‘సీతారామం’ చిత్రంతో స్టార్‌ డైరెక్టర్ల లిస్ట్‌లో చేరాడు హను రాఘవపూడి.  దుల్కర్‌ సల్మాన్‌, మృణాల్ ఠాకూర్ జంటగా నటించిన ఈ సినిమా గతేడాది ఆగస్ట్‌లో విడుదలై బాక్సాఫీస్‌ వద్ద కలెక్షన్ల వర్షం కురిపించింది. హను రాఘవపూడి టేకింగ్‌పై విమర్శకుల సైతం ప్రశంసల జల్లు కురిపించారు. ఇంతటి భారీ విజయం తర్వాత హను రాఘవపూడి ఎలాంటి సినిమా తీయబోతున్నారు అని సర్వత్రా ఆసక్తి నెలకొంది. ఇప్పటికే పలువురు బడా నిర్మాతలు ఆయన ముందు క్యూ కడుతున్నారు. అయితే ఈ మోస్ట్‌ టాలెంటెడ్‌ దర్శకుడు మాత్రం ఆచి, తూచి అడుగు వేయాలని నిర్ణయించుకున్నారు. తన తర్వాత చిత్రం మైత్రీ మూవీ మేకర్స్‌ బ్యానర్‌లో తీయబోతున్నాడు. తొలుత ఈ చిత్రాన్ని నానితో ప్లాన్‌ చేశారు కానీ అది వర్కౌట్‌ కాలేదు. రామ్ చరణ్ తో తెరకెక్కించాలనుకున్నారట. అదీ సాధ్యం కాలేదు. దీంతో ఈ కథను తమిళ స్టార్‌ హీరో సూర్యకి వినిపించారు. అతను హను రాఘవపూడికి గ్రీన్‌ సిగ్నల్‌ ఇచ్చినట్లు తెలుస్తోంది. పాన్‌ ఇండియా స్థాయిలో ఈ సినిమాను తెరకెక్కించబోతున్నట్లు తెలుస్తోంది.

దుల్కర్‌ సల్మాన్, మృణాల్‌ ఠాకూర్‌ జంటగా హను రాఘవపూడి దర్శకత్వంలో వచ్చిన ‘సీతారామం’ ఎంతటి ఘన విజయం సాధించిందో అందరికి తెలిసిందే. ఆగస్ట్‌ 5న విడుదలైన ఈ చిత్రం బాక్సాఫీస్‌ వద్ద ఇప్పటికే రూ.75 కోట్ల కలెక్ట్‌ చేసి రికార్డు సృష్టించింది. ఈ ప్రేమ కావ్యానికి అమరికాలో కూడా మంచి ఆదరణ లభించింది. అక్కడ ఇప్పటివరకు 1.3 మిలియన్‌ డాలర్స్‌ వసూళ్లు సాధించింది. సాధారణ ప్రేక్షకులతో పాటు సినీ ప్రముఖులు కూడా సీతారామంపై ప్రశంసలు కురిపిస్తున్నారు. ఇప్పటికే పలువురు టాలీవుడ్‌ స్టార్‌ హీరోలు సీతారామం చిత్రాన్ని ప్రశంసిస్తూ ట్వీట్స్‌ చేశారు. తాజాగా ఆ లిస్ట్‌లో మెగాస్టార్‌ చిరంజీవి కూడా చేరారు. రీసెంట్‌ ఈ సినిమా వీక్షించిన చిరు.. ట్వీటర్‌ వేదికగా చిత్రబృందాన్ని పొగడ్తలతో ముంచెత్తారు.  (చదవండి: వాట్‌ ఏ ట్రాన్స్‌ఫర్మేమషన్‌..  ఈ హీరోయిన్స్‌ ఎంతలా మారిపోయారో) ‘సీతారామం’చూశాను. ఒక​ చక్కటి ప్రేమకావ్యం చూసిన అనుభూతి. ముఖ్యంగా ఎంతో విభిన్నమైన స్క్రీన్‌ప్లేతో ఈ ప్రేమ కథని ఆవిష్కరించిన విధానం ఎంతగానో నచ్చింది. మనసులో చెరగని ముద్ర వేసే ఇలాంటి చిత్రాన్ని ఎంతో ఉన్నతమైన నిర్మాణ విలువలతో నిర్మించిన అశ్వినీదత్‌ గారికి, స్వప్నాదత్‌, ప్రియాంక దత్‌లకు, ఒక ప్యాషన్‌తో చిత్రీకరించిన దర్శకుడు హను రాఘవపూడికి, కలకాలం నిలిచే సంగీతాన్ని అందించిన విశాల్‌ చంద్రశేఖర్‌కి, అన్నిటికన్నా ముఖ్యంగా సీతా-రామ్‌లుగా ఆ ప్రేమకథకి ప్రాణం పోసిన మృణాల్‌ ఠాకూర్‌, దుల్కర్‌ సల్మాన్‌లకు, సూత్రధారి పాత్రని పోషించిన రష్మిక మందన్నకి మొత్తం టీం అందరికీ నా శుభాకాంక్షలు! ప్రేక్షకుల మనసులు దోచిన ఈ చిత్రం మరెన్నో అవార్డులను, రివార్డులను జాతీయ స్థాయిలో గెలవాలని మనస్పూర్తిగా అభిలాషిస్తున్నాను’అని చిరంజీవి ట్వీట్‌ చేశారు.  Kudos Team #SitaRamam 💐@VyjayanthiFilms @AshwiniDuttCh @SwapnaDuttCh #PriyankaDutt @dulQuer @mrunal0801 @iamRashmika @hanurpudi @iSumanth @Composer_Vishal #PSVinod pic.twitter.com/BEAlXhWPa3 — Chiranjeevi Konidela (@KChiruTweets) August 27, 2022

