న్యూఢిల్లీ: యువతలో నైపుణ్యాల అభివృద్ధి కోసం  మేరా యువ భారత్‌ (మై భారత్‌) అనే స్వతంత్ర ప్రతిపత్తిగల సంస్థ ఏర్పాటుకు బుధవారం కేంద్ర కేబినెట్‌ ఆమోదం తెలిపింది. ప్రధాన మంత్రి నరేంద్ర మోదీ నేతృత్వంలో జరిగిన కేబినెట్‌ సమావేశంలో యువతలో నైపుణ్యాల అభివృద్ధి, నాయకత్వ లక్షణాల పెంపు కోసం ఒక వేదికను ఏర్పాటు చేయాలని నిర్ణయించారు. ఈ విషయాన్ని కేంద్ర మంత్రి అనురాగ్‌ ఠాకూర్‌ విలేకరులకు వెల్లడించారు. అక్టోబర్‌ 31న సర్దార్‌ వల్లభాయ్‌ పటేల్‌ జయంతిని పురస్కరించుకొని ఈ సంస్థను జాతికి అంకితం చేయనున్నారు. యువతలో నైపుణ్యాలను, ఆకాంక్షాలను వెలికి తీయడమే లక్ష్యంగా ఆ సంస్థ పనిచేస్తుందన్నారు. మరోవైపు కేబినెట్‌ సమావేశంలో కొన్ని ఖనిజాలకు సంబంధించిన రాయల్టీ రేట్లను నిర్ణయించారు. లిథియం, నియోబియం ఖనిజాలకు 3%, అరుదుగా లభించే రేర్‌ ఎర్త్‌ ఎలిమెంట్స్‌ (ఆర్‌ఈఈ)లకు ఒక్క శాతం రాయల్టీ నిర్ణయిస్తూ కేబినెట్‌ నిర్ణయం తీసుకుంది.


 హైదరాబాద్: విలీన దినోత్సవం, ఉక్కు మనిషి సర్దార్ వల్లభాయ్ పటేల్ జయంతిని నిర్వహించనందుకు తెలంగాణ ప్రభుత్వం క్షమాపణ చెప్పాలని బీజేపీ నాయకుడు నాగం జనార్దనరెడ్డి డిమాండ్ చేశారు. సర్దార్ పటేల్ జయంతి కార్యక్రమానికి హాజరయ్యే సమయం కూడా సీఎం కేసీఆర్ కు లేదా అని ఆయన ప్రశ్నించారు. తెలంగాణకు స్వాతంత్ర్యం తెచ్చిన పటేల్ జయంతిని రాష్ట్ర ప్రభుత్వం విస్మరించడం భావ్యం కాదన్నారు.
 
 సర్దార్ వల్లభాయ్ పటేల్ జయంతిని జరపకపోవడం దేశద్రోహం... జాతిద్రోహమని బీజేపీ ప్రధాన కార్యదర్శి దేవేందర్ రెడ్డి అన్నారు. కేంద్రంలో తమ ప్రభుత్వం ఉన్నా రాష్ట్రంలో నిర్వహించాల్సిన బాధ్యత ఇక్కడి ప్రభుత్వంపై ఉందన్నారు.