‘లీడర్‌’ సినిమాతో ఫిల్మ్‌ ఇండస్ట్రీలో ఎంట్రీ ఇచ్చిన రానా దగ్గుబాటి కేవలం హీరో పాత్రలే కాకుండా విలన్‌ పాత్రలు చేస్తూ ప్రత్యేక గుర్తింపును తెచ్చుకున్నాడు. టాలీవుడ్‌తో పాటు తమిళ, మలయాళం, హిందీ భాషల్లో నటిస్తూ బిజీగా ఉన్నారు. ఆరోగ్య సమస్యల కారణంగా కొంతకాలం సినిమాలకు దూరంగా ఉన్న రానా తాజాగా బహు భాషా చిత్రంగా రూపొందుతున్న ‘హాథీ మేరే సాథీ’ సినిమాలో నటిస్తున్నాడు. ఈరోస్‌ ఇంటర్నేషనల్‌ పతాకంపై ప్రభు సాల్మన్‌ దర్శకత్వంలో రూపొందుతోంది. జంతువులు-మానవుల మధ్య సంబంధాల్ని ప్రతిబింబించే వాస్తవ కథాంశాలతో ఈ మూవీ తెరకెక్కుతోంది. ఈ సినిమా హిందీలో ‘హాథీ మేరే సాథీ’, తెలుగులో ‘అరణ్య’గా, తమిళంలో ‘కాదన్‌’గా ప్రేక్షకుల ముందుకు రానుంది. (కేరాఫ్‌ కేరళ అడవులు). ఈ సినిమా అధిక భాగాన్ని కేరళ అడవుల్లో చిత్రీకరించారు. ఆస్కార్‌ విజేత రసూల్‌  సౌండ్‌ ఇంజినీర్‌గా పనిచేశాడు. ఇటీవలే షూటింగ్‌ పూర్తి చేసుకున్న ఈ సినిమా పోస్ట్‌ ప్రొడక్షన్‌ పనులు జరుపుకుంటోంది. తాజాగా సినిమాలో రానా పాత్రకు సంబంధించిన ఫస్ట్‌ లుక్‌ పోస్టర్‌ను విడుదల చేశారు. ఇందులో రానా డిఫరెంట్‌ వేషధారణ, హావభావాలతో అగ్రెసివ్‌గా కనిపిస్తున్నారు. రౌద్రంగా.. కన్నెర్ర చేస్తూ యుద్ధానికి సిద్ధంగా ఉన్నట్లు కనిపిస్తున్నారు. రానా ఫస్ట్‌ లుక్‌తో అభిమానులకు సినిమా అంచనాలు మరింత పెంచాయి. జోయా హుస్సేన్‌, శ్రియా పిల్లావుంకర్‌, పుల్‌కిత్‌ సామ్రాట్‌, విష్ణు విశాల్‌ కీలక పాత్రల్లో నటిస్తున్నారు. ఇక ఈ సినిమా అన్ని భాషల్లో ఏప్రిల్‌ 2న విడుదల కానుంది. అలాగే గుణశేఖర్‌ దర్శకత్వంలో తెరకెక్కనున్న మైథాలజీ మూవీ ‘హిరణ్యకశ్యప’ లో రానా నటించనున్నారు. (బాహుబలి కంటే గొప్పగా...) Release date finalized... #HaathiMereSaathi to release on 2 April 2020... Will also release simultaneously in #Tamil and #Telugu... Stars #RanaDaggubati... Directed by Prabu Solomon... Produced by Eros International. pic.twitter.com/WHS9PTighw — taran adarsh (@taran_adarsh) February 10, 2020

