బిగ్‌ బాస్‌ ఫేమ్‌  శ్వేతా వర్మ  ఇంట్లో అగ్ని ప్రమాదం జరిగింది. ఈ విషయాన్ని సోషల్‌ మీడియా ద్వారా ఆమె తెలిపింది. షార్ట్ ఫిలిమ్స్‌ నుంచి సినిమా అవకాశాలు దక్కించుకుని ఆపై బిగ్ బాస్ తెలుగు సీజన్ 5లో అడుగుపెట్టి ఒక డిఫరెంట్ యాటిట్యూడ్ తో మంచి ఫ్యాన్ ఫాలోయింగ్‌ను సంపాదించుకున్న బ్యూటీ శ్వేతా వర్మ.. వెండితెరపై హీరోయిన్‌గా, సైడ్ ఆర్టిస్ట్‌గా ఇలా చాలా పాత్రలను పోషించింది. కానీ బిగ్‌ బాస్‌లోకి ఎంట్రీ ఇచ్చిన తర్వాతే  ఆమెకు మంచి గుర్తింపు వచ్చింది. తాజాగా శ్వేతా వర్మ తన ఇంట్లో జరిగిన అగ్ని ప్రమాదం గురించి ఆమె ఇలా చెప్పింది. ఓ భయంకరమైన అగ్ని ప్రమాదం మా ఇంట్లో జరిగింది. విద్యుత్‌ షార్ట్ సర్క్యూట్ వల్ల ప్రమాదం జరిగింది. దీంతో రూం మొత్తం కాలిపోయింది.  నా ఫ్యామిలీతో పాటు.. నా పెట్స్‌ కూడా సేఫ్‌గానే ఉన్నాయి. ఈ భయంకరమైన ప్రమాదం నుంచి నేను కోలుకునేందుకు కొంత సమయం పడుతుంది. దయచేసి నా కోసం మీరు ప్రార్థించండి. ఆందోళన వద్దు. మేము ఇప్పుడు క్షేమంగానే ఉన్నాం. కొద్దిరోజుల తర్వాత మళ్లీ సోషల్ మీడియా ద్వారా మీకు టచ్‌లోకి వస్తాను.' అంటూ శ్వేతా వర్మ తెలిపింది. ఈ పోస్ట్‌ చూసిన వెంటనే టాలీవుడ్‌ నటి, బిగ్‌ బాస్‌ ప్రియ రియాక్ట్‌ అయ్యారు.. 'నేను ఎప్పుడూ నీ కోసం ప్రార్థిస్తుంటాను శ్వేతా' అని ఆమె తెలిపింది. శ్వేతా అభిమానులు కూడా శ్వేతా వర్మ గురించి రియాక్ట్‌ అవుతున్నారు. View this post on Instagram A post shared by Swetaa Varma (@swetaavarma)

జగన్మోహన్, శ్వేతా వర్మ, శివన్నారాయణ, రూపాలక్ష్మి, దయానంద్‌ రెడ్డి, దేవీ ప్రసాద్‌ ప్రధాన పాత్రల్లో నటించిన యాక్షన్‌ థ్రిల్లర్‌ ‘ఎస్‌ 99’. టెంపుల్‌ మీడియా పతాకంపై యతీష్, నందిని నిర్మిస్తున్నారు. ఈ సినిమా టీజర్‌ను విడుదల చేసిన దర్శకుడు కె. రాఘవేంద్రరావు మాట్లాడుతూ– ‘‘టీజర్‌ బాగుంది. తెలుగు, హిందీ భాషల్లో రిలీజ్‌ అవుతున్న ఈ సినిమా అందరికీ నచ్చుతుందని ఆశిస్తున్నాను’’ అన్నారు. ‘‘వచ్చే నెల మొదటివారంలో ఈ సినిమాను విడుదల చేయడానికి సన్నాహాలు చేస్తున్నాం’’ అన్నారు జగన్మోహన్‌. 

టైటిల్‌ : కొండవీడు  నటీనటులు : శ్వేతా వర్మ, ప్రతాప్ రెడ్డి, శ్రీకృష్ణ , నళినీకాంత్ , నవీన్‌రాజ్ తదితరులు  నిర్మాతలు: మధుసూధనరాజు, బోధన్ పల్లి ప్రతాప్ రెడ్డి రచన,దర్శకత్వం: సిద్ధార్థ్ శ్రీ సంగీతం : కనిష్క సినిమాటోగ్రఫీ: రఘు రాయల్ ఎడిటర్‌: శివ శర్వాణి విడుదల తేది: జులై 8, 2022 ‘కొండవీడు’ కథేంటంటే.. కొండవీడు అటవీ ప్రాంతానికి చెందిన బాకు బాబ్జీ(ప్రతాప్‌ రెడ్డి) అడవిలోని చెట్లను నరుకుతూ కలప స్మగ్లింగ్‌ చేస్తుంటాడు. అతని చీకటి వ్యాపారానికి అడ్డొచ్చిన ఫారెస్ట్‌ అధికారులను చంపుతూ.. కంటపడిన ఆడపిల్లలపై హత్యాచారానికి పాల్పడుతుంటాడు. అతని అగడాలను అట్టుకునేందుకు రంగంలోకి దిగిన ప్రొఫెసర్‌కు వంశీకృష్ణ, సామావేద (శ్వేతా వర్మ) కలుస్తారు. అసలు బాకు బాజ్జీ అక​‍్రమాలను ప్రొఫెసర్‌ ఎందుకు అడ్డుకొంటాడు? అడవిలోకి వంశీకృష్ణ, సామావేద ఎందుకు వచ్చారు? వారి నేపథ్యం ఏంటి? వంశీ, సామవేదల ప్రేమ ఎక్కడికి దారి తీసింది? బాకు బాబ్జి చేతికి చిక్కిన ఈ ముగ్గురు.. ఎలా బయటపడ్డారు? బాకుల బాబ్జీ అక్రమాలను ఎవరు చెక్‌ పెట్టారు? అనేదే ‘కొండవీడు’ కథ. ఎలా ఉందంటే..? అడవి నేపథ్యంలో ఎన్నో సినిమాలు వచ్చాయి. వాటికి భిన్నంగా ఆ అటవీ ప్రాంతంలో జరిగిన ఎన్నో చీకటి కోణాలను, సామాన్య జనానికి తెలియని అక్రమ రవాణా నేపథ్యంలో ఆస‌క్తిక‌ర క‌థా క‌థ‌నాల‌తో తెర‌కెక్కిన చిత్రం `కొండవీడు' ప్రకృతికి హాని కలిగించే కలప స్మగ్లర్లకు గుణపాఠం చెబుతూనే ప్రేక్షకులను కావాల్సినంత ఎంటర్‌టైన్‌మెంట్‌  అందించే ప్రయత్నం చేశాడు దర్శకుడు సిద్ధార్థ్‌ శ్రీ. చెట్లను నరుక్కుంటూ పోతే సహజంగా దొరికే ఆక్సిజన్‌ను లక్షల రూపాయలు పెట్టి కొనే దుస్థుతి వస్తుందనే సందేశాన్ని ప్రేక్షకులు అందించాడు. అయితే ఈ కథను పూర్తిస్తాయిలో విస్తరించి, తెలిసిన ఆర్టిస్టులను పెట్టుకొని ఉండే సినిమా స్థాయి మరోలా ఉండేది. సినిమాలో చాలావరకు కొత్త నటులే అయినా..వారిని నుంచి మంచి నటనను రాబట్టుకోవడంలో దర్శకుడు సఫలం అయ్యాడు. తొలి సినిమా అయినా.. చాలా నిజాయితీగా మంచి సందేశాత్మక చిత్రాన్ని తెరకెక్కించిన దర్శకుడి ప్రయత్నాన్ని అభినందించాల్సిందే. అడవి సంపద, పర్యావరణ పరిరక్షణ ప్రాధాన్యత తెలిసిన వారికి ‘కొండవీడు’ నచ్చుతుంది.  ఎవరెలా చేశారంటే.. ఈ సినిమాకు ప్రత్యేక ఆకర్షణ ‘బిగ్‌బాస్‌’ఫేమ్‌ శ్వేతా వర్మ. సామావేద పాత్రకి ఆమె న్యాయం చేసింది. గ్లామర్ పరంగా, హావ భావాల పరంగా ఆకట్టుకొంది. కొన్ని సీన్లలో శ్వేతా వర్మ నటన, స్క్రీన్ ప్రజెన్స్ బాగుంది. కలప స్మగ్లర్‌ బాకు బాబ్జీగా ప్రతాప్ రెడ్డి నేచురల్‌గా విలనిజం ప్రదర్శించాడు.వంశీకృష్ణగా శ్రీకృష్ణ తనదైన నటనతో ఆకట్టకున్నాడు. అన్ని రకాల ఎమోషన్స్‌ పండించే ఆస్కారం దొరికింది. మిగిలిన నటీనటులు కొత్తవారే అయినా.. తమ తమ పాత్రలకు న్యాయం చేశారు. ఇక సాంకేతిక విషయానికొస్తే..కనిష్క సంగీతం బాగుంది. ‘ఎదలో జరిగే ప్రణయాన్ని ఎలా ఆపడం’ అనే పాట తెర మీద కూడ అంతే ఎఫెక్టివ్‌గా కనిపించింది. నేపథ్య సంగీతం కూడా పర్వాలేదు. అటవీ అందాలను సినిమాటోగ్రాఫర్ రఘు రాయల్ తన కెమెరాలో చక్కగా బంధించాడు.విజువల్స్ రిచ్‌గా కనిపిస్తున్నాయి.శివ సర్వాణి ఎడిటింగ్‌ పర్వాలేదు. నిర్మాణ విలువలు సినిమా స్థాయికి తగినట్లుగా ఉన్నాయి. 

Swetha Varma Kondaveedu Movie: నటి, బిగ్‌బాస్‌ ఫేమ్‌ శ్వేతా వర్మ మరోసారి మంచి ఛాన్స్ కొట్టేసింది. దసరాజు గంగాభవాని సమర్పణలో  బి. పి. ఆర్ సినిమా పతాకంపై శ్వేతా వర్మ, ప్రతాప్ రెడ్డి, శ్రీకృష్ణ , నళినీకాంత్, నవీన్‌రాజ్ నటీనటులుగా తెరకెక్కిన చిత్రం 'కొండవీడు'.  సిద్దార్థ శ్రీ దర్శకత్వంలో మధుసూధనరాజు నిర్మించిన ఈ చిత్రం అన్ని కార్యక్రమాలు పూర్తి చేసుకొని ఈ నెల 8న గ్రాండ్‌గా థియేటర్లలో విడుదల కానుంది. ఈ సందర్బంగా ఏర్పాటు చేసిన సినిమా ప్రెస్ మీట్‌లో చిత్రబృందం పాల్గొంది.  'మా "కొండవీడు" సినిమా టీజర్, ట్రైలర్‌ను విడుదల చేసిన  శ్రీకాంత్‌, సునీల్‌కు ధన్యవాదాలు. ఈ సినిమా షూటింగ్ పూర్తి అయినా కూడా కోవిడ్ కారణంగా విడుదల చేయలేకపోయాం. దర్శకుడు మంచి కథను సెలెక్ట్ చేసుకొని తీసిన ఈ  సినిమాను చాలా ఫారెస్ట్ లొకేషన్స్ లలో చిత్రీకరించాం. ఇందులో శ్వేతావర్మతో పాటు మిగిలిన నటీ నటులు, టెక్నిషియకన్స్ అందరూ ఎంతో డెడికేటెడ్ గా వర్క్ చేశారు. సినిమా బాగా వచ్చింది' అని నిర్మాత ప్రతాప్ రెడ్డి తెలిపారు. చిత్ర దర్శకుడు సిద్దార్థ శ్రీ మాట్లాడుతూ.. 'సినిమా తీస్తున్నప్పుడు ఫారెస్ట్‌లోకానీ ఇతర లొకేషన్స్‌లో ఫైట్స్, పాటల విషయంలో ఖర్చుకు వెనుకడకుండా ఈ చిత్రాన్ని నిర్మించారు. నన్ను నమ్మి ఇంత మంచి సినిమా చేసే అవకాశం కల్పించిన నిర్మాతలకు ధన్యవాదాలు' అని పేర్కొన్నారు.  'కరోనా టైమ్‌లో చాలా సినిమాలు చేశాను. నేను బిగ్ బాస్‌లో ఉన్నపుడు ప్రతాప్ రెడ్డి చాలా హెల్ప్ చేశారు. ఈ సినిమాను మొదట ఓటీటీలో రిలీజ్ చెయ్యాలనుకున్నారు. అయితే డిస్ట్రిబ్యూటర్‌ రామకృష్ణ చూసి మంచి కంటెంట్ ఉన్న ఇలాంటి సినిమా థియేటర్‌లో రిలీజ్ చేయాలని ముందుకు వచ్చాడు. ఇందుకు మా అందరికీ ఎంతో ఆనందంగా ఉంది. నిర్మాతలు కోవిడ్ టైమ్ లో కూడా చాలా ప్రికాషన్స్ తీసుకొని ఖర్చుకు వెనుకడకుండా ఈ చిత్రాన్ని నిర్మించారు. దర్శకుడు మంచి ఔట్  పుట్ వచ్చే వరకు మాతో వర్క్ చేయించుకున్నాడు. ఇలాంటి మంచి దర్శకులు, నిర్మాతలు ఇండస్ట్రీలో ఉండడం వల్ల ఎంతో మంది ఆర్టిస్టులకు ఉపాధి దొరుకుతుంది. ఈ నెల 8 న వస్తున్న మా చిత్రాన్ని మమ్మల్ని ప్రేక్షకులు ఆదరించి ఆశీర్వదించాలని మనస్ఫూర్తిగా కోరుకుంటున్నాను' అని శ్వేతా వర్మ తెలిపింది. 