పాన్ ఇండియా అనే ట్యాగ్ విని విని విసుగొచ్చింది. ఆ పదం వాడకుండా ఒక ఆర్టికల్ కూడా  ఉండటం లేదు. నిజానికి పాన్ ఇండియా కొత్త కాన్సెప్ట్ ఏమీ కాదు. అమితాబ్ బచ్చన్, రజనీకాంత్, షారుఖ్ ఖాన్.. ఇలా ఎంతో మంది సినిమాలు దేశ విదేశాలు దాటి ఆడాయి. ఇప్పుడు ప్రత్యేకంగా పాన్ ఇండియా ఫిల్మ్ అని ఒత్తి చెప్పడం అవసరం లేదని నా ఫీలింగ్. ఫిల్మ్ ని ఫిల్మ్ అంటే చాలు’అని స్టార్‌ హీరో దుల్కర్‌ సల్మాన్‌ అన్నారు. ఆయన హీరోగా  వైజయంతీ మూవీస్ సమర్పణలో స్వప్న సినిమా పతాకంపై స్టార్ ప్రొడ్యూసర్ అశ్వినీదత్ నిర్మించిన ప్రతిష్టాత్మక చిత్రం 'సీతారామం'. హను రాఘవపూడి దర్శకత్వం వహించిన ఈ చిత్రంలో  మృణాల్ ఠాకూర్  హీరోయిన్‌గా నటించింది. రష్మిక మందన కీలక పాత్ర పోహిస్తున్నారు. ఆగస్ట్‌ 5న ఈ చిత్రం ప్రేక్షకుల ముందుకు రాబోతుంది. ఈ నేపథ్యంలో దుల్కర్‌ సల్మాన్‌ తాజాగా మీడియాతో ముచ్చటించారు. ఆ విశేషాలు..  ► 'సీతారామం'చాలా ఒరిజినల్ కథ. ఇందులో నేను ఆమ్‌ అనే ఆర్మీ అధికారి పాత్రలో కనిపిస్తాను. రామ్‌ ఒక అనాధ. అతనికి దేనిపైనా ద్వేషం ఉండదు. పాజిటివ్‌ పర్సన్‌. అతనికి దేశభక్తి చాలా ఎక్కువ. ఇలాంటి సినిమా ఇప్పటి వరకూ ఎక్కడా రాలేదు. స్క్రీన్ ప్లే నాకు చాలా నచ్చింది. ఊహాతీతంగా  ఉంటుంది. ట్రైలర్ లో చూసింది కేవలం గ్లింప్స్ మాత్రమే. సీతారామం అద్భుతాన్ని వెండితెరపై చూడాల్సిందే.  ► ఈ చిత్రానికి విశాల్ చంద్రశేఖర్ అద్భుతమైన ఆల్బమ్ ఇచ్చారు. కథ విన్నప్పుడు సినిమాలో సంగీతం బావుంటుందని తెలుసు. ‘కానున్న కళ్యాణం’ పాట కాశ్మీర్ లో షూట్ చేస్తున్నప్పుడే మ్యాజికల్ గా  ఉంటుందని అర్ధమైయింది. పాటలన్నీ విజువల్ వండర్ లా వుంటాయి. ఒక పాటకు మించి మరో పాట ఆకట్టుకున్నాయి. నేపధ్య సంగీతం కూడా అద్భుతంగా  ఉంటుంది. కానున్న కళ్యాణం పాట నా ఫేవరేట్.  ► ఒక క్లాసిక్ నవల చదువుతున్నప్పుడు కొన్ని పాత్రలని ఇలా ఉంటాయేమోనని ఊహించుకుంటాం. 'సీతారామం' కథ విన్నప్పుడు సీత పాత్రని కూడా అలానే ఊహించుకున్నా. ఈ పాత్రలోకి మృణాల్ వచ్చేసరికి అద్భుతమైన ఛాయిస్ అనిపించింది. సెట్స్ లో మృణాల్ ని చూస్తే సీత పాత్రకు ఆమె తప్పితే మరొకరు న్యాయం చేయలేరేమో అనిపించింది. చాలా అద్భుతంగా చేసింది. ఇక ఆఫ్ స్క్రీన్ కూడా తను హ్యాపీ, ఎనర్జిటిక్ పర్శన్.  ► ఇందులో కొత్త రష్మిక ని చూస్తారు. ఇదివరకు ఎప్పుడూ ఇలాంటి పాత్రని చేయలేదు. సీతారామంలో రష్మిక గ్రేట్ ఎనర్జీ.  ► అశ్వనీ దత్, స్వప్న గార్ల వైజయంతి మూవీస్  అంటే నాకు ఫ్యామిలీ లాంటింది. ఒక మంచి మనిషిగా అశ్వనీ దత్ గారంటే నాకు ఎంతో ఇష్టం. ఆయన నా ఫేవరేట్ పర్శన్. చాలా పాజిటివ్ గా  ఉంటారు. ఆయన చూపించే ప్రేమ, వాత్సల్యం చాలా గొప్పగా  ఉంటుంది. నా కోసం ది బెస్ట్ ని ఎంపిక చేస్తారు. దర్శకుడు హను ఈ కథని అద్భుతంగా ప్రజంట్ చేశారు.  ► ప్రేమ కథలకు కొంత విరామం ఇవ్వాలని భావిస్తున్నాను. రోజురోజుకి నా వయసు కూడా పెరుగుతుంది కదా.. ఇంకా పరిణితి గల విభిన్నమైన పాత్రలు చేయాలనీ  ఉంది. ఫ్రెష్ , ఒరిజినల్ గా  ఉండే పాయింట్ల ని చేయడానికి ఎక్కువగా ఇష్టపడతాను. ► తెలుగు ప్రేక్షకులు నాపై చూపిన అభిమానం చాలా సర్ ప్రైజ్ అనిపించింది. చాలా రోజుల క్రితం హైదరాబాద్ లో ఒక ఈవెంట్ కి వచ్చినపుడు  ‘మీ సినిమా ఉస్తాద్ హోటల్ చూశాం. చాలా బావుంది' అని  ఓ ముగ్గురు కుర్రాళ్ళు చెప్పారు. అది నా రెండో సినిమా. ఆ చిత్రానికి కనెక్ట్ అవ్వడం చాలా సర్ ప్రైజ్ అనిపించింది. అలాగే నా చిత్రాలు వివిధ ఓటీటీ వేదికలపై చూసి సినిమాల పట్ల  ఉన్న ఒక ప్యాషన్ తో చాల మంది కనెక్ట్ అవ్వడం ఆనందమనిపించింది.  ► నాన్న గారు నాకు ఆదర్శం. ఆయన గర్వపడేలా చేయడమే నా కర్తవ్యం. సినిమాలు, కథలు గురించి ఇంట్లో మాట్లాడుతుంటాం. నేను నా కథలని సింగిల్ లైన్ లో చెబుతుంటాను. నాన్న గారికి నేను పెద్ద ఫ్యాన్ ని. ఆయనే నా హీరో.  ► దర్శకత్వం చేసే ఆలోచన ఉంది. కానీ ఇప్పుడంత సమయం లేదు. నా దర్శకత్వంలో సినిమా వస్తే మాత్రం అది ప్రేక్షకుల ఊహకు భిన్నంగా  ఉంటుంది. 

