బార్మర్: రాజస్థాన్‌లోని బార్మర్ ఎంపీ సోనారామ్ చౌదరిపై ఓ యువకుడు చేయి చేసుకున్నాడు. సోమవారం బార్మర్‌లో జరిపిన పెళ్లికి ఎంపీ హాజరవగా ఆయనతో ఏదో విషయమై ఖర్తారం అనే యువకుడు వాగ్వాదానికి దిగాడు.
 
 ఆవేశానికి లోనై ఆయన చెంప చెళ్లుమనిపించి పరారయ్యాడు. జిల్లా కలెక్టర్ సహా ఇతర ఉన్నతాధికారుల సమక్షంలోనే ఈ దాడి జరగడంతో వెంటనే రంగంలోకి దిగిన పోలీసులు అతన్ని పట్టుకుని అరెస్టు చేశారు.