బిగ్‌బాస్‌ బ్యూటీ శ్వేత వర్మ సోషల్‌ మీడియాలో భావోద్వేగానికి లోనైంది. తనకు అవకాశం ఇచ్చినట్లే ఇచ్చి వెనక్కు తీసుకున్నారని ఆవేదన చెందింది. తనకు జరిగిన చేదు అనుభవాన్ని ఇన్‌స్టాగ్రామ్‌లో అభిమానులతో షేర్‌ చేసుకుంది. 'చాలా బాధగా ఉంది. నాకు ఛాన్స్‌ ఇచ్చి మళ్లీ వెనక్కు తీసేసుకున్నారు. ఇలా జరగడం నాకు మొదటిసారేమీ కాదు. కానీ నాకు ఆశలు కల్పించి వెంటన్నే ఆ ఆశలపై నీళ్లు చల్లడం భావ్యమా? భరించలేకపోతున్నాను. వారం రోజుల వరకు సోషల్‌ మీడియా నుంచి దూరంగా ఉండాలని నిర్ణయించుకున్నాను' అని చెప్పుకొచ్చింది. కానీ కాసేపటికే ఆ పోస్టును తొలగించింది. మరి శ్వేతకు వచ్చింది సినిమా ఛాన్సా? ఒకవేళ సినిమా అవకాశమైతే దాన్ని ఎవరు ఆఫర్‌ చేశారు? తర్వాత ఎందుకు మళ్లీ వెనక్కు తీసుకున్నారు? ఇంతకీ ఆమె సమస్యకు పరిష్కారం దొరికిందా? లేదా? అన్నది మాత్రం తెలియాల్సి ఉంది. ఇదిలా ఉంటే శ్వేత.. పచ్చీస్‌, రోజ్‌విల్లా, ఏకమ్‌, నెగటివ్‌ సినిమాల్లో నటించింది. బిగ్‌బాస్‌ తెలుగు ఐదో సీజన్‌లోనూ పాల్గొంది. చదవండి: 8 ఏళ్ల కృషి ఫలించి సుమతో నటించే ఛాన్స్‌ దక్కింది  ఓ అంతర్జాతీయ చెఫ్‌ పాత్రలో అనుష్క శెట్టి

శ్వేతా వ‌ర్మ‌.. బిగ్‌బాస్ షోతో జ‌నాల‌కు మ‌రింత చేరువైందీ భామ‌. ఏదైనా స‌రే ఇచ్చిప‌డేద్దాం అంటూ చ‌లాకీగా మాట్లాడే ఈ బ్యూటీకి బైక్ రైడింగ్‌లంటే మ‌హా స‌ర‌దా. తాజాగా ఆమె రాయల్ ఎన్‌ఫీల్డ్ బైక్‌ను ఇంటికి తెచ్చేసుకుంది. ఈ విష‌యాన్ని సోష‌ల్ మీడియాలో వెల్ల‌డించిన శ్వేత అందుకు సంబంధించిన ఫొటోల‌ను ఇన్‌స్టాగ్రామ్‌లో పోస్ట్ చేసింది. 'యుగ‌న్ నిర్వాణ‌ను మీకు ప‌రిచ‌యం చేస్తున్నాను.. ఈ బైక్‌ను రైడ్ చేయాల్సిన స‌మ‌యం వ‌చ్చేసింది..' అని క్యాప్ష‌న్‌లో రాసుకొచ్చింది. ఈ ఎన్‌ఫీల్డ్ బైక్ నీకు ప‌ర్ఫెక్ట్‌గా సెట్ట‌యిందంటూ కామెంట్లు చేస్తున్నారు ఆమె అభిమానులు. కాగా శ్వేత..  ప‌చ్చీస్‌, ద రోజ్ విల్లా, ఏకమ్‌, ముగ్గురు మొన‌గాళ్లు, మిఠాయి, మ్యాడ్, గ్యాంగ్ ఆఫ్ గ‌బ్బ‌ర్ సింగ్‌, సంజీవ‌ని, నెగెటివ్ వంటి ప‌లు చిత్రాల్లోనే కాక విష్ యూ హ్యాపీ బ్రేక‌ప్ వంటి వెబ్ సిరీస్‌లోనూ న‌టించింది. View this post on Instagram A post shared by Swetaa varma (@iamswetaavarma)

ఇండిపెండెంట్‌ ఫిల్మ్‌ మేకర్‌ బాల సతీష్‌ ‘నెగటివ్‌’ అనే సినిమా తీశారు. ఈ నెగటివ్‌ ఫిల్మ్‌ చాయ్‌ బిస్కెట్‌ యూ ట్యూబ్‌ చానెల్‌లో ప్రసారం అవుతోంది. విక్రమ్‌ శివ, శ్వేతా వర్మ(బిగ్‌బాస్‌ తెలుగు ఐదో సీజన్‌ కంటెస్టెంట్‌), దయానంద్‌ రెడ్డి ప్రధాన తారాణంగా రూపొందిన చిత్రం ఇది. ‘నెగటివ్‌’కు మంచి పాజిటివ్‌ రెస్పాన్స్‌ వస్తోందని బాల సతీష్‌ అన్నారు. ఈ చిత్రం గురించి సతీష్‌ మాట్లాడుతూ– ‘‘రెండేళ్లుగా కోవిడ్‌ పరిస్థితులతో ఎంతో ఇబ్బంది పడుతున్నాం. కోవిడ్‌ విషయంలో నెగటివ్‌ అనేది పాజిటివ్‌గా మారిపోయింది. అందుకే ‘నెగటివ్‌’ టైటిల్‌ పెట్టి ఈ ఫిల్మ్‌ తీశాను. బ్రెజిల్‌ ఇంటర్‌నేషనల్‌ మంత్లీ ఫిల్మ్‌ ఫెస్టివల్‌కు ఓ నామినీగా ‘నెగటివ్‌’ ఎంపికైంది. ప్రెగ్‌ ఇంటర్‌నేషనల్‌ ఫిల్మ్‌ అవార్డ్స్, కోషిస్‌ ఇంటర్‌నేషనల్‌ ఫిల్మ్‌ ఫెస్టివల్స్‌లో ఫైనలిస్టు జాబితాలో నా ‘నెగటివ్‌’ ఫిల్మ్‌ ఉంది. యూరోపియన్‌ సినిమాటోగ్రఫీ అవార్డ్స్‌ సెమీ ఫైనలిస్టు లిస్టులో నిలిచింది. నా కథలను ప్రేక్షకులకు కనెక్ట్‌ చేయగలగడమే నా బలమని నమ్ముతున్నాను. అందుకే సమకాలీన అంశాలనే నా కథాంశాలుగా ఎంచుకుంటుంటాను’’ అన్నారు. 

Bigg Boss 5 Telugu Ravi Elimination Reason: బిగ్‌బాస్‌ తెలుగు సీజన్‌-5లో 12వ వారం ఎలిమినేషన్‌ ఇప్పుడు టాక్‌ ఆఫ్‌ ది టౌన్‌గా మారిపోయింది. నామినేషన్లలో ఉన్న మిగతా కంటెస్టంట్‌లతో పోలిస్తే రవికి భారీ ఫ్యాన్‌ ఫాలోయింగ్‌ ఉంది. అయినప్పటికీ వారికంటే రవి బయటకు రావడం ఇప్పుడు సోషల్‌ మీడియాలో చర్చనీయాంశమైంది. ఇది అన్‌ఫెయిర్‌ ఎలిమినేషన్‌ అంటూ రవి ఫ్యాన్స్‌ సహా నెటిజన్లు సైతం అభిప్రాయపడుతున్నారు. ఇంతకీ రవి ఎలిమినేట్‌ అవ్వడానికి కారణాలు ఏంటి? నిజంగానే మిగతా కంటెస్టెంట్లతో పోలిస్తే తక్కువ ఓట్లు వచ్చాయా? లేక మరేదైనా కారణాలు ఉన్నాయా అని ఓసారి పరిశీలిస్తే.. ఈ సీజన్‌లో మిగతా కంటెస్టెంట్లతో పోలిస్తే  యాంకర్‌ రవికే ఎక్కువ ఫ్యాన్‌ ఫాలోయింగ్‌ ఉందని చెప్పొచ్చు. ఎన్నో ఏళ్లుగా బుల్లితెరపై మాస్‌ మహారాజాగా ఎదిగిన రవి గ్రాఫ్‌ బిగ్‌బాస్‌ హౌస్‌లో  మొదట్లో బాగానే ఉండేది. అయితే లహరి-ప్రియ ఎపిసోడ్‌లో అమ్మ మీద ఒట్టు అంటూ అబద్దాలు చెప్పడం రవికి అతిపెద్ద మైనస్‌ అని చెప్పొచ్చు. అప్పటివరకు గుంటనక్క, ఇన్ఫులెన్స్ స్టార్ అని ట్యాగ్‌ లైన్స్‌ వచ్చినా ఈ ఒక్క ఎపిసోడ్‌తో రవి గ్రాఫ్‌ అమాంతం పడిపోయింది. ఇక శ్వేత ఎలిమినేషన్‌కి కూడా పరోక్షంగా రవి కారణం అవ్వడంతో మరింత నెగిటివ్‌ అయ్యాడు. అయినప్పటికీ అతనికి ఉన్న ఫ్యాన్‌ బేస్‌తో నామినేట్‌ అయిన ప్రతీసారి సేవ్‌ అవుతూ వచ్చాడు. ఈసారి కూడా  నామినేషన్స్‌ నుంచి ఈజీగా గట్టెక్కేస్తాడని అంతా భావించారు. టాప్‌-5కి రవి చాలా సులువుగా చేరుకుంటాడని అనుకున్నారంతా. దీంతో రవికి ఎలాగైనా భారీ ఓట్లు పడతాయని భావించి ఫ్యాన్‌ బేస్‌ తక్కువ ఉన్నవారిని సేవ్‌ చేయడం కోసం వారికి ఓట్లు వేశారు. ఇది రవికి చాలా పెద్ద మైనస్‌గా మారింది. ఎలాగో ఓట్లు పడతాయి అన్న ఉద్దేశంతో మిగతా వారికి ఓట్లు వేయడం కూడా రవి ఎలిమినేషన్‌కు ప్రధాన కారణం అయి ఉండొచ్చని టాక్‌ వినిపిస్తుంది. ఏది ఏమైనా టాప్‌-5లో ఉండాల్సిన కంటెస్టెంట్‌ ఇలా అనూహ్యంగా బయటకు రావడం రవి బ్యాడ్‌ లక్‌ అని చెప్పొచ్చు.  View this post on Instagram A post shared by Big Boss Telugu Season 5 (@bigbosstelugu5.adda)

Bigg Boss Telugu 5, Swetha Varma About Bigg Boss Winner: బిగ్‌బాస్‌ షో ఎటు పోతుందో అర్థం కావడంలేదు అంటున్నారు నెటిజన్లు. స్ట్రాంగ్‌ కంటెస్టెంట్లను పంపించేసి ఏమీ చేయకుండా ఖాళీగా కూర్చుకుంటున్నవారిని హౌస్‌లో ఉంచుతున్నారని ఆగ్రహం వ్యక్తం చేస్తున్నారు. పైగా ఇప్పటివరకు ఆరుగురు ఎలిమినేట్‌ అయితే అందులో ఐదుగురు ఆడవాళ్లనే పంపించేయడంపై తీవ్రంగా మండిపడుతున్నారు. ముఖ్యంగా ఆరో వారంలో బయటకు వచ్చేసిన శ్వేత వర్మ ఎలిమినేషన్‌ను ఇప్పటికీ జీర్ణించుకోలేకపోతున్నారు. ఆమె హౌస్‌లోకి తిరిగి వస్తే బాగుంటుందని ఆశాభావం వ్యక్తం చేస్తున్నారు. కానీ ఇప్పట్లో రీఎంట్రీ అనే ఆప్షన్‌ ఉండకపోవచ్చని తెలుస్తోంది. ఇదిలా వుంటే తాజాగా శ్వేత వర్మ బిగ్‌బాస్‌ విన్నర్‌ ఎవరో చెప్పేసింది. వీజే సన్నీ విజేతగా నిలిచే అవకాశాలు పుష్కలంగా ఉన్నాయంది. హౌస్‌లో అతడు స్ట్రాంగ్‌, పాపులర్‌ కంటెస్టెంట్‌ అని పేర్కొంది. ఇక ప్రియ, సన్నీకి మధ్య జరిగిన గొడవను ప్రస్తావిస్తూ.. వాళ్లిద్దరికీ కొట్లాట జరిగింది వాస్తవమే కానీ మెజారిటీ ప్రేక్షకులు అదంతా ప్రియ వల్లే జరిగిందని నిందిస్తూ సన్నీకి సపోర్ట్‌ చేస్తున్నారని చెప్పుకొచ్చింది. ఇక సన్నీతో పాటు మానస్‌, యానీ మాస్టర్‌ టాప్‌ 3లో ఉంటారని తెలిపింది.

చాలామంది సెల‌బ్రిటీల‌కు బిగ్‌బాస్ హౌస్ అంటే ఒక బంగారు నిధి. అక్క‌డ అడుగు పెడితే చాలు ఎక్క‌డ‌లేని పాపులారిటీ సొంత‌మై సినిమా ఆఫ‌ర్లు వ‌స్తాయ‌ని ఆశ‌ప‌డుతుంటారు. గెలిచినా, ఓడినా ప్రేక్ష‌కుల‌కు ద‌గ్గ‌ర‌వ్వ‌డం మాత్రం ప‌క్కా అని మైండ్‌లో ఫిక్స‌యిపోతుంటారు. గ‌త సీజ‌న్‌లో అఖిల్‌, సోహైల్‌, అరియానా.. అత్యంత సామాన్యులుగా ఎంట్రీ ఇచ్చి సెన్సేష‌న‌ల్ సెల‌బ్రిటీలుగా బ‌య‌ట‌కు వెళ్లారు.  వ‌రుస ఆఫ‌ర్ల‌తో ఫుల్ బిజీ అయ్యారు కూడా!  అందుకే బిగ్‌బాస్ షోలో ఒక్క‌సారైనా పాల్గొనాల‌నేది ఎంతోమంది సెల‌బ్రిటీలు ఉవ్విళ్లూరుతుంటారు. కానీ ఆ అవ‌కాశం కొంద‌రినే వ‌రిస్తుంది. ఈ క్ర‌మంలోనే యువ న‌టి శ్వేతా వ‌ర్మ‌కు బిగ్‌బాస్ ఛాన్స్ వ‌చ్చింది. త‌నేంటో ప్రూవ్ చేసుకుంటానంటూ ఈ భామ హౌస్‌లో అడుగు పెట్టింది. మొద‌ట్లో చ‌డీచ‌ప్పుడు లేకుండా సైలెంట్‌గా ఉన్న శ్వేత రానురాను ఫైర్ బ్రాండ్‌గా మారిపోయింది. ముక్కుసూటిగా మాట్లాడుతూ, గేమ్‌ను, రిలేష‌న్స్‌ను విడివిడిగా చూసే ఈమె మెచ్యూరిటీకి ఎంతోమంది ఫ్యాన్స్ అయ్యారు. ఆమె ఆట‌తీరు చూశాక‌ శ్వేత త‌ప్ప‌కుండా టాప్ 5లో ఉంటుంద‌నుకున్నారంతా! కానీ ఊహించ‌ని రీతిలో ఆరోవారంలోనే హౌస్ నుంచి ఎలిమినేట్ అయింది శ్వేత‌.  ఆరోవారం నామినేష‌న్స్‌లో శ్రీరామచంద్ర, సిరి, లోబో, విశ్వ, షణ్ముఖ్, ప్రియాంక, యాంకర్ రవి, శ్వేతా, జెస్సీ, సన్నీ ఉన్నారు. వీరిలో శ్వేత‌కు పెద్ద‌గా ఫ్యాన్ ఫాలోయింగ్ లేక‌పోవ‌డంతో ఆమెకు పెద్ద‌గా ఓట్లు ప‌డ‌లేద‌ని తెలుస్తోంది. అలాగే త‌ను ప‌దే ప‌దే ఇంగ్లీషులో మాట్లాడ‌టం కూడా చాలామంది ప్రేక్ష‌కుల‌కు న‌చ్చ‌లేద‌న్న‌ది మ‌రో వాద‌న‌! నామినేష‌న్స్‌లోకి రాక‌పోవ‌డం కూడా ఆమెకు మైన‌స్‌గా మారిందంటున్నారు. బిగ్‌బాస్ ప్రారంభ‌మ‌య్యాక ఐదు వారాల వ‌ర‌కు ఆమె ఒక్క‌సారి కూడా నామినేష‌న్స్‌లోకి రాలేదు. దీంతో త‌న ఫ్యాన్స్ వేరే కంటెస్టెంట్ల‌కు స‌పోర్ట్ చేసేందుకు మొగ్గు చూపారు. వెర‌సి ఆరోవారం నామినేష‌న్స్‌లోకి వ‌చ్చిన శ్వేత‌ను ఉన్న కొద్ది ఫ్యాన్స్ కాపాడుకోలేక‌పోయారు. ర‌వి ఇచ్చిన ఐడియాను గుడ్డిగా ఫాలో అయి బిగ్‌బాస్ ప్రాప‌ర్టీని ధ్వంసం చేసి శ్వేత త‌న ఇమేజ్ డ్యామేజ్ చేసుకుంది. అలాగే గ‌తంలో మాన‌వ‌త్వం గురించి లెక్చ‌ర్లు ఇస్తూనే నామినేష‌న్స్‌లో హ‌మీదాను రంగుతో కొట్టింది  ఇక టాస్కుల్లోనూ వైల్డ్‌గా మారిపోతూ అంద‌రినీ ద‌డ‌ద‌డ‌లాడించింది. ఇలా కొన్ని త‌న‌కు తెలిసి, తెలియ‌క చేసిన త‌ప్పుల‌కు ఫ‌లితంగా ఎలిమినేష‌న్ శిక్ష అనుభ‌వించింది.