ఓకే బంగారం, మ‌హాన‌టి, క‌నులు క‌నుల‌ను దోచాయంటే వంటి బ్లాక్‌బ‌స్ట‌ర్ చిత్రాల‌తో తెలుగులో కూడా మంచి గుర్తింపు ద‌‌క్కించుకున్నారు దుల్క‌ర్ స‌ల్మాన్‌. ప్ర‌స్తుతం ఆయ‌న హీరోగా వైజయంతి మూవీస్ స‌మ‌ర్ప‌ణ‌లో స్వ‌ప్న సినిమా ప‌తాకంపై హను రాఘవపూడి దర్శకత్వంలో పీరియ‌డ్ ల‌వ్ స్టోరీగా  ఓ చిత్రం రూపొందుతోన్న విష‌యం తెలిసిందే.. ఇంకా టైటిల్ ఖరారు చేయని ఈ చిత్రం నుండి ఇప్ప‌టికే విడుద‌లైన కాన్సెప్ట్ పోస్ట‌ర్ అంద‌రినీ ఆక‌ట్టుకుంది.  తాజాగా శ్రీరామనవమి సందర్భంగా ఈ సినిమాకు సంబంధించి వీడియో గ్లిమ్స్‌ని రిలీజ్ చేశారు మేక‌ర్స్‌. ఈ వీడియోలో మ‌ద్రాస్ ఆర్మీ ఆఫ‌స‌ర్ లెఫ్ట్‌నెంట్ రామ్‌గా దుల్క‌ర్‌ స‌ల్మాన్ న‌టిస్తున్న‌ట్లు తెలిపింది. `ప్రేమకోసం ఆ శ్రీ రాముడి యుద్ధం చిర‌స్మ‌ర‌నీయం..త్వ‌ర‌లో త‌న ప్రేమ కావ్యంతో మ‌న ముందుకు మా లెఫ్ట్‌నెంట్ రామ్.. చెడుపై మంచి త‌ప్ప‌కుండా గెలుస్తుంది అంత వ‌ర‌కూ సేఫ్‌గా ఉండండి అని తెలిపింది చిత్ర యూనిట్‌. ప్ర‌స్తుతం కాశ్మీర్‌లో షూటింగ్ జ‌రుపుకుంటోన్న ఈ చిత్రానికి విశాల్ చంద్రశేఖ‌ర్ సంగీతం స‌మ‌కూరుస్తుండగా దివాక‌ర్ మ‌ణి సినిమాటోగ్రాఫ‌ర్‌గా వ్య‌వ‌హ‌రిస్తున్నారు.

మహానుభావుడు సినిమాతో ఘనవిజయం సాధించిన యంగ్ హీరో శర్వానంద్‌ ప్రస్తుతం హను రాఘవపూడి దర్శకత్వంలో నటిస్తున్న సంగతి తెలిసిందే. నితిన్‌ హీరోగా తెరకెక్కిన లై సినిమాతో నిరాశపరిచిన హను.. శర్వా సినిమాతో హిట్ కొట్టి తిరిగి ఫాంలోకి రావాలని భావిస్తున్నాడు. సుధాకర్‌ చెరుకూరి, ప్రసాద్‌ చుక్కపల్లి సంయుక్తంగా నిర్మిస్తున్న ఈ సినిమాకు ‘పడి పడి లేచె మనసు’ అనే క్లాసీ టైటిల్‌ను ఫైనల్‌ చేశారు. ఈ రోజు మంగళవారం శర్వానంద్‌ పుట్టిన రోజు సందర్భంగా చిత్రయూనిట్ ఫస్ట్‌లుక్‌ పోస్టర్‌తో పాటు టైటిల్‌ను ప్రకటించారు. శర్వా సరసన సాయి పల్లవి హీరోయిన్‌గా నటిస్తున్న ఈ సినిమాకు విశాల్‌ సంగీతమందిస్తున్నాడు. ప్రస్తుతం నిర్మాణ దశలో ఉన్న ఈ సినిమాను వేసవిలో రిలీజ్ చేసేందుకు ప్లాన్‌ చేస్తున్నారు.

మహానుభావుడు సినిమాతో మరో విజయాన్ని అందుకున్న శర్వానంద్ వరుస సినిమాలతో సదండి చేసేందుకు రెడీ అవుతున్నాడు. మహానుభావుడు సినిమా సెట్స్ మీద ఉండగానే సుధీర్ వర్మ, హను రాఘవపూడిలతో సినిమాలు చేయనున్నట్టుగా ప్రకటించాడు. మహానుభావుడు పూర్తయిన వెంటనే హను రాఘవపూడి దర్శకత్వంలో సినిమాను ప్రారంభించిన శర్వా.. సుధీర్ వర్మ సినిమాను ఆలస్యం చేశాడు. దీంతో సుధీర్ దర్శకత్వంలో శర్వా చేయాల్సిన సినిమా ఆగిపోయనట్టుగా ప్రచారం జరుగింది. అయితే ఈ విషయంపై స‍్పందించిన చిత్రయూనిట్ క్లారిటీ ఇచ్చింది. ప్రస్తుతం హను సినిమాలో నటిస్తున్న శర్వానంద్, ఒకే సమయంలో రెండు సినిమాలకు డేట్స్ అడ్జస్ట్ చేయటం కుదరని కారణంగానే సుధీర్ వర్మ సినిమా ఆలస్యమైందని తెలిపారు. ప్రస్తుతం సెట్స్ మీద ఉన్న సినిమా పూర్తయిన వెంటనే సుధీర్ వర్మ దర్శకత్వంలో సినిమా ప్రారంభం కానుంది.

