పచ్చటి పంటలతో కళకళలాడాల్సిన మెతుకుసీమలో కర్కశత్వం రాజ్యమేలుతోంది. మానవ సంబంధాలు పూర్తిగా మంటగలుస్తున్నాయి. ఎంతో మేధాస్సు కలిగిన మనిషి ప్రాణానికి విలువ లేకుండా పోయింది. ప్రేమ, వివాహేతర సంబంధాలు, కులాంతర వివాహాలు, భార్యాభర్తల మధ్య అనుమానం, భూ వివాదాలు, ఆస్తి, వ్యాపార, నగదు లావాదేవీలతో ఏర్పడిన కక్షలు, తగాదాలే హత్యలకు ప్రధాన కారణాలుగా నిలుస్తున్నాయి. మానవత్వపు విలువలు మరిచిన కసాయిలు రాక్షసులుగా మారి కనికరం లేకుండా సాటి మనుషులను అత్యంత కిరాతకంగా, పాశవికంగా హతమారుస్తున్నారు. జిల్లాలో ఆందోళన కలిగిస్తున్న వరుస ఘటనపై ప్రత్యేక కథనం..   సాక్షి, మెదక్‌: చిన్నపాటి గొడవలకే కక్ష పూరిత నిర్ణయాలతో ఓ పథకం ప్రకారం హత్యలకు పాల్పడుతున్నారు. చట్టం నుంచి తప్పించుకునేందుకు నేరస్తులు చేసే ఒక్కో ప్రయత్నాలు సినీ ఫక్కీని తలపిస్తున్నాయి. ఒక చోట చంపి మరొక చోట శవాన్ని పడేయటం. ముఖాన్ని గుర్తు పట్టలేనంతగా ఛిద్రం చేయడం వంటివి ఎక్కువగా వెలుగులోకి వస్తున్నాయి. ఈ క్రమంలో పోలీసులు జరిపే క్షేత్రస్థాయి విచారణలో నేరస్తులు పట్టుపడుతున్నప్పటికీ, మరికొన్ని కేసులు పురోగతి లేకుండానే మిగిలిపోతున్నాయి. ఇప్పటికీ కొన్ని ఘటనల్లో హత్యకు గురైన వ్యక్తుల వివరాలు తెలియక పోలీస్‌స్టేషన్లలో కాగితాలకే పరిమితమయ్యాయి.    కుటుంబ ప్రతిష్ఠకు భంగం కలుగుతుందనే..  కుటుంబ పరువు ప్రతిష్ఠతల పరిరక్షణ కోసం ఎక్కువగా హత్యలకు పాల్పడుతూ మానవమృగాలుగా మారుతున్నారు. ప్రేమ, కులాంతర వివాహాలు, వివాహేతర సంబంధాలు, భార్యభర్తల మధ్య అనుమానాలు వంటి ప్రతిష్ఠకు భంగం కలిగించే పలు కారణాలతో అత్యంత కిరాతకంగా మారుతున్నారు.  జిల్లాలో జరిగిన కొన్ని ఘటనలు ఇవి  మరోవ్యక్తితో అక్రమ సంబంధం పెట్టుకున్న భార్య తనను ప్రియుడితో కలిసి ఎక్కడ హతమారుస్తుందోననే భయంతో ఈ ఏడాది ఆగస్టు 17వ తేదీన హవేళిఘణాపూర్‌ మండలం ఔరంగాబాద్‌ తండాకు చెందిన దేవ్లా అతడి భార్య విజయ(26)ను మరో ఇద్దరితో కలిసి పథకం ప్రకారం హత్యచేశారు. దీంతో వారి ముగ్గురు పిల్లల పరిస్థితి అంధకారమైంది.   ఈ ఏడాది అక్టోబర్‌ 26న ఓ గుర్తు తెలియని మహిళను వేరేచోట హత్యచేసి శవాన్ని ముక్కలు ముక్కలు చేసి పాపన్నపేట మండలం ఏడుపాయల దేవస్థానం సమీపంలో పడేశారు.   పాపన్నపేట మండలం ఏడుపాయల దేవస్థానం సమీపంలో ఈ నెల 19వ తేదీన 45 ఏళ్ల వయస్సు కలిగిన ఓ వ్యక్తిని కళ్లల్లో కారం చల్లి, కత్తితో గొంతు కోసి, బండరాయితో తల పై బాది కుటుంబీకులే అత్యంత దారుణంగా హత్య చేశారు.   కక్ష పూరితంగానే హత్యలు..  ప్రతీ హత్య వెనుక కక్ష పూరిత నిర్ణయాలు ఉంటున్నాయి. పథకం ప్రకారమే హత్యలు చేస్తూ నేరాలకు పాల్పడుతున్నారు. ప్రతీ కేసులో హత్యకు గల కారణాలను తెలుసుకుంటూ నిందితులను గుర్తించి పురోగతి సాధిస్తున్నాము. ప్రేమ, వివాహేతర సంబంధాలు, కుటుంబ తగాదాలే ఘటనలకు కారణమవుతున్నాయి. నేరస్తుల పై చట్టం కఠినంగా వ్యవహరిస్తుంది.     –  కృష్ణమూర్తి, డీఎస్పీ, మెదక్‌   గుర్తు తెలియని మృతదేహాలు  2017 2018 2019  పురుషులు 19 13 18 స్త్రీలు 02 07 06 మొత్తం 21 20 24

