హైదరాబాద్: ఆలిండియా బుచ్చిబాబు ఇన్విటేషన్ క్రికెట్ టోర్నీ తొలిరోజు ఆటలో హైదరాబాద్ ఎలెవన్ బౌలర్లు విఫలమవడంతో తమిళనాడు క్రికెట్ సంఘం (టీఎస్‌సీఏ) భారీ స్కోరును చేసింది.
  
 శుక్రవారం తొలుత బ్యాటింగ్‌కు దిగిన టీఎన్‌సీఏ ఎలెవన్ 90 ఓవర్లలో 3 వికెట్ల నష్టానికి 410 పరుగులు చేసింది. భరత్ శంకర్ (119), ముకుంద్ (136) సెంచరీలతో కదం తొక్కగా... శ్రీధర్ రాజు (90), రాహుల్ (56 నాటౌట్) అర్ధసెంచరీలతో ఆకట్టుకున్నారు. హైదరాబాద్ ఎలెవన్ బౌలర్లలో కిరణ్, మెహదీ హసన్, ఆకాశ్ బండారి తలో వికెట్ తీశారు.