వేముల: గేదెల్లో ముర్రాజాతికి చాలా ప్రత్యేకత ఉంది. ఆ జాతి దున్నలకు కూడా డిమాండ్‌ చాలా ఉంది. వైఎస్సార్‌ జిల్లా వేముల మండలంలోని కొండ్రెడ్డిపల్లె గ్రామానికి చెందిన రైతు శిరిగిరెడ్డి అంకిరెడ్డి వద్ద ఉన్న ముర్రాజాతి దున్నపోతును కొనుగోలు చేసేందుకు పలువురు ఆసక్తి చూపుతున్నారు. రూ. 15 లక్షలకు అమ్ముతానని ఆయన చెబుతున్నారు. ముర్రా జాతి దున్నలను కొనేందుకు డెయిరీలు నిర్వహించే వారు ఆసక్తి చూపుతారని, అందుకే ఆ దున్నకు అంత ధర పలుకుతోందని స్థానిక పశువైద్యాధికారి శ్రీవాణి తెలిపారు. చదవండి: వందశాతం విద్యుదీకరణ భేష్‌: ఏపీకి నీతి ఆయోగ్‌ ప్రశంస    విద్యారంగం.. పురోగమనం


 రోజుకు 20 లీటర్ల పాలు తాగుతాడు.. 5 కిలోల యాపిల్ పళ్లు తింటాడు.. 15 కేజీల మంచి నాణ్యమైన గడ్డి కూడా తింటాడు. ప్రతిరోజూ 4 కిలోమీటర్ల వాకింగ్ చేస్తాడు. ఇలాంటి నా యువరాజును ఎట్టి పరిస్థితుల్లో అమ్మేది లేదని చెబుతున్నాడు మీరట్కు చెందిన కరమ్వీర్ సింగ్. ఇంతకీ ఆ యువరాజు ఎవరనుకుంటున్నారా.. ఆయన తన కన్నకొడుకులా పెంచుకుంటున్న 1400 కిలోల బరువున్న ముర్రాజాతి దున్నపోతు. మీరట్లో జరిగిన అఖిల భారత పశు ప్రదర్శనలో ఇది ఛాంపియన్గా నిలిచింది. దీని ఎత్తు 5 అడుగుల 9 అంగుళాలు.
 
 చండీగఢ్కు చెందిన ఓ రైతు ఈ 'యువరాజు' ను కొంటానని.. 7 కోట్ల రూపాయలు ఆఫర్ చేశాడు. కానీ కరమ్వీర్ మాత్రం ససేమిరా అమ్మేది లేదని తేల్చి చెప్పేశాడు. తాను 50 లక్షలకు కొన్నానని, కానీ దీన్ని మాత్రం డబ్బు దృష్టితో చూడనని చెబుతున్నాడు. ఇది ప్రతిరోజూ 3.5 నుంచి 5 మిల్లీలీటర్ల వీర్యం ఇస్తుంది. దాన్ని పల్చన చేసి 35 మిల్లీలీటర్లు చేస్తారు. ముర్రాజాతి గేదెల ఉత్పత్తికి దీన్ని వాడతారు. దీని అమ్మకం ద్వారా రోజుకు 2 లక్షల రూపాయల ఆదాయం వస్తుంది.