చిన్నారి తుపాకీ నొక్కడంతో తల్లి మృతి

లాస్ ఏంజెలిస్: అమెరికాలో విషాదం చోటుచేసుకుంది. అభంశుభం తెలియని రెండేళ్ల బాబు ప్రమాదవశాత్తు తుపాకీని నొక్కడంతో, అతడి తల్లి మరణించింది. ఈ ఘటన ఇదహో రాష్ట్రంలోని హేడెన్ నగరంలో జరిగింది. ఆమెను వెరోనికా రుట్లెడ్జ్ (29)గా గుర్తించారు. వెరోనికా మంగళవారం నలుగురు చిన్నారులతో కలిసి వాల్‌మార్ట్ దుకాణంలో షాపింగ్ చేస్తుండగా ఈ దుర్ఘటన చోటుచేసుకుంది.

దుకాణంలో ట్రాలీలో కూర్చున్న ఆమె రెండేళ్ల కొడుకు తల్లి పర్సు నుంచి తుపాకీని తీసి నొక్కడంతో ఈ ప్రమాదం జరిగిందని పోలీసులు చెప్పారు. చిన్నారులంతా 11 ఏళ్లలోపువారేనని తెలిపారు. ఆమె స్థానికురాలు కాదని, వేరే రాష్ట్రం నుంచి విహారం కోసం వచ్చారని చెప్పారు. ప్రమాదం జరిగిన వెంటనే వాల్‌మార్ట్ దుకాణాన్ని మూసివేశారు.