న్యూఢిల్లీ: స్నాక్స్‌ తయారీ దిగ్గజం హల్దీరామ్స్‌లో మెజారిటీ వాటా కొనుగోలుకి ప్రయివేట్‌ ఈక్విటీ దిగ్గజం బ్లాక్‌స్టోన్‌ ఆసక్తి చూపుతున్నట్లు తెలుస్తోంది. ఇందుకు ఇప్పటికే ప్రారంభించిన చర్చలు తుది దశకు చేరినట్లు సంబంధిత వర్గాలు చెబుతున్నాయి. అబుదాబి ఇన్వెస్ట్‌మెంట్‌ అథారిటీ, సింగపూర్‌ సంస్థ జీఐసీతో జత కట్టిన బ్లాక్‌స్టోన్‌ కొద్ది నెలలుగా హల్దీరామ్స్‌ ప్రమోటర్లు అగర్వాల్‌ కుటుంబంతో చర్చలు నిర్వహిస్తున్నట్లు వార్తలు వెలువడిన సంగతి తెలిసిందే. అయితే బిజినెస్‌ విలువ విషయంలో అంగీకారం కుదరకపోవడంతో చర్చలు నిలిచిపోయాయి. కాగా.. స్నాక్స్‌ విభాగంలో దేశీయంగా ప్రధాన కంపెనీగా నిలుస్తున్న హల్దీరామ్స్‌లో నియంత్రిత వాటాను సొంతం చేసుకునేందుకు బ్లాక్‌స్టోన్‌ ఇంక్‌ ప్రస్తుతం చర్చల్లో ఇటీవల పురోగతి సాధించినట్లు తెలుస్తోంది. ఒక అంచనా ప్రకారం రూ. 70,000 కోట్ల విలువలో హల్దీరామ్స్‌ కొనుగోలుకి డీల్‌ కుదిరే వీలున్నట్లు పరిశ్రమ వర్గాలు పేర్కొన్నాయి. 76%పై కన్ను హల్దీరామ్స్‌లో 76 శాతం వాటా కొనుగోలుపై బ్లాక్‌స్టోన్‌ కన్సార్షియం కన్నేసినట్లు తెలుస్తోంది. అయితే అగర్వాల్‌ కుటుంబం భారీ వాటా విక్రయానికి సిద్ధంగా లేనట్లు తెలుస్తోంది. అంతేకాకుండా కంపెనీ విలువ నిర్ధారణలోనూ అంగీకారం కుదరనట్లు సంబంధిత వర్గాలు చెబుతున్నాయి. ప్రమోటర్లలో కొంతమంది 51 శాతం వాటా విక్రయానికి మాత్రమే ఆసక్తి చూపుతున్నట్లు తెలియజేశాయి. ఒకవేళ బ్లాక్‌స్టోన్‌తో ఒప్పందం కుదిరితే దేశీయంగా అతిపెద్ద పీఈ డీల్‌గా చరిత్ర సృష్టించే వీలున్నట్లు పేర్కొన్నాయి. చర్చలు ఏక్షణమైనా విఫలమైతే ఇతర ప్రత్యామ్నాయాలను సైతం అగర్వాల్‌ కుటుంబం సిద్ధం చేసుకుంటున్నట్లు వెల్లడించాయి. ఈ నేపథ్యంలోనే పబ్లిక్‌ ఇష్యూకి సైతం తెరతీసే యోచనలో ఉన్నట్లు తెలియజేశాయి. అగర్వాల్‌ కుటుంబం ఢిల్లీ, నాగ్‌పూర్‌ బ్రాంచీల ఎఫ్‌ఎంసీజీ బిజినెస్‌ను విలీనం చేసే ప్రణాళికల్లో ఉంది. హల్దీరామ్‌ స్నాక్స్‌ పీవీటీ లిమిటెడ్, హల్దీరామ్‌ ఫుడ్స్‌ ఇంటర్నేషనల్‌ పీవీటీ లిమిటెడ్‌ విలీనం ద్వారా హల్దీరామ్‌ స్నాక్‌ ఫుడ్స్‌ పీవీటీ లిమిటెడ్‌గా ఏర్పాటు చేయనుంది. ఈ కంపెనీలో ఢిల్లీ బ్రాంచ్‌ 56 శాతం, నాగ్‌పూర్‌ బ్రాంచ్‌ 44 శాతం చొప్పున వాటాను తీసుకోనున్నాయి.

హైదరాబాద్, బిజినెస్‌ బ్యూరో: కాంట్రాక్ట్‌ రిసర్చ్, డెవలప్‌మెంట్, మాన్యుఫ్యాక్చరింగ్‌ కంపెనీ సాయి లైఫ్‌ సైన్సెస్‌లో మెజారిటీ వాటా కొనుగోలు రేసులో యూఎస్‌కు చెందిన ప్రైవేట్‌ ఈక్విటీ సంస్థ బెయిన్‌ క్యాపిటల్‌ ముందు వరుసలో నిలిచినట్టు సమాచారం. ఈ డీల్‌ ద్వారా సాయి లైఫ్‌ సైన్సెస్‌ నుంచి టీపీజీ క్యాపిటల్‌ పూర్తిగా తప్పుకోనుంది. అలాగే ఇతర ఇన్వెస్టర్లు తమ వాటాలను విక్రయిస్తున్నారు. ప్రమోటర్‌ గ్రూప్‌ సైతం తమ వాటాల్లో కొంత భాగాన్ని విక్రయించినట్టయితే బెయిన్‌ క్యాపిటల్‌ నియంత్రణలోకి సాయి లైఫ్‌సైన్సెస్‌ వెళుతుంది. సాయి లైఫ్‌ సైన్సెస్‌లో టీపీజీ క్యాపిటల్‌కు 43.4 శాతం, హెచ్‌బీఎం ప్రైవేట్‌ ఈక్విటీ ఇండియాకు 6 శాతం, మిగిలిన వాటా ప్రమోటర్లకు ఉంది. డీల్‌ ద్వారా సాయి లైఫ్‌ సైనెŠస్‌స్‌ను రూ.6,650 కోట్లుగా విలువ కట్టినట్టు తెలుస్తోంది. అడ్వెంట్‌ ఇంటర్నేషనల్, కేకేఆర్, చార్లెస్‌ రివర్‌ సైతం వాటా కొనుగోలుకు ఆసక్తి కనబరిచాయి.

న్యూఢిల్లీ: దేశీ కంపెనీ వికాస్‌ లైఫ్‌కేర్‌ లిమిటెడ్‌ తాజాగా దుబాయ్‌ సంస్థ స్కై 2.0 క్లబ్‌లో మెజారిటీ వాటాను కొనుగోలు చేయనుంది. ఇందుకు 7.9 కోట్ల డాలర్లు(సుమారు రూ. 650 కోట్లు) వెచి్చంచనుంది.  2023–24 లోపు వాటా కొనుగోలు ప్రక్రియ ముగియనున్నట్లు కంపెనీ స్టాక్‌ ఎక్సే్ఛంజీలకు తెలియజేసింది. స్కై 2.0 క్లబ్‌ హోల్డింగ్‌ సంస్థ బ్లూ స్కై ఈవెంట్‌ హాల్‌ ఎఫ్‌జెడ్‌–ఎల్‌ఎల్‌సీ(దుబాయ్‌)తో ఇందుకు వాటా మార్పిడి ఒప్పందాన్ని కుదుర్చుకున్నట్లు వెల్లడించింది. 60% వాటాతోపాటు.. భవిష్యత్‌ బిజినెస్‌ వెంచర్లనూ సొంతం చేసుకోనున్నట్లు వివరించింది. 13 కోట్ల ఎంటర్‌ప్రైజ్‌ విలువలో ఇందుకు డీల్‌ కుదిరినట్లు తెలిపింది.

హైదరాబాద్, బిజినెస్‌ బ్యూరో: ఏషియన్‌ ఇన్‌స్టిట్యూట్‌ ఆఫ్‌ నెఫ్రాలజీ, యూరాలజీ(ఏఐఎన్‌యూ)లో మెజారిటీ వాటాను సొంతం చేసుకున్నట్లు ఏషియా హెల్త్‌కేర్‌ హోల్డింగ్స్‌(ఏహెచ్‌హెచ్‌) తాజాగా పేర్కొంది. తదుపరి దశలో రూ. 600 కోట్లు ఇన్వెస్ట్‌ చేయనున్నట్లు వెల్లడించింది. పెట్టుబడులను ప్రైమరీ, సెకండరీ ఈక్విటీ మార్గంలో చేపట్టనున్నట్లు తెలియజేసింది. తాజా కొనుగోలు ద్వారా ఏహెచ్‌హెచ్‌ యూరాలజీ, నెఫ్రాలజీ విభాగాల్లోకి ప్రవేశించనుంది. డాక్టర్లయిన సి. మల్లికార్జున్, పి.సి. రెడ్డిల నేతృత్వంలో ప్రముఖ యూరాలజిస్టులు, నెఫ్రాలజిస్టులు కలిసి 2013లో ఏఐఎన్‌యూను ఏర్పాటు చేశారు. దీనికి హైదరాబాద్, విశాఖపట్టణం, సిలిగురి, చెన్నైలలో 7 ఆసుపత్రులు ఉన్నాయి. రోబోటిక్‌ యూరాలజీ సర్జరీలో ప్రత్యేకతను కలిగి ఉంది. 500కుపైగా పడకలతో సేవలను అందిస్తోంది. 4 లక్షలకుపైగా రోగులకు సేవలు అందించడంతోపాటు యూరాలజీలో 1,000కి పైగా రోబోటిక్‌ సర్జరీలను పూర్తి చేసింది. తమ ప్లాట్‌ఫామ్‌కు ఏఐఎన్‌యూ కొత్త స్పెషాలిటీలను జత చేయడమేకాకుండా సంస్థ విజన్‌ మరింత పటిష్టమయ్యేందుకు దోహదపడనుందంటూ ఏహెచ్‌హెచ్‌ ఎగ్జిక్యూటివ్‌ చైర్మన్‌ విశాల్‌ బాలి పేర్కొన్నారు. నగరాలలోనేకాకుండా టైర్‌–2 పట్టణాలలోనూ యూరాలజీ రోబోటిక్‌ సర్జరీలను అందుబాటులోకి తీసుకువచి్చనట్లు ఏఐఎన్‌యూ ఎండీ, చీఫ్‌ కన్సల్టెంట్‌ యూరాలజిస్ట్‌ డాక్టర్‌ సి.మల్లికార్జున్‌ తెలియజేశారు. భవిష్యత్‌లో యూరోఆంకాలజీ, యూరోగైనకాలజీ, పీడియాట్రిక్‌ యూరాలజీ సేవలకు డిమాండ్‌ పెరిగే వీలున్నట్లు ఈడీ పి.సి. రెడ్డి వివరించారు. సంస్థ తదుపరి దశ వృద్ధికి ఏహెచ్‌హెచ్‌ దోహదపడగలదని పేర్కొన్నారు. 2017లో ప్రారంభమైన ఏహెచ్‌హెచ్‌ పోర్ట్‌ఫోలియోలో మదర్‌హుడ్‌ హాస్పిటల్స్, నోవా ఐవీఎఫ్‌ ఫెర్టిలిటీ వంటి సంస్థలు ఉన్నాయి. మదర్‌హుడ్‌ హాస్పిటల్స్‌కు 11 నగరాల్లో 23 మహిళా, శిశు ఆస్పత్రులు, నోవా ఐవీఎఫ్‌కు 44 నగరాల్లో 68 ఐవీఎస్‌ సెంటర్లు ఉన్నాయి.

