్నీ తెలుసుకున్నాను. యూట్యూబ్‌లో మోటివేషనల్‌ స్పీచ్‌లు వినేదాన్ని. నాకు అలా మోటివేషనల్‌ స్పీకర్‌ కావాలని ఉండేది. కాని నా మాతృభాషలో చెప్తే ఎవరు వింటారు? అదీగాక నా మాతృభాష కొద్దిమందికే. అదే ఇంగ్లిష్‌ నేర్చుకుంటే ప్రపంచంలో ఎవరినైనా చేరవచ్చు అనుకున్నాను. అలా ఇంగ్లిష్‌ నేర్చుకోవాలని ఇంగ్లిష్‌ నేర్పించే చానల్స్‌ చూడసాగాను. నేర్చుకుంటూ వెళ్లాను. అలా నేర్చుకుంటున్నప్పుడే నాకు ఆలోచన వచ్చింది. నాలాగా ఇంగ్లిష్‌ నేర్చుకోవాలనుకునే పేద మహిళలు, పెద్దగా చదువుకోని మహిళలు ఉంటారు... వారి కోసం ఇంగ్లిష్‌ పాఠాలు చెప్పాలి అని. నేను ఆశించేదీ, అందరు మహిళలు చేయాలని కోరుకునేదీ ఒక్కటే... భయం లేకుండా ఇంగ్లిష్‌ మాట్లాడటం. అది కష్టం కాదు. నేను నేర్చుకున్నాను అంటే అందరికీ వస్తుందనే అర్థం’ అంటుంది యశోద.  

ఇంటర్నెట్, సోషల్ మీడియా రోజురోజుకు ప్రమాదకరంగా మారుతున్నాయి. వ్యక్తిగత గోప్యతకు భంగం కలిగించే అనేక సంఘటనలు పెరిగిపోతున్నాయి. తాజాగా పాకిస్థాన్‌కు చెందిన ప్రముఖ యూట్యూబర్ అలీజా సహర్ ఇందుకు ఉదాహరణగా చెప్పవచ్చు. అలీజా సహర్ పాకిస్థాన్‌లో ఉన్న ప్రముఖ యూట్యూబర్. అలీజా తన యూట్యూబ్ ఛానెల్ ద్వారా పాకిస్థాన్ పల్లెటూరి జీవితాన్ని చూపించేది. ఈ యూట్యూబర్‌కు సంబంధించిన ప్రైవేట్ వీడియో ఇప్పుడు సోషల్ మీడియాలో లీక్ అయింది. ఆ వీడియో సోషల్ మీడియాలో భారీగా వైరల్‌ అవుతుంది. పాకిస్థానీ యూట్యూబర్ ప్రైవేట్ వీడియో వైరల్ అలీజా సహర్ ప్రతిరోజు తన యూట్యూబ్ ఛానెల్ ద్వారా పాకిస్తాన్ గ్రామీణ జీవితాన్ని చూపించేది. దీంతో ఆమె  ఈ ఛానెల్ ద్వారా ప్రజాదరణ పొందింది. యూట్యూబ్, టిక్‌టాక్ ద్వారానే దాదాపు 15 లక్షల మంది సబ్‌స్క్రైబర్‌లను సంపాదించుకుంది. వారందరి కోసం పాకిస్తానీ గ్రామ ప్రజల జీవితం, వంట పద్ధతి, సంస్కృతి వంటి కంటెంట్‌ను చూపించేది. అలా సోషల్ మీడియా ద్వారా పాపులారిటీ సంపాదించుకున్న అలీజా సహర్ ఇప్పుడు వివాదంలో చిక్కుకుంది. ఆమె ప్రైవేట్ వీడియో సోషల్ మీడియాలో లీక్ అయి వైరల్‌గా మారింది. (ఇదీ చదవండి: కల్పికతో ఎఫైర్‌ లేదు.. ఆమె చేసిన రచ్చకు కారణం ఇదే: అభినవ్ గోమటం) ఏం జరిగింది..? అలీజా సహర్ ఒక వ్యక్తితో వీడియో కాల్‌లో మాట్లాడింది. ఆ సమయంలో జరిగిన కొన్ని కార్యకలాపాలు వీడియో కాల్‌లో రికార్డ్ చేయబడ్డాయి. దానిని ఆ వ్యక్తి ఎడిట్ చేసి సోషల్ మీడియాలో వైరల్ చేశాడని ఆమె తెలుపుతుంది. నివేదికల ప్రకారం ఆ వీడియో కాల్‌లో అలీజా సహర్ తన దుస్తులు తొలగించి శరీరాన్ని ప్రదర్శిస్తున్న దృశ్యాలతో పాటు కొంత అసభ్యకరమైన మాటలు ఉన్నాయని చెబుతున్నారు. దీంతో పాకిస్థానీ సోషల్ మీడియా స్టార్ చిక్కుల్లో పడింది. అయితే, అలీజా సహర్ ఇప్పటికీ దీని గురించి స్పందించి అందులో ఉండేది తాను కాదని ఎవరో వీడియోను ఎడిట్‌ చేశారంటూ ఆమె పాక్‌ ఫెడరల్ ఇన్వెస్టిగేషన్ ఏజెన్సీకి వెళ్లింది. కానీ నెటిజన్లు మాత్రం వీడియోలో ఉండేది పక్కాగా ఆమెనే అంటూ కామెంట్లు చేస్తున్నారు. సోషల్ మీడియా స్టార్ అలీజా సహర్ పాకిస్థాన్ ఫెడరల్ ఇన్వెస్టిగేషన్ ఏజెన్సీ (ఎఫ్‌ఐఏ)ని ఆశ్రయించి.. తన ప్రైవేట్ వీడియోను లీక్ చేసిన వ్యక్తిపై ఫిర్యాదు చేసింది. ఈమేరకు ఖతార్‌లో నివసిస్తున్న అతన్ని ఎఫ్‌ఐఏ గుర్తించినట్లు ఆమె తెలిపింది. ఈ విషయాన్ని అలీజా తన వీక్షకులకు చెప్పింది. సైబర్ క్రైమ్ టీమ్ కూడా తనకు సహాయం చేసేందుకు వచ్చిందని ఆమె తెలిపింది. కష్టకాలంలో తనకు మద్దతుగా నిలిచిన ఆన్‌లైన్ కమ్యూనిటీకి తన యూట్యూబ్‌ ద్వారా కృతజ్ఞతలు తెలిపింది. View this post on Instagram A post shared by Aliza Sehar Official (@aliza.sehar.official)

మన దేశంలో పుట్టిన చాలామందికి హిందీ మాట్లాడటం రాదు. కొంతమందికి అర్థమైనప్పటికీ మాట్లాడలేరు. అమెరికా నుంచి వచ్చిన జెస్సికా మాత్రం హిందీలో అనర్గళంగా మాట్లాడేస్తుంది. ఇలా పలకాలి అని హిందీ పాఠాలు కూడా చెబుతోంది. మనదేశానికి వచ్చే విదేశీయులకు హిందీతోపాటు సంస్కృతీ సంప్రదాయాలను పరిచయం చేస్తూ నెటిజనుల మన్ననలను అందుకుంటోంది ఈ ‘బిహారీ బహూ’. పదిహేడేళ్లుగా ఇండియాతో చక్కని బంధాన్ని కొనసాగిస్తోన్న జెస్సికా గురించి ఆమె మాటల్లోనే... ‘‘నేను చికాగోలో పుట్టాను. అమ్మానాన్న ఇరు కుటుంబాలకు చెందిన తాత, బామ్మలతో కలిసి ఉండే ఉమ్మడి కుటుంబం మాది. అక్కాచెల్లెళ్లు, అన్నదమ్ములతో కలిసి స్కూలుకు వెళ్లి చదువుకునేదాన్ని. ఆదివారం వచ్చిందంటే... కుటుంబమంతా కలిసి గడుపుతాం. నాన్న అంతర్జాతీయ వ్యాపారి కావడంతో తరచూ చైనా, కొరియాలు వెళ్తుండేవారు. ఆయన్ని చూసి నేను కూడా అలా తిరగాలని అనుకునేదాన్ని. కాలేజీ చదువుకోసం 18 ఏళ్ల వయసులో చికాగో నుంచి వేరే రాష్ట్రానికి వెళ్లాను. నాలుగేళ్లపాటు హాస్టల్‌లో ఉన్నాను. ‘చైనా, ఇండియాలలో ఆర్థికమాంద్యం వస్తుంది’ అని కాలేజీలో ఎక్కువమంది విద్యార్థులు మాట్లాడుకునేవారు. అది విన్న నాకు ఇండియా వెళ్లి అక్కడి పరిస్థితులు చూడాలనిపించేది. ఏడాదిలో తిరిగి వచ్చేస్తాను అనుకున్నా.. కాలేజీ చదువు పూర్తయిన తరువాత తెలిసిన వాళ్ల ఐటీ కంపెనీ హరిద్వార్‌లో ఉంటే.. అక్కడ ఇంటర్న్‌షిప్‌ చేయడానికి ఇండియా వచ్చాను. ఇంటర్న్‌షిప్‌తోపాటు భారతీయులు, వారి భాషల గురించి తెలుసుకోవచ్చని అనుకున్నాను. అనుకున్నట్టుగానే ఇరుగు పొరుగు నుంచి కూరగాయలు విక్రయించేవాళ్ల వరకు అందరితో పరిచయం ఏర్పడింది. అందరూ చక్కగా కలిసి పోయేవారు. ఏడాదిలో ఇంటర్న్‌షిప్‌ పూర్తయిన తరువాత అదే కంపెనీలో ఉద్యోగంలో చేరాను. అలా ఏడాదిలో తిరిగి వెళ్లకుండా ఇక్కడే ఉండిపోయాను. కొంతమంది స్నేహితుల ద్వారా అభిషేక్‌ పరిచయం అయ్యాడు. నేను ఇక్కడ ఉంటే.. అభిషేక్‌ అమెరికాలో చదువుకుంటున్నాడు. ఇద్దరం మంచి స్నేహితులుగా మారాం. నేను మా ఇంటికి వెళ్లినప్పుడల్లా అభిషేక్‌ను కలిసేదాన్ని. అలా మా ఇద్దరి స్నేహం ప్రేమగా మారి పెళ్లి వరకు వచ్చి బిహార్‌ కోడలిని అయ్యాను. అత్తమామల అనురాగం చూసి... హరిద్వార్‌లో ఉండే రోజుల్లో ఇక్కడి అత్తమామలు కుటుంబ పెద్దలుగా కోడళ్లు, మనవళ్లను చూసే విధానం నాకు బాగా నచ్చింది. అభిషేక్‌ను పెళ్లిచేసుకోవడానికి అది కూడా ఒక కారణం. మేము పెళ్లి చేసుకుంటామని మా నాన్నని అడిగాం. ‘చదువుకున్నాడు, సంపాదిస్తున్నాడు. నిన్ను బాగా చూసుకుంటాడు కాబట్టి పెళ్లిచేసుకో’ అని నాన్న చెప్పారు. అభిషేక్‌ కుటుంబ సభ్యుల్లో సగం మంది అమెరికాలో నివసిస్తుండడంతో వారి గురించి బాగా అర్థం చేసుకోవడం కూడా నాన్న ఒప్పుకోవడానికి ఒక కారణం. అభిషేక్‌ తల్లిదండ్రులు విదేశీ అమ్మాయిని కోడలుగా ఒప్పుకోవడానికి మొదట్లో భయపడ్డారు. ఎలాంటి అమ్మాయో అని సందేహించినప్పటికీ మా కుటుంబం గురించి తెలుసుకుని పెళ్లికి సమ్మతించడంతో 2010లో మా వివాహం జరిగింది. జీవితాంతం  ఆధారపడాల్సిందే... పెళ్లి అయిన తరువాత అమెరికాలో కొన్నిరోజులు, ఇండియాలో కొన్ని రోజులు ఉండేవాళ్లం. ఆరేళ్ల తరువాత బిహార్‌కి వచ్చి స్థిరపడ్డాం. మాకు ఇద్దరు పిల్లలు బాబు, పాప. ప్రపంచంలో కూతురికంటే కొడుకులనే మరింత ప్రేమగా చూసుకుంటారు. ఇండియాలో ఇది కాసింత ఎక్కువే. అమ్మాయిలకు ఇంట్లో పనులన్నీ చక్కబెట్టేలా అన్నీ నేర్పిస్తారు. అబ్బాయిలకు మాత్రం ఏమీ నేర్పించరు. కొంతమంది తల్లులు అయితే ‘మా అబ్బాయికి కప్పు టీ పెట్టడం కూడా  రాదు’ అని గర్వంగా చెబుతుంటారు. ఇలా అయితే వాళ్లు స్వయంసమృద్ధిని సాధించలేరు. జీవితాంతం ఇతరుల మీద ఆధారపడి జీవించాల్సిందే. అందుకే నేను నా పిల్లలకు లింగభేదం లేకుండా అన్నీ నేర్పిస్తున్నాను. నేర్చుకుని నేర్పిస్తున్నా... హరిద్వార్‌లో ఉన్నప్పుడే హిందీ నేర్చుకున్నాను. కోర్సు కూడా చేశాను. బిహార్‌కి వచ్చిన తరువాత నా హిందీ బాగా మెరుగుపడింది. బిహారీలు మాట్లాడే హిందీ సరిగాలేదని, వారి మాటలు విని నవ్వుతుంటారు చాలామంది. కానీ ఇక్కడ మాట్లాడే హిందీలో సంస్కృతం, భోజ్‌పూరి, మైథిలి, ఆంగిక వంటి భాషలు కూడా కలుస్తాయి. అందుకే బిహారీలు మాట్లాడే హిందీ కొంచెం విభిన్నంగా ఉంటుంది. బిహారీలు మాట్లాడే హిందీపై చాలామందికి ఉండే చిన్నచూపు, వివక్ష పోవాలని నా వీడియోల్లో..  బిహారీ స్టైల్‌ హిందీనే మాట్లాడుతున్నాను.   ఇండియా విత్‌ జెస్సికా ఇక్కడ ఉండే భారతీయులకు, విదేశాల్లో ఉండే ఇండియన్స్‌కు హిందీ నేర్పిస్తున్నాను. అమెరికా, కెనడాలలో స్థిరపడిన ఎంతోమంది భారతీయుల పిల్లలకు హిందీలో మాట్లాడడం తెలీదు. ఇది వాళ్లకు పెద్ద సమస్య. అందుకే నేను హిందీ నేర్పిస్తున్నాను. నాలుగున్నరేళ్ల క్రితం ‘ఇండియా విత్‌ జెస్సికా’ పేరిట యూట్యూబ్‌ ఛానల్, ఇన్‌స్టాగ్రామ్‌ అకౌంట్‌ తెరిచాను. వీటిద్వారా భారతీయ సంస్కృతీ సంప్రదాయాలను పరిచయం చేస్తున్నాను. కొన్నిసార్లు వివిధ రకాల అంశాలపై మాట్లాడడానికి అతిథిగా కూడా వెళ్తున్నాను. అమెరికా అమ్మాయి ఇండియా గురించి మాట్లాడడం, అందులో హిందీలో అనర్గళంగా మాట్లాడుతుంది అని తెలిసిన వాళ్లంతా ఆశ్చర్యంగా నా క్లాసులు వినడానికి ఆసక్తి చూపిస్తున్నారు. కొంతమంది డబ్బుల కోసం లిప్‌సింక్‌ వీడియోలు పోస్టు చేస్తుంటారు. నేను అవేమీ చేయడం లేదు. కేవలం తెలియని సమాచారం ఇవ్వడమే నా లక్ష్యం. అందుకే ఫాలోవర్స్‌ గురించి కూడా పట్టించుకోను. కొంతమంది మెసేజులకు జవాబులు చెప్పడం లేదని తిడుతుంటారు. నన్ను సెలెబ్రిటీలా చూస్తున్నారు. కానీ నేను సెలబ్రిటీని కాదు. ఇద్దరు పిల్లలకు తల్లిని, వాళ్లకు నేర్పించాలి. వంట చేయాలి, ఇంటిని చూసుకోవాలి. నాకంటూ వ్యక్తిగత జీవితం ఉంది. నేను అందరిలానే సామాన్యమైన వ్యక్తిని’’ అని ఎంతో నిరాడంబరంగా చెబుతోంది జెస్సికా.

‘సరిగా అర్థం చేసుకోవడం నుంచే ప్రతిభకు బీజాలు పడతాయి’ అంటారు. ‘నాకు అర్థం కాలేదు’ అన్నంత మాత్రాన ఆ స్టూడెంట్‌ తెలివి తక్కువ అని కాదు. ఒక సబ్జెక్ట్‌ అర్థం కాకపోవడానికి, అవడానికి మధ్య ఏదో గ్యాప్‌ ఉండి ఉండవచ్చు. ఆ ఖాళీని పూరించగలిగితే అద్భుత ఫలితాలు సాధించవచ్చని ‘స్టెమాన్‌స్టర్‌’ద్వారా నిరూపించింది బెంగళూరుకు చెందిన సైంటిస్ట్‌ సోనాలి గుప్తా... ఆరోజు స్కూలు నుంచి వచ్చిన శ్రిష్టి తల్లి సోనాలిని ఒక డౌట్‌ అడిగింది.‘లోహంతో తయారు చేసిన ఓడ నీటిలో ఎలా తేలుతుంది?’నాల్గవ తరగతి చదువుతున్న శ్రిష్టి ఇలాంటి సందేహాలెన్నో తల్లిని అడుగుతుంటుంది. అప్పటికప్పుడు జవాబు చెప్పి చిన్నారి సందేహాన్ని తీరుస్తుంటుంది సోనాలి. ఇంట్లో శ్రిష్టి కోసం ఒక ల్యాబ్‌ను కూడా ఏర్పాటు చేసింది. ఈ ల్యాబ్‌ను పరిశీలించడం ద్వారా శ్రిష్టిలో శాస్త్రీయ విషయాలపై ఆసక్తి పెంచాలనేది సోనాలి కోరిక. ఫిజిక్స్‌లో పీహెచ్‌డీ చేసిన సోనాలికి కూతురు అడిగే ప్రశ్నలకు సమాధానం చెప్పడం అత్యంత సులువైన పని. మరి శాస్త్రీయ విషయాలపై అవగాహన లేని తల్లిదండ్రుల పరిస్థితి ఏమిటి? ఓడకు సంబంధించిన కుమార్తె సందేహాన్ని ఇంట్లో అందుబాటులో ఉన్న వస్తువులతోనే చెప్పింది సోనాలి. తాను అలా చెప్పడం వల్ల శ్రిష్టికి సులభంగా అర్థమైంది. ఇదే విధానంలో ఇతర పిల్లలకు చెబితే ఎలా ఉంటుందనే ఆలోచన వచ్చింది. ఈ ఆలోచన లాక్‌డౌన్‌ టైమ్‌లో పట్టాలకెక్కింది. ‘అది నా జీవితంలో చెప్పుకోదగిన ముఖ్య సందర్భం’ అంటుంది సోనాలి. ‘లెర్నింగ్‌ బై డూయింగ్‌’ అనే నినాదంతో పిల్లలకు శాస్త్రీయ విషయాలపై అవగాహన పెంచడానికి హ్యాండ్స్‌–ఆన్‌ లెర్నింగ్‌ ఆన్‌లైన్‌ ప్లాట్‌ఫామ్‌ ‘స్టెమాన్‌స్టర్‌’కు శ్రీకారం చుట్టింది. రకరకాల సందేహాలను తీర్చేలా వాట్సాప్‌ వేదికగా ఎన్నో వీడియోలు చేసింది. సంప్రదాయ బోధన ఎలా మెరుగుపడాలో చెబుతున్నట్లుగా ఉండేవి ఆ వీడియోలు. పరిచితులు, అపరిచితులు, మిత్రుల నుంచి అభినందనలు వెల్లువెత్తాయి. ‘మీ వీడియోలు అంటే మా పిల్లలకు ఎంతో ఇష్టం’ అని ఎక్కడో ఒకచోట ఎవరో ఒకరు చెప్పినప్పుడల్లా సోనాలికి ఉత్సాహంగా ఉండేది. ‘చాలా స్కూళ్లలో సైన్స్‌ అనేది సూత్రాలు, నిర్వచనాల పరిధి దాటి బయటికి రాదు. నిర్వచనాలు నిర్వచనాలలాగే చెప్పడం వల్ల అందరు పిల్లలకు అర్థం కాకపోవచ్చు. అందుకే అందరికీ అర్థమయ్యేలా ప్రాక్టికల్‌గా చెప్పాలి. ప్రపంచంలో గొప్ప ల్యాబ్స్‌ అని చెప్పుకోదగ్గ ఎన్నో ల్యాబ్స్‌లో పనిచేశాను. ఎందరో పిల్లలు ఆ ల్యాబ్స్‌లో కనిపించేవారు. పిల్లలకు సైన్స్‌పై ఆసక్తి అక్కడినుంచే మొదలవుతుంది’ అంటుంది సోనాలి. ‘స్టెమాన్‌స్టర్‌’ ద్వారా సైన్స్, గణితానికి సంబంధించి జటిలమైన కాన్సెప్ట్‌ల గురించి పిల్లలకు సులభంగా అర్థమయ్యేలా వివిధ రకాల వస్తువులను ఉపయోగించి చెబుతున్నారు. ఎనిమిది నుంచి పద్నాలుగు సంవత్సరాల మధ్య వయసు ఉన్న పిల్లలను దృష్టిలో పెట్టుకొని వీటిని రూపొందించారు. ‘పిల్లలు నా నుంచి మాత్రమే కాదు ఒకరి నుంచి ఒకరు నేర్చుకుంటున్నారు’ నవ్వుతూ అంటుంది సోనాలి. అయిదవ తరగతి చదువుతున్న ఆర్యన్‌ కేజ్రీవాల్‌కు సౌరవ్యవస్థ అనేది ఆసక్తికరమైన సబ్జెక్ట్‌. ‘స్టెమాన్‌స్టర్‌’ ΄ప్లాట్‌ఫామ్‌ ద్వారా తనకు ఇష్టమైన సబ్జెక్ట్‌కు సంబంధించి ఎన్నో విషయాలను తెలుసుకోగలిగాడు. ‘నేను ఒరిగామి స్టార్స్‌ తయారు చేస్తాను. వాటి ద్వారా ఎన్నో సైన్స్‌ విషయాలు ఫ్రెండ్స్‌కు చెబుతుంటాను’ అంటాడు ఆర్యన్‌. ‘మా అబ్బాయిలో ఎంత మార్పు వచ్చిందంటే ఇప్పుడు మ్యాథ్స్, సైన్స్‌ వాడి ఫేవరెట్‌ సబ్జెక్ట్‌లు’ అంటుంది ఆనందంగా ఆర్యన్‌ తల్లి ఆంచల్‌. ప్రశ్న–జవాబుల నుంచి వర్క్‌షాప్‌ల వరకు ‘స్టెమాన్‌స్టర్‌’ ద్వారా రకరకాల కార్యక్రమాలు నిర్వహిస్తున్నారు. ‘ఆస్క్, డూ, లెర్న్, రిపీట్‌’ అంటూ పిల్లలకు దగ్గరవుతోంది స్టెమోన్‌స్టర్‌.  

సాక్షి, రాజన్న సిరిసిల్ల జిల్లా: రీల్స్ పిచ్చిలో పడి కొందరు యువకులు ప్రవర్తిస్తున్న తీరుతో ప్రజలు ఇబ్బందులు పడుతున్నారు. వేములవాడ పట్టణంలో ముగ్గురు యువకులు బైక్‌పై మొహాలు కనబడకుండా న్యూస్ పేపర్లు చుట్టుకొని వేములవాడ వీధుల గుండా పెద్ద పెద్ద శబ్దాలు చేసుకుంటూ తిరగడంతో.. పట్టణ వాసులు భయభ్రాంతులకు గురయ్యారు. కొందరు యువకులు వారిని వెంబడించి పట్టుకొని ప్రశ్నించగా తాము కొత్తగా యూట్యూబ్ ఛానల్ ప్రారంభించామని, ప్రమోషన్ కోసం వీడియో షూట్ చేశామని తెలిపారు. ఆ మాటలు విన్న పట్టణ వాసులు ఒక్కసారిగా అవాక్కై.. ఒకింత చిరాకు పడ్డారు. ఇదేం పిచ్చి రా బాబోయ్ అంటూ తలలు పట్టుకున్నారు. చదవండి: కూలీలకు దొరికిన 240 బంగారు నాణేలు.. కానీ అంతలోనే.. 

శ్రద్ధా కాప్రాను అందరూ ‘మైక్రోసాఫ్ట్‌ వాలీ దీదీ’ అని పిలుస్తారు. శ్రద్ధ బంగారంలాంటి మైక్రోసాఫ్ట్‌ ఉద్యోగాన్ని వదిలేసింది. ‘యువత కెరీర్‌ కోసం గైడెన్స్‌ అవసరం’ అని ‘అప్నా కాలేజ్‌’ పేరుతో ఓ యూట్యూబ్‌ చానల్‌ మొదలుపెట్టింది. రెండేళ్లలో 40 లక్షల మంది సబ్‌స్క్రయిబర్స్‌ అయ్యారు. మైక్రోసాఫ్ట్‌ జీతం కన్నా ఎన్నో రెట్ల ఆదాయం శ్రద్ధకు వస్తోంది. ఏ కోర్సు చదవాలి, ఏ ఉద్యోగం చేయాలి లాంటి సలహాలు ఎప్పటికప్పుడు ట్రెండ్‌కు తగినట్టు ఇవ్వడమే శ్రద్ధ సక్సెస్‌కు కారణం. ‘హరియాణలోని చిన్న పల్లెటూరు మాది. మా నాన్న గవర్నమెంట్‌ ఉద్యోగైనా నేను ఏం చదవాలో గైడ్‌ చేయడం ఆయనకు తెలియదు. టీచర్లు కూడా గైడ్‌ చేస్తారనుకోవడం అంత కరెక్ట్‌ కాదు. ఇప్పటికీ కాలేజీ స్థాయి నుంచి యువతకు తమ కెరీర్‌ పట్ల ఎన్నో డౌట్లు ఉంటాయి. వారికి గైడెన్స్‌ అవసరం. ఎప్పటికప్పుడు విషయాలు తెలుసుకుని గైడ్‌ చేయాలి. నేను కొద్దోగొప్పో చేయగలుగుతున్నాను కాబట్టే ఈ ఆదరణ’ అంటుంది శ్రద్ధా కాప్రా. ఈమెకు లక్షలాది మంది అభిమానులు ఉన్నారు ఈనాటి కాలేజీ విద్యార్థుల్లో. ముఖ్యంగా ఇంజనీరింగ్‌ స్టూడెంట్స్‌లో. వీరంతా శ్రద్ధను ‘శద్ధ్రా దీదీ’ అని,‘మైక్రోసాఫ్ట్‌ వాలీ దీదీ’ అని పిలుస్తారు. ఆమె చేసే వీడియోలను వారు విపరీతంగా ఫాలో అవుతారు. ఆ వీడియోల్లో ఆమె చెప్పే సలహాలను వింటారు. డాక్టర్‌ కాబోయి... శ్రద్ధ తన బాల్యంలో టీవీలో ఒక షో చూసేది. అందులో డాక్టర్లు తాము ఎలా క్లిష్టమైన కేసులు పరిష్కరించారో చెప్పేవారు. ఆ షో చూసి తాను డాక్టర్‌ కావాలనుకుని ఇంటర్‌లో ‘పిసిఎంబి’ (ఫిజిక్స్, కెమిస్ట్రీ, మేథ్స్, బయాలజీ) తీసుకుంది. కాని జూనియర్‌ ఇంటర్‌ పూర్తయ్యే సరికి డాక్టర్‌ కావడం చాలా కష్టమని అర్థమైంది. అందుకే మేథ్స్‌వైపు దృష్టి సారించింది. ‘చిన్నప్పటి నుంచి రకరకాల పోటీ పరీక్షలు ఎక్కడ జరిగినా రాసేదాన్ని. ఇంటర్‌ అయ్యాక ఎంట్రన్స్‌లు రాస్తే ర్యాంక్‌ వచ్చింది. కాని ఏ బ్రాంచ్‌ ఎన్నుకోవాలో తెలియలేదు. వరంగల్‌ ఎన్‌.ఐ.ఐ.టి.లో సివిల్‌కు అప్లై చేస్తే సీట్‌ వచ్చింది. సివిల్‌ ఎందుకు అప్లై చేశానో నాకే తెలియదు. అయితే దాంతో పాటు ఎన్‌.ఎస్‌.ఐ.టి. (నేతాజీ సుభాష్‌ యూనివర్సిటీ ఆఫ్‌ టెక్నాలజీ, ద్వారకా)లో కంప్యూటర్‌ సైన్స్‌ అప్లై చేస్తే ఆ సీటు కూడా వచ్చింది. దీనికంటే అదే మెరుగనిపించి కంప్యూటర్‌ సైన్స్‌ చదివాను’ అని తెలిపింది శ్రద్ధ. ఉద్యోగం, టీచింగ్‌ చదువు చివరలో ఉండగానే హైదరాబాద్‌ మైక్రోసాఫ్ట్‌లో ఇన్‌టెర్న్‌ వచ్చింది శ్రద్ధకు. అది పూర్తయ్యాక ఉద్యోగమూ వచ్చింది. అయితే శ్రద్ధ ఇన్‌టెర్న్‌ చేస్తున్నప్పటి నుంచే గచ్చిబౌలిలో కంప్యూటర్‌ కోర్సులను బోధించసాగింది. ఉద్యోగం వచ్చాక కూడా కంప్యూటర్‌ కోర్సులకు ఫ్యాకల్టీగా పని చేసింది. ‘ఉద్యోగంలో కంటే ఎవరి జీవితాన్నయినా తీర్చిదిద్దే బోధనే నాకు సరైందనిపించింది. అదే సమయంలో యూట్యూబ్‌ ద్వారా ఎక్కడెక్కడో ఉన్న విద్యార్థులకు పాఠాలు చెప్పడం, కోర్సులు తెలియచేయడం, వారి స్కిల్స్‌ పెరిగేలా గైడ్‌ చేయడం అవసరం అనుకున్నాను. మైక్రోసాఫ్ట్‌లో నాది మంచి ఉద్యోగం. కాని ఏదైనా కొత్తగా చేయాలనుకోవడం కూడా మంచిదే అని జాబ్‌కు రిజైన్‌ చేశాను’ అంది శ్రద్ధ. అప్నా కాలేజ్‌ శ్రద్ధ ‘అప్నా కాలేజ్‌’ పేరుతో యూట్యూబ్‌ చానల్‌ తెరిచింది. ఇంటర్‌ స్థాయి నుంచి విద్యార్థులకు ఏయే కోర్సులు చదివితే ఏం ఉపయోగమో, ఏ ఉద్యోగాలకు ఇప్పుడు మార్కెట్‌ ఉందో, ఆ ఉద్యోగాలు రావాలంటే ఏ కోర్సులు చదవాలో తెలిపే వీడియోలు చేసి విడుదల చేయసాగింది. 2020లో ఈ చానల్‌ మొదలుపెడితే ఇప్పుడు 40 లక్షల మంది సబ్‌స్క్రయిబర్లు తయారయ్యారు. కోట్లాది వ్యూస్‌ ఉంటాయి. అందుకు తగ్గట్టుగా లక్షల్లో శ్రద్ధ ఆదాయం ఉంది. ‘ముప్పై ఏళ్ల క్రితం డిగ్రీల ఆధారంగా ఉద్యోగాలు ఇచ్చేవారు. ఎందుకంటే డిగ్రీలు తక్కువ ఉండేవి. ఇవాళ డిగ్రీలు అందరి దగ్గరా ఉన్నాయి. కావాల్సింది స్కిల్స్‌. ఏ ఉద్యోగం చేయాలనుకుంటున్నారో ఆ ఉద్యోగానికి సంబంధించిన స్కిల్స్‌ అభివృద్ధి చేసుకోవాలి. అప్పుడు ముందుకు దూసుకెళ్లవచ్చు. నా వీడియోలు ఆ మార్గంలో ఉంటాయి’ అని తెలిపింది శ్రద్ధ అలియాస్‌ సలహాల అక్క.   

భారతదేశంలో పదిహేను వసంతాలను పూర్తి చేసుకున్న యూట్యూబ్‌ (ఇండియా) పల్లె నుంచి మహా పట్నం వరకు యువతరంలో ఎంతోమందిని కంటెంట్‌ క్రియేటర్స్‌గా మార్చింది. ఎప్పటికప్పుడు ప్రేక్షకుల నాడిని తెలుసుకుంటూ, యూట్యూబ్‌ కొత్త టూల్స్‌ను అందిపుచ్చుకుంటూ తమ సృజనాత్మక శక్తులను బలోపేతం చేసుకుంటున్నారు యంగ్‌ క్రియేటర్‌లు. వీడియో షేరింగ్‌ ప్లాట్‌ఫామ్‌ అయిన యూట్యూబ్‌ యువత రంగుల కలలను సాకారం చేసే రంగస్థలం అయింది. ప్యారే దోస్తుగా మారింది... ‘మన దేశ డిజిటల్‌ ట్రాన్స్‌ఫర్‌మేషన్‌ పదిహేను సంవత్సరాల యూట్యూబ్‌ ప్రయాణంలో కనిపిస్తుంది’ అంటాడు యూట్యూబ్‌ ఇండియా డైరెక్టర్‌ ఇషాన్‌ ఛటర్జీ. డిజిటల్‌ ట్రాన్స్‌ఫర్‌మేషన్‌ మాట ఎలా ఉన్నా యువతరం క్రియేటివ్‌ ఎంటర్‌ప్రెన్యూర్‌షిప్‌ మాత్రం స్పష్టంగా కనిపిస్తుంది. యూట్యూబ్‌ ఎంతోమంది క్రియేటర్‌లను సృష్టించింది. కొత్త కెరీర్‌ దారులను పరిచయం చేసింది. చెన్నైకి చెందిన మలర్‌ సరదాగా యూట్యూబ్‌లో ఇంగ్లీష్‌–స్పీకింగ్‌ కోర్సు మొదలుపెట్టింది. ఆ తరువాత ఆఫ్‌లైన్‌లో కూడా సక్సెస్‌ అయింది. తన యూట్యూబ్‌ కుకింగ్‌ చానల్‌తో సక్సెస్‌ అయిన పశ్చిమబెంగాల్‌లోని గ్రామీణ ప్రాంతానికి చెందిన పుష్పరాణి సర్కార్‌ ‘ఈ చానల్‌ ద్వారా నలుగురికి నా పేరు తెలియడమే కాదు ఉద్యోగం చేయాల్సిన అవసరం లేకుండా పోయింది’ అంటుంది. ఎబిన్‌ జోస్‌ పాపులర్‌ యూట్యూబ్‌ చానల్‌ ‘ఫుడ్‌ అండ్‌ ట్రావెల్‌’కు 7,00,000 సబ్‌స్క్రైబర్‌లు ఉన్నారు. ‘అనుకరణతో ఫలితం ఉండదు. ఎవరి సక్సెస్‌ ఫార్ములాను వారు రూపొందించుకోవాల్సిందే’ అంటాడు జోస్‌. 2008లో మన దేశంలోకి యూ ట్యూబ్‌ లోకలైజ్‌డ్‌ వెర్షన్‌ అడుగు పెట్టింది. ఈ పదిహేను సంవత్సరాల కాలంలో ఎన్నో అవతారాలు ఎత్తింది. ఎన్నో ట్రెండ్స్‌ను పరిచయం చేసింది. ఈ ట్రెండ్స్‌లో యువతరానిదే పై చేయిగా మారింది.యూట్యూబ్‌ ట్రెండ్స్‌–2023 రిపోర్ట్‌ ప్రకారం జెన్‌ జడ్‌లో 69 శాతం మంది ప్రేక్షకులు షార్ట్‌ ఫామ్, లాంగ్‌ ఫామ్,  లైవ్‌స్ట్రీమ్‌... ఇలా ఏ ఫార్మట్‌లోనైనా తమ అభిమాన క్రియేటర్‌ కంటెంట్‌ను చూడడానికి ఇష్టపడుతున్నారు. నిర్దిష్టమైన కంటెంట్, ఆర్టిస్ట్‌లు, పబ్లిక్‌ ఫిగర్స్‌కు సంబంధించి ఫ్యాన్స్‌ రూపొందించిన వీడియోలను చూడడానికి ఇష్టపడుతున్నట్లు జెన్‌ జడ్‌లో 48 శాతం మంది చెబుతున్నారు. పదిహేను సంవత్సరాల కాలంలో యూట్యూబ్‌ యూత్‌ ఫ్రెండ్లీ ప్లాట్‌ఫామ్‌గా మారింది. మహానగరంలో ఉన్నా, మారుమూల పల్లెలో ఉన్నా ఒక చిన్న బ్రైట్‌ ఐడియాతో అంతర్జాతీయ స్థాయిలో మెరిసిపోయేలా ఈ వేదిక యూత్‌కు ఉపకరించింది. డ్యాన్స్‌ ట్యుటోరియల్స్‌ నుంచి హౌ–టు వీడియోల వరకు యువతరంలో ఎంతోమందిని ఫేమ్‌ చేసింది. యూ ట్యూబ్‌ పార్ట్‌నర్‌ ప్రోగ్రామ్‌ (2011) లాంచ్‌తో ఎంతోమంది క్రియేటర్‌లకు ఒక వేదిక దొరికింది. ఈ ఫస్ట్‌ వేవ్‌ క్రియేటర్‌లు తమ విజయాలతో ఎంతోమందిని ప్రభావితం చేశారు.మ్యూజిక్, సినిమాలు ఆరాధించే మన దేశంలో యూట్యూబ్‌ వేదికగా యువతరం చేతిలో కంటెంట్‌ క్రియేషన్‌ అనేది కొత్త పుంతలు తొక్కింది. కంటెంట్‌ క్రియేషన్‌కు సంబంధించి యూట్యూబ్‌ అడ్వాన్సింగ్‌ టూల్స్‌ను తీసుకువచ్చింది. ఫార్మట్‌లను విస్తరించింది. క్రియేటర్‌లు తమ వీడియోలను ఇతర భాషల్లోకి తీసుకువచ్చే ఏఐ పవర్డ్‌ డబ్బింగ్‌ టూల్‌ను తీసుకురానుంది. భవిష్యత్‌లో ఈ టూల్‌ ద్వారా వాయిస్‌ ప్రిజర్వేషన్, లిప్‌ రీ–యానిమేషన్, ఎమోషన్‌ ట్రాన్స్‌ఫర్‌... మొదలైనవి చేయవచ్చు. ఫిల్మ్‌ స్టూడియోలు, మ్యూజిక్‌ కంపెనీలు కూడా యూట్యూబ్‌ చానల్స్‌ను స్టార్ట్‌ చేయడం మొదలు పెట్టాయి. దీనిద్వారా యువతలో క్రియేటివ్‌ ఎక్స్‌ప్రెషన్స్‌ ఉన్న ఎంతోమంది వెలుగులోకి వచ్చారు. ‘యూట్యూబ్‌ తొలిసారిగా పరిచయం అయినప్పుడు అది టైమ్‌పాస్‌ మాత్రమే. అయితే మన టైమ్‌ను కూడా మార్చుకొని ఎదగవచ్చని ఎంతోమంది నిరూపించారు’ అంటుంది బెంగళూరుకు చెందిన ప్రజ్వల.              స్ఫూర్తినిచ్చే సూపర్‌స్టార్స్‌ మన దేశంలోని మోస్ట్‌ పాపులర్‌ యూట్యూబ్‌ స్టార్‌ల స్ఫూర్తిదాయక ప్రయాణాన్ని ‘ది యూట్యూబ్‌ స్టార్స్‌ ఆఫ్‌ ఇండియా’ పేరుతో పుస్తకంగా తీసుకువచ్చాడు దిల్లీకి చెందిన అజితాభ బోస్‌. ఇది బోస్‌ నాన్‌–ఫిక్షన్‌ బుక్‌. ఈ పుస్తకంలో సక్సెస్‌ఫుల్‌ యూట్యూబర్‌ల స్ట్రగుల్‌ను కళ్లకు కట్టేలా రాశాడు. అశిష్, అమిత్‌ బదన, ప్రజక్త కోలి, కునాల్‌ చాబ్రియ, శృతి, అర్జున్‌ ఆనంద్‌లాంటి పదిహేను మంది యూట్యూబర్‌ల గురించి రాశారు. విజయం అనేది ఎంత కష్టపడితే వస్తుంది అనేది వీరి గురించి చదివితే బోధపడుతుంది. అహ్మదాబాద్‌కు చెందిన హర్ష్‌ పమ్నానీ వృత్తిపరంగా బ్రాండ్‌ ఎక్స్‌పర్ట్‌. ప్రవృత్తి పరంగా స్టోరీటెల్లర్‌. ‘బూమింగ్‌ బ్రాండ్స్‌’ పేరుతో పుస్తకం రాసి పేరు తెచ్చుకున్న హర్ష్‌ ‘బూమింగ్‌ డిజిటల్‌ స్టార్స్‌’ పేరుతో సక్సెస్‌ఫుల్‌ యూ ట్యూబ్‌ స్టార్స్‌ గురించి మరో పుస్తకం రాశాడు. క్రియేటర్‌ ఎకనామీలో భాగం కావడానికి వారి పరిచయాలు పాఠాలుగా ఉపయోగపడతాయని అంటాడు రచయిత. కవితా సింగ్, ఉజ్వల్‌ చౌరాసియ, యశ్వంత్‌ ముఖ్తే... లాంటి పదకొండుమంది యూట్యూబ్‌ స్టార్‌ల గురించి ఈ పుస్తకంలో రాశాడు హర్ష్‌. 

పరీక్షలు వస్తున్నాయంటే పట్టాలపై పరుగులు తీయాల్సిన రైళ్లు మన గుండెల్లో పరుగెత్తిన రోజులు ఇప్పటికీ గుర్తుంటాయి. తరాలు మారినా పరీక్షల సమయంలో ఒత్తిడి, భయం మారలేదు. పరీక్షల మాట ఎలా ఉన్నా పండగ అంటే బోలెడు సంతోషం వస్తుంది. అందుకే ‘పరీక్షలను పండగ చేసుకోండి. సంతోషం మీ దగ్గర ఉంటే సక్సెస్‌ మీ దగ్గర ఉన్నట్లే’ అంటున్నారు మధ్యప్రదేశ్‌కు చెందిన అధర్వ, ప్రణయ్‌ అనే ఇద్దరు మిత్రులు...  ఎంతోమంది విద్యార్థుల్లాగే అధర్వ, ప్రణయ్‌లకు పరీక్షలకు రెండు,మూడు రోజుల ముందు హడావిడిగా పుస్తకాలు పట్టుకోవడం అలవాటు. లాస్ట్‌–మినిట్‌ రివిజన్‌ వల్ల గందరగోళానికి గురైన రోజులు ఎన్నో ఉన్నాయి.  కట్‌ చేస్తే....  ఇంజనీరింగ్‌ చదవడం కోసం ప్రణయ్‌ ముంబై, అధర్వ చెన్నై వెళ్లారు. ఎవరి దారులు వారివి అయిపోయాయి. చాలారోజుల తరువాత కలుసుకున్నప్పుడు వారి మధ్య ‘ఎగ్జామ్స్‌ సమయంలో స్టూడెంట్స్‌’ అనే బరువైన ప్రస్తావన వచ్చింది. పరీక్షల సమయంలో విద్యార్థులకు ధైర్యం ఇవ్వడానికి, ఉత్సాహం అందించడానికి తమ వంతుగా ఏదైనా చేయాలని ఆలోచించారు. ఆ ఆలోచనలో నుంచి పుట్టిందే ‘పఢ్‌లే’ (చదువు కో) అనే యూట్యూబ్‌ చానల్, వెబ్‌సైట్‌. స్టూడెంట్స్‌కు ఉచితంగా అందుబాటులో ఉండే తమ చానల్, వెబ్‌సైట్‌లు ఎడ్యుకేషనల్‌ మెటీరియల్‌కు స్టోర్‌హౌజ్‌గా ఉండాలనే లక్ష్యాన్ని నిర్దేశించుకున్నారు. పరీక్షల సమయంలో విద్యార్థులకు ఉపయోగపడే నోట్స్, లెక్చర్స్, స్టడీ టిప్స్‌...ఇలా ఎన్నో అంశాలకు ఈ ‘పఢ్‌లే’ వేదికగా మారింది. ప్రకటనలు, డొనేషన్‌లు తమకు ప్రధాన ఆదాయ వనరు. ‘ఎన్నో రంగాలలో చెప్పుకోదగ్గ మార్పు వచ్చినా విద్యావ్యవస్థలో మాత్రం రావడం లేదు. బోధన అనేది యాంత్రికం అయితే విద్యార్థులకు అయోమయమే మిగులుతుంది. అది వారి భవిష్యత్‌పై ప్రభావం చూపుతుంది. పరీక్షలు అంటే స్టూడెంట్స్‌ భయపడే రోజులు కాదు, సంతోషంతో గంతులు వేసే రోజులు రావాలి’ అంటాడు అధర్వ. ఎంత జటిలమైన విషయాన్ని అయినా పిల్లలకు సులభంగా అర్థమయ్యేలా చెప్పడానికి ఎన్నో దారులు ఉన్నాయి. కొందరు ఆ దారుల గురించి కనీసం ఆలోచించరు. కొందరు ఆ దారుల గురించి వెదుకుతారు. ఈ కోవకు చెందిన వారే అధర్వ, ప్రణయ్‌లు. ‘కాన్సెప్ట్‌లను అర్థం చేయించాలంటే విద్యార్థులకు కంఫర్ట్‌గా ఉన్న భాషలో చెప్పాలి. ఇంటర్నెట్‌లో ప్రతి సబ్జెక్ట్‌ మీద ఎంతో కంటెంట్‌ అందుబాటులో ఉంది. అయితే స్టూడెంట్స్‌ చేతితో రాసుకున్న నోట్స్‌కే ప్రాధాన్యత ఇస్తారు’ అంటాడు ప్రణయ్‌. 8,9,10 తరగతి విద్యార్థులతో పాటు ఇంటర్మీడియట్‌ విద్యార్థుల కోసం ఇద్దరు మిత్రులు కాన్సెప్ట్‌లకు సంబంధించిన నోట్స్‌ రాసుకున్నారు. వాటిని స్కానింగ్‌ చేసి తమ యూట్యూబ్‌లో అప్‌లోడ్‌ చేశారు. దీంతో పాటు ఫన్నీ వీడియోలతో, మీమ్స్‌తో జటిలమైన కాన్సెప్ట్‌లను అర్థం చేయించడం మొదలుపెట్టారు. ఈ ఫార్మట్‌ సూపర్‌ సక్సెస్‌ అయింది, ‘పదవ తరగతి చదివే మా అబ్బాయి ఆదిత్య చదువులో వెనకబడ్డాడు. నేను అతడికి అర్థమయ్యేలా పాఠాలు చెప్పాలని నిర్ణయించుకున్నప్పటికీ ఆఫీస్‌ పనుల వల్ల అది ఎప్పుడూ సాధ్యం కాలేదు. ఆదిత్య తరచుగా ప ఢ్‌లే చానల్‌ చూసేవాడు. అక్కడ ఎన్నో నేర్చుకున్నాడు. ఇప్పుడు బాగా చదువుతున్నాడు’ అంటున్నాడు ఇండోర్‌కు చెందిన కుమార్‌ అనే పేరెంట్‌.‘ఇక చదవడం నా వల్ల కాదు’ అనుకున్న సమయంలో మీ యూట్యూబ్‌ చానల్‌ చూశాను. నేను జటిలం అనుకున్న ఏన్నో విషయాలు చాలా సులభంగా అర్థమయ్యాయి. ఇప్పుడు నాకు ఎంతో ధైర్యంగా ఉంది’ అని ఈ ఇద్దరు మిత్రులను కలిసి చెప్పిన విద్యార్థులు ఎంతోమంది ఉన్నారు. ‘పఢ్‌లే’గా మొదలైన తమ యూట్యూబ్‌ చానల్‌ ఇప్పుడు ‘జస్ట్‌ పఢ్‌లే’గా మారింది. 1.5 మిలియన్‌ల సబ్‌స్క్రైబర్స్‌తో దూసుకువెళుతోంది. (చదవండి: ఎవ్వరైనా అంతరిక్షంలో చనిపోతే శరీరం ఏమవుతుంది? ఏం చేస్తారు)   

ప్రముఖ యూట్యూబ్ స్టార్, గ్రేస్ హెల్బిగ్ రొమ్ము క్యాన్సర్‌తో బాధపడుతున్నట్లు వెల్లడించింది. ఈ విషయాన్ని తన యూట్యూబ్ ఛానెల్ ద్వారా పంచుకుంది. తనకు బ్రెస్ట్ క్యాన్సర్ ఉందని తెలియజేస్తూ ఓ వీడియోను రిలీజ్ చేసింది. ఆ వీడియోలో ఫుల్ ఎమోషనల్‌గా కనిపించింది గ్రేస్ హెల్బిగ్.  (ఇది చదవండి: మహేశ్‌నే మించిపోయిన సితార.. ఆ ఒక్క విషయంలో) ఆమెకు ప్రస్తుతం ట్రిపుల్ పాజిటివ్ బ్రెస్ట్ క్యాన్సర్‌గా నిర్ధారణ అయినట్లు తెలిపింది. దాదాపు నెల రోజుల క్రితమే వైద్యులు నిర్ధారించినట్లు వెల్లడించింది. క్యాన్సర్ ఉందని తెలియడంతో షాక్‌కు గురైనట్లు పేర్కొంది. ఈ విషయాన్ని తాను మొదట నమ్మలేకపోయానంటూ ఎమోషనల్ అయింది.   తన ఇన్‌స్టాలో రాస్తూ..' దాదాపు నెల రోజుల క్రితం నాకు రొమ్ము క్యాన్సర్ ఉన్నట్లు నిర్ధారణ అయింది. ఈ విషయం తెలిసి నేను కూడా షాకయ్యా. అందుకే ఈ విషయాన్ని మీతో షేర్ చేసుకోవాలనుకున్నా. ప్రస్తుతానికి బాగానే ఉన్నా. నాకు భర్త,ఫ్యామిలీ, ఫ్రెండ్స్ మద్దతుగా నిలుస్తున్నారు. డాక్టర్లు కూడా నాకు ధైర్యం చెప్పారు. రొమ్ము క్యాన్సర్‌ను జయించి త్వరలోనే మళ్లీ మీ ముందుకు వస్తా.' అంటూ పోస్ట్ చేశారు. కాగా.. హెల్బిగ్ యూట్యూబ్ ఛానెల్‌కు 2.6 మిలియన్లకు పైగా సబ్‌స్క్రైబర్లు ఉన్నారు.  (ఇది చదవండి: బాలీవుడ్‌ కింగ్‌ షారుఖ్‌ను ఢీ కొడుతున్న ప్రభాస్..) View this post on Instagram A post shared by Grace Helbig (@gracehelbig)

యూట్యూబ్‌లో మనం రోజు మూవీస్, మ్యూజిక్, షార్ట్ ఫిల్మ్స్, ఎడ్యుకేషన్, కుక్కింగ్, ట్రావెల్ ఇలా ప్రతి రోజు ఎదో ఒక కంటెంట్ చూస్తూనే ఉంటాం. అయితే ఇప్పటి వరకు ఫోక్ టచ్ ఉన్న ప్రైవేట్  తెలుగు సాంగ్స్ మాత్రం చాలా తక్కువే అని చెప్పచ్చు. ఇటీవల ఫోక్ సాంగ్స్‌కు విపరీతమైన ఆదరణ పెరుగుతున్న వేళ 'షేడ్స్ స్టూడియోస్' పోస్ట్ ప్రొడక్షన్ సంస్థతో కలసి 'వోక్స్ బీట్జ్' మ్యూజిక్ ఛానల్‌ ప్రారంభించారు. ఈ కార్యక్రమానికి ముఖ్య అతిధులుగా హాజరైన  దర్శకులు  నక్కిన త్రినాధ్ రావు, శేఖర్ మాష్టర్, హేమంత్  మధుకర్, బాల, సంగీత దర్శకులు ఆర్పీ పట్నాయక్, హీరోయిన్ మాళవిక సతీషన్ హాజరయ్యారు.  (ఇది చదవండి: ప్రభాస్‌ 'సలార్‌' టీజర్‌ అఫీషియల్ ప్రకటన ఇదే) ఈ మ్యూజిక్ ఛానెల్‌ ద్వారా సంగీత ప్రియులను, అన్ని వర్గాల  ప్రేక్షకులను ఆకట్టుకొనే పాటలను అందించనున్నారు. ఈ సందర్భంగా బ్లైండ్ పర్సన్ లవ్ కాన్సెప్ట్‌పై తీసిన 'నా మది', కాలేజీ వాతావరణంలో జరిగే లవ్ మెలోడీ సాంగ్ 'జారే మనసు జారే', 'వయ్యారి', 'షరీభో  షరీభో', 'బులుగు చొక్కా', 'జాబిలివే' వంటి పాటలను రిలీజ్ చేశారు.   దర్శకులు నక్కిన త్రినాథ రావు మాట్లాడుతూ.. 'ఇప్పుడు చూసిన సాంగ్స్ అన్నీ కూడా 'స్టోరీ టెల్లింగ్' సాంగ్స్‌లా సినిమా చూస్తున్నట్లే  ఉన్నాయి.  సినిమాలో పాటలు కంటే చాలా బాగున్నాయి. మంచి కాన్సెప్ట్‌తో ప్రేక్షకుల ముందుకు వచ్చిన ఈ ఛానెల్ ప్రేక్షకాదరణ పొందాలని మనస్పూర్తిగా కోరుకుంటున్నా.' అని అన్నారు.  ప్రముఖ కొరియోగ్రాఫర్ శేఖర్ మాస్టర్ మాట్లాడుతూ.. 'కొత్త వాళ్లయినా ఇంత అద్భుతంగా చేసిన పాటలు సినిమాకు ఏ మాత్రం తీసిపోని విధంగా ఉన్నాయి. మీ ద్వారా చాలామంది కొత్త టాలెంట్ బయటకు వస్తున్నందుకు చాలా సంతోషంగా ఉంది. ఇందులో నటించిన నటీనటులు టెక్నికల్ అందరూ కూడా చాలా బాగా చేశారు. మంచి కాన్సెప్ట్‌తో వస్తున్న షేడ్స్ స్టూడియోస్, వోక్స్ బీట్జ్ మ్యూజిక్ ఛానల్ కు ఆల్ ద  బెస్ట్.' అని అన్నారు. (ఇది చదవండి: హీరోతో కీర్తి నిశ్చితార్థం.. వంశాన్ని ముందుకు తీసుకెళ్లలేనంటూ ఎమోషనల్‌) సంగీత దర్శకులు  ఆర్పీ పట్నాయక్ మాట్లాడుతూ..'టాలెంట్ ఉన్న ఆర్టిస్టులు బయట చాలామంది ఉన్నారు. వారందరికీ ఈ ఛానల్ ద్వారా ఒక గుర్తింపు తీసుకొస్తున్న ఉపేంద్ర, దేవి ప్రసాద్‌కు నా ధన్యవాదాలు. వీరందరూ కలసి చేసిన పాటలు చాలా బాగున్నాయి. వీరు ఇలాగే ప్రేక్షకులకు మంచి మెసేజ్ ఇచ్చేటువంటి పాటలు ఇవ్వాలని మనస్ఫూర్తిగా కోరుకుంటున్నా.' అని అన్నారు. 