విభిన్న చిత్రాలతో ప్రత్యేక గుర్తింపు తెచ్చుకున్న యంగ్ హీరో శర్వానంద్. 2017లో రెండు ఘనవిజయాలు అందుకున్న ఈ యంగ్ హీరో కొత్త కొత్త ఏడాదిలోనూ సత్తా చాటేందుకు రెడీ అవుతున్నాడు. మహానుభావుడు సినిమాతో సత్తా చాటిన శర్వ, ప్రస్తుతం హను రాఘవపూడి దర్శకత్వంలో ఓ సినిమా చేస్తున్నాడు. లై సినిమాతో నిరాశపరిచిన హను, శర్వానంద్ సినిమాతో తిరిగి ఫాంలోకి రావాలని భావిస్తున్నాడు. తాజాగా ఈ సినిమాకు సంబంధించిన ఆసక్తికరమైన న్యూస్ ఒకటి టాలీవుడ్ సర్కిల్స్‌లో వినిపిస్తోంది. రొమాంటిక్ యాక్షన్ ఎంటర్ టైనర్‌గా తెరకెక్కుతున్న ఈ సినిమాలో శర్వానంద్ ఆర్మీ ఆఫీసర్‌గా కనిపించనున్నాడట. అంతేకాదు సెకండ్ హాఫ్‌లో వచ్చే యుద్ధ సన్నివేశాలు అద్భుతంగా ఉంటాయన్న టాక్ వినిపిస్తోంది. శర్వానంద్ సరసన సాయి పల్లవి హీరోయిన్‌గా నటిస్తున్న ఈ సినిమా రెగ్యులర్ షూటింగ్ త్వరలోనే ప్రారంభం కానుంది.

శర్వానంద్‌ కథానాయకుడిగా హను రాఘవపూడి దర్శకత్వంలో శ్రీ లక్ష్మీ సినిమాస్‌ పతాకంపై ప్రసాద్‌ చుక్కపల్లి, సుధాకర్‌ చెరుకూరి నిర్మిస్తోన్న చిత్రం ప్రారంభోత్సవం గురువారం హైదరాబాద్‌లో జరిగింది. హీరో శర్వానంద్‌పై చిత్రీకరించిన ముహూర్తపు సన్నివేశానికి నిర్మాత ‘దిల్‌’ రాజు క్లాప్‌ ఇచ్చారు. కొరియోగ్రాఫర్‌ రాజు సుందరం కెమెరా స్విచ్చాన్‌ చేశారు. దర్శకుడు సుకుమార్‌ గౌరవ దర్శకత్వం వహించారు. హను రాఘవపూడి మాట్లాడుతూ– ‘‘ప్రేమకథా చిత్రమిది. శర్వానంద్‌ క్యారెక్టరైజేషన్‌ కొత్తగా ఉంటుంది. నా మిత్రులు ప్రసాద్, సుధాకర్‌ నా మీద పెట్టుకున్న నమ్మకాన్ని వమ్ము చేయను. సూపర్‌హిట్‌ చిత్రాన్ని అందిస్తా’’ అన్నారు. ‘‘శర్వానంద్‌తో సినిమా చేయడం చాలా హ్యాపీగా ఉంది. ఫ్రెష్‌ సబ్జెక్ట్‌తో చాలా కొత్తగా హను రూపొందించనున్నారు. మా బ్యానర్‌లో నిర్మిస్తోన్న ఈ తొలి చిత్రం హిట్‌ అవుతుందన్న నమ్మకం ఉంది. త్వరలోనే రెగ్యులర్‌ షూట్‌ స్టార్ట్‌ చేయనున్నాం’’ అన్నారు నిర్మాతలు. ఈ వేడుకలో నిర్మాతలు వై. రవిశంకర్, ఎస్‌. రా«ధాకృష్ణ, అనీల్‌ సుంకర, రామ్‌ ఆచంట, గోపీ ఆచంట, బాపినీడు, నాగవంశీ తదితరులు పాల్గొన్నారు. ఈ చిత్రానికి విశాల్‌ చంద్రశేఖర్‌ స్వరకర్త.


 అ..ఆ.. సినిమాతో 50 కోట్ల క్లబ్లో అడుగు పెట్టిన యంగ్ హీరో నితిన్.. నెక్ట్స్ సినిమాను మరింత భారీగా ప్లాన్ చేస్తున్నాడు. హను రాఘవపూడి దర్శకత్వంలో తెరకెక్కుతున్న లై సినిమా కోసం భారీ యాక్షన్ సీన్స్లో నటిస్తున్నాడు. ప్రస్తుతం ఈ సినిమా షూటింగ్ అమెరికాలో జరుగుతోంది. దాదాపు రెండు నెలల పాటు సాగిన ఈ షెడ్యూల్ మొత్తం ఫైట్స్ సీక్వన్స్ మాత్రమే షూట్ చేశారు. ప్రస్తుతం కాలీఫోర్నియాలోని మిడెస్ట్ లో క్లైమాక్స్కు సంబంధించిన సీన్స్ను షూట్ చేస్తున్నారు.
 
 ఈ సినిమాలో యాక్షన్ కింగ్ అర్జున్ ప్రతినాయక పాత్రలో నటిస్తున్నాడు. ప్రస్తుతం అర్జున్,  నితిన్ల కాంబినేషన్లో వెయ్యి విమానాల మధ్య క్లైమాక్స్ను షూట్ చేస్తున్నారు. 14 రీల్స్ సంస్థ నితిన్ కెరీర్ లోనే భారీ బడ్జెట్తో లై సినిమాను తెరకెక్కిస్తుంది. ఈ సినిమా కోసం డిఫరెంట్ లుక్ లోకి మారిపోయినా నితిన్ సక్సెస్ మీద చాలా కాన్ఫిడెంట్గా ఉన్నాడు. అ..ఆ.. సినిమాతో ఓవర్సీస్లోనూ సత్తా చాటిన నితిన్ ఈ సినిమాతో యాక్షన్ హీరోగానూ ప్రూవ్ చేసుకుంటాడన్న నమ్మకంతో ఉన్నారు చిత్రయూనిట్.


 డబుల్ హ్యాట్రిక్ సక్సెస్లతో ఫుల్ ఫాంలో ఉన్న యంగ్ హీరో నాని. ఇటీవల నేనులోకల్ సినిమాతో బిగ్ హిట్ అందుకున్న ఈ యంగ్ హీరో ప్రస్తుతం శివ నిర్వాణ దర్శకత్వంలో నిన్ను కోరి సినిమాలో నటిస్తున్నాడు. ఆ తరువాత దిల్ రాజు బ్యానర్లో ఎంసీఏ సినిమాలో నటించేందుకు అంగీకరించాడు. రెండు సినిమాలు చేతిలో ఉండగానే మరో సినిమాను కూడా రెడీ చేస్తున్నాడు.
 