హైద‌రాబాద్: సింగిల్ స్పెషాలిటీ హెల్త్‌కేర్ డెలివ‌రీ ప్లాట్‌ఫాం అయిన ఏషియా హెల్త్‌కేర్ హోల్డింగ్స్ (ఏహెచ్‌హెచ్‌) సంస్థ‌.. యూరాల‌జీ, నెఫ్రాల‌జీ విభాగాల‌కు గాను దేశంలోనే అతిపెద్ద సింగిల్ స్పెషాలిటీ ఆస్ప‌త్రి అయిన ఏషియ‌న్ ఇన్‌స్టిట్యూట్ ఆఫ్ నెఫ్రాల‌జీ అండ్ యూరాల‌జీ (ఏఐఎన్‌యూ)లో మెజారిటీ వాటాను తీసుకుంది. ఏఐఎన్‌యూకు దేశంలోని నాలుగు ప్ర‌ధాన న‌గ‌రాల్లో ఆస్ప‌త్రులు ఉండ‌టంతో పాటు రోబోటిక్ యూరాల‌జీ స‌ర్జ‌రీల‌లో ముందంజ‌లో ఉన్న ఘ‌న‌త ఉంది.  ప్రైమ‌రీ, సెకండ‌రీ ఇన్‌ప్యూజ‌న్ల ద్వారా ఏహెచ్‌హెచ్ ఈ సంస్థ‌లో రూ.600 కోట్ల పెట్టుబ‌డి పెడుతుంది.  ఏహెచ్‌హెచ్ ఇప్పుడు యూరాల‌జీ, నెఫ్రాల‌జీ విభాగంలోకి ఈ పెట్టుబ‌డి ద్వారా అడుగుపెట్ట‌డంతో నాలుగో స్పెషాలిటీలోకి కూడా వ‌చ్చిన‌ట్ల‌యింది.  త‌ద్వారా, భార‌త‌దేశంతో పాటు ఆసియా ఉప‌ఖండంలోనే ఏకైక అతిపెద్ద సింగిల్ స్పెషాలిటీ హెల్త్‌కేర్ డెలివ‌రీ ప్లాట్‌ఫాం అవుతుంది. ఏహెచ్‌హెచ్ 2017లో ప్రారంభ‌మైంది. అప్ప‌టినుంచి ఆంకాల‌జీ (సీటీఎస్ఐ), మ‌హిళ‌లు, పిల్ల‌లు (మ‌ద‌ర్‌హుడ్ హాస్పిట‌ల్స్), ఐవీఎఫ్‌, సంతాన సాఫ‌ల్యం (నోవా ఐవీఎఫ్‌) ఆస్ప‌త్రుల‌లో వాటాలు తీసుకుంది. ఇవ‌న్నీ ఆయా రంగాల్లో నాయ‌క‌త్వ స్థానాల్లో ఉన్న‌వే.  డాక్ట‌ర్ సి.మ‌ల్లికార్జున‌, డాక్ట‌ర్ పి.సి. రెడ్డిల నేతృత్వంలోని ప్ర‌ముఖ యూరాల‌జిస్టులు, నెఫ్రాల‌జిస్టులు క‌లిసి 2013లో ఏఐఎన్‌యూను స్థాపించారు. అప్ప‌టినుంచి దేశంలో యూరాల‌జీ, నెఫ్రాల‌జీ క్లినిక‌ల్ స్పెషాలిటీలో ప్ర‌ముఖ ఆస్ప‌త్రిగా ఎదిగింది. ఈ కంపెనీ ప్ర‌స్తుతం హైద‌రాబాద్, విశాఖ‌ప‌ట్నం, సిలిగురి, చెన్నై న‌గ‌రాల్లో ఏడు ఆస్ప‌త్రులు న‌డుపుతోంది. వీట‌న్నింటిలో క‌లిపి 500కు పైగా ప‌డ‌క‌లున్నాయి, 4 ల‌క్ష‌ల మందికి పైగా రోగుల‌కు చికిత్స చేసి, 50వేల ప్రొసీజ‌ర్లు పూర్తిచేసింది. రోబోటిక్ యూరాల‌జీ శ‌స్త్రచికిత్స‌ల‌లో ఏఐఎన్‌యూ నాయ‌క‌త్వ‌స్థానం సంపాదించింది. ఇప్ప‌టికి ఈ టెక్నాల‌జీతో వెయ్యికి పైగా ఆప‌రేష‌న్లు పూర్తిచేసింది. ఇక నెఫ్రాల‌జీ విభాగం విష‌యానికొస్తే, 2 ల‌క్ష‌ల‌కు పైగా డ‌యాల‌సిస్‌లు, 300 మూత్ర‌పిండాల మార్పిడి శ‌స్త్రచికిత్స‌లు ఇక్క‌డ చేశారు.  “యూరాల‌జీ, నెఫ్రాల‌జీ విభాగాల్లో ఏఐఎన్‌యూ ఒక విభిన్నమైన సింగిల్ స్పెషాలిటీ హాస్పిట‌ల్ చైన్. ఆయా విభాగాల్లో ద‌శాబ్దాల అనుభ‌వం ఉన్న వైద్యులు.. క్లినిక‌ల్ నైపుణ్యం అనే పునాదిపై దీన్ని నిర్మించారు. ఏహెచ్‌హెచ్ ప్లాట్‌ఫాంలో ఏఐఎన్‌యూ కేవ‌లం ఒక కొత్త స్పెషాలిటీని క‌ల‌ప‌డ‌మే కాక‌, దేశంలో సింగిల్ స్పెషాలిటీ వైద్య‌వ్య‌వ‌స్థ‌ను మ‌రింత పెంచాల‌న్న మా ల‌క్ష్యాన్ని మ‌రింత బ‌లోపేతం చేస్తోంది. యూర‌లాజిక‌ల్ స‌మ‌స్య‌లు అత్యంత ఎక్కువగా ఉన్న టాప్‌-3 దేశాల్లో భార‌త్ కూడా ఒక‌టి.  ఇక్క‌డ మ‌ధుమేహం, ర‌క్త‌పోటు అధికంగా ఉండ‌టంతో పాటు దీర్ఘ‌కాల మూత్ర‌పిండాల వ్యాధి (సీకేడీ) కూడా ఎక్కువ‌గా ఉంటోంది. దేశంలో యూరాల‌జీ, నెఫ్రాల‌జీ వైద్య‌సేవ‌ల‌కు ఉన్న డిమాండుకు, స‌ర‌ఫ‌రాకు మ‌ధ్య ఉన్న అంత‌రాన్ని పూడ్చేందుకు ఏఐఎన్‌యూ మాతో క‌ల‌వ‌డం మాకెంతో సంతోషంగా ఉంది” అని ఏషియా హెల్త్‌కేర్ హోల్డింగ్స్ ఎగ్జిక్యూటివ్ ఛైర్మ‌న్ విశాల్ బాలి తెలిపారు.  ఏఐఎన్‌యూ తన ఆస్ప‌త్రుల‌న్నింటిలో యూరాలజీ స‌మ‌స్య‌లకు అత్యాధునిక చికిత్సను అందిస్తుంది. దీని సమగ్ర సేవలలో మూత్ర‌పిండాల్లో రాళ్లు, యూరాలజీ క్యాన్సర్లు, ప్రోస్టేట్ వ్యాధులు, పునర్నిర్మాణ యూరాలజీ శస్త్రచికిత్స, లాపరోస్కోపిక్ యూరాలజీ, ఆండ్రాలజీకి రోగనిర్ధారణ, చికిత్స ఉన్నాయి. నెఫ్రాలజీ విభాగంలో తీవ్రమైన, దీర్ఘకాలిక, తుది ద‌శ‌ మూత్రపిండ వ్యాధులకు (ఇఎస్ఆర్‌డీ) చికిత్సను అందిస్తారు. అలాగే మెరుగైన క్లినికల్ ఫలితాలను అందించడానికి హై-ఎండ్ హిమోడయాఫిల్టరేషన్ (హెచ్‌డీఎఫ్) యంత్రాలతో కూడిన అత్యాధునిక డయాలసిస్ యూనిట్ ఉంది. “భార‌తీయులకు మూత్ర‌పిండాల్లో రాళ్ల స‌మ‌స్య‌లు, కేన్స‌ర్ ర‌హిత ప్రోస్టేట్ ఎన్‌లార్జిమెంట్ స‌మ‌స్య‌లు ఎక్కువ‌. గ‌త ద‌శాబ్ద కాలంలో యూర‌లాజిక‌ల్ కేన్స‌ర్లు కూడా ఎక్కువ కావ‌డాన్ని మేం గ‌మ‌నించాం. ప్రోస్టేట్, బ్లాడ‌ర్ కేన్స‌ర్లు ఎక్కువ‌వుతున్నాయి. మా బృందం యూర‌లాజిక‌ల్ కేన్స‌ర్ల‌కే వెయ్యి రోబోటిక్ స‌ర్జ‌రీలు చేసింది. కేవ‌లం భార‌తీయ న‌గరాల్లోనే కాక‌, 2టైర్ ప‌ట్ట‌ణాల్లోనూ రోబోటిక్ యూరాల‌జీ స‌ర్జ‌రీల‌ను అందుబాటులోకి తెస్తున్నాం. రాబోయే సంవ‌త్స‌రాల్లో యూరో-ఆంకాల‌జీ, యూరో-గైన‌కాల‌జీ, పీడియాట్రిక్ యూరాల‌జీ కేసులు పెరిగే అవ‌కాశాలున్నాయి. ఏహెచ్‌హెచ్ రాబోయే కాలంలో మా త‌దుప‌రి ద‌శ వృద్ధికి స‌రైన భాగ‌స్వామి అవుతుంద‌ని న‌మ్ముతున్నాం” అని ఏఐఎన్‌యూ చీఫ్ క‌న్స‌ల్టెంట్ యూరాల‌జిస్టు, మేనేజింగ్ డైరెక్ట‌ర్ డాక్ట‌ర్ సి. మ‌ల్లికార్జున చెప్పారు.  “భారతదేశ‌ జనాభాలో సుమారు 10 శాతం మంది దీర్ఘకాలిక మూత్రపిండాల వ్యాధితో బాధపడుతున్నారు. ప్రతి సంవత్సరం లక్షకు పైగా మూత్రపిండాల వైఫల్యం కేసులు నమోదవుతున్నాయి. ఇది భారతదేశంలోని రోగులకు నెఫ్రాలజీ చికిత్స‌ల‌పై దృష్టి సారించాల్సిన అవ‌స‌రాన్ని పెంచుతోంది.  దీర్ఘకాలిక మూత్రపిండాల వ్యాధులు పెరుగుతున్నందున, క్లినికల్ ఫలితాలను మెరుగుపరచడానికి, మెరుగైన రోగి సంరక్షణ కోసం డయాలసిస్, మూత్ర‌పిండాల‌ మార్పిడిలో సాంకేతిక పురోగతి చాలా అవసరం” అని ఏఐఎన్‌యూ సీనియర్ యూరాలజిస్ట్, ఎగ్జిక్యూటివ్ డైరెక్టర్ డాక్టర్ పిసి రెడ్డి అన్నారు.  2022లో భారతదేశం సుమారు 1.89 కోట్ల నెఫ్రాలజీ, యూరాలజీ విధానాలను నమోదు చేసింది. వచ్చే ఐదేళ్లలో సిఎజిఆర్ 8-9% పెరుగుతుందని అంచనా. భారత్ లో 6,000 మంది యూరాలజిస్టులు, 3,500 మంది నెఫ్రాలజిస్టులు ఉన్నారు. భారతదేశంలో ప్రతి సంవత్సరం సుమారు 350 మంది యూరాలజిస్టులు, 250 మంది నెఫ్రాలజిస్టులు గ్రాడ్యుయేషన్‌ పూర్తిచేస్తున్నారు. లాపరోస్కోపిక్, ఎండోస్కోపిక్, రోబోటిక్ శస్త్రచికిత్సా ఎంపికల పెరుగుదల దేశంలోని మెట్రోలు, ద్వితీయ శ్రేణి నగరాలలో ఎఐఎన్యుకు బలమైన వృద్ధి అవకాశాన్ని ఇస్తుంది. ఏషియా హెల్త్ కేర్ హోల్డింగ్స్ గురించి 2017లో ప్రారంభ‌మైన ఏషియా హెల్త్ కేర్ హోల్డింగ్స్ (ఏహెచ్‌హెచ్) అనేది సింగ‌పూర్‌కు చెందిన సావరిన్ హెల్త్ ఫండ్ అయిన టిపిజి గ్రోత్, జిఐసి నిధులతో ఏర్ప‌డిన సింగిల్ స్పెషాలిటీ ఇన్వెస్ట్‌మెంట్‌, ఆప‌రేటింగ్ హెల్త్‌కేర్ ప్లాట్‌ఫాం. భారతదేశంలోని 11 నగరాల్లో 23 చోట్ల మహిళలు, పిల్లల ఆసుపత్రుల సమగ్ర నెట్‌వ‌ర్క్ అయిన మదర్‌హుడ్ హాస్పిటల్స్ దీని ప‌రిధిలో ఉన్నాయి. దాంతోపాటు భారతదేశం, దక్షిణాసియాలోని 44 నగరాల్లో 68 ఐవిఎఫ్ సెంటర్లున్న‌ నోవా ఐవీఎఫ్ ఫెర్టిలిటీని కూడా ఏహెచ్‌హెచ్ కలిగి ఉంది. ఏహెచ్‌హెచ్ భారతదేశంలోని రెండో అతిపెద్ద ఆంకాలజీ ఆసుపత్రుల చైన్ అయిన సీటీఎస్ఐని ఏర్పాటుచేసి, 2019 లో కంపెనీ నుంచి నిష్క్రమించింది.   ఏఐఎన్‌యూ గురించి ఏషియ‌న్ ఇన్‌స్టిట్యూట్ ఆఫ్ నెఫ్రాల‌జీ అండ్ యూరాల‌జీ (ఏఐఎన్‌యూ) అనేది యూరాల‌జీ, నెఫ్రాల‌జీ చికిత్స‌ల‌కు భార‌త‌దేశంలో అతి పెద్ద సింగిల్ స్పెషాలిటీ ఆస్ప‌త్రి. దేశంలోని నాలుగు న‌గ‌రాల్లో ఏడు ఆస్ప‌త్రులు ఉన్నాయి. వీటిలో నెఫ్రాల‌జిస్టులు, యూరాల‌జిస్టుల‌తో కూడిన బృందాలు ఉన్నాయి. యూరాల‌జీ, నెఫ్రాల‌జీ విభాగాల్లో క్లినిక‌ల్ నైపుణ్యాల‌కు ఇది పెట్టింది పేరు.  దాంతోపాటు యూరో-ఆంకాల‌జీ, రీక‌న్‌స్ట్ర‌క్టివ్ యూరాల‌జీ, పీడియాట్రిక్ యూరాల‌జీ, ఫిమేల్ యూరాల‌జీ, ఆండ్రాల‌జీ, మూత్ర‌పిండాల మార్పిడి, డ‌యాల‌సిస్ లాంటి సేవ‌లూ అందిస్తుంది.  రోబోటిక్ యూరాల‌జీ శ‌స్త్రచికిత్స‌ల‌కు దేశంలోనే ఇది ఆద‌ర్శ‌ప్రాయం. దేశ‌వ్యాప్తంగా ఉన్న ఈ ఆస్ప‌త్రి నెట్‌వ‌ర్క్‌లో 500 ప‌డ‌క‌లు ఉన్నాయి, ఇప్ప‌టివ‌ర‌కు ల‌క్ష మందికిపైగా రోగుల‌కు చికిత్స‌లు చేసింది. ఏఐఎన్‌యూకు ఎన్ఏబీహెచ్, డీఎన్‌బీ (యూరాల‌జీ, నెఫ్రాల‌జీ), ఎఫ్ఎన్‌బీ (మినిమ‌ల్ ఇన్వేజివ్ స‌ర్జ‌రీ)ల గుర్తింపు ఉంది.