సౌత్ నార్త్‌ అన్న తేడా లేకుండా అన్ని భాషల్లో వరుస సినిమాలు చేస్తూ సత్తా చాటిన స్టార్ వారసుడు రానా. కెరీర్‌ స్టార్టింగ్‌ నుంచి హీరో అన్న ఇమేజ్‌లో ఫిక్స్‌ అవ్వకుండా విలన్‌, క్యారెక్టర్‌ రోల్స్‌ కూడా చేస్తూ తన కంటూ ప్రత్యేక గుర్తింపు తెచ్చుకున్నాడు రానా. ప్రస్తుతం రానా బహు భాషా చిత్రంగా తెరకెక్కుతున్న హాథీమేరి సాథీ సినిమాలో నటిస్తున్నాడు. తాజాగా ఈ సినిమా షూటింగ్‌కు సంబంధించిన ఫోటో ఒకటి సోషల్‌ మీడియాలో వైరల్‌గా మారింది. ఈ పిక్‌లో రానా బాగా పెరిగిన గెడ్డంతో వయసైన వ్యక్తిలా కనిపిస్తున్నాడు. ఇటీవల ఎన్టీఆర్ బయోపిక్‌లో నీట్‌ షేవ్‌తో కనిపించిన రానా ఇప్పుడు పూర్తిగా మారిపోయిన ఓ అడవి మనిషిలా కనిపిస్తున్నాడు. ఈ సినిమా తరువాత పీరియాడిక్‌ డ్రామాగా తెరకెక్కనున్న విరాటపర్వం సినిమాలో నటించనున్నాడు రానా. అంతేకాదు గుణశేఖర్‌ దర్శకత్వంలో భారీ బడ్జెట్‌తో హిరణ్యకశ్యప అనే పౌరాణిక చిత్రాన్ని స్వయంగా నిర్మించేందుకు రెడీ అవుతున్నాడు.

సౌత్ నార్త్‌ అన్న తేడా లేకుండా అన్ని భాషల్లో వరుస సినిమాలు చేస్తూ సత్తా చాటిన స్టార్ వారసుడు రానా. కెరీర్‌ స్టార్టింగ్‌ నుంచి హీరో అన్న ఇమేజ్‌లో ఫిక్స్‌ అవ్వకుండా విలన్‌, క్యారెక్టర్‌ రోల్స్‌ కూడా చేస్తూ తన కంటూ ప్రత్యేక గుర్తింపు తెచ్చుకున్నాడు రానా. బాహుబలి సినిమాతో రానా ఇమేజ్‌ తారా స్థాయికి చేరింది. కానీ బాహుబలి తరువాత రానా స్పీడు తగ్గించేశాడు. కొద్ది రోజులు క్రితం రానా ఆరోగ్య పరిస్థితి పై రకరకాల వార్తలు వినిపించాయి. రానా తండ్రి సురేష్‌ బాబు కూడా రానా చిన్న ఆరోగ్య సమస్యతో ఇబ్బంది పడుతున్నట్టుగా వెల్లడించారు. తాజాగా రానా హైదరాబాద్‌ ఎయిర్‌పోర్ట్‌లో మీడియా కం‍టపడ్డాడు. ఈ ఫోటోల్లో రానా లుక్‌ మరోసారి చర్చకు దారి తీస్తోంది. బాగా సన్నబడ్డ రానాను చూసి అభిమానులు షాక్‌ అవుతున్నారు. ప్రస్తుతం హాథీ మేరే సాథీ, విరాటపర్వం సినిమాల్లో నటిస్తున్న రానా ఆ సినిమాల కోసం ఇలా బరువు తగ్గాడా? లేక హెల్త్‌ ప్రాబ్లం కారణంగా తగ్గాడా? అని చర్చించుకుంటున్నారు. మరి ఈ వార్తలపై రానా ఎప్పుడు స్పందిస్తాడో చూడాలి.