బిగ్‌బాస్ హౌస్‌లోని స్ట్రాంగ్ కంటెస్టెంట్ల‌లో సెట్ శ్వేత ఒక‌రు. ముక్కుసూటిత‌నం, ఏదైనా నిల‌దీసే గుండెధైర్యం.. ఇవ‌న్నీ చూసి శ్వేత హౌస్‌లో చాలారోజుల‌పాటు కొనసాగుతుంద‌నుకున్నారంతా! కానీ ప్రేక్ష‌కుల అంచ‌నాల‌ను త‌ల‌కిందులు చేస్తూ ఆమెను ఆరోవారంలోనే షో నుంచి పంపించివేశారు. బిగ్‌బాస్ తీసుకున్న ఈ నిర్ణ‌యాన్ని తీవ్రంగా వ్య‌తిరేకిస్తున్నారు నెటిజ‌న్లు. లోబోకు బ‌దులుగా ఆమెను సీక్రెట్ రూమ్‌కు పంపించినా ఆట ర‌స‌వ‌త్త‌రంగా ఉండేద‌ని పెద‌వి విరుస్తున్నారు. త‌ను రీఎంట్రీ ఇస్తే బాగుండ‌ని ఆశ‌ప‌డుతున్నారు అభిమానులు. ఇదిలా వుంటే ఎలిమినేట్ అయిన శ్వేతా వ‌ర్మ.. అరియానా గ్లోరీ వ్యాఖ్యాత‌గా వ్య‌వ‌హ‌రిస్తున్న బిగ్‌బాస్ బ‌జ్ షోకు హాజ‌రైంది. ఈ సంద‌ర్భంగా హౌస్‌మేట్స్ గురించి త‌న అభిప్రాయాల‌ను వెల్ల‌డించింది. ర‌వి ఏది చెప్తే అది లోబో ఫాలో అయిపోతాడంది, ఇక ర‌వి త‌న గేమ్ త‌ను ఆడాల‌ని హిత‌వు ప‌లికింది. మీ కంటే వీక్ కంటెస్టెంట్ ఎవ‌రున్నారు? అన్న అరియానా ప్ర‌శ్న‌కు కాజ‌ల్ మీద మంచి ఒపీనియ‌న్ లేదని చెప్పుకొచ్చింది. ర‌వి మీద కూడా పాజిటివ్ ఒపీనియ‌న్ లేద‌ని తెలిపింది. బిగ్‌బాస్ హౌస్‌లో మొద‌టి రోజు నుంచి సిరిని ఇండివిడ్యువ‌ల్‌గా చూడ‌లేదంది. సిరి.. ష‌ణ్ముఖ్‌, జెస్సీని రెచ్చ‌గొడుతుందా? అన్న ప్ర‌శ్న‌కు శ్వేత అవున‌ని బ‌దులిచ్చింది. మా అమ్మ ఉండుంటే ఇంకోలా ఉండేది, నా త‌ల్లిని మిస్ అవుతున్నాను అంటూ ఎమోష‌న‌ల్ అయింది శ్వేత‌.

Bigg Boss 5 Telugu, Swetha Varma Remuneration: చాలామంది సెల‌బ్రిటీల‌కు బిగ్‌బాస్‌కు వెళ్లాల‌నేది ఓ క‌ల‌. కానీ అంద‌రికీ ఆ క‌ల నెర‌వేర‌దు, కొంద‌రిని మాత్ర‌మే ఆ అవ‌కాశం వ‌రిస్తుంది. ప్రేక్ష‌కుల‌కు మ‌రింత ద‌గ్గ‌ర చేసే ఈ షోలో పార్టిసిపేట్ చేయ‌డం కోసం మిగ‌తా ప్రాజెక్టుల‌ను ప‌క్క‌న‌ప‌డేసి మ‌రీ హౌస్‌లో అడుగుపెడుతుంటారు తార‌లు. బిగ్‌బాస్ కూడా వారికి భారీ స్థాయిలోనే పారితోషికం ముట్ట‌జెప్తూ వారిని సంతృప్తి ప‌రుస్తుంటాడు. అయితే పాపులారిటీని బ‌ట్టి ఈ పారితోషికం ఒక్కొక్క‌రికి ఒక్కోలా ఉంటుంది. తాజాగా హౌస్‌లో ఎలిమినేట్ అయిన శ్వేత వ‌ర్మ‌కు ఎంత ముట్టింద‌నేది ప్ర‌స్తుతం సోష‌ల్ మీడియాలో హాట్ టాపిక్‌గా మారింది. ద రోజ్ విల్లా, ముగ్గురు మొన‌గాళ్లు, ప‌చ్చీస్‌, సైకిల్ వంటి ప‌లు చిత్రాల్లో న‌టించిన శ్వేత ప‌లు వెబ్‌ సిరీస్‌లోనూ యాక్ట్ చేసింది. మ‌న‌సుకు న‌చ్చిన‌ ప్రాజెక్టులు చేసుకుంటూ పోతున్న ఆమెకు కావాల్సినంత గుర్తింపు అయితే రాలేదు. ఈ క్ర‌మంలో త‌న‌కు వ‌చ్చిన బిగ్‌బాస్ ఆఫ‌ర్ ద్వారా ఇండ‌స్ట్రీలో ప్రేక్ష‌కుల‌కు ద‌గ్గ‌ర‌వ్వాల‌నుకుంది. ఇండ‌స్ట్రీలో బిజీ న‌టిగా మారిపోవాల‌నుకుంది. అనుకున్న‌దే త‌డ‌వుగా ఆఫ‌ర్‌కు ప‌చ్చ‌జెండా ఊపుతూ హౌస్‌లో అడుగు పెట్టింది. మొద‌ట్లో ఉందా? లేదా? అన్న‌ట్లు సైలెంట్‌గా ఉన్న శ్వేత ఒకానొక నామినేష‌న్స్‌లో ఉగ్ర‌రూపం చూపించింది. అమ‌ర్యాద‌గా మాట్లాడుతున్నావంటూ లోబోను చెడుగుడు ఆడేసింది. ఫేక్‌గా ఆడుతున్నావంటూ హ‌మీదాను కొట్టినంత ప‌ని చేసింది. ఇక టాస్కుల్లోనూ విరుచుకుప‌డుతూ ప్ర‌త్య‌ర్థుల‌కు ముచ్చెమ‌ట‌లు ప‌ట్టించేది. త‌న యాటిట్యూడ్‌తో, ముక్కుసూటిత‌నంతో మిగ‌తావారిని డామినేట్ చేస్తూ వ‌స్తోంది. యానీ మాస్ట‌ర్‌ను అమ్మ‌గా పిలుచుకునే శ్వేత త‌న‌తో పెట్టుకుంటే ఇచ్చిప‌డేసేది. ఆరో వారంలో నామినేష‌న్‌లోకి వ‌చ్చి ఎలిమినేట్ అయిన శ్వేత బిగ్‌బాస్ ద్వారా ఎంత సంపాదించింది? అని ఆరా తీయ‌డం మొద‌లు పెట్టారు నెటిజ‌న్లు. అయితే సోష‌ల్ మీడియాలో వినిపిస్తున్న చ‌క్క‌ర్లు కొడుతున్న స‌మాచారం ప్ర‌కారం వారానికి ఆమెకు రూ. 60- 90 వేల వ‌ర‌కు ఇస్తున్నార‌ట‌! ఆమె ఆరువారాల‌పాటు హౌస్‌లో కొన‌సాగింది. ఈ లెక్క‌న ఆమెకు బిగ్‌బాస్ ద్వారా సుమారు 5 ల‌క్ష‌ల ఆదాయం వ‌చ్చిన‌ట్లు తెలుస్తోంది!

Bigg Boss 5 Telugu, Episode 43: లోబో తండ్రి చనిపోయిన‌ప్పుడు వాడితో నేనున్నాను, ఆ టైంలో ఎవ‌రూ లేక‌పోయినా మూడు రోజులు వాడితో ఉన్నాను. అత‌డు అమాయ‌కుడు అంటూ హౌస్ నుంచి వెళ్లిపోయిన‌ త‌న జిగిరీ దోస్త్‌ను గుర్తు చేసుకుని ఎమోష‌న‌ల్ అయ్యాడు ర‌వి. ఇక నాగ్‌.. ఇంటిస‌భ్యుల‌తో ఫ‌న్ టాస్క్ ఆడించాడు. అందులో భాగంగా స‌న్నీ, మాన‌స్‌, జెస్సీ, యానీ, ప్రియ‌, శ్వేత‌ల‌ను బి టీమ్‌గా మిగిలిన వారిని ఏ టీమ్‌గా విభ‌జించాడు. టాస్క్‌లో భాగంగా చీటీలో ఉండే పాట పేరును పీక‌తో వాయించ‌గా మిగిలిన వారు గుర్తుప‌ట్టాలి. బిగ్ బ్ర‌ద‌ర్‌గా చెప్తున్నా.. ఈ అవ‌కాశాన్ని వాడుకో: నాగ్‌ మొద‌ట‌గా ష‌ణ్ను పీక‌తో మ్యూజిక్‌ వాయించ‌గా సిరి.. అది రింగ‌రింగ పాట అని ఇట్టే గుర్తుప‌ట్టింది. త‌ర్వాత స‌న్నీ వాయించిన పాట‌ను శ్రీరామ్‌.. సారంగ‌ద‌రియా అని ప‌సిగ‌ట్టాడు. ఇలా ప్ర‌తి ఒక్క‌రు చిట్టీ తీయ‌డం, దాన్ని క‌రెక్ట్‌గా గెస్ చేసిన టీమ్ డ్యాన్స్ చేయ‌డం జ‌రిగింది. మొత్తంగా ఈ టాస్క్‌లో టీమ్ ఏ గెలిచింది. అనంత‌రం నాగ్‌.. ష‌ణ్ముఖ్‌, ప్రియాంక, శ్రీరామ్‌, స‌న్నీ సేఫ్ అయిన‌ట్లు ప్ర‌క‌టించాడు. మ‌రోప‌క్క సీక్రెట్ రూమ్‌లో ఉన్న లోబోను ప‌ల‌క‌రించాడు నాగ్‌. నీకో బిగ్ బ్ర‌ద‌ర్‌గా చెప్తున్నా.. ఈ అవ‌కాశాన్ని బాగా వాడుకో..  అని స‌ల‌హా ఇచ్చాడు. కానీ లోబో మాత్రం సీక్రెట్ రూమ్‌లో ఉన్నందుకు సంతోషించాల్సింది పోయి నిరుత్సాహ‌ప‌డ్డాడు. శ్వేత ఎలిమినేట్, ఏడుపందుకున్న కంటెస్టెంట్లు త‌ర్వాత‌ ఇంటిస‌భ్యుల క‌ళ్ల‌కు గంత‌లు క‌ట్టి గేమ్ ఆడించారు. ఇందులో క‌ళ్ల‌కు గంత‌లు క‌ట్టుకున్న వారు బోనును క‌నుక్కోవాల్సి ఉంటుంది. ఈ గేమ్‌లో కూడా టీమ్ ఏ విజ‌యం సాధించింది. అనంత‌రం జెస్సీ సేఫ్ అయిన‌ట్లు నాగ్‌ వెల్ల‌డించాడు. మిగిలిన సిరి, శ్వేత‌ను గార్డెన్ ఏరియాకు ర‌మ్మ‌న్న నాగ్‌.. వారితో ఓ బాక్సు బ‌ద్ద‌లు చేయించాడు. అందులోని బాక్సులో ఎవ‌రి ఫోటో ఉందో వాళ్లు సేఫ్ అని తెలిపాడు. ఆ బాక్సు తెరిచి చూడ‌గా అందులో సిరి ఫొటో ఉండ‌టంతో ఆమె హౌస్‌లో కంటిన్యూ కాగా శ్వేత ఎలిమినేట్ అయింది. దీంతో షాక్‌కు గురైన‌ యానీ, స‌న్నీ, ప్రియాంక, విశ్వ‌ ఏడుపందుకున్నారు. వాళ్ల‌ను టాప్ 5లో చూడాల‌నుకుంటున్నా: శ్వేత‌ ఇక స్టేజీ మీద‌కు వ‌చ్చిన శ్వేత‌తో సైన్ గేమ్ ఆడించాడు నాగ్‌. ర‌వి వెరీ స్మార్ట్ అని, అత‌డికి దూరంగా ఉండాల‌ని కంటెస్టెంట్ల‌ను హెచ్చ‌రించింది శ్వేత‌. హౌస్‌లో మాన‌స్ డేంజ‌ర్ అని అభిప్రాయ‌ప‌డింది, త‌క్కువ మాట్లాడి ఎక్కువ ఆడాల‌ని యానీ మాస్ట‌ర్‌కు స‌ల‌హా ఇచ్చింది. నిన్ను టాప్ 5లో చూడాల‌నుకుంటున్నాన‌ని చెప్పుకొచ్చింది. శ్రీరామ్‌కు త్వ‌ర‌గా రీచార్జ్ చేయాల్సిన అవ‌స‌రం ఉంద‌ని అభిప్రాయ‌ప‌డింది. అత‌డిని టాప్ 5లో చూడాల‌నుకుంటున్నానంది. విశ్వ ఒలంపిక్స్‌కు కూడా వెళ్తాడ‌నిపిస్తోంది విశ్వ గేమ్‌లో దారి త‌ప్పుతున్నాడంది. కాక‌పోతే టాస్కుల్లో ట‌ఫ్ కాంపిటీష‌న్ ఇస్తున్నాడ‌ని, అత‌డిని చూస్తుంటే విశ్వ ఒలంపిక్స్‌కు కూడా వెళ్లిపోవ‌చ్చ‌నిపిస్తుంద‌ని చెప్పుకొచ్చింది శ్వేత‌. కాజ‌ల్ డెడ్ ఎండ్ అని, మాట మార్చి యూట‌ర్న్ తీసుకుంటుంద‌ని అభిప్రాయ‌ప‌డింది. శ్రీరామ్‌.. శ్వేత కోసం ముస్త‌ఫా ముస్త‌ఫా పాట పాడి అక్క‌డున్న‌వాళ్ల‌ను ఏడిపించాడు. అనంత‌రం భార‌మైన హ‌00ద‌యంతో అంద‌రి ద‌గ్గ‌రా వీడ్కోలు తీసుకుంది శ్వేతా వ‌ర్మ‌.