 తనకు కృష్ణగాడి వీర ప్రేమగాథ లాంటి సక్సెస్ఫుల్ చిత్రాన్ని అందించిన హను రాఘవపూడి దర్శకత్వంలో మరో సినిమా చేసేందుకు అంగీకరించాడు. ప్రస్తుతం నితిన్తో లై సినిమాను తెరకెక్కిస్తున్న హను, ఆ సినిమా పూర్తయిన తరువాత నాని సినిమా పనులు ప్రారంభించనున్నాడు. ఈ సినిమాకు ఓ క్లాసీ టైటిల్ను ఫిక్స్ చేశారన్న ప్రచారం జరుగుతోంది. అన్నమయ్య పాటలోని 'అదిగో..అల్లదిగో..' అనే పదాలు టైటిల్గా ఫిక్స్ చేశారట. ప్రస్తుతానికి యూనిట్ సభ్యుల నుంచి అఫీషియల్ ఎనౌన్స్మెంట్ లేకపోయినా నాని ఇమేజ్కి ఈ టైటిల్ కరెక్ట్గా సూట్ అవుతుందంటున్నారు ఫ్యాన్స్.


 అ..ఆ.. సినిమాతో 50 కోట్ల క్లబ్లో స్థానం సంపాదించుకున్న యంగ్ హీరో నితిన్ తన నెక్ట్స్ సినిమాను మరింత భారీగా ప్లాన్ చేస్తున్నాడు. యంగ్ డైరెక్టర్ హను రాఘవపూడి దర్శకత్వంలో లై అనే సినిమాలో నటిస్తున్నాడు. ఈ సినిమా కోసం భారీగా గడ్డం పెంచి డిఫరెంట్ లుక్ లోకి మారిపోయాడు నితిన్. ప్రస్తుతం షూటింగ్ కార్యక్రమాల్లో బిజీగా ఉన్న ఈ సినిమాకు సంబంధించి ఇంట్రస్టింగ్ అప్ డేట్ ఒకటి నితిన్ అభిమానులను ఖుషీ చేస్తోంది.
 
 ఈ సినిమాలో ఒలంపస్ హాజ్ ఫాలెన్, ది ఈక్వలైజర్, వార్ డాగ్స్ లాంటి హాలీవుడ్ చిత్రాలతో ఆకట్టుకున్న డాన్ బిల్జరియాన్ కీలక పాత్రలో నటిస్తున్నాడు. ప్రస్తుతం అమెరికాలో నితిన్, బిల్జరియాన్ల కాంబినేషన్లో సన్నివేశాల చిత్రీకరణ జరుగుతోంది. ఈ విషయాన్ని ట్వీట్టర్ ద్వారా అభిమానులతో షేర్ చేసుకున్నాడు నితిన్. మేఘా ఆకాష్ హీరోయిన్గా నటిస్తున్న ఈ సినిమాను 14 రీల్స్ ఎంటర్టైన్మెంట్స్ సంస్థ నిర్మిస్తోంది.
  
 
 Thanks @DanBilzerian for being such a sport n for being part of our film..u r a total natural!! 😎#LIEthemovie pic.twitter.com/lkBOEOZ7Eh
 — nithiin (@actor_nithiin) 18 April 2017


 అ..ఆ.. బ్లాక్ బస్టర్ సక్సెస్ తరువాత లాంగ్ గ్యాప్ తీసుకున్న యంగ్ హీరో నితిన్ ప్రస్తుతం హను రాఘవపూడి దర్శకత్వంలో ఓ డిఫరెంట్ మూవీ చేస్తున్నాడు. గతంలో ఎన్నడూ లేనివిధంగా సరికొత్త మేకోవర్ తో  ఈ సినిమాలో నటిస్తున్నాడు. రొమాంటిక్ ఎంటర్టైనర్ లను క్రైం బ్యాక్ డ్రాప్ తో తెరకెక్కించే హను రాఘవపూడి నితిన్ కోసం కూడా అదే తరహా కథను రెడీ చేశాడన్న టాక్ వినిపిస్తోంది. కృష్ణగాడి వీర ప్రేమగాథ లాంటి సూపర్ హిట్ తరువాత హను దర్శకత్వంలో తెరకెక్కుతున్న కావటంతో నితిన్ కొత్త సినిమాపై భారీ అంచనాలు ఏర్పాడ్డాయి.
 
 ఆ అంచనాలను మరింత పెంచేస్తూ నితిన్ పుట్టిన రోజు సందర్భంగా సినిమా టైటిల్ లోగోతో పాటు ఫస్ట్ లుక్ పోస్టర్ ను రిలీజ్ చేశారు. గడ్డంతో నితిన్ మాస్ లుక్ లో కనిపిస్తున్న ఈ సినిమాకు 'లై' అనే టైటిల్ ను ఫైనల్ చేశారు. LIE అనే అక్షరాలకు విడివిడిగా లవ్, ఇంటలిజెన్స్, ఎన్మిటి అనే ట్యాగ్ తో రూపొందుతున్న ఈ సినిమాను 14 రీల్స్ సంస్థ భారీగా నిర్మిస్తోంది. నితిన్ సరసన మేఘా ఆకాష్ హీరోయిన్ గా నటిస్తున్న ఈ సినిమాతో సీనియర్ హీరో అర్జున్ నెగెటివ్ రోల్ లో నటిస్తున్నాడు.


 డబుల్ హ్యాట్రిక్ సక్సెస్లతో దూసుకుపోతున్న యంగ్ హీరో నాని అదే జోరు కంటిన్యూ చేసేందుకు ట్రై చేస్తున్నాడు. సక్సెస్ ఫుల్ కాంబినేషన్లను సెట్ చేస్తూ ఫ్యూచర్ ప్రాజెక్ట్స్ విషయంలో జాగ్రత్తలు తీసుకుంటున్నాడు. నేను లోకల్ సినిమాకు ముందే తన నెక్ట్స్ ప్రాజెక్ట్ షూటింగ్ ప్రారంభించిన నాని.. ఇప్పుడు మరిన్ని ప్రాజెక్ట్లను లైన్లో పెడుతున్నాడు. వీటి కోసం క్రేజీ కాంబినేషన్ లను సెట్ చేసే పనిలో ఉన్నాడు.
 
 ఇటీవల నాని హీరోగా కృష్ణగాడి వీర ప్రేమగాథ సినిమాతో భారీ హిట్ అందుకున్న దర్శకుడు, హను రాఘవపూడి దర్శకత్వంలో మరో సినిమా చేసేందుకు నిర్ణయించుకున్నాడు నాని. ప్రస్తుతం నితిన్ హీరోగా సినిమాను తెరకెక్కిస్తున్న హను.. ఆ తరువాత నాని హీరోగా తెరకెక్కబోయే సినిమా పనులు ప్రారంభించనున్నాడు. గతంలో అష్టాచమ్మా సినిమాతో తనను ఇండస్ట్రీకి పరిచయం చేసిన ఇంద్రగంటి మోహన కృష్ణ దర్శకత్వంలో జెంటిల్మన్ సినిమా చేసి మంచి విజయం అందుకున్నాడు. అదే మ్యాజిక్ను హను రాఘవపూడితోను రిపీట్ చేసే ప్లాన్లో ఉన్నా నేచ్యురల్ స్టార్.