సౌత్‌, నార్త్‌ అన్న తేడా లేకుండా అన్ని భాషల్లోనూ వరుస సినిమాలతో దూసుకుపోతున్న దక్షిణాది నటుడు రానా. బాహుబలి సినిమాతో అంతర్జాతీయ స్థాయిలో గుర్తింపు తెచ్చుకున్న రానా, ప్రస్తుతం బహుభాషా చిత్రాలుగా తెరకెక్కుతున్న హాథీ మేరి సాథి, రాజా మార్తాండ వర్మ సినిమాల్లో నటిస్తున్నాడు. మరికొన్ని ఇంట్రస్టింగ్‌ సినిమాలకు చేతిలో ఉన్న రానాకు హాలీవుడ్‌ నుంచి పిలుపు వచ్చినట్టుగా తెలుస్తోంది. ఓ హాలీవుడ్‌ యాక్షన్‌ మూవీలో అతిథి పాత్ర కోసం రానాను సంప్రదించారట. అయితే ఇప్పటికే వరుస సినిమాలతో బిజీగా ఉన్న రానా, ప్రస్తుతానికి హాలీవుడ్ ప్రాజెక్ట్‌ను పెండింగ్‌లో పెట్టినట్టుగా తెలుస్తోంది. సెట్స్‌మీద ఉన్న సినిమాలు ఓ కొలిక్కి వచ్చిన తరువాత డేట్స్‌ అడ్జస్ట్ అయితే హాలీవుడ్‌ సినిమాలో నటించే ఆలోచనలో ఉన్నాడట. రానా కీలక పాత్రలో నటించిన యన్‌.టి.ఆర్‌ మహానాయకుడు త్వరలో ప్రేక్షకుల ముందుకు రానుంది.

సౌత్ నార్త్‌ అన్న తేడా లేకుండా వరుస సినిమాలతో దూసుకుపోతున్న యంగ్‌ హీరో రానా ప్రస్తుతం పీరియాడిక్‌ జానర్‌లో తెరకెక్కుతున్న హాథీ మేరీ సాథీ సినిమాలో నటిస్తున్నాడు. ఫారెస్ట్ బ్యాక్‌డ్రాప్‌లో తెరకెక్కుతున్న ఈ సినిమాకు తెలుగులో అరణ్య అనే టైటిల్‌ను ఫిక్స్‌ చేశారు. ప్రస్తుతం షూటింగ్ జరుపుకుంటున్న ఈ సినిమాలో రానాకు జోడీగా బాలీవుడ్‌ బ్యూటీ నటించనుందన్న టాక్‌ వినిపిస్తోంది. బాలీవుడ్‌లో విభిన్న పాత్రల్లో ఆకట్టుకున్న కల్కి కొచ్చిన్‌, అరణ్యలో రానాకు జోడీగా నటించనుంది. పాండిచ్చేరిలో పుట్టి పెరిగిన కల్కికి తమిళ్ చాలా బాగా వచ్చు. అందుకే సౌత్‌ సినిమాలో అవకాశం వచ్చిన వెంటనే ఒప్పేసుకుంది.

ప్రముఖ కథనాయకుడు దగ్గుబాటి రానా కంటి ఆపరేషన్‌కు సిద్ధమవుతున్నారు. ఈ విషయాన్ని ఆయన తండ్రి సురేశ్‌ బాబు వెల్లడించారు. రానా కుడి కన్నుకు గతంలో ఓ హాస్పిటల్‌లో చికిత్స నిర్వహించారు. కాగా కొద్ది రోజులగా తీవ్రమైన నొప్పితో బాధపడుతున్న రానా ఈ సారి విదేశాల్లో చికిత్స చేయించుకోనున్నారు.  చికిత్స నిమిత్తం సెట్స్‌పై ఉన్న షూటింగ్‌లకు విరామం ఇచ్చారు. రానా ప్రస్తుతం పీరియాడిక్‌ జానర్‌లో తెరకెక్కుత్తున్న 1945, హథీ మేరీ సాథీ, రాజా మార్తండ వర్మ చిత్రాల్లో నటిస్తున్నారు.  

