ముంబై: భారత్‌తో టెస్టు సిరీస్‌లో ఘోర పరాజయం నుంచి కోలుకోకముందే వెస్టిండీస్  జట్టుకు మరో దెబ్బ తగిలింది. సిరీస్‌లో విశేషంగా రాణించిన స్పిన్నర్ షిల్లింగ్‌ఫోర్డ్‌తో పాటు ఆల్‌రౌండర్ శామ్యూల్స్ బౌలింగ్ యాక్షన్ సందేహాస్పదంగా ఉందని రెండో టెస్టుకు అంపైరింగ్ చేసిన కెటిల్‌బొరో, లాంగ్ ఐసీసీకి నివేదిక ఇచ్చారు. రెండో రోజు ఆట తర్వాత తమ రిపోర్ట్‌ను అందించారు. దీనిని ఐసీసీ ప్రతినిధులు వెస్టిండీస్ మేనేజర్‌కు ఇచ్చారు. శామ్యూల్స్ క్వికర్ బంతులు, షిల్లింగ్‌ఫోర్డ్ దూస్రాలు వేస్తున్న సమయంలో వీరి బౌలింగ్ యాక్షన్ సందేహాస్పదంగా ఉందని ఈ నివేదికలో పేర్కొన్నారు. ఈ క్రికెటర్లిద్దరూ 21 రోజుల్లోగా తమ బౌలింగ్‌ను విశ్లేషించుకుని ఆ తర్వాత 14 రోజుల్లోగా ఐసీసీకి సమాధానం ఇవ్వాల్సి ఉంటుంది.
  
   అప్పటివరకూ బౌలింగ్ చేయొచ్చు. మధ్యలో ఏదైనా మ్యాచ్‌లో అంపైర్లకు సందేహాస్పదంగా అనిపిస్తే బౌలింగ్‌ను ఆపేయాలి. గతంలోనూ ఈ ఇద్దరి యాక్షన్ సందేహాస్పదంగా ఉంటే కొంతకాలం ఆపారు. తిరిగి యాక్షన్‌ను సవరించుకున్న తర్వాత ఐసీసీ అనుమతి ఇచ్చింది. శామ్యూల్స్ 2008లో సెప్టెంబరు నుంచి 2011 సెప్టెంబరు వరకు బౌలింగ్‌కు దూరమయ్యాడు. షిల్లింగ్‌ఫోర్డ్ 2010 నవంబరు నుంచి 2011 జూన్ వరకు బౌలింగ్ చేయలేదు.


 భారత్తో రెండు టెస్టుల సిరీస్లో ఘోరంగా ఓడిపోయిన వెస్టిండీస్ ఓ వివాదంలో చిక్కుకుంది. విండీస్ బౌలర్లు శామ్యూల్స్, షిల్లింగ్ఫోర్డ్ బౌలింగ్ శైలిపై సందేహాలు వ్యక్తమయ్యాయి. ముంబైలో జరిగిన రెండో టెస్టు సందర్భంగా అంపైర్లు వీరిద్దరిపై ఐసీసీకి ఫిర్యాదు చేశారు.
 
 శామ్యూల్స్, షిల్లింగ్ఫోర్డ్ బౌలింగ్ యాక్షన్పై సందేహం వ్యక్తం చేస్తూ ఫీల్డ్ అంపైర్లు, టీవీ అంపైర్లు ఫిర్యాదు చేసినట్టు ఐసీసీ వెల్లడించింది. ఈ విషయాన్ని విండీస్ టీమ్ మేనేజర్ దృష్టికి కూడా తీసుకెళ్లారు. శామ్యూల్స్, షిల్లింగ్ఫోర్డ్ బౌలింగ్ శైలిని ఐసీసీ నిశితంగా పరిశీలించనుంది. బౌలింగ్ యాక్షన్కు సంబంధించి 21 రోజుల్లోగా వ్యక్తిగత అభిప్రాయాలను తెలియజేయాల్సిందిగా ఇద్దరు బౌలర్లకు సూచించింది. నిబంధనలకు విరుద్ధంగా బౌలింగ్ చేసినట్టు తేలితే వీరిద్దరిపై చర్యలు తీసుకుంటారు.