అనంతపురం సెంట్రల్‌ : జిల్లా ఎస్పీగా నియమితులైన జీవీజీ అశోక్‌కుమార్‌ సోమవారం భాధ్యతలు తీసుకోనున్నారని ఎస్పీ కార్యాలయ వర్గాలు వెల్లడించాయి. విజయవాడ డీసీపీగా పనిచేస్తున్న ఆయన్ను ప్రభుత్వం ఇటీవల జిల్లా ఎస్పీగా బదిలీ చేసిన విషయం తెల్సిందే. దీంతో సోమవారం ఆయన జిల్లాకు చేరుకుని బాధ్యతలు తీసుకోనున్నారని పోలీసు వర్గాలు వెల్లడించాయి. కాగా ఇక్కడ పనిచేస్తున్న ఎస్పీ రాజశేఖరబాబు చిత్తూరుకు బదిలీ అయ్యారు. ఇప్పటికే ఆయన విధుల నుంచి రిలీవ్‌ అయ్యారు.