కేరళలో ఉన్న బందేవ్‌ నెక్ట్స్‌ ఢిల్లీ వెళతాడట. అంతకు ముందు బందేవ్‌ థాయ్‌ల్యాండ్‌ నుంచి కేరళకు వచ్చిన సంగతి తెలిసిందే. ఇంతకీ.. బందేవ్‌ అంటే గుర్తుండే ఉంటుంది. అదేనండీ.. ‘హాథీ మేరే సాథీ’ చిత్రంలో రానా పోషిస్తున్న పాత్ర పేరే బందేవ్‌. తమిళ డైరెక్టర్‌ ప్రభు సాల్మన్‌ దర్శకత్వంలో రానా హీరోగా ప్రకృతి, ఏనుగులతో మనుషుల సాన్నిహిత్యం నేపథ్యంలో హిందీ, తెలుగు, తమిళ భాషల్లో రూపొందుతున్న చిత్రం ‘హాథీ మేరే సాథీ’. ఇంకా  తెలుగు, తమిళ టైటిల్స్‌ను ప్రకటించాల్సి ఉంది. తెలుగులో ‘అడవి రాముడు’ అనే టైటిల్‌ అనుకుంటున్నారని వార్తలు వచ్చిన సంగతి తెలిసిందే. తమిళ నటుడు విష్ణు విశాల్‌ తమిళ, తెలుగు వెర్షన్స్‌లో కీలక పాత్ర చేస్తున్నారు. ‘‘మున్నార్‌లో ఫస్ట్‌ షెడ్యూల్‌ పూర్తి చేశా. ప్రభు సాల్మన్‌గారితో వర్క్‌ చేయడం గ్రేట్‌ ఎక్స్‌పీరియన్స్‌. ఈ సినిమాతో నేను తెలుగు తెరకు పరిచయం కానుండటం రొంబ (చాలా) హ్యాపీగా  ఉంది. అలాగే తమిళ వెర్షన్‌కు ‘కుమ్‌కీ 2’ అనే టైటిల్‌ పెట్టబోతున్నారన్న వార్తల్లో నిజం లేదు. ఇది రీమేక్‌ కాదు. ఫ్రెష్‌ స్క్రిప్ట్‌’’ అన్నారు విష్ణు విశాల్‌. ఈ సినిమాను ఈ ఏడాది దీపావళికి రిలీజ్‌ చేస్తారన్న వార్తలు వినిపిస్తున్నాయి.  

ట్రాఫిక్‌ గొడవే లేదు. పొల్యూషన్‌ ప్రాబ్లమ్‌ లేదు. ప్రశాంతంగా ఉండే ఏరియాకి వెళ్లారు బందేవ్‌. ఇంతకీ  బందేవ్‌ ఎవరు? అంటే.. మన టాలీవుడ్‌ హీరో రానానే. గజరాజుతో స్నేహం చేయడానికి బందేవ్‌ ఎక్కడికి వెళ్లాడో తెలుసా? థాయ్‌లాండ్‌లోని జంగిల్‌లోకి వెళ్లాడు. నెల రోజులు అక్కడే ఉంటారట. ప్రభు సాల్మన్‌ దర్వకత్వంలో రానా హీరోగా తెలుగు, తమిళ్, హిందీ భాషల్లో ఓ సినిమా రూపొందనున్న సంగతి తెలిసిందే. హిందీలో ‘హథీ మేరే సాథీ’ అనే టైటిల్‌ను ఖరారు చేశారు. తెలుగులో ‘అడివిరాముడు’ అనే టైటిల్‌ పరిశీలనలో ఉందన్న వార్తలు వినిపిస్తున్నాయి. న్యూ ఇయర్‌ సందర్భంగా ఈ సినిమా ఫస్ట్‌ లుక్‌ను రిలీజ్‌ చేసిన సంగతి తెలిసిందే. 1971లో రాజేష్‌ ఖన్నా హీరోగా వచ్చిన ‘హథీ మేరే సాథీ’ చిత్రానికి ఇది రీమేక్‌ అని సమాచారం. ఈ సినిమా షూటింగ్‌ కోసం థాయ్‌లాండ్‌ అడవిలోకి వెళ్లారట రానా. ‘‘హాథీ మేరే సాథీ’ చిత్రం కోసం థాయ్‌లాండ్స్‌లోని అడవికి వచ్చా. నెల రోజుల పాటు ఇక్కడే ఉంటాను’’ అని పేర్కొన్నారు రానా. అంటే.. వచ్చే నెల రోజులు జంగిల్‌ జిందగీ అన్నమాట. అదేనండీ.. అడవి జీవితం అంటున్నాం. ఈ సినిమాను ఈ ఏడాది దీపావళికి రిలీజ్‌ చేసేందుకు ప్లాన్‌ చేస్తున్నారట.