బరంపురం : నగర శివారు గిరిసిల జంక్షన్‌లో ఒక గుర్తు తెలియని మహిళ మృతదేహాన్ని పోలీసులు గురువారం కనుగొన్నారు. ఐఐసీ అధికారి ఆలేఖ్‌ జెనా అందించిన సమాచారం ప్రకారం వివరాలిలా ఉన్నాయి. ఉదయం గొళంతర పోలీస్‌స్టేషన్‌ పరిధి లోని గిరిసిల జంక్షన్‌ ప్రాంగణంలో గల పొలాల్లో శరీరంపై ఎటువంటి ఆచ్ఛాదన లేకుండా పడి ఉ న్న గుర్తుతెలియని మహిళ మృతదేహం స్థానికుల కంట పడింది. సమాచారం అందుకున్న గొళంతరా పోలీసులు వెంటనే సంఘటనా స్థలానికి చేరుకుని సైంటిఫిక్‌ బృందం, డాగ్‌ స్క్వాడ్‌కి సమాచారం అందజేశారు. సమచారం అందుకున్న సైంటిఫిక్‌ బృందం, డాగ్‌ స్క్వాడ్‌ సంఘటనా స్థలానికి చేరుకుని పరిశీలించి ముందుకు వెళ్లాయి.  వాసన చూస్తూ డాగ్‌ స్క్వాడ్‌ ముందుకు వెళ్లడంతో  సైంటిఫిక్‌ బృందం సభ్యులు అణువణువునా అధారాలు సేకరించారు. అనంతరం గుర్తు తెలియని మహిళమృతదేహాన్ని పోలీసులు స్వాధీనం చేసుకుని పోస్ట్‌మార్టం కోసం ఎంకేసీజీ మెడికల్‌ కళాశాలకు తరలించారు. మహిళ మృతదేహాన్ని పరిశీలిస్తే మహిళపై లైంగికదాడికి పాల్పడి అనంతరం హత్య చేసినట్లు అనిపిస్తోందని పోలీసులు అనుమానాలు వ్యక్తం చేస్తున్నారు. మృతురాలిని 45 నుంచి 47 ఏళ్ల వయస్సులోపు గల తెలుగు మహిళగా సందేహిస్తున్నట్లు ఐఐసీ ఆలేఖ్‌జెనా తెలియజేస్తున్నారు. కేసు నమోదు చేసి దర్యాప్తు చేపట్టామని పోస్ట్‌మార్టం రిపోర్ట్‌ వచ్చిన అనంతరం వాస్తవాలు వెలుగులోకి రానున్నాయని ఐఐసీ చెప్పారు.  

చిలప్‌చెడ్‌(నర్సాపూర్‌): చిలప్‌చెడ్‌ గ్రామ శివారులోని కల్వర్ట్‌ కింద సుమారు 45 నుంచి 50 సంవత్సరాల వయస్సు ఉన్న గుర్తు తెలియని మగ వ్యక్తి మృతదేహాన్ని గుర్తించినట్లు నర్సాపూర్‌ సీఐ శ్రీనివాస్‌రెడ్డి తెలిపారు.  ఈ సందర్భంగా మంగళవారం సీఐ తెలిపిన వివరాల ప్రకారం చిలప్‌చెడ్‌ శివారులోని జోగిపేట్‌ – నర్సాపూర్‌ ప్రధాన రహదారి పక్కనే ఉన్న కల్వర్టు కింద మృతదేహం లభ్యమైందని, ముందుగా పశువులు కాసే వారు దాన్ని గుర్తించారన్నారు. మృతదేహాన్ని సంచిలో కట్టి అక్కడ పడేశారన్నారు. మృతదేహం వద్ద దుర్గంధం ఎక్కువగా రావడంతో బుధవారం ఉదయం వెలికి తీసి వివరాలు సేకరించి, దర్యాప్తు ప్రారంభిస్తామన్నారు. 