న్యూఢిల్లీ: మణిపాల్‌ హాస్పిటల్స్‌లో మెజారిటీ వాటాలు దక్కించుకునే దిశగా షియర్స్‌ హెల్త్‌కేర్‌ ఇండియా ఒప్పందం కుదుర్చుకున్నట్లు సమాచారం. హెల్త్‌కేర్‌ రంగంలో ఇదే అతిపెద్ద ప్రైవేట్‌ ఈక్విటీ డీల్‌ కాగలదని పరిశ్రమవర్గాలు తెలిపాయి. డీల్‌పై వచ్చే వారం అధికారిక ప్రకటన చేసే అవకాశం ఉందని వివరించాయి. ఒప్పందం ప్రకారం మణిపాల్‌ హాస్పిటల్స్‌ విలువ సుమారు రూ.40,000 కోట్లు – రూ.42,000 కోట్లుగా మదింపు చేసినట్లు పేర్కొన్నాయి. ప్రమోటర్‌ కుటుంబం, ఇతర ఇన్వెస్టర్లయిన టీపీజీ, ఎన్‌ఐఐఎఫ్‌ నుంచి వాటాలు కొనుగోలు చేయడం ద్వారా తన వాటాను పెంచుకునేందుకు షియర్స్‌ ప్రయత్నాల్లో ఉన్నట్లు వార్తలు వచ్చాయి. మిగతా ఇన్వెస్టర్ల నుంచి 41 శాతం వాటాను కొనుగోలు చేయడం ద్వారా షియర్స్‌ తన మొత్తం వాటాను 59 శాతానికి పెంచుకునే అవకాశం ఉందని సంబంధిత వర్గాలు వివరించాయి. మణిపాల్‌ గ్రూప్‌నకు 28 ఆస్పత్రులు, 8,000 పడకలు ఉన్నాయి.   సింగపూర్‌కు చెందిన ప్రైవేట్‌ ఈక్విటీ దిగ్గజం టెమాసెక్‌కు సంబంధించిన హెల్త్‌కేర్‌ డెలివరీ అసెట్లను షియర్స్‌ నిర్వహిస్తోంది. షియర్స్‌కు మణిపాల్‌ హాస్పిటల్స్‌లో ప్రస్తుతం 18 శాతం వాటాలు ఉన్నాయి. దానితో పాటు అమెరికన్‌ ప్రైవేట్‌ ఈక్విటీ సంస్థ టీపీజీకి 21%, భారత సార్వభౌమ వెల్త్‌ఫండ్‌ నేషనల్‌ ఇన్‌ఫ్రాస్ట్రక్చర్‌ ఇన్వెస్ట్‌మెంట్‌ ఫండ్‌ (ఎన్‌ఐఐఎఫ్‌)కు 8 శాతం వాటాలు ఉన్నాయి. కోల్‌కతాకు చెందిన హాస్పిటల్‌ చెయిన్‌ మెడికా సినర్జీ, మెడాంటా హాస్పిటల్స్‌ ఆపరేటర్‌ గ్లోబల్‌ హెల్త్‌లోనూ షియర్స్‌ వాటాదారుగా ఉంది. 

న్యూఢిల్లీ: బాద్‌షా మసాలాలో మెజారిటీ వాటా(51 శాతం) కొనుగోలు చేసేందుకు తప్పనిసరి ఒప్పందాన్ని కుదుర్చుకున్నట్లు దేశీ ఎఫ్‌ఎంసీజీ దిగ్గజం డాబర్‌ ఇండియా తాజాగా పేర్కొంది. ఇందుకు దాదాపు రూ. 588 కోట్లు వెచ్చించనున్నట్లు వెల్లడించింది. తద్వారా వేగవంత వృద్ధిలోనున్న మసాలా దినుసుల విభాగంలోకి ప్రవేశించేందుకు డాబర్‌కు వీలు చిక్కనుంది. డీల్‌ ప్రకారం రూ. 1,152 కోట్ల ఎంటర్‌ప్రైజ్‌ విలువలో బాద్‌షా సొంతం చేసుకోనుంది. మిగిలిన 49 శాతం వాటాను సైతం ఐదేళ్ల తదుపరి కొనుగోలు చేయనున్నట్లు తెలియజేసింది. ఆహార సంబంధ బిజినెస్‌ను మరింత విస్తరించే వ్యూహంలో భాగంగా బాద్‌షా కొనుగోలుకి తెరతీసినట్లు డాబర్‌ పేర్కొంది. వెరసి రూ. 25,000 కోట్ల విలువైన బ్రాండెడ్‌ మసాలా దినుసుల విభాగంలోకి ప్రవేశించనుంది. దీంతో రానున్న మూడేళ్లలో ఫుడ్‌ బిజినెస్‌ ఆదా యాన్ని రూ. 500 కోట్లకు చేర్చే వీలున్నట్లు డాబర్‌ తెలియజేసింది. 1958లో ఏర్పాటైన బాద్‌షా మసాలా 2021–22లో రూ. 189 కోట్ల టర్నోవర్‌ సాధించింది. రూ. 2.5 డివిడెండ్‌ ఈ ఆర్థిక సంవత్సరం (2022–23) రెండో త్రైమాసికంలో డాబర్‌ ఇండియా కన్సాలిడేటెడ్‌ నికర లాభం స్వల్పంగా 3 శాతం క్షీణించి రూ. 491 కోట్లకు పరిమితమైంది. గతేడాది (2021–22) ఇదే కాలంలో లాభం రూ. 505 కోట్లుగా నమోదైంది. వాటాదారులకు షేరుకి రూ. 2.5 చొప్పున మధ్యంతర డివిడెండ్‌ ప్రకటించింది. ఈ కాలంలో మొత్తం ఆదాయం 6 శాతం పుంజుకుని రూ. 2,986 కోట్లను అధిగమించింది. గత క్యూ2లో రూ. 2,818 కోట్ల టర్నోవర్‌ సాధించింది.