 అ..ఆ.. సినిమాతో 50 కోట్ల క్లబ్లో అడుగుపెట్టిన యంగ్ హీరో నితిన్, షార్ట్ గ్యాప్ తరువాత వరుస సినిమాలకు రెడీ అవుతున్నాడు. ప్రస్తుతం హనురాఘవపూడి దర్శకత్వంలో డిఫరెంట్ లుక్లో ఓ సినిమా చేస్తున్న నితిన్, మరో సినిమాను కూడా లాంచనంగా ప్రారంభించాడు. పవన్ కళ్యాణ్, త్రివిక్రమ్ శ్రీనివాస్లు సంయుక్తంగా కృష్ణ చైతన్య దర్శకత్వంలో తెరకెక్కబోయే సినిమాను కూడా స్టార్ చేశాడు.
 
 ఈ రెండు సినిమాలు సెట్స్ మీద ఉండగానే తాజాగా మరో సినిమాకు రెడీ అవుతున్నాడు నితిన్. బెంగాల్ టైగర్ సినిమాను నిర్మించిన కె.కె.రాధామోహన్, భారీ బడ్జెట్తో ఈ సినిమాను నిర్మిస్తున్నాడు. ప్రస్తుతానికి సినిమాకు సంబంధించిన కథా చర్చలు జరగుతుండగా త్వరలోనే నటీనటులతో పాటు దర్శకుణ్ని కూడా ఫైనల్ చేయనున్నారు. ప్రస్తుతం సెట్స్ మీద ఉన్న నితిన్ రెండు సినిమాలు పూర్తవ్వగానే ఆగస్టు నుంచి కొత్త సినిమాను ప్రారంభించేందుకు ప్లాన్ చేస్తున్నారు.


 హైదరాబాద్‌: టాలీవుడ్ యంగ్ హీరో నితిన్ హైదరాబాద్‌లోని చంచల్‌గూడ జైలుకు వెళ్లారు. హీరో ఏంటీ.. జైలుకు వెళ్లడం ఏంటని కంగారు అక్కర్లేదండీ. ఎందుకంటే ఓ మూవీ షూటింగ్‌లో భాగంగా నితిన్ చంచల్‌గూడ జైలులో కొన్ని గంటలు గడిపాడు. 14 రీల్స్‌ బ్యానర్‌పై హను రాఘవపూడి దర్శకత్వంలో యంగ్ హీరో నితిన్‌ హీరోగా నటిస్తున్న కొత్త సినిమా షూటింగ్‌ గురువారం చంచల్‌గూడ పురుషుల జైల్లో జరిగింది. దీంతో ఒక్కసారిగా జైలు ప్రాంగణంలో కొద్దిసేపు సందడి వాతావరణం నెలకొంది.
 నటులు పృధ్వీ, బ్రహ్మాజీ, హీరో నితిన్‌లపై జైలు లోపల కొన్ని కీలక సన్నివేశాలు చిత్రీకరించారు. అ..ఆ.. సినిమాతో రూ.50 కోట్ల క్లబ్లో చేరిన నితిన్ కొంత విరామం తర్వాత చేస్తున్న ఈ మూవీ షూటింగ్‌ గురువారం మధ్యాహ్నం నుంచి సాయంత్రం వరకు కొనసాగింది. ఇప్పటివరకూ జైలులో కొన్ని సీన్లు చిత్రీకరించారు. ఇంకా కొన్ని సీన్లు తీయాల్సి వస్తే మరోసారి ఈ లెటెస్ట్ మూవీ యూనిట్ చంచల్‌గూడలో సందడి చేసేందుకు సిద్ధంగా ఉంది. ఓల్డ్ సిటీ కుర్రాడిగా కనిపించేందుకు భారీగా గడ్డం పెంచేసి రఫ్ లుక్లో కనిపిస్తున్నాడు నితిన్. ఎమోషనల్ డ్రామాగా తెరకెక్కనున్న ఈ మూవీలో సీనియర్ నటుడు అర్జున్‌ స్టైలిష్ విలన్ పాత్రలో కనిపించనున్నాడు.


 అ..ఆ.. సినిమాతో 50 కోట్ల క్లబ్లో చేరిన యంగ్ హీరో నితిన్, తన నెక్ట్స్ సినిమా విషయంలో చాలా జాగ్రత్తలు తీసుకుంటున్నాడు. అందుకే లాంగ్ గ్యాప్ తరువాత హను రాఘవపూడి దర్శకత్వంలో కొత్త సినిమాను ప్రారంభించాడు. గతంలో ఏ సినిమా కోసం లుక్ విషయంలో పెద్దగా మార్పులు చేయని నితిన్ ఈ సినిమా న్యూ లుక్లో దర్శనమివ్వమనున్నాడు.
 
 ఓల్డ్ సిటీ కుర్రాడిగా కనిపించేందుకు భారీగా గడ్డం పెంచేసి రఫ్ లుక్లోకి మారిపోయాడు నితిన్. అంతేకాదు నితిన్కు ప్రతినాయకుడిగా ఒకప్పటి యాక్షన్ హీరో అర్జున్ను ఎంపిక చేశారు. ఈ సీనియర్ నటుడు స్టైలిష్ విలన్ పాత్రలో కనిపించనున్నాడు. ఎమోషనల్ డ్రామాగా తెరకెక్కనున్న ఈ సినిమా కోసం సీనియర్ మ్యూజిక్ డైరెక్టర్ మణిశర్మను ఎంపిక చేశారు. సినిమాకు నేపథ్య సంగీతం కీలకం కావటంతో మణిశర్మ అయితే కరెక్ట్ అని ఫిక్స్ అయ్యారు చిత్రయూనిట్.


