హైదరాబాద్‌: జల్సాలకు అలవాటు పడి పార్కింగ్ చేసిన ఖరీదైన ద్విచక్ర వాహనాలను అపహరించి తక్కువ మొత్తంలో విక్రయించి వచ్చిన సొమ్ముతో జల్సాలకు చేస్తున్న నలుగురిని పోలీసులు అదుపులోకి తీసుకున్నారు. వారి వద్ద నుంచి సుమరు రూ. 8 లక్షల విలువైన 11 ద్విచక్రవాహనాలను స్వాధీనం చేసుకున్నారు. స్వాధీనం చేసుకున్న వాటిలో ఓ ఎస్సై వాహనం కూడా ఉండటం గమనార్హం. అదుపులోకి తీసుకున్న నిందితుల్లో ముగ్గురు విద్యార్థులు కాగా.. ఓ కారు డ్రైవర్‌ ఉన్నాడు. వీరిని శనివారం రిమాండ్‌కు తరలించినట్లు సైదాబాద్‌ పోలీసులు తెలిపారు. 


 జనగామ: పార్క్ చేసి ఉన్న ద్విచక్రవాహనాలను టార్గెట్‌గా చేసుకొని చోరీలకు పాల్పడుతున్న యువకుడిని పోలీసులు అదుపులోకి తీసుకున్నారు. అతని వద్ద నుంచి నాలుగు ద్విచక్రవాహనాలు స్వాధీనం చేసుకున్నారు. స్థానికంగా నివాసముంటున్న యాట రమేష్ జల్సాలకు అలవాటు పడి చోరీల బాట పట్టాడు. ఈ క్రమంలో పార్క్ చేసి ఉన్న నాలుగు ద్విచక్రవాహనాలను అపహరించాడు. బైక్ చోరీలపై ఫిర్యాదులు అందడంతో రంగంలోకి దిగిన పోలీసులు అతన్ని శనివారం అరెస్ట్ చేశారు.