న్యూఢిల్లీ: అల్ట్రాఫ్రెష్‌ మాడ్యులర్‌ సొల్యూషన్స్‌లో మెజారిటీ వాటాను కొనుగోలు చేయనున్నట్లు కిచెన్‌ అప్లయెన్సెస్‌ దిగ్గజం టీటీకే ప్రెస్టీజ్‌ తాజాగా పేర్కొంది. ప్రస్తుతం 40 శాతం వాటాను సొంతం చేసుకునేందుకు వీలుగా రూ. 20 కోట్లు ఇన్వెస్ట్‌ చేసినట్లు వెల్లడించింది. తదుపరి మరో రూ. 10 కోట్లు వెచ్చించడం ద్వారా 51 శాతం వాటాను దక్కించుకోనున్నట్లు టీటీకే ప్రెస్టీజ్‌ ఎండీ చంద్రు కల్రో తెలియజేశారు. దీంతో వేగవంత వృద్ధిలో ఉన్న మాడ్యులర్‌ కిచెన్‌ సొల్యూషన్స్‌ విభాగంలో ప్రవేశించేందుకు కంపెనీకి వీలు చిక్కనుంది. మొత్తం కిచెన్‌ సొల్యూషన్స్‌ అందించే కంపెనీగా ఆవిర్భవించే లక్ష్యంలో భాగంగా తాజా కొనుగోలుని చేపట్టినట్లు కంపెనీ చైర్మన్‌ టీటీ జగన్నాథన్‌ పేర్కొన్నారు. ప్రస్తుతం మాడ్యులర్‌ కిచెన్‌ మార్కెట్‌ విలువ రూ. 9,500 కోట్లుగా ఉన్నట్లు తెలియజేశారు. దీనిలో 25 శాతమే బ్రాండెడ్‌ విభాగం ఆక్రమిస్తున్నట్లు వెల్లడించారు. మాడ్యులర్‌ కిచెన్‌లోకి అల్ట్రాఫ్రెష్‌ కొనుగోలు ద్వారా మాడ్యులర్‌ కిచెన్‌ సొల్యూషన్స్‌ విభాగంలో అడుగు పెట్టనున్నట్లు చంద్రు తెలియజేశారు. కంపెనీ బిజినెస్‌కు ఇది అదనపు ప్రయోజనాలను కల్పిస్తుందని చెప్పారు. 2025 ఆర్థిక సంవత్సరానికల్లా రూ. 5,000 కోట్ల టర్నోవర్‌ సాధించాలని లక్షిస్తున్నట్లు వెల్లడించారు. దీనిలో రూ. 1,000 కోట్లు ఇతర కంపెనీలను సొంతం చేసుకోవడం ద్వారా ఆశిస్తున్నట్లు తెలియజేశారు. తాజా కొనుగోలు దీనిలో భాగమేనని వివరించారు. ప్రస్తుత నాయకత్వంలోనే స్వతంత్ర కంపెనీగా అల్ట్రాఫ్రెష్‌ మాడ్యులర్‌ కొనసాగనున్నట్లు వెల్లడించారు. అవసరమైతే ప్రెస్టీజ్‌ బ్రాండును వినియోగించుకుంటుందని తెలియజేశారు. రానున్న ఐదేళ్లలో రూ. 23,000 కోట్ల టర్నోవర్‌ను సాధించగలమన్న ధీమాను వ్యక్తం చేశారు. ప్రస్తుతం అల్ట్రాఫ్రెష్‌ 120 స్టూడియోలతో దేశవ్యాప్తంగా 5,000 కిచెన్‌లను తయారు చేసినట్లు తెలియజేశారు.  

75–80 శాతం తగ్గిన నల్లధనం లావాదేవీలు ∙తుది వినియోగదారులతో గృహాలకు డిమాండ్‌: అనరాక్‌ కన్సల్టెన్సీ పెద్ద నోట్ల రద్దు అనే చెట్టు ఫలాలు చేతికొస్తున్నాయి. డీమానిటైజేషన్‌ తర్వాత దేశీయ గృహ విభాగం గతుకుల రోడ్ల మీద ప్రయాణంలా మొదలై.. నేడు హైవే మీద దూసుకెళుతోంది. ఊహాజనిత కొనుగోళ్లు, విక్రయాలు పూర్తిగా తొలగిపోయాయి. దేశీయ గృహ విభాగంలో నల్లధనం లేదా నగదు లావాదేవీలు 75–80 శాతం మేర క్షీణించాయి. తుది వినియోగదారులతో గృహ విభాగంలో అసలు డిమాండ్‌ ఏర్పడింది. ఇంటిని ఎందుకు కొంటున్నాం.. ఎందుకు విక్రయిస్తున్నామనే ప్రాథమిక అంశాలను నిర్ధారించుకున్నాకే నిర్ణయం తీసుకునేలా నోట్ల రద్దు మార్చేసింది. సాక్షి, హైదరాబాద్‌: దేశంలో 2016 నవంబర్‌ 8న పెద్ద నోట్ల రద్దు (డీమానిటైజేషన్‌) అమల్లోకి వచ్చింది. రియల్టీ రంగాన్ని డీమానిటైజేషన్‌కు ముందు, తర్వాత అని విభజించాల్సిన పరిస్థితి ఏర్పడింది. నోట్ల రద్దు తర్వాత కొత్త గృహాల ప్రారంభాలు క్షీణించగా.. విక్రయాలు పెరిగాయని అనరాక్‌ ప్రాపర్టీ కన్సల్టెన్సీ నివేదిక తెలిపింది. తొలి ఏడాది కాలం పాటు గందరగోళం, అనిశ్చిత పరిస్థితుల నేపథ్యంలో ప్రధాన నగరాల్లోని రియల్టీ మార్కెట్‌ ప్రతికూలంలోకి వెళ్లిపోయింది. దీంతో గృహాల ప్రారంభాలు గణనీయంగా తగ్గిపోయాయి. డీమానిటైజేషన్‌కు ముందు ((2013 నుంచి 2016 మూడో త్రైమాసికం– క్యూ3) దేశంలోని ఏడు ప్రధాన నగరాల్లో సుమారు 16.15 లక్షల యూనిట్లు లాంచింగ్‌ కాగా.. డీమో తర్వాత (2016 క్యూ4 నుంచి 2021 క్యూ3) 9.04 లక్షల యూనిట్లకు తగ్గాయి. సుమారు 44 శాతం లాంచింగ్‌లు క్షీణించాయి. విక్రయాలలో వృద్ధి.. పెద్ద నోట్ల రద్దుకు ముందు 11.78 లక్షల గృహాలు అమ్ముడుపోగా.. నోట్ల రద్దు తర్వాత 10.37 లక్షల గృహాలు సేలయ్యాయి. తుది వినియోగదారుల కొనుగోళ్లతో ప్రధాన నగరాల్లో రియల్టీ మార్కెట్‌ బలపడింది. డీమానిటైజేషన్‌ తర్వాత లగ్జరీ మార్కెట్‌ కూడా కాసింత ప్రభావానికి లోనైనప్పటికీ.. కరోనా మహమ్మారితో సానుకూల డిమాండ్‌ను కొనసాగిస్తుంది. డెవలపర్లు సప్లయి, డిమాండ్‌లను నిశితంగా పరిశీలిస్తున్నారని.. విక్రయాలను బట్టి కొత్త ప్రాజెక్ట్‌లను ప్రారంభిస్తున్నారని అనరాక్‌ గ్రూప్‌ చైర్మన్‌ అనూజ్‌ పూరీ తెలిపారు. సరఫరా కంటే విక్రయాలకు డిమాండ్‌ ట్రెండ్‌ కొనసాగుతుందని పేర్కొన్నారు. రీసేల్‌పై ఎక్కువ ప్రభావం.. ప్రాథమిక మార్కెట్‌ కంటే సెకండరీ, రీసేల్‌ ప్రాపర్టీలపై డీమానిటైజేషన్‌ ఎక్కువ ప్రభావాన్ని చూపించింది. ఈ విభాగంలోని లగ్జరీ ప్రాపర్టీలు కూడా నగదు లావాదేవీలను ఎక్కువగా కలిగి ఉండటమే ఇందుకు కారణం. డెవలపర్లు విక్రయించే అఫర్డబుల్, మధ్యస్థాయి గృహాలకు (ప్రాథమిక ప్రాపర్టీలు) డిమాండ్‌ పెరిగింది. అయితే దేశీయ రియల్టీ మార్కెట్లో నల్లధన లావాదేవీలు పూర్తి స్థాయిలో తగ్గిపోలేదు. కాకపోతే గతంలో మాదిరిగా కాకుండా చాలా మంది తుది వినియోగదారులు ఆస్తి లావాదేవీలను పారదర్శకంగా ఉండాలని కోరుకుంటున్నారు. చిన్న పట్టణాలు, పెరీ అర్బన్‌ ఏరియాలలో నేటికీ నల్లధన లావాదేవీలు జరుగుతున్నాయి. బ్రాండెడ్‌ గృహాలకు డిమాండ్‌.. పెద్ద నోట్ల తర్వాత బ్రాండెడ్, లిస్టెడ్‌ రియల్టీ కంపెనీలు గృహ విక్రయాలపై మెజారీటీ వాటాను కైవసం చేసుకున్నాయి. దీంతో ప్రధాన నగరాల్లో నల్లధన లావాదేవీలు క్షీణించాయి. మరోవైపు డీమానిటైజేషన్, రెరా, జీఎస్‌టీ తర్వాత గృహ కొనుగోలుదారులు బ్రాండెడ్‌ డెవలపర్ల ప్రాపర్టీల వైపు మొగ్గు చూపుతున్నారు. గతంలో లగ్జరీ ప్రాపర్టీలపై దృష్టి పెట్టిన డెవలపర్లు.. ప్రస్తుతం అఫర్డబుల్, మధ్యస్థాయి గృహాల వైపు దృష్టిని మళ్లించారు. దీంతో ఈ తరహా గృహాల సప్లయి కంటే డిమాండ్‌ పెరిగింది. దేశంలోని 8 ప్రధాన మార్కెట్లలో 2017 ఆర్థిక సంవత్సరంలోని ప్రాపర్టీ విక్రయాలలో లిస్టెడ్‌ డెవలపర్ల విక్రయాల వాటా 6 శాతంగా ఉండగా.. గతేడాది ఏప్రిల్‌–డిసెంబర్‌ నాటికి 22 శాతానికి పెరిగింది. అలాగే ప్రముఖ నాన్‌ లిస్టెడ్‌ డెవలపర్ల వాటా 11 శాతం నుంచి 18 శాతానికి వృద్ధి చెందింది. 

