ధర్మవరంటౌన్‌ : పట్టణంలోని రైల్వేస్టేçÜన్‌లోని రెండవ ప్లాట్‌ఫాం వద్ద ఓ గుర్తు తెలియని వ్యక్తి(40) ఆదివారం రాత్రి రైలుకింద పడి ఆత్మహత్య చేసుకున్నాడు. మృతుడు ఆకుపచ్చ రంగు గల షర్టు, మెరూన్‌ కలర్‌ ప్యాంట్‌ ధరించినట్లు రైల్వే కానిస్టేబుల్‌ నాగరాజు తెలిపాడు. మృతుని ఆచూకీ తెలిసిన వారు రైల్వే పోలీసులను సంప్రదించాలన్నారు.


 గుండ్లపల్లి (బెళుగుప్ప): 
 మండల పరిధిలోని గుండ్లపల్లి గ్రామానికి చెందిన లోకేశ్‌ (23) విషపు గుళికలను మింగి సోమవారం  ఆత్మహత్య చేసుకున్నాడు. సంఘటనకు సంబంధించి ఏఎస్‌ఐ విజయనాయక్‌ తెలిపిన వివరాల మేరకు లోకేశ్‌ గత కొన్ని నెలలుగా కడుపునొప్పితో బాధ పడుతుండేవాడన్నారు. సోమవారం విపరీతమైన కడుపు నొప్పి రావడంతో నొప్పిని భరించ లేక ఇంట్లోనే విషపు గుళికలు మింగి ఆత్మహత్యకు పాల్పడ్డాడన్నారు. కుటుంబ సభ్యులు గమనించి  కళ్యాణదుర్గం ప్రభుత్వాసుపత్రికి తరలించారని,  అక్కడ చికిత్స పొందుతూ మృతి చెందాడన్నారు. సంఘటనపై మృతుని భార్య సుమిత్ర ఇచ్చిన ఫిర్యాదు మేరకు కేసు నమోదు చేసి దర్యాప్తు చేపట్టామని తెలిపారు.