నర్సంపేట: వరంగల్ రూరల్ జిల్లా నర్సంపేటలో ఓ ఉన్మాది వీరంగం సృష్టించాడు. యాసిడ్ సీసా చేతపట్టుకొని పట్టణంలోని ఓ మెడికల్ షాపు వద్దకు వచ్చిన ఉన్మాది యాసిడ్‌ను షాపు యజమానిపై పోసేందుకు యత్నించాడు. ఇది గుర్తించిన స్థానికులు అతన్ని అడ్డుకొని పోలీసులకు సమాచారం అందించారు. సంఘటనా స్థలానికి చేరుకున్న పోలీసులు అతనిని అదుపులోకి తీసుకున్నారు. అతని వద్ద నుంచి కత్తి, యాసిడ్ సీసాను స్వాధీనం చేసుకున్నారు. ఈ ఘటనపై పూర్తి వివరాలు తెలియాల్సి ఉంది.