బిగ్‌బాస్ షోలో కంటెస్టెంట్ల‌ను వెంటాడేవి ఎలిమినేష‌న్స్‌. ప్ర‌తివారం ఎవ‌రో ఒక‌రు హౌస్ నుంచి వెళ్లిపోవాల్సిందే! ఇప్ప‌టికే స‌ర‌యు, ఉమాదేవి, ల‌హ‌రి, న‌ట‌రాజ్ మాస్ట‌ర్‌, హ‌మీదా వ‌రుస‌గా ఎలిమినేట్ అవుతూ వ‌చ్చారు. ఇప్ప‌టివ‌ర‌కు ఐదుగురు ఎలిమినేట్ అయితే అందులో న‌లుగురు అమ్మాయిలే కావ‌డం గ‌మ‌నార్హం. దీంతో ఈ వారం అమ్మాయిని పంపిస్తారా?  లేదా అబ్బాయిని వెళ్ల‌గొడ‌తారా? అన్న‌ది ఆస‌క్తిక‌రంగా మారింది. ఆరోవారం జ‌రిగిన నామినేష‌న్స్‌లో శ్రీరామ్ చంద్ర, సిరి, లోబో, విశ్వ, షణ్ముఖ్ జస్వంత్, ప్రియాంక, యాంకర్ రవి, జెస్సీ, శ్వేతా, సన్నీ ఉన్నారు. వీరిలో లోబో, విశ్వ‌, శ్వేత డేంజ‌ర్ జోన్‌లో ఉన్న‌ట్లు అన‌ధికారిక పోల్స్‌లో వెల్లడైంది. అయితే విశ్వ టాస్కుల్లో విశ్వ‌రూపం చూపిస్తూ మిగ‌తా కంటెస్టెంట్ల‌కు గ‌ట్టిపోటీ ఇస్తున్నాడు. లోబో.. మొద‌ట్లో ఎంట‌ర్‌టైన్ చేసినా త‌ర్వాత పూర్తిగా సైలెంట్ అయిపోయాడు. కాక‌పోతే ర‌వికి న‌మ్మిన బంటుగా ఉండ‌టంతో యాంక‌ర్ ఫ్యాన్స్ ఇత‌డిని సేవ్ చేసే అవ‌కాశం ఉంది. మిగిలింద‌ల్లా శ్వేత‌.. ఆమెకు సోష‌ల్‌ మీడియాలో పెద్ద‌గా ఫ్యాన్ ఫాలోయింగ్ లేదు. పైగా షోలో హౌస్‌మేట్స్‌తో త‌ర‌చూ గొడ‌వ‌కు దిగింది. ఇప్ప‌టివ‌ర‌కు జ‌రిగిన ఎలిమినేష‌న్స్ చూసిన‌ట్లైతే ఎక్కువ‌గా గొడ‌వ‌ప‌డిన వాళ్లే బిగ్‌బాస్‌కు దూర‌మ‌వుతూ వ‌చ్చారు. ఈ లెక్క‌న ఈ వారం సెట్ శ్వేత ఎలిమినేట్ అయిన‌ట్లు లీకువీరులు నెట్టంట ప్ర‌చారం చేస్తున్నారు. అంతేకాదు, తాజాగా రిలీజైన ప్రోమోలో ప్రియ, లోబోల‌లో ఒక‌రిని ఎలిమినేట్ చేస్తున్న‌ట్లు ఊద‌ర‌గొట్టాడు నాగ్‌. నిజంగానే ఇందులో ఒక‌రిని ఎలిమినేట్ చేశార‌ట‌, కాక‌పోతే అది ఫేక్ ఎలిమినేష‌న్‌! లోబోను ఎలిమినేట్ చేసిన‌ట్లే చేసి సీక్రెట్ రూమ్‌కు పంపించార‌ట‌. మ‌రి సీక్రెట్ రూమ్‌ను లోబో త‌న‌కు ఎలా అనుకూలంగా మార్చుకుంటాడు, గేమ్‌ను ఎలా ట‌ర్న్ చేస్తాడ‌న్న‌ది చూడాలి!

Bigg Boss 5 Telugu, 6th Week Elimination: బిగ్‌బాస్ తెలుగు ఐదో సీజ‌న్‌లో ఆరో ఎలిమినేష‌న్‌కు రంగం సిద్ధ‌మైంది. 19 మంది కంటెస్టెంట్ల‌తో ప్రారంభ‌మైన ఈ షోలో ఇప్పుడు 14 మంది మాత్ర‌మే మిగిలారు. ఈ వారం వీరిలో నుంచి ఏకంగా 10 మంది నామినేట్  అయ్యారు. శ్రీరామ‌చంద్ర‌, సిరి, లోబో, విశ్వ‌, ష‌ణ్ముఖ్‌, ప్రియాంక‌, స‌న్నీ, శ్వేత‌, యాంక‌ర్ ర‌వి, జెస్సీ నామినేష‌న్‌లో ఉన్నారు. మ‌రి ఈ 10 మందిలో నుంచి హౌస్‌కు వీడ్కోలు ప‌లికేదెవ‌రు? అన్న‌ది ఇంట్ర‌స్టింగ్‌గా మారింది. ఓటింగ్‌లో మొద‌టి నుంచి టాప్‌లో దూసుకుపోతున్నాడు ష‌ణ్ముఖ్ జ‌శ్వంత్‌. దీంతో అత‌డు ఎలిమినేట్ అయ్యే ఛాన్స్ అంగుళం కూడా లేదు. ప్ర‌తిసారి త‌ప్పులు చేస్తూ అడ్డంగా దొరికిపోతున్న యాంక‌ర్ ర‌వికి కావాల్సినంత‌ పాపులారిటీ ఉంది కాబ‌ట్టి అది అత‌డిని నీడ‌లా ర‌క్షిస్తోంది. స‌న్నీ, శ్రీరామ్‌కు కూడా భారీగానే ఓట్లు గుద్దుతున్నారు.. క‌నుక వీళ్లూ సేఫ్ జోన్‌లోనే ఉన్న‌ట్లు లెక్క‌! సిరి, ప్రియాంక, జెస్సీ కూడా బ‌య‌ట‌కు వెళ్లేట్లు క‌నిపించ‌డం లేదు. మిగిలింద‌ల్లా శ్వేత‌, విశ్వ‌, లోబో. వీరిలో ఒక‌రిపై ఎలిమినేష‌న్ వేటు ప‌డ‌టం ఖాయంగా క‌నిపిస్తోంది. విశ్వ రెండోసారి కెప్టెన్‌గా గెలిచి స‌త్తా చాట‌డంతో అత‌డి గ్రాఫ్ ఒక్క‌సారిగా పెరిగిపోయింది. వ‌ర‌స్ట్ ప‌ర్ఫామ‌ర్‌గా ఎన్నికైన శ్వేత గ్రాఫ్ అమాంతం ప‌డిపోయింది. ఈ లెక్క‌న శ్వేత హౌస్‌కు గుడ్‌బై చెప్పే అవ‌కాశాలు పుష్క‌లంగా ఉన్న‌ట్లు క‌నిపిస్తోంది. ఇది బిగ్‌బాస్‌.. ఇక్క‌డ ఏదైనా జ‌ర‌గొచ్చు, కాబ‌ట్టి ఎలిమినేష‌న్‌లో ఏం ట్విస్ట్ ఇస్తారో? ఎవ‌రిని పంపించేస్తారో చూడాలి!

Bigg Boss Telugu 5, Episode 41: అంద‌రూ క‌లిసి త‌న‌ను మ‌రోసారి వ‌ర‌స్ట్ ప‌ర్ఫామ‌ర్ చేస్తారేమోన‌ని అనుమానం వ్య‌క్తం చేశాడు స‌న్నీ. అయితే మాట వ‌ర‌స‌కు కూడా ఆ మాట న‌చ్చ‌ని మాన‌స్‌, కాజ‌ల్‌.. అదే క‌న‌క జ‌రిగితే హౌస్‌మేట్స్‌తో తాము ఫైట్ చేస్తామ‌ని ముందుకొచ్చారు. ఏదేమైనా సిరి మాత్రం త‌న‌ను వ‌ర‌స్ట్ ప‌ర్ఫామ‌ర్‌గా చెప్ప‌డం గ్యారెంటీ అని బ‌ల్ల‌గుద్ది చెప్పాడు స‌న్నీ. అతిగా ఆశ‌ప‌డే ఆడ‌ది, అతిగా ఆవేశ‌ప‌డే మ‌గాడు సుఖ‌ప‌డిన‌ట్లు చ‌రిత్ర‌లో లేదు అని ర‌జనీకాంత్ ఆనాడే చెప్పాడు.. అందుకే ఆవేశాన్ని కంట్రోల్ చేసుకుంటున్నాన‌ని చెప్పుకొచ్చాడు. రాత్రివ‌ర‌కు మాన‌స్‌తో మాట్లాడ‌కూడ‌దు త‌ర్వాత కిచెన్‌లో ముస‌లం మొద‌లైంది. 'బియ్యం ఉడుకుతుంటే స‌గంలోనే దాన్ని ప‌క్క‌న పెట్టేసి వేడినీళ్లు పెట్టుకున్నారు. మ‌ళ్లీ రైస్‌కుక్క‌ర్ ఆన్ చేయ‌నేలేదు' అని అస‌హ‌నం వ్య‌క్తం చేసింది ప్రియ‌. దీంతో నాలుక్క‌రుచుకున్న శ్వేత‌.. ఆమె చెప్పే టోన్ న‌చ్చ‌లేదని నిప్పులు చెరిగింది. అన్నింటికి రియాక్ట్ అయితే తాను కూడా రియాక్ట్ అవుతాన‌ని ఫైర్ అయింది. ప్రియాంక మైక్ వేసుకోవ‌డం మ‌ర్చిపోవ‌డంతో కెప్టెన్ విశ్వ‌ ఆమె ఈ రోజు రాత్రివ‌ర‌కు మాన‌స్‌తో మాట్లాడ‌కూడ‌ద‌ని శిక్ష విధించాడు. అయిష్టంగానే ఈ శిక్ష‌ను అంగీక‌రించిన పింకీ మాన‌స్‌తో సైగ‌ల ద్వారా మాట్లాడింది. ల‌గ్జ‌రీ బ‌డ్జెట్ టాస్క్‌లో స‌త్తా చాటిన కాజ‌ల్‌, లోబో, విశ్వ‌, ర‌వి 'ప‌గ‌ల‌గొట్టిన‌వారిదే పండ‌గ'; అనే ల‌గ్జ‌రీ బ‌డ్జెట్ టాస్క్ ఇచ్చాడు బిగ్‌బాస్. ల‌గ్జ‌రీ బ‌డ్జెట్ టాస్కులో భాగంగా ప‌లు గేమ్స్ ఆడించాడు. అయితే ష‌ణ్ముఖ్‌.. ఆట మొద‌ల‌వ‌క‌ముందే డ్రాప్ అవుతున్న‌ట్లు ప్ర‌క‌టించి షాకిచ్చాడు. కానీ త‌ర్వాత మాత్రం ఆట ఆడ‌క త‌ప్ప‌లేదు. యాపిల్స్‌తో ట‌వ‌ర్ కట్టే టాస్కులో శ్వేత ప్రియాంకను ఓడించ‌గా ఆమె ప‌గ‌ల‌గొట్టిన కుండ‌లో మ‌ట‌న్ వ‌చ్చింది. గోటీలను స్కేలుకు ఒక‌వైపు నుంచి మ‌రోవైపుకు చేర్చే గేమ్‌లో కాజ‌ల్ ప్రియ‌ను ఓడించింది. ఆమె ప‌గ‌ల‌గొట్టిన పిగ్గీ బ్యాంక్‌లో ర‌వ్వ అనే ఐట‌మ్‌ ఉంది. చాప్‌స్టిక్స్‌తో బాల్స్ గీత‌కు అవ‌త‌ల వేయాల‌న్న గేమ్‌లో లోబో, యానీ పాల్గొన‌గా.. లోబో గెలిచి కుండ ప‌గ‌ల‌గొట్టగా అందులో ప‌న్నీర్ ఉన్న‌ట్లు తేలింది. స్ట్రాతో జెమ్స్ ప్లేటులో వేయాల్సిన గేమ్‌లో ర‌వి గెల‌వ‌గా అత‌డు ప‌గ‌ల‌గొట్టిన కుండ‌లో ఫ్రెంచ్ ఫ్రైస్ ఉన్న‌ట్లు తేలింది. ముక్కుతో దూది తీయాల్సిన గేమ్‌లో ష‌ణ్నును ఓడించి విశ్వ గెలిచాడు. అత‌డు ప‌గ‌ల‌గొట్టిన పిగ్గీబ్యాంక్‌లో కాఫీ వ‌చ్చింది. అడిగి మ‌రీ ప్ర‌పోజ్ చేయించుకుంటున్న పింకీ నాకు క్యారెక్ట‌ర్ లేదుక‌దా, మ‌రెందుకు ఫ్రెండ్‌షిప్ చేయ‌డం? చేయ‌కండి! అని అల‌క‌బూనింది సిరి. నిన్ను ఉడికిద్దామ‌నే ష‌ణ్ను అలా అన్నాడు, అంతేనంటూ ఆమెను బుజ్జ‌గించే ప్ర‌య‌త్నం చేశాడు జెస్సీ. నా బ్రెయిన్‌ను డిస్ట‌ర్బ్ చేద్దాం అనుకుంటున్నారా? అని హ‌ర్ట్ అయింది సిరి. వేరేవాళ్ల‌తో పోల్చి మాట్లాడితే బాధ‌గా ఉంటుంద‌ని చెప్పింది. ఇంత‌లో ప్రియాంక వ‌చ్చి నాకు ప్ర‌పోజ్ చేయాల్సివ‌స్తే ఎలా చేస్తావు? అని జెస్సీని అడిగింది. అత‌డు నిర్మొహ‌మాటంగా నేను చెయ్య‌ను అని తేల్చి చెప్పాడు. ఒక‌వేళ చెయ్యాల్సి వ‌స్తే స‌చ్చిపోతాడు, కానీ చెయ్య‌డు అని కౌంట‌రిచ్చాడు ష‌ణ్ను. దీంతో రూటు మార్చిన పింకీ.. త‌న‌ను సిరి అనుకుని ప్ర‌పోజ్ చేయ‌మంది. చేస్తే సిరికే చేస్తానంటూ పంచ్ ఇచ్చాడు జెస్సీ. ఇది విన్న ష‌ణ్ను.. ఆమె నీకు ఏ యాంగిల్‌లో న‌చ్చిందిరా అంటూ జోకేయ‌డంతో సిరి ఏడ్చేసింది. త‌ప్పొక‌రిది, అందులో భాగ‌మైనందుకు శిక్ష మరొక‌రిది ఈ వారం వ‌ర‌స్ట్ ప‌ర్ఫామ‌ర్‌ను ఎన్నుకోవాల్సి ఉంటుంద‌ని బిగ్‌బాస్ ఆదేశించాడు. ఎవ‌రిని జైలుకు పంపాల‌నుకుంటున్నారో వారి టీ ష‌ర్ట్ మీద స్టాంప్ వేయాల్సి ఉంటుంద‌న్నాడు. మొద‌ట‌గా విశ్వ.. కెప్టెన్సీ కంటెండ‌ర్స్ టాస్క్‌లో ర‌వి.. బిగ్‌బాస్ ప్రాప‌ర్టీని ధ్వంసం చేయాల‌న్న ఐడియా న‌చ్చ‌లేదంటూ అత‌డిని వ‌ర‌స్ట్ ప‌ర్ఫామ‌ర్‌గా ఎన్నుకున్నాడు. ప్రియాంక సింగ్‌, ప్రియ‌, ష‌ణ్ముఖ్‌, లోబో.. బిగ్‌బాస్ ప్రాప‌ర్టీని ధ్వంసం చేసిన శ్వేత‌ను వ‌ర‌స్ట్ ప‌ర్ఫామ‌ర్‌గా ఎన్నుకున్నారు. స‌న్నీ, మాన‌స్‌.. సిరిని; శ్రీరామ్‌, సిరి.. యానీ మాస్ట‌ర్‌ను వ‌ర‌స్ట్ ప‌ర్ఫామ‌ర్ అని చెప్పారు. ఇన్‌ఫ్లూయెన్స్ అయ్యాడంటూ లోబోను వ‌ర‌స్ట్ ప‌ర్ఫామ‌ర్‌గా ఎన్నుకుంది యానీ. శ్వేత, జెస్సీ కూడా లోబోనే వ‌ర‌స్ట్ అని అభిప్రాయ‌ప‌డ్డారు. జెస్సీ ఈ వారం క‌న‌ప‌డ‌లేదంటూ మ‌రోసారి అత‌డిని వ‌ర‌స్ట్ ప‌ర్ఫామ‌ర్‌గా ఎన్నుకున్నాడు ర‌వి. మెజారిటీ ఓట్లు శ్వేత‌కు ప‌డ‌టంతో ఆమెను జైలుకు పంపించారు. ర‌వి ఫేస్ చూసి మోక‌పోకు: మాన‌స్‌ ర‌విని క్ష‌మించ‌లేక‌పోతున్నాన‌ని మాన‌స్‌తో చెప్పుకొచ్చింది కాజ‌ల్‌. ఫేస్ చూసి మోస‌పోక‌ని, సింప‌తీగా ఫేస్ పెడితే న‌మ్మేయ‌క‌ని నొక్కి చెప్పాడు మాన‌స్‌. ర‌వి ఫేక్‌గా ఉంటున్నాడు కాబ‌ట్టే క్ష‌మించ‌లేక‌పోతున్నానంది కాజ‌ల్‌. మ‌రోప‌క్క‌ ర‌వి ఐడియాకు తాను బ‌ల‌య్యాన‌ని జైలులో ఏడ్చేసింది శ్వేత‌. దీంతో యానీ మాస్ట‌ర్ ఆమెను ఓదార్చింది. ఇక‌ అర్ధ‌రాత్రి అవుతున్నా శ్వేత నిద్ర‌పోక‌పోవ‌డంతో యానీ కూడా జాగారం చేసింది. రవి వ‌ల్లే నీకీ దుస్థితి: షణ్ముఖ్‌ త‌ర్వాత‌ ష‌ణ్ముఖ్ శ్వేత‌తో ఆమెకు ఈ ప‌రిస్థితి రావ‌డానికి గ‌ల‌ కార‌ణాన్ని చ‌ర్చించాడు. ర‌వి మీతో చేయించాడు కానీ అత‌డు చేయ‌లేద‌న్న విష‌యాన్ని స్ప‌ష్టం చేశాడు. త‌ర్వాత శ్వేత‌కు, యానీ మాస్ట‌ర్‌కు జ‌రిగిన గొడ‌వ గురించి ప్ర‌స్తావిస్తూ.. అందులో యానీ త‌ప్పే ఉంద‌న్నాడు. త‌న‌కు ఏ రిలేష‌న్స్ వ‌ద్దంటూ ఆమె నోరు జారింద‌ని చెప్ప‌డంతో శ్వేత క‌ళ్ల‌లో నీళ్లు తిరిగాయి. మా అమ్మ బ‌తికుంటే బాగుండేద‌ని వెక్కి వెక్కి ఏడ్చింది.