 మేడ్చల్ జిల్లా కేంద్రంలోని రామలింగేశ్వర ఆలయం వద్ద ఉన్న దేవునికుంటలో గుర్తు తెలియని మృతదే హం(40) పడి ఉంది. శుక్రవారం ఉదయం స్థానికులు గమనించి పోలీసులకు సమాచారం అందించారు. సంఘటన స్థలికి చేరుకున్న పోలీసులు మృతదేహాన్ని ప్రభుత్వ ఆస్పత్రి మార్చురీకి తరలించి దర్యాప్తు చేపట్టారు.
 
  


 కీసర మండలం యాద్‌గార్‌పల్లి చౌరస్తా వద్ద వాగులో ఓ గుర్తుతెలియని శవం కొట్టుకువచ్చింది. కీసర మండలం యాద్‌గార్‌పల్లి చౌరస్తా వద్ద వాగులో ఓ గుర్తుతెలియని శవం కొట్టుకువచ్చింది. స్థానికులు గమనించి పోలీసులకు సమాచారం అందించారు. వర్షాల కారణంగా ఎక్కడైనా గల్లంతైన వ్యక్తి మృతదేహమా.. లేక వాగులో ఎవరైనా ఆత్మహత్య చేసుకున్నారా అనే కోణంలో పోలీసులు దర్యాప్తు చేస్తున్నారు. పూర్తి వివరాలు తెలియాల్సి ఉంది.


 ఎచ్చర్ల (శ్రీకాకుళం) : శ్రీకాకుళం జిల్లా ఎచ్చర్ల మండలకేంద్రంలో ఓ వ్యక్తి హత్యకు గురయ్యాడు. జాతీయరహదారిపై తమ్మినీడుపేట సమీపంలోని టోల్‌గేట్ వద్ద పొదల్లో శనివారం మధ్యాహ్నం గుర్తుతెలియని మృతదేహాన్ని స్థానికులు గుర్తించారు. పోలీసులకు సమాచారం ఇవ్వటంతో డీఎస్పీ భార్గవప్రసాదరావు సంఘటన స్థలాన్ని పరిశీలించారు. చుట్టుపక్కల వారిని విచారించి, మృతుని ఆచూకీ కోసం దర్యాప్తు ప్రారంభించారు.


 కర్నూలు జిల్లా పాములపాడు మండలం అలగనూరు కాలువలో గుర్తుతెలియని మృతదేహాం బయట పడింది. నీటి తో తేలుతున్న పురుషుని శరీరం శనివారం స్థానికులు గమనించారు. మృతుడికి సుమారు 45 సంవత్సరాల వయసు ఉంటుందని పోలీసులు తెలిపారు. కేసు నమోదు చేసుకుని దర్యాప్తు చేస్తున్నారు.ఔ
 
 
  


 కొండ పై మేకలు కాస్తున్న వ్యక్తులకు దుర్ఘంధం వస్తుండటంతో.. భూమిని తవ్వి చూస్తే.. ఆ ప్రాంతంలో మృతదేహం లభ్యమైంది. దీంతో వారు పోలీసులకు ఫిర్యాదు చేశారు. రంగంలోకి దిగిన పోలీసులు సంఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఆస్పత్రికి తరలించారు. ఈ సంఘటన వైఎస్సార్ కడప జిల్లా లింగాల మండలం మురారి చింతల గ్రామ సమీపంలోని ఎర్రమోతు కొండపై బుధవారం వెలుగుచూసింది. ఘటనకు సంబంధించి మరింత సమాచారం తెలియాల్సి ఉంది.
 
  


 ఆదిలాబాద్ జిల్లా జైపూర్ మండలం రసూల్‌పల్లి శివారులోని పెద్దవాగులో గురువారం మధ్యాహ్నం గుర్తుతెలియని మృతదేహం కనుగొన్నారు.  ముప్పై సంవత్సరాలు ఉన్న పురుషుని మృతదేహం వాగులో కొట్టుకు రావడం చూసిన స్థానికులు పోలీసులకు సమాచారం అందించారు. జైపూర్ పోలీసులు వచ్చి మృతదేహాన్ని వెలికి తీశారు. మృతునికి సంబంధించిన పూర్తి వివరాలు సేకరించేందుకు పోలీసులు ప్రయత్నాలు చేస్తున్నారు.
 