న్యూఢిల్లీ: వ్యవసాయ పరికరాల దిగ్గజం ఎస్కార్ట్స్‌ లిమిటెడ్‌లో జపనీస్‌ భాగస్వామి క్యుబోటా కార్పొరేషన్‌ మెజారిటీ వాటాను పొందనుంది. ఇందుకు రూ. 10,000 కోట్లవరకూ పెట్టుబడులను వెచ్చించనుంది. ఇందకు రెండు సంస్థలూ ఒప్పందాన్ని కుదుర్చుకున్నాయి. దీనిలో భాగంగా తొలుత ఎస్కార్ట్స్‌లో క్యుబోటా దాదాపు రూ. 1,873 కోట్లు ఇన్వెస్ట్‌ చేయనుంది. తద్వారా 5.9 శాతం అదనపు వాటాను పొందనుంది. దీంతో క్యుబోటా కార్ప్‌ వాటా 14.99 శాతానికి పెరగనుంది. ప్రస్తుతం 9.09 శాతం వాటాను కలిగి ఉంది. ఫలితంగా ఎస్కార్ట్స్‌కు సంయుక్త ప్రమోటర్‌గా క్యుబోటా ఆవిర్భవించనుంది. తాజా ఒప్పందం ప్రకారం క్యుబోటాకు ఫ్రిఫరెన్షియల్‌ పద్ధతిలో 93.64 లక్షల షేర్లను ఎస్కార్ట్స్‌ జారీ చేయనుంది. ఒక్కో షేరుకీ రూ. 2,000 ధరలో వీటి జారీ ద్వారా రూ. 1,873 కోట్లు సమకూర్చుకోనుంది. ఆపై ఎస్కార్ట్స్‌ వాటాదారులకు క్యుబోటా ఓపెన్‌ ఆఫర్‌ను ప్రకటించనుంది. సెబీ నిబంధనల్లో భాగంగా పబ్లిక్‌ నుంచి 26% వాటా కొనుగోలును చేపట్టవలసి ఉంటుంది. ఇందుకు షేరుకి రూ. 2,000 ధరలో రూ. 7,500 కోట్లు వెచ్చించనుంది. దీంతో ఎస్కార్ట్స్‌లో 44.80% వాటాను క్యుబోటా సొంతం చేసుకోనుంది. తదుపరి ఎస్కార్ట్స్‌ బెనిఫిట్‌ అండ్‌ వెల్‌ఫేర్‌ ట్రస్ట్‌కు ఎస్కార్ట్స్‌లోగల వాటాను రద్దు చేయనుంది. వెరసి క్యుబోటా వాటా 53%కి బలపడనుంది.   పేరు మార్పు: కంపెనీ పేరును ఎస్కార్ట్స్‌ క్యుబోటా లిమిటెడ్‌గా సవరించేందుకు బోర్డు అనుమతించినట్లు ఎస్కార్ట్స్‌ తాజాగా వెల్లడించింది. అంతేకాకుండా దేశీయంగా గల భాగస్వామ్య అనుబంధ సంస్థలను ఎస్కార్ట్స్‌లో విలీనం చేయనున్నట్లు తెలియజేసింది. దీంతో క్యుబోటా వాటా 54–55 శాతానికి చేరనుంది. కాగా.. ఎస్కార్ట్స్‌లో 11.6 శాతం వాటాను కలిగిన ప్రస్తుత ప్రమోటర్‌ నందా కుటుంబం ఎలాంటి వాటానూ విక్రయించడంలేదని కంపెనీ పేర్కొంది. ప్రస్తుతం నందా కుటుంబం, ఎస్కార్ట్స్‌ బెనిఫిట్‌ ట్రస్ట్‌లకు సంయుక్తంగా 36.59 శాతం వాటా ఉంది. తాజా వార్తలతో ఎస్కార్ట్స్‌ షేరు దాదాపు 11 శాతం దూసుకెళ్లి రూ. 1,803 వద్ద ముగిసింది.

న్యూఢిల్లీ: ఆధునిక తరం డిజిటల్‌ నైపుణ్యాలను అభివృద్ధి చేసే సింప్లిలెర్న్‌ సొల్యూషన్స్‌లో పీఈ దిగ్గజం బ్లాక్‌స్టోన్‌ మెజారిటీ వాటాను సొంతం చేసుకోనుంది. ఇందుకు తప్పనిసరి ఒప్పందాన్ని కుదుర్చుకుంది. డీల్‌ విలువ 25 కోట్ల డాలర్లు(రూ. 1,860 కోట్లు)కాగా.. ఎడ్యుటెక్‌ కంపెనీ సింప్లిలెర్న్‌లో ఇప్పటికే ఇన్వెస్ట్‌ చేసిన కలారి క్యాపిటల్, హెలియన్‌ వెంచర్‌ పార్ట్‌నర్స్, మేఫీల్డ్‌ ఫండ్‌ ఉమ్మడిగా 60 శాతం వాటాను విక్రయించనున్నాయి. అంతేకాకుండా మరో 10 శాతం వాటాను ప్రమోటర్లు, ఇతర యాజమాన్య వ్యక్తులు విక్రయించనున్నారు. వెరసి కంపెనీ విలువను 40 కోట్ల డాలర్ల(రూ. 2,976 కోట్లు)కు చేరింది. పలు కంపెనీలలో దేశీయంగా బ్లాక్‌స్టోన్‌గ్రూప్‌ ఇప్పటికే బైజూస్, ఆకాస్‌ ఎడ్యుకేషనల్‌ సర్వీసెస్, అసెండ్‌ లెర్నింగ్, ఎల్యుషియన్‌ అండ్‌ ఆర్టిక్యులేట్‌లలో ఇన్వెస్ట్‌ చేసింది. అయితే తొలిసారి సింప్లిలెర్న్‌లో మెజారిటీ వాటా కొనుగోలు ద్వారా యాజమాన్య నియంత్రణను చేపడుతోంది. కాగా.. కంపెనీ నిర్వహణ బాధ్యతను కొనసాగించనున్నట్లు సింప్లిలెర్న్‌ సీఈ వో కృష్ణ కుమార్‌ ఈ సందర్భంగా తెలియజేశారు. లాభాలతో..   2010లో ప్రారంభమైన సింప్లిలెర్న్‌ గత నాలుగేళ్లుగా లాభాలను ఆర్జిస్తోంది. తొలి దశ నుంచి మధ్యస్థాయి వృత్తి నిపుణుల వరకూ 100 రకాల ప్రోగ్రామ్స్‌ను కంపెనీ అందిస్తోంది. తద్వారా కొత్త తరం డిజిటల్‌ నైపుణ్యాల మెరుగులో సహకరిస్తోంది. దీనిలో భాగంగా క్లౌడ్, డెవాప్స్, డేటా సైన్స్, ఏఐ, మెషీన్‌ లెర్నింగ్, డిజిటల్‌ మార్కెటింగ్, సైబర్‌ సెక్యూరిటీ తదితర శిక్షణను సమకూర్చుతోంది. ప్రపంచవ్యాప్తంగా 20 లక్షల మందికిపైగా వృత్తి నిపుణులు సింప్లిలెర్న్‌ ప్లాట్‌ఫామ్‌ను వినియోగించుకుంటున్నారు. పలు దేశ, విదేశీ యూనివర్శిటీలతో కంపెనీ సహకార ఒప్పందాలను కలిగి ఉంది.

ముంబై: కార్పొరేట్‌ దిగ్గజం టాటా గ్రూప్‌ ఆన్‌లైన్‌ గ్రోసరీ విక్రయ సంస్థ బిగ్‌బాస్కెట్‌లో మెజారిటీ వాటా కొనుగోలు చేయనున్నట్లు తెలుస్తోంది. బిగ్‌బాస్కెట్‌లో 68 శాతం వాటాను సొంతం చేసుకోనున్నట్లు సంబంధిత వర్గాలు పేర్కొన్నాయి. డీల్‌ తుది దశకు చేరినట్లు వెల్లడించాయి. ఇందుకు టాటా గ్రూప్‌ రూ. 9,300–9500 కోట్లవరకూ వెచ్చించే వీలున్నట్లు తెలియజేశాయి. ఒప్పంద వివరాలు నాలుగైదు వారాల్లో వెల్లడయ్యే అవకాశమున్నట్లు అభిప్రాయపడ్డాయి. కాగా.. డీల్‌ కుదిరితే ఆన్‌లైన్‌ గ్రోసరీ విభాగంలో అతిపెద్ద కొనుగోలుగా నిలవనున్నట్లు విశ్లేషకులు పేర్కొంటున్నారు. ఈ డీల్‌తో బిగ్‌బాస్కెట్‌ విలువ రూ. 13,500 కోట్లకు చేరనున్నట్లు తెలియజేశారు.  అలీబాబా ఔట్‌  బిగ్‌బాస్కెట్‌లో ఇప్పటికే ఇన్వెస్ట్‌చేసిన చైనీస్‌ దిగ్గజం అలీబాబాతోపాటు అబ్రాజ్, ఐఎఫ్‌సీ.. టాటా గ్రూప్‌నకు వాటాలను విక్రయించనున్నట్లు తెలుస్తోంది. తద్వారాబిగ్‌బాస్కెట్‌లో సుమారు 26 శాతం వాటా కలిగిన అలీబాబా..æకంపెనీ నుంచి వైదొలగనున్నట్లు సంబంధిత వర్గాలు పేర్కొన్నాయి. డీల్‌ కుదుర్చుకునేందుకు కాంపిటీషన్‌ కమిషన్‌ అనుమతి కోసం రెండు సంస్థలూ నిరీక్షిస్తున్నట్లు తెలియజేశాయి. కాగా.. టాటా గ్రూప్‌ మెజారిటీ వాటా కొనుగోలు తదుపరి కూడా బిగ్‌బాస్కెట్‌ సహవ్యవస్థాపకుడు, సీఈవో హరి మీనన్‌సహా అత్యున్నత అధికారులు బోర్డులో కొనసాగనున్నట్లు అంచనా. అయితే డీల్‌ అంశంపై అటు టాటా గ్రూప్, ఇటు బిగ్‌బాస్కెట్‌ స్పందించకపోవడం గమనార్హం!   చదవండి: (బైజూస్‌ చేతికి టాపర్‌ టెక్‌!) సూపర్‌యాప్‌  ఇటీవల అత్యంత వేగంగా వృద్ధిని సాధిస్తున్న దేశీ ఈకామర్స్‌ బిజినెస్‌లో అవకాశాలను అందిపుచ్చుకునేందుకు చైర్మన్‌ ఎన్‌. చంద్రశేఖరన్‌ అధ్యక్షతన టాటా గ్రూప్‌ ప్రణాళికలు వేస్తూ వస్తోంది. దీనిలో భాగంగా గ్రూప్‌లోని కన్జూమర్‌ బిజినెస్‌లన్నిటినీ కలుపుతూ సూపర్‌ యాప్‌ను రూపొందిస్తున్న సంగతి తెలిసిందే. తద్వారా టాటా గ్రూప్‌లోని రిటైల్, ఆన్‌లైన్‌ బిజినెస్‌లను ఒకే గొడుగు కిందకు తీసుకువచ్చే సన్నాహాల్లో ఉంది. మరోవైపు దిగ్గజ గ్రూప్‌లు అమెజాన్, ఫ్లిప్‌కార్ట్, రిలయన్స్‌ ఇండస్ట్రీస్‌(రిటైల్‌) ఈకామర్స్‌ రంగంలో భారీ అడుగులు వేస్తున్నాయి. దీంతో పోటీ సైతం తీవ్రతరమవుతున్నట్లు పరిశ్రమవర్గాలు ఈ సందర్భంగా వ్యాఖ్యానించాయి. కాగా.. కొంతకాలంగా ఈకామర్స్‌ బిజినెస్‌కు సంబంధించి భారీ ప్రణాళికలను అమలు చేస్తున్నట్లు టాటా గ్రూప్‌ ప్రతినిధి ఒకరు పేర్కొన్నారు. ఇతర కంపెనీలలో మెజారిటీ వాటాల కొనుగోలుకే ఆసక్తి చూపుతున్నట్లు తెలియజేశారు.  

