రంగారెడ్డి (ఘట్‌కేసర్): రంగారెడ్డి జిల్లా ఘట్‌కేసర్‌లో ఓ ఇంట్లో గ్యాస్ సిలీండర్ పేలింది. ఈ ఘటన గురువారం సాయంత్రం చోటుచేసుకుంది. ఘట్‌కేసర్‌ పట్టణంలోని అంబేద్కర్ నగర్ కాలనీకి చెందిన మామిళ్ల సురేశ్ ఇంట్లో గురువారం రాత్రి గ్యాస్ సిలీండర్ పేలింది. అయితే ఈ ఘటనలో ఏలాంటి ప్రాణ నష్టం, ఆస్తినష్టం జరగలేదు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలు అదుపు చేశారు.