  


 కంభదూర్ మండలకేంద్రంలోని చెరువులో సోమవారం ఓ గుర్తుతెలియని మృతదేహం దొరికింది.  హత్య చేసి చెరువులో పడవేసి ఉంటారని స్థానికులు అనుమానిస్తున్నారు. శవం బాగా కుళ్లిపోవటాన్ని బట్టి చూస్తే నెల రోజుల క్రితమే ఈ సంఘటన జరిగి ఉండవచ్చునని అనుమానిస్తున్నారు. పోలీసులు కేసు నమోదు చేసి దర్యాప్తు చేస్తున్నారు. మృతుడు స్థానికుడు కాకపోవచ్చని పోలీసులు భావిస్తున్నారు.
 
  


 చాపాడు : వైఎస్సార్ జిల్లా చాపాడు మండలం సీతారాంపురం గ్రామం వద్ద కుందూ నదిలో ఓ గుర్తు తెలియని మృతదేహం శనివారం వెలుగు చూసింది. మూటలో కట్టి ఉన్న మృతదేహాన్ని పోలీసులు స్వాధీనం చేసుకున్నారు. కేసు నమోదు చేసుకుని దర్యాప్తు చేస్తున్నారు. ఎవరో హత్య చేసి మృతదేహాన్ని వదిలేసి వెళ్లి ఉంటారని భావిస్తున్నారు.


 పంటపొలల్లో గుర్తుతెలియని మృతదేహం కలకలం రేపింది. కృష్ణా జిల్లా కంచికచర్ల మండల శివారు పంట పొలల్లో ఈ రోజు పని చేసుకోవడానికి వెళ్లిన రైతులుకు మృతదేహం కనిపించింది.  దీంతో వారు పోలీసులకు సమాచారం అందించారు. రంగంలోకి దిగిన పోలీసులు సంఘటనా స్థలానికి చేరుకొని మృతదేహాన్ని స్వాధీనం చేసుకొని పోస్టుమార్టం నిమిత్తం ఆస్పత్రికి తరలించారు. మృతుడి వివరాలు తెలియరాలేదు. మృతుడు ఎవరు? సమీప గ్రామాలకు చెందిన వ్యక్తా..? లేక ఎక్కడైనా హత్యచేసి.. మృత దేహాన్ని ఇక్కడ పడేశారా..? అన్నకోణంలో పోలీసులు దర్యాప్తు చేస్తున్నారు.
 
  


 చర్లపల్లి ఫేజ్5 ప్రాంతంలో ఆదివారం ఉదయం గుర్తు తెలియని మృతదేహం లభ్యమైంది. చనిపోయిన వ్యక్తి నేపాల్‌కు చెందిన వ్యక్తిగా పోలీసులు అనుమానిస్తున్నారు. వ్యక్తి వయసు 27 నుంచి 30 మధ్య ఉండవచ్చు. సంఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.
 
  


 దండేపల్లి (ఆదిలాబాద్) : గోదావరి నదిలో గుర్తుతెలియని మృతదేహాన్ని గుర్తించిన స్థానికులు పోలీసులకు సమాచారం అందించారు. ఈ ఘటన ఆదిలాబాద్ జిల్లా దండేపల్లి మండలం గూడెం గ్రామ సమీపంలో శనివారం చోటుచేసుకుంది. గ్రామ శివారులో పని చేసుకుంటున్న రైతులకు మృతదేహం కనిపించడంతో.. పోలీసులకు ఫిర్యాదు చేశారు. రంగంలోకి దిగిన పోలీసులు మృతదేహాన్ని స్వాధీనం చేసుకొని పోస్టుమార్టం నిమిత్తం ఆస్పత్రికి తరలించారు.