బిగ్‌బాస్ హౌస్‌లో గొడ‌వ‌లు, కొట్లాట‌ల‌కు కొద‌వ లేకుండా పోయింది. కెప్టెన్సీ కంటెండ‌ర్స్ టాస్క్ అయిన బొమ్మ‌ల కొలువులో త‌ల్లీకూతుళ్లయిన యానీ మాస్ట‌ర్‌, శ్వేత‌లు బ‌ద్ధ శ‌త్రువులుగా మారిపోయిన విష‌యం తెలిసిందే. సంచాల‌కులుగా వ్య‌వ‌హ‌రించిన‌ కాజ‌ల్‌, సిరి కూడా మా మాటే ఫైన‌ల్ అంటూ త‌మ‌కు న‌చ్చిన కండీష‌న్స్ పెట్ట‌డంతో హౌస్‌మేట్స్ రివ‌ర్స్ అయ్యారు. ఈ క్ర‌మంలో సంచాల‌కుల‌కు, ఇంటిస‌భ్యుల‌కు మ‌ధ్య కూడా పెద్ద‌ లొల్లి జ‌రిగింది. ఇదిలా వుంటే ఈ టాస్క్‌లో బిగ్‌బాస్ పంపిచే దూదిని మాత్ర‌మే వాడాల్సి ఉండ‌గా శ్వేత‌, లోబో.. హౌస్‌లోని కుష‌న్స్‌ను చింపేసి అందులోని దూదిని వాడి బొమ్మ‌లు త‌యారు చేశారు. దీంతో బిగ్‌బాస్ హౌస్‌కు సంబంధించిన ప్రాప‌ర్టీని ధ్వంసం చేశార‌ని ఆగ్ర‌హం వ్య‌క్తం చేశాడు. వాళ్లిద్ద‌రూ కుష‌న్స్‌ను పాడు చేయ‌కుండా అడ్డుకోలేక‌పోయిన సంచాల‌కులు సిరి, కాజ‌ల్‌కు శిక్ష విధించాడు. సంచాల‌కులుగా విఫ‌ల‌మయ్యారంటూ వారిపై కెప్టెన్సీ అన‌ర్హ‌త వేటు వేశాడు.  అయితే ఇక్క‌డో ట్విస్టుంది. నిజానికి కుష‌న్స్ పాడు చేసింది లోబో, శ్వేత అయిన‌ప్ప‌టికీ ఆ ఐడియా మాత్రం యాంక‌ర్ ర‌విది. దీంతో నీ వ‌ల్లే ఇదంతా జ‌రిగిందంటూ ర‌విని క‌డిగిపారేసింది శ్వేత‌. త‌న ఐడియా త‌ల‌కిందులు అవ‌డ‌మే కాక దానికి సిరి, కాజ‌ల్‌ అన్యాయంగా బ‌ల‌వ‌డంతో వారికి అంద‌రి ముందే సారీ చెప్పాడు ర‌వి. కానీ హౌస్‌మేట్స్ చాలామంది ర‌విని వ‌దిలేసి శ్వేత మీద గ‌ర‌మైన‌ట్లు తెలుస్తోంది. నేడు(శుక్ర‌వారం) వ‌ర‌స్ట్ ప‌ర్ఫామ‌ర్‌ను ఎన్నుకోవాల్సి ఉండ‌గా.. మెజారిటీ ఇంటిస‌భ్యులు శ్వేత‌ను చెత్త‌గా ఆడిన‌ట్లు పేర్కొని ఆమెను జైలుకు పంపించిన‌ట్లు స‌మాచారం. ఇది తెలిసిన ఆమె అభిమానులు.. ర‌వి వ‌ల్ల శ్వేత బ‌లైంద‌ని కామెంట్లు పెడుతున్నారు.

Bigg Boss Telugu 5: నవరాత్రి స్పెషల్‌ ఎపిసోడ్‌లో భాగంగా నాగ్‌ సాంప్రదాయ పంచెకట్టులో మెరిసిపోయాడు. అటు కంటెస్టెంట్లు కూడా పోటీపడి మరీ అలంకరించుకున్నట్లు కనిపిస్తోంది. సండేను స్పెషల్‌డేగా మార్చేందుకు స్టేజీ మీదకు విచ్చేసిన నాగ్‌.. మగాళ్లందరూ బంగార్రాజులాగా, ఆడాళ్లందరూ సత్యభామల్లా ఉన్నారంటూ కంటెస్టెంట్ల మీద పొగడ్తల వర్షం కురిపించాడు. నవరాత్రి సందర్భంగా 9 గేమ్స్‌, 9 అవార్డులు ఇవ్వబోతున్నట్లు వెల్లడించాడు. గెలిచిన రవి టీమ్‌ ఇందులో భాగంగా A టీమ్‌లో రవి, హమీదా, శ్వేత, సన్నీ, షణ్ముఖ్‌, ప్రియాంక, లోబో, యానీ ఉండగా మిగిలినవారు B టీమ్‌లో ఉంటారు. మొదటగా వీరిద్దరికీ మధ్య రింగ్‌ ఫైట్‌ పెట్టారు. ఇందులో సన్నీ, సిరి గెలవడంతో వారికి ఫ్యామిలీ వీడియో చూపించారు. లోబో తన కూతురు మాట్లాడిన వీడియో చూడగానే వెక్కివెక్కి ఏడ్చాడు. తర్వాత జెస్సీ తల్లి అతడికి ధైర్యం నూరిపోసిన మాటలను చూపించగా అతడు తెగ సంతోషపడ్డాడు. తర్వాత రెండు టీమ్‌లు చెరో స్కిట్‌తో మంచి సందేశాన్ని అందించే ప్రయత్నం చేశారు. ఈ గేమ్‌లో రవి టీమ్‌ గెలవగా అతడు మరోసారి పాలపిట్ట అవార్డు అందుకున్నాడు. ఈ సందర్భంగా అతడి టీమ్‌లోని యానీ మాస్టర్‌కు ఆమె తల్లి మాట్లాడిన వీడియో చూపించారు. దీంతో కొరియోగ్రాఫర్‌.. ఉద్వేగానికి లోనైంది. అనంతరం హెబ్బా పటేల్‌.. నా తప్పు ఏమున్నదబ్బా అంటూ.. డ్యాన్స్‌తో హుషారెత్తించింది. కాజల్‌కు కాకరకాయ, ప్రియకు ఉల్లిపాయ తర్వాత కంటెస్టెంట్ల కోసం బిగ్‌బాస్‌ డబ్బాలు పంపించాడు. ఎవరికి ఎక్కువ స్వీట్లు వస్తే వారే గెలిచినట్లు అని చెప్పాడు. ఈ టాస్క్‌లో కాజల్‌కు కాకరకాయ, ప్రియకు ఉల్లిపాయ రావడం గమనార్హం. ​కానీ రవి టీమ్‌లోని హమీదాకు పూతరేకులు, పింకీ, షణ్ముఖ్‌లకు స్వీట్లు రావడంతో A టీమ్‌ గెలవగా మరోసారి వారు పాలపిట్ట అవార్డు ఎగరేసుకుపోయారు. ఈ సందర్భంగా యాంకర్‌ రవి భార్య, కూతురు మాట్లాడిన వీడియో ప్లే చేయడంతో అతడు ఎమోషనల్‌ అయ్యాడు. స్పెషల్‌ పర్ఫామెన్స్‌తో ఆకట్టుకున్న సంధ్యారాణి తర్వాత నాగార్జున రెండు టీములను చెరో 5 ప్రశ్నలు అడిగాడు. ఈ గేమ్‌లో ఎక్కువ సమాధానాలు చెప్పి ప్రియ టీమ్‌ గెలవడంతో ఆమె టీమ్‌లోని విశ్వకు అతడి ఫ్యామిలీ మాట్లాడిన వీడియో చూపించారు. అందులో విశ్వ భార్య మాట్లాడుతూ.. ఏదున్నా మసులో పెట్టుకోకని సూచించింది. నాట్యం సినిమా కథానాయిక సంధ్యారాణి తన స్పెషల్‌ పర్ఫామెన్స్‌తో అందరినీ అవాక్కయ్యేలా చేసింది. ఉర్రూతలూగించిన మంగ్లీ అనంతరం కడవ మీద కడవ ఎత్తుకుని నడిచే టాస్కులో కాజల్‌ గెలిచింది. దీంతో ఆమె సభ్యురాలిగా ఉన్న B టీమ్‌కు పాలపిట్ట అవార్డు రాగా ప్రియకు ఆమె కుమారుడు మాట్లాడిన వీడియో చూపించారు. తర్వాత హౌస్‌మేట్స్‌ బతుకమ్మ పేర్చి ఆడారు. బతుకమ్మ అందంగా పేర్చి ప్రియ టీమ్‌ గెలిచి పాలపిట్ట అవార్డు ఎగరేసుకుపోయింది. దీంతో కాజల్‌కు ఆమె కూతురు మాట్లాడిన వీడియో చూపించారు. అటు మంగ్లీ మాస్‌ పాటలు పాడి తన గాత్రంతో అందరినీ ఓ ఊపు ఊపేసింది. జెస్సీని, సిరిని కాపాడటానికే షణ్ముఖ్‌ పుట్టాడు.. తర్వాత వచ్చిన హైపర్‌ ఆది కంటెస్టెంట్లు అందరినీ చెడుగుడు ఆడేశాడు. హమీదా వాకిట్లో శ్రీరామ్‌ చెట్టు అనే ఈవెంట్‌ ప్లాన్‌ చేస్తున్నారంటూ వాళ్లిద్దరి మీద జోకేశాడు ఆది. నాగ్‌ తాకిన షర్ట్‌ను అంత అపురూపంగా చూసుకున్నావు, మరి నన్ను హగ్‌ చేసుకున్నారు. నన్నేం చేస్తావంటూ పంచ్‌ వేశాడు. జెస్సీని, సిరిని కాపాడటానికే షణ్ముఖ్‌ పుట్టాడని కౌంటరిచ్చాడు. ఈ ముగ్గురు మిగతావాళ్లతో కూడా కలిసి ఆడితే బాగుంటుందని సెలవిచ్చాడు. స్విమ్మింగ్‌పూల్‌లో ఎక్కువ సేపు మునగాలన్న టాస్క్‌లో B టీమ్‌ నుంచి విశ్వ గెలిచింది. దీంతో అదే టీమ్‌లోని సిరికి ఆమె మాట్లాడిన వీడియో చూపించారు. ప్రియ గెలిచింది 6, రవి గెలిచింది 2 తర్వాత బొమ్మను అందంగా ముస్తాబు చేయాల్సిన టాస్క్‌లో ప్రియ టీమ్‌ గెలిచి మరోసారి పాలపిట్ట అవార్డు ఎగరేసుకుపోయింది. దీంతో ఆ టీమ్‌లోని హమీదాకు ఆమె ఫ్యామిలీ మాట్లాడిన వీడియో చూపించారు. ట్రోఫీ తీసుకొచ్చేయ్‌ అక్కా.. అంటూ ఆమె తమ్ముడు మాట్లాడిన మాటలు విని హమీదా కంటతడి పెట్టుకుంది. ఇప్పటివరకు ఆడిన 8 గేముల్లో ప్రియ 6 గెలవగా రవి 2 గెలిచాడు. తర్వాత స్టేజీ మీద సడన్‌ సర్‌ప్రైజ్‌ ఇచ్చింది మోస్ట్‌ ఎలిజిబుల్‌ బ్యాచ్‌లర్‌ టీమ్‌. హీరో అఖిల్‌.. తనతో పాటు తీసుకొచ్చిన పూజా హెగ్డేను ఇంప్రెస్‌ చేయమని ఇంట్లోని మగవాళ్లకు టాస్క్‌ ఇచ్చాడు.  దీంతో శ్రీరామ్‌ పాట పాడగా, సన్నీ మిమిక్రీ చేశాడు. షణ్ముఖ్‌ మాత్రం సింగిల్స్‌ కోసం స్కిట్‌ వేశాడు. జెస్సీ, మానస్‌ డ్యాన్స్‌తో పడగొట్టేందుకు ప్రయత్నించారు. కానీ పూజా మాత్రం.. తను అఖిల్‌కే పడిపోయానని చెప్పింది. అయితే ఈ గేమ్‌లో మానస్‌ గెలిచాడని తెలిపాడు నాగ్‌. దీంతో మానస్‌కు ఫ్యామిలీ వీడియో చూపించారు. తర్వాత షణ్ముఖ్‌ సేవ్‌ అయినట్లు ప్రకటించారు. చివరగా విశ్వ, హమీదా మిగలగా... వీరిలో నుంచి హమీదా ఎలిమినేట్‌ అయినట్లు ప్రకటించారు. హౌస్‌కు తానే హీరోయిన్‌ అని చెప్పుకొచ్చింది హమీదా.