న్యూఢిల్లీ, సాక్షి: విదేశీ అనుబంధ సంస్థ శాంగ్‌యాంగ్‌ మోటార్‌ కంపెనీ(ఎస్‌వైఎంసీ)ను విక్రయించేందుకు దేశీ ఆటో రంగ దిగ్గజం మహీంద్రా అండ్‌ మహీంద్రా సన్నాహాలు చేస్తోంది. నష్టాలతో కుదేలైన ఈ దక్షిణ కొరియా అనుబంధ కంపెనీ ఇటీవలే దివాళా పిటిషన్‌తో పునరుద్ధరణకు దరఖాస్తును చేసుకుంది. కాగా.. ఎస్‌వైఎంసీలో మెజారిటీ వాటాను విక్రయించేందుకు ఇప్పటికే కొన్ని సంస్థలతో చర్చలు చేపట్టినట్లు ఎంఅండ్‌ఎం వెల్లడించింది. వచ్చే వారంలో వాటా అమ్మకంపై తప్పనిసరికాని(నాన్‌బైండింగ్‌) ఒప్పందాన్ని కుదుర్చుకునే వీలున్నట్లు వెల్లడించింది. (జేవీకి.. ఫోర్డ్‌, మహీంద్రాల ‘టాటా’) 75 శాతం వాటా కొరియన్‌ కంపెనీ శాంగ్‌యాంగ్‌ మోటార్‌లో దేశీ దిగ్గజం ఎంఅండ్‌ఎం ప్రస్తుతం 75 శాతం వాటాను కలిగి ఉంది. వాటా విక్రయ ఒప్పందం ఫిబ్రవరి చివరికల్లా పూర్తికావచ్చని అంచనా వేస్తోంది. గత నెలలో అంటే 2019 డిసెంబర్‌ 21న శాంగ్‌యాంగ్‌ మోటార్‌ దివాళా పిటిషన్‌ వేసిన విషయం విదితమే. నష్టాలు పెరిగిపోవడంతో దివాళా చట్ట ప్రకారం కంపెనీ పునరుద్ధరణ కోసం దరఖాస్తు చేసింది. సియోల్‌ దివాళా చట్ట కోర్టు ఈ అంశంపై చర్యలు తీసుకోనుంది. ఇందుకు అనుగుణంగా స్వతంత్ర పునర్‌వ్యవస్థీకరణ మద్దతు(ఏఆర్‌ఎస్‌)కు సైతం శాంగ్‌యాంగ్‌ దరఖాస్తు చేసింది. ఏఆర్‌ఎస్‌లో భాగంగా కంపెనీ పునర్‌వ్యవస్థీకరణ కోసం సొంత ప్రయత్నాలు చేసుకునేందుకు వీలుంటుందని ఎంఅండ్‌ఎం ఎండీ పవన్‌ గోయెంకా పేర్కొన్నారు. ఇందుకు ఫిబ్రవరి 28వరకూ కోర్టు గడువిచ్చినట్లు చెప్పారు. దీంతో రెండు నెలల గడువు ముగిసేలోగా వాటా విక్రయానికి వీలుగా ఇన్వెస్ట్‌మెంట్‌ సంస్థలతో చర్చలు నిర్వహిస్తున్నట్లు తెలియజేశారు. (ఆంటోనీ వేస్ట్‌ హ్యాండ్లింగ్‌- లిస్టింగ్‌ భళా) డీల్‌ కుదిరితే వచ్చే నెలాఖరులోగా ఎవరైనా ఇన్వెస్టర్‌ మెజారిటీ వాటాను కొనుగోలు చేస్తే శాంగ్‌యాంగ్‌ మోటార్‌ తిరిగి యథావిధిగా కార్యకలాపాలు నిర్వహించేందుకు వీలుంటుందని గోయెంకా చెప్పారు. లేదంటే యాజమాన్యం కోర్టు చేతికి వెళుతుందని, దివాళా చట్ట ప్రకారం పునరుద్ధరణ చర్యలు ప్రారంభంకావచ్చని తెలియజేశారు. మార్చి 1లోగా డీల్‌ కుదిరితే కంపెనీలో కొత్త యాజమాన్యానికి మెజారిటీ వాటా బదిలీ అవుతుందని, సుమారు 30 శాతం మైనారిటీ వాటాతో ఎంఅండ్‌ఎం కొనసాగుతుందని విశ్లేషించారు. ఆర్‌బీఐ నిబంధనల ప్రకారం 25 శాతం పెట్టుబడుల కుదింపును కంపెనీ చేపడుతుందని తెలియజేశారు.  2010లో  2017 నుంచి నష్టాలు నమోదు చేస్తున్న శాంగ్‌యాంగ్‌ మోటార్‌ను 2010లో ఎంఅండ్‌ఎం కొనుగోలు చేసింది. తదుపరి 11 కోట్ల డాలర్ల(సుమారు రూ. 800 కోట్లు)ను ఇన్వెస్ట్‌ చేసింది. 2019కల్లా నష్టాలు 341 బిలియన్‌ కొరియన్‌ వన్‌కు చేరాయి. దీంతో గత ఏ‍ప్రిల్‌లో ఎంఅండ్‌ఎం బోర్డు శాంగ్‌యాంగ్‌కు మరిన్ని నిధులను అందించేందుకు తిరస్కరించింది. ఫలితంగా 2020 డిసెంబర్‌కల్లా 60 బిలియన్‌ వన్‌(రూ. 400కోట్లకుపైగా) రుణ చెల్లింపుల్లో శాంగ్‌యాంగ్‌ విఫలమైంది. ప్రస్తుతం శాంగ్‌యాంగ్‌కు 100 బిలియన్‌ వన్(రూ. 680 కోట్లు) రుణభారమున్నట్లు తెలుస్తోంది. 

ముంబై‌, సాక్షి: ఫార్మా రంగ హైదరాబాద్‌ కంపెనీ గ్రాన్యూల్స్ ఇండియాలో గ్లోబల్‌ ఇన్వెస్ట్‌మెంట్‌ దిగ్గజం కార్లయిల్‌ గ్రూప్‌ మెజారిటీ వాటాను కొనుగోలు చేసే వీలున్నట్లు ఆంగ్ల మీడియా పేర్కొంది. ఏపీఐలు, కాంట్రాక్ట్‌ రీసెర్చ్‌ మ్యాన్యుఫాక్చరింగ్ కార్యకలాపాలు కలిగిన గ్రాన్యూల్స్‌ ఇండియలో ప్రమోటర్లకు 42 శాతం వాటా ఉంది. ఈ వాటా కొనుగోలుకి కార్లయిల్‌ గ్రూప్‌ ఇప్పటికే చర్చలు చేపట్టినట్లు సంబంధితవర్గాలు పేర్కొన్నాయి. చర్చలు తుది దశకు చేరినట్లు తెలియజేశాయి. అయితే ఈ వార్తలపై గ్రాన్సూల్స్‌ ఇండియా స్పందించకపోగా.. కంపెనీకి సంబంధించి ఎలాంటి పరిస్థితులు తలెత్తినా సెబీ నిబంధనల ప్రకారం స్టాక్‌ ఎక్స్ఛేంజీలకు తెలియజేస్తామని వెల్లడించింది.   బిలియన్‌ డాలర్లు హైదరాబాద్‌ ఫార్మా కంపెనీ గ్రాన్యూల్స్‌‌ ఇండియాను కొనుగోలు చేసేందుకు కార్లయిల్ గ్రూప్‌‌ బిలియన్‌ డాలర్ల(సుమారు రూ. 7,400 కోట్లు)తో ఒప్పందాన్ని కుదుర్చుకోనున్నట్లు అంచనాలు వెలువడ్డాయి. కంపెనీలో ప్రమోటర్లకున్న మెజారిటీ వాటాను కొనుగోలు చేస్తే.. సెబీ నిబంధనల ప్రకారం కార్లయిల్‌ ఓపెన్‌ ఆఫర్‌ను ప్రకటించవలసి ఉంటుందని మార్కెట్‌ విశ్లేషకులు తెలియజేశారు. సాధారణ వాటాదారుల నుంచి సైతం మరో 24 శాతం వాటా కొనుగోలుకి ఓపెన్‌ ఆఫర్‌ను ప్రకటించవలసి ఉంటుందని ప్రస్తావించారు. ఇటీవల ర్యాలీ బాటలో సాగుతున్న గ్రాన్సూల్స్‌ ఇండియా షేరు ఈ నేపథ్యంలో మరోసారి జోరందుకుంది. ఎన్‌ఎస్‌ఈలో తొలుత 6 శాతం జంప్‌చేసి రూ. 438కు చేరింది. ఇది సరికొత్త గరిష్టంకాగా.. ప్రస్తుతం 4 శాతం లాభంతో రూ. 428 వద్ద ట్రేడవుతోంది.  బయ్‌ రేటింగ్‌ గ్రాన్సూల్స్ ఇండియా కౌంటర్‌కు రీసెర్చ్‌ సంస్థ ఐసీఐసీఐ సెక్యూరిటీస్‌ బయ్‌ రేటింగ్‌ను కొనసాగిస్తున్నట్లు ప్రకటించింది. ముడిసరుకుల కోసం చేపట్టిన బ్యాక్‌వార్డ్‌ ఇంటిగ్రేషన్‌ కంపెనీకి బలాన్ని చేకూర్చనున్నట్లు పేర్కొంది. తద్వారా పోటీ తీవ్రంగా ఉండే జనరిక్‌ మార్కెట్లో కంపెనీ బలంగా నిలవగలదని అభిప్రాయపడింది. మరిన్ని క్లిష్టతరమైన(కాంప్లెక్స్‌) ప్రొడక్టుల తయారీలోకి ప్రవేశించడం ద్వారా మార్జిన్లను మెరుగుపరచుకునే వీలున్నట్లు తెలియజేసింది. మార్జిన్లు కొనసాగితే.. విస్తరణకు అవసరమైన క్యాష్‌ఫ్లోకు అవకాశముంటుందని అభిప్రాయపడింది. ఈ అంశాల నేపథ్యంలో గ్రాన్సూల్స్‌ షేరుకి రూ. 460 టార్గెట్‌ ధరను అంచనా వేస్తోంది. 