ప్రముఖ కామెడీ షో జబర్దస్త్ ద్వారా ఫేమ్ తెచ్చుకున్న కమెడియన్ కొమరం. కామెడీ పంచులతో అదరగొట్టే కొమరం అంటే ఇండస్ట్రీలో ఎవరూ గుర్తు పట్టలేరేమో. ఎందుకంటే తన పాత్ర కొమరక్కతోనే అభిమానుల గుండెల్లో పేరు సంపాదించుకున్నారు. తన యాస, భాష, కట్టు బొట్టుతో అందరిని మెప్పించారు. ఇటీవల నాని నటించిన దసరా చిత్రంలో కనిపించారు. అయితే యూట్యూబ్ ఛానెల్ ప్రారంభించిన కొమరం ఎప్పటికప్పుడు తన వీడియోలతో అభిమానులను అలరిస్తుంటారు. (ఇది చదవండి: ఐదేళ్లు కష్టాలు అనుభవించా.. అలా ఎవరికీ జరగకూడదు: జబర్దస్త్ కొమరం) తాజాగా తన ఛానెల్ కోసం ఓ జంటకు పెళ్లి చేసిన వీడియో సోషల్ మీడియాలో తెగ వైరలవుతోంది.   పటాస్ కామెడీ షోతో ఫేమస్ అయిన ప్రవీణ్‌కు పెళ‍్లి చేసిన వీడియోను తన ఇన్‌స్టాలో షేర్ చేశారు. అయితే దీనిపై నెటిజన్స్ క్రేజీ కామెంట్స్ చేస్తున్నారు. ఈ పెళ్లి నిజంగానే జరిగిందా? అంటూ కామెంట్స్ పెడుతున్నారు. మరికొందరేమో ఫైమా ఎక్కడ అని ప్రశ్నిస్తున్నారు. అయితే ఈ పెళ్లిపై పటాస్ ప్రవీణ్ క్లారిటీ ఇచ్చారు. ఈ వీడియో కేవలం కొమరక్క యూట్యూబ్ ఛానెల్ కోసమే చేసినట్లు చెప్పారు. ఈ ఎపిసోడ్ త్వరలోనే కొమరక్క ఛానెల్‌లో వస్తుందని తెలిపారు. 

ఆరోజు మార్కెట్‌కు వెళ్లి కూరగాయలు కొని ఇంటికి తీసుకువచ్చింది కేరళలోని కొట్టాయంకు చెందిన రెమాదేవి. కూరగాయలను కడుగుతున్నప్పుడు ఒకరకమైన రసాయనాల వాసన వచ్చింది. ఆ సమయంలో పిల్లలు, వారి భవిష్యత్‌ గుర్తుకు వచ్చింది. అదే సమయంలో తాను ఒక నిర్ణయం తీసుకుంది... ‘ఇంటికి అవసరమైన కూరగాయలు ఇంటిదగ్గరే పండించుకుంటాను’ అలా మిద్దెతోటకు శ్రీకారం చుట్టింది రెమాదేవి. అమ్మమ్మ రంగంలోకి దిగింది. సేంద్రియ వ్యవసాయంలో అమ్మమ్మది అందెవేసిన చేయి. ఆమె సలహాలు, సూచనలతో మిద్దెతోట పచ్చగా ఊపిరిపోసుకుంది. కొంత కాలానికి... ఇంటి అవసరాలకు పోగా మిగిలిన కూరగాయలను అమ్మడం మొదలుపెట్టారు. తమకు ఉన్న మరో రెండు ఇండ్లలోనూ మిద్దెతోట మొదలుపెట్టింది రెమాదేవి. అలా ఆదాయం పెరుగుతూ పోయింది. మిద్దెతోటపై ఆసక్తి ఉన్న వాళ్లు రెమాను రకరకాల సలహాలు అడిగేవారు. ఇలాంటి వారిని దృష్టిలో పెట్టుకొని ‘రెమాస్‌ టెర్రస్‌ గార్డెన్‌’ పేరుతో యూట్యూబ్‌ చానల్‌ మొదలుపెట్టింది. ‘మిద్దెతోటకు పెద్దగా ఖర్చు అక్కర్లేదు’ అని చెబుతూ ఆ తోటపెంపకానికి సంబంధించిన ఎన్నో విషయాలను అరటిపండు వలిచి చేతిలో పెట్టినట్లు చెబుతుంది. వంటగది వ్యర్థాలతో మనకు కావల్సిన ఎరువులు ఎలా తయారు చేసుకోవచ్చో వీడియోల ద్వారా చూపుతుంది. దీంతోపాటు సోషల్‌ మీడియా ఫార్మింగ్‌ గ్రూప్స్‌ ద్వారా విత్తనాలు అమ్ముతుంది రెమాదేవి. కేవలం విత్తనాల అమ్మకం ద్వారానే నెలకు 60,000 రూపాయల ఆదాయం అర్జిస్తుంది. రెమాదేవిని అనుసరించి ఎంతోమంది మిద్దెతోటలను మొదలుపెట్టి రసాయన–రహిత కూరగాయలను పండించడమే కాదు, తగిన ఆదాయాన్ని కూడా గడిస్తున్నారు. మంచి విషయమే కదా!

ఉద్యోగం నిమిత్తం భార్య సుమితో కలిసి ఆఫ్రికాలోని మలావి దేశానికి వెళ్లాడు కేరళలోని మలప్పురంకు చెందిన అరుణ్‌ అశోకన్‌.అక్కడ ఒక గ్రామంలో శిథిలావస్థలో ఉన్న స్కూల్‌ను చూసి చలించిపోయాడు.ఆ తరువాత భార్యాభర్తలు ఇద్దరూ కలిసి స్కూల్‌ పునర్నిర్మాణానికి నడుం కట్టారు.తమ కలను సాకారం చేసుకున్నారు... మలావిలో ఒకరోజు... తాను పనిచేస్తున్న ప్రదేశానికి చిసాలియా అనే గ్రామం మీదుగా కారులో వెళుతున్నాడు అరుణ్‌ అశోకన్‌. వర్షం మొదలైంది. తల మీద పుస్తకాలు, బ్యాగులు పెట్టుకొని స్కూల్‌ పిల్లలు గుంపులు, గుంపులుగా పరుగెడుతున్నారు.‘వర్షం పడుతున్నప్పుడు స్కూల్లో కూర్చోక ఇలా పరుగెడుతున్నారేమిటి!’ అని డ్రైవర్‌ను అడిగాడు అరుణ్‌. ‘అది పేరుకే స్కూలు. గదులు పాడైపోయాయి. పిల్లలందరూ ఆరుబయటే కూర్చుంటారు. వర్షం వచ్చినప్పుడల్లా  ఇలా ఇంటికి పరుగులు తీయాల్సిందే’ అని చెప్పాడు డ్రైవర్‌. అరుణ్‌కు మనసులో చాలా బాధగా అనిపించింది. ఇంటికి వెళ్లిన తరువాత తన బాధను భార్య సుమితో కలిసి పంచుకున్నాడు.‘బాధపడడం ఎందుకు? మనమే స్కూల్‌ కట్టిద్దాం’ అన్నది సుమి.నిజానికి ఈ యువదంపతులు సంపన్నులు కారు. అయితే వారు ఆ నిర్ణయం తీసుకునే ముందు ‘మనం స్కూల్‌ కట్టించగలమా?’ ‘అంత డబ్బు మన దగ్గర ఉందా?’ అని ఆలోచించలేదు. ‘మనం స్కూల్‌ కట్టించాలి. అంతే!’ అని గట్టిగా అనుకు న్నారు. తమ సేవింగ్స్‌ను బయటికి తీశారు. స్కూల్‌ పునర్నిర్మాణంలో శ్రమదానం చేయడానికి ఊరివాళ్లను ఒప్పించారు. తమ దగ్గర ఉన్న పొదుపు మొత్తాలతోనే పని కాదనే విషయం  ఈ దంపతులకు అర్ధమైంది. ఈ పరిస్థితులలో ‘మలావి డైరీ’ పేరుతో యూట్యూబ్‌ చానల్‌కు శ్రీకారం చుట్టింది సుమి. ఈ చానల్‌ ద్వారా వచ్చిన డబ్బు, తమ సేవింగ్స్‌తో లోకాస్ట్‌ కన్‌స్ట్రక్షన్‌ టెక్నిక్‌తో స్కూల్‌ నిర్మాణాన్ని పూర్తి చేశారు.  స్కూలో ఆవరణలో తోట పెంచారు. లైబ్రరీ ఏర్పాటు చేశారు. ప్లేగ్రౌండ్‌ తయారుచేశారు. స్కూల్‌  ప్రారంభోత్సావాన్ని ఒక పండగలా ఘనంగా జరుపుకున్నారు. సుమీ, అరుణ్‌లు ఇప్పుడు చిసాలియా ఊరి వాళ్లకు ఆత్మబంధువులయ్యారు. ‘స్కూల్‌ను పునర్నిర్మించాలనుకున్నాం. నిర్మించాం. ఇక సెలవ్‌’ అనడం లేదు సుమి, అరుణ్‌ దంపతులు. పిల్లల చదువుల గురించి కూడా పట్టించుకుంటున్నారు. తమకు సమయం ఉన్నప్పుడల్లా క్లాస్‌రూమ్‌లో పిల్లలతో కలిసి సమావేశం అవుతున్నారు. నాలుగు మంచి విషయాలు చెబుతున్నారు. ‘బాగా చదువుకోవాలి. పెద్ద ఉద్యోగాలు చేయాలి’ ‘పెద్ద చదువులు చదవడానికి పేదరికం ఎప్పుడూ అడ్డు కాదు’... మొదలైన మాటలను గట్టిగానే చెబుతున్నారు.  

గట్టిగా అనుకుని ఆచరణలో పెడితే చాలు తలుచుకున్న పని తప్పక సఫలం అవుతుంది అనే మాటలకు ప్రత్యక్ష ఉదాహరణగా నిలుస్తారు బామ్మ ఊర్మిళా అషేర్‌. ఎనిమిది పదుల వయసుకు చేరువలో ఉండి తన పాకశాస్త్ర ప్రావీణ్యంతో లక్షలాది అభిమానులను ఘుమఘుమలతో కట్టిపడేసింది.ఆటుపోట్ల జీవనాన్ని అధిగమించి తన సత్తా చూపుతోంది.  కష్టాలు తాత్కాలికమే, జీవితంపై నమ్మకం కోల్పోకూడదు. విపరిణామాలు మనపైన ప్రభావం చూపకుండా ఉండేందుకు ధైర్యాన్ని ఎప్పుడూ కోల్పోకూడదు. ధైర్య స్థైర్యాలతోనే జీవితాన్ని గెలవాలి. – ఊర్మిళా అషేర్‌ ‘‘మొన్న అప్‌లోడ్‌ చేసిన నా 200 వ వీడియోతో యూ ట్యూబ్‌ చానెల్‌ లక్ష మంది అభిమానులను సంపాదించింది. ఇటీవలే దేశవ్యాప్తంగా టీవీలో ప్రసారమవుతున్న ‘రసోయి షో’లో పాల్గొన్నాను. మాస్టర్‌ చెఫ్‌ ఇండియా సీజన్‌ 7లో పోటీదారుగా చేరడంతో మీ అందరికీ పరిచయం అయ్యాను. ఇదంతా మీ అభిమానం వల్లే కలిగింది’ అంటూ ఆనందంగా చెబుతోంది ఊర్మిళ అషేర్‌. ముంబైలో ఉంటున్న ఊర్మిళ అషేర్‌ గుజరాతీ కుటుంబీకురాలు. తన కుటుంబం ఆర్థిక కష్టాలు తీరాలంటే ఏదో ఒక సాయం చేయాలనుకుంది. అందుకు తనకు వచ్చిన పాకశాస్త్ర ప్రా వీణ్యాన్ని పెట్టుబడిగా పెట్టింది. తన మనవడు హర్ష్‌తో కలిసి మూడేళ్ల క్రితం ‘గుజ్జు బెన్‌ న నాస్తా’ ఫుడ్‌ బిజినెస్‌ స్టార్ట్‌ చేసింది. ఏడాదికి రూ.45 లక్షల టర్నోవర్‌ సాధిస్తూ 78 ఏళ్ల వయసులోనూ ‘గ్రేట్‌ బామ్మా’ అనిపించుకుంటోంది. కోల్పోనిది ధైర్యమొక్కటే..  ఊర్మిళా అషేర్‌కు పద్దెనిమిదేళ్ల వయసులో పెళ్లయ్యింది. భర్త చిరుద్యోగి. ముగ్గురు పిల్లలు. ఒక కూతురు, ఇద్దరు కొడుకులు. రెండున్నరేళ్ల వయసులో కూతురు మూడవ అంతస్తు మీద నుంచి కింద పడి మరణించింది. భర్త తెచ్చే జీతం డబ్బులతో ఇంటిని నడుపుకుంటూ వచ్చింది. పెద్ద కొడుకుకి పెళ్లి చేసింది. కరోనాకు ముందు ఇద్దరు కొడుకుల్లో ఒకరు గుండెపోటుతో, మరొకరు బ్రెయిన్‌ ట్యూమర్‌తో మరణించారు. ఆ తర్వాత భర్త మరణించాడు. ఈ ఎదురు దెబ్బలు ఆమెను నిత్యం గట్టిపరుస్తూనే ఉన్నాయి. ‘మరణం అనేది పరమసత్యం. దాని గురించి ఎన్ని రోజులని ఏడుస్తూ కూర్చుంటాం. నేనెప్పుడూ నా వద్ద ఉన్న శక్తితోనే ఏం చేయగలను అనేదానిపై దృష్టిపెడతాను. ఉన్న సమస్యలు చాలవన్నట్టు నాలుగేళ్ల క్రితం నా మనవడు హర్ష్‌ ప్రమాదానికి గురయ్యాడు. ఈ ప్రమాదంలో పై పెదవి పూర్తిగా దెబ్బతిని, ఇంటికే పరిమితం అయ్యాడు. అతను నడుపుతున్న దుకాణాన్ని కరోనా మహమ్మారి కారణంగా మూసేశాం. దీంతో ఆర్థికంగా చాలా కష్టాలు ఎదుర్కోవాల్సి వచ్చింది. ఈ కష్టాలు తాత్కాలికమేనని, జీవితంపై నమ్మకం కోల్పోకూడదని తెలుసు’ అని చెప్పే ఊర్మిళ ఈ విపరిణామాలు మనవడిపైన ప్రభావం చూపకుండా ఉండేందుకు ధైర్యాన్ని ఎప్పుడూ కోల్పోకూడదని, ధైర్య స్థైర్యాలతోనే జీవితాన్ని గెలవాలని చెబుతూ ఉంటుంది. ఆమె మనో నిబ్బరం, ఆత్మవిశ్వాసాలే నేడు ఏడాదికి రూ.45 లక్షల టర్నోవర్‌కు చేరుకునేంతగా ఫుడ్‌ బిజినెస్‌లో ఎదిగేలా చేశాయి. కష్టం వచ్చినప్పుడు ఇంకాస్త గట్టిగా ఉండాలని తన కథనే ఉదాహరణగా ఇతరులతో పంచుకుంటోంది ఈ దాదీ.  వ్యాపార విస్తరణ కోడలు, మనవడితో ఉండే ఊర్మిళ తన చేతి రుచి గురించి చెబుతూ– ‘‘నాకు చిన్నప్పటి నుంచి వంటలు బాగా చేస్తాననే పేరుంది. మమ్మల్ని మేం బతికించుకోవడానికి ముందుగా గుజరాతీ చిరుతిళ్ల వ్యాపారాన్ని ప్రా రంభించాం. ఆర్డర్లు వచ్చినదాన్ని బట్టి 20–25 రోజుల్లో 500 కిలోల పచ్చళ్లను రెడీ చేశాం. దీంతోపాటు తేప్లా , ఢోక్లా, పూరన్‌ పోలీ.. వంటి ఇతర స్నాక్స్‌ కూడా అమ్మడం మొదలుపెట్టాం. డిమాండ్‌ను బట్టి పనివాళ్లను ఎక్కువ మందిని నియమించుకున్నాం. ఒక సంవత్సరం తిరిగేసరికల్లా మా జీవితాలే మారిపోయాయి. నేనిప్పుడు టెడెక్స్‌ స్పీకర్‌ని కూడా. నా కథలను ఇతరులతో పంచుకుంటూ, ఇతరులకు స్ఫూర్తినిచ్చే విధంగా ఉంటూ వివిధ నగరాలకూ ప్రయాణిస్తున్నాను. ఇప్పుడు మా ఆలోచన ఒక్కటే! నేను, మా మనవడు కలిసి అంతర్జాతీయ విమానాశ్రయాలలో ‘గుజ్జుబెన్‌ నాస్తా’ను ఏర్పాటు చేయాలని. అమెరికా, దక్షిణాఫ్రికా, ఆస్ట్రేలియా నుండి కూడా ఆర్దర్లు తీసుకుంటున్నాం. వ్యాపారాన్ని ఇంకా విస్తరిస్తేనే కదా మరింత మందికి చేరువ అయ్యేది... మా ఊరగాయలను ఆన్‌లైన్‌ ΄్లాట్‌ఫారమ్‌లలో పెట్టడానికి కావలసిన లాంఛనాలు కూడా పూర్తయ్యాయి’ అని ఉత్సాహంగా వివరించే ఊర్మిళ మాటలు నేటి యువతకూ స్ఫూర్తినిస్తాయి.

దర్శకేంద్రుడు రాఘవేంద్రరావు ఎన్నో అద్భుతమైన సినిమాలను తెరకెక్కించి తెలుగు చిత్ర పరిశ్రమలో తనకంటూ ప్రత్యేక స్థానాన్ని సంపాదించుకున్నారు. భక్తిరస చిత్రాలు తెరకెక్కించడంలో అయినా, రొమాంటిక్‌ పాటలు చిత్రీకరించడంలో అయినా ఆయనది ప్రత్యేక శైలి. ఎంతోమంది నటుల్ని ఇండస్ట్రీకి పరిచయం చేసి స్టార్‌ స్టేటస్‌ అందించారు. ముఖ్యంగా హీరోయిన్స్‌ను అందంగా చూపించడంలో రాఘవేంద్రరావు తర్వాతే ఎవరైనా అనేలా తనకంటూ ప్రత్యేకతను చాటుకున్నారు. దశాబ్దాలుగా తన సినిమాలతో అలరిస్తున్న రాఘవేంద్రరావు తాజాగా మరో సరికొత్త ప్రయోగానికి శ్రీకారం చుట్టారు. ‘కేఆర్‌ఆర్‌ వర్క్స్‌’ పేరుతో యూట్యూబ్‌ చానెల్‌ను ప్రారంభించిన ఆయన ఇప్పుడు కొత్తవారిని వెండితెరకు పరిచయం​ చేయనున్నారు. ఎంతో టాలెంట్‌ ఉండి సరైన ప్లాట్‌ఫామ్‌ కోసం ఎదురుచూస్తున్న సామాన్యులకు ఇదొక చక్కని అవకాశం. కాగా ఈ చానల్‌ను దర్శకధీరుడు రాజమౌళి లాంచ్‌ చేయడం విశేషం. ఈ సందర్భంగా రాఘవేంద్రరావు ఎన్నో దశాబ్దాలుగా తెలుగు చిత్ర పరిశ్రమకు ఎంతో మందిని పరిచయం చేశారు. ఎంత చేసినా అతని తపన ఆగలేదు. ఇప్పుడు మరింత మందిని వెండితెరకు పరిచయం చేసేందుకు సిద్ధమయ్యారు అంటూ రాఘవేంద్రరావుపై ప్రశంసలు కురిపించారు.

మంచి ప్యాకేజీతో ఉద్యోగ అవకాశం వచ్చినప్పటికీ సొంతంగా ఏదైనా స్టార్టప్‌ ప్రారంభించాలనేది సౌరభ్‌ మౌర్య కల. అయితే తన దగ్గర అమ్మ పంపించిన అయిదువేల రూపాయలు మాత్రమే ఉన్నాయి. ఆ డబ్బుతో సెకండ్‌ హ్యాండ్‌ సెల్‌ఫోన్‌ కొన్నాడు. స్టార్టప్‌లు స్టార్ట్‌ చేసి కోటీశ్వరుడిగా ఎదిగి, ఎంతోమందికి రోల్‌మోడల్‌ కావడానికి అవసరమైన ప్రయాణం ఈ  సెకండ్‌ హ్యాండ్‌ సెల్‌ఫోన్‌ నుంచే మొదలైంది! ఉత్తర్‌ప్రదేశ్‌లోని జౌన్‌పుర్‌ అనే చిన్నగ్రామంలో పుట్టి పెరిగాడు సౌరభ్‌ మౌర్య. పేదరికంలో ఉన్నప్పటికీ తన పిల్లలను అప్పు చేసైనా పెద్ద చదువులు చదివించాలనుకునేవాడు తండ్రి. సౌరభ్‌ ఇద్దరు అన్నలు చదువులో మందుండేవారు. పై చదువుల కోసం వారిని బెనారస్‌కు పంపాడు తండ్రి. మొదటి ప్రయత్నంలో ఇద్దరు ‘ఐఐటీ–జెఇఇ’లో ఉత్తీర్ణులయ్యారు. ముగ్గురు పిల్లలు పెద్ద చదువులు చదివి, పెద్ద ఉద్యోగాలు చేయాలని కలలు కనేవారు తల్లిదండ్రులు. అయితే సౌరభ్‌ పరిస్థితి వేరు. తనకు పెద్ద ఉద్యోగం చేయడం కంటే సొంతంగా ఏదైనా వ్యాపారం చేయాలనేది కల. కంప్యూటర్‌ స్టోర్‌ అనేది ఆ కలలలో ఒకటి. మొదటి ప్రయత్నంలో ‘ఐఐటీ– జెఇఇ’లో ఫెయిలయ్యాడు సౌరభ్‌. ‘నేను ఫెయిలయ్యాను అనే బాధ కంటే తల్లిదండ్రులను బాధ పెట్టాను అనే ఆలోచన నన్ను ఎక్కువగా బాధ పెట్టింది’ అంటున్న సౌరభ్‌ కష్టపడి చదివి రెండో ప్రయత్నంలో సక్సెస్‌ అయ్యాడు. ఐఐటీ–బెనారస్‌ కాలేజీలోకి వెళ్లిన తరువాత తనకొక కొత్త ప్రపంచం పరిచయం అయింది. తనలాగే ఆలోచించే ఎంతోమందితో పరిచయం ఏర్పడింది. మరో వైపు ఏదైనా సొంతంగా చేయాలనే ఆలోచనలు మనసులో సుడులు తిరుగుతున్నాయి. జేబు ఖర్చుల కోసం 6–8 తరగతులకు ట్యూషన్స్‌ చెప్పడం మొదలుపెట్టాడు. జేబుఖర్చుల మాట ఎలా ఉన్నా పోను పోను ‘బోధన’ అనేది తనకొక ప్యాషన్‌గా మారింది. తల్లి పంపించిన అయిదువేలతో సెకండ్‌హ్యాండ్‌ సెల్‌ఫోన్‌ కొనడంతో తన కెరీర్‌ మొదలు పెట్టడానికి మొదటి అడుగు పడింది. కొద్దిరోజులకు యూట్యూబ్‌ చానల్‌ ప్రారంభించాడు. ఐఐటీ–జెఇఇ పరీక్షలో విఫలమైన తాను రెండో ప్రయత్నంలో ఎలా విజయం సాధించింది మొదలు ఐఐటీకి సంబంధించిన ఎన్నో విషయాలను ఈ యూట్యూబ్‌ చానల్‌ ద్వారా చెప్పడం మొదలుపెట్టాడు. ఈ చానల్‌కు మంచి ఆదరణ లభించడంతో సౌరభ్‌లో ఉత్సాహం వెల్లువెత్తింది. నాలుగు సంవత్సరాల అనుభవం తరువాత స్టాక్‌ మార్కెట్‌ ట్రేడర్‌గా సక్సెస్‌ అయ్యాడు. ‘ఐఐటీయన్‌ ట్రేడర్‌’ పేరుతో ట్రేడింగ్‌ స్ట్రాటజీస్, టెక్నికల్‌ ఎనాలసిస్‌...మొదలైన ఆన్‌లైన్‌ కోర్సులు ప్రారంభించి సక్సెస్‌ సాధించాడు. చిన్న వ్యాపారమైనా సరే, సొంతంగా మొదలుపెడితే చాలు అనుకున్న సౌరభ్‌ 11–12 తరగతుల విద్యార్థులు ‘ఐఐటీ–జెఇఇ’ లక్ష్యాన్ని ఛేదించడానికి అవసరమైన బలమైన పునాదిని ఏర్పాటు చేయడానికి ప్రారంభించిన ‘రైట్‌–ర్యాంకర్స్‌’ స్టార్టప్, ఆన్‌లైన్‌ స్టాక్‌మార్కెట్‌ ఎడ్యుకేషన్‌ స్టార్టప్‌ ‘ఐఐటీయన్‌ ట్రేడర్స్‌’ సక్సెస్‌ సాధించి తనను 22 కోట్ల క్లబ్‌లోకి చేర్చాయి. ‘ఏదైనా సాధించాలనే పట్టుదల ఉన్నప్పుడు డబ్బు, వనరుల కొరత ఎప్పుడూ అడ్డంకి కాదు. ఒకసారి మీరు కూడా ప్రయత్నించి చూడండి’ అంటున్నాడు 22 సంవత్సరాల సౌరభ్‌ మౌర్య.

ప్రముఖ కమెడియన్‌, నటుడు అలీ కూతురు ఫాతిమా ఇటీవలె పెళ్లిపీటలెక్కిన సంగతి తెలిసిందే. హైదరాబాద్‌లో ఘనంగా జరిగిన ఈ వివాహానికి చిరంజీవీ, నాగార్జున సహా పలువురు ప్రముఖులు విచ్చేసి నూతన వధూవరులను ఆశీర్వదించారు. ఇప్పటికే ఫాతిమా పెళ్లికి సంబంధించన ఫోటోలు నెట్టింట వైరల్‌ అయిన సంగతి తెలిసిందే. ఇదిలా ఉంటే అలీ సినిమాలు ,టీవీ షోల ద్వారా అలరిస్తుండా, ఆయన భార్య జుబేదా అలీ యూట్యూబ్‌ ఛానల్‌ ద్వారా తెలుగు ప్రేక్షకులకు మరింత దగ్గరైంది. ఈమె యూట్యూబ్‌ ఛానల్‌కు ఇప్పడు సుమారు 6లక్షల 91వేల సబ్‌స్రైబర్లు ఉన్నారు. కూతురి పెళ్లి షాపింగ్‌ దగ్గరి నుంచి హల్దీ, పెళ్లి కూతుర్ని చేయడం సహా ప్రతి వీడియోను ఆమె అభిమానులతో షేర్‌ చేస్తుంటుంది. ఇక జుబేదా అలీ యూట్యూబ్‌ వీడియోలకు బాగానే ఫాలోయింగ్‌ ఉంది. ఆమె ఏ వీడియో పోస్ట్‌ చేసినా లక్షల్లో వ్యూస్‌ వస్తాయి. తాజాగా కూతురు ఫాతిమా పెళ్లి ఎలా జరిగింది? మండపం దగ్గరికి తీసుకొచ్చిన్నప్పటి నుంచి పెళ్లి తంతులో కూతురు ఎమోషనల్‌ అయిన క్షణాల వరకు.. వీడియో రూపంలో మన ముందుకు తీసుకొచ్చారు. మరి టాలీవుడ్‌ ప్రముఖులు విచ్చేసిన అలీ కూతురి పెళ్లి ఎంత ఘనంగా జరిగిందో వీడియోలో చూసేయండి. 

సాక్షి, హైదరాబాద్‌: సినీనటులు నరేశ్, పవిత్రా లోకేశ్‌ల వ్యక్తిగత జీవితంపై పలు వార్తలను టెలికాస్ట్‌ చేసిన ‘ఇమండి రామారావు’ చానల్‌ జర్నలిస్టు రామారావుకు సైబర్‌క్రైం పోలీసులు నోటీసులు జారీచేశారు. తమపై ఇష్టానుసారంగా వార్తలను ప్రసారం చేస్తూ తమ ప్రతిష్టకు భంగం కలిగిస్తున్నారంటూ నటులు నరేశ్, పవిత్ర ఇటీవల సైబర్‌క్రైం పోలీసులకు ఫిర్యాదు చేశారు. ఈ నేపథ్యంలో కేసు నమోదు చేసిన పోలీసులు రామారావుకు నోటీసులిచ్చారు. మరిన్ని చానళ్లు కూడా ఈ వార్తలను ప్రసారం చేస్తున్నట్లు గుర్తించిన  పోలీసులు వారికి కూడా నోటీసులిచ్చేందుకు చర్యలు తీసుకుంటున్నారు. ఈ వార్తల వెనుక రమ్య రఘుపతి ప్రమేయం ఉన్నట్లు నిర్ధారణ అయితే ఆమెకు కూడా నోటీసులిచ్చేందుకు వెనుకాడబోమని సైబర్‌క్రైం పోలీసులు తెలిపారు. చదవండి: అలాంటి పాత్రలే చేయాలనుకుంటున్నాను: ఐశ్వర్యా లక్ష్మీ

యూట్యూబ్‌(Youtube).. అటు ఆన్‌లైన్‌ ఇటు ఆఫ్‌లైన్‌ ఎ‍క్కడ విన్నా ఈ పేరే వినపడుతోంది. విభిన్నమైన కంటెంట్‌లతో పాటు తమలోని టాలెంట్‌ని ప్రదర్శించేందుకు అనువైన వేదికగా మారింది యూట్యూబ్‌. అందుకే పిల్లలు, టీనేజర్లు అనే తేడాలు లేకుండా అన్ని వర్గాల ప్రజలను తన వైపు తిప్పుకున్న అతిపెద్ద వీడియో ప్లాట్‌ఫాంగా అవతరించింది. ప్రస్తుతం ఈ ప్రముఖ సంస్థ తన యూజర్ల కోసం వెల్‌కమ్ ప్రోగ్రామ్‌ను అందిస్తోంది. అది కూడా కేవలం పది రూపాయలకే యూట్యూబ్‌ ప్రీమియం మూడు నెలల సబ్‌స్క్రిప్షన్‌ను ఇస్తున్నట్లు ప్రకటించింది. ఈ ఆఫర్ ఎంతకాలం అందుబాటులో ఉంటుందో కంపెనీ వెల్లడించలేదు. దీంతో ఈ ఆఫర్ పరిమిత కాలానికి మాత్రమే అందుబాటులో ఉంటుందని తెలుస్తోంది. రూ.10కే మూడు నెలల సబ్‌స్క్రిప్షన్‌ యూట్యూబ్‌లో మనకి కావాల్సిన వీడియోలను వీటితో పాటు పలు సర్వీస్‌లు కూడా ఉచితంగా చూసే వెసలుబాటు కల్పిస్తోంది. కానీ యూట్యూబ్‌ ప్రీమియం (YouTube Premium) అనేది  సబ్‌స్క్రిప్షన్‌ తీసుకోవాల్సి ఉంటుంది. అంటే నగదు చెల్లిస్తేనే ఈ సేవలను పొందగలం. ఇందులో యాడ్-ఫ్రీ వీడియో ఎక్స్ ఫీరియన్స్,  వీడియోలను డౌన్‌లోడ్ చేసుకోవచ్చు. వీడియోలను ఆఫ్‌లైన్‌లో ప్లే చేయడం, బ్యాక్‌గ్రౌండ్‌లో వీడియోలను ప్లే చేయడం, YouTube Musicకు మెంబర్‌షిప్ వంటి అనేక ఇతర ఫీచర్‌లను YouTube Kids యాప్‌పై అందిస్తుంది. ప్రస్తుతం యూట్యూబ్‌ ప్రకటించిన ఆఫర్‌ ప్రకారం ఈ సేవలన్నీ కేవలం పది రూపాయలకే మూడు నెలల పాటు పొందచ్చు. అయితే ఇక్కడ గమనించాల్సిన ఇంకో విషయం ఏమిటంటే, YouTube తీసుకొచ్చిన ఈ ఆఫర్ మొదటిసారిగా యూట్యూబ్‌ రెడ్‌ (YouTube Red), మ్యూజిక్‌ ప్రీమియం (Music Premium), యూట్యూబ్‌ ప్రీమియం (YouTube Premium), గూగుల్‌ ప్లే (Google Play) సబ్‌స్క్రైబర్‌లకు మాత్రమే చెల్లుబాటు అవుతుందని పేర్కొంది. ఈ ఆఫర్‌ కాలం పూర్తయిన తర్వాత యూట్యూబ్‌ ప్రీమియం ఫీచర్‌లను పొందాలంటే నెలకు రూ.129 చెల్లించాలి. మరో విషయం ఏమిటంటే రూ.10 ఆఫర్ ముగియడానికి 7 రోజుల ముందు సబ్‌స్క్రైబర్‌కు YouTube గుర్తుచేస్తుంది, తద్వారా వారు సభ్యత్వాన్ని కొనసాగిస్తారా లేదా నిలిపివేస్తారా అనేది వారే నిర్ణయించుకోవచ్చు. చదవండి: భారత్‌లో తొలిసారి, కొత్త వాషింగ్‌ మెషీన్‌ వచ్చిందోచ్‌.. నోటితో చెప్తే ఉతికేస్తుంది!

కంబాలచెరువు(రాజమహేంద్రవరం)తూర్పుగోదావరి: స్థానిక శ్రీనాగరాజా నగరపాలక సంస్థ ప్రాథమిక పాఠశాల ప్రధానోపాధ్యాయురాలు మోటూరి మంగారాణి అరుదైన ఘనత సాధించారు. విద్యార్థులకు సులువైన బోధన దిశగా ‘మంగారాణి లెస్సన్స్‌’ పేరుతో ఆమె నిర్వహిస్తున్న యూట్యూబ్‌ చానల్‌కు సుమారు 100కు పైగా దేశాల్లో ఏడు కోట్ల మంది వీక్షకులతో పాటు రెండు లక్షల మంది సభ్యులు చేరారు. ఒక ఉపాధ్యాయ యూట్యూబ్‌ చానల్‌కు రెండు లక్షల మంది సభ్యులు ఉండడం చాలా అరుదు. చదవండి: అలా గిన్నిస్‌ రికార్డు ‘అల్లు’కుపోయారు  మంగారాణి ప్రాథమిక స్థాయి విద్యార్థులకు సులభంగా అర్థమయ్యే రీతిలో గేయాలు, యానిమేషన్‌ చిత్రాలతో వీడియో పాఠాలను రూపొందించి తన యూట్యూబ్‌ చానల్‌ ద్వారా అనేక మంది ఉపాధ్యాయులకు అందజేస్తున్నారు. ఈ పాఠాలను రాష్ట్ర ప్రభుత్వం ఉపాధ్యాయ శిక్షణ నిమిత్తం ప్రారంభించిన దీక్ష ఆండ్రాయిడ్‌ అప్లికేషన్‌ ద్వారా  ప్రస్తుత నూతన పాఠ్యపుస్తకాల్లోని క్యూఆర్‌ కోడ్‌లతో కూడా మంగారాణి అనుసంధానించారు. ఈ సందర్భంగా మంగారాణిని అర్బన్‌ రేంజ్‌ డీఐ బి.దిలీప్‌ కుమార్, పలువురు ఉపాధ్యాయులు అభినందించారు.

సాక్షి, న్యూఢిల్లీ: ఫేక్‌ న్యూస్‌, విద్వేషాలు రెచ్చగొట్టేలా వీడియోలు పోస్ట్‌ చేస్తున్న పలు యూట్యూబ్‌ ఛానెళ్లపై కేంద్రం ప్రభుత్వం చర్యలు తీసుకుంది. ఐటీ చట్టం 2021 నిబంధనల ప్రకారం.. 10 యూట్యూబ్‌ ఛానెల్స్‌కు సంబంధించిన 45 వీడియోలను బ్లాక్‌ చేసినట్లు కేంద్ర మంత్రి అనురాగ్‌ ఠాకూర్‌ తెలిపారు. ఈ ఛానెళ్లు మార్పింగ్‌ వీడియోలు, ఫోటోలను ఉపయోగించి భారత జాతీయ భద్రతకు, విదేశీ సంబంధాలు దెబ్బతినేలా చేస్తున్నట్లు పేర్కొన్నారు. అగ్నిపథ్‌, ఆర్మీ, కశ్మీర్‌ అంశాలపై తప్పుడు వార్తలు వ్యాప్తి చేస్తున్నట్లు గుర్తించి ఈ చర్యలు తీసుకున్నామని తెలిపారు.  ‘తప్పు వార్తల ద్వారా భారత్‌కు ఇతర దేశాలతో సంబంధాలను దెబ్బతీసేలా వీడియోలు చేస్తున్న యూట్యూబ్‌ ఛానెళ్లను ప్రసార, సమాచార శాఖ బ్యాన్‌ చేసింది. దేశ భద్రతా అంశాలను పరిగణనలోకి తీసుకుని ఈ నిర్ణయం తీసుకున్నాం. భవిష్యత్తులోనూ ఇలాంటి చర్యలు తీసుకుంటాం. భారత సార్వభౌమత్వం, సమగ్రతను, జాతీయ భద్రత, విదేశీ సంబంధాలు, ప్రజా సంబంధాలను దెబ్బతీసేందుకు చేసే కుట్రను అణచివేసేందుకు కేంద్రం కట్టుబడి ఉంది.’ అని తెలిపారు కేంద్ర మంత్రి అనురాగ్‌ ఠాగూర్‌. ఇదీ చదవండి: రసవత్తరంగా రాజస్థాన్‌ రాజకీయ సంక్షోభం: గెహ్లాట్‌ను రేసు నుంచి తప్పించాలంటూ ఫిర్యాదు

ప్రముఖ వీడియో షేరింగ్‌ దిగ్గజం యూజర్లకు యూట్యూబ్‌ భారీ షాక్‌ ఇచ్చింది. యూజర్ల సహనానికి పరీక్ష పెడుతూ సెప్టెంబర్‌ నెల ప్రారంభం నుంచి సైలెంట్‌గా కొత్త యాడ్‌ ఫార్మాట్‌ను ప్రారంభించింది. ఈ కొత్త యాడ్‌ ఫార్మాట్‌ ప్రకారం.. యూట్యూబ్‌ ప్రీమియం తీసుకోని యూట్యూబ్‌ ఫ్రీ వెర్షన్‌ యూజర్లకు అదనంగా యాడ్స్‌ జోడించింది.  యూట్యూబ్‌ ఫ్రీ వెర్షన్‌ వాడే వారికి వీడియో ఆరంభంలో 2యాడ్స్‌ మాత్రమే కనిపించేవి. కానీ ఇకపై యూజర్ల సహనానికి మరింత పరీక్ష పెట్టేలా 5యాడ్స్‌ను తీసుకొని రానుంది. ఇప్పటికే ఈ కొత్త యాడ్‌ మోడల్‌ ఎంపిక చేసిన యూజర్లకు ప్లే అవుతున్నట్లు తెలుస్తోంది. ఈ నేపథ్యంలో ఓ యూజర్ తాను వీడియో చూస్తున్నప్పుడు 5యాడ్స్‌ ప్లే అవుతున్నాయి. ఆ యాడ్స్‌ పట్ల అసౌకర్యానికి గురవుతున్నామని, వివరణ ఇవ్వాలని కోరుతూ ట్వీట్‌ చేశాడు. ఆ ట్వీట్‌పై యూట్యూబ్‌ యాజమాన్యం స‍్పందించింది. ఇలా 5 యాడ్స్‌ ప్లే అయితే వాటిని బంపర్‌ యాడ్స్‌ అంటారు. ఒక్కోటి 6 సెకన్లు ఉంటుందని వివరణిచ్చింది. ప్రస్తుతం ఈ నిర్ణయంపై యూట్యూబ్‌ యూజర్లు అసహనం వ్యక్తం చేస్తున్నారు.

కన్యాకుమారి: విలేజ్‌ కుకింగ్‌ ఛానెల్‌.. యూట్యూబ్‌లో వంట వీడియోలను చూసేవాళ్లకు ప్రత్యేకంగా పరిచయం చేయాల్సిన అవసరం లేని ఛానెల్‌. ప్రకృతి ఒడిలో పచ్చటి పొలాల నడుమ.. సహజసిద్ధమైన వాటితోనే సంప్రదాయరీతిలో వంటలు చేస్తూ, ఆ రుచుల్ని వాళ్లు మాత్రమే ఆస్వాదించడమే కాకుండా..  వృద్ధాశ్రమాలు, అనాథాశ్రమాలకు వడ్డిస్తూ దేశవ్యాప్తంగా పాపులర్‌ అయిన ఒక తమిళ కుకింగ్‌ ఛానెల్‌. తాజాగా ఈ ఛానెల్‌ సభ్యులు కాంగ్రెస్‌ నేత రాహుల్‌ గాంధీని కలిశారు.  కాంగ్రెస్‌ పార్టీ భారత్‌ జోడో యాత్రలో భాగంగా పాదయాత్ర చేస్తున్న రాహుల్‌ గాంధీని శుక్రవారం ఈ ఛానెల్‌ సభ్యులు కలుసుకున్నారు.  వాళ్లను ఆప్యాయంగా పలకరించిన రాహుల్‌ గాంధీ.. కాసేపు ముచ్చటించారు. ఈ క్రమంలో కాంగ్రెస్‌ యాత్రకు విలేజ్‌ కుకింగ్‌ ఛానెల్‌ సభ్యులు మద్దతు ప్రకటించారు. అయితే.. Shri @RahulGandhi meets the members of the Village cooking channel during the yatra. The village cooking channel is having - 17.9 M subscribers.#BharatJodoYatra#villagecookingchannel pic.twitter.com/fjlBuxQPWA — Arjunreddy Thodigala (@AThodigala) September 9, 2022 ఇక్కడ గమనించాల్సిన విషయం ఏంటంటే.. విలేజ్‌​ కుకింగ్‌ ఛానెల్‌కు పాన్‌ ఇండియా గుర్తింపు దక్కింది ఇంతకు ముందు రాహుల్‌ గాంధీని కలిసిన తర్వాతే. గతంలో ఈ కుకింగ్‌ ఛానెల్‌ వీడియోలో మష్రూమ్‌ బిర్యానీ సెషన్‌లో పాల్గొన్నారు రాహుల్‌. అప్పటిదాకా సౌత్‌కు మాత్రమే పరిమితమైన వీళ్ల ఫేమ్‌.. రాహుల్‌ పాల్గొనడంతో నార్త్‌కు సైతం పాకింది.   విలేజ్‌ కుకింగ్‌ ఛానెల్‌ను కేటరింగ్‌ చేసి ఆపేసిన పెరియాతంబీ అనే పెద్దాయన తన మనవళ్ల సాయంతో 2018లో సరదాగా ప్రారంభించారు. టైంపాస్‌గా ప్రారంభించిన ఈ ఛానెల్‌.. తక్కువ టైంలో, అందునా కరోనా టైంలో బాగా పాపులర్‌ అయ్యింది. అరుస్తూ చేసే గోలతో ప్రత్యేక గుర్తింపు దక్కించుకుంది. తమిళనాడులో 10 మిలియన్ల సబ్‌స్క్రయిబర్స్‌ పూర్తి చేసుకున్న తొలి యూట్యూబ్‌ ఛానెల్‌ ఇదే కావడం గమనార్హం. ఈ బృందం ఈ మధ్యే లోకేష్‌ కనగరాజ్‌ డైరెక్షన్‌లో కమల్‌ హాసన్‌ లీడ్‌ రోల్‌ చేసిన ‘విక్రమ్‌’ సినిమాలోనూ ఓ సీక్వెన్స్‌లో సందడి చేసింది. ప్రస్తుతం ఈ ఛానెల్‌కు 18 మిలియన్ల సబ్‌స్క్రయిబర్స్‌పైనే ఉన్నారు. ఎల్లారుం వాంగా.. ఆల్వేస్‌ వెల్‌కమ్స్‌ యూ అంటూ అంటూ వాళ్లు ఆహ్వానించే విధానం గత నాలుగేళ్ల నుంచి ప్రధానంగా ఆకట్టుకుంటోంది కూడా. ఇదీ చదవండి: మోదీ సూట్ Vs రాహుల్‌ టీ షర్ట్‌

తన డ్యాన్స్‌ వీడియోలతో అభిమానుల్లో క్రేజ్‌ తెచ్చుకుంది. యూట్యూబ్‌లో లక్షలాది మంది ఫాలోవర్స్‌ను సంపాదించుకుంది. చివరికి వీదేశీ మారకపు వ్యాపారం పేరుతోవేలాది మంది అభిమానులను నట్టేట ముంచింది. తమ పెట్టుబడులపై భారీ రాబడి ఇప్పిస్తానని మాటిచ్చి సుమారు 55 మిలియన్‌ డాలర్లకు(భారతీయ కరెన్సీలో దాదాపు రూ. 437కోట్లు) కుచ్చుటోపీ పెట్టింది. వివారల్లోకి వెళితే.. (Photo Credits: Nutty Instagram) థాయ్‌లాండ్‌కు చెందిన నత్తమోన్‌ ఖోంగోచక్‌ అనే యుయవతి తన డ్యాన్స్‌ వీడియోలు యూట్యూబ్‌లో పోస్టు చేయడం ద్వారా లక్షలాది అభిమానులను సంపాదించుకుంది. ముద్దుగా నట్టి అని పిలుచుకునే ఈ బ్యూటీకి ప్రస్తుతం 8,44,000 ఫాలోవర్స్‌ ఉన్నారు. దీంతో అతి తక్కువ కాలంలోనే యూట్యూబ్‌ స్టార్‌గా ఎదిగింది. అంతేగాక తన ఇన్‌స్టాగ్రామ్‌ పేజ్‌లో ఔత్సాహిక ఫారెక్స్ వ్యాపారుల కోసం ప్రైవేట్ కోర్సులకు ప్రచారం కూడా చేపట్టింది. దీని ద్వారా ఆమె పొందిన లాభాలను సైతం పోస్టు చేసింది. (Photo Credits: Nutty Instagram) View this post on Instagram A post shared by 🎬𝗬𝗼𝘂𝘁𝘂𝗯𝗲: Nutty’s Diary (842k) (@nutty.suchataa) అయితే విదేశీ మారకంలో పెట్టుబడి పెడితే 35 శాతం అధికంగా లాభాలు వస్తానని అభిమానులను, ఫాలోవర్లను నమ్మించింది. నట్టి మాటలను నమ్మిన ఆమె ఫాలోవర్స్‌ దాదాపు 6వేల మంది డబ్బులు పెట్టుబడి పెట్టడానికి ముందుకొచ్చారు. అయితే ఉన్నట్టుండి నట్టి తన చివరి ఇన్‌స్టాగ్రామ్ పోస్ట్‌లో.. మే నెలలో పెట్టుబడిదారులకు తాను 1 బిలియన్ భాట్ (27.5 మిలియన్‌ డాలర్లు) బకాయిపడ్డానని చెప్పింది.  చదవండి: పెళ్లి కోసం నడి రోడ్డులో వధూవరుల ఛేజింగ్‌.. వీడియో వైరల్‌ (Photo Credits: Nutty Instagram) అంతేగాక బ్రోకర్‌గా వ్యవహరించిన వ్యక్తి గత మార్చి నుంచి తన ట్రేడింగ్‌ను ఖాతాను, నిధులను బ్లాక్‌ చేసినట్లు వెల్లడించింది. ఫాలోవర్స్‌ను మోసం చేయడం తన ఉద్ధేశ్యం కాదని త్వరలోనే వారి పెట్టుబడులు తిరిగి చెల్లించేందకు ప్రయత్నిస్తున్నట్లు పేర్కొంది. అయితే అధిక మొత్తంలో లాభాలు ఇప్పిస్తానని మాటిచ్చి..  నట్టి మోసం చేసిందని బాధితులు థాయ్‌ పోలీసులకు ఫిర్యాదు చేస్తున్నారు. ఇప్పటివరకు 102 మంది 30 మిలియన్‌ భాట్‌లు(6 కోట్ల 50 వేలు) కోల్పోయినట్లు ఫిర్యాదు చేయగా.. ఈ సంఖ్య మరింత పెరగవచ్చని పోలీసులు తెలిపారు. (Photo Credits: Nutty Instagram) View this post on Instagram A post shared by 🎬𝗬𝗼𝘂𝘁𝘂𝗯𝗲: Nutty’s Diary (842k) (@nutty.suchataa) మరోవైపు నట్టిని అరెస్ట్‌ చేసేందుకు థాయిలాండ్‌ సైబర్‌ క్రైమ్‌ ఇన్వెస్టిగేషన్‌ బ్యూరో గత వారం వారంట్‌ జారీ చేసింది. అయితే జూన్‌ నుంచి నట్టి సోషల్‌ మీడియాలో యాక్టివ్‌గా లేకపోవడంతో ఆమె దేశం విడిచి పారిపోయినట్లు భావిస్తున్నారు. కానీ ఇమ్మిగ్రేషన్‌ రికార్డుల ద్వారా ఆమె థాయ్‌లాండ్‌ విడిచి వెళ్లలేదని తెలుస్తుందని అధికారులు పేర్కొన్నారు. 