 రేగిడి (శ్రీకాకుళం) : మామిడి తోటలో గుర్తుతెలియని మృతదేహాన్ని గుర్తించిన స్థానికులు పోలీసులకు సమాచారం అందించిన ఘటన శ్రీకాకుళం జిల్లా రేగిడి మండలం కాగితపల్లి గ్రామంలో గురువారం వెలుగుచూసింది. గ్రామ శివారులో ఉన్న మామిడి తోటలో ఓ వ్యక్తి మృతదేహం కనిపించడంతో తోటలో పని చేస్తున్న కూలీలు పోలీసులకు సమాచారం అందించారు. దీంతో రంగంలోకి దిగిన పోలీసులు సంఘటనా స్థలానికి చేరుకొని మృతదేహాన్ని స్వాధీనం చేసుకొని పోస్టుమార్టం నిమిత్తం ఆస్పత్రికి తరలించారు.


 కొత్తకోట (మహబూబ్‌నగర్) : మహబూబ్‌నగర్ జిల్లా కొత్తకోట మండలం మదనాపురం గ్రామ సమీపంలోని సరళా సాగర్ కుడికాలువలో శక్రవారం గుర్తుతెలియని వ్యక్తి మృతదేహం కొట్టుకొచ్చింది. ఇది గుర్తించిన స్థానికులు పోలీసులకు సమాచారం అందించారు. దీంతో రంగంలోకి దిగిన పోలీసులు మృతదేహాన్ని బయటకు తీసి పోస్టు మార్టం నిమిత్తం ఆస్పత్రికి తరలించి కేసు నమోదు చేసుకొని దర్యాప్తు చేస్తున్నారు.


 నల్గొండ జిల్లా పెద్దకప్పర్తి గ్రామంలోని గాంధీ ఆలయం వద్ద గుర్తుతెలియని యువకుని మృతదేహాన్ని సోమవారం ఉదయం స్థానికులు కనుగొన్నారు. మృతుడికి 30 ఏళ్లు ఉండవచ్చని పోలీసులు తెలిపారు. మృతదేహాన్ని ప్రభుత్వ  ఆస్పత్రికి తరలించారు. కేసునమోదు చేసుకున్న పోలీసులు మృతుని ఆచూకి కనుగొనేందుకు ప్రయత్నిస్తున్నారు.
  


 కాకినాడ (తూర్పుగోదావరి) : తూర్పు గోదావరి జిల్లా సామర్లకోట- పెద్దాపురం మార్గమధ్యంలో ఏడీబీ రోడ్డు పక్కన గుర్తుతెలియని పురుషుడి మృతదేహాన్ని ఆదివారం ఉదయం స్థానికులు కనుగొన్నారు. నీలం రంగు ప్యాంటు, నీలం గళ్ల చొక్కా ధరించిన సుమారు 45 సంవత్సరాల వయసున్న వ్యక్తి మృతదేహం రోడ్డు పక్కన పడి ఉంది. గమనించిన స్థానికులు పోలీసులకు సమాచారం అందించారు. దీనికి సంబంధించి పూర్తి వివరాలు తెలియాల్సి ఉంది.


 హైదరాబాద్ : హైదరాబాద్ నగరంలోని చాదర్‌ఘాట్ బ్రిడ్జి కింద మంగళవారం సాయంత్రం గుర్తు తెలియని మృతదేహాన్ని స్థానికులు కనుగొని పోలీసులకు సమాచారం ఇచ్చారు. పోలీసులు సంఘటనా స్థలాన్ని పరిశీలించారు. గుర్తు పట్టడానికి వీలు లేకుండా మృతదేహం కుళ్లిపోయి ఉంది. దుర్వాసన వస్తుండడంతో స్థానికులు గమనించి పోలీసులకు తెలిపారు. మృతదేహం ఎవరిదో గుర్తించేందుకు పోలీసులు ప్రయత్నాలు చేస్తున్నారు.


 రంగారెడ్డి (మొయినాబాద్) : రంగారెడ్డి జిల్లా మొయినాబాద్ మండలం ఎనికేపల్లి శివారులో గుర్తుతెలియని వ్యక్తి శనివారం అర్ధరాత్రి దారుణ హత్యకు గురయ్యాడు. హతుడి వివరాలు తెలియరాలేదు. చనిపోయిన వ్యక్తి వయసు సుమారు 45 సంవత్సరాలు ఉండవచ్చు. స్థానికుల సమాచారంతో సంఘటనాస్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం స్థానిక ప్రభుత్వాసుపత్రికి తరలించారు.