 అ..ఆ.. సినిమాతో 50 కోట్ల క్లబ్లో చేరిన యంగ్ హీరో నితిన్, తన నెక్ట్స్ సినిమాతో కూడా అదే ఫాం కంటిన్యూ చేయాలని భావిస్తున్నాడు. ఇప్పటికే హను రాఘవపూడి దర్శకత్వంలో సినిమా ప్రకటించిన నితిన్, ప్రస్తుతం ఆ సినిమా ప్రీ ప్రొడక్షన్ పనుల్లో బిజీగా ఉన్నాడు. 14 రీల్స్ సంస్థ నిర్మిస్తున్న ఈ సినిమా నవంబర్లో సెట్స్ మీదకు వెళ్లనుంది.
 
 కృష్ణగాడి వీర ప్రేమగాథ సక్సెస్తో మంచి జోష్లో ఉన్న దర్శకుడు హను రాఘవపూడి.., నితిన్ సినిమాను కూడా రొమాంటిక్ ఎంటర్టైనర్గా తెరకెక్కిస్తున్నాడు. ఈ సినిమా షూటింగ్ 90 శాతం వరకు ఫారిన్లోనే చేసేలా ప్లాన్ చేస్తున్నారు చిత్రయూనిట్. వీలైనంత త్వరగా సినిమాను పూర్తి చేసి 2017 సమ్మర్లో రిలీజ్ చేయడానికి రెడీ అవుతున్నారు. త్వరలోనే ఈ సినిమాకు సంబందించిన నటీనటులు, ఇతర సాంకేతిక నిపుణుల వివరాలను ప్రకటించనున్నారు.


 తొలి సినిమాతో నిరాశపరిచిన స్టార్ వారసుడు అక్కినేని అఖిల్, రెండో సినిమా విషయంలో చాలా జాగ్రత్తలు తీసుకుంటున్నాడు. ఇప్పటికే చాలా కథలు విన్న అఖిల్, ఒకటి, రెండు సినిమాలను దాదాపు ఫైనల్ చేసిన తరువాత పక్కన పెట్టేశాడు. హను రాఘవపూడి సినిమాను అధికారికంగా ప్రకటించి కూడా పక్కన పెట్టేశాడు.
 
 ఇటీవల అఖిల్ నెక్ట్స్ సినిమా మనం ఫేం విక్రమ్ కుమార్ దర్శకత్వంలో ఉంటుందంటూ నాగార్జున ప్రకటించాడు. ఇప్పటికే ప్రీ ప్రొడక్షన్ పనులు పూర్తి చేసుకున్న ఈ సినిమా త్వరలోనే సెట్స్ మీదకు వెళ్లనుంది. అయితే తాజాగా మరో ఆసక్తికరమైన వార్త అక్కినేని అభిమానులను ఖుషి చేస్తోంది.
 
 ఆగిపోయిందనుకున్న అఖిల్, హను రాఘవపూడి ప్రాజెక్ట్ కూడా త్వరలోనే సెట్స్ మీదకు  రానుందన్న టాక్ వినిపిస్తోంది. ప్రస్తుతానికి అఖిల్, విక్రమ్ కుమార్తో, హను, నితిన్తో సినిమాలు చేస్తున్నారు. ఈ రెండు సినిమాలు పూర్తయిన తరువాత ఈ ఇద్దరి కాంబినేషన్లో సినిమా ప్రారంభం కానుందన్న టాక్ బలంగా వినిపిస్తోంది.


 అక్కినేని వారసుడు అఖిల్ రెండో సినిమా విషయంలో సస్పెన్స్ కొనసాగుతోంది. తొలి సినిమా నిరాశపరచటంతో రెండో సినిమా ఎంపిక విషయంలో ఎటూ తేల్చుకోలేకపోతున్నారు. దీంతో చాలా రోజులగా కథ ఎంపిక విషయంలోనే కసరత్తులు చేస్తూ కాలం గడిపేస్తున్నారు. అయితే ఇటీవల సినిమా ఫైనల్ అయినట్టుగా వార్తలు వినిపించినా అది కూడా పట్టాలెక్కేలా కనిపించటం లేదు.
 
 అందాల రాక్షసి, కృష్ణగాడి వీరప్రేమగాథ లాంటి సినిమాలతో ఆకట్టుకున్న దర్శకుడు హను రాఘవపూడితో తన నెక్ట్స్ సినిమా ఉంటుందని ప్రకటించాడు అఖిల్. అయితే నిర్మాణ పరమైన సమస్యల కారణంగా ఈ సినిమా వాయిదా పడిందన్న టాక్ వినిపిస్తోంది. దీంతో మరో దర్శకుడి కోసం అఖిల్ ప్రయత్నాలు ప్రారంభించాడట.
 
 అదే సమయంలో ఓ రొమాంటిక్ థ్రిల్లర్ కథను రెడీ చేసిన విక్రమ్ కుమార్తో అఖిల్ సినిమా ఉంటుందన్న ప్రచారం జోరుగా జరుగుతోంది. మనం, 24 లాంటి వరుస హిట్స్ అందించిన విక్రమ్ కుమార్ దర్శకత్వంలో సినిమా చేస్తే అఖిల్ కెరీర్కు ప్లస్ అవుతుందని భావిస్తున్నారు. ప్రస్తుతం చర్చల దశలో ఉన్న ఈ ప్రాజెక్ట్పై త్వరలోనే క్లారిటీ వచ్చే అవకాశం ఉంది.


 అందాల రాక్షసి సినిమాతో మంచి గుర్తింపు తెచ్చుకున్న హను రాఘవపూడి తరువాత కృష్ణగాడి వీర ప్రేమగాథ సినిమాతో కమర్షియల్ సక్సెస్ను సాధించాడు. ఈ సక్సెస్తో స్టార్ హీరోల దృష్టిలో పడ్డ హను రాఘవపూడి, అక్కినేని వారసుడు అఖిల్ రెండో సినిమాను డైరెక్ట్ చేసే ఛాన్స్ కొట్టేశాడు. అయితే హను, అఖిల్లు వేరు వేరు నిర్మాణ సంస్థలకు సైన్ చేసి ఉండటంతో ఈ ఇద్దరి కాంబినేషన్ ఇప్పట్లో సెట్ అయ్యేట్టుగా కనిపించటం లేదు.
 
 అందుకే గ్యాప్ తీసుకోవటం ఇష్టం లేని హను రాఘవపూడి, మరో యంగ్ హీరోతో సినిమా చేసేందుకు రెడీ అవుతున్నాడు. ఇటీవల అ..ఆ.. సినిమాతో 50 కోట్ల మార్క్ను రీచ్ అయిన., నితిన్ హీరోగా సినిమా చేసే ఆలోచనలో ఉన్నాడు. ఈ సినిమాను 14 రీల్స్ బ్యానర్లో చేసేందుకు రెడీ అవుతున్నారు.