న్యూఢిల్లీ: కాంగ్రెస్‌ పార్టీకి చెందిన యూట్యూబ్‌ చానల్‌ ‘ఇండియన్‌ నేషనల్‌ కాంగ్రెస్‌’ ఆన్‌లైన్‌ నుంచి తొలగించబడింది. దీనిపై యూట్యూబ్‌ సంస్థ ఇంకా ఎలాంటి వివరణ రాలేదు. అయితే, ఈ ఘటనపై కాంగ్రెస్‌ పార్టీ తీవ్రంగా స్పందించింది. యూట్యూబ్‌ సంస్థ ఉన్నతాధికారులతో సంప్రదింపులు జరుపుతున్నామని పేర్కొంది.  ‘విద్రోహులు కావాలనే చానల్‌ను తొలగించారా? లేక సాంకేతిక పొరపాటే ఇందుకు కారణమా? అనేది తేలుస్తాం. ఇందుకు సంబంధించి గూగుల్‌/ యూట్యూబ్‌ సంస్థల ఉన్నతాధికారులతో సంప్రతింపులు జరుపుతున్నాం. సమస్యను వెంటనే పరిష్కరించి ఛానల్‌ను పునరుద్ధరించే పనుల్లో నిమగ్నమయ్యాం’ అని పార్టీ తన అధికారిక ట్విట్టర్‌ ఖాతాలో బుధవారం పేర్కొంది. ఇదీ చదవండి: స్వతంత్ర మీడియాని అణచివేసేందుకు యత్నాలు

కోవిడ్‌ పుణ్యమాని ఆన్‌లైన్‌ క్లాసుల పేరిట పిల్లలందరికీ స్మార్ట్‌ఫోన్లు అలవాటైపోయాయి. కానీ చాలా మంది వాటిని టైమ్‌పాస్‌గానే వాడేవారు. నెట్టింట తెగ హడావిడి చేసేవారు. స్మార్ట్‌ ఆలోచనతో ఆన్‌లైన్‌లో రికార్డ్‌ల వేట ప్రారంభించింది కామారెడ్డి జిల్లా పంచాక్షరి నాగిని. ఇంటర్మీడియెట్‌ చదువుతున్న నాగిని ఇటీవల 118 రసాయన మూలకాల పేర్లు 22 సెకన్లలో చెప్పి కలాం బుక్‌ ఆఫ్‌ వరల్డ్‌ రికార్డులో చోటు సంపాదించింది. యూట్యూబ్‌ ఛానల్‌ ద్వారా మోటివేటర్‌గా మారింది. ఆట, పాట, క్విజ్, హ్యాండ్‌ రైటింగ్‌.. అన్నింటా తానే ఫస్ట్‌ అని నిరూపించుకుంటున్న నాగిని కృషి తోటివారికి స్ఫూర్తిగా నిలుస్తోంది. కృషి, పట్టుదల ఉంటే సాధ్యంకానిది ఏదీ లేదని నిరూపిస్తోంది ఇంటర్‌ విద్యార్థిని పంచాక్షరి నాగిని. రసాయన శాస్త్రంలో మూలకాల గురించి అడిగితే చాలు నోటి వెంట పదాలు పరుగులు తీస్తూనే ఉంటాయి. ఒకటికాదు రెండు కాదు ఏకంగా 118 మూలకాల పేర్లు 22 సెకన్లలో చెప్పి కలాం వరల్డ్‌ రికార్డు సాధించింది. కామారెడ్డి జిల్లా బీబీపేట మండలం జనగామ గ్రామానికి చెందిన పంచాక్షరి శ్రీనివాస్, లక్ష్మీ సంధ్యల కూతురు నాగిని ఇంటర్‌ సెకండియర్‌ చదువుతోంది. హైడ్రోజన్, హీలియం, లిథియం, బెరీలియం, బోరాన్, కార్బన్‌.. ఇలా 118 మూలకాల గురించి అతి తక్కువ సమయంలో చెప్పి, రికార్డులను సృష్టించింది. ఇంజినీరింగ్‌ చదివి ఆపై సివిల్స్‌లో సత్తా చాటాలన్న లక్ష్యంతో ముందుకు సాగుతున్న నాగిని జ్ఞాపకశక్తిలోనే కాదు మాటల్లోనూ దిట్టే అని పేరు సాధించింది. మంచి వక్తగా రాణిస్తోంది. తాను చదువుకునే కాలేజీలోనే మోటివేషన్‌ క్లాసులు ఇస్తోంది. అంతేకాదు, స్కూళ్లకు వెళ్లి విద్యార్థులకు మోటివేటర్‌గా క్లాసులు చెబుతుంటుంది. స్కూల్‌ నుంచి ఇస్రోకు మొదటి నుంచి చదువులో చురుకుగా ఉంటున్న నాగిని తొమ్మిదో తరగతిలో ఇస్రో నిర్వహించిన యువికా–2020 యంగ్‌ సైంటిస్ట్‌ ప్రోగ్రాంలో పాల్గొనడం ద్వారా గుర్తింపు పొందింది. రాష్ట్ర స్థాయిలో మ్యాథ్స్‌ టాలెంట్‌ పోటీల్లో మొదటి స్థానంలో నిలిచింది. పదో తరగతిలో స్టేట్‌ లెవల్‌ సైన్స్‌ ఫేయిర్‌లో పాల్గొని మొదటి బహుమతి సంపాదించింది. కరోనాను వెళ్లిపొమ్మంటూ ‘గోబ్యాక్‌ కరోనా’ అన్న పాట స్వయంగా రాసి, పాడింది. అలాగే స్పీచ్‌ కాంపిటీషన్‌లో రాష్ట్ర స్థాయిలో మొదటి స్థానంలో నిలిచింది. హ్యాండ్‌ రైటింగ్‌లోనూ గోల్డ్‌మెడల్‌ సాధించింది. ఖోకో, వాలీబాల్, కబడ్డీ పోటీల్లో రాష్ట్ర స్థాయిలో క్రీడల్లో పాల్గొని, బహుమతులు గెల్చుకుంది. టాలెంట్‌ టెస్ట్‌ కరోనా సమయంలో ఇంటి వద్ద ఆన్‌లైన్‌ పాఠాలు వింటున్న నాగిని దృష్టి మూలకాల మీద పడింది. మొదట్లో కొంత ఇబ్బందిపడ్డా మెల్లమెల్లగా టార్గెట్‌ పెట్టుకుని ముందుకు సాగింది. 118 మూలకాల పేర్లను తొలుత 27 సెకన్లలో చదివి భారత్‌ బుక్‌ ఆఫ్‌ రికార్డ్స్‌లో తన పేరును నమోదు చేసుకుంది. ఆ తర్వాత తన టాలెంట్‌ను మెరుగు పరుచుకునే ప్రయత్నం చేసింది. కొంతకాలానికే  22 సెకన్లలో 118 మూలకాల పేర్లు  చదివి కలాం వరల్డ్‌ రికార్డ్‌ సాధించింది. ఇంటర్‌ ఫస్ట్‌ ఇయర్‌లో 470 మార్కులకు గాను 463 మార్కులు సాధించింది నాగిని. ఆన్‌లైన్‌లో జరిగిన నేషనల్‌ మ్యాథమెటిక్స్‌ టాలెంట్‌ టెస్ట్‌లో ఫస్ట్‌ ర్యాంక్‌ సాధించింది. ‘లర్న్‌ సంథింగ్‌ విత్‌ నాగిని’ అనే పేరుతో యూట్యూబ్‌లో చానల్‌ నిర్వహిస్తోంది. మోటివేటర్‌గా పనిచేస్తోంది. తన జూనియర్లకు క్లాసులు చెబుతోంది. ఆన్‌లైన్‌ రికార్డులు నా లక్ష్యం సివిల్స్‌ వైపే. ఆ దిశగా ఇప్పుడే ప్రణాళికలు వేసుకుంటున్నాను. ఇలాంటి ఆలోచనలు నాలో కలగడానికి కరోనా నాకు టర్నింగ్‌పాయింట్‌లా ఉపయోగపడింది. కరోనా సమయంలో ఆన్‌లైన్‌ క్లాసుల కోసం స్మార్ట్‌ఫోన్‌ చేతిలో పట్టుకోవడం, దాన్ని సద్వినియోగం చేసుకునేలా ప్రయత్నాలు చేశాను. దాని ద్వారానే రికార్డుల సాధనకు మరింత సులువు అయ్యింది.   – పంచాక్షరి నాగిని – ఎస్‌.వేణుగోపాలాచారి, సాక్షి, కామారెడ్డి

యువకుడు.. మొరటోడు.. హింసను ప్రేరేపించేలా ర్యాప్‌లు.. పైగా దూకుడు స్వభావం.. ఇవేం చాలవన్నట్లు పేరులోనే ‘క్రైమ్‌’ ఉంది అతనికి. చికాగో హైల్యాండ్‌ పార్క్‌లో జులై4న జరిగిన స్వాతంత్ర దినోత్స పరేడ్‌లో నరమేధం తాలుకా అనుమానితుడి ఫ్రొఫైల్‌ నుంచి పోలీసులు సేకరించిన ఆసక్తికర విషయాలు ఇవి.  రాబర్ట్‌ బాబీ క్రైమో III(22).. చికాగో ఇల్లినాయిస్‌ హైల్యాండ్‌ పార్క్‌ పరేడ్‌ నరమేధంలో ఆరుగురిని మట్టుపెట్టడంతో పాటు 36 మందిని గాయపరిచాడన్న ఆరోపణల మీద అరెస్ట్‌ అయ్యాడు. అయితే అతని గురించి దర్యాప్తు చేపట్టిన పోలీసులకు విస్తూ పోయే విషయాలు తెలిశాయి.  రాబర్ట్‌ బాబీ క్రైమో.. ఈ ప్రపంచానికి కొత్తగా పరిచయం కావొచ్చు. కానీ, అక్కడి ప్రజలకు మాత్రం అతనిలో పేరుకుపోయిన హింసాత్మక ప్రవర్తన గురించి చాలాకాలంగానే తెలుసు!. ఎలాగంటారా?.. ర్యాపర్‌ అయిన క్రైమో తన యూట్యూబ్‌ ఛానెల్స్‌ ద్వారా బాగా ఫేమస్‌.  హింసను ఉసిగొల్పే లిరిక్స్‌,  కాల్పులు, చావులు, హింసకు సంబంధించిన కంటెంట్‌నే ఎక్కువగా ప్రమోట్‌ చేస్తాడు అతను.  Robert "Bobby" Crimo III ha sido identificado como la persona de interés en el tiroteo masivo mortal en #HighlandPark, Illinois- Chicago. Seis muertos y decenas de heridos en la masacre del desfile festivo del #4deJulio. Video que muestra algo de su aturdida personalidad.#EEUU. pic.twitter.com/OWGdZ01YqM — MikyRodriguezOficial (@MikyRodriguezO1) July 4, 2022 కాల్పుల ఘటన తర్వాత అతన్ని అరెస్ట్‌ చేసిన పోలీసులు.. అతని ఛానెల్స్‌ మొత్తాన్ని యూట్యూబ్‌ నుంచి డిలీట్‌ చేయించారు. సోషల్‌ మీడియా అకౌంట్లను తొలగించారు. అయినప్పటికీ.. అతనికి సంబంధించిన వీడియోలు కొన్ని ఇప్పుడు ఇంటర్నెట్‌లో వైరల్‌ అవుతున్నాయి. ముఖ్యంగా ‘అవేక్‌ ది ర్యాపర్‌’ పేరుతో అతని వీడియోలన్నీ హింసను ప్రొత్సహించేవిగా ఉండడం గమనార్హం.  క్రైమో వీడియోల్లో యూట్యూబ్‌ కూడా నిబంధనల ఉల్లంఘన కింద తీసేయని వీడియోలు చాలానే ఉన్నాయి. హెల్మెట్‌, బుల్లెట్‌ఫ్రూఫ్‌ కోట్‌ ధరించి తరగతి గదిలోనే యువతను రెచ్చగొట్టే వీడియోలు చాలానే తీశాడు అతను. ఒంటి నిండా టాటూలతో విచిత్రమైన వేషధారణలతో ర్యాప్‌లు కడుతూ.. వాటి లిరిక్స్‌లోనూ తనలో పేరుకుపోయిన హింసా ప్రవృత్తిని చూపిస్తుంటాడు అతను.  హోండా ఫిట్‌ కారు రూఫ్‌టాప్‌ నుంచి హై పవర్డ్‌ రైఫిల్‌తో క్రైమో కాల్పులు జరిపాడన్నది హైల్యాండ్‌ పార్క్‌ పోలీసులు వాదన. ఇక ఘటన జరిగిన తర్వాత.. సుమారు ఐదు మైళ్ల పాటు రాబర్ట్‌ను పోలీసులు ఛేజ్‌ చేశారని, ఆపై అదుపులోకి తీసుకున్నారని తెలుస్తోంది.  అమెరికాలో పేట్రేగిపోతున్న గన్‌ కల్చర్‌, ఇంటర్నెట్‌ కంటెంట్‌పై సరైన ఆంక్షలు, నియంత్రణ లేకపోవడం.. మరో యువకుడితో మారణ హోమం సృష్టించిందన్న వాదన వినిపిస్తోంది ఇప్పుడు. ఇలాంటి వాళ్లను ముందస్తుగానే గుర్తించి.. నిలువరిస్తే నరమేధాలు జరగవన్న అభిప్రాయమూ వ్యక్తం అవుతోంది.

మైసూరు(బెంగళూరు): యూట్యూబ్‌ చానెల్‌ పేరుతో ఇంట్లోకి చొరబడి డబ్బు డిమాండ్‌ చేసిన ఐదుమందిని స్థానికులు పట్టుకుని పోలీసులకు అప్పగించారు. నగరంలోని అశోక రోడ్డులో ఈ ఘటన జరిగింది. కర్ణాటక పబ్లిక్‌ వాయ్స్‌ న్యూస్‌ చానెల్స్‌ (కేవీపీ న్యూస్‌)కు చెందిన బసవరాజు, అభిలాష, మణి, నవీన్‌కుమార్, ప్రదీప్‌లు ఉమర్‌ షరీఫ్‌ అనే వ్యక్తి ఇంటికి కారులో వచ్చారు. కెమెరాలతో షూట్‌ చేస్తూ మీ ఇంటిలో అక్రమంగా గ్యాస్‌ రీ ఫిల్లింగ్‌ జరుగుతోందని ఒకరు, తాము పోలీసులమని మరొకరు అతనిని గద్దించారు. డబ్బు ఇస్తే వెళ్లిపోతామని చెప్పారు. ఇంతలో స్థానికులు వారిని నిర్బంధించి పోలీసులకు అప్పగించారు. నిందితులపై కేసు నమోదు చేశారు. చదవండి: పెళ్లయిన కొత్తలో విడిపోయి.. 52 ఏళ్ల తర్వాత ఒక్కటయ్యారు!

స్వచ్ఛమైన తెలుగు మాట్లాడే యాంకర్‌ ఉదయభాను. అప్పట్లో బుల్లితెరను ఓ ఊపు ఊపేసిందామె. తన మాటలతో, నవ్వులతో షోలో కొత్త వెలుగులు నింపేది. ఒకప్పుడు తెలుగులో టాప్‌ యాంకర్‌గా రాణించిన ఆమె కొన్నేళ్లుగా యాంకరింగ్‌కు దూరంగా ఉంది. తాజాగా ఆమె కమ్‌బ్యాక్‌ ఇవ్వడానికి రెడీ అవుతున్నట్లు తెలుస్తోంది. అందులో భాగంగా ఇన్‌స్టాగ్రామ్‌లో కొద్దిరోజులుగా వరుసగా వీడియోలు పోస్ట్‌ చేస్తూ యూట్యూబ్‌లో ఎంట్రీ ఇస్తున్నట్లు వెల్లడించింది. ఉదయభాను పేరుతో కొత్త యూట్యూబ్‌ ఛానల్‌ ప్రారంభించిన యాంకర్‌ 'మీ ప్రేమే నా బలం' పేరుతో మొట్టమొదటి వీడియోను వదిలింది. 'మీ అభిమానం నేను సాధించిన వరం, మీ ప్రేమ అభివర్ణించలేని అద్భుతం, నా ప్రతి అడుగులో నాకు తోడుగా నిలబడింది, నాకు ధైర్యమే నిలిచింది మీరే.. అంటూ అభిమానుల కోసం ఉద్వేగపూరితంగా మాట్లాడింది ఉదయభాను. మీ అభిమానంతో నన్ను ఎప్పుడూ పడిపోకుండా పట్టుకున్నారు, గుండెల్లో పెట్టుకున్నారు. ఏమిచ్చి మీ రుణం తీర్చుకోగలను? మీకు మరింత చేరువయ్యే ప్రయత్నం చేయడం తప్ప.. అందుకే వస్తున్నా మీ ఉదయభాను' అంటూ వీడియోను ముగించింది. ఇన్నాళ్ల తర్వాత మాకోసం యూట్యూబ్‌లో అడుగుపెట్టినందుకు థ్యాంక్స్‌ అంటూ ఫ్యాన్స్‌ సంతోషంతో ఉబ్బితబ్బిబ్బవుతున్నారు. మీ గొంతులోనే ఏదో తెలియని మ్యాజిక్‌ ఉందని కామెంట్లు చేస్తున్నారు. చదవండి: తమన్నాతో గొడవ నిజమే, రెండు రోజులు..: అనిల్‌ రావిపూడి రికార్డులు బద్ధలు కొడుతున్న విక్రమ్‌, ఇప్పటిదాకా ఎంత వచ్చిందంటే?

తెలంగాణ యాస.. పక్కా పల్లెటూరి భాష.. చిల్‌.. బ్రో.. యో..యో.. పదాలకు ఇప్పుడు ఈ గ్యాంగ్‌ బ్రాండ్‌ అంబాసిడర్‌. మారుమూల పల్లెటూరు నుంచి ప్రపంచస్థాయిలో గుర్తింపు పొందారీ చిచ్చరపిడుగులు. ఏడేళ్ల పిల్లాడి నుంచి డెబ్బైఏళ్ల ముసలావిడ వరకు టాలెంట్‌ ఎవరిసొత్తు కాదంటూ.. ప్రతిభకు చదువుకు సంబంధం లేదని తమ నటనతో చాటి చెబుతున్నారు. వీడియో విడుదలైన గంటల్లోనే లక్షల వ్యూస్‌తో అదరగొడుతున్నారు. ఉన్న ఊరిలోనే లొకేషన్లు వెతుక్కుంటూ ఏకధాటిగా షూటింగ్‌లు చేస్తున్నారు. నాలుగేళ్ల కాలంలోనే 17.57కోట్ల అభిమానులను సంపాదించుకున్న జగిత్యాల జిల్లా లంబాడిపల్లి ‘ధూం..ధాం’ పోరగాళ్లపై సండే స్పెషల్‌..     – మల్యాల(చొప్పదండి) ► యూట్యూబ్‌ చానల్‌ ధూంధాం ► ప్రారంభం: 2018 ► తీసిన వీడియోలు: 150  ► చందాదారులు: 8.50లక్షల మంది  ► వీక్షకులు: 17.57 కోట్ల మంది ► చానల్‌లో యాక్టర్లు: 11 మంది.. ప్రారంభం ఇలా.. మల్యాల మండలం లంబాడిపల్లి గ్రామానికి చెందిన అలువాల రాజు 2018లో ధూంధాం యూట్యూబ్‌ చానల్‌ ప్రారంభించాడు. షూటింగ్‌లకోసం డిగ్రీ చదువును మధ్యలో ఆపేశాడు. లంబాడిపల్లిలోని మట్టిలోనే సహజ నటన ఉంది. ఇప్పటికే చాలామంది యూట్యూబ్‌ ద్వారా మంచి గుర్తింపు పొందారు. ‘కికికికిక్‌’ ద్వారా పేరు సంపాదించిన తిరుపతి కీరోల్‌గా రసూల్, భీమన్న, గవాస్కర్, చిన్నూ, ధనుష్, సూరజ్, మణి, కరుణాకర్, రాజవ్వ తమ సహజసిద్ధ నటనతో ‘ధూంధాం’లో ఆకట్టుకుంటున్నారు. ప్రజల జీవన విధానమే కథలుగా తెరకెక్కిస్తున్నారు. లంబాడిపల్లి ప్రకృతి, పరిసరాలనే షూటింగ్‌లకు ఆవాసం చేసుకుంటున్నారు. 150 వీడియోలు.. 17.57 కోట్ల వీక్షకులు  ధూంధాం చానల్‌ ద్వారా ఇప్పటివరకు 150 వీడియోలు చిత్రీకరించారు. వీటిలో గ్రామంలో జులాయిగా తిరిగే వ్యక్తి సైన్యంలో చేరి, దేశం కోసం ప్రాణాలు అర్పించిన వీడియో  గంట 40 నిమిషాలు, మల్లిగాడు  గంట 30నిమిషాల నిడివి గల వీడియోలతో చానల్‌ ప్రాచూర్యం పొందింది. కౌసుగాళ్లు, మల్లిగాడు, హోలీ, జవాన్‌ జర్నీ, చిల్‌ బ్రో, బడి దొంగలు, దుబాయ్‌ నుండి వస్తే.. పిలువని పేరంటానికి పోతే.. పల్లెటూరి ప్రేమకథ, ఆర్టీసీ బస్, విలేజ్‌ ఫ్యాషన్, కొత్తబండి, ఐఫోన్‌ వంటి 150వీడియోలు తీయగా, ఇప్పటి వరకు 17.57కోట్ల మంది వీడియోలను వీక్షించారు. చిల్‌ బ్రోలో రసూల్‌గా నటించిన మణివర్షిత్‌ డైలాగులతో చానల్‌కు ఆదరణ పెరిగింది. ఒకే రోజు 3లక్షల మంది వీక్షకులు చూశారు. మరో వీడియో హోలీకి ఒక్కరోజులో 1 మిలియన్‌ వ్యూస్‌ వచ్చాయి. ప్రతిభకు పట్టం  ధూంధాం చానల్‌ టీంలో ఎవరూ పెద్దగా చదువుకున్నవారు లేరు. ఎవరి పనివారు చేసుకుంటూనే నటిస్తున్నారు. స్వయం ఉపాధితో పాటు పదిమందికి ఉపాధి కల్పిస్తున్నాడు రాజు. ఈ యువకుడు డిగ్రీ డిస్‌కంటిన్యూ చేయగా, అసిస్టెంట్‌ డైరెక్టర్‌గా పనిచేస్తూ, మల్లిగాడులో నటించిన గవాస్కర్‌ అదే తోవలో నడిచాడు. పిల్లి తిరుపతి వ్యవసాయం చేసుకుంటూ నటిస్తున్నాడు. పిల్లలందరూ బడికిపోయే వారే. చిచ్చరపిడుగులు ధూంధాం చానల్‌లో 11మందిలో ఆరుగురు చిన్నారులే. పిల్లల సహజ నటనకు ప్రపంచవ్యాప్తంగా గుర్తింపు వచ్చింది. బడికి వెళ్లే వయసులోనే సంపాదిస్తూ తల్లిదండ్రులకు ఆసరాగా ఉంటున్నారు రసూల్, చిన్నూ, ధనుష్, సూరజ్, మణి, కరుణాకర్‌. ప్రతీ నెలా వారి పాత్రలకు అనుగుణంగా కొంతమొత్తం వస్తుండడంతో తల్లిదండ్రులు సైతం ప్రోత్సహిస్తున్నారు. డైలాగ్‌ కింగ్‌ అంటరు మాది లంబాడిపల్లి. అమ్మానాన్న పెంట సురేశ్, రాజమణి. తాటిపల్లి జిల్లా పరిషత్‌ పాఠశాలలో ఏడో తరగతి చదువుతున్న. బడికి పోయి వచ్చినంక నటిస్తున్న. ఎంత పెద్ద డైలాగ్‌ అయిన ఆగకుండా  చెప్పుత. డైలాగ్‌ కింగ్‌ అంటరు నన్ను. వీడియోల్లో నటిస్తే వచ్చే డబ్బు ఇంటికి ఆసరాగా ఉంటోంది. అమ్మానాన్న కూడా ప్రోత్సహిస్తున్నారు. – సూరజ్, ఏడో తరగతి ఎవుసం చేసుకుంటూనే..  పదో తరగతి సదివిన. ఇప్పటి దాకా 80వీడియోల్లో నటించిన. రోజూ ఎవుసం పనిచేసుకుంటూనే వీడియోలు చేస్తా. ఆర్టీసీ బస్‌ మొదటి వీడియో పేరు తెచ్చింది. ఆర్మీ జవాన్‌ వీడియో మంచి పేరు తెచ్చింది. అందరం ఒకే కుటుంబంగా ఉంటాం. అన్నదమ్ముల్లా మెదులుతాం. – పిల్లి తిరుపతి, లంబాడిపల్లి అమ్మానాన్నప్రోత్సాహం వీడియోలు తీయాలని ఉందని చెబితే అమ్మానాన్న నర్సవ్వ, చంద్రయ్య రూ.లక్ష ఇచ్చి ప్రోత్సహించారు. డిగ్రీ మధ్యలోనే ఆపేశా. నటించాలనే కోరికతో చానల్‌ ప్రారంభించిన. స్క్రిప్ట్‌ రైటింగ్, డైరెక్షన్, ఎడిటింగ్‌ అన్నీ నేనే చేస్తా. నటించడం కన్నా డైరెక్షన్‌ చేయడం చాలా అవసరం అనిపించింది. ఇప్పటి వరకు 150 వీడియోలు తీసిన. – అలువాల రాజు, ధూంధాం చానల్‌ నిర్వాహకుడు సదువుకుంటు.. సంపాదిస్తున్న మాది గంగాధర మండలం కురుమపల్లి. అమ్మానాన్న తొట్ల తిరుపతి, లావణ్య. చానల్‌ ప్రారంభం నుంచి నటిస్తున్న. మాది వ్యవసాయ కుటుంబం. అమ్మమ్మ ఊరు లంబాడిపల్లి. ఇక్కడే ఉండి చదువుకుంటున్న. ఇప్పటి వరకు సుమారు 70వీడియోల్లో నటించా. సదువుకుంటూనే వీడియోల్లో నటిస్తున్న. వచ్చే ఆదాయంతో అమ్మానాన్నకు ఆసరాగా ఉంటున్నా. – రసూల్‌(మణివర్షిత్‌) 

‘యూ ట్యూబా, అదేమిటి?’ అని అడిగినవాళ్లే ఇప్పుడు తమ వీడియోలతో అద్భుతాలు సృష్టిస్తున్నారు. ‘దీన్ని ఎలా ఉపయోగిస్తారు?’ అని కెమెరాను చూస్తూ  అమాయకంగా అడిగిన వాళ్లే ఆ కెమెరాను ఆపరేట్‌ చేస్తూ  ‘సూపర్‌’ అనిపించుకుంటున్నారు. ‘చిన్న ఊరు’గా ఒకప్పుడు ఆ ఊరికి చిన్నపేరే ఉంది. ఇప్పుడు మాత్రం ‘యూట్యూబ్‌ విలేజ్‌’గా పెద్దపేరు వచ్చింది. దీనికి ప్రధాన కారణం ఆ గ్రామ మహిళలు... పచ్చటిపంట పొలాలు పలకరింపుగా నవ్వుతున్నాయి. పిల్లలు గోలగోలగా ఆడుకుంటున్నారు. సుమారు పదిహేనుమంది మహిళలు వంటపనుల్లో నిమగ్నమయ్యారు. మగవాళ్లు వారికి సహాయపడుతున్నారు. అంతా సందడి సందడిగా ఉంది. అలా అని అది పెళ్లికి సంబంధించిన విందు కార్యక్రమం కాదు. జస్ట్‌... యూట్యూబ్‌ షూటింగ్‌! బంగ్లాదేశ్‌లోని కుష్తియ జిల్లాలోని షిములియ గ్రామం ‘యూట్యూబ్‌ విలేజ్‌’గా ఫేమస్‌ అయింది. ఈ గ్రామ నేపథ్యంగా ఘుమఘుమలాడే బిర్యానీ వంటకాల తయారీ నుంచి చేపలను సులభంగా ఎలా పట్టాలి?... వరకు ఎన్నో ఆసక్తికరమైన విషయాలను ఈ ‘యూట్యూబ్‌ విలేజ్‌’ నుంచి తెలుసుకోవచ్చు. షూట్‌ పూర్తయిన తరువాత వేడివేడి వంటకాలను పేదలకు పంచుతారు. కెమెరా హ్యాండిల్‌ చేయడం, ఎడిటింగ్, షూట్, డైరెక్షన్‌... మొదలైన విషయాలను శ్రద్ధగా నేర్చుకున్న షిములియ గ్రామ మహిళలు తమ వంటల వీడియోలతో అద్భుతాలు సృష్టిస్తున్నారు. ఈ ఛానల్‌ ద్వారా వచ్చిన ఆదాయాన్ని గ్రామ అభివృద్ధికి, పేదల అవసరాల కోసం వినియోగిస్తున్నారు. ఫ్లాష్‌బ్యాక్‌లోకి వెళితే... మీర్‌పూర్‌లో ఐటీ కంపెనీ నడిపే లిటన్‌ అలి స్వగ్రామం షిములియ. ఊరికి వచ్చినప్పుడల్లా తన చేతిలో ఉన్న కెమెరాతో చేపలమార్కెట్‌ సందడి, పిల్లకాలువలు, పెద్దచెరువు అందాలు, చేతివృత్తుల పనితనం, గొర్రెల కాపరి పాడే పాట... ఇలా రకరకాల దృశ్యాలను వీడియోలో బంధించి ‘ఎరౌండ్‌ మీ బీడి’ పేరుతో  యూ ట్యూబ్‌లో అప్‌లోడ్‌ చేసేవాడు.  ఆ సమయంలోనే ‘ఎరౌండ్‌ మీ బీడి’ని ఉపాధికి ఉపయోగపడే ఛానల్‌గా మార్చాలని రంగంలోకి దిగాడు అలి. మొదట్లో ఎలా ఉండేదోగానీ మహిళలు ఈ ప్రాజెక్ట్‌లోకి ఎంటర్‌ అయిన తరువాత సీన్‌ మారిపోయింది. వారు తమ నైపుణ్యం, సృజనాత్మక ఆలోచనలతో ‘యూట్యూబ్‌ విలేజ్‌’ను ఎక్కడికో తీసుకువెళ్లారు. దీంతో షిములియ పేరు ‘యూట్యూబ్‌ విలేజ్‌’గా మారిపోయింది. ‘ఎప్పుడోగానీ ఊరంతా ఒకచోట కలుసుకునే అవకాశం ఉండదు. అయితే ఛానల్‌ పుణ్యమా అని అందరం తరచు ఒకచోట కలుసుకునే అవకాశం దొరుకుతుంది. ఊరంతా కలిసి విందు చేసుకుంటున్నట్లుగా ఉంటుంది. సంతోషాలు పంచుకోవడమే కాదు సమస్యల గురించి కూడా మాట్లాడుకుంటున్నాం’ అంటుంది 38 సంవత్సరాల మహేర. ‘మా వంటల రుచులతో ప్రపంచంతో మాట్లాడే అవకాశం దొరికింది’ అంటుంది రియా. కంటెంట్‌ సక్సెస్‌ కావడం ఒక ఎత్తయితే, ఆ సక్సెస్‌ను నిలుపుకోవడం మరో ఎత్తు. ఎప్పటికప్పుడు విభిన్నమైన ఎపిసోడ్స్‌ను రూపొందించాల్సి ఉంటుంది. ఈ బాధ్యతను భుజాన వేసుకొన్న గ్రామ మహిళలు కాలగర్భంలో కలిసిపోయిన అరుదైన, రుచికరమైన వంటకాలను బయటికి తీస్తున్నారు. దీంతోపాటు కొత్త వంటకాలను సృష్టిస్తున్నారు. ‘యూట్యూబ్‌ విలేజ్‌’ అనేది బిజినెస్‌ మోడల్‌గా మారడమే కాదు ఎన్నో ఊళ్లకు స్ఫూర్తి ఇస్తుంది. ఇప్పుడు మనదేశంతో సహా పాకిస్థాన్, ఇండోనేషియా... మొదలైన దేశాల్లో ‘యూట్యూబ్‌ విలేజ్‌’ అనేది ఒక ట్రెండ్‌గా మారింది. చదవండి👉🏾ఆమె వస్తే... పెళ్లి ఆగాల్సిందే

శ్రీనగర్‌కాలనీ: దేశం మొ త్తం ఒక్కటే డీఎన్‌ఏ ఉం దనే విషయాన్ని ఒవైసీకి చెప్పానని, టెస్ట్‌ చేయించుకోవడానికి రమ్మని సవాల్‌ విసిరినా, ఆయన ముందుకు రాలేదని మాజీ పార్ల మెంట్‌సభ్యుడు డాక్టర్‌ సుబ్రమణ్యస్వామి అన్నారు. కాశీ విశ్వనాథస్వామి ఆలయాన్ని ముట్టుకోవద్దని ఒవైసీ అంటున్నారని, అక్కడ పూజించే హక్కు తమకు ఉందని స్పష్టం చేశారు. హైదరాబాద్‌ శ్రీనగర్‌కాలనీ సత్యసాయి నిగమాగమంలో ఇస్కాన్‌ సంస్థకు చెందిన ‘కౌఇజం’ యూ ట్యూబ్‌ చానల్‌ ప్రారంభోత్సవం జరిగింది. దీనికి ముఖ్యఅతిధిగా హాజరైన ఆయన మాట్లాడుతూ... ప్రపంచంలో చెక్కు చెదరకుండా బతికున్న సంస్కృతి, హిందూ సంస్కృతి మాత్రమేనన్నారు. దేశంలోని ప్రతి ఆలయాన్ని కాపాడుకోవాల్సిన బాధ్యత హిందువులపై ఉందని తెలిపారు. మన సంస్కృతి, నాగరికత ఆవు తోనే ముడిపడి ఉందని చెప్పారు. గోవును జాతీయ జంతువుగా చేయాలని పోరాడుతున్నామన్నారు. గతంలో కాంగ్రెస్‌ పార్టీ గుర్తు ఆవు అని, స్వలాభం కోసం మార్పులు చేసుకుని హస్తం గుర్తుగా పెట్టుకున్నారని ఎద్దేవా చేశారు. కార్యక్రమంలో ఇస్కాన్‌ చైర్మన్‌ డాక్టర్‌ సహదేవ దాసా, బీఎస్‌ఎఫ్‌ మాజీ అడిషనల్‌ డీజీ పి.కె.మిశ్రా పాల్గొన్నారు. 

నరసరావుపే టౌన్‌(పల్నాడు జిల్లా): ఛీటింగ్‌ కేసులో నిందితుడిని అరెస్టు చేసినట్లు టూటౌన్‌ సీఐ ఎస్‌.వెంకట్రావు మంగళవారం తెలిపారు. వివరాలు.. బరంపేటకు చెందిన పోతుల విక్రమ్, లక్ష్మీజ్యోతి భార్యాభర్తలు. విక్రమ్‌ ఆదిత్య పేరిట లక్ష్మీజ్యోతి యూట్యూబ్‌ చానల్‌ను 2014లో నుంచి నిర్వహిస్తోంది. సుమారు ఈ చానల్‌కు 10 లక్షల మంది సబ్‌ స్క్రెబర్లు ఉన్నారు. రెండేళ్ల క్రితం లక్ష్మీజ్యోతి హైదరాబాద్‌కు చెందిన వ్యాకుడ్‌ ఆవుట్‌ కంపెనీతో తన యూట్యూబ్‌ చానల్‌ ద్వారా యాడ్స్‌ ఇచ్చేందుకు ఒప్పదం కుదుర్చుకుంది. ఈ క్రమంలో భర్త విక్రమ్‌ మరో యువతిని వివాహం చేసుకున్నాడు. దీంతో భార్యాభర్తల మధ్య విభేదాలు తలెత్తి వేర్వేరుగా జీవిస్తున్నారు. చదవండి: పెళ్లి చేసుకో.. లేకపోతే ఫోటోలు, వీడియోలు బయటపెడతా.. అయితే లక్ష్మీజ్యోతి సంతకాన్ని ఫోర్జరీ చేసి వ్యాకుడ్‌ అవుట్‌ కంపెనీతో కుదుర్చుకున్న ఒప్పందాన్ని భర్త విక్రమ్‌ రద్దు చేశాడు. యూట్యూబ్‌ చానల్‌ ద్వారా ప్రతినెల వచ్చే ఆదాయాన్ని తన రెండో భార్య తమ్ముడు వావిళ్ళపల్లి సంతోష్‌ అకౌంటుకు మళ్లించాడు. రెండేళ్ల నుంచి సుమారు 4 కోట్ల రూపాయలు మోసం చేసి దారి మళ్లించినట్లు లక్ష్మీజ్యోతి గ్రహించి టూటౌన్‌ పోలీసులకు ఫిర్యాదు చేసింది. ఈ మేరకు కేసు నమోదు చేసిన పోలీసులు సంతోష్‌ను అరెస్టు చేసి అతడి బ్యాంక్‌ ఖాతాలను సీజ్‌ చేశారు. కేసులో ప్రధాన నిందితుడు విక్రమ్‌ కోసం గాలిస్తున్నట్లు సీఐ వెంకట్రావు తెలిపారు.

'అలా మొదలైంది' సినిమాతో టాలీవుడ్‌లో ఎంట్రీ ఇచ్చిన మలయాళ ముద్దుగుమ్మ నిత్యా మీనన్‌. చేసినవి కొన్ని సినిమాలే అయినా అందం, నటనతో ప్రేక్షకులను అలరిస్తున్న నిత్యా మీనన్‌ రీసెంట్‌గా భీమ్లా నాయక్‌ సినిమాలో నటించిన సంగతి తెలిసిందే. ప్రస్తుతం ఓ షోకు జడ్జిగానూ వ్యవహరిస్తోంది. ఇప్పుడీ మల్టీ ట్యాలెంటెడ్ హీరోయిన్‌ తాజాగా సొంతంగా యూట్యూబ్‌ చానల్‌ మొదలుపెట్టింది. నిత్య అన్‌ఫిల్టర్డ్’(Nithya Unfiltered)పేరుతో యూట్యూబ్‌ వరల్డ్‌లోకి ఎంట్రీ ఇచ్చేసింది. తన 12ఏళ్ల సినీ కెరీర్‌కి సంబంధించిన విషయాలను ఫస్ట్ వీడియోలో షేర్‌ చేస్తూ తన వ్య‌క్తిగ‌త‌,వృత్తిప‌ర‌మైన జీవిత విశేషాల‌పై మ‌రిన్ని వీడియోలతో త్వరలోనే మీ ముందుకు రాబోతున్నానంటూ పేర్కొంది. ఇక  యూట్యూబ్‌ ఛానల్‌ ప్రారంభించిన కాసేపటికే వేలమంది ఫాలోవర్లు వచ్చి చేరారు. 

దేశ భద్రతకు ముప్పుగా పరిణమించిన 16 యూట్యూబ్‌ ఛానళ్లను భారత ప్రభుత్వం నిషేధించింది. దేశ భద్రత, సమగ్రతలకు సంబంధించి తప్పుడు సమాచారం ప్రచారం చేస్తున్నందన ఈ నిర్ణయం తీసుకుంది. తాగాగా నిషేధం విధించిన ఛానళ్లలో 6 పాకిస్తాన్‌కి చెందినవి ఉన్నాయి. యూట్యూబ్‌ ఛానళ్లతో పాటు ఫేస్‌బుక్‌ అకౌంట్‌ని కేంద్ర ప్రసార శాఖ బ్లాక్‌ చేసింది. తాజాగా నిషేధిత జాబితాలో చేరిన యూ ట్యూబ్‌ ఛానళ్లకు రికార్డు స్థాయిలో 68 కోట్ల మంది సబ్‌స్క్రైబర్లు ఉన్నారు. భారీ స్థాయిలో చందాదారులను కలిగిన ఈ ఛానళ్లు అదే పనిగా భారత విదేశాంగ విధానం, అంతర్గత వ్యవహారాలు, దేశ సమగ్రతకు సంబంధించిన అంశాల్లో తప్పుడు సమాచారాన్ని వెదజల్లుతున్నట్టు కేంద్ర ప్రసార శాఖ గుర్తించింది. దీంతో వాటిపై నిషేధం విధించింది. నిషేధించిన యూట్యూబ్‌ ఛానళ్లు ఎస్‌బీబీ న్యూస్‌, తహ్‌ఫుజ్‌ ఈ దీన్‌ ఇండియా, ది స్టడీ టైం, లేటెస్ట్‌ అప్‌డేట్‌, హిందీ మే దేఖో, డిఫెన్స్‌ న్యూస్‌ 24/7, టెక్నికల్‌ యోగేంద్ర, షైనీ ఎడ్యుకేషనల్‌ రీసెర్చ్‌, ఆజ్‌ తే న్యూస్‌, ఎంఆర్‌ఎఫ్‌ టీవీ లైవ్‌ వంటి ఇండియా ఛానళ్లు ఉన్నాయి. ఇక పాకిస్తాన్‌ బేస్డ్‌ ఛానళ్ల విషయానికి వస్తే బోల్‌ మీడియా బోల్‌, ఖైసర్‌ ఖాన్‌, ది వాయిస్‌ ఆఫ్‌ ఏషియా, డిస్కవర్‌ పాయింట్‌, రియాల్టీ చెక్‌, ఆజ్‌తక్‌ పాకిస్తాన్‌ ఛానళ్లు ఉన్నాయి. వీటితో పాటు తహ్‌ఫుజ్‌ ఈ దీన్‌ మీడియా సర్వీసెస్‌ ఇండియా అనే ఫేస్‌బుక్‌ అకౌంట్‌ కూడా ఉంది.  చదవండి: Truecaller: గూగుల్‌ షాకింగ్‌ నిర్ణయం..ఇకపై ట్రూకాలర్‌లో ఈ ఫీచర్‌ పనిచేయదు.

తప్పుడు సమాచారాన్ని ప్రచారం చేస్తున్న పలు యూట్యూబ్‌ ఛానళ్లపై కేంద్ర ప్రభుత్వం కొరడా ఝుళిపించింది. దేశ భద్రత, జాతీయ సమగ్రత, విదేశీ సంబంధాలకు భంగం కలిగిస్తున్నాయన్న కారణంతో 22 యూట్యూబ్‌ ఛానళ్లపై కేంద్ర సమాచార, ప్రసార శాఖ నిషేధించింది. ఇందులో 18 భారతీయ, 4 పాకిస్థాన్‌కు చెందినవి ఉన్నాయి. ఈ మేరకు మంగళవారం ఓ ప్రకటన విడుదల చేసింది. కేంద్ర ప్రభుత్వం నిషేధించిన యూట్యూబ్ ఛానెళ్లలో మొత్తం వ్యూయర్‌షిప్ 260 కోట్లకు పైగా ఉన్నట్టు తేలింది. సంబంధిత యూట్యూబ్‌ చానళ్లు టెలివిజన్‌ లోగోలు, యాంక్లరను ఉపయోగించి, తప్పుడు థంబ్‌నెల్స్‌తో వీక్షకులను తప్పుదారి పట్టిస్తున్నారని కేంద్రం తెలిపింది. ఐటీ రూల్స్‌ 2021ను ఉల్లంఘించిన కారణంతో తొలిసారిగా 18 యూట్యూబ్ చానెళ్ల‌ను బ్లాక్ చేసిన‌ట్లు వెల్లడించింది. వీటితోపాటు మూడు ట్విటర్‌ అకౌంట్లు, ఒక ఫేస్‌బుక్‌ అకౌంట్‌లను బ్లాక్‌ చేసింది. ఈ చానళ్లు భారత ఆర్మీ, జమ్మూ కశ్మీర్‌ వివాదం వంటి అంశాలపై సామాజిక మధ్యమాల ద్వారా భారత్‌కు వ్యతిరేకంగా తప్పుడు వార్తలు ప్రసారం చేస్తున్నట్టు కేంద్రం పేర్కొంది. చదవండి: విషాదం మిగిల్చిన ఫోటోషూట్‌.. పెళ్లైన రెండు వారాలకే.. అంతేగాక ఉక్రెయిన్‌లో కొనసాగుతున్న పరిస్థితులకు సంబంధించి కూడా కొన్ని భారతీయ యూట్యూబ్ ఛానెల్‌లు తప్పుడు కంటెంట్‌ను పబ్లిష్‌ చేస్తున్నారని, ఇవన్నీ ఇతర దేశాలతో భారత్‌కున్న విదేశీ సంబంధాలను దెబ్బతీసే లక్ష్యంతో పనిచేస్తున్నాయని గుర్తించినట్లు తెలిపింది. ఇవి పాకిస్థాన్ వేదికగా పనిచేస్తున్నట్టు పేర్కొంది. నిఘా వర్గాల సహకారంతో సమాచార, ప్రసారశాఖ మంత్రిత్వ శాఖ ఈ నిర్ణయం తీసుకుంది. చదవండి: Viral Video: మండుటెండలో కోతి దాహం తీర్చిన పోలీస్‌.. ‘హ్యాట్సాఫ్‌ సార్‌’

నిజం చెప్పాలంటే, శ్లోక్‌ శ్రీవాస్తవ ఇంతలా ఎప్పుడూ కృంగిపోలేదు. దిల్లీలోని మధ్యతరగతి కుటుంబానికి చెందిన శ్రీవాస్తవకు ఐఐటీ,దిల్లీలో సీటు రాకపోవడం శరాఘాతంలా పరిణమించింది. తల్లిదండ్రులు ఏమీ అనకపోయినా, ధైర్యం చెప్పినా తనలో అంతులేని బాధ. అలా రెండు నెలలు...దుఃఖమయ సమయం. Forbes India 30 Under 30 in 2022: తనను తాను చీకటిగుహలో నుంచి వెలుగు వాకిట్లోకి తీసుకురావడానికి విజేతల ఆత్మకథలు చదవడం మొదలు పెట్టాడు. వాళ్లెవరూ పుట్టు విజేతలు కాదు. జీవితంలో ఎన్నో ఢక్కామొక్కీలు తిన్నవాళ్లు. విజేతలకు సంబంధించి రకరకాల పుస్తకాలు తిరగేస్తున్నప్పుడు... ‘నీ లక్ష్యం మీద నీకు స్పష్టత ఉంటే నీ దగ్గరకు విజయం...నడిచిరావడం కాదు పరుగెత్తుకు వస్తుంది’ అనే వాక్యం తనకు బాగా నచ్చింది. ఆ సమయంలో ఆలోచించాడు ‘అసలు నా లక్ష్యం ఏమిటీ?’ అని.  ఆ విషయంపై తాను ఎప్పుడూ దృష్టి పెట్టలేదు. అభిరుచి నుంచి లక్ష్యం పుడుతుంది...అంటారు. తన అభిరుచి విషయంలో మాత్రం స్పష్టత ఉంది. తనకు గ్యాడ్జెట్స్‌ అంటే ఇష్టం. యూట్యూబ్‌ వీడియోలు రూపొందించడం అంటే ఇష్టం. వీటిలో ఏముంది ప్రత్యేకత? ప్రత్యేకత ఆవిష్కరించడమే కదా విజేత పని! ∙∙ చెన్నైలోని ఎస్‌ఆర్‌ఎం యూనివర్శిటీలో శ్లోక్‌కు అడ్మిషన్‌ దొరికింది. యూనివర్శిటీలో ఉన్న  కాలంలో...ఒకవైపు  చదువుపై శ్రద్ధ పెడుతూనే మరోవైపు డిజైన్, థియేటర్, కోర్స్‌ మేకింగ్‌ యూట్యూబ్‌ వీడియోలను చేయడం మొదలుపెట్టాడు. గ్యాడ్జెట్‌లను పరిచయం చేయడానికి ‘టెక్‌ బర్నర్‌’ పేరుతో యూట్యూబ్‌ చానల్‌ ప్రారంభించాడు. గ్యాడ్జెట్‌ల పరిచయం వ్యాపార ప్రకటనల్లా కాకుండా...ఎంటర్‌టైనింగ్, స్టోరీ టెల్లింగ్‌ పద్ధతుల్లో పరిచయం చేసేవాడు. తన గ్రాడ్యుయేషన్‌ పూర్తయింది. అప్పుడప్పుడే ఉద్యోగ అవకాశాలు వస్తున్నాయి. ఉద్యోగం చేయకుండా పూర్తిస్థాయిలో సమయాన్ని చానల్‌కు కేటాయించాలని నిర్ణయించుకున్నాడు. అయితే ఇది వారి కుటుంబసభ్యులకు నచ్చలేదు. సర్దిచెప్పాడు. కెమెరా ముందు ఆకట్టుకునేలా ఎలా మాట్లాడాలి? నాణ్యమైన వీడియోలు ఎలా రూపొందించాలి....మొదలైన విషయాలపై మరింత శ్రద్ధ పెట్టాడు. చానల్‌ సూపర్‌డూపర్‌ హిట్‌ అయింది! ప్రతి నెల 50 మిలియన్‌ల వ్యూయర్‌షిప్‌ వచ్చింది. ఈ ఉత్సాహంలో రెండు వెబ్‌సైట్‌లు, బర్నర్‌ మీడియా బ్యానర్‌పై ఆన్‌లైన్‌ అప్లికేషన్‌లు లాంచ్‌ చేశాడు. ‘టెక్‌ బర్నర్‌’ అనేది అతడి పేరుకు ప్రత్యామ్నాయం అయింది. ఈ పేరుతోనే అతడిని పిలుస్తుంటారు. ‘ఉద్యోగం వద్దు అనుకున్నప్పుడు...రిస్క్‌ చేస్తున్నావు అని ఎంతోమంది హెచ్చరించారు. రిస్క్‌ అని వెనక్కి తగ్గితే ఏమీ చేయలేము అనే విషయం తెలుసు. దీనికి కారణం నేను చేస్తున్న పనిపై నాకు ఉన్న సంపూర్ణ నమ్మకం. బరిలో మంచి టాలెంట్‌ ఉన్న ఎంతోమంది యూట్యూబర్స్‌ ఉన్నారు. అయితే నాకు ఒక నమ్మకం... నాకంటూ ఎక్కడో ఒకచోట స్థానం ఉంటుందని. దానికోసం వెదికాను. విజయం సాధించాను’ అంటున్న  శ్లోక్‌ శ్రీవాస్తవ ‘ఫోర్బ్స్‌’  ఇండియన్‌ ‘ఫోర్బ్స్‌ 30 అండర్‌ 30’ జాబితాలో చోటు సంపాదించాడు.