బెంగళూరు: దేశీయంగా ఆన్ లైన్ ఫార్మసీ రంగంలో పోటీ మరింత తీవ్రంకానుంది. కోవిడ్-19 కారణంగా కొద్ది రోజులుగా ఆన్ లైన్ ఫార్మసీ రంగం జోరందుకుంది. ఈ నేపథ్యంలో తాజాగా ఆన్ లైన్ ఫార్మసీ కంపెనీ 1ఎంజీలో మెజారిటీ వాటా కొనుగోలుకి పారిశ్రామిక దిగ్గజం టాటా గ్రూప్ చర్చలు నిర్వహిస్తున్నట్లు ఆంగ్ల మీడియా పేర్కొంది. తద్వారా ఈ విభాగంలో ప్రధాన కంపెనీలైన మెడ్ ప్లస్, నెట్ మెడ్స్, ఫార్మీజీ, 1ఎంజీ మధ్య పోటీ తీవ్రతరం కానున్నట్లు పరిశ్రమవర్గాలు భావిస్తున్నాయి. ఇప్పటికే నెట్ మెడ్స్ ప్రమోటర్ కంపెనీ విటాలిక్ లో రిలయన్స్ రిటైల్ 60 శాతం వాటాను సొంతం చేసుకుంది. ఇదేవిధంగా క్లౌడ్ టెయిల్ తో ఈకామర్స్ దిగ్గజం అమెజాన్ భాగస్వామ్యం ఏర్పాటు చేసుకుంది. క్లౌడ్ టెయిల్లో అమెజాన్ 24 శాతం వాటా పొందింది. కాగా.. సీక్వోయా క్యాపిటల్ దన్నుగా సేవలందిస్తున్న 1ఎంజీ ఇటీవల 10 కోట్ల డాలర్ల(రూ. 740 కోట్లు) సమీకరణకు సన్నాహాలు చేసినట్లు తెలుస్తోంది. ఇవి ఫలించనట్లు సంబంధిత వర్గాలు తెలియజేశాయి.   సూపర్ యాప్ ఈకామర్స్ బిజినెస్ కోసం టాటా గ్రూప్.. సూపర్ యాప్ ను రూపొందిస్తోంది. దీనిలో భాగంగా పలు ఆన్ లైన్ కంపెనీలలో వాటాల కొనుగోలుపై కన్నేసినట్లు విశ్లేషకులు పేర్కొంటున్నారు. అయితే అటు టాటా గ్రూప్ ప్రతినిధులు, ఇటు 1ఎంజీ సీఈవో ప్రశాంత్ టాండన్ ఈ అంశంపై స్పందించేందుకు నిరాకరించినట్లు తెలుస్తోంది. కాగా.. ఆన్ లైన్ గ్రోసరీ కంపెనీ బిగ్ బాస్కెట్లోనూ 50 శాతం వాటా కొనుగోలుకి టాటా గ్రూప్ సిద్ధపడుతున్నట్లు వార్తలు వెలువడిన విషయం విదితమే. ఇందుకు బిలియన్ డాలర్లు(రూ. 7,400 కోట్లు) వెచ్చించనున్నట్లు అంచనాలు వెలువడ్డాయి. తద్వారా డిజిటల్ రిటైల్ ను భారీగా విస్తరించేందుకు టాటా గ్రూప్ ప్రణాళికలు వేస్తున్నట్లు మార్కెట్ వర్గాలు భావిస్తున్నాయి. అవకాశాలు అధికం లాక్ డవున్ల నేపథ్యంలో ఇటీవల ఆన్ లైన్ ఫార్మసీ రంగం వేగంగా ఎదుగుతున్నట్లు పరిశ్రమవర్గాలు చెబుతున్నాయి.  ఈ సమయంలో 9 మిలియన్ కుటుంబాలు ఈఫార్మసీ సేవలు పొందినట్లు ఫ్రాస్ట్ అండ్ సలివాన్ నివేదిక పేర్కొంది. 2025కల్లా 7 కోట్ల కుటుంబాలకు ఈఫార్మసీ సేవలు అందే వీలున్నట్లు అంచనా వేసింది. దీనికితోడు ఆన్ లైన్ ఫార్మసీ కంపెనీలు ఆన్ లైన్ ల్యాబ్ టెస్టింగ్, డాక్టర్ సేవలు, బీమా క్లెయిములు వంటి సర్వీసులను సైతం అందించే ప్రయత్నాల్లో ఉన్నట్లు నిపుణులు పేర్కొన్నారు. వెరసి ఈఫార్మసీ సర్వీసులకు డిమాండ్ పెరగనున్నట్లు అంచనా వేస్తున్నారు.

సాక్షి, అమరావతి: జీఎంఆర్‌ కాకినాడ సెజ్‌లో మెజార్టీ వాటాను అరబిందో గ్రూపు కొనుగోలు చేసింది. కాకినాడ సెజ్‌ (కేసెజ్‌) లిమిటెడ్‌లోని 51 శాతం వాటాను అరబిందో గ్రూపునకు చెందిన అరబిందో రియల్టీకి విక్రయిస్తున్నట్లు జీఎంఆర్‌ గ్రూపు శుక్రవారం ప్రకటించింది. కేసెజ్‌ అనుబంధ కంపెనీ కాకినాడ గేట్‌వే పోర్ట్‌ లిమిటెడ్‌కు చెందిన 100 శాతం వాటాను అరబిందో రియల్టీకి బదలాయిస్తున్నట్లు పేర్కొంది.  ఈ మేరకు ఇరు సంస్థల మధ్య ఒప్పందం కుదిరినట్లు పేర్కొంది. ఈ 51 శాతం వాటాను అప్పులతో కలిపి రూ.2,610 కోట్లకు విక్రయిస్తున్నామని, ఇందులో మొదటి విడతగా రూ.1,600 కోట్లు చెల్లించే విధంగాను మిగిలిన మొత్తం రూ.1,010 కోట్లు రెండు మూడేళ్లలో చెల్లించే విధంగా ఒప్పం కుదుర్చుకుంది. ఇంకా ఈ విక్రయానికి రెగ్యులేటరీ సంస్థల అనుమతులు లభించాల్సి ఉంది. అప్పుల భారం తగ్గించుకోవడంలో భాగంగా వాటా విక్రయించినట్లు జీఎంఆర్‌ గ్రూపు పేర్కొంది.  మార్చి 2020 నాటికి జీఎంఆర్‌ గ్రూపునకు మొత్తం నికర అప్పులు రూ.26,300 కోట్లుగా ఉన్నాయి.  సుమారు 10,400 ఎకరాల్లో జీఎంఆర్‌ మల్టీ ప్రోడక్ట్‌ సెజ్‌ను అభివృద్ధి చేస్తోంది. ఇందులో 5,000 ఎకరాలు పోర్టు ఆథారిత సెజ్‌గా అనుమతులు తీసుకుంది. దీనికి తోడు కోన గ్రామం వద్ద వాణిజ్య అవసరాల కోసం ఓడ రేవును కూడా నిర్మిస్తోంది. ఫార్మా దిగ్గజం అరబిందో ఫార్మా 2019లో అరబిందో రియల్టీ పేరుతో రియల్‌ ఎస్టేట్‌ రంగంలోకి అడుగు పెట్టింది. ఇప్పటికే హైదరాబాద్‌లో పలు వాణిజ్య, నివాస సముదాయాలు నిర్మిస్తున్న అరబిందో రియల్టీ సంస్థ ఇప్పుడు కేసెజ్‌లో మెజార్టీ వాటాను దక్కించుకుంది. ఈ వార్తల నేపథ్యంలో శుక్రవారం ఎన్‌ఎస్‌ఈలో జీఎంఆర్‌ గ్రూపు షేరు క్రితం ముగింపు ధరతో పోలిస్తే 14.18 శాతం పెరిగి రూ.24.15 చేరుకొని చివరకు 11.11 శాతం వృద్ధితో రూ.23.50 వద్ద ముగిసింది.  

ఫార్మా రంగ హైదరాబాద్‌ కంపెనీ గ్రాన్యూల్స్‌ ఇండియాలో మెజారిటీ వాటా కొనుగోలుకి గ్లోబల్‌ పీఈ సంస్థలు కేకేఆర్‌, బెయిన్‌ క్యాపిటల్‌, బ్లాక్‌స్టోన్‌ ఆసక్తిని చూపుతున్నట్లు తెలుస్తోంది. ఏపీఐ, కాంట్రాక్ట్‌ రీసెర్చ్‌ అండ్‌ మ్యాన్యుఫాక్చరింగ్ కంపెనీ గ్రాన్సూల్స్‌ ఇండియాను కొనుగోలు చేసేందుకు పీఈ దిగ్గజాలు ప్రాథమిక ఆసక్తిని వ్యక్తం చేసినట్లు సంబంధిత వర్గాలు తెలియజేశాయి. ఈ మూడు పీఈ దిగ్గజాలూ నాన్‌బైండింగ్‌ బిడ్స్‌ను దాఖలు చేసినట్లు ఆంగ్ల మీడియా పేర్కొంది. కంపెనీలో మెజారిటీ వాటా విక్రయం కోసం గ్రాన్యూల్స్‌ ఇండియా ప్రమోటర్లు కొటక్‌ మహీంద్రా క్యాపిటల్‌ను ఎంపిక చేసుకున్నట్లు వెల్లడించింది. ఇతర వివరాలు చూద్దాం.. షేరు జూమ్‌ ఇటీవల ర్యాలీ బాటలో సాగుతున్న ఫార్మా కంపెనీ గ్రాన్యూల్స్‌ ఇండియా కౌంటర్‌కు తాజాగా డిమాండ్‌ కనిపిస్తోంది. ఎన్‌ఎస్ఈలో తొలుత ఈ షేరు 9.4 శాతం దూసుకెళ్లి రూ. 395ను తాకింది. ఇది సరికొత్త గరిష్టంకాగా.. ప్రస్తుతం 4 శాతం లాభంతో రూ. 375 వద్ద ట్రేడవుతోంది. కాగా.. పారాసెట్మల్‌ ఔషధ తయారీలో ప్రపంచస్థాయి కంపెనీగా గ్రాన్యూల్స్‌ నిలుస్తున్నట్లు పరిశ్రమవర్గాలు పేర్కొంటున్నాయి. కోవిడ్‌-19 నేపథ్యంలో ఈ ఏడాది క్యూ1లో కంపెనీ ఆకర్షణీయ ఫలితాలు సాధించినట్లు నిపుణులు తెలియజేశారు. ఇందుకు మెట్‌ఫార్మిన్‌, పారాసెట్మల్‌, ఇబుప్రోఫిన్‌ వంటి ఔషధాలకు ఏర్పడిన డిమాండ్‌ కారణమైనట్లు పేర్కొన్నారు. జూన్‌కల్లా కంపెనీలో ప్రమోటర్లు 42.13 శాతం వాటాను కలిగి ఉన్నారు. గ్రాన్యూల్స్‌లో మెజారిటీ వాటా కోసం పీఈ దిగ్గజాల మధ్య పోటీ నెలకొనే వీలున్నట్లు ఈ సందర్భంగా నిపుణులు అభిప్రాయపడ్డారు. అయితే గ్రాన్యూల్స్‌ కంపెనీ ప్రతినిధి ఈ అంశాలపై స్పందిస్తూ.. మార్కెట్‌ అంచనాలపై మాట్లాడబోమన్నారు. అవసరమైనప్పుడు సెబీ నిబంధనలకు అనుగుణంగా స్టాక్‌ ఎక్స్ఛేంజీలకు సమాచారాన్ని అందించగలమని స్పష్టం చేశారు.  పీఈ హవా ముంబై ఫార్మా కంపెనీ జేబీ కెమికల్స్‌లో 54 శాతం వాటాను సొంతం చేసుకునేందుకు 2020 జులైలో పీఈ దిగ్గజం కేకేఆర్‌ ఒప్పందాన్ని కుదుర్చుకుంది. ఇందుకు రూ. 3,100 కోట్లను వెచ్చించనుంది. ఐపీవో యోచనను వాయిదా వేసిన పుణే కంపెనీ ఎమ్‌క్యూర్‌ ఫార్మాలో గతంలోనే బెయిన్‌ క్యాపిటల్‌ ఇన్వెస్ట్‌ చేసిన సంగతి తెలిసిందే. ఇక మరోపక్క దేశీయంగా రియల్టీ రంగంలో బ్లాక్‌స్టోన్‌ గ్రూప్‌ పలు వాణిజ్య ప్రాజెక్టులను కలిగి ఉంది. వెరసి పీఈ కంపెనీలు దేశీ కంపెనీలలో ఇన్వెస్ట్‌ చేసేందుకు ఆసక్తి చూపుతున్నట్లు విశ్లేషకులు చెబుతున్నారు.   