 కృష్ణగాడి వీర ప్రేమగాథ సినిమాతో సూపర్ హిట్ కొట్టిన దర్శకుడు హను రాఘవపూడి మరో గోల్డెన్ ఛాన్స్ కొట్టేశాడు. రెండో సినిమాతోనే ఘన విజయం సాధించిన ఈ డైరెక్టర్తో కలిసి పనిచేయడానికి రెడీ అవుతున్నాడు యంగ్ టైగర్ ఎన్టీఆర్. ప్రస్తుతం కొరటాల శివ దర్శకత్వంతో జనతా గ్యారేజ్ సినిమాలో నటిస్తున్న ఎన్టీఆర్, ఆ సినిమా పూర్తయిన తరువాత హను రాఘవపూడి దర్శకత్వంలో సినిమా చేయడానికి అంగీకరించాడట.
 
 అందాల రాక్షసి సినిమాతో ఇండస్ట్రీలో అడుగుపెట్టిన హను, ఆ సినిమాతో అందరి దృష్టిని ఆకర్షించినా, కమర్షియల్ సక్సెస్ మాత్రం సాధించలేకపోయాడు. అందుకే కాస్త గ్యాప్ తీసుకొని తన మార్క్ చూపిస్తూనే కమర్షియల్ ఎలిమెంట్స్ కూడా పుష్కలంగా ఉన్న కృష్ణగాడి వీర ప్రేమగాథ సినిమాతో ఆడియన్స్ ముందుకు వచ్చాడు. ఈ సినిమా ఘన విజయం సాధించటంతో ఇప్పుడు ఎన్టీఆర్ లాంటి స్టార్ హీరోను డైరెక్ట్ చేసే ఛాన్స్ కొట్టేశాడు. ఇప్పటి వరకు అఫీషియల్ ఎనౌన్స్మెంట్ లేకపోయినా ఈ ప్రాజెక్ట్ కన్ఫామ్ అన్న టాక్ వినిపిస్తోంది.


 2012లో రిలీజ్ అయిన ఈగ సినిమా తరువాత సక్సెస్ వేటలో వెనుక పడిన నాని ఇప్పుడు మళ్లీ ఫాంలోకి వచ్చాడు. గత ఏడాది రిలీజ్ అయిన ఎవడే సుబ్రమణ్యం సినిమాతో సక్సెస్ ట్రాక్లోకి వచ్చిన నాని... తరువాత భలే భలే మొగాడివోయ్ సినిమాతో బ్లాక్ బస్టర్ సాధించి మంచి కలెక్షన్ స్టామినా ఉన్న యంగ్ హీరోగా ఎదిగాడు. ఇప్పుడు అదే జోరులో 'కృష్ణగాడి వీర ప్రేమగాథ'తో ఆడియన్స్ ముందుకు వస్తున్నాడు.
 
 ఇప్పటికే రిలీజ్ అయిన కృష్ణగాడి వీర ప్రేమగాథ, ఆడియో, టీజర్స్కు మంచి రెస్పాన్స్ వస్తోంది. గత సినిమాల సక్సెస్తో నాని మీద ఏర్పడ్డ అంచనాలకు తగ్గట్టుగా బిజినెస్ కూడా భారీ స్థాయిలో జరుగుతోంది. ముఖ్యంగా అందాల రాక్షసి సినిమాతో ప్రత్యేక గుర్తింపు తెచ్చుకున్న దర్శకుడు హను రాఘవపూడి దర్శకత్వంలో తెరకెక్కటం, కూడా సినిమా మీద అంచనాలు పెరగటానికి మరో కారణం.
 
 నాని బాలకృష్ణ అభిమానిగా నటిస్తున్న ఈ సినిమాతో మెహరీన్ హీరోయిన్గా పరిచయం అవుతోంది. మహేష్ బాబు, బాలకృష్ణ లాంటి టాప్ స్టార్స్తో సినిమాలు నిర్మించిన 14 రీల్స్ ఎంటర్ టైన్మెంట్స్ తొలిసారిగా ఓ చిన్న సినిమాను తెరకెక్కిస్తుండటం కూడా సినిమాకు చాలా ప్లస్ అయ్యింది. ఫిబ్రవరి 12న రిలీజ్ అవుతున్న కృష్ణగాడి వీర ప్రేమగాథ. నాని విజయగాథను కొనసాగుతుందన్న నమ్మకంతో ఉన్నారు యూనిట్.


 ఇటీవల కాలంలో సరైన హిట్ లేక కష్టాల్లో ఉన్న యంగ్ హీరో నానికి 'భలే భలే మగాడివోయ్' సక్సెస్ కొత్త కిక్ ఇచ్చింది. లో బడ్జెట్ తో డిఫరెంట్ కాన్సెప్ట్ తో తెరకెక్కిన ఈ సినిమా నాని కెరీర్ లోనే బిగెస్ట్ హిట్ గా నిలిచింది. అంతేకాదు.. కరెక్ట్ కంటెంట్ ఉంటే చిన్న సినిమా కూడా 50 కోట్ల వసూళ్లను రాబట్టగలదని ప్రూవ్ చేసింది ఈ సినిమా.
 
 భలే భలే మగాడివోయ్ సినిమాతో నాని మార్కెట్ రేంజ్ కూడా భారీగా పెరిగింది. ముఖ్యంగా ఈ సినిమా ఓవర్ సీస్ లో రికార్డు కలెక్షన్లు వసూళు చేయటం నానికి ప్లస్ అయ్యింది. ఇదే జోష్ తో నాని ప్రస్తుతం చేస్తున్న సినిమాకు షూటింగ్ కూడా పూర్తి కాకముందే బిజినెస్ జరిగిపోయిందట.
 
 ప్రస్తుతం నాని, అందాల రాక్షసి ఫేం హను రాఘవపూడి దర్శకత్వంలో ఓ రొమాంటిక్ ఎంటర్ టైనర్ లో నటిస్తున్నాడు. 14 రీల్స్ బ్యానర్ పై తెరకెక్కుతున్న ఈ సినిమా షూటింగ్ నవంబర్ లో పూర్తి కానుంది. ఇప్పటికే ఈ సినిమా బిజినెస్ పూర్తయ్యింది. ఈ డిసెంబర్ లేదా జనవరిలో రిలీజ్ చేయడానికి ప్లాన్ చేస్తున్నారు చిత్రయూనిట్.