చండీగఢ్: హర్యానా అసెంబ్లీ ఎన్నికల్లో మాజీ ముఖ్యమంత్రి ఓంప్రకాష్ చౌతాలా కుటుంబానికి మిశ్రమ ఫలితాలు వచ్చాయి. చౌతాలా కుమారుడు అభయ్ చౌతాలా, కోడలు నైనా చౌతాలా గెలుపొందారు. ఓంప్రకాష్ మనవడు దుష్యంత్ చౌతాలా ఓటమి చవిచూశారు. మరో మాజీ సీఎం భజన్లాల్ బిష్ణోయి కుమారుడు కులదీప్, కోడలు రేణుక విజయం సాధించారు.
 
 మరో మాజీ ముఖ్యమంత్రి బన్సీలాల్ కుమారుడు, బీసీసీఐ మాజీ చీఫ్ రణబీర్ సింగ్, బన్సీలాల్ కోడలు కిరణ్ చౌదరి గెలుపొందారు. మాజీ డిప్యూటీ సీఎం చందర్ మోహన్ ఓడిపోయారు. హర్యానా లోక్హిత పార్టీ అధ్యక్షుడు గోపాల్ కందా, ఆయన సోదరుడు గోవింద్ కందా పరాజయం పాలయ్యారు.