ఉక్రెయిన్‌పై రష్యా చేస్తున్న మార‌ణ హోమం నేపథ్యంలో యూట్యూబ్ కీల‌క నిర్ణ‌యం తీసుకుంది. యూట్యూబ్ ప‌రిధిలోని ర‌ష్య‌న్ మీడియాకు సంబంధించిన అడ్వెర్‌టైజ్‌మెంట్లును నిషేధిస్తున్నట్టు ప్రకటించింది.    యూట్యూబ్ శ‌నివారం ర‌ష్యా ప్ర‌భుత్వ ప‌రిధిలో ఉన్న మీడియా సంస్థ‌ ర‌ష్యా టుడే-(ఆర్టీ)తో పాటు ఇత‌ర ర‌ష్యాకు చెందిన యూట్యూబ్ అకౌంట్‌ల‌ను స‌స్పెండ్ చేసిన‌ట్లు యూట్యూబ్ అధికారిక ప్ర‌తినిధి  ధృవీకరించారు. రష్యా అధ్యక్షుడు వ్లాదిమిర్ పుతిన్ గురువారం ఉక్రెయిన్‌పై పూర్తి స్థాయి దాడికి అనుమతి ఇచ్చినందుకు ప్రతిస్పందనగా ఈ తొలగింపు జరిగిన‌ట్లు యూట్యూబ్ తెలిపింది.   ర‌ష్యాలో ఇప్ప‌టికే మోసపూరిత పద్ధతులకు వ్యతిరేకంగా యూట్యూబ్ ప్రైవ‌సీ పాల‌సీ విధానాల్ని ఉల్లంఘించే  వీడియోలను తొలగిస్తున్న‌ట్లు యూట్యూబ్ ఓ రిపోర్ట్‌ను విడుద‌ల చేసింది. ఉక్రెయిన్‌లో అసాధారణ పరిస్థితుల నేపథ్యంలో మేము అనేక చర్యలు తీసుకుంటున్నాం. ఇటీవలే అమ‌లు చేసిన ఆంక్ష‌ల కారణంగా రష్యన్ ఛాన‌ల్తో సహా యూట్యూబ్‌లో డబ్బులు ఆర్జించే అనేక ఛానెల్స్ ను నిషేధిస్తున్న‌ట్లు ఆ రిపోర్ట్‌లో పేర్కొంది.   కాగా ఫేస్‌బుక్‌(మెటా)తో ర‌ష్యా మీడియా ఆదాయ వ‌న‌రుల్ని నిలిపిస్తున్న‌ట్లు ఫేస్‌బుక్ సెక్యూరిటీ పాలసీ హెడ్ నథానియల్ గ్లీచెర్ ట్వీట్ చేశారు. ఇప్పుడు మెటా దారిలో యూట్యూబ్ కీల‌క నిర్ణ‌యం తీసుకోవ‌డం ఆస‌క్తిక‌రంగా మారింది. అయితే ఈ నిర్ణ‌యం ర‌ష్యాలో శాస్వ‌తంగా కొన‌సాగుతుందా? లేదంటే తాత్కాలికంగా నిషేధం విధించారా? అనే విష‌యం తెలియాల్సి ఉంది.

Bullettu Bandi Song New Record: ‘నీ బుల్లెట్ బండెక్కి వచ్చేత్త పా’ పాట.. తెలుగు రాష్ట్రాల్లో ఎంత పాపులర్ అయ్యిందో ప్రత్యేకంగా చెప్పాల్సిన పనిలేదు. మోహన భోగరాజు పాడిన ఈ సాంగ్‌.. బారాత్‌లో ఓ పెళ్లికూతురి డ్యాన్స్‌తో సోషల్‌ మీడియా దృష్టిని ఆకట్టుకుంది. ఆపై రకరకాల వెర్షన్‌లతో క్రేజీ సాంగ్‌గా మారిపోయింది. తాజాగా ఈ సాంగ్‌ మరో ఫీట్‌ అందుకుంది. ఈ పాటకు జగిత్యాల పట్టణంలో 1000 మందితో నృత్యం చేయించి మరో మెట్టు ఎక్కించారు. ఇంటర్నేషనల్ వండర్ బుక్ ఆఫ్ రికార్డ్స్‌లో భాగంగా రవి మచ్చ యూట్యూబ్ ఛానెల్ ఆధ్వర్యంలో స్థానిక మినీ స్టేడియంలో ఈ కార్యక్రమం నిర్వహించారు. ఈ నృత్య ప్రదర్శనలో మహిళలు, యువతులు, చిన్నారులు మొత్తం వెయ్యి మందికి పైగా పాల్గొన్నారు.  జగిత్యాల, చొప్పదండి ఎమ్మెల్యేలు డాక్టర్ సంజయ్, సుంకే రవిశంకర్, కరీంనగర్ ఎమ్మెల్సీ ఎల్ రమణ, జెడ్పీ చైర్‌పర్సన్ దావ వసంతా సురేష్, జిల్లా కలెక్టర్ జి. రవి, మున్సిపల్ చైర్‌పర్సన్ డాక్టర్ భోగ శ్రావణి తదితరులు ఈ కార్యక్రమంలో పాల్గొన్నారు. బుల్లెట్‌ బండి సాంగ్‌ను రచయిత లక్ష్మణ్‌ రాయగా.. ఎస్‌కే బాజి సంగీతం అందించారు.

One Crore Subscription Completed For Modi Youtube: సోషల్‌ మీడియాలో తగ్గేదేలే అంటున్నారు ప్రధాని నరేంద్ర మోదీ. తాజాగా అరుదైన రికార్డు ఆయన సొంతం అయ్యింది. ప్రపంచంలోని టాప్ లీడ‌ర్స్‌కు సాధ్యం కానీ మైలురాయిని చేరుకున్న మోదీ. ఆయన యూట్యూబ్‌ ఛానల్‌ సబ్‌స్క్రైబర్ల సంఖ్య కోటి దాటేసింది. యూట్యూబ్‌లో అత్యధిక సబ్‌స్క్రైబర్లతో దూసుకుపోతోంది నరేంద్ర మోదీ యూట్యూబ్‌ ఛానెల్‌. తాజాగా యూట్యూబ్‌ ఛానల్‌ సబ్‌స్క్రైబర్ల సంఖ్య కోటి దాటేసింది. ప్రపంచ‌వ్యాప్తంగా ఉన్న ప్రధాన నాయకుల యూట్యూబ్ ఛానెల్ సబ్‌స్క్రైబర్ల సంఖ్యలో మోదీనే టాప్‌. ఆయన దరిదాపుల్లో ఏ ప్రపంచ నేత కూడా లేకపోవడం విశేషం. రెండో ప్లేస్‌లో 36 లక్షల యూట్యూబ్ సబ్‌స్క్రైబర్లతో బ్రెజిల్ అధ్యక్షుడు జైర్ బోల్సోనారో  ఉన్నారు.  30.7 లక్షల సబ్‌స్క్రైబర్లతో మెక్సికో అధినేత ఆండ్రెస్ మాన్యువల్ లోపెజ్ ఒబ్రాడోర్ మూడో స్థానంలో ఉండగా.. 28.8 లక్షల సబ్‌స్క్రైబర్లతో ఇండోనేషియా అధ్యక్షుడు జోకో విడోడో మూడో స్థానంలో ఉన్నారు. అగ్రరాజ్యం అధ్యక్షుడు జో బైడెన్‌ యూట్యూబ్‌ ఛానల్‌ సబ్‌స్క్రైబర్ల సంఖ్య కేవలం 7.03 ల‌క్షలు మాత్రమే. ఇటు.. దేశంలో మోదీ తర్వాత అత్యధిక సబ్‌స్క్రైబర్లు కలిగిన నేతలను గమనిస్తే.. కాంగ్రెస్ నేత రాహుల్ గాంధీకి 5.25 లక్షల మంది సబ్‌స్క్రైబర్లు ఉన్నారు. ఆ త‌ర్వాతి స్థానంలో కాంగ్రెస్ సీనియ‌ర్ నేత శశి థరూర్‌కి 4.39 లక్షలు, ఎంఐఎం అధినేత అసదుద్దీన్ ఒవైసీకి 3.73 లక్షలు, తమిళనాడు సీఎం స్టాలిన్‌కి 2.12 లక్షలు, ఢిల్లీ మంత్రి మనీష్ సిసోడియాకు 1.37 లక్షల మంది సబ్‌స్క్రైబర్లు ఉన్నారు. 2007 అక్టోబరు 26న నరేంద్ర మోదీ పేరిట యూట్యూబ్‌ ఛానెల్‌ పప్రారంభమైంది. ఆ సమయంలో ఆయన గుజరాత్ ముఖ్యమంత్రిగా ఉన్న సంగతి తెలిసిందే. ఇందులో మోదీకి సంబంధించిన చాలా అంశాల వీడియోలతో పాటు, బాలీవుడ్‌ ప్రముఖలతో పాల్గొన్న పలు వీడియోలు, క‌రోనా విజృంభ‌ణ స‌మ‌యంలో వైరస్ వ్యాప్తి చెందకుండా తీసుకోవాల్సిన చర్యలకు సంబంధించిన వీడియోలు ఉన్నాయి. మిగతా వాటిల్లోనూ.. యూట్యూబ్‌తో పాటు ఇత‌ర సోష‌ల్ మీడియా దిగ్గజ ప్లాట్‌ఫామ్‌ల్లోనూ ప్రధాని మోదీకి ఫాలోవర్లు ఎక్కువే. మోదీ ట్విట్టర్‌ను ఫాలో అయ్యేవారి సంఖ్య 7.53 కోట్లు కాగా, ఆయన ఫేస్‌బుక్‌ను 4.68 కోట్ల మంది అనుస‌రిస్తున్నారు.

Driver Takes Impossible u-turn On Narrow Hillside Road: ర్యాష్‌ డ్రైవింగ్‌కి సంబంధించిన పలు వైరల్‌ వీడియోలు చూశాం. కొన్ని వీడియోల్లో అయితే వీడి పని అయిపోయింది అనుకునేంతగా వీడియోలు చూశాం. కొంత మంది బస్సు కింద పడిన ఏ మాత్రం గాయాలుపాలు కాకుండా బయటపడిన వీడియోలు చూశాం.  అయితే కొండ అంచున ఒక డ్రైవర్‌ యూటర్నింగ్‌ తీసుకుంటున్న వీడియో ఒకటి ప్రస్తుతం ఇన్‌స్టాగ్రామ్‌లోనూ, ట్విట్టర్‌లోనూ తెగ వైరల్‌ అవుతుంది. కానీ ఈ వీడియో చూడాలంటే మాత్రం చాలా టెన్షన్‌గా, ఏం అవుతుందో అని ఉగ్గబట్టుకుని భయం భయంగా చూడాలి. అసలు విషయంలోకెళ్తే...ఒక కొండల వద్ద ఘాటీ రోడ్డులో వెళ్లేందుకు ఒక మార్గం వచ్చేటప్పడూ ఒక మార్గం ఉంటుంది. ఎందుకంటే కొండల వద్ద ఎదురుగా ఇంకో వాహనం ఏదీ రాదు. అలాగే ఇరుకైన కొండల  అంచున రోడ్డుపై యూటర్న్‌ తీసుకోవడం అసలు కుదరదు. కానీ ఈ వీడియోలో డ్రైవర్‌ తన బ్లూ కార్‌తో అంత ఇరుకైన పర్వత రోడ్డు వద్ద చాలా నైపుణ్యం ప్రదర్శించి యూ టర్న్‌ తీసుకున్నాడు. పైగా అతనికి ఈ యూటర్న్‌ తీసుకోవడానికి సుమారు 80 నిమిషాలు పట్టింది. దీంతో నెటిజన్లు ఆ డ్రైవర్‌ నైపుణ్యాన్ని తెగ ప్రశసింస్తూ రకరకాలుగా ట్వీట్‌ చేశారు. అయితే ఈ వీడియోని డ్రైవింగ్‌స్కిల్ అనే యూట్యూబ్ ఛానెల్ గత ఏడాది డిసెంబర్‌లో మొదటిసారి షేర్ చేసింది. అంతేకాదు కారు నడిపే వ్యక్తి చాలా ఇరుకైన రహదారిపై యూ టర్న్‌లు ఎలా చేయాలో ప్రదర్శించే నిపుణుడు అని పేర్కొంది. అయితే మళ్లీ ఈ వీడియో సోషల్‌ మీడియాలో తెగ వైరల్‌ అవ్వడమే కాక నెటిజన్లను తెగ ఆకర్షిస్తోంది. The perfect 80 point turn! pic.twitter.com/bLzb1J1puU — Dr. Ajayita (@DoctorAjayita) January 23, 2022 ఇక ఇంటర్నెట్‌లో మరో వీడియో కూడా వైరల్‌ అవుతోంది. ఇది పై వీడియోకి ఒరిజినల్‌ అనే ప్రచారం నడుస్తోంది. సో.. ఈ రెండిటిలో ఏది నిజం? ఏది వైరల్‌? అనేది నిర్ధారించడం కొంచెం కష్టమే అవుతోంది. (చదవండి: రూ.500 కోసం జుట్టు జుట్టు పట్టుకుని....చెప్పులతో కొట్టుకున్నారు: వైరల్‌ వీడియో)

Suriya Jai Bhim Features On The Oscars Official Youtube Channel: మాస్ పాత్రల్లోనే కాకుండా, క్లాస్‌, వైవిధ్యమైన రోల్స్‌లో అదరగొడుతుంటాడు తమిళ స్టార్‌ హీరో సూర్య. ఇటీవల సూర్య నటించిన చిత్రం 'జైభీమ్‌'. సినిమా అంటే మూడు ఫైట్లు, నాలుగు పాటలు, హీరోయిన్‌తో  ప్రేమాయణం, ఐటెం సాంగ్‌లు కాదని నిరూపించి, సూపర్‌ డూపర్‌ హిట్ కొట్టిన చిత్రం జైభీమ్. సినిమాకు సామాజిక బాధ్యతకు ఉన్న అవినాభావ సంబంధాన్ని మరోసారి తట్టిలేపింది. ఒక ఆడబిడ్డ నిజజీవిత గాథను, పోరాటాన్ని ప్రయోగాత్మకంగా తెరకెక్కించి సత్తా చాటింది. టీజే జ్ఞానవేల్‌ డైరెక్ట్‌ చేసిన ఈ సినిమాను సూర్య నిర్మించారు. గతేడాది నవంబరులో ఓటీటీలో విడుదలైన ఈ చిత్రం విమర్శకుల నుంచి ప్రశంసలు దక్కించుకుంది.  అంతేకాకుండా ఐఎండీబీ రేటింగ్స్‌లో హాలీవుడ్ క్లాసిక్‌ హిట్‌ 'ది షాషాంక్‌ రిడంప్షన్‌' చిత్రాన్ని అధిగమించి 73 వేలకుపైగా ఓట్లతో 9.6 రేటింగ్‌ సాధించింది. ఇప్పటివరకూ ఏ సౌత్‌ సినిమాకు ఇలాంటి రేటింగ్‌  రాలేదు. అలాగే గోల్డెన్‌ గ్లోబ్ 2022 పురస్కారానికి కూడా నామినే​ట్‌ అయిన సంగతి తెలిసిందే. వాస్తవ సంఘటనల ఆధారంగా కోర్టు డ్రామా కథాశంతో తెరకెక్కిన 'జైభీమ్‌' చిత్రానికి మరో అరుదైన గౌరవం దక్కింది. అకాడమీ ఆఫ్‌ మోషన్‌ పిక్చర్ ఆర్ట్స్‌ అండ్‌ సైన్సెస్‌ (ఆస్కార్‌) అధికారిక యూట్యూబ్‌ ఛానెల్‌లో 'సీన్‌ ఎట్‌ ది అకాడమీ' పేరుతో ఈ సినిమాలోని ఓ వీడియోను ఉంచారు. అకాడమీ యూట్యూబ్ వేదికగా ఒక తమిళ చిత్రానికి సంబంధించిన వీడియో క్లిప్‌ను ఉంచటం ఇదే మొదటిసారి. కాగా అకాడమీ యూట్యూబ్‌ ఛానెల్‌లో జైభీమ్‌ సినిమా వీడియో ఉండటంపై చిత్రబృందంతోపాటు అభిమానులు సంతోషపడుతున్నారు. 'జైభీమ్‌' ఇండియన్‌ సినిమా స్థాయిని మరో మెట్టు ఎక్కించిందని పండుగ చేసుకుంటున్నారు. ఈ చిత్రాన్ని 'జస్టిస్‌ చంద్రు' జీవిత కథ ఆధారంగా తెరకెక్కించిన సంగతి తెలిసిందే.  ఇదీ చదవండి: సూర్య ‘జై భీమ్‌’ మూవీ ఎలా ఉందంటే..? #Suriya's #JaiBhim scenes uploaded to #Oscars Official YouTube channel.👍👏@Suriya_offl ➡️ https://t.co/AXQwY2av72 pic.twitter.com/QmgFrz827n — Suresh Kondi (@SureshKondi_) January 18, 2022 • #JaiBhim is now the only Tamil Movie to be shown in The Academy #Oscars YouTube channel 🔥💯 Ever Proudful @Suriya_offl na 😇❤️ pic.twitter.com/3JhxVZhX1q — CHENTHUR (@ck__tweetz) January 18, 2022 #JaiBhim getting bigger and bigger 🔥 First Tamil movie scenes to shown in #Oscars utube ❤@Suriya_offl #EtharkkumThunindhavan#VaadiVaasal pic.twitter.com/qJcs0TsIQd — Mass Syed 💥 (@SuriyaFanstren4) January 18, 2022

Manchu Mohan Babu Home Tour Video : మంచు లక్ష్మీ.. పెద్దగా పరిచయం అవసరం లేని పేరు. నటిగా, నిర్మాతగా, టెలివిజన్ హోస్ట్‌గా చిత్ర పరిశ్రమలో తనకంటూ ప్రత్యేక గుర్తింపు సంపాదించుకుంది. ఈ మధ్యకాలంలో యూట్యూబర్‌గా అవతారం ఎత్తిన మంచు లక్ష్మీ క్రియేటివ్‌ వీడియాలతో ఆకట్టుకుంటుంది. లక్ష్మీ మంచు పేరుతో ఉన్న ఆమె యూట్యూబ్‌ ఛానల్‌కి ఇప్పటికే లక్షా 60వేలకు పైగా సబ్‌స్రైబర్స్‌ ఉన్నారు. తన ఛానెల్‌ ద్వారా బ్యూటీ, ఫ్యాషన్‌, ఫోటో షూట్‌ లాంటి ఎన్నో ఇంట్రెస్టింగ్‌ వీడియోలు రూపొందించిన లక్ష్మీ తాజాగా తన నాన్న, నటుడు మంచు మోహన్‌ బాబు ఇంటిని నెటిజన్లకు పరిచయం చేసింది.   ఇది తన తండ్రి 6వ ఇల్లని పేర్కొంది. ఇక కిచెన్‌, ఆఫీస్‌, హోం థియేటర్‌ సహా ఇల్లు మొత్తాన్ని వివరించే ప్రయత్నం చేస్తుండగా మోహన్‌ బాబు ఎంట్రీ ఇచ్చారు. ఏంటి ఇల్లు మొత్తం చూపిస్తున్నావా అని అడగ్గా..ఆల్రెడీ వాళ్లు చూశారు కదా నాన్న అని లక్ష్మీ ఆన్సర్‌ ఇచ్చింది. దీంతో ఫోటోలు తీయకూడదు..ఇల్లు చూపించకూడదు అంటూ మంచు లక్ష్మీపై ఆగ్రహం వ్యక్తం చేస్తూ చేయి చేసుకోబోయారు. దీనికి సంబంధించిన వీడియో ప్రస్తుతం సోషల్‌ మీడియాలో చక్కర్లు కొడుతుంది. ఇక సకల సౌకర్యాలతో ఇంద్ర భవనంలా మెరిసిపోతున్న మోహన్‌ బాబు ఇంటిని మీరు కూడా చూసేయండి. 

ఏ నిమిషానికి ఏమి జరుగునో ఎవరు ఊహించెదరు....పాట గురించి గుజరాతీ కుర్రాడు అజయ్‌కి తెలియకపోవచ్చు. కాని అతడికి బాగా తెలుసు... ప్రతి నిమిషం ఇష్టమైన పనిపై దృష్టి పెడితే సక్సెస్‌ను కరెక్ట్‌గా ఊహించవచ్చు అని. అందుకే అజయ్‌ అలియాస్‌ అజ్జూభాయ్‌ విజేత అయ్యాడు.  ‘టాప్‌ 10 ఇండియన్‌ యూట్యూబ్‌ క్రియేటర్స్‌–2021’ గేమర్స్‌ జాబితాలో టాప్‌లో ఉన్నాడు...  అజ్జూభాయ్‌గా ప్రసిద్ధుడైన అహ్మదాబాద్‌కు చెందిన అజయ్‌ ఇంటర్మీడియట్‌ తరువాత ‘ఇక చదువుకోవడం నా వల్ల కాదు’ అనుకున్నాడు. అలా అని ఖాళీగా తింటూ కూర్చోలేదు. బలాదూర్‌గా తిరగలేదు. సాఫ్ట్‌వేర్‌కు సంబంధించిన విషయాలంటే అతడికి చాలా ఇష్టం. ఆన్‌లైన్‌ వేదికగా సొంతంగా ఎన్నో విషయాలు నేర్చుకున్నాడు. మధ్యతరగతి కుటుంబానికి చెందిన అజయ్‌ బాల్యం ‘స్కూల్‌ టు హోమ్‌....హోమ్‌ టు స్కూల్‌’ అన్నట్లుగా ఉండేది. అలాంటి అజయ్‌ చదువు మధ్యలోనే మానేయడం తల్లిదండ్రులకు నచ్చిందో లేదో కానీ వారు పెద్దగా ఏమీ అనలేదు. ఒక సాఫ్ట్‌వేర్‌ కంపెనీలో ‘గ్రోత్‌ హ్యాకర్‌’గా పనిచేశాడు అజయ్‌. తనకు గేమింగ్‌ అంటే చా...లా ఇష్టం. అయితే తన ఫ్రెండ్స్, పరిచయస్తులలో గేమ్స్‌ గురించి పెద్దగా తెలిసినవాళ్లు, బాగా ఇష్టపడేవాళ్లు  లేరు. గేమర్స్‌ తమదైన గేమింగ్‌ కమ్యూనిటీని ఎలా క్రియేట్‌ చేసుకుంటారు? అనే సందేహం అతనికి ఎప్పుడూ వచ్చేది. ఇక తానే సొంతంగా ఆన్‌లైన్‌లో తనలాంటి ఆసక్తి ఉన్నవారిని పరిచయం చేసుకొని గేమ్స్‌ ఆడేవాడు. మొదటిసారి యూట్యూబ్‌లో ‘ఫ్రీ ఫైర్‌’ గేమ్స్‌ చూసినప్పుడు బాగా ఆకర్షితుడయ్యాడు. ఎమోషనల్‌గా కనెక్ట్‌ అయ్యాడు.  ఒకరోజు తన సోదరుడితో అన్నాడు... ‘యూట్యూబ్‌ గేమింగ్‌ చానల్‌ మొదలుపెడదామనుకుంటున్నాను. ఎలా ఉంటుంది?’ ‘నీకంత సీన్‌ లేదు’ అని ఆ సోదరుడు వెక్కిరించి ఉంటే ఎలా ఉండేదోగానీ ‘బాగుంటుంది. నువ్వు బ్రహ్మాండంగా చేయగలవు’ అని ధైర్యం ఇచ్చాడు. అలా మన అజయ్‌ ‘టోటల్‌ గేమింగ్‌’ అనే యూట్యూబ్‌ చానల్‌ మొదలుపెట్టాడు. ఇది సూపర్‌ హిట్టు. దీనిలో గేమింగ్‌ కంటెంట్‌ ఎప్పటికప్పుడూ అప్‌లోడ్‌ చేస్తుంటారు. ‘టీజీ టోర్నమెంట్స్‌’ అనే రెండో చానల్‌ మొదలుపెట్టాడు. అది కూడా సూపర్‌డూపర్‌ హిట్‌ అయింది. ఇందులో ఫ్రీ ఫైర్‌ టోర్నమెంట్స్‌ నిర్వహిస్తుంటారు. వెరైటీస్‌ ఆఫ్‌ గేమింగ్, ఎంటర్‌టైనింగ్, మోటివేషనల్‌....మొదలైనవాటితో కంటెంట్‌ క్రియేటర్‌గా సక్సెస్‌ఫుల్‌గా దూసుకుపోతున్నాడు అజ్జూభాయ్‌. అతడి ఖాతాలో 30.2 మిలియన్‌ల సబ్‌స్క్రైబర్స్‌!! మన దేశంలో ‘లీడింగ్‌ గేమర్‌’గా పేరు తెచ్చుకున్న అజ్జూభాయ్‌ విజయరహస్యం ఏమిటి? అతని మాటల్లోనే చెప్పాలంటే... ‘క్లీన్‌ కంటెంట్‌’ స్మార్ట్‌టీవిలు మొదలైన తరువాత కుటుంబంతో కలిసి గేమ్స్‌ ఆడే కాలం వచ్చేసింది. ఈ నేపథ్యంలో క్లీన్‌ కంటెంట్‌ ఉండాలని, అభ్యంతరకరం కాని భాష ఉండాలనేది అతని నమ్మకం. ఆ నమ్మకమే అతడిని విజేతను చేసింది. కర్వ్‌డ్‌ హెచ్‌డీ టచ్‌స్క్రీన్‌ ∙40 ప్లస్‌ డైలీ లైవ్‌క్లాసెస్‌. పాప్‌లర్‌ మ్యూజిక్‌. బ్యాలెన్స్‌డ్‌ డిజైన్‌. మాగ్నెటిక్‌ రెసిస్టెన్స్‌. డ్యుయల్‌ బాటిల్‌ హోల్డర్స్‌. బ్లూటూత్‌ రెసిస్టెంట్‌ కంట్రోల్‌.సూపర్‌ఫాస్ట్‌ స్ట్రీమింగ్‌  స్క్రాచ్‌.  రెసిస్టెన్స్‌ బరువు: 56కిలోలు చదవండి: ఫిమేల్‌ ఆర్‌జే: అహో... అంబాలా జైలు రేడియో!   

Korea Man Quits Crores Salary Job And Became Youtuber Because Of Mother: కంపెనీలో చేరిన ఏడాదికే ఇంక్రిమెంట్‌. అది అలాంటి ఇలాంటిది కాదు. నెలకు కోటికి పైగా(మన కరెన్సీలో) జీతం.  ప్రొఫెషనల్‌ కెరీర్‌ను పీక్స్‌కు చేర్చే టైం అది. కానీ, ఆ సమయంలో ఉద్యోగం వదిలేయాలనే ఆలోచన ఎవరికైనా వస్తుందా?.. దక్షిణ కొరియాకు చెందిన బెన్‌ చోన్‌(28) ఆ నిర్ణయం తీసేసుకున్నాడు మరి!. అయితేనేం తనకు తెలిసిన విద్యతో లక్షలు(మన కరెన్సీలోనే) సంపాదిస్తూ.. సొంతంగా బాస్‌గా ఉండడంలో కిక్కును వెతుక్కుంటున్నాడు.  జేపీ మోర్గాన్.. అమెరికన్‌ బ్యాంకింగ్‌ దిగ్గజం. ప్రపంచవ్యాప్తంగా పేరుంది.  అలాంటి కంపెనీలో 2017లో చేరాడు బెన్‌ చోన్‌. పుట్టి, పెరిగింది దక్షిణ కొరియాలోనే అయినా. స్కాలర్‌షిప్‌ మీద అమెరికాలో మంచి యూనివర్సిటీలో చదివి.. జాబ్‌ తెచ్చుకున్నాడు. ఏడాది తిరగకుండానే అతని టాలెంట్‌కి భారీ ప్యాకేజీ ఆఫర్‌ చేసింది జేపీ మోర్గాన్‌. ఇన్వెస్ట్‌మెంట్‌ బ్యాంకింగ్‌ అనలిస్ట్‌గా ప్రమోషన్‌తో పాటు నెలకు లక్షా యాభై వేల డాలర్ల జీతం(అదనంగా బోనస్‌) ఇవ్వాలని నిర్ణయించుకుంది. అయితే రెండు నెలల జీతం అందుకున్నాడో లేదో.. పిడుగులాంటి వార్త అతని చెవిన పడింది. తల్లి ప్రమాదకరమైన వ్యాధి బారినపడిందన్న విషయం అతన్ని స్థిమితంగా ఉంచలేదు. ఆ సమయంలో అతనికి తల్లే ప్రపంచంగా కనిపించింది. ఆమె పక్కనే ఉండి.. ఎలాగైనా రక్షించుకోవాలనుకున్నాడు. క్షణం ఆలస్యం చేయకుండా ఆ ఉద్యోగానికి రాజీనామా చేసి.. సొంతూరికి బయలుదేరాడు. అక్కడ ఓ చిన్న బట్టల దుకాణంలో కొంతకాలం పని చేశాడు.   బట్టల షాపులో..  దాచుకున్న సొమ్మంతా కేవలం మూడు నెలల్లోనే తల్లి ట్రీట్‌మెంట్‌కి ఖర్చైంది.  బ్యాంకింగ్‌ సలహాలిచ్చే బెన్‌ చోన్‌.. సొంతూరులోనే ఓ బట్టల షాపులో పని చేశాడు. ఆపై ఇంట్లో బట్టల దుకాణం తెరిచాడు. కొన్నాళ్లు పోయాక తల్లి మందులకు ఖర్చులు పెరిగాయి. ఆ టైంలోనే యూట్యూబ్‌ ఛానెల్‌ ద్వారా ఆదాయం సంపాదించొచ్చనే విషయం అతనికి గుర్తొచ్చింది. యూట్యూబ్‌లో రోజూ రకరకాల వీడియోలు అప్‌లోడ్‌ అవుతుంటాయి. వాటిలో చాలావరకు వీడియోలను చూసి తిట్టుకుంటాం.. నవ్వుకుంటాం. కొన్నింటిని చూడకుండానే స్కిప్‌ చేస్తుంటాం.  కానీ, వాటి వ్యూస్‌ ద్వారా యూట్యూబర్లకు ఆదాయం వస్తుంది. అంటే.. ఏదో ఒకరకంగా తమ శ్రమను పెట్టుబడిగా పెట్టి సంపాదిస్తున్నారు వాళ్లు.  అలా బెన్‌ చోన్‌ మాత్రం తనకు తెలిసిన విద్యతోనే యూట్యూబ్‌ ఛానెల్‌ మొదలుపెట్టాడు.   తెలిసిన విద్యతోనే..   2019లో రేర్‌లిక్విడ్‌ rareliquid పేరుతో యూట్యూబ్‌ఛానెల్‌ మొదలుపెట్టాడు బెన్‌. ఇన్వెస్ట్‌మెంట్‌, కెరీర్‌ గైడెన్స్‌ వీడియోలతో నెమ్మదిగా ఫేమ్‌ సంపాదించుకున్నాడు. ప్రస్తుతం ట్రెండింగ్‌లో ఉన్న క్రిప్టోకరెన్సీ గురించి, బ్లాక్‌ చెయిన్‌ మార్కెట్‌ తీరు తెన్నులు, టిప్స్‌తో పాటు టెక్‌, మార్కెటింగ్‌ సలహాలు అందిస్తాడు.  ‘‘ జేపీ మోర్గాన్‌లో చేరిన తొలినాళ్లలో వారానికి 70 నుంచి 110 గంటల పని.  ఒక్కోసారి ఏకధాటిగా 28 గంటలు పని చేయాల్సి వచ్చేది. ఇప్పుడు నాకు నేనే బాస్‌. నాకు తెలిసిన విద్య. కోట్ల జీతం పోతేనేం.. నాకు ఉన్న వనరులతో, తక్కువ శ్రమతో సంతోషం, మనశ్శాంతిని సంపాదించుకుంటున్నా. నాలాగే ప్రతీ ఒక్కరికి ఏదో ఒక టాలెంట్‌ ఉంటుంది. మనసు పెడితే డిజిటల్‌ ప్రపంచంతో సంపాదించుకోవచ్చు.. ఒక అడుగు ముందుకేసి అద్భుతాలూ చేయొచ్చు. సిగ్గు-మొహమాటం పడాల్సిన అవసరం అస్సలు లేదు.  నా వరకు నేను బాగానే సంపాదిస్తున్నా.  అన్నింటికి మించి మా అమ్మ పక్కనే ఉంటున్నా. ఇది చాలాదా నాకు’’ అంటున్నాడు బెన్‌ చోన్‌.  ప్రస్తుతం rareliquid ఛానెల్‌లో టెక్‌, మార్కెట్‌, క్రిప్టోకరెన్సీ తీరు తెన్నులపైనా అతని సలహాలు, డెమో వీడియోలు ఉంటాయి. రెజ్యూమ్‌(సీవీ) సలహాలు, రకరకాల కోర్సుల గురించి వివరిస్తాడు. ఇదంతా చిన్న చిన్న వ్యాపారాల కలయికగా చెప్తాడు బెన్‌ చోన్‌. క్రియేటివ్‌ వేలో మరికొందరికి పాఠాలు, సలహాలు ఇవ్వడం సంతోషాన్ని ఇస్తుందని అంటున్నాడు ఈ యూట్యూబర్‌. యూట్యూబ్‌ వ్యూస్‌ ప్రకారం..  జులైలో బెన్‌ జీతం 19, 161 డాలర్లుకాగా, నవంబర్‌లో 26,000 డాలర్లు సంపాదించాడు. మన కరెన్సీలో ఇది 17 లక్షల రూపాయలు. -సాక్షి, వెబ్‌స్పెషల్‌

యూట్యూబ్‌ క్రియేటర్లకు గూగుల్‌ ఇండియా అదిరిపోయే శుభవార్త చెప్పింది. భారత్‌లో యూట్యూబ్‌ షార్ట్స్‌ టైమ్‌ డ్యూరేషన్‌ పై కీలక ప్రకటన చేసింది. ఈ ప్రకటనతో యూట్యూబ్‌ ఛానల్‌ క్రియేటర్లలో కొత్త ఉత్సాహాన్ని నింపినట్లైందని మార్కెట్‌ నిపుణులు చెబుతున్నారు.    యూట్యూబ్‌ షార్ట్స్‌లో టైమ్‌ డ్యూరేషన్‌ తక్కువే  2020 సెప్టెంబర్‌లో గూగుల్‌ సంస్థ యూట్యూబ్‌ షార్ట్స్‌ను అందుబాటులోకి తెచ్చింది. ఈ షార్ట్స్‌ లో ఇన్సిడెంట్‌ ఏదైనా కట్టే కొట్టే తెచ్చే అన్న చందంగా  60 సెకన్ల వ్యవధి వీడియోను చేయాల్సి ఉంది. అయితే ఇప్పుడు ఆ షార్ట్స్‌ వీడియోస్‌లో 15 సెకన్లు, అంతకంటే తక్కువ టైమ్‌ డ్యూరేషన్‌ ఉన్న వీడియోల్ని చేసేందుకు అనుమతిస్తున్నట్లు ఈరోజు జరిగిన ఓ ఈవెంట్‌లో గూగుల్‌ ఇండియా అధికారికంగా ప్రకటించింది. ఈ ప్రకటనతో యూట్యూబ్‌ ఛానల్‌ నిర్వాహకులు సంతోషం వ్యక్తం చేస్తున్నారు.   యూట్యూబ్‌ షార్ట్స్‌తో లాభాలు  యూట్యూబ్‌ షార్ట్స్‌ వల్ల నిర్వహకులకు అనేక లాభాలున్నాయి. ముఖ్యంగా ఆన్‌లైన్‌లో డబ్బులు సంపాదించాలనుకునేవారికి ఈ ప్లాట్‌ ఫాం సువర్ణ అవకాశమనే చెప్పుకోవాలి. నిమిషాల వ్యవధి వీడియోల కంటే సెకన్ల వ్యవధి వీడియో చేయడం చాలా ఈజీ. అదే సమయంలో వ్యూస్‌, ఛానల్‌ బ్రాండింగ్‌ వేగం పెరిగిపోతుంది. ఈ జనరేషన్‌ క్రియేటర్స్, ఆర్టిస్ట్‌ల క్రియేటివిటీని బిజినెస్‌గా మలచడంలో సహాయపడుతుంది.  క్రియేటర్లకు వంద మిలియన్‌ డాలర్లు  యూట్యూబ్‌ షార్ట్స్‌ ద్వారా గుర్తింపు పొందిన కంటెంట్‌ క్రియేటర్లకు ప్రతినెలా డబ్బులు సంపాదించుకోవచ్చు. టిక్‌.. టాక్‌ గత సంవత్సరం ‘క్రియేటర్స్‌ ఫండ్‌’ పేరుతో రెండు వందల మిలియన్‌ డాలర్లను కేటాయించింది. అదే బాటలో యూట్యూబ్‌  కూడా కంటెంట్‌ క్రియేటర్ల కోసం వంద మిలియన్‌ డాలర్లు (2021–2022) కేటాయించింది. ఇప్పుడు మనదేశంలో టిక్‌... టాక్‌ లేకపోవడంతో చాలామంది క్రియేటర్లు యూట్యూబ్‌ షార్ట్స్‌ వైపు మొగ్గు చూపుతున్నారు. అయితే వారిని మరింత ప్రోత్సహించేందుకు గూగుల్‌ భారీ ఎత్తున ఫండ్‌ను కేటాయించింది. చదవండి: హాయ్‌ గైస్‌...నేను మీ షెర్రీని..!! 

మధుర: యూట్యూబర్లు పర్యటక ప్రాంతాలు, ట్రావెల్‌, టెంపుల్స్‌ సందర్శనకు సంబంధించిన వీడియోలను తీసి తమ యూట్యూబ్‌ ఛానెల్‌లో అప్‌లోడ్‌ చేస్తుంటారు. అయితే ఓ యూట్యూబర్‌ తీసిన వీడియో అతన్ని వివాదంలోకి నెట్టడమే కాక అరెస్ట్‌ అయ్యేలా చేసింది. వివరాల్లోకి వెళ్లితే.. ఉత్తరప్రదేశ్‌ బృందవనంలోని పవిత్ర స్థలంగా భావించే ‘నిధివన్ రాజ్‌’ స్థలాన్ని గౌరవ్‌ శర్మా అనే యూట్యూబర్‌ వీడియో తీశాడు. చదవండి: మెక్‌డొనాల్డ్స్‌ ‘టాయిలెట్‌’ వివాదం ఆ స్థలం రాధాకృష్ణులకు సంబంధించిన ఏకాంత స్థలమని నిధివన్‌ రాజ్‌ పూజారుల నమ్మకం. అయితే అక్కడ రాత్రి సమయంలో వీడియోలు చిత్రీకరించడం నిషేధంలో ఉంది. గౌరవ్‌ శర్మా అక్కడ రాత్రి సమయంలో తీసిన వీడియోను తన యూట్యూబ్‌లో అప్‌లోడ్‌ చేశాడు. వీడియో అప్‌లోడ్‌ చేసిన తర్వాత మళ్లీ డిలీట్‌ కూడా చేశాడు. అయితే ఆ వీడియో అప్పటికే వైరల్‌గా మారటంతో కొంతమంది పూజారులు నిరసన తెలిపి అభ్యంతరం వ్యక్తంచేశారు. నిధివన్‌ రాజ్‌ పూజారి రోహిత్ గోస్వామి ఫిర్యాదు మేరకు బృందావనం పోలీసులు గౌరవ్‌శర్మాను అరెస్ట్‌ చేశారు. ప్రస్తుతం గౌరవ్‌ను జ్యుడీషియల్‌ కస్టడికి తరలించినట్లు పోలీసు అధికారి మార్తాండ్‌ ప్రకాశ్‌సింగ్‌ వెల్లడించారు. నవంబర్‌ 6వ తేదీ తన సోదురుడు ప్రశాంత్‌, స్నేహితులు మోహిత్‌, అభిషేక్‌లో కలిసి గౌరవ్‌ శర్మా నిధివన్‌రాజ్‌ను చిత్రీకరించినట్లు పోలీసులు తెలిపారు. అయితే గౌవర్‌ శర్మా గతంలో తన పెంపుడు కుక్కకు బెలూన్లు కట్టి గాల్లోకి ఎగరవేసిన ఘటనలో  అరెస్ట్‌ అయిన విషయం తెలిసిందే.

గాంధీ అనే యువకుడు (చిరంజీవి) ఓ నిరుద్యోగి. ఒక రోజు పేపర్లో ఉద్యోగ ప్రకటన చూసి ఇంటర్వ్యూకు వెళ్తాడు. అక్కడ యజమాని రామ్మోహన్‌ రావు (రావు గోపాలరావు) డబ్బు అహంకారంతో అతడిని అవమానిస్తాడు. దాంతో చిరంజీవి ఓ ఛాలెంజ్ చేస్తాడు. అది ఏంటంటే 'ఐదు సంవత్సరాలలో 50 లక్షల రూపాయలు సంపాదించి చూపిస్తానని ఆ తరువాత చట్టబద్దంగా 50 లక్షల రూపాయలు సంపాదించి చూపెడతాడు. ఓ మనిషి తలుచుకుంటే ఏదైనా సాధించగలడు అని నిరూపిస్తాడు. ఆ ఛాలెంజ్ నిలుపుకునే పాత్రలో చాలా బాగా ఒదిగిపోయారు చిరంజీవి. ప్రతి నాయకుడి పాత్రలో రావు గోపాలరావు నటన మరచిపోలేం. సినిమాలోలా ఛాలెంజ్ లు, గట్రా కాకుండా చట్టబద్దంగా  డబ్బులు సంపాదించవచ్చా'అంటే అవుననే అంటున్నాడు 27ఏళ్ల యువకుడు. అలా అనడమే కాదు. నిరూపిస్తున్నాడు కూడా. దిగ్గజ సంస్థల సీఈఓలకు వచ్చే వేతనాలకు సరిసమానంగా అర్జిస్తున్నాడు.  ప్రస్తుతం కోవిడ్‌ కారణంగా ప్రతి ఒక్కరికి ఉద్యోగంతో పాటు ప్రత్యామ్నాయంగా డబ్బులు సంపాదించడం చాలా అవసరం. అందుకే టెక్నాలజీని ఉపయోగించి  యూట్యూబ్‌ ద్వారా డబ్బు ఈజీగా సంపాదించవచ్చని నిరూపిస్తున్నాడు. అంతేందుకు తాను నిద్రపోతున్నా తన బ్యాంక్‌ బ్యాలెన్స్‌ పెరిగిపోతుందని చెబుతున్నాడు. అయితే ఆ బ్యాంక్‌ లెక్కలతో పాటు ఈ 27 ఏళ్ల యువకుడి యూట్యూబ్‌ కథాకమామిషు ఏంటో తెలుసుకుందాం. పదండి..!  ట్రెడీషనల్‌ జాబ్స్‌ను సెలక్ట్‌ చేసుకోవడం, రిటైర్‌ అయ్యేదాకా అదే జాబ్‌లో కొనసాగే రోజులు పోయాయి. కంటెంట్‌ ఉంటే చాలు కటౌట్‌తో పనిలేకుండా యూట్యూబర్‌లు, సోషల్‌ మీడియా ఇన్‌ఫ్లుయెన్సర్‌లు ప్రముఖ టెక్‌ కంపెనీల సీఈఓ'ల కంటే ఎక్కువగానే డబ్బులు సంపాదిస్తున్నారు. అంతేకాదు కోట్లాది మంది అభిమానులతో ఆన్‌లైన్ స్టార్స్‌గా కీర్తిప్రతిష్టలు సంపాదిస్తున్నారు. అలాంటి కోవకే చెందుతాడు 27 అమిత్‌ భదనా. ఇతనో యూట్యూబ్‌ క్రియేటర్‌. ఒక్క వీడియోతో లక్షలు సంపాదిస్తాడు. అతని ఆస్తులు కోట్లలో ఉన్నాయని యూట్యూబ్‌ లెక్కలు చెబుతున్నాయి.   అమిత్ భదానా ఎవరు? అమిత్ భదానా 27 ఏళ్ల యూట్యూబ్ కంటెంట్ క్రియేటర్‌. సౌత్‌ ఢిల్లీకి చెందిన జోహ్రీపూర్‌ నివాసి. పాఠశాల విద్యను యమునా బీహార్ పాఠశాలలో, న్యాయశాస్త్రంలో బ్యాచిలర్ డిగ్రీని పూర్తి చేశాడు. ప్రస్తుతం అమిత్ 'అమిత్ భదానా' అనే యూట్యూబ్‌ ఛానెల్‌లో ఎంటర్‌టైన్మెంట్‌ వీడియోస్‌ను అప్‌లోడ్‌ చేస్తున్నాడు. అలా అప్‌లోడ్‌ చేసిన వీడియోలకు కోట్లలో వ్యూస్‌ వస్తున్నాయి. వాటికి వచ్చే వ్యూస్‌, డిస్‌ప్లే అయ్యే యాడ్స్‌ కారణంగా భారీ మొత్తంలో డబ్బుల్ని సంపాదిస్తున్నాడు.    2017లో ప్రారంభం  అమిత్ భదానా తన పేరుతోనే యూట్యూబ్ ఛానెల్ ను ప్రారంభించాడు. అక్టోబర్ 24, 2012న ఛానెల్‌ని ప్రారంభించినా 2017వరకు ఎలాంటి వీడియోలు పెట్టలేదు. కానీ 'ఎగ్జామ్ బీ లైక్ బోర్డ్ ప్రిపరేషన్ బీ లైక్' పేరుతో తొలి వీడియోను 2017లో అప్‌లోడ్‌ చేశాడు. అలా ప్రారంభమైన ఛానల్‌కు ఇప్పుడు 23.5 మిలియన్ల మంది సబ్‌స్క్రైబర్‌లు ఉన్నారు.  అమిత్ భదానా సంపాదన మీడియా నివేదికల ప్రకారం, అమిత్ భదానా తన యూట్యూబ్‌లో పోస్ట్ చేసే ప్రతి వీడియోకి రూ. 10 లక్షలు సంపాదిస్తాడు. అమిత్ తన ఫేస్‌బుక్, ఇన్‌స్టాగ్రామ్, ఇతర సోషల్ మీడియా ఖాతాల ద్వారా కూడా సంపాదిస్తున్నాడు.    అమిత్ భదానా  నికర ఆస్తి ఒక్కో వీడియోకి రూ.10 లక్షలకు పైగా సంపాదిస్తున్న అమిత్‌ భదానా నికర ఆస్తి కాకుండా, మొత్తం నికర ఆస్తి దాదాపు రూ. 52 కోట్లుగా ఉంది.  చదవండి: ఇదేం యాపారం సామి..! జీన్స్‌ కొంటే ఫోన్‌ ఫ్రీ..టెక్‌ దిగ్గజం కొత్త ఐడియా

న్యూయార్క్‌: ఏదైనా పరీక్షలో ప్రశ్నకు సమాధానం తెలియక వదిలేస్తే మనం టీచర్‌నో లేక మన సీనియర్స్‌నో అడుగుతాం. కానీ ఈ యూట్యూబర్‌ ఫిజిక్స్‌ పరీక్షలోని ఒక ప్రశ్నకు సమాధానం కోసం హెలికాఫ్టర్‌నే అద్దెకు తీసుకుని కనుకున్నాడు. అసలు ఏంటిది అని ఆశ్చర్యంగా ఉందా. (చదవండి: ఒకప్పడు ‘అడవి’ మనిషి... ఇప్పడు రియల్‌ హీరో) వివరాల్లోకెళ్లితే.....వెరిటాసియం అనే యూట్యూబ్ చానెల్‌ని నడుపుతున్న డెరెక్ ముల్లర్ తనను కలవరపెడుతున్న ఫిజిక్స్ ప్రశ్నను పరిష్కరించడానికి హెలికాప్టర్‌నే అద్దెకు తీసుకుని ప్రయాణించాడు. 2014 యూఎస్‌ ఫిజిక్స్ ఒలింపియాడ్ అర్హత పరీక్షలో 19వ ప్రశ్నకి సమాధానం కోసం నిజంగానే ఆచరణాత్మక ప్రయోగం చేశాడు. ఆ ప్రశ్న ఏంటంటే " ఒక హెలికాప్టర్ స్థిరమైన వేగంతో అడ్డంగా ఎగురుతోంది. హెలికాప్టర్ కింద ఒక సంపూర్ణ అనువైన యూనిఫాం కేబుల్ సస్పెండ్ చేయబడింది. కేబుల్‌పై గాలి రాపిడి చాలా తక్కువ కాదు. హెలికాప్టర్ గాలిలో కుడివైపుకి ఎగురుతున్నప్పుడు ఈ క్రింది రేఖాచిత్రాలలో ఏది కేబుల్ ఆకారాన్ని బాగా చూపుతుంది?". అయితే ఈ ప్రశ్న కోసం కాగితం లేదా కంప్యూటర్‌లో లెక్కించడానికి బదులుగా, ముల్లర్ దానిని ఆచరణాత్మకంగా పరిష్కరించాలని నిర్ణయించుకోవడం విశేషం. ఈ మేరకు ముల్లర్‌ హెలికాప్టర్‌ను అద్దెకు తీసుకుని 20-పౌండ్ల కెటిల్‌ బెల్‌తో పాటు ఛాపర్ నుండి ఒక కేబుల్‌ను క్రిందికి వేలాడిదిపి అది ఎలా ఎగురుతుందో చూశాడు. పైగా ఆ ప్రయోగం ఆ ప్రశ్నకి సమాధానం 'డీ' గా భావించాడు. కానీ ఆ సమాధానం కూడా సృతప్తినివ్వక మళ్లా మళ్లా అదే ప్రయోగం చేశాడు. ఈ మేరకు అతను ఆ ప్రయోగానికి సంబంధించిన వీడియో సోషల్‌ మీడియాలో షేర్‌ చేశాడు. దీంతో అమెరికన్ అసోసియేషన్ ఆఫ్ ఫిజిక్స్ టీచర్స్ (ఏఏపీటీ) సోషల్‌ మీడియాలో "కేబుల్‌పై గాలి రాపిడి ఉన్నందున, హెలికాప్టర్‌కు కేబుల్ జోడించే శక్తికి క్షితిజ సమాంతర భాగంలో ఉండాలి." అని ఒక పరిష్కారాన్ని పోస్ట్ చేసింది. (చదవండి: వివాహం అయిన ఐదు నెలలకే తన భార్యకు మళ్లీ పెళ్లి)

