జుయ్ (చైనా): స్టార్ ఆటగాడు పంకజ్ అద్వానీ, ఆదిత్య మెహతాలతో కూడిన భారత జట్టు... స్నూకర్ ప్రపంచ కప్‌లో క్వార్టర్‌ఫైనల్లోకి ప్రవేశించింది. గ్రూప్ ‘ఎ’లో జరిగిన చివరి రౌండ్ మ్యాచ్‌లో భారత్ 4-1తో సింగపూర్‌పై విజయం సాధించింది. దీంతో గ్రూప్‌లో రెండో స్థానంలో నిలిచింది. నాలుగు గ్రూప్‌ల్లో టాప్-2లో నిలిచిన జట్లు... క్వార్టర్‌ఫైనల్స్‌కు అర్హత సాధిస్తాయి. తొలి మ్యాచ్‌లో ఆస్ట్రేలియాను 5-0తో ఓడించిన భారత్... నార్వేను కూడా 5-0తోనే చిత్తు చేసింది. అయితే మూడో మ్యాచ్‌లో మాల్టా నుంచి గట్టిపోటీ ఎదురైనా.. 3-2తో నెగ్గింది. నాకౌట్‌లో భారత్.. బెల్జియంతో తలపడుతుంది.