టైటిల్‌ : ది రోజ్‌ విల్లా నటీనటులు :  దీక్షిత్ శెట్టి, శ్వేతా వర్మ, రాజా రవీంద్ర, అర్చన తదితరులు నిర్మాణ సంస్థ : చిత్ర మందిర్ స్టూడియోస్  నిర్మాత : అచ్యుత్ రామారావు దర్శకత్వం :హేమంత్‌ సంగీతం :  సురేష్ బొబ్బిలి సినిమాటోగ్రఫీ :  అంజి  ఎడిటింగ్‌:  శివ విడుదల తేది : అక్టోబర్‌ 1,2021 ‘క‌న్న‌డ `దియా` ఫేమ్ దీక్షిత్ శెట్టి, బిగ్‌బాస్‌ -5 ఫేమ్‌ శ్వేతా వర్మ హీరో,హీరోయిన్‌గా న‌టించిన తాజా చిత్రం  ది రోజ్‌ విల్లా. చిత్ర మందిర్ స్టూడియోస్ బ్యానర్‌పై అచ్యుత్ రామారావు నిర్మించిన ఈ సినిమాకు హేమంత్‌ దర్శకత్వం వహించాడు. రాజా రవీంద్ర కీలకపాత్రలో నటించారు. అక్టోబ‌ర్ 1న ఈ మూవీ తెలుగు, కన్నడలో విడుదలైంది. మరి ఈ సినిమా ఎలా ఉందో రివ్యూలో చూద్దాం. కథ డాక్ట‌ర్ ర‌వి (దీక్షిత్ శెట్టి), శ్వేత (శ్వేత వ‌ర్మ) కొత్తగా పెళ్లి చేసుకున్న యువ జంట.  ఇద్దరూ తాము కోరుకున్న‌ విధంగా ఉండాలని.. మున్నార్ అనే అంద‌మైన ప్రాంతానికి కారులో బయలుదేరుతారు.  ప్రకృతి అందాలను ఆస్వాదిస్తూ ప్రయాణం సాగిస్తారు. అయితే వీరిద్దరు అనుకోకుండా నక్సల్స్‌ ఉన్న డేంజర్‌ పాయింట్‌కు వెళ్తారు. అక్కడ వారి కారు పాడైపోతుంది. ఎంతకీ స్టార్ట్‌ అవ్వదు. అలాంటి సమయంలో పోలీసులు వచ్చి వారిని సురక్షితంగా పక్క గ్రామంలో దిగబెడతారు.  అక్క‌డ రెస్టారెంట్‌లో వీళ్ళు తింటుండ‌గా మిల‌ట్రీ రిటైర్ అయిన సోల్‌మాన్ (రాజా ర‌వీంద్ర) త‌న భార్య హెలెన్‌తో (అర్చ‌నా కుమార్‌)తో అక్క‌డే ఉంటాడు. అతన్ని ఓ ప్రమాదం నుంచి డాక్టర్ రవి కాపాడతాడు. దీంతో వారిద్దరు స్నేహితులైపోతారు.  త‌న‌ను కాపాడినందుకు ఆ యువ జంటని ఇంటికి భోజనానికి ఆహ్వానిస్తారు. అలా అక్కడికి వెళ్ళిన ఈ యువ‌జంట‌కు అక్క‌డి వాతావ‌ర‌ణం వితంగానే కాకుండా భ‌యం క‌లిగించేలా ఉంటుంది. అలా ఎందుకు అనిపించింది.. ఏం జరిగింది? అప్పుడు ఈ యువ‌జంట ఏం చేశారు? అనేది మిగిలిన క‌థ‌ ఎలా చేశారంటే.. డాక్ట‌ర్ ర‌వి పాత్రకు దీక్షిత్‌ పూర్తి న్యాయం చేశాడు. బిగ్ బాస్ 5 తెలుగులో తనకంటూ ప్రత్యేక గుర్తింపు కోసం ప్రయత్నిస్తున్న శ్వేతా వర్మ ఇందులో హీరోయిన్.  ఈమె కూడా బాగానే నటించింది. తెరపై అందంగా కనిపించడంతో పాటు తనదైన నటనతో మెప్పించింది. రైటైర్‌ మిలట్రీ సోల్‌మాన్‌ పాత్రలో రాజా రవీంద్ర తన అనుభవాన్ని చూపించాడు.  అర్చనతో పాటు మిగిలిన నటీనటులు తమ పాత్రల పరిధిమేర నటించారు.  విశ్లేషణ ఓ సాధారణ కథకి భావోద్వేగాన్ని అతికించి తెరపై చక్కగా చూపించాడు దర్శకుడు హేమంత్‌. దర్శకుడు తీసుకున్న పాయింట్‌ చిన్నదే అయినా.. దాని చుట్టు అల్లుకున్న సీన్స్‌  ప్రేక్షకుడిని థ్రిల్లింగ్‌ కలిగిస్తాయి. మాటలు కూడా బానే రాసుకున్నాడు. ఫస్టాఫ్ అంతా కాస్త నెమ్మదిగా సాగుతుంది. సెకండాఫ్ మాత్రం ఆసక్తికరంగా సాగింది. ముఖ్యంగా అర్చన, రాజా రవీంద్ర మధ్య వచ్చే సన్నివేశాలు బాగున్నాయి. అయితే కొన్ని సీన్స్‌ పునరావృతం కావడం ప్రేక్షకుడి బోర్‌ కొట్టిస్తాయి. హీరో హీరోయిన్లు రాజా రవీంద్ర ఇంటికి వచ్చిన తర్వాత వచ్చే సన్నివేశాలు ప్రేక్షకుడికి ఆసక్తిని కలిగిస్తాయి. దీక్షిత్‌ను చూసి త‌న కొడుకు అనుకుని ఇక్క‌డే ఉండమని బ‌ల‌వంతం చేయ‌డంతో.. త‌ను అక్కడ్నుంచి వెళ్లిపోయే ప్రయత్నం చేయడం.. ఆ తర్వాత ఏం జరిగిందనేది బాగానే అనిపిస్తుంది. సురేష్ బొబ్బిలి నేప‌థ్య బాగుంది. పాటలు అంతగా ఆకట్టుకోలేవు కానీ, నేపథ్య సంగీతం మాత్రం సినిమా స్థాయిని పెంచేలా ఉంది.  అంజి సినిమాటోగ్రఫీ బాగుంది.  సన్నివేశాలను సహజంగా చిత్రీకరించారు. ఎడిటర్‌ శివ తన కత్తెరకు ఇంకాస్త పని చెప్పాల్సింది. నిర్మాణ విలువలు సినిమా స్థాయికి తగినట్లుగా ఉన్నాయి. 

Bigg Boss 5 Telugu, Episode 26: కెప్టెన్సీ అంటే కంటెస్టెంట్లకు ఓ వరంలాంటిది. నామినేషన్స్‌ నుంచి తప్పించే ఓ ఆయుధం వంటిది. అలాంటి కెప్టెన్సీ చాన్స్‌ను దక్కించుకునేందుకు ఇంటిసభ్యులు హోరాహోరీగా పోరాడారు. చివరికి ముగ్గురు బరిలో నిలిచారు. కానీ హౌస్‌మేట్స్‌ మద్దతుతో శ్రీరామచంద్ర గెలిచాడు. మరి హౌస్‌మేట్స్‌ ఎవరెవరికి సపోర్ట్‌ చేశారు? నేటి (సెప్టెంబర్‌ 30) ఎపిసోడ్‌లో ఇంకా ఏమేం జరిగాయో తెలియాలంటే ఇది చదివేయండి.. పిజ్జాలు ఆరగించిన కంటెస్టెంట్లు కెప్టెన్సీ పోటీదారుల టాస్క్‌ నేడు కూడా కొనసాగింది. మెరుపుల శబ్ధం రాగానే బజర్‌ నొక్కిన శ్వేత.. సిరి-షణ్ముఖ్‌లను తమకు పోటీదారులుగా ఎంచుకున్నారు. వీరికి బిగ్‌బాస్‌ 'చిక్కులో చిక్కుకోకు' అనే టాస్క్‌ ఇచ్చాడు. చిక్కులు పడి ఉన్న తాళ్లను విడదీసే ఈ టాస్కులో శ్వేత టీమ్‌ గెలిచింది. ఇంతటితో గేమ్‌ ముగిసిందన్న బిగ్‌బాస్‌ ఏ జంటలు ఎక్కువగా బరువు తగ్గాయో చెక్‌ చేసుకోమన్నాడు. ఈ క్రమంలో మానస్‌ రెండు రోజుల్లోనే ఆరు కిలోల బరువు తగ్గి అందరితో ఔరా అనిపించుకున్నాడు. మొత్తానికి కెప్టెన్సీ పోటీదారుల టాస్క్‌ ముగియడంతో అప్పటిదాకా ఆకలితో నకనకలాడుతున్న ఇంటిసభ్యులకు రుచికరమైన పిజ్జాలు పంపించాడు. వాటిని చూడగానే ప్రాణం లేచి వచ్చిన కంటెస్టెంట్లు ఆవురావురుమని తిన్నారు. నిన్ను రేషన్‌ మేనేజర్‌ చేస్తా: హమీదాకు శ్రీరామ్‌ ఆఫర్‌ కెప్టెన్సీ కంటెండర్స్‌ టాస్క్‌లో.. సన్నీ-మానస్‌, హమీదా- శ్రీరామచంద్ర, యానీ మాస్టర్‌- శ్వేత జంటలు ఎక్కువ బరువు కోల్పోయాయి. ఒక్కో జంటలో నుంచి ఒక్కొక్కరు కెప్టెన్సీకి పోటీదా చేయాల్సి ఉంటుందని బిగ్‌బాస్‌ తెలిపాడు. దీంతో ఈ మూడు జంటలు తమలో ఎవర్ని పంపించాలా? అని తెగ చర్చించారు. ఈ క్రమంలో కెప్టెన్‌ తర్వాత ముఖ్యమైన పోస్ట్‌ ఏంటని శ్రీరామ్‌ ప్రశ్నించగా హమీదా రేషన్‌ మేనేజర్‌ అని ఆన్సరిచ్చింది. తనకు రేషన్‌ మేనేజర్‌ ఇష్టం లేదన్న శ్రీరామ్‌ తను గెలిస్తే హమీదాకు ఆ పోస్ట్‌ ఇప్పిస్తానన్నాడు. ఏ కారణం లేకపోయినా తనను నామినేట్‌ చేస్తున్నారని, కెప్టెన్‌ అయితే ఒకవారం ఇమ్యూనిటీ వస్తుందని ఆశపడ్డాడు. ఎలాగో సన్నీ పోటీలో నిలబడ్డా అతడికి ఎవరూ సపోర్ట్‌ చేయరని చెప్పాడు. అనంతరం శ్రీరామచంద్ర, శ్వేత, సన్నీ 'కత్తులతో సావాసం' అనే కెప్టెన్సీ టాస్క్‌లో పాల్గొన్నారు. ఇందులో హౌస్‌మేట్స్‌ కెప్టెన్‌కు అర్హులు కారు అనుకున్నవారి బెల్ట్‌ను కత్తితో పొడవాలని బిగ్‌బాస్‌ ఆదేశించాడు. కెప్టెన్‌ డ్రెస్‌ తెచ్చుకున్నా, అది వేసుకోవడానికైనా గెలిపించండి నేను కెప్టెన్‌ డ్రెస్‌ తెచ్చుకున్నా, అది వేసుకోవడానికైనా నన్ను గెలిపించండని సన్నీ పేరుపేరునా అభ్యర్థించాడు. శ్రీరామ్‌ మాత్రం.. మీకు ఎవరు కరెక్ట్‌ అనిపిస్తే వారికే ఓటేయండని ప్రచారం నిర్వహించాడు. ఈ ప్రచారం ముగియగానే అసలు టాస్క్‌ మొదలైంది. ముందుగా శ్వేత మాట్లాడుతూ.. తను కెప్టెన్‌ అయితే హౌస్‌ స్ట్రిక్ట్‌గా మారుతుందని హెచ్చరిక వదిలింది. ఇక శ్రీరామ్‌.. ఎవరికి ఏ ఇబ్బంది వచ్చినా తను సాల్వ్‌ చేస్తానని చెప్పాడు. సన్నీ.. అందరూ తనకు సమానమే అని, హౌస్‌లో పక్షపాతంగా వ్యవహరించనని ప్రామిస్‌ చేశాడు. నీకింకా కెప్టెన్‌ అయ్యే సమయం రాలేదు తర్వాత హౌస్‌మేట్స్‌ ఒక్కొక్కరిగా ముందుకు వస్తూ పోటీదారుల్లో ఎవరు కెప్టెన్సీకి అనర్హులో వారికి కత్తి గుచ్చారు. మొదటగా వచ్చిన విశ్వ.. సన్నీ బెల్ట్‌కు కత్తి గుచ్చాడు. తర్వాత షణ్ను.. మన మధ్య అంత ర్యాపో లేదంటూ మళ్లీ సన్నీకే కత్తి గుచ్చాడు. అయితే ఈ రెండు కత్తిపోట్లను సన్నీ ముందే ఊహించాడు. విశ్వ సింపథీ గేమ్‌ ఆడుతున్నాడని, అతడిక్కడ ఫేక్‌ గేమ్‌ ఆడుతున్నాడని శ్రీరామ్‌తో చెప్పుకొచ్చాడు. తర్వాత సిరి.. సన్నీకే గుచ్చాలని లేదంటూనే అతడినే కత్తితో పొడిచింది. నీకింకా కెప్టెన్‌ అయ్యే టైం రాలేదంటూ లోబో కూడా సన్నీని ఒక్క పోటు పొడిచాడు. అయితే లోబో పొడుస్తాడని ఊహించని సన్నీ కంటతడి పెట్టుకోవడంతో మానస్‌ ఓదార్చాడు. హమీదా.. శ్వేతను; ప్రియ, నటరాజ్‌ మాస్టర్‌.. సన్నీని; యానీ మాస్టర్‌.. శ్రీరామ్‌ను కత్తితో పొడిచారు. కెప్టెన్‌గా నువ్వేదైనా చెప్తే జనాలు అంత సీరియస్‌గా తీసుకోలేరేమోనని రవి, త్వరగా ఆవేశపడతావంటూ ప్రియాంక సింగ్‌.. మరోసారి సన్నీకి కత్తిపోట్ల రుచి చూపించారు. ఫ్రెండ్‌షిప్‌ గుర్తొస్తుంది, కత్తితో పొడవలేను: కాజల్‌ తర్వాత సన్నీ రవి దగ్గరకు వెళ్లి ఇక్కడ హౌస్‌లో ఏ కెప్టెన్‌ కూడా కమాండింగ్‌ చేయట్లేదని కౌంటరిచ్చాడు. తర్వాత వచ్చిన మానస్‌.. సన్నీని పొడిచే ప్రసక్తే లేదని తేల్చి చెప్పాడు. మిగిలిన ఇద్దరిలో ఎవరు తనను ఇంప్రెస్‌ చేస్తే వారిని పొడవనని మాటిచ్చాడు. దీంతో ఇద్దరూ.. కెప్టెన్‌ అయితే అలా ఉంటాం, అవి చేస్తాం, ఇవి చేస్తాం అని ఉపన్యాసాలివ్వగా మానస్‌ శ్వేతను కత్తితో గుచ్చి శ్రీరామ్‌కు సపోర్ట్‌ చేశాడు. నిజానికి సన్నీని కసాకసా వేద్దాం అనుకున్నా, కానీ నాకు ఫ్రెండ్‌షిప్‌ గుర్తొస్తుంది, కాబట్టి అతడిని కత్తితో గుచ్చి బాధపెట్టలేను అంటూ శ్వేతను కత్తితో పొడిచింది కాజల్‌. తర్వాత వచ్చిన జెస్సీ.. సన్నీ, శ్వేత తన మనసులో కెప్టెన్‌లంటూ శ్రీరామ్‌ను కత్తితో గుచ్చాడు. తక్కువ కత్తిపోట్లు పడ్డ శ్రీరామ్‌ బిగ్‌బాస్‌ హౌస్‌లో నాలుగో కెప్టెన్‌గా అవతరించాడు. శ్రీరామ్‌కు ఎందుకు సపోర్ట్‌ చేశాడు?: సన్నీ అయితే కెప్టెన్సీకి అవకాశం ఉన్న శ్వేతకు మానస్‌ కత్తి గుచ్చడంతో అయోమయానికి లోనయ్యాడు సన్నీ. నిజానికి తన మాటలతో ఇంప్రెస్‌ చేసింది శ్వేత అయితే శ్రీరామ్‌కు ఎందుకు సపోర్ట్‌ చేశాడో అర్థం కావడం లేదని, ఇదే విషయాన్ని వాడినే అడిగి కడిగిపారేస్తానని ఆవేశపడ్డాడు. మరోపక్క మానస్‌ కెప్టెన్సీకి పోటీపడే అవకాశాన్ని వదులుకున్నందుకు తెగ ఫీలైంది పింకీ. నువ్వే కెప్టెన్‌ అవుతావనుకున్నా, ఇంకోసారి అస్సలు కాంప్రమైజ్‌ అవ్వకు అని అతడి దగ్గరకు వెళ్లి వార్నింగ్‌ ఇచ్చింది.