న్యూఢిల్లీ: ప్రతి మనిషి జీవితంలో తాను కోరుకున్న రంగంలో మంచి స్థాయిలో స్థిరపడాలని ఆశిస్తాడు. అందుకు తగ్గట్టే ప్రయత్నాలు చేస్తాడు. కొందరికి వెంటనే అవకాశాలు లభిస్తాయి.. ఇక కొందరికేమో ఎన్ని ప్రయత్నాలు చేస్తున్న ఫలితం లభించదు. నిరాశవాదులైతే.. మాకింతే ప్రాప్తం అనుకుని వదిలేస్తారు. మరికొందరు ఉంటారు.. అపజయాలు ఎదురైన కొద్ది.. వారిలో కసి పెరుగుతుంది. తమకు ఎదురైన అడ్డంకులునే సోపానాలుగా మార్చుకుని విజయం సాధిస్తారు. ఈ కోవకు చెందిన వ్యక్తే యూట్యూబర్‌ పంకజ్‌ శర్మ. పేరు గుర్తుపట్టడం కాస్త కష్టమే కానీ ‘బక్లోల్‌ వీడియో’ అని యూట్యూబ్‌ చానెల్‌ పేరు చెప్తే టక్కున గుర్తుపడతారు చాలా మంది. అతడి సక్సెస్‌ స్టోరీ ఎందరికో ప్రేరణగా నిలుస్తోంది. ఆవివరాలు.. ఢిల్లీకి చెందిన పంకజ్‌ శర్మ గురుగోబింద్‌ సింగ్‌ ఇంద్రప్రస్థ యూనివర్శిటీ నుంచి బీసీఏ, ఎంబీఏ పూర్తి చేశాడు. ఆ తర్వాత 15 వేల రూపాయల జీతానికి గురగావ్‌లో ఉద్యోగంలో చేరాడు. కానీ ఉద్యోగం అతడికి సంతృప్తినివ్వలేదు. సినిమాల్లోకి వెళ్లాలనేది పంకజ్‌ కోరిక.  (చదవండి: నెలకు రూ.95 లక్షలు సంపాదిస్తున్న యూట్యూబర్‌) ఆ ఆలోచన మార్చింది... ఈ క్రమంలో ఉద్యోగం వదిలిపెట్టి.. అవకాశాల కోసం సినీ కార్యాలయాల చుట్టూ తిరగడం ప్రారంభించాడు. కానీ వెళ్లిన ప్రతి చోటా నిరాదరణే. ఇవేవీ పంకజ్‌ని కుంగదీయలేదు. మరింత పట్టుదలగా ప్రయత్ం చేశాడు. ఈ క్రమంలో అతడికి ఓ ఆలోచన వచ్చింది. అవకాశాల కోసం తిరిగేబదులు.. తనకు తానే అవకాశాలు సృష్టించుకోవడం మంచిది అనుకున్నాడు.  యూట్యూబ్‌ చానెల్‌ ప్రారంభం... దానిలో భాగంగా బక్లోల్‌ వీడియో అనే యూట్యూబ్‌ చానెల్‌ని ప్రారంభించాడు. మొదటి సంపాదన 9800 రూపాయలు. రెండేళ్లు పట్టు వదలకుండా ప్రయత్నించడంతో చానెల్‌కి సబ్‌స్ర్కైబర్లు పెరిగారు. వ్యూస్‌ కూడా పెరిగాయి. ఈ క్రమంలో పంకజ్‌ తీసిన దేశీ బచ్చే వర్సెస్‌ ఆంగ్రేజ్‌ మీడియం వీడియో ఏకంగా 78 మిలియన్ల వ్యూస్‌ సంపాదించింది.  (చదవండి: యూట్యూబ్‌ను దున్నేస్తున్నారు, రోజూ 1,500 కోట్ల షార్ట్‌ వీడియోస్‌) డైమండ్‌ బటన్‌... 10 మిలియన్ల సబ్‌స్క్రైబర్స్‌ దాటితే.. ఆ చానెల్‌కి డైమండ్‌ బటన్‌ ఇస్తారు. పంకజ్‌ యూట్యూబ్‌ చానెల్‌ కూడా డైమండ్‌ బటన్‌ పొందింది. ప్రసుత్తం పంకజ్‌ చానెల్‌కి 10.2మిలియన్ల సబ్‌స్క్రైబర్స్‌ ఉన్నారు. ఇన్‌స్టాగ్రామ్‌లో కూడా ఇతడి చానెల్‌కి 305కే, ఫేస్‌బుక్‌లో 4.1మిలియన్ల ఫాలోవర్లు ఉన్నారు. ఒకప్పుడు నిరాదరణను ఎదుర్కొన్న పంకజ్‌ ఇప్పుడు కోటీశ్వరుడు అయ్యాడు.  చదవండి: జాబ్‌ వదిలేసి పాత ‍డ్రమ్ములతో వ్యాపారం.. అతని జీవితాన్నే మార్చేసింది

సాక్షి, హైదరాబాద్‌: తెలుగు అకాడమీకి చెందిన రూ.64.5 కోట్ల ఫిక్సిడ్‌ డిపాజిట్లు (ఎఫ్‌డీ) కాజేసిన కేసుల్లో సూత్రధారిగా ఉన్న అంబర్‌పేట వాసి చుండూరి వెంకట కోటి సాయికుమార్‌కు మీడియా అంటే మహా క్రేజ్‌ ఉన్నట్లు తెలుస్తోంది. మీడియా చాలా శక్తి మంతమైందని తెలుసుకున్న ఇతడు తానే సొంతంగా ఓ చానల్‌ ఏర్పాటు చేయాలని భావించాడు. తెలుగు అకాడమీ కేసును దర్యాప్తు చేస్తున్న సీసీఎస్‌ పోలీసుల విచారణలో సాయికుమార్‌ గురించి పలు ఆసక్తికరమైన విషయాలు వెల్లడయ్యాయి. పదేళ్ల క్రితం ఏబీసీ టీవీ పేరుతో చానల్‌ ఏర్పాటుకు.. తాజాగా కొండాపూర్‌లోని సైబర్‌ రిచ్‌ అపార్ట్‌మెంట్‌ కేంద్రంగా శ్రావ్య మీడియా అంటూ ఓ యూట్యూబ్‌ చానల్‌ ఏర్పాటుకు విఫలయత్నం చేశాడు.  గత పదేళ్ల కాలంలో వివిధ సంస్థలకు సంబంధించి దాదాపు రూ.200 కోట్ల ఎఫ్‌డీలు కొల్లగొట్టినా.. సాయికి మాత్రం చానల్‌ పెట్టాలన్న కోరిక మాత్రం తీరలేదు. 2012లో ఆంధ్రప్రదేశ్‌ స్టేట్‌ మైనార్టీస్‌ ఫైనాన్స్‌ కార్పొరేషన్‌కు చెందిన రూ.55.47 కోట్ల ఎఫ్‌డీలను సాయి, వెంకటరమణ తదితరులు కాజేశారు. అప్పట్లో విజయా బ్యాంక్‌లో మైనార్టీస్‌ కార్పొరేషన్‌ పేరుతో నకిలీ ఖాతా తెరిచారు. ఆ కార్పొరేషన్‌కు–బ్యాంకులకు దళారిగా వ్యవహరించిన ఈసీఐఎల్‌ కమలానగర్‌ వాసి కేశవరావు సహాయంతో ఆ కథ నడిపాడు. దాదాపు 240 నకిలీ చెక్కులతో 16 బోగస్‌ సంస్థల పేర్లతో తెరిచిన ఖాతాల్లోకి ఆ మొత్తాన్ని మళ్లించారు. వీటిలో దాదాపు రూ.20 కోట్లు వరకు సాయి తన వాటాగా తీసుకున్నాడు.   (చదవండి: తెలుగు అకాడమీ స్కాం: స్కాన్‌.. ఎడిట్‌.. ప్రింట్‌!) సీఐడీకి చిక్కడంతో..  మైనారిటీస్‌ కార్పొరేషన్‌ కుంభకోణంలో వచ్చిన రూ. 20 కోట్లనుంచి సాయి .. రూ.8 కోట్లను ఏబీసీ టీవీ పేరుతో ఓ టీవీ చానల్‌ ఏర్పాటు చేయడానికి వెచ్చించాడు. దానికోసం హైదరాబాద్‌లో ఓ భవనాన్ని లీజుకు తీసుకుని దాన్ని ఆధునీకరించడంతో పాటు కావాల్సిన ఫర్నిచర్‌ కూడా సిద్ధం చేసుకున్నాడు. ఇందులో పనిచేయడానికోసం వివిధ మీడియా సంస్థల్లో పనిచేస్తున్నవారికి జీతాల అడ్వాన్సులుగా భారీ మొత్తాలు చెల్లించాడు. అయితే ఆ చానల్‌ కార్యరూపం దాల్చకముందే మైనార్టీ కార్పొరేషన్‌ స్కామ్‌లో ఉమ్మడి రాష్ట్ర సీఐడీకి చిక్కాడు. (చదవండి: తెలుగు అకాడమీ స్కాంలో వెలుగుచూసిన కొత్త కోణం) ఆ కేసు దర్యాప్తులో చానల్‌ ఏర్పాటు యత్నాలను సీఐడీ అధికారులు గుర్తించారు. తాజాగా తెలుగు అకాడమీ ఎఫ్‌డీల నుంచి కాజేసిన సొమ్ములో దాదాపు రూ.20 కోట్ల వరకు తీసుకున్న సాయి కుమార్‌ ఇందులోంచి కొంత డబ్బును యూట్యూబ్‌ చానల్‌ ఏర్పాటు కోసం వెచ్చించాడు. తెలుగు అకాడమీ స్కామ్‌కు అడ్డా అయిన కొండాపూర్‌లోని సైబర్‌ రిచ్‌ అపార్ట్‌మెంట్స్‌లోని రెండు ఫ్లాట్స్‌లోనే చానల్‌ ఏర్పాటు చేయడానికి సన్నాహాలు చేసుకున్నాడు. తొలుత యూట్యూబ్‌ చానల్‌ ఏర్పాటు కోసం వెచ్చించాడు. తెలుగు అకాడమీ స్కామ్‌కు అడ్డా అయిన కొండాపూర్‌లోని సైబర్‌ రిచ్‌ అపార్ట్‌మెంట్స్‌లోని రెండు ఫ్లాట్స్‌లోనే చానల్‌ ఏర్పాటు చేయడానికి సన్నాహాలు చేసుకున్నాడు. తొలుత యూట్యూబ్‌ చానల్‌ ప్రారంభించి మరో స్కామ్‌ చేసినప్పుడు సంపాదించే సొమ్ముతో దాన్ని శాటిలైట్‌ చానల్‌గా మార్చాలని సాయి పథకం వేసినట్లు తెలిసింది. చదవండి: తెలుగు అకాడమీ స్కాం: మరో రూ.20 కోట్లకు స్కెచ్‌!

ఈ మధ్యకాలంలో ప్రతి ఒక్కరికీ హెల్త్‌ కాన్షియస్‌ తెగ పెరిగిపోతుంది. ప్రతి ఒక్కరూ తమదైన శైలిలో రకరకాల ఆహార అలవాట్లు ఆచరిస్తున్నారు. ఐతే భిన్న ఆహార అలవాట్లు భిన్న ఆరోగ్య ప్రయోజనాలను కలిగి ఉంటాయనడంలో సందేహం లేదు. పచ్చి మాంసాన్ని రోజు వారీ ఆహారంగా తినడం అటువంటి ప్రత్యేక​ ఆహార అలవాట్లలో ఒకటి. అవును.. మీరు సరిగ్గానే చదివారు! ఓ వ్యక్తి గత మూడేళ్లగా పచ్చిమాంసం తింటూ ఎటువంటి అనారోగ్యం తలెత్తకుండా సంపూర్ణ ఆరోగ్యంగా ఉన్నానంటూ చెబుతున్నాడు. అతనెవరో.. అది ఎలా సాధ్యమయ్యిందో తెలుసుకుందాం.. అమెరికాలోని నెబ్రస్కాకు చెందిన వెస్టన్ రో అనే వ్యక్తి మూడుళ్లుగా వండకుండా లేదా వేడిచేయకుండా మాంసం, చికెన్‌, గుడ్లు.. వంటి మాంస ఉత్పత్తులను పచ్చిగానే తింటున్నాడట. ఔరా! అని ముక్కు మీద వేలేసుకుంటున్నారా? అంతేకాదు.. తన విచిత్ర ఆహార అలవాట్లపై 'ది నేచురల్ హ్యూమన్ డైట్' పేరుతో యూట్యూబ్‌ ఛానెల్‌లో డాక్యుమెంట్ కూడా చేశాడట. సాల్మన్‌ అనే చేప, చికెన్‌ ఆర్గన్స్‌, పచ్చి మాంసం.. మొదటైన వాటిని పచ్చిగా తినడం మనం అతని వీడియోల్లో చూడొచ్చు. పచ్చి మాంసం తినే అలవాటు మీకు కొంత విడ్డూరంగా అనిపించినా... వెస్టన్ రో మాత్రం ఈ ఆహారంతో రోజంతా ఎనర్జిటిక్‌గా ఉంటున్నట్లు చెబుతున్నాడండీ!! రో తన మానసిక, శారీరక ఆరోగ్యం పూర్తిగా స్థిమితంగానే ఉందనీ, ఈ పచ్చి మాంసం ఆహారంగా తినడం ప్రారంభించిన తర్వాత ఒక్కసారి కూడా అనారోగ్యం బారీన పడ్డదాకలాలు లేవని, ఇంతవరకు ఏ ఆరోగ్య సమస్యలు తలెత్తలేదనీ.. తన ఆరోగ్యంపై పచ్చి మాంసం ఎలాంటి ప్రభావాన్ని చూపిందో ది ఇండిపెండెంట్ అనే ఆన్‌లైన్‌ న్యూస్‌ పేపర్‌కు వివరించాడు. కల్టివేట్‌ (వ్యవసాయం) చేసిన మాంసం, చికెన్, గుడ్లు.. క్రమంతప్పకుండా తింటున్నానని, ఉడికించిన ఆహారంతో పోలిస్తే మరింత శక్తినిస్తుందని డైలీ మెయిల్ అనే బ్రిటీష్‌ డైలీ మిడిల్‌ మార్కెట్‌ న్యూస్‌పేపర్‌కు వెల్లడించాడు. ముడి చికెన్ తరచుగా తింటే ‘సాల్మొనెల్లా’ అనే ఇన్ఫెక్షన్‌ బారీన పడే అవకాశం ఉంది. ఇది సాధారణంగా కలుషిత ఆహారం, నీళ్ల కారణంగా సోకుతుంది. ఎప్పుడైనా ఈ వ్యాధితో బాధపడ్డావా అని అడిగినప్పుడు, ఇది చాలా వివాదాప్సదమైన అంశం. కానీ పచ్చి మాంసంలోని బాక్టీరియా మన శరీరంలో సహజ సమతుల్యతకు దారి తీస్తుందని, ఎటువంటి హాని కలగదని న్యూయార్క్ పోస్ట్‌తో చెప్పడు. ఇతని పచ్చి మాంసం ఆహార అలవాట్ల గురించి మరింత తెలుసుకోవాలనుకుంటే అతని యూట్యూబ్‌ చానెల్‌లో తెలుసుకోవచ్చు. చదవండి: World Sight Day: ఆరెంజ్‌, క్యారెట్‌, రాగులు, ఉసిరి.. తిన్నారంటే.. మీ కంటి చూపు..

న్యూఢిల్లీ: యూట్యూబ్‌(YouTube).. ఇది కేవలం వినోదాన్ని మాత్రమే కాదు.. ఆదాయాన్ని అందించే అద్భుత వనరు. ప్రస్తుతం యూట్యూబ్‌లో సొంతంగా చానెల్‌ కలిగి ఉండి.. దాని ద్వారా ఇంట్లో కూర్చునే ఆదాయం సంపాదిస్తున్నారు చాలా మంది. కొందరు యూట్యూబర్స్‌ నెలకు ఏకంగా ఎంఎన్‌సీ కంపెనీల సీఈఓల కన్నా అధిక ఆదాయాన్ని పొందుతున్నారంటే అతిశయోక్తి కాదు. ఈ కోవకు చెందిన యూట్యూబరే భువన్‌ బామ్‌. భువన్‌ బామ్‌ తన యూట్యూబ్‌ చానెల్‌ ద్వారా నెలకు ఏకంగా సుమారు 95 లక్షల రూపాయల ఆదాయం ఆర్జిస్తున్నాడు. ఈ విషయాలను కానాలెడ్జ్‌.కామ్‌ (caknowledge.com) అనే సైట్‌ వెల్లడించింది. ఇదే కాక భువన్‌ బామ్‌ పేరుమీద మరో రికార్డు కూడా ఉంది. భారతదేశంలో 10 మిలియన్ల సబ్‌స్క్రైబర్స్‌ సాధించిన తొలి యూట్యూబర్‌గా రికార్డు సృష్టించాడు భువన్‌. అతడి సక్సెస్‌ స్టోరీ వివరాలు..  (చదవండి: జాబ్‌ వదిలేసి పాత ‍డ్రమ్ములతో వ్యాపారం.. అతని జీవితాన్నే మార్చేసింది) న్యూఢిల్లీకి చెందని భువన్‌ బామ్‌ గ్రీన్‌ ఫీల్డ్స్‌ స్కూల్‌లో చదువు పూర్తి చేసుకున్నాడు. షాహీద్‌ బాగ్‌ సింగ్‌ కాలేజీ నుంచి డిగ్రీ పూర్తి చేశాడు. అనంతరం బీబీ కి వైన్స్‌ పేరుతో యూట్యూబ్‌ చానెల్‌ స్టార్ట్‌ చేశాడు. చఖ్నా ఇష్యూ అనే వీడియో వైరల్‌ అవ్వడంతో భువన్‌ బామ్‌ చానెల్‌ సబ్‌స్క్రైబర్స్‌ పెరగడం ప్రారంభం అయ్యింది. ప్రస్తుతం ఇతడి చానెల్‌కు ఏకంగా 22 మిలియన్ల మంది కన్న ఎక్కువ మంది సబ్‌స్క్రైబ్‌ చేశారు. అర్థవంతమైన కంటెంట్‌తో నెటిజనలును అలరిస్తుంటాడు భువన్‌ బామ్‌. కొన్ని షార్ట్‌ ఫిల్మ్స్‌లో కూడా నటించాడు భువన్‌ బామ్‌. (చదవండి: కమ్మని ‘అమ్మచేతి వంట’!) ఇక యూట్యూబ్‌ చానెల్‌ ద్వారా భువన్‌ బామ్‌ ఏడాది ఏకంగా 22 కోట్లు సంపాదిస్తున్నాడని.. నెలకు సుమారు 95 లక్షల రూపాయలు ఆర్జిస్తున్నాడని.. కానాలెడ్జ్‌.కామ్‌ వెల్లడించింది. ఇదే కాక మింత్ర డీల్‌ ద్వారా మరో 5 కోట్ల రూపాయలు, మివి ద్వారా 4 కోట్ల రూపాయలు  సంపాదిస్తున్నాడని తెలిపింది. ఇవే కాక భువన్‌ బామ్‌ ఆర్కిటిక్‌ ఫాక్స్‌, లెన్స్‌కార్ట్‌, మివి, బియర్డో, టిస్సాట్‌, టేస్టీట్రిట్స్‌ వంటి వాటికి బ్రాండ్‌ అంబాసిడర్‌గా ఉన్నాడు. చదవండి: కోటి మంది సబ్‌స్క్రైబర్లతో రికార్డు సృష్టించిన కుకింగ్‌ చానెల్‌

కేంద్ర మంత్రి నితిన్‌ గడ్కరీ తన యూట్యూబ్‌ ద్వారా నెలకు ఎంత సంపాదిస్తున్నారో తెలుసా?. అక్షరాల నాలుగు లక్షలకు పైనేనంట. అంతేకాదు తనకు పిల్లనిచ్చిన మామ ఇంటిని కూల్చేయాలని ఆదేశాలు ఇచ్చారట. అది ఎందుకో ఆయన మాటల్లోనే తెలుసుకుందాం.   కేంద్ర మంత్రి నితిన్‌ గడ్కరీ.. తన వ్యక్తిగత జీవితానికి సంబంధించిన కొన్ని ఆసక్తికర విషయాల్ని పంచుకున్నారు. హరియాణాలో ఢిల్లీ-ముంబై ఎక్స్‌ప్రెస్‌వే పనుల్ని సమీక్షించడానికి వెళ్లిన గడ్కరీ..  ఓ ఈవెంట్‌కు హాజరై కింది వ్యాఖ్యలు చేశారు.   ‘‘కరోనా టైంలో ఇంటికే పరిమితమైన నేను రెండే పనులు చేశా. ఒకటి వంట చేయడం, రెండోది వీడియో కాన్ఫరెన్స్‌ ద్వారా ఉపన్యాసాలు ఇవ్వడం. ఆన్‌లైన్‌లో చాలా క్లాసులు తీసుకున్నా నేను. అంతేకాదు యూట్యూబ్‌లోనూ అప్‌లోడ్‌ చేశా. వాటిని వ్యూస్‌ ఎక్కువ రావడంతో యూట్యూబ్‌ నెలకు నాకు నాలుగు లక్షలు చెల్లిస్తోంది’’ అని చెప్పుకొచ్చారు గడ్కరీ. ఇది చదవండి: టోల్‌ గేట్ల ధరలపై నితిన్‌ గడ్కరీ విచిత్ర వ్యాఖ్యలు ఇక పెళ్లైన కొత్తలో తన భార్య కాంచనకు తెలియకుండా..  రోడ్డు మధ్యలో ఉన్న  ఆమె తండ్రి ఇంటిని కూల్చేయాలని ఆదేశాలు జారీ చేశానని గుర్తు చేసుకున్నారాయన. ఈ విషయాన్ని తోటి అధికారులు తన దృష్టిని తీసుకొచ్చారని, అయినా కూడా ఆ పని చేయాల్సిందేనని ఆదేశించాలని చెప్పినట్లు నితిన్‌ గడ్కరీ నవ్వుతూ చెప్పారు.   క్లిక్‌ చేయండి: ‘హారన్‌’ సౌండ్లు మార్చేస్తాం: గడ్కరీ

సాక్షి, హైదరాబాద్‌: ‘ఏ అండ్‌ ఎస్‌' అనే పేరుతో యూట్యూబ్ ఛానెల్ నడుపుతున్న లిటిల్‌ రాక్‌ స్టార్స్‌  తాజా వీడియోతో  సోషల్‌ మీడియాలో సంచలనం రేపుతున్నారు. ఇటీవల గోవా హాలిడే ట్రిప్‌లో ఎంజాయ్‌ చేసిన ఈ పిడుగులిద్దరూ తమదైన శైలిలో ఒక వీడియోను తీసుకొచ్చారు. ఇంతకీ  ఆ పిడుగులు మరెవ్వరో కాదు స్టార్ డాటర్స్ సూపర్ స్టార్ మహేష్ బాబు తనయ సితార, స్టార్ దర్శకుడు వంశీ పైడిపల్లి కూతురు ఆద్య. ఈ తాజా వీడియోను సూపర్‌ స్టార్‌ మహేష్‌ బాబు ట్విటర్‌లో షేర్‌ చేశారు.  To how it all began! My favourite duo is back.. taking us through Goa this time! Loved the video as always! Rock on my girls 🤗🤗🤗 #AadyaAndSitara pic.twitter.com/XS4MELMEbU — Mahesh Babu (@urstrulyMahesh) August 28, 2021

యూట్యూబ్‌ తెలిసినంతగా చాలామందికి యూట్యూబ్‌ స్టూడియో తెలిసి ఉండకపోవచ్చు. ఆ స్టూడియోలో ఏం ఉంటాయి? క్రియేటర్లకు దారి చూపించే విశ్లేషణ పరికరాలు ఉంటాయి. మన బండికి వేగం పెంచే ఇంధనాలు ఉంటాయి... ‘యూట్యూబ్‌ స్టూడియో’ క్రియేటర్స్‌కు ఇల్లులాంటిది. ఆ ఇంటిలో చిన్నవాళ్లకు విలువైన సలహాలు ఇచ్చే పెద్దమనిషిలాంటిది. భరోసా ఇచ్చే బాస్‌లాంటిది. యూట్యూబ్‌ ఛానల్‌ స్టార్ట్‌ చేయడం చాలా వీజి. దాన్ని నిలబడేలా చేయడం, పరుగెత్తేలా చేయడం శానా కష్టం. ఇది ఎందరికో అనుభవంలో ఉన్న విషయం. యూట్యూబ్‌ ఛానల్‌ హిట్టు,ఫట్టు వెనుక ‘అదృష్టం’ పాత్ర ఏమీ ఉండదు. మన పాత్రే ఉంటుంది. ఆ పాత్ర రక్తి కట్టాలంటే, మీరు విజయపథంలో దూసుకెళ్లాలంటే.. మీకు అవసరమైనది యూట్యూబ్‌ స్టూడియో. ఆడియన్స్‌ ఇంటరాక్షన్‌ నుంచి ఛానల్‌ డెవలప్‌మెంట్‌ వరకు రకరకాలుగా ఉపయోగపడుతుంది. యూట్యూబ్‌ స్టూడియోలో.. ఛానల్‌ డ్యాష్‌బోర్డ్, వీడియోస్, ప్లేలిస్ట్, ఎనాలిటిక్స్, కామెంట్స్, సబ్‌టైటిల్స్, మోనిటైజేషన్, కస్టమైజేషన్, ఆడియోలైబ్రరీ.. మొదలైన ఫీచర్లు ఉంటాయి. ఇందులో ముఖ్యమైనవి ప్లేలిస్ట్, ఎనలిటిక్స్‌. ఛానల్‌ ఎప్పటికప్పుడు ఫ్రెష్‌గా ఉండాలంటే ప్లేలీస్ట్‌లు తప్పనిసరి. యూట్యూబ్‌ స్టూడియోలో ప్లేలీస్ట్‌లు క్రియేట్‌ చేయడానికి... 1.సైన్‌ ఇన్‌ యూట్యూబ్‌ స్టూడియో 2. లెఫ్ట్‌ మెను, సెలెక్ట్‌ ప్లేలీస్ట్‌ 3. క్లిక్‌–న్యూ ప్లే లీస్ట్‌ 4.ఎంటర్‌–ప్లే లీస్ట్‌ టైటిల్‌ 5. సెలెక్ట్‌–ప్లేలీస్ట్‌ విజిబిలిటీ సెట్టింగ్స్‌ 6. క్లిక్‌ ఆన్‌ క్రియేట్‌ ఎడిట్‌ చేయడానికి...1.సైన్‌ ఇన్‌ యూట్యూబ్‌ స్టూడియో 2. సెలెక్ట్‌ ప్లేలీస్ట్‌  3.ఎడిట్‌–క్లిక్‌ 4. డిస్క్రిప్షన్‌–క్లిక్‌  5.సేవ్‌ ఛానల్‌ స్పీడ్‌ అందుకోవడానికి, కంటెంట్‌ స్ట్రాటజీని రీడిజైన్‌ చేసుకోవడానికి ‘ఎనాలిటిక్స్‌’ కావాలి. ఇందులోకి వెళ్లాలంటే...1.మీ ఎకౌంట్‌లోకి లాగ్‌ అవ్వాలి 2. క్లిక్‌–ప్రొఫైల్‌ ఐకాన్‌ 3.సెలెక్ట్‌–యూట్యూబ్‌ స్టూడియో 4. క్లిక్‌–గో టూ ఛానల్‌ ఎనాలిటిక్స్‌ 5. సెలెక్ట్‌–ఎనాలిటిక్స్‌ (లెఫ్ట్‌ హ్యాండ్‌ మెనూ) బిగ్గెస్ట్‌ వీడియో స్ట్రీమింగ్‌ ప్లాట్‌ఫామ్‌ యూట్యూట్‌  కంటెంట్‌ క్రియేటర్లకు ఉపయోగపడే వినూత్నమైన అప్‌డెట్స్‌తో ముందుంటుంది. ‘యూట్యూబ్‌ స్టూడియో’కి సంబంధించి తాజా అప్‌డ్‌ట్‌ల విషయానికి వస్తే.. హైలీ రిక్వెస్టెడ్‌ ఫీచర్‌గా చెప్పుకునే ‘డార్క్‌మోడ్‌’ ఫీచర్‌ యూట్యూబ్‌కు మాత్రమే కాకుండా ‘యూట్యూబ్‌ స్టూడియో’కు  వచ్చేసింది. ఫ్రెష్‌లుక్‌ ఇవ్వడమే కాదు కళ్లకు భారం పడకుండా తేలిగ్గా ఉంటుంది. బ్యాటరీ సేవ్‌ అవుతుంది. రియల్‌టైమ్‌ కార్డ్స్‌ను మెరుగుపరిచారు. గతంలో ఈ కార్డ్స్‌ ‘బేసిక్‌ వోవర్‌ వ్యూ డాటా’ డిస్‌ప్లేకే పరిమితం. తాజా అప్‌డేట్‌తో సబ్‌స్క్రైబర్‌ కౌంట్స్, వీడియో వ్యూస్‌.. ఇలా అప్‌–టు–ది–మినిట్‌ డాటా డిస్‌ప్లే అవుతుంది. యూట్యూబ్‌ స్టూడియోలోని ‘మెన్షెన్‌ ఇన్‌బాక్స్‌’తో క్రియేటర్లు యాక్సెస్‌ కావచ్చు. దీని ద్వారా మీ ఛానల్‌ ఎక్కడెక్కడ మెన్షెన్‌ అయిందనే విషయం తెలుసుకోవచ్చు. ఉదా: మరో ఛానల్‌ వీడియో కామెంట్‌ సెక్షన్‌లో మీ ఛానల్‌ ట్యాగ్‌ అయితే దాని గురించి తెలుసుకోవచ్చు. ‘మీ సినిమా ఆడాలంటే మీకు నచ్చగానే సరిపోదు. ప్రేక్షకులకు మీకంటే బాగా నచ్చాలి’ అనేది అత్యంత పాత విషయం అయినప్పటికీ ఎప్పటికప్పుడు కొత్తగా మరిచిపోతూనే ఉంటాం. ఛానల్‌ వ్యవహారం కూడా అంతే. ‘చేసిందంతా చేసేశాను. ఇంకేటి సేత్తాం’ అనుకోవద్దు. ‘యూట్యూబ్‌ స్టూడియో’పై లుక్కేయండి. ఆడియెన్స్‌ నాడి కనిపెట్టండి. సరదిద్దుకోండి. దూసుకుపోండి.

తల్లిదండ్రులు తమ పిల్లలకు ఏదైనా సరే ‘ది బెస్ట్‌’ ఇవ్వాలనుకుంటారు. ఈ క్రమంలో పిల్లల కోసం కష్టపడడమేగాక, మరికొన్నిసార్లు వాళ్లు కూడా చిన్నపిల్లల్లా మారిపోతుంటారు. అచ్చం ఇలాగే మారిపోయిన... ఆయు, పిహు తల్లిదండ్రులు తమ పిల్లల పేరు మీద యూట్యూబ్‌ ఛానల్‌ ప్రారంభించారు. అందులో పిల్లలతోపాటు తాము కూడా వివిధ రకాల ఆటలలో పాల్గొంటూ ఆ వీడియోలను తమ ఛానల్లో అప్‌లోడ్‌ చేస్తున్నారు. కంటెంట్‌ ఆసక్తికరంగా ఉండడంతో ప్రస్తుతం వీరి ఛానల్‌ కిడ్స్‌ విభాగంలో దాదాపు కోటిన్నర సబ్‌స్క్రైబర్స్‌తో టాప్‌టెన్‌లో దూసుకుపోతోంది.  రాజస్థాన్‌లోని కోటా నగరానికి చెందిన పియూష్, రుచి కల్రా దంపతులకు 2007 ఏప్రిల్‌ 2న ప్రకృతి(పిహు), 2013 ఆగస్టు 27న ఆయుష్‌(ఆయు)లు పుట్టారు. ఆయుకు మూడున్నర ఏళ్లు ఉన్నప్పుడు తన తండ్రి ఆన్‌లైన్‌లో చూసే అన్‌ బాక్సింగ్, రివ్యూ వీడియోలను ఆసక్తిగా గమనించేవాడు. రోజూ తను చూసే వీడియోలను ఆయు ఇష్టపడుతుండడంతో పిల్లలకు సంబంధించిన వీడియోలు ఏవైనా ఆయుకు చూపించాలని పియూష్‌కు అనిపించింది. అయితే పిల్లల వీడియోలు దాదాపు అన్నీ యానిమేటెడ్‌వే కావడం, కొన్ని హిందీలో లేకపోవడంతోపాటు లైవ్‌గా ఎవరైనా యాక్షన్‌ చేసి చెప్పేవి కూడా ఏవీ కనిపించలేదు. పిల్లలకు మరిన్ని విషయాలు నేర్పించాలంటే మాతృ భాషలోనే ఉంటే బావుంటుందని ఆయన 2017 మేలో ‘ఆయు అండ్‌ పిహు షో’ పేరిట యూట్యూబ్‌ ఛానల్‌ను ప్రారంభించారు. ఈ షోలో ఐదేళ్ల ఆయు, పదకొండేళ్ల పిహులు పిల్లలకు నచ్చే నీతి కథలు, మంచి అలవాట్లు, వివిధ రకాల పోటీలకు సంబంధించిన వీడియోలను పోస్టు చేసేవారు. పిల్లలతో ప్రారంభించిన ఛానల్‌ అయినప్పటికీ ప్రొఫెషనల్‌గా తీర్చిదిద్దేందుకు లైటింగ్, కెమెరా, హై ఎండ్‌ గేమింగ్‌ ల్యాప్‌ టాప్‌ను ఏర్పాటు చేసి, పిల్లలు కంటెంట్‌ను క్రియేట్‌ చేస్తుంటే పియూష్, రుచిలు వాటిని షూట్‌ చేయడం, స్క్రిప్ట్‌ రెడీ చేయడం, ఎడిట్‌ చేయడంతోపాటు, షోలో లోటుపాట్లను సరిచేసేవారు. వాస్తవికథలతో... ప్రారంభంలో కుకింగ్‌ పాఠాలు, మంచి అలవాట్ల పైన వీడియోలు రూపొందించి ఛానల్లో అప్‌లోడ్‌ చేసేవారు. మేలో ఛానల్‌ ప్రారంభించినప్పటికీ మరుసటి ఏడాది మార్చివరకు సబ్‌స్కైబర్స్‌ సంఖ్య వెయ్యి లోపే ఉండేది. నీతికథలను మరింత బాగా చెప్పగలిగితే వ్యూవర్స్‌ సంఖ్య పెరుగుతుందన్న  ఆలోచన రావడంతో...అప్పటి వరకు వినని హిందీ నీతి కథలను ప్రత్యేకంగా రూపొందించి వినిపించడం ప్రారంభించారు. నిజజీవితంలో జరిగిన కొన్ని సంఘటనలను కథలుగా చెప్పడం, నీతితోపాటు కాస్త కామెడీ కూడా ఉండేలా కథలను తయారు చేసి ఛానల్‌లో అప్‌లోడ్‌ చేసేవాళ్లు. దీంతో ఛానల్‌ బాగా పాపులర్‌ అయ్యింది. ‘ఏక్‌ జూట్‌’(అబద్దం) వీడియోకు ఏకంగా 11 మిలియన్ల వ్యూస్‌ వచ్చాయి.  కోటికి పైగా సబ్‌స్క్రైబర్స్‌... నీతికథల వీడియోలు షూట్‌ చేయడానికి ఎక్కువ సమయం పడుతుండడంతో.. వీటితోపాటు ఛాలెంజింగ్‌ వీడియోలు చేసి అప్‌లోడ్‌ చేసేవారు. ప్రతి గురువారం కొత్త వీడియో, లఘు చిత్రాలు, చాలెంజింగ్‌ గేమ్‌లు, ఫ్యామిలీ కామెడీ, యాక్టివిటీ లెర్నింగ్‌ కామెడీ వీడియోలను అప్‌లోడ్‌ చేయడంతో.. 2018 జూన్‌ నాటికి ఆయు అండ్‌ పిహు షో లక్షమంది సబ్‌స్క్రైబర్ల ను దాటేసింది. సెప్టెంబర్‌ వచ్చేటప్పటికి ఈ సంఖ్య ఆరు లక్షలకు చేరింది. వీరి ఛానల్‌ వేగంగా పాపులర్‌ అవ్వడానికి కారణం ఆయు, పియూలే. అక్కాతమ్ముడు అన్ని యాక్టివిటీల్లో చురుకుగా పాల్గొని వ్యూవర్స్‌ను ఆకట్టుకోవడంతో సబ్‌స్క్రైబర్స్‌ సంఖ్య కోటీ నలభైలక్షలకు చేరింది. ఆయు పిహులతోపాటు తల్లిదండ్రులు పియూష్, రుచిలుకూడా యాక్టివిటీల్లో పాల్గొనడం విశేషం. ఇప్పటికే వీరి ఛానల్‌కు సిల్వర్, గోల్డ్, డైమండ్‌ బటన్‌లు కూడా వచ్చాయి. ప్రస్తుతమున్న కిడ్స్‌ యూ ట్యూబ్‌ ఛానళ్లల్లో టాప్‌ ప్లేస్‌లో దూసుకుపోతున్న వాటిలో ఆయు అండ్‌ పిహు షో కూడా ఒకటిగా ఉంది. చదవండి:  వరకట్న హత్యలు: జాగ్రత్త... ఉద్యోగం ఊడుతుంది

బొమ్మలసత్రం: కర్నూలు జిల్లా నంద్యాలలో యూట్యూబ్‌ చానల్‌ వీ5 విలేకరి కేశవను ఆదివారం రాత్రి దారుణంగా హత్యచేశారు. పదేళ్లుగా విలేకరిగా పనిచేస్తున్న అతడిపై కక్షగట్టిన కానిస్టేబుల్‌ సుబ్బయ్య, అతడి సోదరుడు పదునైన ఆయుధంతో వీపు వెనుకభాగంలో పొడిచి హత్యచేసినట్లు అనుమానిస్తున్నారు. పోలీసులు, మృతుడి కుటుంబసభ్యుల సమాచారం మేరకు.. కేశవ వారం కిందట గుట్కా వ్యాపారితో టూటౌన్‌ కానిస్టేబుల్‌ సుబ్బయ్యకు ఉన్న సంబంధాలను బట్టబయలు చేశారు. దీనిపై సోషల్‌ మీడియాలో ప్రచారం చేశారు. ఈ విషయం తెలుసుకుని జిల్లా ఎస్పీ సుధీర్‌కుమార్‌రెడ్డి కానిస్టేబుల్‌ సుబ్బయ్యను సస్పెండ్‌ చేశారు. దీన్ని జీర్ణించుకోలేని కానిస్టేబుల్‌ సుబ్బయ్య ఆదివారం రాత్రి మాట్లాడాలని చెప్పి కేశవను ఎన్జీవోస్‌ కాలనీలోని ఆటోస్టాండ్‌ వద్దకు పిలిపించాడు. కేశవ తోటి రిపోర్టర్‌ ప్రతాప్‌తో కలిసి ఎన్జీవోస్‌ కాలనీకి వెళ్లారు. అక్కడ కేశవతో ప్రత్యేకంగా మాట్లాడాలని సుబ్బయ్య, అతడి తమ్ముడు నాని గదిలోకి తీసుకెళ్లారు. కొద్ది నిమిషాలకే ఆ గదిలోంచి గట్టిగా కేకలు వినిపించటంతో ప్రతాప్‌ వెళ్లాడు. అక్కడ తీవ్రగాయాలతో ఉన్న కేశవను ఆటోలో నంద్యాల ప్రభుత్వాస్పత్రికి చికిత్స నిమిత్తం తరలించాడు. అప్పటికే కేశవ మృతిచెందినట్లు వైద్యులు నిర్ధారించారు. పదునైన ఆయుధంతో కేశవ వీపు వెనుకభాగంలో తీవ్రంగా పొడిచినట్లు వైద్యులు తెలిపారు. కానిస్టేబుల్‌ అవినీతి వ్యాపారాన్ని బట్టబయలు చేసిన విలేకరిని హత్యచేయటం పట్ల జర్నలిస్ట్‌ సంఘాలు ఆందోళన చెందుతున్నాయి. కేశవ మృతదేహాన్ని డీఎస్పీ చిదానందరెడ్డి, తాలుకా సీఐ మురళిమోహన్‌రావు పరిశీలించారు. డీఎస్పీ మాట్లాడుతూ నిందితులు ఎవరైనా కఠినంగా శిక్షిస్తామని చెప్పారు.

హైదరాబాద్‌:  యూ ట్యూబ్‌ ఛానల్‌ క్యూ న్యూస్‌ వ్యవస్థాపకుడు చింతపండు నవీన్‌ అలియాస్‌ తీన్మార్‌ మల్లన్నకు హైదరాబాద్‌ సైబర్‌ క్రైమ్‌ పోలీసులు బుధవారం నోటీసులు జారీ చేసిన సంగతి తెలిసిందే. అయితే తాజాగా జ్యోతిష్యుడు లక్ష్మీకాంత్‌ శర్మ ఫిర్యాదుతో తీన్మార్‌ మల్లన్నపై పోలీసులు మరో కేసు నమోదు  చేశారు. దీంతో తీన్మార్‌ మల్లన్న చిలకలగూడ పీఎస్‌లో విచారణకు హాజరయ్యారు. కాగా తనను తీన్మార్‌ మల్లన్న బెదిరిస్తున్నాడని లక్ష్మీకాంత్ శర్మ ఫిర్యాదులో పేర్కొన్నాడు. ఇక క్యూస్‌ సంస్థ మాజీ ఉద్యోగిని ప్రియాంక ఇచ్చిన ఫిర్యాదు మేరకు నమోదైన కేసులో నిందితుడిగా పరిగణిస్తూ సీఆర్‌పీసీ 41ఏ సెక్షన్‌ కింద పోలీసులు నోటీసులు ఇచ్చిన సంగతి తెలిసిందే. పీర్జాదిగూడలోని సంస్థ కార్యాలయంలో బుధవారం రాత్రి సోదాలు నిర్వహించిన పోలీసులు మొత్తం 12 హార్డ్‌ డిస్క్‌లు స్వాధీనం చేసుకున్నారు. 

సాక్షి, హైదరాబాద్‌: యూ ట్యూబ్‌ ఛానల్‌ క్యూ న్యూస్‌ వ్యవస్థాపకుడు చింతపండు నవీన్‌ అలియాస్‌ తీన్మార్‌ మల్లన్నకు హైదరాబాద్‌ సైబర్‌ క్రైమ్‌ పోలీసులు బుధవారం నోటీసులు జారీ చేశారు. ఆ సంస్థ మాజీ ఉద్యోగిని ప్రియాంక ఇచ్చిన ఫిర్యాదు మేరకు నమోదైన కేసులో నిందితుడిగా పరిగణిస్తూ సీఆర్‌పీసీ 41ఏ సెక్షన్‌ కింద వీటిని ఇచ్చారు. పీర్జాదిగూడలోని సంస్థ కార్యాలయంలో బుధవారం రాత్రి సోదాలు నిర్వహించిన పోలీసులు మొత్తం 12 హార్డ్‌ డిస్క్‌లు స్వాధీనం చేసుకున్నారు. వీటిని పరీక్షల నిమిత్తం రాష్ట్ర ఫోరెన్సిక్‌ సైన్స్‌ లాబొరేటరీకి పంపనున్నారు. ఆ నివేదికతో పాటు దర్యాప్తులో వెలుగులోకి వచ్చిన ఆధారాలను బట్టి న్యాయస్థానానికి నివేదిక అందజేస్తారు. 

నిరుపేద కుటుంబం.. పెద్దగా చదువుకోలేదు. పెళ్లై పిల్లలతో గృహిణిగా స్థిరపడిపోయింది. మధ్యలో ఆగిపోయిన చదువును కొనసాగించాలనుకుంది. కానీ పిల్లల చదువులు గుర్తొచ్చాయి. దీంతో తనకు వచ్చిన వంటలను వంట రాని వారికి నేర్పిస్తూ రెండు కోట్లమందికి పైగా అభిమానుల్ని ఆకట్టుకుంటోంది పూనమ్‌ దేవనాని. రెండు యూ ట్యూబ్‌ చానళ్లతో చిన్నచిన్న చిట్కాలతో వంటలు ఎలా చేయాలో కోట్ల మందికి నేర్పిస్తూ సోషల్‌ మీడియాలో తనకంటూ ఒక గుర్తింపును ఏర్పర్చుకుంది పూనమ్‌.  మధ్యప్రదేశ్‌లోని నిరుపేద కుటుంబంలో పుట్టిన పూనమ్‌ దేవనానికి అమ్మన్నా... ఆమె చేసే వంటకాలన్నా ఎంతో ఇష్టం. దీంతో చిన్నప్పటి నుంచి అమ్మతోనే ఎక్కువ సమయాన్ని గడిపేది. పూనమ్‌కి ఎనిమిదేళ్లు ఉన్నప్పుడు తండ్రి మరణించారు. దీంతో అమ్మ చెప్పినట్లు వింటూ బుద్ధిగా చదువుకునేది. ఏ మాత్రం ఖాళీ దొరికినా వంటింట్లో అమ్మ చేసే వంటలను గమనించేది. ఆమె వంటలను ఎలా చేస్తుందో తెలుసుకోవాలన్న ఆసక్తి పూనమ్‌కు బాగా ఉండేది. ఈ క్రమంలోనే ఎనిమిదో తరగతిలో ఉండగా ఒకరోజు న్యూస్‌ పేపర్‌లో వచ్చిన వంటకం చూసి దానిలో ఉన్నట్లుగానే చేసింది. ఆ వంటకం బాగా రావడంతో ఒకపక్క చదువుకుంటూనే మరోపక్క కిచెన్‌లో రకరకాల వంటల ప్రయోగాలు చేస్తుండేది. కుటుంబ పరిస్థితులు సరిగా లేకపోవడం, దానికితోడు మంచి సంబంధం రావడంతో బిఏ చదువుతుండగానే పెళ్లి చేసుకుని అత్తారింటికి వెళ్లాల్సి వచ్చింది. అందరు గృహిణుల్లాగే సంసారాన్ని చూసుకునేది.  తొలి ఆదాయం... పూనమ్‌కి ఇంటి పనులన్నీ అయ్యాక చదువుకోవాలనిపించేది. కానీ పిల్లల చదువులకే ఆదాయం సరిపోవడం లేదు. ఇలాంటి పరిస్థితుల్లో నేను ఎలా చదువుకోగలనా అనిపించింది తనకు. ఏదైనా చేసి డబ్బు సంపాదించాలనుకుంది. కానీ చేతిలో కనీసం డిగ్రీ సర్టిఫికెట్‌ కూడా లేదు! ఎలా సంపాదిస్తాను? అనుకుంది. అప్పుడే పూనమ్‌కు ‘నాకు వంట చేయడం వచ్చు కదా దానిని నేను ఎందుకు ఉపయోగించుకోకూడదు..?’ అనే ఆలోచన వచ్చింది. దాంతో 2004లో కాలనీలో ఖాళీగా ఉన్న కొందరు అమ్మాయిలకు వంటలు ఎలా చేయాలో నేర్పించడం మొదలు పెట్టింది. ఆమె వంటలు నేర్పించే విధానం నచ్చడంతో పూనమ్‌ దగ్గర వంట చేయడం నేర్చుకునే వారి సంఖ్య పెరుగుతూ వచ్చింది. తన స్టూడెంట్స్‌కు వంటల గురించి మరింతగా వివరించేందుకు వివిధ రకాల పుస్తకాలు చదివి మరీ వారడిగే సందేహాలకు సమాధానాలు చెప్పేది. ఇలా రోజూ ఆరు నుంచి ఎనిమిది గంటల పాటు వంటల క్లాసులు చెబుతూ.. సాయంత్రం పెళ్లిళ్లు, పార్టీలలో ఇచ్చే గిఫ్టులను ప్యాకింగ్‌ చేసేది. అవి అందరికీ నచ్చడంతో ఆమె ఆ పనిని మరింత క్రియేటివ్‌గా చేసేది. పూనమ్‌ వంటల క్లాసులు బాగా పాపులర్‌ అవడంతో ఆమెని వంటల కార్యక్రమాల్లో జడ్జిగా పిలిచేవారు. తన డిగ్రీ సగంలో ఆగిపోయిన కాలేజీకి వంటల క్లాసులు చెప్పడానికి వెళ్లడం విశేషం. అక్కడ కాలేజీ యాజమాన్యం ఇచ్చిన పారితోషికాన్నే పూనమ్‌ తొలి ఆదాయంగా అందుకొంది. మసాలా కిచెన్‌... 2004లో ప్రారంభమైన పూనమ్‌ వంటల జర్నీ సాఫీగా సాగుతూ వచ్చినా, గంటల తరబడి నిలబడి క్లాసులు చెబుతుండడంతో కాళ్లు వాచి, నొప్పులు రావడం మొదలైంది. దీనికితోడు జార్ఖండ్, ముంబై, నోయిడా, ఢిల్లీ, భోపాల్‌ వంటి ప్రాంతాల నుంచి కూడా తమకు క్లాసులు చెప్పమని అడిగేవారి సంఖ్య పెరుగుతుండడంతో ఇలా లాభం లేదని ‘మసాలా కిచెన్‌’ పేరుతో యూట్యూబ్‌ చానల్‌ ప్రారంభించి ఆన్‌లైన్‌ క్లాసులు చెప్పడం మొదలు పెట్టింది. అయితే చాలా కాలం పాటు ఆ చానల్‌కు ఆదాయం ఏమీ రాలేదు. అయినా నిరాశ చెందలేదు. వీడియోలు చేయడం మానలేదు. ఓసారి పూనమ్‌ అప్‌లోడ్‌ చేసిన ‘బ్రెడ్‌తో కేక్‌ తయారీ’ వీడియో బాగా పాపులర్‌ అవడంతో అప్పటి నుంచి యూ ట్యూబ్‌ ఆదాయం రావడం మొదలైంది. ప్రస్తుతం మసాలా కిచెన్‌కు దాదాపు మూడు కోట్ల మంది సబ్‌స్క్రైబర్స్‌ ఉన్నారు. మా ఏ కైసే కర్నా? చాలామందికి బయట తినే అలవాటు కావడం లాక్‌డౌన్‌ సమయంలో బయట ఏమీ దొరకకపోవడంతో.. చాలామంది ఇంట్లోనే రకరకాల వంటకాలు చేసుకోవడానికి ప్రయత్నించేవారు. ఈ క్రమంలో వంటరాని బ్యాచిలర్స్, కొత్తగా పెళ్లయిన వారు... ‘అమ్మా ఇది ఎలా చేయాలి? అది ఎలా చేయాలి?’ అని అడిగే ప్రశ్నలు ఎక్కువగా వినిపించేవి పూనమ్‌కు. దీంతో వీళ్లందరి ప్రశ్నలకు జవాబులు చెప్పేలా ‘మా ఏ కైసే కర్నా’ పేరుతో వంటలకు సంబంధించి మరో యూట్యూబ్‌ చానల్‌ను ప్రారంభించి.. సులభమైన కిచెన్‌ టిప్స్‌ చెప్పడం మొదలు పెట్టింది.. ఈ చానల్‌కు మంచి ఆదరణ లభించింది. ప్రస్తుతం ఈ చానల్‌కు కోటీ ముప్ఫై లక్షలకుపైనే సబ్‌స్క్రైబర్స్‌ ఉన్నారు.   

