లండన్: ఏ క్రీడా ఈవెంట్స్‌లోనైనా ప్రేక్షకుల నుంచి ఆటగాళ్ల వరకు సెల్ఫీలు తీసుకోవడం పరిపాటి. కానీ వింబుల్డన్‌లో ఇలాంటి చేష్టలు ఇక కుదరవు. సెల్ఫీ స్టిక్స్‌ను అనుమతించకూడదని ఆల్ ఇంగ్లండ్ లాన్ టెన్నిస్ క్లబ్ నిర్ణయించుకుంది. మ్యాచ్‌ల సందర్భంగా నిషేధిత వస్తువుల జాబితాలో ఈ సెల్ఫీ స్టిక్స్‌ను కూడా చేర్చారు. కొంచెం ఎత్తు నుంచి సెల్ఫీలను తీసుకునేందుకు మెటల్ రాడ్స్‌తో కూడిన ఈ స్టిక్స్‌కు మొబైల్, కాంపాక్ట్ కెమెరాలను అమర్చుకుంటారు. ఇదంతా ప్రశాంత వాతావరణాన్ని ఇబ్బంది కలిగించేదిగా ఉందని, భద్రతాపరంగా కూడా ఇలాంటి నిర్ణయం తీసుకోవాల్సి వచ్చిందని నిర్వాహకులు చెబుతున్నారు.