సెల్ఫీ దిగి.. ఆత్మహత్యాయత్నం చేసిన మహిళ

సాక్షి, విజయవాడ : భర్తతో విభేదాల కారణంగా వివాహిత ఆత్మహత్యాయత్నానికి పాల్పడిన ఘటన మంగళవారం కృష్ణలంకలో చోటుచేసుకుంది. వివరాల్లోకి వెళితే.. కృష్ణలంకకు చెందిన మహేశ్వరికి తరచూ ఆమె భర్తతో గొడవలు జరుగుతుండేవి. ఈ నేపథ్యంలో జీవితం పై విరక్తి చెందిన ఆమె ఆత్మహత్య చేసుకునేందుకు రైల్వే వంతెన పైకి చేరుకొంది. ఆత్మహత్యకు ముందు సెల్ఫీ వీడియోలు దిగి మహేశ్వరి తన స్నేహితులకు పంపించింది. ఆ వీడియోలు చూసిన ఆమె స్నేహితులు కృష్ణలంక పోలీసులకు సమాచారం అందించారు. వెంటనే అక్కడికి చేరుకున్న పోలీసులు ఆమెను రక్షించి భర్త, కుటుంబసభ్యులను పిలిపించి వారి సమక్షంలో కౌన్సెలింగ్‌ నిర్వహించారు.