దిగాలుగా కూర్చున్న శోభను చూస్తూ ‘ఏమైంది..?’ అడిగింది లలిత. ముందు కొంచెం సంశయించినా అసలు విషయం చెప్పక తప్పింది కాదు శోభకి. ∙∙∙ ఆర్నెల్లుగా శోభ యూ ట్యూబ్‌లో వంటల ఛానెల్‌ నడుపుతోంది. వారంలో రెండు రకాల వంటలైనా అప్‌లోడ్‌ చేస్తుంటుంది. ఛానెల్‌ మానిటైజేషన్‌కు దగ్గరలో ఉంది. సబ్‌స్క్రైబర్ల జాబితా ఇంకాస్త  పెరిగితే అనుకున్న టార్గెట్‌ పూర్తవుతుందనే ఆనందంలో ఉంది శోభ. ఓరోజున వీడియో షూట్‌లో బిజీగా ఉన్న శోభ ఫోన్‌ రింగయ్యింది. కొత్త నెంబర్‌. ఫోన్‌ చేసినవారు తమని తాము పరిచయం చేసుకున్నారు. విషయం విన్న శోభ మొహం వెలిగిపోయింది. రూల్స్‌ అన్నీ నోట్‌ చేసుకుంది. పని పూర్తయ్యాక నోట్‌ చేసుకున్న వెబ్‌సైట్‌లో తన వివరాలన్నీ ఇచ్చి, రిజిస్ట్రేషన్‌ చేసుకుంది. మరుసటి రోజు మరో కొత్త నెంబర్‌ నుంచి ఫోన్‌. శోభ ఇచ్చిన వివరాలన్నీ చాలా బాగున్నాయని, కార్పోరేట్‌ çసంస్థలతో డీల్‌కి ఈ ప్రొఫైల్‌ వెళ్లాలంటే ది బెస్ట్‌ అవార్డు ఒకటుండాలని, అది తమ కంపెనీ ఇస్తుందంటూ ఇప్పటి వరకు అవార్డు వచ్చినవారు ఏ స్థాయిలో ఉన్నారో ఊరిస్తూ చెప్పారు. అందుకు సంబంధించిన వివరాలతో మెయిల్‌ పంపించాం చెక్‌ చేయండి అని చెబుతూ... అవార్డుకి రెండు లక్షల రూపాయలు ఇవ్వాల్సి ఉంటుంద’న్నారు. ముందు కొంచెం తటపటాయించినా, ‘పెద్ద స్థాయి కంపెనీల నుంచి స్పాన్సర్స్‌ వస్తే ఛానెల్‌ పాపులర్‌ అవుతుంది, ఆదాయమూ పెరుగుతుంది. కదా..‘ఇంట్లోవారికి చెబితే ఈ డిజిటల్‌ గోల వారికి అర్ధం కాదు. పైగా ఎన్నో ప్రశ్నలు వేసి విసిగిస్తారు, వద్దులే!’ అనుకుంది. అవార్డు కంపెనీ పెట్టిన నిబంధనలకు ఓకే చెబుతూ.. వారు చెప్పిన అమౌంట్‌ను ట్రాన్స్‌ఫర్‌ చేసింది. వారం రోజులుగా అవార్డ్‌ కంపెనీ నుంచి ఫోన్‌ వస్తుందని, మెయిల్‌ వస్తుందని ఎదురు చూస్తూనే ఉంది. ఈ విషయమంతా శోభ ద్వారా విన్న లలిత... ‘నువ్వు మోసపోయావు శోభా! డబ్బు సెండ్‌ చేసే ముందు ఒక్క మాటైనా నాకు చెప్పాలింది. సోషల్‌ మీడియాలో ఇటీవల ‘అవార్డు ఇస్తామహో..’ అనే మోసాలు ఎక్కువగా పుట్టుకు వస్తున్నాయి. పాతిక వేల నుంచి పాతిక లక్షల వరకు టోపీ పెడుతున్నారు అవార్డ్‌ ఫ్రాడ్స్‌.. అంటూ ఏయే విధంగా సోషల్‌ మీడియాలో ఈ తరహా మోసాలు జరుగుతున్నాయో వివరించింది లలిత.    టార్గెట్‌ ఇలా మొదలు ► కరోనా మొదలైనప్పటి నుంచి ఇలా అవార్డ్‌ ఫ్రాడ్‌ చేసే వారి సంఖ్య పెరిగింది. మహిళలను, టీనేజర్స్‌ను టార్గెట్‌ చేసుకొని అవార్డు గాలం వేస్తుంటారు. ► ఛానెల్‌ మానిటైజేషన్‌కి అంచున ఉన్నవారు మొదటి టార్గెట్‌. ► సోషల్‌ ప్రొఫైల్స్‌లో పూర్తి వివరాలున్నవారు, సోషల్‌ యాక్టివిటీస్‌ ఎక్కువగా ఉన్నవారు రెండవ టార్గెట్‌. ► మీరు, మీ వర్క్‌ చాలా బాగుంది అంటూ మాటలు కలుపుతారు. మీకు బెస్ట్‌ అవార్డు తప్పక వస్తుందని నమ్మబలుకుతారు. ► తమ కంపెనీ నుంచి తీసుకున్న అవార్డుతో జాతీయ స్థాయిలో ఫేమస్‌ అవుతారని, అలా ఇప్పటివరకు ఫేమస్‌ అయినవారి జాబితా చూపుతారు. అవార్డు తీసుకుంటే సోషల్‌ మీడియా ఇన్‌ఫ్లుయెన్సర్‌ కాబట్టి మీరు మరింత ఫోకస్‌ అవుతారని మాటల్లో పెడతారు. ముంబయ్‌ లేదా ఢిల్లీ వంటి నగరాలలో పెద్ద స్థాయి వేదికల మీద వచ్చి అవార్డు ఫంక్షన్‌ అంటారు. ► మా దగ్గర మీరు అవార్డు తీసుకుంటే మీ ప్రొఫైల్‌ కార్పోరేట్‌ స్పాన్సర్స్‌కు వెళుతుందని, అప్పుడు వారు మీకు స్పాన్సర్‌షిప్‌ ఇస్తారని చెబుతారు. ► సిల్వర్, గోల్డ్, ప్లాటినమ్‌.. ఇలా అవార్డ్‌కి ఒక రేటు చొప్పున చెబుతారు. డబ్బులు ఎక్కువ ఇచ్చేవారుంటే డైమండ్‌ అవార్డ్‌ ఎర వేస్తారు. ► ఇంకా లొంగిపోతే మీ ఛానెల్‌ని ముందుకు తీసుకెళ్తాం.. అంటూ ఇంకా డబ్బులు లాగుతారు. సోషల్‌ ఇంజనీరింగ్‌ ఫ్రాడ్స్‌ ఎప్పుడూ ఈ తరహా పనిలో ఉంటారు. మేం కన్ఫర్మ్‌ చేసుకుంటాం అంటూ... రెండు, మూడు వీడియోలు కూడా లైవ్‌ లో చేయిస్తారు. రిజిస్ట్రేషన్‌కే 5 నుంచి 10 వేల రూపాయలు కట్టించుకుంటారు. ∙ లింక్స్‌ను గుడ్డిగా క్లిక్‌ చేయకూడదు వాస్తవానికి పెద్ద పెద్ద కార్పొరేట్‌ డీల్స్‌తో ఒక వీడియో చేస్తే పాతికవేల ఆదాయం వస్తుంది. వీరు కూడా అలాగే ఆలోచించి రెండు వీడియోలు చేసినా యాభై వేలు వస్తుంది కదా! అనుకుంటారు. అందుకు అవార్డు ఒక అర్హతగా నమ్ముతారు. అలాగే డబ్బులు పోగొట్టుకుంటారు. మోసగాళ్లు పాష్‌ ఇంగ్లిష్‌ మాట్లాడే ఒకరిద్దరిని అపాయింట్‌ చేసుకొని ఈ తరహా ఫ్రాడ్‌కి తెర లేపుతుంటారు. అందుకే ఒకే నెంబర్‌ నుంచి కాకుండా కొత్త కొత్త నెంబర్ల నుంచి ఫోన్లు వస్తుంటాయి. డబ్బులు ఇచ్చి అవార్డు ఇస్తున్నారంటేనే అది పెద్ద స్కామ్‌ అనుకోవాలి. అలాంటి లింక్స్‌ ఏవైనా వచ్చినా క్లిక్‌ చేయకూడదు. – అనీల్‌ రాచమల్ల, డిజిటల్‌ వెల్‌బీయింగ్‌ ఎక్స్‌పర్ట్, ఎండ్‌ నౌ ఫౌండేషన్‌ అత్యాశకు పోకూడదు ఈ తరహా ఫ్రాడ్స్‌ గురించి కేసులు ఫైల్‌ అవలేదు. కానీ, నేరాలు జరుగుతున్నాయనేది మాత్రం వాస్తవం. డబ్బులిచ్చి అవార్డు తీసుకోవడం అనేదే పెద్ద స్కామ్‌ అని గుర్తించాలి. నిజమైన అవార్డు ఇచ్చేవారెవరూ డబ్బులు తీసుకోరని గుర్తుంచుకోవాలి. డిజిటల్‌ మార్కె టింగ్‌ గురించి కూలంకషంగా తెలుసుకొని, జాగ్రత్త వహించాలి. కానీ, ఆత్యాశకు పోయి సైబర్‌ నేరగాళ్ల వలలో చిక్కుకోకూడదు. – జి.ఆర్‌. రాధిక, ఎస్పీ, (సైబర్‌ క్రైమ్‌ విభాగం), ఏపీ పోలీస్‌

హిమాయత్‌నగర్‌: మంత్రి కేటీఆర్‌ను తిడుతూ ఓ వ్యక్తి సోషల్‌ మీడియాలో పోస్ట్‌ చేస్తున్న పోస్టుల ను సుమోటోగా తీసుకుని అతగాడిపై శనివారం సిటీ సైబర్‌క్రైం పోలీసులు ఎఫ్‌ఐఆర్‌ నమోదు చే శారు. కొద్దిరోజులుగా మంత్రి కేటీఆర్‌ను దూషి స్తూ యూట్యూబ్‌లో ఘర్షణ అనే చానల్‌ టెలికాస్ట్‌ చేస్తుంది. మంత్రితో పా టు, ముఖ్యమంత్రి కేసీఆర్‌ను సైతం తిడుతున్న ట్లు పోలీసులు తెలిపారు. దీంతో సుమోటోగా తీసుకుని కేసు నమోదు చేసినట్లు ఏసీపీ కేవీఎన్‌ ప్రసాద్‌ తెలిపారు.   

నటుడు మోహన్‌బాబును సోషల్‌ మీడియా ప్లాట్‌ఫాం అయిన యూట్యూబ్‌లో కొందరు టార్గెట్‌ చేస్తూ తిడుతున్నారంటూ లీగల్‌ అడ్వైజర్‌ సంజయ్‌ శుక్రవారం సిటీ సైబర్‌క్రైం పోలీసులకు ఫిర్యాదు చేశాడు. పొలిటికల్‌ మోజో పేరుతో ఉన్న ఓ యూట్యూబ్‌ ఛానల్లో మోహన్‌బాబును వ్యక్తిగతంగా దూషించడమే కాకుండా.. బూతులు తిడుతూ వీడియోలు అప్‌లోడ్‌ చేశాడంటూ ఫిర్యాదులో పేర్కొన్నారు. పోలీసులు కేసు దర్యాప్తు చేస్తున్నారు.

యూట్యూబ్‌.. వినోదానికే కాక ఉపాధికి నయా అడ్డాగా నిలుస్తుంది. పేరుతో పాటు డబ్బులు సంపాదించుకోవాలనుకునే వారి మొదటి ప్రాధాన్యం యూట్యూబ్‌గా మారింది‌. ఒక్కసారి క్లిక్‌ అయితే చాలు.. సబ్‌స్క్రైబర్లు.. వ్యూస్‌.. ఆదాయం వాటంతట అవే వస్తాయి. ఇక యూట్యూబ్‌లో చానెల్‌ ప్రారంభించడానికి గొప్ప గొప్ప డిగ్రీలు అక్కర్లేదు.. మనలో టాలెంట్‌ చాలు. ఈ వ్యాఖ్యలను నిజం చేశారు తమిళనాడుకు చెందిన రైతులు. వారు ప్రారంభించిన కుకింగ్‌ వీడియో చానెల్‌ నేడు కోటి మంది సబ్‌స్క్రైబర్లతో రికార్డు సృష్టించింది. ఆ వివరాలు.. చెన్నై: తమిళనాడుకు చెందిన విలేజ్‌ కుకింగ్‌ చానెల్‌ గత మూడేళ్లుగా తెగ ఫేమస్‌ అవుతుంది. ఈ క్రమంలో తాజాగా సదరు చానెల్‌ ఓ రికార్డు సృష్టించింది. తమిళనాడులో మొదటి సారి కోటి మంది సబ్‌స్క్రైబర్లను సంపాదించిన చానెల్‌గా గుర్తింపు పొందింది. ఆ వివరాలు.. తమిళనాడు పుడుక్కొట్టై జిల్లా చిన్న వీరమంగళం గ్రామానికి చెందిన ఎం పెరియతంబి అనే వృద్ధుడు గతంలో వంట మాస్టర్‌గా పని చేసేవారు. ఈ క్రమంలో పెరియతంబి, ఆయన మనవలు కలిసి కొన్నెళ్ల క్రితం యూట్యూబ్‌లో ‘‘విలేజ్‌ కుకింగ్‌’’ పేరిట ఓ చానెల్‌ ప్రారంభించారు. పెరియతంబి చేత సంప్రదాయ వంటలు చేయించి.. ఆ వీడియోలని యూట్యూబ్‌లో అప్‌లోడ్‌ చేసేవారు. ఇక వీరు చేసే వంట కూడా మాములగా ఉండదు. 200-300 వందల మందికి సరిపడేలా భారీ వంట చేస్తారు. వీడియో పోస్ట్‌ చేసిన తర్వాత తాము వండిన పదార్థాలను సమీపంలోని అనాథాశ్రమాలు, వృద్ధాశ్రామల్లో వారికి పెడతారు.  ఈ క్రమంలో కొన్ని రోజుల క్రితం జరిగిన తమిళనాడు అసెంబ్లీ ఎన్నికల ప్రచార సమయంలో కాంగ్రెస్‌ పార్టీ నాయకుడు రాహుల్‌ గాంధీ వీరిని కలిశారు. వీరితో పాటు వంట చేసి.. అక్కడే కూర్చోని భోజనం కూడా చేశారు. దాంతో ఈ చానెల్‌ పేరు దేశవ్యాప్తంగా అందరికి తెలిసింది. అప్పటివరకు వారానికి 10 వేలుగా ఉన్న సబ్‌స్క్రైబర్ల సంఖ్య రాహుల్‌ గాంధీ వీరి వీడియోలో కనిపించిన తర్వాత 40-50 వేలకు పెరిగింది. ఇక రాహుల్‌ గాంధీ కనిపించిన వీడియో ఏకంగా 26 మిలియన్ల వ్యూస్‌ సంపాదించింది.  తాజాగా సబ్‌స్క్రైబర్ల సంఖ్య కోటికి చేరడంతో యూట్యూబ్‌ నుంచి వీరికి డైమండ్‌ ప్లే బటన్‌ లభించింది. దీని అన్‌బాక్సింగ్‌ సందర్భంగా ఈ యూట్యూబర్స్‌ మాట్లాడుతూ.. ‘‘మాకు కేవలం ఆరు నెలలు మాత్రమే వ్యవసాయ పని ఉండేది. మిగతా ఆరు నెలలు ఖాళీగా ఉండే వాళ్లం. దాంతో ఇలా కుకింగ్‌ యూట్యూబ్‌ చానెల్‌ ప్రారంభించాలని భావించాం. కానీ మా చానెల్‌ ఇంత పాపులర్‌ అవుతుందని మేం కలలో కూడా అనుకోలేదు’’ అంటూ భావోద్వేగానికి గురయ్యారు. ఇక వీరు యూట్యూబ్‌ వ్యూస్‌ ద్వారా నెలకు 7 లక్షల రూపాయల యాడ్‌ రెవిన్యూ సంపాదిస్తున్నారు. కొన్ని రోజుల క్రితం వీరు తమిళనాడు ముఖ్యమంత్రి ఎంకే స్టాలిన్‌ని సీఎంపీఆర్‌ఎఫ్‌ నిధికి 10 లక్షల రూపాయల చెక్‌ అందచేశారు.   

సాక్షిప్రతినిధి, విజయనగరం: నిత్యం ప్రజల్లో నానుతున్న ఓ సామాజిక అంశానికి హాస్యాన్ని మేళవించి నవ్వులు పండిస్తూ అనతి కాలంలోనే లక్షలాది మంది వీక్షకుల్ని కట్టిపడేస్తోంది ఉత్తరాంధ్రకు చెందిన ఓ యూట్యూబ్‌ చానెల్‌. ఇప్పుడిది రెండు తెలుగు రాష్ట్రాల్లో ఓ పెను సంచలనం. వందలు కాదు.. వేలు కాదు.. ఏకంగా 12.90 లక్షల మంది ఇప్పుడు ఈ చానెల్‌కు ఫిదా అయ్యారు. మిడిల్‌ క్లాస్‌ మధు పేరుతో చానెల్‌ నిర్వాహకులు సృష్టించిన పాత్ర బుల్లితెరలో ఇప్పుడో బంపర్‌ హిట్‌ క్యారెక్టర్‌. యూట్యూబ్‌ నుంచి ఆ ప్రోగ్రామ్‌కు గోల్డ్‌బటన్‌ షీల్డ్‌ వచ్చిందంటే దీనికున్న ఆదరణ ఏంటో చెప్పక్కర్లేదు. ఫిల్మీమోజీ పేరుతో ఎక్కడలేని ఖ్యాతి గడించిన ఈ చానెల్‌ సృష్టికర్తలకు ఇంతలా గుర్తింపు రావడానికి ప్రధాన కారణం ఐఫోన్‌ మొమోజీలను ఉపయోగించి వినూత్నంగా పాత్రలను తీర్చిదిద్దడంవల్లే. ఈ నేపథ్యంలో.. ఫిల్మీమోజీ వీడియోలకు కథ, మాటలు, దర్శకత్వ బాధ్యతలు నిర్వర్తిస్తున్న అండలూరి సాయికిరణ్‌ ‘సాక్షి’తో  పంచుకున్న చానెల్‌ విజయగాధ విశేషాలు ఆయన మాటల్లోనే.. మాది ఓ దిగువ మధ్యతరగతి కుటుంబం. అమ్మా, నాన్న, నేను. చిన్న ఫ్యామిలీ. నాన్న సన్యాసి ఆచారీది పౌరోహిత్యం. ఇంటర్‌ వరకు విజయనగరంలో చదువుకున్నా. డిగ్రీ మొదటి సంవత్సరంతో ఆపేశాను. నన్ను కూడా ఈ వృత్తిలోకి రమ్మన్నారు. కానీ, నిర్ణయం నా ఇష్టానికే వదిలేశారు. నిజానికి నాకు చదువు మీద కంటే సినిమాల మీదే మోజు ఎక్కువగా ఉండేది అప్పట్లో. ఆ రంగంలో ఏదో ఒకటి చేయాలని హైదరాబాద్‌ వెళ్లా. ఆత్మీయుల సలహాతో వీఎఫ్‌ఎక్స్‌ కోర్సులో చేరా. నాలుగేళ్లలో డిగ్రీ వచ్చింది. స్నేహితులతో కలిసి ఓ సంస్థ స్థాపించా. ఇంతలో కరోనా వచ్చిపడింది. మిత్రుడు కార్తీక్‌ చిర్రా ఫిల్మీమోజీ పేరుతో యూట్యూబ్‌ చానెల్‌ ప్రారంభించాడు. మొమోజీ కాన్సెప్ట్‌ కూడా కార్తీక్‌దే. అతనితో కలిసి విజయనగరంలోని ఫిల్మీమోజీ ఆఫీసు ప్రారంభించాం. మరికొందరు విజయనగరం మిత్రులతో కలిసి ఫిల్మీమోజీ కింద జిల్లా వాడుక భాషతో కార్యక్రమాలు రూపొందించాం. ముందుగా బాబీ, తర్వాత మిడిల్‌ క్లాస్‌ మధు, ఆ తర్వాత మాదాపూర్‌ మహేష్‌ వంటి క్యారెక్టర్లను సృష్టించాం. కొద్దిరోజుల్లోనే మా ప్రోగ్రామ్‌లను లక్షమంది వీక్షకులు చూడడంతో యూట్యూబ్‌ నుంచి సిల్వర్‌ బటన్‌ షీల్డ్‌ వచ్చింది. ఆ తర్వాత 12 లక్షల మంది వీక్షకులు రావడంతో గోల్డ్‌బటన్‌ షీల్డ్‌ కూడా పంపించారు. దీంతో డైమండ్‌ షీల్డ్‌ కొట్టగలమనే నమ్మకంతో ఉన్నాం. ఇటీవల రంజాన్‌ సందర్భంగా విడుదలైన ‘ఇఫ్తార్‌ విందు’కైతే స్పందన మామూలుగా లేదు. రాత్రి నెట్‌లో పెట్టి తెల్లారి లేచిచూస్తే దుమ్ముదులిపేసింది. ట్రెండింగ్‌లో టాప్‌ టూలో నిలిచింది. అలాగే, మా వీడియోలను రెగ్యులర్‌గా చూస్తున్నట్లు కొందరు నిర్మాతలు ఫోన్‌చేసి చెప్పడం ఎంతో ఆనందాన్నిచ్చింది. మేం తీసే క్యారెక్టర్లతోనే మంచి కథ రాసి పంపించమన్నారు. వీరే మా టీమ్‌.. అసోసియేట్‌ రైటర్‌ నవీన్‌ వర్మ, రైటింగ్‌ అసిస్టెంట్‌ రత్నకుమార్, ఎడిటర్‌ సుస్మిత, అసోసియేట్‌ ఎడిటర్‌ ఐశ్వర్య, నిర్మాత కార్తీక్‌ చిర్రా. మాకు ఇంత సక్సెస్‌ రావడానికి వీరి సహకారమే కారణం. వీళ్లే ఫిల్మీమోజీకి మూలస్తంభాలు. అనుకరణలూ వచ్చేశాయి.. ఇంత క్రేజ్‌ సంపాదించిన ఫిల్మీమోజీకి ఇప్పుడు అనుకరణ ఛానెల్స్‌ దాపురించాయి. పాత్రలను అచ్చుగుద్దినట్లుగా దింపేస్తున్నారు. అయినా వీటివల్ల మాకేమీ ఇబ్బందిలేదని ఫిల్మీమోజీ చానెల్‌ స్థాపించిన కార్తీక్‌ చిర్రా ధీమాగా చెబుతున్నారు. మేం మొదలుపెట్టిన దానివల్ల మరో పదిమంది బతుకుతున్నారని అనుకుంటామని ఆయన తేలిగ్గా తీసుకున్నారు. ఫిల్మీమోజీకి వచ్చిన రెస్పాన్స్‌తో ‘ఓటీటీ’ ప్లాట్‌ఫామ్‌లోకి వెళ్లడానికి ప్రయత్నిస్తున్నామని.. ఈ నెలలో మరో చానల్‌ పెడతామని కార్తీక్‌ తమ భవిష్యత్‌ ప్రణాళికను వివరించారు. చదవండి: మామిడి తాండ్ర రుచి ... తినరా మైమరచి

మంచు లక్ష్మి​ సోషల్‌ మీడియాలో యాక్టివ్‌గా ఉంటారన్న సంగతి తెలిసిందే. ఎప్పటికప్పుడు అప్‌డేట్స్‌ షేర్‌ చేస్తూ అభిమానులతో టచ్‌లో ఉంటారావిడ. బుల్లితెర, వెండితెర ఇటీవల డిజిటల్‌ మీడియాలోనూ సత్తా చాటుతున్నారు. కూతురు మంచు నిర్వాణ విద్యా ఆనంద్‌తో కలిసి యూట్యూబ్‌లో వీడియోలు చేస్తున్న సంగతి తెలిసిందే. పిల్లల పెంపకం, వాళ్లు చేసే అల్లరిని ఎలా అర్థమయ్యేలా వారికి చెప్పాలి? లాంటి పేరేంటింగ్‌ గైడ్‌లైన్స్‌తో కూడిన వీడియోలను చిట్టి చిలకమ్మ అనే యూట్యూబ్‌ ఛానల్‌ ద్వారా షేర్‌ చేస్తున్నారు. అయితే హ్యాకర్లు మంచు లక్ష్మికి షాకిచ్చారు. చిట్టి చిలకమ్మ అకౌంట్‌ను హ్యాక్‌ చేశారు. ఈ విషయాన్ని స్వయంగా మంచు లక్ష్మి తన ట్విట్టర్‌ ద్వారా వెల్లడించారు. తన యూట్యూబ్‌ ఛానల్‌ హ్యాకింగ్‌కు గురయ్యిందని, ఆ ఛానల్‌ నుంచి వచ్చే తప్పుడు సమాచారాన్ని నమ్మవద్దని తెలిపారు. తన టీం దీనిపై పనిచేస్తోందని, వీలైనంత త్వరగా అకౌంట్‌ రికవర్‌ అయ్యేలా చూస్తున్నారని చెప్పారు. గతంలోనూ మంచు లక్ష్మి సహా మంచు మనోజ్‌ వాట్సాప్‌ అకౌంట్‌లు హ్యాకింగ్‌కు గురయిన సంగతి తెలిసిందే. ఇటీవల కాలంలో మంచు లక్ష్మి చేసే పోస్టింగులు ట్రోల్స్‌ అవుతున్న సంగతి తెలిసిందే. తాజాగా యూట్యూబ్‌ ఛానెల్‌ అకౌంట్‌ హ్యాకింగ్‌ అయ్యిందన్న లక్ష్మి ట్వీట్‌పై కూడా నెటిజన్లు తనదైన స్టైల్‌లో ఫన్నీగా ట్రోల్స్‌ చేస్తున్నారు.  The Chitti Chilakamma YouTube Account has been hacked. Kindly avoid any kind of misinterpreted content on the page. My Team is looking into it and we are trying to get back the account as soon as possible. — Lakshmi Manchu (@LakshmiManchu) May 10, 2021 చదవండి : వచ్చే ఏడాదే రకుల్‌ ప్రీత్‌ పెళ్లి : మంచు లక్ష్మీ లైవ్‌లో సింగర్‌ సునీతను వాట్సాప్‌ నెం అడిగిన నెటిజన్‌..

సాక్షి, హైదరాబాద్‌: రాత్రి కర్ఫూ నేపథ్యంలో పోలీసులు తమ లాఠీలకు పని చెప్పారని, ఉల్లంఘించిన వారిపై వాటిని ఝుళిపిస్తున్నారంటూ తప్పుడు వార్త ప్రసారం చేసిన ఓ ప్రైవేట్‌ యూట్యూబ్‌ చానల్‌పై నగర పోలీసులు కేసు నమోదు చేశారు. సదరు చానల్‌ ‘వీపు చింతపండు చేస్తున్న పోలీసులు’ పేరుతో ఓ వార్తాంశాన్ని రూపొందించి ప్రసారం చేసింది. ఇది సోషల్‌మీడియాలో వైరల్‌ కావడంతో పోలీసులు తీవ్రంగా పరిగణించారు. వేర్వేరు ప్రాంతాల్లో, భిన్న సందర్భాల్లో చిత్రీకరించిన వీడియోలను ఎడిట్‌ చేసి, మంగళవారం రాత్రి నాటివిగా ఈ చానల్‌ ప్రసారం చేసిందని పోలీసులు ఆరోపిస్తున్నారు. ఇది పోలీసులను నైతికంగా దెబ్బతీసేలా ఉందని స్పష్టం చేస్తున్నారు. ఈ నేపథ్యంలో ఐటీ చట్టంతో పాటు ఇతర చట్టాల కింద సైబర్‌ క్రైమ్‌ పోలీసులు కేసు నమోదు చేశారు ఈ వార్తాంశానికి బాధ్యుడైన రిపోర్టర్‌ను అరెస్టు చేయాల్సిందిగా కొత్వాల్‌ అంజనీకుమార్‌ ఆదేశాలు జారీ చేశారు. ప్రజలను భయభ్రాంతులకు గురి చేసే ఈ తరహా ప్రసారాలను ఉపేక్షించమని అధికారులు స్పష్టం చేశారు. చదవండి: భర్త వదిలేశాడు.. తండ్రి,కుమారుల మృతి ఆవేదనతో  

యాంగాన్‌: మయన్మార్‌లో మిలటరీ నడుపుతున్న అయిదు ఛానెల్స్‌ని యూట్యూబ్‌ తొలగించింది. తమ నిబంధనలకి విరుద్ధంగా ఉన్నందున ఆ ఛానెల్స్‌ని తొలగిస్తున్నట్టుగా యూట్యూబ్‌ శుక్రవారం ఒక ప్రకటనలో తెలిపింది. ఇంతకు ముందు ఫేస్‌బుక్, ఇన్‌స్ట్రాగామ్‌లు మయన్మార్‌ మిలటరీతో సంబంధం ఉన్న అన్ని పేజీలను తొలగించాయి. యూట్యూబ్‌ నిబంధనలకి విరుద్ధంగా ఎవరు ఎలాంటి వీడియోలు ఉంచినా వారి ఛానెల్స్‌ను తొలగిస్తామని ఆ సంస్థ ఇప్పటికే స్పష్టం చేసింది. మరోవైపు ఫిబ్రవరి1న ప్రజాస్వామ్య బద్ధంగా ఎన్నికైన అంగ్‌సాన్‌ సూకీ ప్రభుత్వాన్ని దింపేసి బలవంతంగా అధికారాన్ని చేజిక్కించుకున్న మిలటరీకి వ్యతిరేకంగా దేశంలో ఆందోళనలు అంతకంతకూ ఎక్కువైపోతున్నాయి. దేశంలో రాజకీయ సంక్షోభంపై  ఐక్యరాజ్య సమితి భద్రతా మండలి ప్రత్యేక సమావేశం జరగనున్న నేపథ్యంలో ప్రజలు ఆందోళనల్ని మరింత ఉధృతం చేశారు. ప్రధాన నగరాల్లో భారీ ప్రదర్శనలు జరుగుతున్నా యి. ప్రజల నిరసనని అణచివేయడానికి భద్రతా దళాలు ప్రయత్నిస్తూ ఉండడంతో హింసాత్మక ఘటనలు చోటు చేసుకుంటున్నాయి.  చదవండి: ఖాళీగా ఇంట్లో కూర్చోలేను బిడ్డా! స్మృతి ఇరానీ పోస్ట్‌పై సోనూసూద్‌ కామెంట్‌

యంగ్‌ హీరో విశ్వక్‌ సేన్‌ తాజాగా ఓ యూట్యూబ్‌ ఛానల్‌పై తన ప్రతాపాన్ని చూపించాడు. ఇబ్బందికరమైన హెడ్డింగ్‌తో యూట్యూబ్‌లో ఓ వీడియోను పోస్టు చేసినందుకు సంబంధిత ఛానల్‌పై తీవ్రంగా మండిపడ్డాడు. ఇలాంటి వీడియోలు పోస్టు చేసే ముందు మన ఇంట్లో కూడా ఆడవాళ్లు ఉంటారన్న విషయం గుర్తుంచుకొని కొంచెం ఇంగితజ్ఞానంతో వ్యవహరించాలని ఫైర్‌ అయ్యాడు. ఆ వీడియో పెట్టిన వ్యక్తి 24 గంటల్లో క్షమాపణలు చెబుతూ మరో వీడియో పోస్టు చేయాలని, లేకుంటే తన ఇంటికి వచ్చి మరీ వీడియో పెట్టిస్తానని గట్టిగా హెచ్చరించాడు. అయితే విశ్వక్‌ సేన్‌ ఇంతలా అగ్రెసివ్‌ అవ్వడానికి బలమైన కారణమే ఉంది. అదేంటంటే.. నందితశ్వేత హీరోయిన్‌గా నటిస్తున్న ‘అక్షర’ చిత్రంలోని ఓ పాట విడుదల కార్యక్రమం ఆదివారం రాత్రి జరిగింది. దీనికి విశ్వక్‌సేన్‌ ముఖ్య అతిథిగా హాజరయ్యాడు. ఈ సందర్భంగా.. విశ్వక్‌ గురించి హీరోయిన్‌ నందిత మాట్లాడుతూ.. ఈ కార్యక్రమానికి విశ్వక్‌సేన్‌ రావడం సంతోషంగా ఉందని.. ఆయనకు కృతజ్ఞతలు చెప్పింది. ఇక్కడ వరకు అంతా బాగానే ఉంది. అయితే.. ఆ వీడియోను ఓ యూట్యూబ్‌ ఛానల్‌లో అర్థం మార్చి ఇబ్బందికరమైన టైటిల్‌‌తో పోస్టు చేశాడు. ‘విశ్వక్‌.. నీకు ఏం కావాలన్నా సిగ్గులేకుండా అడుగు ఇచ్చేస్తా’ అనే థంబ్‌నైల్‌ పెట్టగా.. ఇది కాస్తా విశ్వక్‌సేన్‌ దృష్టికి వెళ్లింది. ఇంకేముంది. దీనిపై ఆగ్రహం వ్యక్తం చేసిన హీరో ఓ వీడియో పెడుతూ.. సదరు యూట్యూబ్‌ ఛానల్‌ను ఏకిపారేశాడు. ‘ఇప్పుడే థంబ్‌నైల్‌ చూశా. అంటే మీకు మన ఇంట్లో ఆడవాళ్లు ఉండారని కొంచెం కూడా అనిపించడం లేదా.. వాళ్ల గురించి కూడా ఇలానే మాట్లాడదాం అనే ఇంటెన్షన్ ఉంటేనే నువ్వు ఇలా రాస్తావ్.. ఆ అమ్మాయి మాట్లాడింది ఏంటి.. మీరు రాసింది ఏంటి. మీరు రాసింది ఎంత గలీజ్‌గా ఉంది తెలుసా.. నోరు అదుపులో పెట్టుకొని మాట్లాడుతున్న కానీ.. అది రాసినవాడు ఎవడో కానీ ఎంత సిగ్గులేని బతుకు వాడిది. ఆ ఛానల్‌ పేరు అక్కడే రాసి ఉంది. 24 గంటల్లో సారీ(sorry) చెబుతూ ఇంకో వీడియో పెట్టకుంటే.. ఎక్కడున్నా నీ ఇంటికొచ్చి మరీ నీతో వీడియో పెట్టిస్తా. నాకు షూటింగ్‌ ఉన్నా పర్వాలేదు’.. అంటూ వార్నింగ్‌ ఇచ్చాడు. మరోవైపు యూట్యూబ్‌లో ఇలాంటివి ఇలాంటివి సర్వసాధారణంగా మారిపోయిందని నెటిజన్లు విశ్వక్‌కు సపోర్ట్‌గా నిలుస్తున్నారు. చదవండి: టీజర్‌: హీరో నిజంగా పిచ్చోడే!

సియోల్‌: తప్పుడు రివ్వూ ఇచ్చి రెస్టారెంట్‌ మూతపడటానికి కారణమైన ఓ యూట్యూబర్‌పై నెటిజన్‌లు మండిపడుతూ అతడి తీరుపై ఆగ్రహం వ్యక్తం చేస్తున్నారు. దక్షిణ కొరియాకు చెందిన హయన్ ట్రీ యూట్యూబ్‌లో ఫుడ్ బ్లాగ్‌ నడుపుతున్నాడు. దీనికోసం అతడు రెస్టారెంట్లు, హోటళ్లను సందర్శిస్తూ అక్కడి వంటకాలపై తన యూట్యూబ్ చానల్‌లో వీడియోలు పోస్టు చేస్తుంటాడు. ఈ క్రమంలో ఓ రెస్టారెంట్‌ను సందర్శించిన హయన్ ట్రీ తప్పుడు రివ్యూ ఇచ్చి ఆ రెస్టారెంటు మూసివేతకు కారణమయ్యాడు. వివరాలు.. డయగు అనే ప్రాంతంలో ఉన్న ఓ రెస్టారెంటుకు హయాన్‌ ట్రీ వెళ్లి ఫుడ్‌ అర్డర్‌ ఇచ్చాడు. అయితే తన ప్లేటులో వడ్డించిన ఆహారపదార్థాల్లో అన్నం మెతుకులు కనిపించాయి. దీంతో ఇతర కస్టమర్లు తినగా మిగిలిన వాటిని మళ్లీ వడ్డిస్తున్నారని భావించాడు. దీంతో రెస్టారెంటు నిర్వహకులు కస్టమర్లను ఈ విధంగా మోసం చేస్తున్నారంటూ వీడియో పోస్టు చేసి నెగిటివ్‌ రివ్యూ ఇచ్చాడు. (చదవండి: టర్కీలో కరువు తాండవం.. 45 రోజుల్లో..) అయితే అతడి చానల్‌కు 7లక్షలకు పైగా సబ్‌స్రైబర్స్‌ ఉన్నారు. దీంతో ఈ వీడియో పోస్టు చేసిన కొన్ని గంటల వ్యవధిలోనే సోషల్‌ మీడియాలో వైరల్‌గా మారింది. ఒకరు తిన్న ఫుడ్‌ మళ్లీ సర్వ్‌ చేసి ఇలా కస్టమర్లను మోసం చేస్తున్నారా అని సదరు రెస్టారెంట్‌పై నెటిజన్‌లు మండిపడ్డారు. దీంతో ఈ వీడియో కాస్తా ఫుడ్‌ సెక్క్యూరిటీ అధికారుల కంటపడింది. ఇక వెంటనే అధికారులు స్పందిస్తూ ఆ రెస్టారెంట్‌పై దాడికి దిగారు. అక్కడి యాజమాన్యాన్ని హెచ్చరిస్తూ రెస్టారెంట్‌ను మూసివేశారు. ఈ క్రమంలో రెస్టారెంట్‌ యాజమాన్యం హయాన్‌ ట్రీ వీడియో తప్పని తాము తాజా ఆహర పదార్థాలనే వడ్డిస్తున్నామని చెబుతూ వీడియో సాక్ష్యాన్ని చూపించినప్పటిక అధికారులు పట్టించుకోకుండా రెస్టారెంట్‌ను మూసివేశారు. చదవండి: అమెరికా మా ప్రధాన శత్రువు: కిమ్‌ జాంగ్‌‌ ఉన్‌ అయితే ఈ సంఘటన గతంలో జరిగినప్పటికి ఇటీవల హయాన్‌ ట్రీ మళ్లీ ఆ రెస్టారెంటు వీడియోని వీక్షించగా అసలు విషయం బయటపడింది. ఆ పదార్థాలకు అంటుకున్న మెతుకులు అతడి ప్లేటులోనివేనని తెలిసి అతడు విస్తుపోయాడు. జరిగిన తప్పుకు తానే కారణం కావడంతో పశ్చాతాపం పడుతూ రెస్టారెంట్‌ యాజమాన్యాన్ని తాజాగా క్షమాపణలు కోరాడు. అంతేగాక తాను చేసిన తప్పిదాన్ని మన్నించాలని తను పెట్టిన వీడియోలో తప్పుడు సమాచారం ఇచ్చానంటూ మరో వీడియో పోస్టు చేయడంతో మరోసారి వార్తల్లో నిలిచాడు. దీంతో అతడి సబ్‌స్రైబర్స్‌ అంతా తమని తప్పుదొవ పట్టించడమే కాకుండా.. రెస్టారెంట్‌ మూతకు కారణమయ్యావంటూ అతడిపై ఆగ్రహం వ్యక్తం చేస్తున్నారు. ఇలా వెనకాముందు చూసుకొకుండా తప్పుడు వీడియో పోస్ట్‌ చేయడంతో వేల సంఖ్యలో సబ్‌స్రైబర్స్‌ ఆ చానల్‌ను అన్‌సబ్‌స్క్రైబ్‌ చేశారు.

హాంకాంగ్‌: అమెరికా అధ్యక్షుడు డొనాల్డ్‌ ట్రంప్‌ హింసను ప్రేరేపించేలా రెచ్చగొట్టే ప్రకటనలు చేస్తూ ఉండడంతో యూ ట్యూబ్‌ కూడా ఆయన చానెల్‌ని వారం రోజుల పాటు నిలిపివేస్తున్నట్టుగా ప్రకటించింది. ట్రంప్‌ తాజాగా పోస్టు చేసిన వీడియో తమ నిబంధనలకి వ్యతిరేకంగా ఉందని యూ ట్యూబ్‌ బుధవారం ట్వీట్‌ చేసింది. అయితే ఆ వీడియో ఏమిటన్నది స్పష్టంగా వెల్లడించలేదు. ‘‘డొనాల్డ్‌ ట్రంప్‌ యూట్యూబ్‌ చానెల్‌లో హింసను ప్రేరేపించేలా వీడియోలు పోస్టు అవుతున్నాయని మాకు ఫిర్యాదులు అందాయి. ఆయన చానెల్‌లో కొన్ని వీడియోలను తొలగించాం. మొదటి హెచ్చరికగా వారం రోజులు నిషేధిస్తున్నాం’’అని ట్వీట్‌ చేసింది. యూట్యూబ్‌ నిబంధనల ప్రకారం మళ్లీ ఇలాంటి వీడియోలు పోస్టు చేస్తే రెండు వారాలు నిషేధం విధిస్తారు. మూడోసారి అదే తప్పు చేస్తే శాశ్వతంగా చానెల్‌ని తొలగిస్తారు.   రాజ్యాంగాన్ని కాపాడదాం: మిలటరీ అమెరికా అధ్యక్షుడు డొనాల్ట్‌ ట్రంప్‌ అనుచరులు హింసాత్మక ఘటనలకు పాల్పడతారని ఆందోళనలు నెలకొన్న వేళ మిలటరీ అప్రమత్తమైంది. అమెరికా రాజ్యాంగాన్ని కాపాడడమే తమ బాధ్యతంటూ ఒక ప్రకటన విడుదల చేసింది. దేశ రక్షణలో ఉన్న ప్రతీ ఒక్కరిపైనా రాజ్యాంగాన్ని పరిరక్షించాల్సిన బాధ్యత కూడా ఉందంటూ మంగళవారం మిలటరీలో అత్యున్నత స్థాయి నాయకులు ఒక సంయుక్త ప్రకటన జారీ చేశారు. అమెరికా ఆర్మీ ఇలా పిలుపునివ్వడం అత్యంత అరుదుగా జరుగుతూ ఉంటుంది. అమెరికా మిలటరీ సీనియర్‌ జనరల్‌ మార్క్‌ మిల్లే, అన్ని బలగాల జాయింట్‌ ఛీప్స్‌ ఆఫ్‌ స్టాఫ్‌ ఈ ప్రకటనపై సంతకాలు చేశారు. ‘‘అమెరికా మిలటరీ ఎల్లప్పుడూ రాజ్యాంగ బద్ధంగా వ్యవహరిస్తూ ప్రజల ప్రాణాలను, ప్రభుత్వ ఆస్తుల్ని కాపాడుతుంది. ప్రజాప్రతినిధుల నుంచి వచ్చే ఆదేశాలను తప్పక పాటిస్తాం. ఇంటా, బయటా శత్రువుల నుంచి రాజ్యాంగాన్ని కాపాడడానికి మేము కట్టుబడి ఉన్నాం’’అని వారు ఆ ప్రకటనలో పేర్కొన్నారు.

వాషింగ్టన్: అమెరికా అధ్యక్షుడు డొనాల్డ్ ట్రంప్‌కు మరో షాక్‌ తగిలింది.  ట్రంప్‌  సోషల్‌ మీడియా ఖాతాలపై వేటు వేస్తున్న  సంస్థల్లో తాజాగా యూ ట్యూబ్‌ కూడా చేరింది. ట్రంప్ ఛానల్‌లో అప్‌లోడ్ చేసిన కంటెంట్‌ను హింసను రెచ్చగొడుతున్నట్టుగా ఉందని ఆరోపణల​ నేపథ్యంలో యూట్యూబ్ కొరడా ఝళిపించింది. ట్రంప్ ఛానెల్‌ను కనీసం ఒక వారం సస్పెండ్  చేస్తున్నట్టు తాజాగా ప్రకటించింది.  తమ ప్లాట్‌ఫాం విధానాలను ఉల్లంఘించినందుకుగాను  నిబంధనల ప్రకారం ఈ సస్పెన్షన్‌ మరికొంత కాలం పొడిగించే అవకాశం ఉందని కూడా మంగళవారం సాయంత్రం  వెల్లడించింది. కనీసం ఏడు రోజుల పాటు కొత్త కంటెంట్‌ను అప్‌లోడ్ చేయలేరు. అలాగే ఈ వీడియోపై వ్యాఖ్యలను నిరవధికంగా నిలిపివేస్తున్నట్టు కూడా తెలిపింది. ట్రంప్‌ ఛానల్‌  తాజా కంటెంట్‌ను జాగ్రత్తగా సమీక్షించిన తరువాత, హింసకు ప్రేరేపిస్తుందన్న ఆందోళనల దృష్ట్యా , తాజాగా అప్‌లోడ్ చేసిన క్రొత్త కంటెంట్‌ను తొలగించామని, తమ విధానాలను ఉల్లంఘించినందుకు ఈ చర్య తీసుకున్నామని యూట్యూబ్ ప్రతినిధి ఒక ప్రకటనలో తెలిపారు. (ట్రంప్‌ బ్యాన్‌ : ట్విటర్‌ నష్టం ఎంతో తెలుసా? ) గూగుల్‌కు చెందిన వీడియో షేరింగ్ ఫ్లాట్‌ఫామ్ నుంచి ట్రంప్ ఛానల్‌ను తొలగించాలని, కఠిన చర్యలు తీసుకోవాలని సామాజిక సంఘాలు మంగళవారం డిమాండ్ చేశాయి. లేదంటే వాణిజ్య ప్రకటనలను నిలిపివేసేలా ప్రచారం చేపడతామని హెచ్చరించాయి. స్టాప్‌ హేట్ ఫర్ ప్రాఫిట్ ఉద్యమ సంస్థ ఈ వార్నింగ్ ఇచ్చింది. కాగా క్యాపిటల్ హిల్ దాడి ఘటన తర్వాత సోషల్ మీడియా సంస్థలన్నీ ట్రంప్‌ను బ్లాక్ చేస్తున్నాయి.  ట్విటర్‌ అకౌంట్‌ను  శాశ్వతంగా, ఫేస్‌బుక్, ఇన్‌స్టాగ్రామ్ అకౌంట్లను తాత్కాకాలింక​ంగా  బ్యాన్ చేసిన విషయం తెలిసిందే. అంతేకాదు ట్రంప్‌కు చెందిన 70వేలమంది ట్విటర్‌ ఖాతాలను నిలిపివేసింది. ట్రంప్ ఛానల్‌కు సుమారు 2.77 మిలియన్ల సబ్‌స్క్రైబర్లు ఉన్నారు

సాక్షి, చెన్నై: ఫ్రాంక్‌ షో పేరిట అశ్లీల ప్రశ్నల్ని అడిగిన ఓ యూ ట్యూబ్‌ చానల్‌ అడ్డంగా బుక్కైంది. ఆ నిర్వాహకుడు సహా ముగ్గురిని పోలీసులు మంగళవారం అరెస్టు చేశారు. చెన్నై టాక్స్‌ పేరిట పుట్టుకొచ్చిన ఓ యూ ట్యూబ్‌ చానల్‌ ఫ్రాంక్‌ పేరిట నిర్వహించిన ఓ షోతో అడ్డంగా బుక్కయ్యారు. ముందుగా తామే ఎంపిక చేసుకున్న ఓ యువతి ద్వారా అశ్లీల ప్రశ్నలకు సమాధానాలు రాబట్టారు. అదే ప్రశ్నల్ని మరికొందరి యువతులను అడుగుతూ సమాధానాలు రాబట్టే యత్నం చేసి అడ్డంగా బుక్కయ్యారు. వీరు అడిగిన ప్రశ్నలు ఆ మేరకు అశ్లీలంగా ఉండడంతో బీసెంట్‌నగర్‌లో చిత్రీకరణ సాగుతున్న సమయంలో స్థానికులు అడ్డుకున్నారు. పోలీసులకు ఫిర్యాదు ఇచ్చారు. పోలీసులు రంగంలోకి దిగి విచారణ చేపట్టారు. ఆ యూ ట్యూబ్‌ చానల్‌ అంతా అశ్లీలంతో కూడిన ప్రశ్నలు, సమాధానాలు, షోలు ఉండడంతో పోలీసులు కన్నెర్ర చేశారు. ఆ చానల్‌ నిర్వహిస్తున్న దినేష్‌ను, చేతిలో గొట్టం, కెమెరాతో నగరంలో చక్కర్లు కొడుతూ యాంకర్‌ అజీం బాచ్చా, కెమెరామన్‌ అజయ్‌బాబులను పోలీసులు అరెస్టు చేశారు. ఆ చానల్‌ను నిషేధించాలని యూ ట్యూబ్‌కు సిఫారసు చేశారు.

కరోనా సమయంలో సమయాన్ని సద్వినియోగం చేసుకోవాలనుకున్నారు రిటైర్డ్‌ జడ్జి మంగారి రాజేందర్‌ జింబో. వెంటనే ఒక యూట్యూబ్‌ చానల్‌ ప్రారంభించారు. ఆగస్టు చివరి వారం నుంచి మొదలుపెట్టి రోజుకో కథను పోస్తూ చేస్తూ నేటితో 100 కథలను పూర్తి చేశారు. న్యాయరంగంలో తాను చూసిన అనుభవాలే ఈ కథలు. కోర్టులు, పోలీసులు సామాన్యులకు అన్నిసార్లు న్యాయం చేయడం లేదని, ఈ వ్యవస్థలు సవ్యంగా నడవాల్సిన అవసరం ఉందని ఈ కథలు చెబుతున్నాయి. ‘మనుషులందరిలో ఒకే రక్తం ఉంటుంది. అలాగే పోలీసులందరిలోనూ ఒకే రక్తం ఉంటుంది’ అని ఆయన రాస్తారు. రిటైర్డ్‌ జడ్జి మంగారి రాజేందర్‌ తన కలం పేరు ‘జింబో’ ద్వారా ప్రసిద్ధులు. ఆయన రాసిన కథలు ఐదు సంకలనాలుగా వెలువడ్డాయి. ‘రూల్‌ ఆఫ్‌ లా’, ‘జింబో కథలు’, ‘కథలకి ఆవల’, ‘ఓ చిన్నమాట’, ‘వేములవాడ కథలు’ అనే పేర్లతో విడుదలైన ఆ సంకలనాలు పాఠకాదరణ పొందాయి. సుప్రసిద్ధ న్యాయమూర్తులు వాటికి ముందుమాటలు రాశారు. న్యాయరంగం లో ఉన్నవారు గతంలో చాలామంది రచయితలుగా రాణించినా వాటి లోతుపాతులను తెర తీసి చూపినవారు తక్కువ. జింబో ఆ పని ధైర్యంగా, ధర్మాగ్రహంతో చేశారు. తీర్పరి స్థానంలో కూచున్నా నియమ నిబంధనలు, సాక్ష్యాలు ఆధారాలు, విధి విధానాలు.. ఇవన్నీ ఒక్కోసారి కళ్లెదుట సత్యం కనపడుతున్నా న్యాయం చేయలేని పరిస్థితిని కల్పిస్తాయి. ఆ ప్రతిబంధకాలు రచయితకు ఉండవు. అందుకే తన కథల ద్వారా సరిౖయెన న్యాయం ఎలా జరిగి ఉండాల్సిందో జింబో చూపిస్తారు.‘యజమాని తాను అద్దెకు ఇచ్చిన వ్యక్తి నుంచి ఇల్లు ఖాళీ చేయించాలంటే ఆ కేసు గట్టిగా ప్రయత్నించినా పదేళ్ల లోపు తేలే పరిస్థితి మన దగ్గర లేదు. రూల్‌ ఆఫ్‌ లా పాటించాలని అందరం అనుకుంటాం. కాని రూల్‌ ఆఫ్‌ లా ప్రకారం పోగలుగుతున్నామా’ అంటారు జింబో. మన చట్టాలు, న్యాయశాస్త్రాలు సగటు మనిషి అవగాహనకు దూర విషయాలు. వాటిని చదివి అర్థం చేసుకోవడం కష్టం. అందుకే సామాన్యులకు అర్థమయ్యేలా జింబో కథల రూపంలో వాటి పట్ల చైతన్యం కలిగిస్తారు. వ్యవస్థలోని లోపాలను ఉపయోగించుకుని లబ్ధిపొందేవారు ఉన్నా వ్యవస్థ చేసిన ఏర్పాట్లను సమర్థంగా ఉపయోగించుకుని న్యాయం పొందినవారినీ చూపిస్తారు.జింబో తన యూట్యూబ్‌ చానల్‌లో 6 నిమిషాల నిడివి నుంచి 20 నిమిషాల నిడివి వరకూ పోస్ట్‌ చేశారు. వీటిని సామాన్యులతో పాటు న్యాయవాదులు, జడ్జిలు, విద్యార్థులు కూడా వింటూ ఉండటం విశేషం.  కరీంనగర్‌– వేములవాడకు చెందిన జింబో జిల్లా జడ్జి స్థాయిలో పని చేశారు. నాటి ఆంధ్రప్రదేశ్‌ జుడీషియల్‌ అకాడెమీకి డైరెక్టర్‌గా కూడా బాధ్యతలు నిర్వహించారు. ‘మొదట ఎవరితోనైనా ఈ కథలు చదివిద్దామనుకున్నాను. కాని రచయితగా నేనే ప్రేక్షకులకు కనిపిస్తే బాగుంటుందని ల్యాప్‌టాప్‌ ముందు కూచుని రికార్డ్‌ చేయడం మొదలెట్టాను. మా అబ్బాయి ఎడిటింగ్‌ యాప్‌ సూచిస్తే ఎడిటింగ్‌ కూడా నేనే చేసి వీడియో పోస్ట్‌ చేస్తున్నాను. నా ప్రయత్నానికి మంచి స్పందన రావడం సంతోషంగా ఉంది’ అన్నారు జింబో.కోర్టులు, చట్టాల వర్తమాన పనితీరు తెలుసుకోవాలంటే ఈ కథలు తప్పక వినండి. యూట్యూబ్‌లో మంగరి రాజేందర్‌ జింబో అని టైప్‌ చేసి ఆ కథలు వినొచ్చు. 