వరుసగా ఆసక్తికర సినిమాలను చేస్తూ ఆకట్టుకుంటున్న యంగ్ హీరో రానా. మరోక్రేజీ ప్రాజెక్ట్‌కు సైన్‌ చేశారన్న ప్రచారం జరుగుతోంది. ప్రస్తుతం 1945, హాథీ మేరీ సాథీ, రాజా మార్తండ వర్మ సినిమాలలో నటిస్తున్న రానా ఓ టాలీవుడ్ సీనియర్‌ దర్శకుడితో సినిమా చేయనున్నారన్న టాక్ వినిపిస్తోంది. ఇటీవల వరుస పరాజయాలతో కష్టాల్లో ఉన్న క్రియేటివ్‌ డైరెక్టర్ కృష్ణవంశీ రానా హీరోగా ఓ ఇంట్రస్టింగ్ సినిమాను ప్లాన్ చేస్తున్నారన్న టాక్ వినిపిస్తోంది. వరుస పరాజయాల తరువాత తిరిగి సత్తా చాటేందుకు ప్రయత్నిస్తున్న కృష్ణవంశీ, కొత్త సినిమాను భారీగా ప్లాన్ చేస్తున్నారు. ఈ సినిమాలో రానాతో పాటు తమిళ నటుడు మాధవన్‌ మరో కీలక పాత్రలో నటించనున్నారు. అంతేకాదు ఈ సినిమాలో మరో హీరో పాత్ర కూడా ఉంటుందని తెలుస్తోంది. ప్రస్తుతం చర్చల దశలో ఉన్న ఈ ప్రాజెక్ట్‌ పై త్వరలోనే క్లారిటీ వచ్చే అవకాశం ఉంది.

అంటే ఏనుగు దగ్గర అని అర్థం. అవును... రానా దాదాపు 20 రోజుల పాటు ఏనుగులకు దగ్గరగా ఉండబోతున్నారు. వాటితో ఫ్రెండ్‌షిప్‌ చేయనున్నారు. ఇదంతా ఎందుకు? అంటే.. తెలుగు, తమిళ. హిందీ భాషల్లో రూపొందనున్న ‘హాథీ మేరే సాథీ’ చిత్రం కోసం. ఇంకా తెలుగు, తమిళ వెర్షన్స్‌కి టైటిల్‌ కన్ఫార్మ్‌ చేయలేదు. తెలుగులో ‘అడవి రాముడు’ అని పెట్టాలనుకుంటున్నారట. త్వరలో ఈ చిత్రం షూటింగ్‌ని ప్రారంభించాలని చిత్రదర్శకుడు ప్రభు సాల్మన్‌ అనుకుంటున్నారు. ఏనుగులతో షూటింగ్‌ చేయాలి కాబట్టి, రానా ఇప్పటినుంచే వాటితో స్నేహం మొదలుపెట్టాలనుకున్నారట. దాదాపు 20 రోజుల పాటు ఎలిఫెంట్స్‌ యాక్టివిటీస్‌ తెలుసుకోవాలనుకుంటున్నారని సమాచారం. సినిమా ప్రారంభించేలోపు వాటితో స్నేహం కుదిరితే షూటింగ్‌ సజావుగా జరుగుతుంది కదా.