ఈస్టర్న్‌ బ్రాండుతో మసాలా పౌడర్లు, పచ్చళ్లు తయారు చేసే ఈస్టర్న్‌ కాండిమెంట్స్‌ను ఎంటీఆర్‌ ఫుడ్స్‌ సొంతం చేసుకోనుంది. ఇందుకు అనుబంధ సంస్థ ఎంటీఆర్‌ ఫుడ్స్‌ ద్వారా ఒప్పందాన్ని కుదుర్చుకున్నట్లు నార్వేజియన్‌ దిగ్గజం ఓక్లా తాజాగా పేర్కొంది. దీనిలో భాగంగా కేరళకు చెందిన ఈస్టర్న్‌ కాండిమెంట్స్‌లో 67.8 శాతం వాటాను ఓక్లా కొనుగోలు చేయనుంది. ఇందుకు రూ. 2,000 కోట్లు వెచ్చించనున్నట్లు తెలుస్తోంది. తద్వారా దేశీయంగా మసాలా పౌడర్లు, ప్రొడక్టుల అమ్మకాలను రెట్టింపునకు పెంచుకోవాలని యోచిస్తున్నట్లు ఎంటీఆర్‌ ఫుడ్స్‌ మాతృ సంస్థ ఓక్లా తెలియజేసింది. విలీనం ఒప్పందం ప్రకారం ఈస్టర్న్‌ కాండిమెంట్స్‌ ప్రమోటర్లు మీరన్‌ కుటుంబం నుంచి 41.8 శాతం వాటాను ఓక్లా కొనుగోలు చేయనుంది. ఇదే విధంగా మెక్‌కార్నిక్‌ ఇన్‌గ్రెడియంట్స్‌కు చెందిన 26 శాతం వాటాను చేజిక్కించుకోనుంది. మెజారిటీ వాటా కొనుగోలు తదుపరి ఎంటీఆర్‌ ఫుడ్స్‌లో ఈస్టర్న్‌ కాండిమెంట్స్‌ను విలీనం చేయనున్నట్లు ఓక్లా తెలియజేసింది. డీల్‌కు కాంపిటీషన్‌ కమిషన్‌(సీసీఐ) అనుమతించవలసి ఉన్నట్లు వెల్లడించింది.  కంపెనీల వివరాలు ఎంటీఆర్‌ ఫుడ్స్‌ను నార్వేజియన్‌ దిగ్గజం ఓక్లా 2007లో సొంతం చేసుకుంది. తద్వారా మసాలా పౌడర్లు తదితర ప్రొడక్టుల ద్వారా  దేశవ్యాప్తంగా బిజినెస్‌ను విస్తరించింది. గత ఆర్థిక సంవత్సరంలో రూ. 920 కోట్ల టర్నోవర్‌ను సాధించింది. ఇక కేరళకు చెందిన ఈస్టర్న్‌ కాండిమెంట్స్‌ను 1983లో ఎంఈ మీరన్‌ ఏర్పాటు చేశారు. జూన్‌ చివరికల్లా 12 నెలల కాలంలో రూ. 900 కోట్ల అమ్మకాలు సాధించింది. దీనిలో సగ భాగం కేరళ నుంచే లభిస్తుండటం గమనార్హం! ఈస్టర్న్‌ కాండిమెంట్స్‌ నాన్‌వెజ్‌, వెజిటేరియన్‌ ఫుడ్‌ ప్రొడక్టులను రూపొందిస్తుంటే.. ఎంటీఆర్‌ వెజిటేరియన్‌ ఉత్పత్తులకే పరిమితమైంది. డీల్‌ తదుపరి ఈస్టర్న్‌ కాండిమెంట్స్‌లో మీరన్‌ కుటుంబానికి 26 శాతం వాటా మిగలనుంది. అయితే విలీనం తదుపరి సంయుక్త సంస్థలో ఈ వాటా 9.99 శాతానికి చేరనున్నట్లు తెలుస్తోంది.

సాక్షి,ముంబై: ముకేశ్‌ అంబానీ నేతృత్వంలోనే రిలయన్స్‌ ఇండస్ట్రీస్‌ మరో టారిఫ్‌ వార్‌కు రంగం సిద్ధం చేసుకుంది. ఇప్పటికే రిలయన్స్‌ జియో టెలికాం రంగంలో విప్లవాత్మక మార్పులతో ప్రత్యర్థి కంపెనీలకు చుక్కలు చూపించింది. తాజాగా కేబుల్‌ రంగంలో కూడా విధ్వంసానికి రడీ అవుతోంది. ఈ ఆర్థిక సంవత్సరం రెండవ  త్రైమాసికంలో చరిత్రలో అతిపెద్ద లాభాలను నమోదు చేసిన రిలయన్స్‌ ఇండస్ట్రీస్‌ కేబుల్‌ టీవీ, హై స్పీడ్‌ బ్రాడ్‌బ్యాండ్‌ రంగంలో  పాక్షిక పెట్టుబడులను పెట్టనున్నట్టు వెల్లడించింది.  ఈ నేపథ్యంలో జియో ఎంట్రీతో కుదేలైన ఎయిర్‌టెల్‌ను, సిటీ కేబుల్‌ వ్యాపారాన్ని కూడా దెబ్బతీయనుంది. దేశీయంగా అతిపెద్ద కేబుల్‌ ఆపరేటర్‌ హాత్‌వే కేబుల్‌ అండ్‌ డేటాకామ్, డెన్‌ నెట్‌వర్క్స్ సంస్థలతో వ్యూహాత్మక భాగస్వామ్యాలను ప్రకటించింది. బ్రాడ్‌ బాండ్‌  సేవలను పెద్దయెత్తున విస్తరించే క్రమంలో ఈ పెట్టుబడులకు బుధవారం బోర్డు  గ్రీన్‌ సిగ్నల్‌ ఇచ్చింది. హాత్‌వే, డెన్‌ నెట్‌వర్క్‌ కంపెనీల్లో మెజారిటీ వాటా తీసుకోవాలని నిర్ణయించింది. ఇందుకు రిలయన్స్‌ రూ. 5,230 కోట్లు  చెల్లించనుంది. హాత్‌వేలో 51.3 శాతం వాటా  కొనుగోలుకు రూ. 2,045 కోట్లను రిలయన్స్‌ చెల్లిస్తుంది. అలాగే డెన్‌ నెట్‌వర్క్స్‌లో 66 శాతం వాటాను కొనుగోలు చేయనుంది. ఈ డీల్‌ విలువ రూ. 2,045 కోట్లు. హాత్‌వే, డెన్‌ నెట్‌వర్స్క్ 1,100 నగరాల్లో 5 కోట్ల మంది సబ్‌స్క్రయిబర్స్‌ ఉన్నారు. తాజా డీల్‌ ద్వారా ప్రత్యక్షంగా 20 మిలియన్ల కేబుల్ చందాదారులు రియలన్స్‌  అధీనంలోకి రానున్నారు. అంతేకాదు  కేబుల్ మార్కెట్లో 23 శాతం వాటాను  రిలయన్స్‌ సొంతం కానుంది.


 హైదరాబాద్, బిజినెస్ బ్యూరో: జీఎంఆర్ గ్రూపు తమిళనాడులోని 73 కి.మీ తిండివనం - ఉలుండుర్‌పేట్ జాతీయ రహదారి ప్రాజెక్టులో మెజార్టీ వాటాను విక్రయించింది. ‘అసెట్ రైట్ - అసెట్ లైట్’ కార్యక్రమంలో భాగంగా ఈ ప్రాజెక్టులోని 74 శాతం వాటాను రూ.222 కోట్లకు ఐడీఎఫ్‌సీకి చెందిన ఇండియా ఇన్‌ఫ్రాస్ట్రక్చర్ ఫండ్‌కి విక్రయించింది. ఈ డిజిన్వెస్ట్‌మెంట్ వలన కంపెనీ రుణ భారం రూ.459 కోట్లు తగ్గడమే కాకుండా రూ.222 కోట్లు చేతికి వచ్చినట్లు జీఎంఆర్ గ్రూపు సీఎఫ్‌వో మధు తెర్దల్ మంగళవారం విడుదల చేసిన ప్రకటనలో పేర్కొన్నారు. ప్రస్తుతం ఐడీఎఫ్‌సీ ఇన్‌ఫ్రా ఫండ్ 1,878 కి.మీ రహదారులను నిర్వహిస్తున్నట్లు ఐడీఎఫ్‌సీ మేనేజింగ్ పార్టనర్, సీఈవో ఎం.కె.సిన్హా ఆ ప్రకటనలో పేర్కొన్నారు. ప్రస్తుతం జీఎంఆర్‌కి రూ.33,000 కోట్ల అప్పులు ఉండగా, ఆస్తుల విలువ రూ.52,000 కోట్లు వరకు ఉన్నట్లు మంగళవారం జరిగిన వార్షిక సర్వ సభ్య సమావేశంలో పేర్కొంది. అప్పుల భారాన్ని  తగ్గించుకోవడానికి మరిన్ని ఆస్తులను విక్రయించనున్నట్లు ఈ సమావేశంలో పేర్కొన్నారు.