న్యూఢిల్లీ: ఆన్‌లైన్‌ న్యూస్‌ పోర్టల్స్‌, కంటెంట్‌ అందించే సంస్థలను ప్రభుత్వ నియంత్రణలోకి తీసుకువస్తూ ఆదేశాలు జారీ అయ్యాయి. వీటిని సమాచార, ప్రసార శాఖ పరిధిలోకి తీసువస్తూ తాజాగా నోటిఫికేషన్‌ విడుదలైంది. ఈ నోటిఫికేషన్‌పై రాష్ట్రపతి రామ్‌నాథ్‌ కోవింద్‌ సోమవారం సంతకం చేశారు. దీంతో నెట్‌ఫ్లిక్స్, హాట్‌స్టార్‌ తదితర పలు సంస్థలు కేంద్ర ప్రభుత్వ నియంత్రణలోకి చేరినట్లు విశ్లేషకులు పేర్కొన్నారు. ఇప్పటివరకూ డిజిటల్‌ కంటెంట్‌ను నియంత్రించేందుకు ఎలాంటి చట్టాలు లేదా స్వతంత్ర ప్రతిపత్తిగల అధికారిక సంస్థ ఏర్పాటుకాని నేపథ్యంలో తాజా ఆదేశాలకు ప్రాధాన్యత ఏర్పడింది.  ప్రెస్‌ కౌన్సిల్‌ ప్రస్తుతం ప్రింట్‌ మీడియాను ప్రెస్‌ కౌన్సిల్‌ నియంత్రిస్తోంది. ఇదేవిధంగా వార్తా ప్రసార చానళ్లను న్యూస్‌ బ్రాడ్ ‌క్యాస్టర్స్‌ అసోసియేషన్‌(ఎన్‌బీఏ) మానిటర్‌ చేస్తోంది. సినిమాల విషయంలో సెంట్రల్‌ బోర్డ్‌ ఆఫ్‌ ఫిల్మ్‌ సర్టిఫికేషన్ ‌(సీబీఎఫ్‌సీ)కి అధికారాలుండగా.. ప్రకటనలకు సంబంధించి అడ్వర్టయిజింగ్‌ కౌన్సిల్‌ ఆఫ్‌ ఇండియా నియంత్రణ బాధ్యతలు చూస్తోంది.  పిటిషన్‌.. ఓటీటీ ప్లాట్‌ఫామ్స్‌ నియంత్రణపై దాఖలైన పిటిషన్‌పై విచారణలో భాగంగా గత నెలలో సుప్రీం కోర్టు.. కేంద్ర ప్రభుత్వ అభిప్రాయాలను కోరింది. స్వతంత్ర సంస్థ ద్వారా ఓటీటీ ప్లాట్‌ఫామ్స్‌ను నియంత్రించే అంశంపై కేంద్రం, సమాచార ప్రసార శాఖ, దేశీ ఇంటర్నెట్‌ అండ్‌ మొబైల్‌ అసోసియేషన్స్‌కు సుప్రీం నోటీసులు జారీ చేసింది. ఓటీటీ ప్లాట్‌ఫామ్స్‌ పరిధిలో న్యూస్‌ పోర్టల్స్‌తోపాటు.. హాట్‌స్టార్‌, నెట్‌ఫ్లిక్స్‌, అమెజాన్‌ ప్రైమ్‌ వీడియో తదితర స్ట్రీమింగ్‌ సర్వీసుల సంస్థలు వస్తాయి. వీటిని ఇంటర్నెట్‌ లేదా ఆపరేటర్ల నెట్‌వర్క్‌ ద్వారా వీక్షించేందుకు వీలుంటుంది. కాగా.. ఓటీటీ లేదా వివిధ మీడియా ప్లాట్‌ఫామ్స్‌ ద్వారా ఫిల్ములు, సిరీస్‌ల తయారీదారులు సెన్సార్‌ బోర్డు నుంచి క్లియరెన్స్‌ సర్టిఫికెట్లు పొందకుండానే కంటెంట్‌ను విడుదల చేస్తున్నట్లు పిటిషన్‌లో ఫిర్యాదుదారు పేర్కొన్నారు.  

సాక్షి, హైదరాబాద్‌: తన యూట్యూబ్‌ చానల్‌లో సైకోలా ప్రవర్తిస్తూ.. ఇష్టానుసారంగా వ్యాఖ్యలు చేస్తున్న క్యూన్యూస్‌ అధినేత, తీన్మార్‌ మల్లన్నపై చర్యలు తీసుకోవాలని న్యాయవాది తూడి అరుణ కుమారి బుధవారం డీజీపీకి ఫిర్యాదు చేశారు. డీజీపీ కార్యాలయంలో ఫిర్యాదు సమర్పించిన అనంతరం మీడియాకు ప్రకటన విడుదల చేశారు. ఇందులో భాగంగా..  పంజాగుట్ట కేసులో ఓ మహిళను ఇంటర్వ్యూ చేసిన తీన్మార్‌ మల్లన్న అలియాస్‌ నవీన్‌ అన్ని రకాల హద్దులు దాటాడని అరుణ కుమారి ఆరోపించారు.(చదవండి: 139 మంది అత్యాచారం: ‘భూమి’కి న్యాయం చేయండి) తన ఇంటర్వ్యూలో సభ్యసమాజం తలదించుకునే విధంగా బాధితురాలికి ప్రశ్నలు వేశాడని మండిపడ్డారు. 139 మంది నిందితుల కోసం 139 బుల్లెట్లు రెడీ చేసుకోవాలని సిటీ కమిషనర్‌కు ఆదేశాలివ్వడం ఏంటని, అతను సైకోలా ప్రవర్తిస్తున్నాడని ఆగ్రహం వ్యక్తం చేశారు. అదే విధంగా గతేడాది జరిగిన ‘దిశ’ ఎన్‌కౌంటర్‌ ఫేక్‌ అంటూ మల్లన్న వ్యాఖ్యానించడంపై ఆమె అభ్యంతరం తెలిపారు. ఈ విషయంలో నవీన్‌ సుప్రీంకోర్టుతో పాటు ‘నిర్భయ’ చట్ట నిబంధనలను అతిక్రమించాడని, అతడిపై తగినచర్యలు తీసుకోవాలని విజ్ఞప్తి చేశారు.   యూట్యూబ్‌ చానెల్‌ రిపోర్టర్‌ కిడ్నాప్‌.. విడుదల!  దుండిగల్‌: ఓ యూట్యూబ్‌ చానల్‌ రిపోర్టర్‌ అనుమానాస్పద స్థితిలో కిడ్నాప్‌ అయ్యాడు. దుండిగల్‌ సీఐ వెంకటేశం తెలిపిన మేరకు..న్యూషాపూర్‌నగర్‌కు చెందిన హజ్మత్‌ అలీ యూట్యూబ్‌ చానల్‌ రిపోర్టర్‌. మంగళవారం రాత్రి మరో యూట్యూబ్‌ చానల్‌ రిపోర్టర్‌ సలీం.. అలీకి ఫోన్‌ చేసి రమ్మన్నాడు. ఇద్దరూ కలిసి ఆటోలో రేషన్‌ బియ్యం తరలిస్తున్నారనే అనుమానంతో కైసర్‌నగర్‌ చౌరస్తా లోని బాచుపల్లి రోడ్డు వరకు ఓ ఆటోను వెంబడించారు. రేషన్‌ బియ్యం తరలిస్తున్న వారిని డబ్బులు డిమాండ్‌ చేశారు. అయితే వారు అందుకు ఒప్పుకోకుండా ఆటోను మియాపూర్‌ వైపు పోనిచ్చారు. ఈ క్రమంలో సదరు ఆటోను బాచుపల్లి పోలీసులు కోకకోలా చౌరస్తాలో పట్టుకున్నారు.  అయితే అప్పటికే విషయం తెలుసుకున్న రేషన్‌ బియ్యం తరలింపు ముఠా సభ్యులు ఇన్నోవా కారులో వచ్చి సలీంను ఎత్తుకెళ్లడానికి యత్నించగా అతను తప్పించుకోవడంతో హజ్మత్‌ అలీని తమ వెంటకు తీసుకువెళ్లారు. దీంతో  హజ్మత్‌ అలీ కుటుంబ సభ్యు బుధవారం దుండిగల్‌ పోలీసులకు ఫిర్యాదు చేశారు. ఈ క్రమంలో బుధవారం మధ్యాహ్నం హజ్మత్‌ అలీ దుండిగల్‌ పోలీస్‌స్టేషన్‌కు చేరుకున్నాడు. తనను కిడ్నాపర్లు వదిలేశారని, బస్సులో ఇంటికి చేరుకున్నానని పోలీసులకు చెప్పాడు.  పోలీసులు కిడ్నాపర్లు ఉపయోగించిన ఇన్నోవా కారును స్వాధీనం చేసుకొని పోలీసులు రేషన్‌ బియ్యం ముఠా సభ్యులను అదుపులోకి తీసుకుని విచారిస్తున్నట్లు తెలుస్తోంది. 

స్త్రీలకు ఏమీ రాకపోవడం అంటూ ఎప్పటికీ ఉండదు. వారికి వచ్చింది కూడా ఎంతో విలువైనదే. హర్యాణాలోని నౌరంగాబాద్‌ అనే చిన్న పల్లెలో ఉండే బబితా ఒకరోజు రెండు రొట్టెలు చేసింది. ఆమె చేస్తున్న పనిలో పొందిక చూసిన మరిది వీడియోలో షూట్‌ చేసి యూ ట్యూబ్‌లో పెట్టారు. ఇక ఆమె వంట గదికి లక్షల మంది అభిమానులయ్యారు.తన కట్టెల పొయ్యి మీద వారానికి ఒకటి రెండు వంటలు చేసి వీడియోలు  పెడుతున్న బబితకు యూట్యూబ్‌ నెలకు 70 వేల రూపాయలు ఇస్తోంది! ఆ ఇంట్లో ఇనప్పెట్టె వంట గదిలో ఉందని వారికి 2017 వరకూ తెలియలేదు. ఆ ఇంటికి కోడలుగా వచ్చిన బబితా పర్మార్‌ చేతుల్లోనే ఆ ఇనప్పెట్టె తాళం ఉంటుందని కూడా వారికి తెలియదు. ఇదంతా ఒక విస్మయంతో మొదలైంది. హర్యాణాలోని నౌరంగాబాద్‌ అనే చిన్న గ్రామంలో బబితా ఇంటికి కోడలుగా వచ్చింది. ఆమె వంట బాగా చేస్తుంది. తినడానికే కాదు చూడటానికి కూడా బాగుంటుంది. మరది రంజిత్‌కి ఇది తెలుసు. వదిన చేసే వంట వీడియోలను యూట్యూబ్‌లో పెడితే ఎలా ఉంటుంది అనుకున్నాడు. యూ ట్యూబ్‌ వీడియో చానల్‌ ఎవరైనా ఎప్పుడైనా మొదలెట్ట వచ్చని తెలిశాక అతడు ఆగలేదు. మొదటి వీడియో ఫ్లాప్‌ రంజిత్‌ దగ్గర కేవలం పది వేల రూపాయల మామూలు ఫోన్‌ ఉంది. మొదటగా వదినను ఒప్పించి ‘పిండి బాగా కలపడం ఎలా’ అనే వీడియో చేశాడు. ‘ఇండియన్‌ గర్ల్‌ బబితాస్‌ విలేజ్‌’ పేరుతో వీడియో చానల్‌ ఓపెన్‌ చేసి మొదటిసారి దానిని అప్‌లోడ్‌ చేశాడు. అలా 2017లో వారి చానల్‌ మొదలయ్యింది. అయితే మొదటి వీడియోను ఎవరూ పెద్దగా చూడలేదు. మరిది ఈసారి ఒక ఎడిటింగ్‌ యాప్‌ను డౌన్‌లోడ్‌ చేసుకుని ‘మృదువైన రొట్టెలు తయారు చేయడం ఎలా’ అని వదిన తో వీడియో చేశాడు. ఆశ్చర్యం. రెండు రోజుల్లోనే దానికి పది లక్షల వ్యూస్‌ వచ్చాయి. వదిన, మరిది ఇద్దరూ స్టన్‌ అయ్యారు. ఇక వాళ్ల ప్రయాణం మొదలైంది. ఇల్లే సెట్‌ బబిత ఇల్లు టిపికల్‌ భారతీయ పల్లెటూరి ఇల్లు. కట్టెల పొయ్యి, కిరోసిన్‌ స్టవ్, అలికిన పరిసరాలు... ఇలాంటివన్నీ వీడియోలో వచ్చేలా మరిది వంట వీడియోలు షూట్‌ చేస్తారు. ఎక్కువమందికి అవి నచ్చుతున్నాయి. తల మీద ఘూంఘట్‌ను అలాగే ఉంచుతూ చకచకా వంట చేసే బబితా చేతి నైపుణ్యాన్ని కూడా ఎక్కువమంది చూడటానికి ఇష్టపడుతున్నారు. నెలకు నాలుగైదు వంటలు చేసి వదిన–మరిది అప్‌లోడ్‌ చేయడం ప్రారంభించారు. ‘మూలీ కె పరోఠే’, ‘పంజాబీ కడై పకోడా’, ‘గార్లిక్‌ ఆనియన్‌ చీజ్‌ పరోఠా’, ‘ఆలూ భుజియా’, ‘గమ్‌ లడ్డూ’లాంటి దేశీ వంటకాలు చూసి చేసుకునే అభిమానులు మెల్లగా పెరిగారు. మొదటి పారితోషికం 13,400 యూట్యూబ్‌ చానెల్‌ మొదలైన ఆరునెలల తర్వాత యూట్యూబ్‌ ఆ చానెల్‌ను మానిటైజ్‌ చేయడం మొదలెట్టింది. బబిత అకౌంట్‌లో డబ్బు పడటం మొదలయ్యింది. అయితే అవన్నీ ఉత్తుత్తి డబ్బు అని నిజం డబ్బు కాదని స్నేహితులు చెప్పారు. కాని ఒకసారి నిజం డబ్బు పడింది. తొలి పారితోషికం 13,400 రూపాయలు. అవి పడిన రోజు ఆ ఊరంతా ఒక వింతగా చెప్పుకున్నారు. కుటుంబం ఆనందానికి అంతే లేదు. ఆ తర్వాత నెలకు కచ్చితంగా నాలుగైదు కొత్త వీడియోలు అప్‌లోడ్‌ అయ్యేలా చూసుకున్నారు. యూ ట్యూబ్‌ నుంచి రెగ్యులర్‌గా డబ్బుపడటం మొదలైంది. కొన్నిసార్లు ఇరవై వేల లోపు పడేది. ఒక్కోసారి రెండు లక్షలు పడేవి. యావరేజ్‌గా చూసుకుంటే ఇప్పటికి వారికి నెలకు అరవై డెబ్బయి వేలు వచ్చినట్టు లెక్క. ఈ డబ్బుతో రంజిత్‌ మంచి ఫోన్లు, కెమెరా స్టాండ్లు, లాప్‌టాప్‌ కొన్నాడు. మిగిలిన డబ్బు ఎలాగూ కుటుంబానిదే. ఇప్పటికి ఈ వదినా మరిది కలిసి 124 వీడియోలు అప్‌లోడ్‌ చేశారు. దాదాపు నాలుగున్నర లక్షల మంది సబ్‌స్క్రయిబర్స్‌ ఈ చానల్‌కు ఉన్నారు. హర్యాణాలోని మారుమూల పల్లెటూళ్లో ఒక వంట గది నుంచి కూచుని ఇంత ఉపాధి పొందవచ్చు అని వీరు నిరూపించారు. ప్రయత్నించాలేగాని ఇలాంటి ఉపాధి మార్గాలు వేనవేలు. – సాక్షి ఫ్యామిలీ 

సాక్షి, హైదరాబాద్‌ : రాష్ట్రంలో విద్యా బోధన ప్రారంభానికి సంబంధించిన కసరత్తును విద్యాశాఖ వేగవంతం చేసింది. హైకోర్టుకు తమ విధానపర నిర్ణయాన్ని తెలియజేయాల్సి ఉన్నం దున కార్యాచరణ ప్రణాళికను రూపొందిస్తోంది. ఇటీవల ప్రజ్ఞత పేరుతో కేంద్ర ప్రభుత్వం జారీ చేసిన డిజిటల్‌ ఎడ్యుకేషన్‌ మార్గదర్శ కాల ప్రకారమే ముందుకు సాగాలని ప్రాథమికంగా నిర్ణయానికి వచ్చి నట్లు తెలిసింది. అయితే అందులో ఆన్‌లైన్‌ బోధనతో పాటు రికార్డెడ్‌ వీడియో పాఠాల విధానం కూడా ఉంది. ఈ నేపథ్యంలో రెండింటి పైనా విద్యాశాఖ ఆలోచనలు చేస్తోం ది. వీలు కలిగిన పట్టణ ప్రాంతాల్లో ఆన్‌లైన్‌ బోధన చేపట్టాలని, వీలుకాని గ్రామీణ ప్రాంతాల్లో వీడియో పాఠాలను టీశాట్, దూర దర్శన్‌ (యాదగిరి), ఎస్‌సీఈఆర్‌టీ యూట్యూబ్‌ చానల్‌ వంటి వాటి ద్వారా బోధనను చేపట్టే అంశంపైనా పరిశీలన జరుపుతోంది. ఆన్‌లైన్‌ బోధన చేపట్టాలంటే విద్యార్థులకు మొబైల్‌/ట్యాబ్‌ వంటివి అవసరం. అయితే విద్యార్థుల ఇళలో ఏ మేరకు ఆయా పరికరాలున్నాయో అనధికారిక సర్వే చేయాలని కేంద్రం ప్రజ్ఞతలో పేర్కొన్న నేపథ్యంలో ఆ దిశగా విద్యా శాఖ చర్యలు చేపట్టాలని భావి స్తోంది. కరోనా కొంత అదుపు లోకి వచ్చే వరకు ఆన్‌లైన్, వీడియో పాఠాలనే కొనసాగించే అవకాశాలు ఎక్కువగా ఉన్నాయి. ఆ తర్వాత మాత్రం షిఫ్ట్‌ పద్ధతుల్లో బోధన చేపట్టే అంశాలను పరిశీలిస్తోంది. అందులోనూ ముం దుగా 9, 10 తరగతులకు బోధన నిర్వహించడం, కొన్ని రోజుల తర్వాత 6, 7, 8 తరగతులకు బోధన ప్రారంభించే అంశంపైనా పరిశీలన జరుపుతోంది. ఇక రెండు, మూడు నెలల తరువాతే ఒకటి నుంచి 5వ తరగతి వరకు బోధనను చేపట్టే అంశంపై దృష్టి సారించాలని భావిస్తున్నట్లు తెలిసింది. ప్రభుత్వ స్కూళ్లలో 90% వీడియో పాఠాలే.. రాష్ట్రంలోని 30 వేల ప్రభుత్వ పాఠ శాలలుంటే అందులో 28 లక్షల మంది విద్యార్థులు చదువు తున్నారు. గురుకులాలు, ఇతర ప్రత్యేక విద్యా సంస్థలను మినహాయిస్తే 23 లక్షల మందికి పైగా విద్యార్థులు జిల్లా పరిషత్, ప్రభుత్వ, ఎయిడెడ్‌ విద్యా సంస్థల్లో చదువుతున్నారు. వీటిల్లో 90% మంది విద్యార్థులకు వీడియో పాఠాలే బోధించే అంశంపై పరిశీలన జరుపు తున్నట్లు తెలిసింది.  స్మార్ట్‌ ఫోన్లు అందుబాటులో ఉన్న విద్యార్థులకు మాత్రం ఆన్‌లైన్‌లో పాఠాలు బోధించే అంశాన్ని కూడా  పరిశీలిస్తున్నారు. అయితే ఇంతవరకు దేనిపైనా ఓ కచ్చితమైన నిర్ణయానికి రాలేకపోయారు. వివిధ కోణాల్లో పరిస్థితులను అధ్యయనం చేస్తున్నారు. ప్రైవేటులోనూ ఎక్కువ శాతం వీడియో పాఠాలవైపే.. రాష్ట్రంలోని 10 వేలకు పైగా ఉన్న ప్రైవేటు పాఠశాలల్లో 31 లక్షల మంది విద్యార్థులు చదువుతున్నారు. అందులో 2 వేలకు పైగా ఉన్న కార్పొరేట్, సెమీ కార్పొరేట్, ఇంటర్నేషనల్, ప్రముఖ పాఠశాలలు మాత్రమే ఆన్‌లైన్‌ పాఠాలను ప్రారంభించాయి. జీహెచ్‌ఎంసీ పరిధిలోని గ్రామీణ ప్రాంతాలు, ఇతర జిల్లా కేంద్రాల్లోని మెజారిటీ ప్రైవేటు పాఠశాలలు ఇంకా ఆన్‌లైన్‌ బోధన చేపట్టలేదు. ఆ దిశగా ఆలోచనలు చేస్తున్నా ఆచరణ ఎంత మేరకు సాధ్యమవుతుందన్న విషయంపై తర్జన భర్జన పడుతున్నాయి. ఈ నేపథ్యంలో ఆయా పాఠశాలలు కూడా కొన్నాళ్ల వరకు వీడియో పాఠాల వైపే మొగ్గు చూపే అవకాశముంది. ఆన్‌లైన్‌ కష్టసాధ్యం.. అమలు చేసినా కొద్దిసేపే.. రాష్ట్రంలో వీలున్న స్కూళ్లలో ఆన్‌లైన్‌ తరగతులను ప్రారంభిస్తే కేంద్రం ఆదేశాల ప్రకారం ప్రతి తరగతికి 2 నుంచి 3 గంటలే ఆన్‌లైన్‌ బోధన చేపట్టే అవకాశముంది. ఉన్నత పాఠశాల్లో గరిష్టంగా 4 సెషన్లలోనే, 1 నుంచి 8 తరగతులకు రెండు సెషన్లలోనే బోధనను నిర్వహించేలా చర్యలు చేపట్టాల్సి ఉంటుందని ఓ ఉన్నతాధికారి పేర్కొన్నారు. అంతకుమించి ఎక్కువ బోధన చేపట్టే వీలుండదని, పైగా ఆన్‌లైన్‌ బోధనకు టీచర్లను గుర్తించి, వారికి శిక్షణ ఇవ్వాల్సి ఉంటుందని, ఇది కష్టసాధ్యమని పేర్కొన్నారు. వీటన్నింటికంటే వీడియో పాఠాలే ఎక్కువ మందికి చేరే అవకాశం ఉంటుందని వెల్లడించారు.  

సాధించాల‌నే త‌ప‌న ఉంటే ఎన్ని అడ్డంకులెదురైనా విజ‌యం సాధించ‌వచ్చు అని నిరూపించింది ముంబైకి చెందిన రితు రథీ త‌నేజా. వృతిరీత్యా ఆమె పైల‌ట్. అభిరుచికి త‌గ్గ‌ట్లు యూట్యూబ‌ర్‌గా మారి ఎంతో మంది ఫాలోవ‌ర్ల‌ని సొంతం చేసుకుంది. ప్ర‌స్తుతం ఓ బిడ్డకు త‌ల్లి కూడా.  కానీ ఈ విజ‌యాలేవీ అంత సుల‌భంగా ఆమెకు ద‌క్కలేదు. ఓ ఆడ‌పిల్లకు చ‌దువెందుకు దండ‌గా అని నిందించే స‌మాజాన్ని ఎదుర్కొని, ఆటుపోట్లని అధిగ‌మించింది. విదేశాల్లో ట్రైనింగ్ పూర్తిచేస్తానంటే.. అక్క‌డ ఏం అగోరించ‌డానికి? అబ్బాయిల‌తో చెడు తిరుగుళ్ల‌కు అల‌వాటుప‌డుతుంది.. పెళ్లి చేశాకే పంపించండి అంటూ బంధువుల సూటిపోటి మాట‌ల‌న్నా త‌ను సాధించ‌ల‌నుకున్నా ల‌క్ష్యం వైపే ప‌య‌నించింది. ఎన్ని అవ‌రోధాలు ఎదురైనా అనుకున్న‌ది సాధించి తీరాలి అనే త‌న సంకల్ప‌మే రితుని నేడు స్థాయిలో నిల‌బెట్టింది. 'హ్యూమన్స్ ఆఫ్ బాంబే' కి ఇచ్చిన ఇంట‌ర్వ్యూలో త‌న అనుభ‌వాల‌ను పంచుకొని ఎంతో మందికి స్పూర్తినింపుతోంది.  (ఫెయిర్ అండ్ లవ్లీ: హెచ్‌యూఎల్ సంచలనం ) ఓ సాధార‌ణ మధ్య‌త‌ర‌గ‌తి కుటుంబంలో పుట్టిన రితూకి పాఠ‌శాల స్థాయిలోనే పైల‌ట్‌గా రాణించాల‌నే ఆస‌క్తి క‌లిగింది. ఈ ఆలోచ‌నే రితు జీవితాన్ని మార్చేసింది. ఆ త‌ర్వాత త‌న లక్ష్యం కోసం నిరంతరం క‌ష్ట‌ప‌డేది. గ్రాడ్యుయేష‌న్ పూర్తిచేసిన త‌ర్వాత అమెరికాలోని ఓ ప్ర‌ముఖ సంస్థ‌లో ట్రైనింగ్ కోసం ద‌ర‌ఖాస్తు చేసుకుంది. త‌న పెళ్లి కోసం దాచిన డ‌బ్బును చ‌దువుకు కోసం ఖ‌ర్చుచేయ‌మ‌ని తండ్రిని వేడుకుంది.  ''విదేశాలకు ఒంట‌రిగా పంపిస్తే అబ్బాయిల‌తో చెడుతిరుగుళ్లు తిరుగుతుంది. చ‌దివింది చాలు ఇక పెళ్లి చేయండి అని బంధువులు సూటిపోటి మాట‌ల‌తో వేధించేవారు. కానీ అమ్మ‌నాన్న మాత్రం న‌న్ను న‌మ్మి అమెరికా పంపించారు. ఏడాదిన్న‌ర  ట్రైనింగ్ అనంత‌రం ఇండియా తిరిగొచ్చా. కానీ ఖాళీలు లేక ఉద్యోగం దొర‌క‌లేదు. ఇలాంటి అవ‌కాశం కోస‌మే అన్న‌ట్లు ఎదురుచూసిన బంధువులు మ‌ళ్లీ నిందించడం మొదలుపెట్టారు. మేం అప్పుడే చెప్పాం కదా ఇలాంటిదేదో జ‌రుగుతుందన్న  దెప్పిపొడిచే మాట‌ల‌తో మాన‌సికంగా వేధించేవారు. మ‌రోప‌క్క బ్రెయిన్ ట్యూమ‌ర్ వ్యాధితో అమ్మ ఆరోగ్యం క్షీణించి చ‌నిపోయింది. నాన్న ప‌రిస్థితి చూసి చాలా భాద‌ప‌డ్డా. ఇంకో వైపు కుటుంబ భారం. దీంతో పార్ట్ టైం జాబ్ చేస్తూ రోజుకి 7 గంట‌లు చ‌దివేదాన్ని. కొన్నినెల‌ల‌కే ఓ ప్ర‌ముఖ ఎయిర్‌లైన్స్‌లో పైల‌ట్‌గా ఉద్యోగం సంపాదించాను. ఇక నా ఆనందానికి అవ‌ధుల్లేవు . ఇన్నాళ్లు ప‌డ్డ క‌ష్టానికి త‌గ్గ ఫ‌లితం ద‌క్కింది అంటూ తెగ సంబ‌ర‌ప‌డ్డాను'' అని రితూ పేర్కొంది. పైల‌ట్‌గా నెల రోజుల్లోనే 60 విమానాల్లో ప్ర‌యాణం చేసింది. నాలుగు సంవ‌త్స‌రాల్లోనే కెప్టెన్‌గా పదోన్న‌తి పొందింది. నా కూతురు కెప్టెన్ అని నాన్న చెబుతుంటే ఆ ఆనుభూతి మాటల్లో చెప్ప‌లేనిదంటూ రితూ భావోద్వేగానికి గురైంది. ఆమె యూట్యూబ్ ఛాన‌ల్‌కి 3 ల‌క్ష‌ల‌కు పైగానే సబ్‌స్కైబర్లు ఉన్నారు. ‘ఏ బంధువులైతే త‌న‌ని నిందించారో ఇప్పుడు వాళ్లే నన్ను చూసి గ‌ర్వ‌ప‌డుతున్నారు. ఇదే క‌దా అస‌లైన విజ‌య‌ం’ అంటూ ఇంట‌ర్వ్యూని ముగించింది. (అంతరిక్షంలోకి ‘ప్రైవేటు’ మంచిదే: శివన్ )

హైదరాబాద్‌: నేడు(జూన్‌ 21) అంతర్జాతీయ యోగా దినోత్సవం సందర్భంగా ఆద్య, సితారలు అందరికీ యోగా దినోత్సవ శుభాకాంక్షలు తెలిపారు. అంతేకాకుండా సులువైన యోగాసనాలు ఎలా వేయాలో వివరిస్తూ ఓ వీడియోను తమ ఏ అండ్‌ ఎస్‌ యూట్యూబ్‌ ఛానల్‌లో  అప్‌లోడ్‌ చేశారు. సునాయసంగా వేసే యోగాసనాలతో పాటు, ఆ ఆసనాలతో కలిగే లాభాలను చక్కగా వివరించారు. ప్రస్తుతం ఈ వీడియో సోషల్‌ మీడియాలో తెగ వైరల్‌ అవుతోంది. ఇక వీరి ప్రయత్నానికి, డెడికేషన్‌కు నెటిజన్లు ఫిదా అవుతూ సూపర్బ్‌ అంటూ కామెంట్‌ చేస్తున్నారు. (సితార డెడికేషన్‌కు నెటిజన్లు ఫిదా) ఇక మహేశ్‌బాబు ముద్దుల కూతురు సితార, వంశీ పైడిపల్లి కూతురు ఆద్య ఇద్దరూ కలిసి ఏ అండ్‌ ఎస్‌ అనే యూట్యూబ్‌ ఛానల్‌ను ప్రారంభించిన విషయం తెలిసిందే. ఆటలు, విజ్ఞానం, వినోదానికి సంబంధించిన పలు వీడియోలను అప్‌లోడ్‌ చేస్తున్నారు. ఇక ‘సరిలేరు నీకెవ్వరు’ సినిమా విడుదల తర్వాత మహేశ్, రష్మికలను ఈ ఇద్దరు చిచ్చరపిడుగులు ఇంటర్వ్యూచేసి అకట్టుకున్నారు. ఆడియన్స్‌కు ఎంతో ఎంటర్‌టైన్‌మెంట్‌ ఇస్తూ పలు వీడియోలను పోస్ట్‌ చేస్తుండటంతో ఏ అండ్‌​ ఎస్‌ యూట్యూబ్‌ ఛానల్‌కు అభిమానుల‌ సంఖ్య రోజురోజుకు పెరిగిపోతోంది.  (మా నాన్న మాకు మంచి ఫ్రెండ్‌)

సినిమాలతోపాటు సోషల్‌ మీడియాలోనూ ఆక్టివ్‌గా ఉంటారు నటి రకుల్‌ ప్రీత్‌ సింగ్‌. యోగా, వర్కౌట్‌లకు సంబంధించిన విషయాలనే కాకుండా తన వ్యక్తిగత విషయాలను అభిమానులతో పంచుకునే రకుల్‌ కొత్తగా యూట్యూబ్‌ ఛానల్‌ను ప్రారంభించారు. ఇందులో వంటలు కార్యక్రమాన్ని మొదలుపెట్టారు. ప్రపంచ ఆరోగ్య దినోత్సవ సందర్భంగా(మంగళవారం) ఈ విషయాన్ని ఇన్‌స్టాగ్రామ్‌లో వెల్లడించారు. అలాగే తన యూట్యూబ్‌ ఛానల్‌ ద్వారా వచ్చే ఆదాయాన్ని కరోనాపై పోరాటానికి పీఎం కేర్‌ ఫండ్స్‌కు అందించనున్నట్లు ఆమె తెలిపారు. కాగా సోమవారమే హీరోయిన్‌ హన్సిక కూడా ఓ యూట్యూబ్‌ ఛానల్‌ను ప్రారంభించిన విషయం తెలిసిందే. (‘ఇచ్చిన మాట నిలబెట్టుకున్న బాద్‌షా’ ) ఈ మేరకు రకుల్‌ ‘ప్రస్తుతం నాకు  చాలా సమయం ఉంది కాబట్టి యూట్యూబ్ ఛానెల్‌ను ప్రారంభించాలని అనుకున్నాను, దీనిలో అన్ని సరదా విషయాలను మీతో పంచుకుంటాను. దీని ద్వారా వచ్చే ఆదాయం పీఎం కేర్‌ ఫండ్‌కు వెళుతుంది. ప్రతి ఒక్కరం ఆనందాన్ని పంచుదాం. మార్పు కోసం ఇప్పుడే ఛానల్‌ను సబ్‌స్ర్కైబ్‌ చేయండి’ అని కోరారు. ఇక తొలి వీడియోగా చాకొలెట్‌ పాన్‌కేక్‌ను ఎలా తయారు చేయాలో వీడియో చేసి అప్‌లోడ్‌ చేశారు. కాగా కరోనా కారణంగా ఉపాధి కోల్పోయిన 200 కుటుంబాలకు రకుల్‌ ఆహారం అందజేస్తున్న విషయం తెలిసిందే. గుర్గావ్‌లోని తన ఇంటి సమీపంలో ఉన్న పేదవారికి ఈ సహాయం చేస్తున్నారు.  రకుల్‌ ప్రస్తుతం ఇండియన్‌-2లో నటిస్తున్నారు. (కరోనాతో 14 నెలల చిన్నారి మృతి ) మీ అమ్మ అలానే చేసిందా..రకుల్‌ ఫైర్‌ View this post on Instagram A lot of time on hand so I thought of launching my YouTube channel which will have all things fun !! The revenue generated will go to @pmoindia fund ! Let’s spread joy and happiness in whatever way we can. Subscribe now to make a difference !! 😀😀🙏🏻 anddddd because it’s world health day we kickstart with... umm check out the video 😝 link in bio 😊 A post shared by Rakul Singh (@rakulpreet) on Apr 7, 2020 at 7:37am PDT

యూట్యూబ్‌ ఛానల్స్‌లో సిటీ యువత హల్‌చల్‌ చేస్తోంది. లక్షలు,మిలియన్‌ మంది వీక్షకుల మదిని దోచేస్తూ సోషల్‌ మీడియాలో సెన్సేషన్‌ సృష్టిస్తున్నారు.. కంటెంట్‌ కన్నా మిన్నగా డైలాగ్‌ డెలివరీ,రక్తికట్టించే నటీనటుల హావభావాలు వీక్షకులను ఉర్రూతలూగిస్తున్నారు. ప్రాచుర్యం కోసం ఒకప్పుడు సినిమా, టీవీ అవకాశాల వైపు మాత్రమే చూసిన యువత ఇప్పుడు సోషల్‌ వేదికలనే టార్గెట్‌ చేస్తోంది.సిటీయువత నిర్వహిస్తున్న కొన్న యూ ట్యూబ్‌ చానెల్స్‌ విశేషాలివి...  గ్రామీణ నేపథ్యమే..సక్సెస్‌కు సారథ్యం... పండుగల విశిష్టతను చాటుతూ అచ్చమైన తెలంగాణ యాసలో గ్రామీణ నేపథ్యంతో క్రియేటివ్‌ థింక్స్‌ ఆకట్టుకుంటోంది. ఇటీవల మహాశివరాత్రి సందర్భంగా ‘మాకాడ మహాశివరాత్రి’ లఘుచిత్రం వీక్షకుల్ని మెప్పించింది. గంగమ్మ (నది) చెంతకు వెళ్ళి మట్టితో శివలింగం చేసి అభిషేకం చేయడం, గ్రామంలోనే పూజ చేసేందుకు అవసరమయ్యే వస్తువుల సేకరించడం,  ఆ తరువాత జాగరణ వంటి పండుగ విశేషాలతో తెరకెక్కించిన ఈ లఘు చిత్రం నాలుగు రోజుల్లోనే 1.2 మిలియన్‌ వ్యూస్‌ అందుకుంది.   ⇒ వాలంటైన్స్‌ డే పురస్కరించుకుని ‘లవ్‌ దే’ పేరిట అప్‌లోడ్‌ చేసిన వీడియో వారం వ్యవధిలోనే 1.4 మిలియన్‌ వ్యూస్‌ను సొంతం చేసుకుంది. లవర్స్‌ కాని జంటకు ప్రేమ్‌దళ్‌ పేరిట కొందరు యువకులు పెళ్ళి చేయడం, ఆ పెళ్ళి విషయం ఇంట్లో  తెలవగా వారు ఏవిధంగాఆ పెళ్ళి తంతు నుంచి బయటపడ్డారో అనేది వీక్షకులను కడుపుబ్బా నవ్వించింది.   ⇒ మాఘమాసం మంట, అష్టాచమ్మా, బరుతుడే, విలేజ్‌లో గండాలు, విలేజ్‌లో శ్రీమంతుడు, సెల్‌ కల్లు తాగితే, అప్పాలు చేయబోతే, థర్టీఫస్ట్‌ దావత్, మాకాడ బతుకమ్మ వంటి లఘు చిత్రాలు హిట్స్‌ కొట్టాయి. వీరు తెరకెక్కించే ప్రతి వీడియోలోనూ గ్రామీణ వాతావరణం తప్పనిసరిగా కనిపిస్తుంది.  ఇప్పటివరకు 58 వీడియోల ద్వారా వీక్షకులకు వినోదాన్ని పంచింది. ప్రస్తుతం 1.15 మిలియన్‌ సబ్‌స్క్రైబర్స్‌తో దూసుకుపోతోంది. గంగవ్వకు జై.. హాస్యపు జడివానలో వీక్షకులను తడిసిముద్దయ్యేలా చేస్తోంది మై విలేజ్‌ షో అంతేకాదు కొత్త సినిమాలకు ప్రమోషన్‌కు అడ్డాగా కూడా ఇది అవతరించింది. ఇందులో గంగవ్వ నటన ఎనలేని ఆదరణ పొందింది.  నకిలీ పోలీసులు ఏవిధంగా దండుకుంటున్నారు,  ఆర్టీఏ కార్యాలయం నుంచి సేకరించిన సమాచారం ఆధారంగా తప్పుడు చలాన్లను ఇళ్ళకు పంపించి ఏవిధంగా తమ అకౌంట్‌లో డబ్బును జమ చేయించుకుంటున్నారు?ఇలాంటివి హాస్య నేపథ్యంగా  చూపించిన తీరు హాట్సాఫ్‌ అనిపించుకుంది.  ‘విలేజీలో డ్రంక్‌ అండ్‌ డ్రైవ్‌’ పేరిట అప్‌లోడ్‌ చేసిన ఈ వీడియో 4.2 మిలియన్ల వ్యూస్‌ను క్రాస్‌ చేసేసింది.  ఇదే కోవలో ‘చేపల దొంగలు’ వీడియోకు 5.3 మిలియన్‌ వ్యూస్‌ వచ్చి చేరాయి. 31 దావత్‌ ప్లాన్‌ చేస్తే, విలేజ్‌ సమ్మర్‌ ప్రాబ్లమ్స్, దొంగల భయం, పిసినారి రాజు, విలేజ్‌లో దీపావళి, అమెరికా సోకు, ఇస్మార్ట్‌ గంగవ్వ, కరోనా కలకలం, విజయ్‌ పెండ్లి గోసలు, విలేజ్‌ పబ్‌ వంటి కామెడీ వీడియోలు మిలియన్ల కొద్ది వ్యూస్‌ను మూటగట్టుకున్నాయి. అలాగే బిత్తిరి సత్తి హీరోగా తుపాకి రాముడు సినిమా ప్రమోషన్‌ కోసం చేసిన వీడియో సైతం హల్‌చల్‌ చేసింది. 2019లో యూట్యూబ్‌ తెర పైకి వచ్చిన మై విలేజ్‌ షో ఛానల్‌లో ఇప్పటివరకు 193 వీడియోలు వినోదాన్ని పంచాయి. 1.3 మిలియన్‌ సబ్‌స్క్రైబర్స్‌తో దూసుకుపోతుంది.  దంచికొడుతున్న దేత్తడి.. ‘దేత్తడి’ ఛానల్‌ మోస్ట్‌ పాపులర్‌ అయ్యింది. ఇందులో హారిక అలేఖ్య నటన కుర్రకారుకు క్రేజీగా మారింది.  2018 ఏప్రిల్‌లో యూట్యూబ్‌లోకి ప్రవేశించిన ఈ ఛానల్‌ ఇప్పటికే 1 మిలియన్‌ పైచిలుకు సబ్‌స్క్రైబర్స్‌ను సొంతం చేసుకుంది. దైనందిన జీవితంలో ఎదురయ్యే సంఘటనలకు కామెడీని జోడించి తెరకెక్కించే తీరు వీక్షకులకు దగ్గర చేసింది. మెడికల్‌ షాప్‌కు వచ్చే వారి పరిస్థితిని కళ్లకు కట్టినట్లు మెడికల్‌ దుకాణం పేరిట తీసిన షార్ట్‌ వీడియో రెండు నెలల్లోనే 1 మిలియన్‌ వ్యూవర్స్‌ను మూటగట్టుకుంది. దేత్తడి ఛానల్స్‌ ద్వారా ఇప్పటివరకు అప్‌లోడ్‌ చేసిన 94 వీడియోలు యూట్యూబ్‌ లవర్స్‌ మదిని దోచేశాయనే చెప్పాలి. సినీనటుడు సుశాంత్‌ సైతం హారికతో జతకట్టి ‘పెళ్ళి గోల’ షార్ట్‌ఫిల్మ్‌లో వినోదాల జల్లులు కురిపించారు.

సాక్షి, హైదరాబాద్‌ : ఇంటర్మీడియట్‌ చదివే విద్యార్థుల కోసం యూట్యూబ్‌ చానెల్‌ ను ఇంటర్మీడియట్‌ బోర్డు అందుబాటులోకి తీసుకొస్తోంది. తెలంగాణ ఇంటర్మీడియట్‌ బోర్డు పేరుతో ఇప్పటికే రూపొందించిన ఈ చానెల్‌లో వీడియో పాఠాలు పొందుపరుస్తున్నట్లు బోర్డు కార్యదర్శి సయ్యద్‌ ఉమర్‌ జలీల్‌ వెల్లడించారు. ప్రస్తుతం ఇంటర్మీడియట్‌ ద్వితీయ సంవత్సరానికి సంబంధించిన ఇంగ్లిష్, ఫిజిక్స్, కెమిస్ట్రీ, బయాలజీ సబ్జెక్టుల పాఠాలు అందులో పొందుపరిచినట్లు తెలిపారు. అలాగే ద్వితీయ సంవత్సరానికి సంబంధించిన అన్ని పాఠాలను, ప్రథమ సంవత్సర పాఠాలను ప్రభుత్వ జూనియర్‌ లెక్చరర్ల ఆధ్వర్యంలో రూపొందిస్తున్నామని త్వరలోనే వాటిని అందులో పొందుపరుస్తామని పేర్కొన్నారు. టీశాట్, ఇతర వెబ్‌సైట్లకు సంబంధించిన పాఠాలను కూడా పరిశీలిస్తున్నామన్నారు. అన్ని సబ్జెక్టుల పాఠాలను రూపొందించాక వాటిని నిఫుణుల కమిటీ ఆధ్వర్యంలో పరిశీలన జరిపి అప్రూవల్‌ తీసుకుంటామన్నారు.  ఆయా వీడియో పాఠాలను విద్యార్థులకు వచ్చే జూన్‌లో అందుబాటులోకి తెస్తామన్నారు. కొత్త విద్యాసంవత్సరంలో విద్యార్థులు వాటిని ప్రారంభం నుంచే వీక్షించేలా చర్యలు చేపడతామని తెలిపారు. సైన్స్‌ ప్రాక్టికల్స్‌ ఎలా చేయాలన్న దానిపైనా పాఠాలు రూపొందిస్తున్నట్లు వెల్లడించారు. ఈ పాఠాలను ప్రభుత్వ పాఠశాలల విద్యార్థులే కాకుండా ప్రైవేటు పాఠశాలల విద్యార్థులు కూడా చూసుకునేలా చర్యలు చేపట్టినట్లు వెల్లడించారు. మరోవైపు జేఈఈ, నీట్‌కు సంబంధించిన పాఠాలను కూడా రూపొందించే ఆలోచనలు చేస్తున్నట్లు తెలిపారు.  ఇంటర్‌ పరీక్షల్లో ఏఐ  ఆర్టిఫిషియల్‌ ఇంటెలిజెన్స్‌ను ఈసారి ఇంటర్మీడియట్‌ పరీక్షల్లో అమలు చేస్తున్నట్లు జలీల్‌ వెల్లడించారు. ఆప్టికల్‌ మార్క్‌ రికగ్నైజేషన్‌ (ఓఎంఆర్‌) బార్‌ కోడ్‌తో పాటు ఆర్టిఫిషియల్‌ ఇంటెలిజెన్స్‌ను వినియోగించి ఆప్టికల్‌ క్యారెక్టర్‌ రికగ్నైజేషన్‌ను (ఓసీఆర్‌) ప్రవేశపెడుతున్నట్లు వెల్లడించారు. ఓఎంఆర్‌లో బార్‌ కోడ్‌ విధానం ఉండనుం డగా, ఓసీఆర్‌లో విద్యార్థుల ఫొటోలు స్కాన్‌ చేస్తారని, ఆర్టి ఫిషియల్‌ ఇంటెలిజెన్స్‌ సహకా రంతో పరీక్షలకు వచ్చింది ఆ విద్యార్థు లేనా? ఒకరికి బదులు మరొకరు పరీక్ష రాసేందుకు వచ్చారా? అన్నది సులభంగా గుర్తించే వీలుంటుందని వెల్లడించారు. ఓఎంఆర్‌ బబ్లింగ్‌ను మాత్రమే చూడనుంది. ఓసీఆర్‌ మాత్రం పదాల్లో రాసిన వివరాలను, నంబర్లను, బబ్లింగ్‌ నంబ ర్లను కూడా గుర్తిస్తుందని వెల్లడించారు. దాంతో జవాబులకు సంబంధించిన ఓఎంఆర్‌ షీట్‌లో ఏమైనా తేడా లొస్తే వాటిని సులభంగా గుర్తించొచ్చని వివరించారు. ఒక విద్యార్థికి ఒక సబ్జెక్టులో 90% మార్కులు వచ్చి, మరొక సబ్జెక్టులో 9 మార్కు లే వస్తే ఆ అబ్‌నార్మల్‌ డిఫరెన్స్‌ను ఏఐతో గుర్తించొచ్చని వివరించారు. మార్చి 4 నుంచి ప్రారంభం అయ్యే ఇంటర్మీడియట్‌ పరీక్షలను నిర్వహించేందుకు పక్కా ఏర్పాట్లు చేస్తున్నట్లు వెల్లడించారు. రాష్ట్రవ్యాప్తంగా ఈ పరీక్షలకు 9,65,840 మంది విద్యార్థులు హాజరవుతారని పేర్కొన్నారు. పరీక్షల నిర్వహణ కోసం 1,339 కేంద్రాలు ఏర్పాటు చేసినట్లు తెలిపారు.  

ఒక  అన్నా.. చెల్లి.  చెల్లి వచ్చి ‘అన్నా.. ఈ రోజు కొత్త వంటకం నేర్చుకున్నాను’ అని చెప్పింది.  ‘ఓహ్‌.. నాకూ నేర్పించు’ అన్నాడు అన్న.  అలా రోజూ   రకరకాల కొత్త   వంటకాల గురించి ఈ  అన్నాచెల్లెళ్లిద్దరూ తెలుసుకొని..నేర్చుకొని.. పదిమందికీ నేర్పించే పని పెట్టుకున్నారు ‘ది టైనీ ఫుడ్‌’ అనే యూట్యూబ్‌ చానెల్‌ ద్వారా.  టైనీ పేరుకు తగ్గట్టే ఆ చానెల్‌ వీడియోల్లో కనిపించే వంట సామాగ్రి అంతా బొమ్మలాటలో ఉండే బొమ్మల్లాగే చిన్నగా ఉంటాయి. చిన్న మట్టిపొయ్యి. దానికి సరిపోయే చిన్న చిన్న మట్టి పాత్రలు.. అంతే చిన్న మట్టి బాండీ..  బుజ్జి పెనం.. బుల్లి అప్పడాల కర్ర, అట్ల కాడ, చిన్న చిన్న చెంచాలు.. అన్నీ మట్టివే. అచ్చంగా బొమ్మలాట చూస్తున్నట్టే ఉంటుంది. ఈ యూట్యూబ్‌ చానెల్‌కు జపాన్‌ కుకింగ్‌ చానెల్సే స్ఫూర్తి. స్థానిక సంప్రదాయ వంటకాల నుంచి ప్రపంచ నలుమూలలకు చెందిన వంటకాల వరకు అన్నిటినీ చేసి చూపిస్తూంటారు ఈ చానెల్‌లో. ఆట వస్తువుల్లాంటి పాత్రలతో వంటలు చేయడం సరే.. ఆ వంటలను ఎలా చేయాలో వివరించే ఈ అన్నాచెల్లెళ్లూ బొమ్మలే. తోలు బొమ్మలు! మరి ఈ చానెల్‌ నిర్వహిస్తున్నదెవరంటారా? తమిళనాడుకు చెందిన వాలర్మతి, రామ్‌కుమార్‌ అనే దంపతులు. వాలర్మతి ఉద్యోగిని. రామ్‌కుమార్‌ది గోల్డ్‌లోన్‌ బిజినెస్‌. వారంతంలో ఈ యూట్యూబ్‌ వంటల చానెల్‌ పని పెట్టుకుంటారు.  ‘కుకింగ్‌ అంటే మా ఇద్దరికీ  ఆసక్తే. అయితే యూట్యూబ్‌ చానెల్‌ ఆలోచన వచ్చింతర్వాత.. కాస్త వెనకడుగు వేశాం. ఇప్పటికే బోలెడు వంటల చానెళ్లున్నాయి. వాళ్లందరికన్నా కొత్తగా ఉండాలి అనుకున్నాం. అప్పుడే జపాన్‌కు చెందిన ఈ టైనీ చానెల్స్‌ కంటపడ్డాయి. రెండు పప్పెట్స్‌ను తయారు చేసి.. షెఫ్స్‌గా అవి వివరిస్తుంటే నేను వంట చేయడం.. అన్నట్టుగా ప్లాన్‌ చేశాం. సక్సెస్‌ అయింది. కాని ఎంత కష్టమో తెలుసాండీ.. చిన్న చిన్న వంట పాత్రలతో వంట చేయడం?ఎన్నిసార్లు చేయి కాల్చుకున్నానో! ’అంటుంది వాలర్మతి.  ఈ చానెల్‌కు ఏడు లక్షల మంది సబ్‌స్క్రైబర్స్‌ ఉన్నారట.  ఇదీ ‘ది టైనీ ఫుడ్‌’ యూట్యూబ్‌ కుకింగ్‌ చానెల్‌ టేల్‌.  