స్టార్ ఇమేజ్ తో సంబంధం లేకుండా విభిన్న పాత్రల్లో అలరిస్తున్న యంగ్ హీరో రానా జాతీయ నటుడిగా ఎదుగుతున్నాడు. ఇప్పటికే తెలుగుతో పాటు తమిళ, హిందీ భాషల్లో దూసుకుపోతున్న ఈ యంగ్ హీరో వరుసగా విభిన్నచిత్రాలు చేస్తూ అలరిస్తున్నాడు. ప్రస్తుతం పీరియాడిక్ జానర్ లో తెరకెక్కుతున్న 1945 సినిమాలో నటిస్తున్నాడు రానా. ఈ సినిమా పూర్తయిన వెంటనే బాలీవుడ్ క్లాసిక్ హాథీ మేరి సాథీకి రీమేక్ గా అదే పేరుతో తెరకెక్కుతున్న సినిమాలో నటించనున్నాడు. ఇప్పటికే ఈ సినిమాకు సంబంధించిన ఫస్ట్ లుక్ పోస్టర్ కూడా రిలీజ్ అయ్యింది. తాజాగా రానా మరో ఆసక్తికరమైన సినిమాకు ఓకే చెప్పాడన్న టాక్ వినిపిస్తోంది.  తెలుగు రాబిన్ హుడ్ గా పేరు తెచ్చుకున్న స్టువర్ట్‌పురం దొంగ టైగర్ నాగేశ్వరరాదవు కథతో సినిమా తెరకెక్కనుందన్న టాక్ చాలా రోజులుగా వినిపిస్తోంది. కిట్టు ఉన్నాడు జాగ్రత్త ఫేం వంశీ ఈ సినిమాకు దర్శకత్వం వహించనున్నాడు. బయోపిక్ గా తెరకెక్కనున్న ఈ ప్రాజెక్ట్‌లో టైగర్ నాగేశ్వరరావు పాత్రలో రానా నటించనున్నాడట. ఈ సినిమాను ఏకె ఎంటర్‌టైన్మెంట్స్ బ్యానర్‌పై అనిల్ సుంకర నిర్మించనున్నాడు.

యంగ్ హీరో రానా త్వరలో ఓ బహుభాషా చిత్రాన్ని ప్రారంభించనున్నాడు. హథీ మేరీ సాథి పేరుతో తెరకెక్కుతున్న ఈ సినిమాను తెలుగు, హిందీ భాషల్లో ఒకేసారి తెరకెక్కిస్తున్నారు. ఇప్పటికే ఈ సినిమాకు సంబంధించిన ఫస్ట్ లుక్ ను రిలీజ్ చేసిన రానా.. సినిమా మీద మంచి హైప్ క్రియేట్ చేశాడు. తాజా సినిమా విశేషాలు తెలియజేసిన దర్శకుడు ప్రభు సాల్మాన్ ఆసక్తికర విషయాలను వెల్లడించాడు. ఈ సినిమాలో రానాతో పాటు మరో యంగ్ హీరో వరుణ్ తేజ్ కూడా కీలక పాత్రలో నటించనున్నట్టుగా తెలిపాడు. అది కూడా రానాతో సమానమైన ఇంపార్టెన్స్  ఉన్న రోల్ అని వెల్లడించాడు. తెలుగు, హిందీ భాషల్లో ఒకేసారి రూపొందించి తరువాత తమిళ్ లో డబ్ చేసి రిలీజ్ చేయనున్నట్టుగా వెల్లడించారు. రానా బందేవ్ పాత్రలో నటిస్తున్న ఈసినిమాను బాలీవుడ్ సీనియర్ నటుడు రాజేష్ ఖన్నాకు నివాళిగా తెరకెక్కిస్తున్నట్టుగా తెలిపారు.