Bigg Boss 5 Telugu: నామినేషన్స్‌తో బిగ్‌బాస్‌ హౌస్‌ నిప్పులగుండంగా మారింది. దీన్ని చల్లార్చేందుకు బిగ్‌బాస్‌ కంటెస్టెంట్ల మధ్య సరదా డ్రామా క్రియేట్‌ చేసేందుకు 'హైదరాబాద్‌ అమ్మాయి - అమెరికా అబ్బాయి' అనే ఫన్నీ టాస్క్‌ ఇచ్చాడు. ఈ టాస్క్‌ కొంత నీరసంగానే సాగుతోంది. అయితే పెళ్లి సంబంధం చుట్టూ కొనసాగే ఈ టాస్క్‌లో షణ్ముఖ్‌, శ్వేత, లోబోల మధ్య ట్రయాంగిల్‌ లవ్‌ ట్రాక్‌ నడుస్తోంది. వీళ్ల మద్య వచ్చే సన్నివేశాలు ఎంతో కామెడీగా ఉంటున్న సమయంలో షణ్ముఖ్‌ పొరపాటున అనేసిన ఒక్క కామెంట్‌తో శ్వేత అతడిపై ఫైర్‌ అయింది. 'పెళ్లి చేసుకుందాం, ఇక నుంచి నేను నీ వాడిని, నువ్వు నాదానివి' అని షణ్ముఖ్‌ అనడంతో సిగ్గుతో ముడుచుకుంటూనే సరే అనేసింది శ్వేత. ఆ తర్వాత 'నువ్వంటే నాకు పిచ్చి, నువ్వే నా ఊపిరి..' అంటూ లోబో ఐ లవ్‌ యూ చెప్పగా అతడికీ గ్రీన్‌ సిగ్నల్‌ ఇచ్చింది శ్వేత. ఇది చూసి హర్ట్‌ అయిన షణ్ముఖ్‌.. 'ఏదైనా అందామంటే ముఖం మీద పెయింట్‌ వేసి కొడుతుంది' అని నోరు జారాడు. దీంతో ఫీలైన శ్వేత.. 'అది ఫన్నీ కాదు' అంటూ ఒక్కసారిగా సీరియస్‌ అయింది. ఆమెను అనవసరంగా బాధపెట్టాననుకున్న షణ్నూ తన నోటి దురదను తిట్టుకుంటూ శ్వేతను బుజ్జగించేందుకు ప్రయత్నించాడు. వాష్‌రూమ్‌ దగ్గర ఉన్న ఆమెను క్షమించమని కోరాడు. కానీ ఆమె కోపం మాత్రం అస్సలు తగ్గినట్లు కనిపించలేదు. మరి ఈ గొడవ ఎటువైపు దారి తీస్తుంది అనేది తెలియాలంటే నేటి ఎపిసోడ్‌ చూడాల్సిందే!

Bigg Boss Telugu 5, Episode 11: కెప్టెన్సీ కంటెండర్స్‌ టాస్క్‌ ఏమో కానీ బిగ్‌బాస్‌ కుస్తీల ప్రోగ్రామ్‌లా మారిపోయింది. ఓ రకంగా చెప్పాలంటే వారి ఆటతో ప్రేక్షకులకు చెమట్లు పట్టించారు. అప్పటిదాకా స్నేహగీతం పాడుకున్నవాళ్లు కూడా బద్ధ శత్రువుల్లా మారిపోయారు. సైలెంట్‌గా కనిపించే శ్రీరామ్‌ శివాలెత్తిపోగా శ్వేత అందర్నీ ఓ ఆటాడించింది. కంటిచూపుతో గడగడలాడించే ఉమాదేవిపై దాడి చేయడంతో ఆమె కాళికా అవతారమెత్తింది. దీంతో మరోసారి యానీ మాస్టర్‌, ఉమాల మధ్య అగ్గి రాజుకుంది. మరి దొంగలున్నారు జాగ్రత్త టాస్క్‌లో ఇచ్చిన మూడు లెవల్స్‌లో ఏ టీమ్‌ గెలిచింది? అనేది చూసేద్దాం.. సిగ్గుతో తల దించుకోవాలి.. దొంగలున్నారు జాగ్రత్త టాస్క్‌లోని రెండో లెవల్‌ 'సాగరా సోదరా' టాస్క్‌లో నక్క(ఎల్లో) టీమ్ సభ్యులు ఎక్కువగా సాగదీసి నిలబడ్డారు. ఎల్లో టీం 33.3 మీటర్స్‌.. బ్లూ టీం 33 మీటర్స్ పొడువు ఉండగలిగాయి. అయితే ఇరువైపులా లెక్కలు తీసుకున్నాక మానస్‌ డన్‌ అనడంతో చివరి క్షణంలో శ్వేత కిందపడిపోయింది. అయితే అప్పటికే టాస్క్‌ అయిపోయింది కాబట్టి అది పరిగణనలోకి తీసుకోరని మానస్‌ టీమ్‌ ఎంత వారించినా అవతలి టీమ్‌ ఒప్పుకోలేదు. సంచాలకులు ఏకాభిప్రాయంతో ఒక నిర్ణయం తీసుకోకపోవడంతో టాస్క్‌ రద్దు చేస్తున్నట్లు బిగ్‌బాస్‌ ప్రకటించాడు. దీంతో శ్రీరామచంద్ర ఓవర్‌ ఎగ్జయిట్‌మెంట్‌లో డ్యాన్స్‌ చేశాడు. అతడి ప్రవర్తనకు చిర్రెత్తిన రవి టాస్క్‌ రద్దయినందుకు సిగ్గుతో తల దించుకోవాలని చురకలంటించాడు. సిగ్గు మీకు, కానీ మాకవసరం లేదు అని కౌంటరిచ్చింది ప్రియ. నాతో మైండ్‌ గేమ్‌ ఆడకు: రవికి వార్నింగ్‌ ఇచ్చిన సింగర్‌ ఆ తర్వాత మళ్లీ 'పంతం నీదా నాదా' టాస్క్‌ మొదలు కాగా ఎల్లో టీమ్‌ రెచ్చిపోయి ఆడింది. ఈ క్రమంలో శ్వేత కొట్టిందని సిరి ఆరోపించింది. దీంతో తిక్క లేచిన ప్రియ.. సాయంత్రం కాగానే ఆమెకు దెయ్యం పూనుతుందని మండిపడింది. టాస్క్‌కు బ్రేక్‌ ఇచ్చిన తర్వాత యాంకర్‌ రవి.. శ్రీరామచంద్రతో ఉన్న గొడవను పరిష్కరించుకుందామని చూశాడు. కానీ అతడితో మాట్లాడటానికి కూడా పెద్దగా ఇష్టపడని శ్రీరామ్‌.. సేఫ్‌ గేమ్‌ ఆడుకో, నాతో మైండ్‌ గేమ్‌ ఆడకు అని సలహా ఇచ్చాడు. తాను తెలుగువాళ్లకు చేరువయ్యేందుకు ఈ ప్లాట్‌ఫామ్‌ను ఎంచుకున్నానే తప్ప గెలవడానికి రాలేదని, రూ.50 లక్షలు ఇచ్చినా వాళ్ల ముఖాన కొడ్తానని చెప్పాడు. ఫ్యామిలీని గుర్తు చేసుకుని ఏడ్చేసిన లోబో ఇక తర్వాతి రోజు శ్రీరామ్‌- మానస్‌ మధ్య కూడా వాగ్వాదం జరిగింది. మానస్‌ను పిలిచి వయసెంత అని అడిగాడు శ్రీరామ్‌. అతడు 28 అని చెప్పాడు. అందుకే నీ ఏజ్‌ అడిగా, ఇప్పటికీ చిన్నపిల్లోడివే, నీకు మెచ్చురిటీ లేదని సింగర్‌ వ్యాఖ్యానించగా.. మీకు ఏజ్‌ పెరిగినా మెచ్యురెటీ లేదని రివర్స్‌ కౌంటరిచ్చాడు మానస్‌. మరోవైపు లోబో తన ఇంటిని గుర్తు చేసుకుని ఏడ్చేశాడు. తనకేమైనా ఐతే తన వాళ్లను చూసుకునే వాళ్లెవరూ లేరని కన్నీటి పర్యంతమయ్యాడు. ఆ తర్వాత ఆ గట్టునుంటావా? ఈ గట్టునుంటావా? టాస్క్‌ మొదలైంది. ఇందులో లోబో లేకుండానే గద్ద టీమ్‌ ఆడి గెలిచింది. దీంతో వారికి ఒక ఫ్లాగ్‌ వచ్చింది. ఉమాదేవిపై దాడి, ఆమె ఊరుకుంటుందా! అనంతరం 'పంతం నీదా నాదా' టాస్క్‌ తిరిగి ప్రారంభమైంది. ఇందులో ​అనుకోకుండా సన్నీ పింకీ చేయిని విసిరేయడంతో ఆమె కిందపడిపోయింది. అది చూసిన శ్రీరామ్‌.. పగిలిపోద్ది అని సన్నీని తిట్టాడు. తన మీద నోరు జారినందుకు సన్నీ ఆవేశపడుతుండగా.. మగాడివైతే ఆడుదువు రా అంటూ అతడిని మరింత రెచ్చగొట్టింది ప్రియ. పర్పుల్‌ టీమ్‌ మీద పడి పిల్లోస్‌ తీసుకోవాలని చూసిన ఉమాదేవిని ప్రియ ఓ వస్తువుతో కొట్టింది. తనను మాటంటేనే పడని ఉమా దెబ్బకు దెబ్బ తీయకుండా ఉంటుందా! తన మీద చేయి చేసుకున్న ఆ టీమ్‌ సభ్యులను ఉతికారేయాలని చూసింది. తనను కొడితే డ్రెస్సు చింపుతానని ఉమా అనడంతో యానీ మాస్టర్‌ రెచ్చిపోయింది. ఒసేయ్‌ ఉమా, సిగ్గు లేదా, థూ అని చీదరించుకుంది. మరోపక్క పర్పుల్‌ టీమ్‌ దగ్గరకు వచ్చిన శ్వేతను తన్నేందుకు ప్రయత్నించింది ప్రియ. రక్తాలు వచ్చేలా కొట్టుకు చస్తున్నా పట్టించుకోని బిగ్‌బాస్‌ అంతా అయిపోయాక మాత్రం హౌస్‌లో హింసకు తావు లేదంటూ హెచ్చరిక చేయడం గమనార్హం. శ్రీరామ్‌తో మసాజ్‌ చేయించుకున్న హమీదా ఈ టాస్క్‌ పూర్తయ్యే సమయానికి రెండు టీమ్స్‌ దగ్గరా 11 బెటాన్స్‌ ఉండటంతో ఇరు టీమ్స్‌కు ఐదు జెండాలు పంపించాడు బిగ్‌బాస్‌. ఇక రాత్రిపూట స్విమ్మింగ్‌ పూల్‌ దగ్గర కూర్చున్న శ్రీరామ్‌ హమీదాకు మసాజ్‌ చేశాడు. ఈ సందర్భంగా హమీదా.. నీ దగ్గర ఉండాలనిపిస్తుంది, కానీ అంతలోనే మళ్లీ దూరంగా ఉండాలనిపిస్తుంది అని మనసులోని మాట చెప్పింది. ఈ మాటతో గాల్లో తేలిపోయిన శ్రీరామ్‌.. ఇంకెవరైనా గుర్తొస్తే మాత్రం ఎవరి దగ్గరా ఉండకూడదు అని పంచ్‌ ఇవ్వడంతో ఫక్కున నవ్వేసింది హమీదా. వీరి మధ్య ఏమైనా మొదలువుతుందా? లేదా ఈ ఇద్దరిదీ స్నేహమేనా? అన్నది రానున్న రోజుల్లో తేలనుంది.