ఆడుకుంటున్న వయసులోనే ఓ బాలుడు కోట్లు గడిస్తూ సంపన్నుల జాబితాలో చేరాడు. యూట్యూబ్‌లో తన పేరు మీద ఉన్న ఛానల్‌ ద్వారా అత్యధిక సంపాదన కలిగిన యూట్యూబర్‌ జాబితాలో మొదటి స్థానంలో నిలిచాడు. ఈ విషయాన్ని ఫోర్బ్స్‌ పత్రిక బుధవారం వెల్లడించింది. ఇక తను ఆడుకునే వీడియోలను షేర్‌ చేస్తూ.. దాదాపు 26 మిలియన్ల డాలర్లు సంపాదించి ఈ ఘనత సాధించాడు. టెక్సాస్‌కు చెందిన ఈ బాలుడి పేరు ర్యాన్‌ కాజి‌. తన పేరు మీద అతని తల్లిదండ్రులు ‘ర్యాన్‌ వరల్డ్‌’  అనే చానెల్‌ను 2015లో క్రియేట్‌ చేశారు. ర్యాన్‌ ఆడుకుంటున్న వీడియోలను ఈ చానెల్‌లో షేర్‌ చేసేవారు. ఈ చానెల్‌ స్థాపించిన మూడు సంవత్సరాలకే 22.9 మిలియన్ల మంది సబ్‌స్క్రైబ్‌ చేసుకున్నారు.  అయితే మొదట్లో ర్యాన్‌ వీడియోస్‌ అంతగా ఆదరణ ఉండేది కాదట. అయితే ఓ సారి ఈ బాలుడు ‘ర్యాన్‌ ఫిక్సర్‌’ అనే కారు బొమ్మకు రివ్యూ చెప్పాడు. ఆ వీడియో బాగా వైరల్ కావడంతో ర్యాన్‌ సెలబ్రిటీగా మారిపోయాడు. అలాగే మరిన్ని కారు బొమ్మలకు రివ్యూలు చెప్పడం మొదలు పెట్టాడు. తద్వారా నెటిజన్ల ఆదరణతో పాటు వివిధ బొమ్మల కంపెనీల నుంచి ఆఫర్లు అందకున్నాడు.  అలా ‘ర్యాన్‌ వరల్డ్‌’గా ఉన్న ఈ ఛానల్‌ను ‘ర్యాన్‌ టాయ్‌ రివ్యూ’  అనే పేరుగా మార్చారు. ఈ క్రమంలో ర్యాన్‌ ఒక్కో వీడియోకు కనీసం బిలియన్‌ వ్యూస్‌ వచ్చాయి. దీంతో ఈ ఏడాది ఈ బాలుడు ఏకంగా రూ. 26 మిలియన్‌ డాలర్లు సంపాదించినట్లు ఫోర్బ్స్‌ తెలిపింది. ఇక ర్యాన్‌ ఛానల్‌కు, వీడియోస్‌కు వస్తున్న పాపులారిటీ దృష్ట్యా బొమ్మల వీడియోలతో పాటు, చదువుకు సంబంధించిన వీడియోలు కూడా చేయాలంటూ ప్రతిపాదనలు కూడా రావడం విశేషం.

‘గ్రాండ్‌పా కిచెన్‌’.. యూట్యూబ్‌ ఫాలో అవుతున్న వాళ్లందరికీ పరిచయం. ఆసక్తి ఉన్న చానెల్‌. ఈ చానెల్‌ నడుపుతున్న కుక్, గ్రాండ్‌ పా పేరు నారాయణ రెడ్డి. ముద్ద పప్పు, పులిహోర, చింతకాయ తొక్కు, బిర్యానీ వంటి సంప్రదాయ వంటల నుంచి.. మంచూరియా, పిజ్జా, బర్గర్స్‌ లాంటి చైనీస్, ఇటాలియన్, కాంటినెంటల్‌ ఫుడ్‌ వరకు అన్నిటినీ అవలీలగా వండి వార్చేవారు నారాయణ రెడ్డి. డెజర్ట్స్‌ ఆయన చేయి పడితే అదుర్సే! వీటన్నిటినీ కట్టెల పొయ్యిమీదే చేస్తాడు. అవెన్‌ వాడకుండా ఆయన చేసే చాక్‌లెట్‌ కేక్స్, పాన్‌కేక్స్‌ చూస్తూంటేనే నోట్లో నీళ్లూరుతుంటాయి. మిల్క్‌ షేక్స్, పుడ్డింగ్స్‌ గురించే చెప్పే పనేలేదు. ఎక్కువ మోతాదులో వండిన వంటకాలను అనాథాశ్రమంలోని పిల్లలకు పంచుతాడు. అంతేకాదు ఈ యూట్యూబ్‌ చానెల్‌ ద్వారా వచ్చే ఆదాయంతో అనాథలకు బట్టలు, పుస్తకాలు, వాళ్ల పుట్టినరోజుకి కానుకలు కొనిపెడ్తూంటాడు. ఈ తెలంగాణ తాత నడిపే ‘గ్రాండ్‌పా కిచెన్‌’ యూట్యూబ్‌ చానెల్‌కు 60 లక్షల మంది సబ్‌స్క్రైబర్స్‌ ఉన్నారు. ఇంత మంచి మనిషి గురించి చెప్పుకునే సందర్భమే ఇప్పుడు విషాదమైంది. నారాయణ రెడ్డి మొన్న 27 తారీఖున అనారోగ్య కారణాలతో ఈ లోకాన్ని విడిచి వెళ్లిపోయారు. చనిపోయే ముందు ఆరు రోజుల వరకు గ్రాండ్‌పా కిచెన్‌లో వంట చేశారు. తను పోయాక కూడా చానెల్‌ను ఆపొద్దని సహ ఉద్యోగులకు చెప్పారట నారాయణ రెడ్డి. అనాథల ఆకలి తీర్చేందుకే కాదు, వాళ్ల జీవితాలనూ తీర్చిదిద్దే గ్రాండ్‌పా కిచెన్‌ ఎప్పటికీ నిండుకోకూడదనే ఆశిద్దాం.

సత్యనారాయణపురం (విజయవాడ సెంట్రల్‌): ఇటీవల ఒక యూట్యూబ్‌ చానల్‌లో సీఎం వైఎస్‌ జగన్‌ను, మంత్రి పి.అనిల్‌ కుమార్‌యాదవ్‌ని దూషించిన ఐదుగుర్ని సత్యనారాయణపురం పోలీసులు బుధవారం అరెస్ట్‌ చేశారు. వారు తెలిపిన వివరాల ప్రకారం.. గుంటూరు జిల్లా కొల్లూరు మండలం తిప్పలకట్ట గ్రామానికి చెందిన కుడిపూడి సోమశేఖర్‌ (46) పెయిడ్‌ ఆర్టిస్ట్‌గా పనిచేస్తున్నాడు. ఇటీవల వరద వల్ల తన పంటకు నష్టం వాటిల్లిందంటూ శేఖర్‌తోపాటు అదే గ్రామానికి చెందిన బొంతలపాటి శివప్రసాద్‌ అలియాస్‌ ప్రసాద్‌ (46), కొండూరి సీతారామయ్య (34), నిడుమోలు శివయ్య (35), అనంతవరం గ్రామానికి చెందిన సత్యేంద్ర (39) కలసి ప్రభుత్వ ప్రతిష్టను భంగపరచాలన్న ఉద్దేశంతో సీఎం వైఎస్‌ జగన్, మంత్రి అనిల్‌లను దుర్భాషలాడారు. దీనిని తమ మొబైల్స్‌ ద్వారా వీడియో తీసి యూట్యూబ్, వాట్సాప్‌ తదితర సామాజిక మాధ్యమాల్లో ప్రచారం చేశారు. దీనిపై పలు సంఘాల నాయకులు సత్యనారాయణపురం పోలీస్‌ స్టేషన్‌లో ఫిర్యాదు చేయగా.. నార్త్‌జోన్‌ ఏసీపీ షర్ఫుద్ధీన పర్యవేక్షణలో సత్యనారాయణపురం సీఐ బాలమురళీకృష్ణ ప్రత్యేక నిఘా ఏర్పాటు చేశారు. ఆ ఐదుగురినీ సత్యనారాయణపురం పోలీస్‌ స్టేషన్‌ పరిధిలోని రైల్వే బుకింగ్‌ సమీపంలో అరెస్ట్‌ చేసి, వీడియో తీసిన మొబైల్స్‌ను స్వాధీనం చేసుకున్నారు. వారిపై ఐపీసీ సెక్షన్లు 153, 153ఏ, 505(2) రెడ్‌విత్‌ 34, 120బీ కింద కేసు నమోదు చేశారు. వీరిని కోర్టులో హాజరుపర్చగా వచ్చే నెల 7 వరకు రిమాండ్‌ విధించారు.  

సొంత యూ ట్యూబ్‌ చానెల్స్‌ను స్టార్ట్‌ చేసి ఆడియన్స్‌ ఫాలోయింగ్‌ పెంచుకోవాలని ప్రయత్నిస్తున్నట్లున్నారు బాలీవుడ్‌ భామలు. ఇటీవల స్టార్‌ హీరోయిన్‌ ఆలియాభట్‌ తన సొంత యూ ట్యూబ్‌ చానెల్‌ను స్టార్ట్‌ చేసి, తన ప్రొఫెషనల్‌ అండ్‌ పర్సనల్‌ విషయాలను షేర్‌ చేసుకుంటున్నారు. ఇప్పుడు మరో బీటౌన్‌ బ్యూటీ జాక్వెలిన్‌ ఫెర్నాండెజ్‌ కూడా యూ ట్యూబ్‌ చానెల్‌ను షురూ చేశారు. ‘‘బాలీవుడ్‌లో నా   జర్నీలో భాగంగా నేర్చుకున్న కొత్త విషయాలను నా యూ ట్యూబ్‌  చానెల్‌లో పంచుకుంటాను. ముఖ్యంగా ఫిట్‌నెస్, బ్యూటిప్స్‌ విషయాలను కూడా చెప్పాలనుకుంటున్నా. ఇండస్ట్రీలో నాకు మంచి స్నేహితులు ఉన్నారు. వారితో వారికి చెందిన ఇన్‌స్పైరింగ్‌ స్టోరీస్‌ను చెప్పించాలనుకుంటున్నాను’’ అని పేర్కొన్నారు జాక్వెలిన్‌ ఫెర్నాండెజ్‌.

సూపర్‌ స్టార్ మహేష్ బాబు ముద్దుల కూతురు సితార డిజిటల్‌ రంగంలోకి అడుగుపెట్టింది. ఇప్పటి వరకు సితార పాడిన పాటలు, చేసిన అల్లరి అన్ని సోషల్ మీడియా పేజ్‌లకు మాత్రమే పరిమితమయ్యాయి. తాజాగా సితార తన స్నేహితురాలు ఆద్యా (దర్శకుడు వంశీ పైడిపల్లి కూతురు)తో కలిసి ఏ అండ్‌ ఎస్‌ (A & S) పేరుతో యూట్యూబ్‌ చానల్‌ను ప్రారంభించింది. ఈ చానల్‌లో తొలి వీడియోను ఈ రోజు పోస్ట్ చేశారు. 3 మార్కర్స్‌ చాలెంజ్‌ పేరుతో పోస్ట్ చేసిన ఈ వీడియోలో సితార, ఆద్యాలు బొమ్మలకు కలర్స్‌ ఫిల్ చేయటంలో ఒకరితో ఒకరు పోటి పడ్డారు. ఈ వీడియో పోస్ట్ చేసిన కొద్ది నిమిషాల్లోనే 30 వేలకు పైగా వ్యూస్‌ సాధించటం విశేషం. సితార, ఆద్యాల వీడియోను తన సోషల్ మీడియా పేజ్‌లో పోస్ట్ చేసిన మహేష్.. చిన్నారులకు శుభాకాంక్షలు తెలిపారు.

సాక్షి, హైదరాబాద్‌: ఆధారాలు సరిచూసుకోకుండా తనకు సంబంధించి ఓ అభ్యంతరకరమైన ఇంటర్వ్యూను నెట్‌లో ఉంచిన ఓ యూట్యూబ్‌ చానల్‌పై చర్యలు తీసుకోవాలని సినీనటి అపూర్వ డిమాండ్‌ చేశారు. ఈ మేరకు సోమవారం హైదరాబాద్‌ సైబర్‌ క్రైమ్‌ పోలీసులకు ఆమె లిఖిత పూర్వక ఫిర్యాదు చేశా రు. వివరాలు.. అపూర్వకు భర్త సత్యనారాయణకు మధ్య విభేదాలు రావడంతో కొన్నేళ్లుగా కేసులు నడుస్తున్నాయి. సత్యనారాయణ ఏపీలోని పశ్చిమ గోదావరి జిల్లా దెందులూరు ఎమ్మెల్యే చింతమనేని ప్రభాకర్‌కు అనుచరుడిగా ఉన్నారు. కొన్నాళ్ల క్రితం స్వస్థలంలోని ఆమె భర్తకు సంబంధించిన ఆస్తి దగ్ధమైంది. ఈ పని తన భార్య అపూర్వ చేసిందని ఆరోపిస్తూ సత్యనారాయణ ఓ యూట్యూబ్‌ చానల్‌కు ఇంటర్వ్యూ ఇచ్చారు. ఇందులో మరికొన్ని అభ్యంతరకర అంశాలూ పేర్కొన్నారు. ఈ వీడియోపై స్పందించిన అపూర్వ తనకు సంబంధించిన ఆరోపణల విషయంలో తన వివరణ తీసుకోకుండా, ఏకపక్షంగా నెట్‌లో వీడియోను ఎలా ఉంచుతారని ప్రశ్నించారు.   టీడీపీ నేతలు ప్రశాంతంగా ఉండనీయట్లేదు.. ‘దెందులూరులో మా ఇంటి ముందు టీడీపీ దిమ్మె కడుతుంటే నేను అడ్డుకున్నాను. దీంతో  చింతమనేని అనుచరులు నాపై తప్పుడు ఆరోపణలు చేస్తున్నారు. నా భర్త కూడా చింతమనేని అనుచరుడే. టీడీపీ నేతలు నన్ను ప్రశాంతంగా ఉండనీయట్లేదు. వారిపై చర్యలు తీసుకోవాలి’ అని అపూర్వ కోరారు.

సాక్షి, హైదరాబాద్‌ : సినీ సంగీత ప్రపంచంలో తనకంటూ ప్రత్యేకమైన గుర్తింపు తెచ్చుకుని, బిగ్ బాస్ సీజన్ 2‌లో రన్నరప్‌గా నిలిచిన గీతామాధురి కొన్ని యూట్యూబ్‌ చానెళ్లపై ఆగ్రహంగా ఉన్నారు. తప్పుడు వార్తలు ప్రెజెంట్‌ చేస్తున్న యూట్యూబ్‌ ఛానెళ్లకి గీతామాధురి తన ఇన్‌స్టాగ్రామ్‌లో సీరియస్‌ వార్నింగ్‌ ఇచ్చారు. ఫేక్‌ వీడియోలు, తప్పుడు వార్తలు పెట్టినందుకు కొన్ని యూట్యూబ్‌ చానెళ్ల మీద కొద్ది రోజుల్లో చట్టపరమైన చర్యలు తీసుకోవాలనుకుంటున్నానని తెలిపారు. చట్టపరమైన చర్యలు తీసుకోవడానికి ముందు ఆ వీడియోలను తీసివేయడానికి, సదరు యూట్యూబ్‌ ఛానెళ్లకి కొంత సమయం ఇస్తున్నానని పేర్కొన్నారు. ‘మహా అయితే ఓ రోజు బాధపడతానేమో తర్వాత సంతోషం, ప్రశాంతత నాదే’ అంటూ పోస్ట్‌ పెట్టారు.

ట్రాన్స్‌జెండర్‌ అంజలి అమీర్‌ మలయాళ మెగాస్టార్‌ మమ్ముట్టి సరసన హీరోయిన్‌గా నటించింది. మరో ట్రాన్స్‌జెండర్‌ ప్రీతికా యూషీనా తమిళనాడులోని చులైమేడు పోలీస్‌స్టేషన్‌లో ఎస్‌ఐగా విధులు నిర్వర్తిస్తోంది. ఇక సత్యశ్రీ షర్మిల ప్రముఖ లాయర్‌గా గుర్తింపు పొందింది. ఇలా దేశవ్యాప్తంగా ఎంతో మంది ట్రాన్స్‌జెండర్లు వివిధ రంగాల్లో తమ సత్తాచాటుతున్నారు. ‘మేమూ మనుషులమే..మమ్మల్ని చులకనగా చూడొద్ద’ని వేడుకుంటున్న వారు... ప్రతిభలో తామేమీ తీసిపోమనినిరూపిస్తున్నారు. ఇదే కోవకు చెందుతుందినగరానికి ట్రాన్స్‌జెండర్‌ అంజలి కల్యాణపు.   హిమాయత్‌నగర్‌: బాలానగర్‌కు చెందిన అంజలి గ్రాడ్యుయేట్‌. ఆమెకు పుట్టుకతోనే వచ్చిందీ సమస్య. తర్వాత కొన్నేళ్లకు తెలిసింది తనలోని లోపం. ఇంట్లో వాళ్లకు నచ్చజెప్పేందుకు ప్రయత్నించింది. కానీ వాళ్లు అర్థం చేసుకోకపోగా... ‘ఛీ.. పొమ్మని’ బయటకు గెంటేశారు. ఏం చేయాలో తెలియని పరిస్థితుల్లో.. తానేంటో సమాజానికి చూపించాలనుకుంది. ట్రాన్స్‌జెండర్ల సమస్యలపై ప్రజలకు అవగాహన కల్పించాలని, తమ హక్కులు సాధించుకోవాలని నిశ్చయించుకుంది. ఇందుకు తోటివారితో కలిసి ‘ట్రాన్స్‌విజన్‌’ పేరుతో తెలుగు, కన్నడ, ఉర్దూ భాషల్లో 2017లో యూట్యూబ్‌ చానెల్‌ ప్రారంభించింది. దేశంలో ట్రాన్స్‌జెండర్‌ ప్రారంభించిన తొలి యూట్యూబ్‌ చానెల్‌ ఇదే కావడం విశేషం. ఆమే వ్యాఖ్యాత...  అంజలి, ఆమె అమ్మగా భావించే ముద్రబోయిన రచన, చంద్రముఖి, జాహ్నవి, సోనియా కలిసి యూట్యూబ్‌ చానెల్‌ ఏర్పాటు చేయాలని ఆలోచించారు. వీరికి ప్రొడ్యూసర్‌ మోజెస్‌ చేయూతనిచ్చారు. అలా 2017లో ‘ట్రాన్స్‌విజన్‌’ పేరుతో తెలుగు, కన్నడ, ఉర్దూ భాషల్లో యూట్యూబ్‌ చానెల్‌ ప్రారంభమైంది. తెలుగులో అంజలి యాంకర్‌గా వ్యవహరిస్తున్నారు. తాను చిన్నప్పటి నుంచి ఎదుర్కొన్న సమస్యలను ప్రజల ముందుంచాలని, ట్రాన్స్‌జెండర్లను ఎవరూ చులకనగా చూడొద్దనే భావనతో ఆమే స్క్రిప్ట్‌ కూడా రూపొందించుకుంటోంది. ఏడాది కాలంగా 9 ఎపిసోడ్స్‌ చేశారు. దేశవ్యాప్తంగా ఎంతోమంది తమ చానెల్‌ను చూస్తున్నారని అంజలి తెలిపారు.   యూనివర్సిటీల్లో అవగాహన... ట్రాన్స్‌జెండర్స్‌ ఆటో ఎక్కినా, బస్సెక్కినా, సినిమాకెళ్లినా వింతగా చూస్తారు. ఆ సమయంలో తామెంతో ఆవేదనకు గురవుతామని అంజలి పేర్కొన్నారు. ట్రాన్స్‌జెండర్స్‌ కూడా మనుషులేననే అవగాహనను విద్యార్థుల్లో కల్పించేందుకు పాఠశాలలు, కళాశాలలు, యూనివర్సిటీల్లో ప్రత్యేకంగా సదస్సులు నిర్వహిస్తున్నారు. ఢిల్లీ, ముంబై, కోల్‌కతా తదితర నగరాల్లోని ప్రముఖ యూనివర్సిటీల్లోనూ వీరు అవగాహన సదస్సులు ఏర్పాటు చేస్తున్నారు. రెండ్రోజుల క్రితం నగంరలోని పోలీస్‌ అకాడమీలో యంగ్‌ ఐపీఎస్‌ అధికారులతో సమావేశమయ్యారు అంజలి.    అవార్డుతో మరింత బాధ్యత...   ‘ది లాడ్లీ మీడియా అండ్‌ అడ్వర్టయిజింగ్‌ అవార్డ్స్‌’ పేరుతో లాడ్లీ సంస్థ ప్రతి ఏటా వివిధ రంగాల్లోని ప్రతిభావంతులను గుర్తించి అవార్డులు అందజేస్తుంది. ఒక ట్రాన్స్‌జెండర్‌ వ్యాఖ్యాతగా తమ సమస్యలపై యూట్యూబ్‌ చానెల్‌ ఏర్పాటు చేసి అవగాహన కల్పించడం గొప్ప విషయమని ఆ సంస్థ గుర్తించింది. సెప్టెంబర్‌ 14న ఢిల్లీలో అంజలికి అవార్డు ప్రదానం చేశారు. ‘మమ్మల్ని మనుషులుగా గుర్తించండి. అప్పుడు మేమంతో హ్యాపీగా ఉంటాం. ప్రభుత్వం కూడా మమ్మల్ని గుర్తించి వివిధ రంగాల్లో అవకాశాలిస్తే బాగుంటుంది. సమాజానికి మేమేంటి? అనేది తెలియజేయాలనే యూట్యూబ్‌ చానెల్‌ ప్రారంభించాను. అందరికీ అవగాహన కల్పిస్తున్నాను. ఇప్పుడీ అవార్డు నా బాధ్యతను మరింత పెంచింద’ని అంజలి చెప్పారు.

రాజకీయ పార్టీ కసరత్తుల్లో ఉన్న రజనీకాంత్‌ తనకంటూ ఓ చానల్‌కు సిద్ధం అయ్యారు. సామాజిక మాధ్యమాలకు ప్రస్తుతం క్రేజ్‌ పెరిగిన దృష్ట్యా, తన చానల్‌ను యూట్యూబ్‌ చానల్‌గా తీసుకొచ్చే పనిలో పడ్డారు. మక్కల్‌ మండ్రం వ్యవహారాలన్నీ అందులోకి అప్‌లోడ్‌ చేసే పనిలో నిర్వాహకులు ఉన్నారు. సాక్షి,చెన్నై : తాను రాజకీయాల్లోకి వచ్చేశా అని దక్షిణ భారత చలన చిత్ర సూపర్‌ స్టార్‌ రజనీకాంత్‌ ప్రకటించి నాలుగు నెలలు అవుతోంది. ప్రత్యేక పార్టీతో ప్రజల్లోకి అని ప్రకటించి, అందుకు తగ్గ కసరత్తుల్లో తలైవా నిమగ్నమై ఉన్నారు. పార్టీ కన్నా ముందుగా, తన అభిమాన సంఘాన్ని బలోపేతం చేసుకునే పనిలో పడ్డారు. రజనీ మక్కల్‌ మండ్రం పేరుతో అభిమాన సంఘాల్ని ఏకంచేస్తూ వస్తున్నారు. రాష్ట్రంలోని 32 జిల్లాలకు మక్కల్‌ మండ్రం కార్యవర్గాన్ని ఎంపిక చేస్తున్నారు. సభ్యత్వ నమోదు జోరుగానే సాగుతోంది. తరచూ మీడియా ముందుకు వచ్చి స్పందిస్తూ వస్తున్న రజనీకాంత్, ఇక, తన సందేశాలు, పిలుపులన్నీ యూట్యూబ్‌ ద్వారా అభిమానులకు చేరవేయడానికి సిద్ధం అయ్యారు. ఇందుకోసం యూట్యూబ్‌ చానల్‌ ఏర్పాటు చేసే పనిలో పడ్డారు. రజనీ యూట్యూబ్‌ చానల్‌ రజనీకాంత్‌ ఇప్పటికే మక్కల్‌ మండ్రం పేరిట ఓ వెబ్‌ సైట్‌ను ఏర్పాటు చేసి ఉన్నారు. ఆ మండ్రం నిర్వాహకులకు, సభ్యత్వ నమోదు చేసుకున్న వారికి ఆ వెబ్‌సైట్‌ ద్వారా అప్పుడప్పుడూసందేశాల్ని ఇస్తున్నారు. అయితే, రాజకీయంగా పార్టీతో తెరమీదకు రానున్న రజనీకి మరింత ప్రచారం తప్పనిసరిగా మారింది. దీంతో సామాజిక మాధ్యమాల మీద రజనీ దృష్టి పెట్టారు. దీనికి ప్రస్తుతం క్రేజ్‌ మరీ ఎక్కువగా ఉండడంతో రజనీ మక్కల్‌ మండ్రం పేరిట యూ ట్యూబ్‌ చానల్‌ను తీసుకొచ్చే పనిలో పడ్డారు. ఇందులో ఎప్పటికప్పుడు రజనీకాంత్‌ సందేశాలు, పిలుపులు, కార్యక్రమాలు, అన్ని రకాల వివరాలను తెలియజేయనున్నారు. అలాగే, రజనీ మక్కల్‌ మండ్రం ఇప్పటివరకు నిర్వహించిన కార్యక్రమాలను ఇందులోకి అప్‌లోడ్‌ చేసే పనిలో పడ్డారు. ఈ చానల్‌ను తెరమీదకు తెస్తూ లాంఛనంగా ఆదివారం జరిగిన రజనీకాంత్‌ ప్రెస్‌ మీట్‌ను పదేపదే ప్రసారం చేస్తుండడం గమనించ దగ్గ విషయం. ఇదిలా ఉండగా, కేంద్రంపై దుమ్మెత్తి పోస్తూ ఆదివారం రజనీకాంత్‌ చేసిన వ్యాఖ్యలపై బీజేపీ రాష్ట్ర అధ్యక్షురాలు తమిళి సై సౌందరరాజన్‌ స్పందించారు. కర్ణాటకలో పుట్టిన రజనీకాంత్‌ను సూపర్‌ స్టార్‌ చేసింది తమిళులు అన్న విషయాన్ని ఆయన మరవకుండా ఉంటే మంచిదని హితవు పలికారు. అయితే, కేంద్రాన్ని హెచ్చరించే రీతిలో వ్యాఖ్యలు చేయడాన్ని ఖండిస్తున్నామన్నారు. ఇక, కేంద్రం తీరుపై నటుడు సత్యరాజ్‌ చేసిన వ్యాఖ్యలపై సైతం ఆమె తీవ్ర ఆగ్రహాన్ని వ్యక్తంచేశారు.

తెనాలి: ప్రపంచవ్యాప్తంగా కోట్లాది వీక్షకులను తన వశం చేసుకున్న యూట్యూబ్‌ ఆధారిత చానల్‌ తెనాలి నుంచి ప్రారంభించనున్నట్లు టీవీ చిత్రాల దర్శకుడు, కేంద్ర ఫిలిం సెన్సారు బోర్డు సభ్యుడు దిలీప్‌రాజా వెల్లడించారు. స్థానిక చెంచుపేటలోని తన కార్యాలయంలో ఆదివారం సాయంత్రం విలేకరుల సమావేశంలో  వివరాలను వెల్లడించారు. టీవీ చానల్స్‌ తరహాలోనే యూట్యూబ్‌ చానల్‌లో అన్ని వర్గాల ప్రేక్షకుల కోసం ఆకర్షణీయ కార్యక్రమాలను రూపొందించి, ప్రసారం చేయనున్నట్లు వివరించారు. చానల్‌ ప్రసారాలు భారత్‌తో పాటు అమెరికా, కెనడా, ఇటలీ, జర్మనీ, యూకే దేశాల్లో ఆయా స్థానిక భాషల్లో ప్రసారం చేసేలా తగిన ఏర్పాట్లు ఇప్పటికే పూర్త చేసినట్లు చెప్పారు. ఒక్కో దేశంలో ఒక్కో సీఈవో ఈ బాధ్యతలను నిర్వర్తిస్తారని చెప్పారు. తెలుగు కార్యక్రమాల రూపకల్పనకు ఈ రంగంలో అనుభవజ్ఞులైన పుట్టా శ్రీధర్, సి.సుజాత, ముత్తపు రాంబాబు, శ్రీనివాసకుమార్‌ దర్శకత్వ బాధ్యతల్లో ఉంటారని దిలీప్‌రాజా చెప్పారు. పెదరావూరు స్టూడియోలో షూటింగ్‌ నుంచి ప్రసారం వరకు అవసరమైన ఎడిటింగ్, డబ్బింగ్, నిర్మాణానంతర కార్యక్రమాలతో సహా ఇక్కడే జరుగుతాయన్నారు. వారాంతపు చర్చలు ‘షాడో’, విద్యార్థులతో ‘పాస్‌వర్డ్‌’, మహిళలకు ‘ఇండియా టేస్టస్ట్‌’, యువతకు ‘డ్యాన్స్‌ చాలెంజ్‌’, రాజకీయనేతల ‘మై వాయిస్‌’ కార్యక్రమాలుంటాయని వివరించారు. ‘దిలీప్‌ రాజా యూట్యూబ్‌ చానల్‌’ పేరుతో ఆవిష్కరించే ఈ చానల్‌లో ఔత్సాహికులు తీసే షార్ట్‌ ఫిలిమ్స్, డాక్యుమెంటరీలనూ ప్రసారం చేస్తామన్నారు.


 సాక్షి, అగ్రా: నేరాలు చేసి పరారీలో ఉండే నిందితులను పట్టుకునేందుకు ఉత్తర ప్రదేశ్‌ పోలీస్‌ శాఖ ఓ అడుగు ముందుకు వేసింది. యూట్యూబ్‌ లో వాళ్ల కోసం ప్రత్యేకంగా ఓ ఛానెల్‌ను ప్రారంభించింది. వాటి ద్వారా నిందితులను పట్టుకోవాలన్నదే ఆగ్రా పోలీస్‌ శాఖ ఆలోచనగా కాగా, దేశంలోనే ఇలాంటి ప్రయత్నం ఇదే మొదటిది కావటం విశేషం.
  
 సైబర్‌ ఇంటెలిజెన్స్ నెట్‌వర్క్‌ను విస్తరించే చర్యల్లో భాగంగా ఈ నిర్ణయం తీసుకున్నట్లు ఇన్‌స్పెక్టర్‌ జనరల్‌ తెలిపారు. ‘గతంలో ఇన్‌ఫార్మర్‌ల సేవలను వినియోగించుకునే వాళ్లం. కానీ, రాను రాను అది వారి ప్రాణాలకు ప్రమాదకరంగా మారుతూ వస్తోంది. ఇప్పుడు వీడియో సాక్ష్యాలే దాదాపు అన్ని కేసుల్లో కీలకంగా మారుతూ వస్తున్నాయి. ఈ తరుణంలో మాకిదే ఉత్తమ మార్గంగా అనిపించింది. పైగా ఇప్పుడు నగరం మొత్తం సీసీ కెమెరాల నిఘా నీడలో ఉంది. నేరస్థులు తమకు తెలీకుండానే వాటి కంటికి చిక్కిపోతున్నారు. తద్వారా వారిని పట్టుకునేందుకు చాలా సులువుగా మారుతుంది అని ఆయన తెలిపారు. 
  
 అయితే వారి జాడ ప్రశ్నార్థకంగా మారుతున్న సమయంలో.. ఈ యూట్యూబ్‌ వీడియోల ఆలోచన ద్వారా ఎవరో ఒకరు స్పందిచకపోతారా? అన్న అనుమానాలతోనే తాము ఈ ప్రయత్నం మొదలుపెట్టామని ఆయన చెప్పారు. ‘ఆగ్రా రేంజ్‌ క్రైమ్‌ వీడియో’ పేరిట ప్రారంభించిన ఈ యూట్యూబ్‌ ఛానెల్‌ లో నేరాలకు సంబంధించి వీడియోలు ఎప్పటికప్పుడు అప్‌ లోడ్‌ చేస్తారు. అందులోని నేరస్థులను గుర్తుపట్టిన వాళ్లు ఎక్కడున్నారన్న సమాచారం పోలీస్‌ శాఖకు అందించవచ్చు. అవసరమైతే వారి విషయాలు గోప్యంగా ఉంచుతారు. వారి పేర్లను బహిర్గత పరిచేందుకు అంగీకరిస్తే మాత్రం ప్రజలందరి వారిని ఘనంగా సన్మానిస్తాం అని ఐజీ తెలిపారు. ఇప్పటి వరకు ఆ ఛానెల్‌లో 15 వీడియోలు అప్‌ లోడ్‌ చేసినట్లు సమాచారం. పరారీలో ఉన్న నిందితులను పట్టుకునేందుకు ఆగ్రా పోలీస్‌ శాఖ చేస్తున్న ఈ ప్రయత్నాలను పలువురు ప్రశంసిస్తున్నారు. 


 అభిమాన తారలను పలకరించాలంటే, లేదా వాళ్ల గురించి తెలుసుకోవాలంటే ఫ్యాన్స్‌కు ఉన్న ఏకైక మార్గం సోషల్ మీడియా. ఫేస్‌బుక్, ట్విట్టర్లలో తమకు నచ్చిన తారలతో ఇంటరాక్ట్ అవుతూ ఉంటారు. హన్సికతో అలా టచ్‌లో ఉండే అభిమానులు చాలామందే ఉన్నారు. ఇప్పుడు తన ఫాలోయర్స్‌కి ఓ బహుమతి  ఇవ్వాలని ఆమె నిర్ణయించుకున్నారు. మనసులోని మాటలను స్వయంగా చెబితే అభిమానులు ఇంకా ఆనందపడతారన్నది హన్సిక ఆలోచన.
  
   అందుకు యూట్యూబ్ చానల్ బెస్ట్ అనుకున్నారామె. దీని గురించి హన్సిక యూట్యూబ్ యాజమాన్యంతో కూడా సంప్రతింపులు జరిపారు. దీని గురించి హన్సిక మాట్లాడుతూ- ‘‘ఇప్పటికే నేను ట్విట్టర్, ఇన్‌స్టాగ్రామ్‌లలో యాక్టివ్‌గా ఉన్నాను. నా కొత్త సినిమాలకు సంబంధించిన విశేషాలు, వాటి షూటింగ్ వీడియోలు, ఇంకా ఆసక్తికరమైన విశేషాలను కూడా పంచుకోవాలనుకుంటున్నాను. యూట్యూబ్ అయితే కరెక్ట్ అనిపించింది’’ అన్నారు. సో.. త్వరలో హన్సిక యూట్యూబ్‌లో హల్‌చల్ చేయనున్నారన్న మాట.
  


 ఒక్కసారి ఈ విషయం తెలుసుకుంటే ప్యాషన్ అంటే ఇదే అనిపించక మానదు. ఎందుకంటే ఆమెక్కొతే ఉపాధ్యాయిని.. 70 వేలమంది విద్యార్థులు. ఆ విద్యార్థుల్లో ఏ ఒక్కరికీ ఆందోళన ఉండదు. పరీక్షలన్న చింత అస్సలు దరిచేరదు. కారణం ఆ ఉపాధ్యాయిని ఆలోచనలు వారిముందు సమస్యలనీ ఛేదించేందుకే పుడతాయి. పోని నిజానికి ప్రభుత్వ గుర్తింపు పొందిన ఉపాధ్యాయినా అంటే అదేం కాదు. అప్పటికే తాను చేస్తున్న మంచి ఉద్యోగాన్ని వదులుకొని తనకుతాను నిర్ణయం తీసుకుని టీచర్గా మారి చేసిన సాహసం. ఆమె పేరే రోషిణి ముఖర్జీ.
 
 చిన్నతనం నుంచి టీచర్ కావాలని కోరికకు మధ్యలో బ్రేక్ పడింది. పీహెచ్డీ చేసి బోధనారంగంలో అడుగుపెడదామనుకున్న ఆమె తండ్రి చనిపోవడంతో చదువు ఆపేసి ఓ ఎమ్మెన్సీ కంపెనీలో ఉద్యోగంలో చేరింది. చివరకు ఆమె ప్యాషన్ నిద్ర పోనివ్వకపోవడంతో ఉద్యోగం వదిలి ఎట్టకేలకు బోధనా రంగం వైపు మళ్లింది. ఆమె నిజంగా టీచింగ్ ఫీల్డ్లో ఎంత దూసుకెళ్లారంటే రాకెట్ వేగంతో. 
 
 సాంకేతిక పరిజ్ఞానం ఉపయోగించుకొని యూట్యూబ్ చానెల్ ద్వారా మొత్తం 70,000 వేలమంది విద్యార్థులను సంపాధించుకుంది. 9వ తరగతి నుంచి 12 వతరగతి విద్యార్థులకు సంబంధించిన బోధనాంశాలతో మొత్తం 3,900 వీడియోలను యూట్యూబ్లో అందుబాటులో ఉంచింది.
 2011లో ఎగ్జామ్ ఫియర్ డాట్ కామ్
 ఫిజిక్స్ విభాగంలో మాస్టర్ డిగ్రీ సాధించిన రోషిణి ముఖర్జీ 2011లో ఎగ్జామ్ ఫియర్ డాట్ కామ్ అనే ఆన్ లైన్ వెబ్ సైట్ను ప్రారంభించింది. దీనికి యూట్యూబ్ లింక్ చేసి మ్యాథ్స్, ఫిజిక్స్,  కెమిస్ట్రీ, బయాలజీ పాఠ్యాంశాలను విద్యార్థులకు ఉచితంగా అందించడం ప్రారంభించింది. అనతికాలంలోనే ఈ వెబ్సైట్ను సందర్శించేవారి సంఖ్య పెరిగి ప్రస్తుతం 70 వేలమంది విద్యార్థులు క్లాసు రూముల్లో బోధించిన పాఠాలకు సంబంధించి ఎలాంటి అనుమానాలున్న రోషిణి సహాయంతో బయటపడుతున్నారు. ఎగ్జామ్స్ అంటే మాకు ఎలాంటి భయం లేదని చెప్తున్నారు.  
 'నాకున్న పవిత్రమైన ప్యాషన్ ఎగ్జామ్ ఫియర్ను ప్రారంభించేలా చేసింది. చాలా పాఠశాలలు నాణ్యమైన విద్యను ఎక్కువ ఖర్చుచేస్తే తప్ప అందించడం లేదని నాకు తెలిసింది. అలాగే, తక్కువ ఖర్చుతో దొరికే విద్యలో నాణ్యత లేదని కూడా తెలిసింది. అందుకే ట్యూషన్ ఫీజులు భరించలేని పేద విద్యార్థుల కోసం ఈ సైట్ ప్రారంభించాను' అని రోషిణి చెప్పింది.


  నటుడు కమల్ హాసన్‌ను ఉలగ నాయగన్ (విశ్వ నాయకుడు) అని ఆయన అభిమానులు పిలుచుకుంటారు. అదే పేరుతో ఆయనిప్పుడు యు ట్యూబ్ చానల్ ప్రారంభించారు. ప్రముఖ హాలీవుడ్ నిర్మాత పెరి ఓస్పోన్ కోరిక మేరకు కమల్ యు ట్యూబ్ ఛానల్‌ను ప్రారంభించడం విశేషం. దిలాడ్స్ ఆఫ్ ది రింగ్స్ చిత్ర నిర్మాత పెరి ఓస్పోన్ కమల్‌హాసన్ గురించి మాట్లాడుతూ సినిమా, సాహిత్యం చిత్ర నిర్మాణం, దర్శకత్వం అంటూ పలు విభాగాల్లో నిష్ణాతుడైన కమల్ హాసన్ ఆయన ప్రతిభాపాటవాలను, అనుభవాలను ఇతరులు తెలుసుకునే విధంగా ఒక చానల్‌ను ప్రారంభిస్తే బాగుంటుందనే కోరికను వెలిబుచ్చారట.
 
  ఆయన ఆకాంక్ష మేరకు కమల్ ఉలగనాయకన్ యు ట్యూబ్ పేరుతో ఇంటర్నెట్‌లో ఒక యు ట్యూబ్ చానల్‌ను ప్రారంభించారు. యూట్యూబ్‌లో 2500 మంది చందాదారులుగాను, 75వేల మంది వీక్షకులుగాను చేరడం విశేషం. ది విలాక్ (విడియోలాక్) కెవాయ్ మొళి అనే బ్లాక్‌లో కమల్ హాసన్ తన అభిప్రాయాలను, అనుభవాలకు పొందుపరుస్తుంటారు. తన కవితలను, సాహిత్యానికి చెందిన విశేషాలను పొందుపరుస్తున్నారు. అభిమానుల ప్రశ్నలకు ఆయన సమాధానాలు ఇస్తుంటారు.
  


 సంకల్పమనే ఇంధనం రగిలితే.. తపన ప్రజ్వలిస్తే.. ఆశయాలు రెక్కలు తొడిగితే.. ఆకాశమే హద్దుగా యువత చెలరేగిపోతుంది. చేతులే తెడ్లుగా కల్లోల కడలిని కూడా అవలీలగా ఈది పారేస్తుంది. అందుకు ఆ నలుగురే నిదర్శనం. తమ కాన్సెప్ట్ ఫార్ములాకు డిజిటల్ అస్త్రం జోడించి మరీ దూసుకుపోతున్నారు వీరు. ‘వింగ్స్ అండ్ ఓర్స్ డాట్ కామ్’ యూట్యూబ్ చానల్ రూపొందించి ‘డిజిటల్ లెర్నింగ్ ’ పేరుతో ఈ తరానికి కావాల్సిన విజ్ఞానాన్ని అందరికీ చేరుస్తున్నారు.
  
  విద్యావేత్తల చర్చలు, శాస్త్రజ్ఞుల ప్రసంగాలు, ఆర్థిక మేధావుల కాన్ఫరెన్స్‌లు కొందరికే పరిమితమవుతున్నాయి. వాటిని అందరికీ అందుబాటులోకి తేవాలన్న ఓ నలుగురు విద్యార్థుల ఆలోచనే ‘వింగ్స్ అండ్ ఓర్స్ డాట్ కామ్’ యూట్యూబ్ చానల్. గౌత మి చల్లగుల్ల, మణికృష్ణ, శ్రీనివాస్, సాగర్‌వర్మ.. అందరూ పీజీ చేసిన వారే. గౌతమి ఇంజనీరింగ్ పూర్తయ్యాక అమెరికాలో కొన్నాళ్లు సాఫ్ట్‌వేర్ ఇంజనీర్‌గా పనిచేశారు. సమాజానికి ఉపయోగపడే పని చేయాలనే ఉద్దేశంతో తిరిగి ఇండియాకి వచ్చారు. ఆమె ఆలోచనకు ఈ ముగ్గురు స్నేహితులు తోడయ్యారు. వీడియోగ్రఫీ ఆయుధంగా డిజిటల్ లెర్నింగ్‌పై దృష్టి సారించారు.
  
  ఎక్స్‌ట్రా నాలెడ్జ్..
  హైదరాబాద్ సెంట్రల్ యూనివర్సిటీలో చదువుకున్న మిత్ర చతుష్టయం.. అక్కడి నుంచే ఈ కార్యానికి శ్రీకారం చుట్టింది. వర్సిటీలోని అన్ని డిపార్ట్‌మెంట్లపై డాక్యుమెంటరీలు రూపొందించి యూట్యూబ్ చానల్‌లో పోస్ట్ చేసింది. వర్సిటీకి వచ్చే ప్రముఖుల ప్రసంగాలు చిత్రీకరించి.. తమ క్రియేటివిటీతో వాటికి అనుబంధంగా ఇతర అంశాలను జోడించి నిండుదనం తెచ్చారు. పవర్ పాయింట్ ప్రెజెంటేషన్ మొదలు యానిమేషన్ వరకూ అన్ని రకాల డిజిటల్ సాఫ్ట్‌వేర్లను వాడారు.  
  
  ఆల్ యాంగిల్స్..
  యూనివర్సిటీల్లో జరిగే ప్రసంగాలు, కాన్ఫరెన్స్‌లతో మొదలైన వీరి కెమెరా పనితనం.. తర్వాత విభిన్న రంగాలపై ఫోకస్ చేసింది. ఇటీవల బిర్లా  ప్లానెటోరియంలో జరిగిన సైన్స్ ఎగ్జిబిట్స్‌పై ప్రత్యేక చిత్రాలు రూపొందించారు. శాస్త్రవేత్తల సలహా సూచనలతో వీడియోలు రూపొందించి చానల్‌లో పోస్ట్ చేశారు. ఇండియన్ అకాడమీ ఆఫ్ సైన్స్ తరఫున ప్రముఖ శాస్త్రవేత్తల బయోగ్రఫీలను లఘు చిత్రాలుగా మలి చారు. సిటీలో జరిగే కొన్ని ప్రత్యేక సమావేశాలను షూట్ చేసి.. వాటికి అదనపు సమాచారాన్ని కూర్చి స్పెషల్ స్టోరీలు రూపొందించారు. ఫ్యూచర్‌లో అన్ని వర్సిటీల్లో తమ టీం ఉంటుందని చెబుతున్నారు.
  
  పేషెంట్ వర్షన్..
  మృత్యువుతో పోరాడి బయటపడిన ఓ రోగి అనుభవాలు ఎందరికో ధైర్యాన్నిస్తాయి. అందుకే ఈసారి ఈ బృందం దేశవ్యాప్తంగా ఉన్న అన్ని కేర్ ఆస్పత్రి సెంటర్లకు వెళ్లి.. దాదాపు 300 మంది రోగులను పలకరించింది. వారిలో వంద మంది ఇంటర్వ్యూలను చిత్రీకరించింది. ఈ వీడియోలు కేర్ ఆస్పత్రి వెబ్‌సైట్‌లో అందుబాటులో ఉన్నాయి. ‘రోగుల ద్వారా జబ్బులపై అవగాహన కల్పించాలని ఈ ప్రాజెక్ట్ చేపట్టాం’ అని చెబుతారు ఆ నలుగురు.
  
  షార్ట్ అండ్ షార్ప్
  డిజిటల్ లెర్నింగ్ పేరుతో ఎడ్యుకేషన్‌కు సంబంధించిన ఫిల్మ్‌లే కాదు.. అప్పుడప్పుడూ ఇతర అంశాలపైనా షార్ట్‌ఫిల్మ్‌లు తీసి శభాష్ అనిపించుకుంటుంది ఈ టీమ్. చెన్నైలో నటి రేవతి నేతృత్వంలోని ‘ఎబిలిటీ’ అనే స్వచ్ఛంద సంస్థ ఫిల్మ్ ఫెస్టివల్‌కు వీళ్లు పంపిన లఘుచిత్రం ‘మై బ్రదర్ నవనీత్’ నేషనల్ అవార్డ్ సాధించింది. ఆల్ ఇండియా లెవల్లో ఈ పొట్టి చిత్రం రెండో బహుమతి పొందింది. ‘ఈ చిత్రాన్ని ఎంపిక చేసిన జ్యూరీలో డెరైక్టర్ మణిరత్నం కూడా ఉన్నారు. అది తలుచుకుంటేనే చాలా ఆనందం వేస్తుంది’ అని అంటుంది గౌతమి అండ్ కో. వీడియోల ద్వారా విజ్ఞానాన్ని సరికొత్తగా అందిస్తున్న వీరికి మనం కూడా
  హ్యాట్సాఫ్ చెబుదాం.
  -  భువనేశ్వరి
  ఫొటో: ఎన్.రాజే ష్‌రెడ్డి
  


 ఇంటర్నెట్  విస్తృతం అయ్యాక ప్రతిభ, దాన్ని ఉపయోగించుకొనే తెలివితేటలు ఉంటే చాలు.. డబ్బు, పేరు ప్రఖ్యాతులు తేలిగ్గా సంపాదించవచ్చు... ఈ మాటకు నిలువెత్తు నిదర్శనంలా ఉంటాడు ఇవాన్. పేరు చూస్తే రష్యావాడనిపిస్తుంది కానీ.. ఇతడి వివరాలు తెలిసింది తక్కువమందికే. కానీ వీడియోలు వీక్షించిన వారు మాత్రం కోట్ల మంది ఉన్నారు. యూట్యూబ్‌లో ఇప్పుడు సెలబ్రిటీగా మారిపోయాడు ఈ బుడ్డోడు. ఇతడి వీడియోలకు కోట్ల కొద్దీ వీక్షణలున్నాయి. సొంతంగా యూట్యూబ్ ఛానల్ మొదలు పెట్టి వీడియోలను అప్‌లోడ్ చేస్తున్న ఇవాన్ కేవలం ఏడాదిలోనే  ఎనిమిది కోట్ల రూపాయలు సంపాదించాడు.ఇవాన్ చేసేదల్లా ఏమీలేదు... రకరకాల, కొత్త కొత్త ఆటబొమ్మలతో ఆడి చూపించడమే. వాటి గురించి తన అభిప్రాయాలను రివ్యూలుగా చెప్పడమే.
  
 అలా ఇవాన్ చెప్పే రివ్యూలను తండ్రి వీడియోలుగా చిత్రీకరించి యూట్యూబ్‌లోకి అప్‌లోడ్‌చేయసాగాడు. దాదాపు ఏడాది క్రితం ఈ పని మొదలు పెట్టాడాయన. బహుశా ఇలాంటి ఐడియాలు మరెవరికీ రాకపోవడం వల్లనేమో కానీ ఇవాన్ యూట్యూబ్ ఛానల్ సూపర్ హిట్ అయ్యింది. వీక్షించే వారి సంఖ్య అమాంతం పెరిగిపోయింది. వీక్షకుల సంఖ్య పెరగడంతో యాడ్స్ వచ్చాయి. ఏడాది కాలంలో ఆ యాడ్స్ ద్వారా సమకూరిన ఆదాయమే ఎనిమిది కోట్లు! ఎనిమిదేళ్ల వయసు వచ్చేసరికి ఇవాన్ సంపాదించిన మొత్తం అది.
  
 వీక్షకుల సంఖ్య పరంగా చూసుకొంటే ఇవాన్ ఛానల్ అతిరథ మహారథుల యూట్యూబ్ ఛానళ్లతో పోటీ పడుతోంది. ఇఎస్‌పీఎన్ నెట్‌వర్క్ వారు యూట్యూబ్‌లోకి అప్‌లోడ్ చేసే వీడియోలను చూస్తున్న వారి సంఖ్య ఏడాదికి 328 మిలియన్లు.. 280 మిలియన్ల వ్యూస్‌తో ఆ తర్వాతి స్థానాల్లో ఉంది ఇవాన్ యూట్యూబ్ ఛానల్. కెటీపెర్రీ యూట్యూబ్ ఛానల్‌కు 272 మిలియన్ల మంది వ్యూయర్లు ఉన్నారు. ఆమె ఛానల్ కన్నా ఎక్కువ ఆదరణ ఉండటం ఈ బుడ్డోడి ప్రతిభా స్థాయికి రుజువు!


 ముంబై:  వీడియో షేరింగ్ వెబ్‌సైట్, యూట్యూబ్‌లో బ్యాంకింగ్ దిగ్గజం, స్టేట్ బ్యాంక్ ఆఫ్ ఇండియా(ఎస్‌బీఐ)తన చానల్‌ను గురువారం ప్రారంభించింది. త్వరలో మైక్రో-బ్లాగింగ్ సైట్ ట్విట్టర్‌లో కూడా ప్రవేశిస్తామని  తద్వారా సోషల్ నెట్‌వర్కింగ్ సైట్లకు మరింతగా విస్తరిస్తామని ఎస్‌బీఐ చైర్‌పర్సన్ అరుంధతీ భట్టాచార్య పేర్కొన్నారు. ప్రారంభంలో ఈ యూట్యూబ్ చానెల్‌లో  బ్యాంక్ సంబంధిత వివరాలు. అందిస్తున్న సర్వీసులు, ఇతర సమాచారాన్ని అందిస్తామని వివరించారు. ఆ తర్వాత బ్యాంక్ చేపడుతున్న ధార్మిక కార్యక్రమాలను కూడా పొందుపరుస్తామని పేర్కొన్నారు. ఎస్‌బీఐ గతేడాది నవంబర్‌లోనే ఫేస్‌బుక్‌లో ప్రవేశించిన సంగతి తెలిసిందే. 200 ఏళ్ల చరిత్ర ఉన్న ఎస్‌బీఐ 15 వేల బ్రాంచీలతో 43 వేల ఏటీఎంలతో కార్యకలాపాలు నిర్వహిస్తోంది.