జస్ట్‌... మూడంటే మూడే రోజులు షూటింగ్‌ జరిపితే వరుణ్‌ తేజ్‌ ప్రేమకథ కంప్లీట్‌ అవుతుందట. వరుణ్‌ తేజ్‌ హీరోగా వెంకీ అట్లూరి దర్శకత్వంలో బీవీఎస్‌ఎన్‌ ప్రసాద్‌ నిర్మిస్తున్న సినిమా ‘తొలి ప్రేమ’. ఇందులో రాశీ ఖన్నా కథానాయిక. ‘‘షూటింగ్‌ ఆల్మోస్ట్‌ కంప్లీట్‌ అయ్యింది. వైజాగ్‌లో జరుపబోయే మూడు రోజుల సాంగ్‌ షూట్‌తో మూవీ కంప్లీట్‌ అవుతుంది. ఆల్రెడీ పోస్ట్‌ ప్రొడక్షన్‌ వర్క్స్‌ను సార్ట్‌ చేశాం’’ అని యూనిట్‌ సన్నిహిత వర్గాలు పేర్కొన్నాయి. ఈ సినిమాను ఫిబ్రవరి 9న రిలీజ్‌ చేయాలనుకుంటున్నారు. ఈ సంగతి ఇలా ఉంచితే... తమిళ డైరెక్టర్‌ ప్రభు సాల్మన్‌ దర్శకత్వంలో బందేవ్‌ పాత్రలో రానా నటిస్తున్న సినిమా ‘హాథీ మేరే సాథీ’. ఇందులో వరుణ్‌ తేజ్‌ కూడా కీలక పాత్ర చేయనున్నారట. ‘‘హాథీ మేరే సాథీ’లో రానా, వరుణ్‌ తేజ్‌ పాత్రలకు ఈక్వెల్‌ ఇంపార్టెన్స్‌ ఉంటుంది. కోట శ్రీనివాసరావుగారు ఓ ముఖ్యపాత్రలో కనిపిస్తారు. తెలుగు, హిందీ భాషల్లో తెరకెక్కించి తమిళ్‌లో డబ్‌ చేయాలనుకుంటున్నాం’’ అని పేర్కొన్నారు సాల్మన్‌. అంతేకాదు.. ఈ  నెల 25 నుంచి మార్చి వరకు ఈ సినిమా షెడ్యూల్‌ను థాయ్‌ల్యాండ్‌లో ప్లాన్‌ చేశారట చిత్రబృందం. ఆ తర్వాత కేరళలో కొన్ని కీలక సన్నివేశాలను చిత్రీకరిస్తారని సమాచారం.

అడవిలో పక్షుల కిలకిలరావాలు, సుందర ప్రదేశాలు, జలపాతాలు, పచ్చదనంతో పాటు క్రూర మృగాలు, విష సర్పాలు, పైకి నేలలా కనిపించి అడుగువేయగానే ముంచేసే ఊబిలు కూడా ఉంటాయని తెలిసిందే. అలాంటి అడవిలో ఓ వ్యక్తి జీవించాలనుకున్నాడు. అతనికి గజరాజు అదేనండీ.. ఏనుగు తోడుగా నిలిచింది. ఏనుగుతో  అతనికి ఎలా సహవాసం కుదిరింది? అతనికి ఎదురయ్యే సవాళ్లు ఏంటి? అన్న అంశాల ఆధారంగా రూపొందుతున్న సినిమా ‘హాథీ మేరీ సాథీ’. రానా హీరోగా తమిళ దర్శకుడు ప్రభు సాల్మన్‌ రూపొందిస్తున్నారు. తమిళ, హిందీ, తెలుగు భాషల్లో రిలీజ్‌ కానున్న ఈ సినిమాలో బందేవ్‌ పాత్రలో రానా కనిపించనున్నారు. 