న్యూఢిల్లీ : ఆమ్ ఆద్మీ పార్టీ అభ్యర్థి నరేష్ బల్యాన్ నివాసంపై ఎన్నికల కమిషన్ అధికారులు శనివారం దాడులు నిర్వహించారు. ఢిల్లీలోని ఆయన ఇంట్లో సోదాలు చేపట్టిన అధికారులు పెద్ద ఎత్తున మద్యం బాటిల్స్ను స్వాధీనం చేసుకున్నారు. సుమారు 5వేల మద్యం సీసాలను స్వాధీనం చేసుకున్న అధికారులు నరేష్ బల్యాన్పై ఎఫ్ఐఆర్ నమోదు చేశారు. ఎన్నికల నిబంధనలకు విరుద్ధంగా అక్రమంగా మద్యం నిల్వ చేసిందుకు ఈ మేరకు చర్యలు తీసుకున్నారు.  నరేష్ బల్యాన్ ఢిల్లీ అసెంబ్లీ ఎన్నికల్లో ఉత్తమ్ నగర్ నుంచి పోటీ చేస్తున్నారు. ఢిల్లీ అసెంబ్లీ ఎన్నికలు ఫిబ్రవరి 7న జరగనున్నాయి.