బిగ్‌బాస్‌ తెలుగు ఐదో సీజన్‌లో నెవర్‌ బిఫోర్‌, ఎవర్‌ ఆఫ్టర్‌ అన్న రేంజ్‌లో కొట్లాటలు జరుగుతున్నాయి. తొలివారం నుంచే నోటికి పని చెప్పిన కంటెస్టెంట్లు రెండోవారానికి వచ్చేసరికి చేతికి పని చెప్తున్నారు. ఒకరినొకరు తోసుకుంటూ, ఎత్తిపడేస్తూ, కొడుతూ నానా అరాచకం చేస్తున్నారు. మరీ ముఖ్యంగా లేడీ కంటెస్టెంట్లు మాత్రం తగ్గేదేలే అన్న రీతిలో ఫైట్‌ చేస్తున్నారు. కొట్టుకుందాం రా అంటూ కోట్లాది మంది ప్రేక్షకుల ముందే సవాలు విసురుతూ కుస్తీలు పడుతున్నారు. నాగార్జున 5 రెట్ల ఎంటర్‌టైన్‌మెంట్‌ అంటే ఏమో అనుకున్నాం గానీ మరీ ఇంత ఫన్‌ అండ్‌ ఫ్రస్టేషన్‌ ఉంటుందనుకోలేదంటున్నారు ప్రేక్షకులు. ప్రస్తుతం బిగ్‌బాస్‌ హౌస్‌లో కెప్టెన్సీ పోటీదారుల ఎంపిక కోసం టాస్క్‌ నడుస్తోంది. ఇందులో ఇంటిసభ్యులు రెండు గద్ద, నక్క టీములుగా విడిపోయారు. నిన్న వీరి మధ్య నడిచిన మొదటి లెవల్‌ టాస్క్‌ పంతం నీదా నాదాలో ఇంటిసభ్యులు రెచ్చిపోయి మరీ ఆడారు. గాయాలపాలవుతున్నా ఏ ఒక్కరూ వెనకడుగు వేయకుండా ఆడారు. నేడు సాగరా సోదరా అనే రెండో లెవల్‌ టాస్క్‌ మొదలు కానుంది. ఈ మేరకు తాజాగా ప్రోమో రిలీజైంది. ఈ టాస్క్‌లోనూ కంటెస్టెంట్ల మధ్య మరోసారి చిచ్చు రగిలినట్లు తెలుస్తోంది. ఉమాదేవి కొట్టిందని ఆరోపించిన సిరి ఏడ్చేయగా... ఆవేశంతో రగిలిపోయిన యానీ మాస్టర్‌ ఒసేయ్‌ ఉమా, సిగ్గు లేదా? థూ.. అంటూ నిప్పులు చెరిగింది. ఇక నటి ప్రియ.. తన మీదకొస్తే కాలితో తంతానని హెచ్చరించడం గమనార్హం. అయితే ఇలా తన్నించుకోవడానికి బిగ్‌బాస్‌ షోకు రాలేదని ఫైర్‌ అయింది శ్వేత. రసాభాసగా మారనున్న ఈ గేమ్‌లో ఏ టీమ్‌ గెలుస్తుంది? అన్నది ఆసక్తికరంగా మారింది.

Bigg Boss Telugu 5, Episode 09: రెండో వారం నామినేషన్‌ ప్రక్రియ వాడివేడిగా జరిగింది. ఎవరి బలమేంటో తేల్చుకుందాం రండంటూ సవాలు విసిరిన ఉమాదేవి నానాబూతులు కూడా మాట్లాడింది. ఆమె మాటలకు షణ్ముఖ్‌ బిత్తరపోగా యానీ మాస్టర్‌ ఏడ్చేసింది. ఇన్నాళ్లూ ఎంతో కూల్‌గా ఉన్న శ్వేత తనలోని ఉగ్రరూపం చూపించింది. ఆమె కోపానికి కారణమేంటి? ఈ వారం ఎవరెవరు నామినేట్‌ అయ్యారు? అనేది తెలియాలంటే ఈ స్టోరీ చదవాల్సిందే... శ్వేతతో ఫ్లర్ట్‌ చేస్తా, ​కానీ ఆ పిల్లకు అర్థం కావట్లే.. కాజల్‌ మరోసారి తన నోటికి పని చెప్పింది. సన్నీలో మన్మథుడు యాంగిల్‌ కనిపించట్లేదని, మానస్‌ ఫ్లర్టింగ్‌ చేస్తాడని, శ్రీరామచంద్ర అయితే అందులో నెక్స్ట్‌ లెవల్‌ అని జెస్సీతో చెప్పుకొచ్చింది. తనకు ఫ్లర్టింగ్‌ రాదన్న జెస్సీ తర్వాత ఓపెన్‌ అయిపోతూ.. శ్వేతతో ఫ్లర్ట్‌ చేస్తాను కానీ ఆ పిల్లకు అర్థం కావట్లేదన్నాడు. ఎలాగో కాజల్‌ చెవిన పడేశాడు కాబట్టి ఆమె త్వరలోనే శ్వేతకు ఈ విషయం చెప్పడం ఖాయం. నక్క వర్సెస్‌ గద్ద టీమ్‌ మండే రోజు నామినేషన్‌ ప్రక్రియతో మళ్లీ అగ్గి రాజేశాడు బిగ్‌బాస్‌. అందులో భాగంగా ఇంటిసభ్యులను రెండు టీములుగా విడిపోవాల్సి ఉంటుందన్నాడు. నక్క టీములో ఉమాదేవి, లహరి, రవి, జెస్సీ, మానస్‌, సన్నీ, కాజల్‌, శ్వేత, నటరాజ్‌ ఉండగా; గద్ద టీములో లోబో, యానీ మాస్టర్‌, శ్రీరామ్‌, ప్రియ, హమీదా, విశ్వ, సిరి, షణ్ముఖ్‌, ప్రియాంక ఉన్నారు. హౌస్‌మేట్స్‌ ఇంటి నుంచి బయటకు పంపేందుకు నామినేట్‌ చేయాలనుకున్న కంటెస్టెంట్‌పై పెయింట్‌ పూయాల్సి ఉంటుందన్నాడు. అయితే ఇంటిసభ్యులు వాళ్ల టీమ్‌ కాకుండా ఇతర టీమ్‌లో నుంచి ఇద్దరిని నామినేట్‌ చేయాల్సి ఉంటుందని మెలిక పెట్టాడు. సిరి కెప్టెన్‌ కావడంతో ఆమెను ఎవరూ నామినేట్‌ చేయడానికి వీల్లేదు. కిచెన్‌లోకి కాదు, ఆటలోకి రా..: సలహా ఇచ్చిన సన్నీ మొదటగా సిరి.. ఉమాదేవిని, నటరాజ్‌ మాస్టర్‌ను నామినేట్‌ చేసింది. నటరాజ్‌ మాస్టర్‌.. ప్రియ మంచి కోసం చెప్పినా తను నన్ను పక్కకు పిలిచి తిట్టేదని, అక్కడ హర్టయ్యాను అంటూ ఆమెను నామినేట్‌ చేశాడు. దీంతో చిర్రెత్తిపోయిన ప్రియ.. మీరు ముందు ఇన్‌ఫ్లూయెన్స్‌ చేయడం ఆపేయండని కౌంటరిచ్చింది. తర్వాత ప్రియాంక సింగ్‌ను నామినేట్‌ చేశాడు. యానీ మాస్టర్‌.. ఉమాదేవి, కాజల్‌ను; సన్నీ.. టాస్కుల్లో ఇంకా యాక్టివ్‌ కావాలని ప్రియను, కిచెన్‌లో ఉండకుండా ఆటలోకి రమ్మంటూ ప్రియాంక సింగ్‌ను నామినేట్‌ చేశాడు. పెద్ద పెద్ద హీరోలు గుర్తుపడతారు: లోబో సెల్ఫ్‌ డబ్బా ప్రియాంక.. నటరాజ్‌ మాస్టర్‌ను, 'వంట చేస్తే అందరూ తృప్తిగా తింటారనే వండుతాను, అలా అని కిచెన్‌లో ఉండిపోయి గేమ్‌ ఆడటం లేదంటే ఒప్పుకోను' అంటూ సన్నీని నామినేట్‌ చేసింది. మానస్‌.. తాను కెప్టెన్సీ కాకుండా అడ్డుకున్నందుకు లోబోను నామినేట్‌ చేశాడు. దీన్ని సహించలేకపోయిన లోబో.. LOBO నాటే నేమ్‌, ఇట్స్‌ ఏ బ్రాండ్‌, పెద్ద పెద్ద హీరోలు నన్ను గుర్తుపడతరు అని కాసేపు తనకు తాను డప్పు కొట్టుకున్నాడు. సపోర్ట్‌ చేయాలని పోతే తనకే నామం పెడుతున్నారని అసహనానికి లోనయ్యాడు.  మరి ఇదే మాట గతంలో ప్రస్తావించినప్పుడు ఎందుకు చెప్పలేదని మానస్‌ అడగ్గా.. 'మీరు హీరో కదా! విననీకి రెడీ లేరు, నా ముందు యాటిట్యూడ్‌ చూపిస్తున్నవ్‌, కానీ నా ముందు చిన్నపిల్లోడివి' అని ఆవేశపడ్డాడు. తర్వాత మానస్‌.. ప్రియకు రంగు పూసి నామినేట్‌ చేశాడు. ఉమాదేవి, కాజల్‌ను నామినేట్‌ చేసిన విశ్వ అనంతరం విశ్వ.. కంటెస్టెంట్లు కూర లేదన్నప్పుడు నాగార్జున ఇచ్చిన ఆలూ కూర వారికి పెట్టకపోవడం సరికాదంటూ ఉమాదేవిని నామినేట్‌ చేశాడు. అయితే నాగ్‌.. ఆ కూరను ఎవరికీ షేర్‌ చేయొద్దన్నాడని, ఆ మాటకు తాను కట్టుబడి ఉన్నానని ఉమ స్పష్టం చేసింది. ఈ క్రమంలో ఆమె బూతులు కూడా మాట్లాడటంతో ప్రియాంక సింగ్‌ పడీపడీ నవ్వింది. అనంతరం విశ్వ కాజల్‌ను నామినేట్‌ చేశాడు. లహరి.. హమీదా, యానీ మాస్టర్‌ను; హమీదా.. లహరి, సెట్‌ శ్వేత కనబడట్లేదని శ్వేతను నామినేట్‌ చేశారు. ఇక ఉమాదేవి తనవంతు రాగానే ఓ రేంజ్‌లో అందరికీ సవాలు విసిరింది. దమ్ముధైర్యం, బుద్ధిబలం ఉన్నవాళ్లు నాతో ఆడటానికి ట్రై చేయండి అని చాలెంజ్‌ చేసింది. నా పుట్టలో వేలు పెడితే నేను ఊరుకుంటానా అంటూ యానీ మాస్టర్‌, విశ్వలను నామినేట్‌ చేసింది. ఈ క్రమంలో ఉమాదేవి, ప్రియాంకసింగ్‌, యానీ మాస్టర్‌ల మధ్య పెద్ద ఫైటే నడిచింది. నాకు రెస్పెక్ట్‌ అవసరం లేదు అని ఉమా తేల్చి చెప్పడంతో పింకీ.. పోవే ఉమా పో.. అని వ్యంగ్యంగా మాట్లాడింది. సేఫ్‌ గేమ్‌ ఆడుతున్నారు, వాళ్లిద్దరూ ఫేక్‌: శ్వేత లోబో.. టాస్క్‌ ఆడగా, పని చేయగా చూడలేదంటూ శ్వేతను నామినేట్‌ చేశాడు.  రవి తనకు టఫ్‌ కాంపిటీషన్‌ అని, అతడితో దోస్తానా వద్దని దండం పెట్టేసి యాంకర్‌కు రంగు పూశాడు. తర్వాత వచ్చిన శ్వేత ఒక్కొక్కరికీ బొమ్మ చూపించింది. అసలు రంగులు బయటపడుతున్నాయంటూ లోబో కట్టిన ఫ్రెండ్‌షిప్‌ బ్యాండ్‌ను పడేసింది. నా లైఫ్‌లో నన్ను ఎవరూ సపోర్ట్‌ చేయలేదు. ఒక్కదాన్నే ఇక్కడి దాకా వచ్చానని ఆవేశపడింది. కాజల్‌, ప్రియ లేనప్పుడు వాళ్ల గురించి మాట్లాడావు, ఇప్పుడు మాత్రం సేఫ్‌ గేమ్‌ ఆడుతున్నావంటూ లోబోకు ఇచ్చిపడేసింది. సెట్‌ శ్వేత లేదని ఎలా అన్నావు? అంటూ హమీదా మీద చిందులు తొక్కింది. మీరిద్దరూ ఫేక్‌ అని తిట్టిపోసింది. ఉమాదేవి మీద ఉగ్రరూపం, చప్పట్లు కొట్టిన హౌస్‌మేట్స్‌ ఆడవాళ్లకు ఆడవాళ్లైనా గౌరవం ఇవ్వాలని ఉమాదేవి మీద మండిపడటంతో ఇంటిసభ్యులు అందరూ చప్పట్లు కొట్టారు. మిమ్మల్ని సపోర్ట్‌ చేసిన యానీ మాస్టర్‌ను అన్ని మాటలు ఎలా అనగలిగావు? అని నిలదీయడంతో మాస్టర్‌ కన్నీటిపర్యంతమైంది. అయితే ఉమా మాత్రం నోరు మెదపకపోవడం గమనార్హం. ఇక హమీదాను ఫేక్‌ అంటూ గట్టిగా ఆమె ముఖం మీద కొట్టినట్లుగా రంగు పూసింది. కళ్లలో పడుతుందని వారిస్తున్నా తనకు అనవసరం అంటూ దురుసుగా ప్రవర్తించింది. అయితే శ్వేత తను నన్ను కొట్టిందంటూ ఏడ్చేసింది హమీదా. మీ బూతులు వినలేకపోతున్నా: షణ్ముఖ్‌ అది అక్కడున్నవాళ్లందరికీ అర్థం కాగా.. మానవత్వం గురించి మాట్లాడిన నువ్వు చేసిందేంటి? అని శ్వేతను ప్రశ్నించింది ప్రియ. దీంతో తన తప్పు అంగీకరించిన శ్వేత మోకాళ్లపై కూర్చుని హమీదాకు సారీ చెప్పింది. అమ్మాయికి క్షమాపణలు చెప్పింది కానీ తనకు మాత్రం సారీ చెప్పలేదని హర్ట్‌ అయ్యాడు లోబో. అనంతరం షణ్ముఖ్‌.. మీరు కరెక్ట్‌ కావచ్చేమోగానీ హౌస్‌కు కరెక్ట్‌ కాదేమో అనిపిస్తోంది. పైగా మీరు మాట్లాడుతున్న బూతులు వినలేకపోతున్నానంటూ ఉమాదేవిని, ఒరిజినల్‌ క్యారెక్టర్‌ను చూడాలనుకుంటున్నానని జెస్సీని నామినేట్‌ చేశాడు. నామినేషన్‌లో ఏడుగురు కాజల్‌.. యానీ మాస్టర్‌, విశ్వను; జెస్సీ.. విశ్వ, లోబోను; శ్రీరామచంద్ర.. నటరాజ్‌ మాస్టర్‌, వంట రాదని అబద్ధం చెప్పావంటూ కాజల్‌ను నామినేట్‌ చేశారు. దీంతో మరోసారి ఏడ్చేసింది కాజల్‌. ప్రియ.. సేఫ్‌ గేమ్‌ ఆడుతున్నావంటూ సన్నీని, ఆ తర్వాత నటరాజ్‌ మాస్టర్‌ను నామినేట్‌ చేసింది. రవి.. ప్రియాంక సింగ్‌, శ్రీరామచంద్రను నామినేట్‌ చేశాడు. నామినేషన్‌ ప్రక్రియ ముగిసే సమయానికి నక్క టీమ్‌లో నుంచి ఉమా, నటరాజ్‌, కాజల్‌, గద్ద టీమ్‌లో నుంచి లోబో, ప్రియాంక, యానీ, ప్రియ నామినేట్‌ అయినట్లు బిగ్‌బాస్‌ వెల్లడించాడు.