1971లో రాజేశ్‌ ఖన్నా హీరోగా వచ్చిన ‘హాథీ మేరే సాథీ’ సినిమాకు ఇది రీమేక్‌ అని సమాచారం. న్యూ ఇయర్‌ సందర్భంగా ఈ సినిమా ఫస్ట్‌ లుక్‌ను రానా సోషల్‌ మీడియాలో రిలీజ్‌ చేశారు. ‘‘కొత్తవైన మంచి కథలను చెప్పడానికి కొత్త సంవత్సరంలోకి అడుగుపెడుతున్నాను. ‘హాథీ మేరే సాథీ’ ఫస్ట్‌ లుక్‌ను రిలీజ్‌ చేస్తున్నాం’’ అని పేర్కొన్నారు రానా. బందేవ్‌ పాత్రలో రానా భళా అనిపించేలా ఉన్నారని అభిమానులు అంటున్నారు. హిందీలో ‘హాథీ మేరే సాథీ’ అనే టైటిల్‌ని ఫిక్స్‌ చేశారు. తెలుగులో సీనియర్‌ ఎన్టీఆర్‌ హీరోగా నటించిన ‘అడవి రాముడు’ టైటిల్‌ను పరిశీలిస్తున్నారని ఫిల్మ్‌నగర్‌ సమాచారం. ఈ సినిమా కాకుండా ‘1945’, ‘అనిళమ్‌ తిరునాళ్‌ మార్తాండ వర్మ’ సినిమాల్లో రానా నటిస్తున్నారు.

వైవిధ్య‌భరితమైన పాత్రలు పోషిస్తూ వస్తున్న హీరో రానా ద‌గ్గుబాటి తాజాగా మరో క్రేజీ ప్రాజెక్టుతో ప్రేక్షకుల ముందుకు రాబోతున్నాడు. త్రిభాషా చిత్రం ‘హథీ మేరీ సాథీ’లో బందేవ్‌గా అలరించేందుకు రెడీ అవుతున్నాడు. 1971లో హిందీలో వచ్చిన బాలీవుడ్ క్లాసిక్ చిత్రం హథీ మేరీ సాథీ స్ఫూర్తిగా ఈ సినిమా తెరకెక్కుతోంది.  అలనాటి నట దిగ్గజం రాజేశ్ ఖన్నా, తనూజ ప్రధాన పాత్రల్లో రూపొందిన ‘హథీ మేరీ సాథీ’ చిత్రం ప్రశంసలందుకుంది. ఈ చిత్రం స్ఫూర్తితో నిజజీవిత ఘటనల ఆధారంగా తెలుగు, తమిళం, హిందీ భాషలలో భారీ బడ్జెట్ తో ఈ సినిమాను తెరకెక్కించబోతున్నాడు దర్శకుడు సోలొమాన్. ట్రినిటీ పిక్చర్స్ సంస్థ నిర్మించనున్న ఈ సినిమా షూటింగ్‌ 2018 జనవరి నుంచి భారత్, థాయ్ లాండ్ లలో జరగనుంది. దీపావళికి ఈ చిత్రాన్ని విడుదల చేయాలని భావిస్తున్నారు. రానా బ‌ర్త్‌డే సంద‌ర్భంగా గతంలో ఈ సినిమా టైటిల్ లోగోని వెల్లడించిన చిత్రయూనిట్ తాజాగా కొత్త సంవత్సరం గిఫ్ట్‌గా ఫ‌స్ట్ లుక్‌ను విడుదల చేశారు. భారీ ఏనుగు ముందు రఫ్‌లుక్‌లో కనిపిస్తున్న రానా ఫస్ట్‌లుక్‌ నెటిజన్లను ఆకట్టుకుంటోంది. Entering the new year with a great new story to tell. Introducing #Bandev from #HaathiMereSaathi #HaathiMereSaathiFL pic.twitter.com/7jITiEc82K — Rana Daggubati (@RanaDaggubati) 31 December 2017