 భువనగిరి (నల్లగొండ) : గుర్తుతెలియని రైలు ఢీకొని వ్యక్తి మృతిచెందాడు. ఈ సంఘటన నల్లగొండ జిల్లా భువనగిరి రైల్వే స్టేషన్ పరిధిలో మంగళవారం జరిగింది. రైలు పట్టాల మీద మృతదేహాన్ని గుర్తించిన స్థానికులు రైల్వే పోలీసులకు సమాచారం అందించారు. సంఘటనా స్థలానికి చేరుకున్న రైల్వే పోలీసులు మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించి కేసు నమోదు చేసుకొని దర్యాప్తు చేస్తున్నారు. కాగా  మృతుడి వయసు సుమారు 50 సంవత్సరాలు ఉంటుందని, పూర్తి వివరాలు తెలియాల్సి ఉందని రైల్వే పోలీసులు అంటున్నారు.


 కూకట్‌పల్లి (హైదరాబాద్) : చెరువులో గుర్తుతెలియని మృతదేహం కనిపించడంతో.. స్థానికులు పోలీసులకు సమాచారం అందించారు. ఈ సంఘటన కూకట్‌పల్లి పోలీస్‌స్టేషన్ పరిధిలోని ప్రగతి నగర్ చెరువు దగ్గర శుక్రవారం జరిగింది.
 
 సుమారు 30 నుంచి 35 సంవత్సరాల మధ్య వయసు గల పురుషుని మృతదేహాన్ని స్వాధీనం చేసుకున్న పోలీసులు పోస్టుమార్టం నిమిత్తం ఆస్పత్రికి తరలించారు. ఎవరైనా హత్య చేసి తెచ్చి చెరువులో పడేశారా.. లేక ఆత్మహత్య చేసుకున్నాడా అనే కోణంలో పోలీసులు దర్యాప్తు చేస్తున్నారు.


 నర్సింహుల పేట (వరంగల్) : ఓ వ్యక్తిని దుండగులు హత్య చేసి చెరువులో పడేశారు. ఈ ఘటన వరంగల్ జిల్లా నర్సింహుల పేటలో ఆదివారం వెలుగు చూసింది. మండలంలోని కుమరికుంట్ల గ్రామ శివారులోని చెరువులో ఓ వ్యక్తి(40)ని దుండగులు హత్య చేసి పడేశారు.
 
 ఈ విషయాన్ని ఆదివారం ఉదయం గమనించిన స్థానికులు పోలీసులకు సమాచారం ఇచ్చారు. దీంతో సంఘటనా స్థలానికి చేరుకున్న పోలీసులు మృతదేహాన్ని పోస్ట్‌మార్టంకు తరలించారు. కాగా మృతుడి వివరాల కోసం దర్యాప్తు ప్రారంభించారు.


 అనంతపురం : వ్యవసాయ బావిలో గుర్తుతెలియని మృతదేహాన్ని గుర్తించిన స్థానికులు పోలీసులకు సమాచారం అందించారు. ఈ సంఘటన అనంతపురం జిల్లా చిలమత్తూరు మండలం మోరంపల్లి గ్రామ సమీపంలో సోమవారం జరిగింది. సంఘటనా స్థలానికి చేరుకొన్న పోలీసులు మృతదేహాన్ని బయటకు తీసి దర్యాప్తు ప్రారంభించారు.
 
 మృతునికి సుమారు 35 సంవత్సరాల వయసు ఉంటుందని, మూడు, నాలుగు రోజుల కిందటే ఈ దారుణం జరిగి ఉంటుందని పోలీసులు అనుమానిస్తున్నారు. మృతదేహాన్ని పోస్టుమార్టం నిమిత్తం హిందూపూర్ ప్రభుత్వ ఆస్పత్రికి తరలించారు.


 దిల్‌సుఖ్నగర్ (హైదరాబాద్) : నగరంలోని సరూర్‌నగర్ చెరువులో 30 ఏళ్ల వయసున్న ఓ వ్యక్తి మృతదేహాన్ని సోమవారం గుర్తించారు. చెరువులో దూకి ఆత్మహత్య చేసుకుని ఉంటాడని భావిస్తున్నారు. మృతుడి వివరాలు తెలియాల్సి ఉంది.
 
 స్థానికుల సమాచారంతో పోలీసులు చెరువు దగ్గరకు చేరుకుని మృతదేహాన్ని వెలికి తీయించారు. మృతుడి ముఖంపై రక్తపు మరకలు ఉండడంతో హత్య జరిగిందేమోననే అనుమానాలు వ్యక్తమవుతున్నాయి. దీనికి సంబంధించి మరిన్ని వివరాలు తెలియాల్సి ఉంది.